JW subtitle extractor

Telo andra talohany nifatesany Jesosy,
iro Apostolinany aby io
nan̈apetraka fan̈ontanian̈a raha
maro maventy taminany.
Misy vokany amintsika koa raha zen̈y.
Iro nan̈ontany Jesosy:
“Karakory hahaizanay fan̈atrehanao
ndreky farany rafitry donia ty.”
Akory ho Jesosy?
Izy nan̈ambara raha maro hiboaka,
amy fotoan̈a araiky miavaka
alohany haviany donia vaovao
nampan̈antinain̈y io,
karaha ataony ady, horohorontany,
mosary baka io valan̈aretin̈y.
Avio Jesosy nivolan̈a koa:
Hitantsika baka amy zen̈y fa
nankamafisiny Jesosy tsarabe fa
Noa io, olo ten̈a nisy ankitin̈y,
baka io koa safodrano io
raha ten̈a nisy ankitin̈y,
mifan̈araka amy tantara.
Nampitandrin̈y atsika koa Jesosy
fa fotoan̈a nisy olo tamy safodrano io,
tsisy ny hafa amy fotoan̈a
hiain̈antsika aminandra zioty.
Ke ten̈a ilaintsika mandiniky,
ino raha nandalo taminandrany
Noa talohany safodrano,
avio ino fianaran̈a azontsika baka amy zen̈y?
Izikoa atsika mamaky toko
voanalohandohany
amy bokiny Genesisy ao,
ho hitantsika karakory fiain̈ana
taonjato maro talohany Noa,
dikany zen̈y,
tafarany nandroasan̈a Adama ndreky
Eva tamy zaridainy Edena tao.
Mbala araiky fo fivolan̈ananolo tamy zen̈y.
Nanan̈a fahafahan̈a olo jiaby tamy zen̈y,
hahay asa soratra.
Iro nan̈orin̈y tanàna,
mety tanàna maro foeky.
Iro nianatra nanefy
volafotsy ndreky varahin̈y.
Iro koa nan̈amboatra raha man̈ena
karaha ataony harpa ndreky flûte.
Ela velon̈o koa iro,
fotony iro mbala narikitry
fahalavorarian̈any Adama ndreky Eva,
ke iro nahadin̈y niain̈y anjatony taon̈o.
Fa tsy raha jiaby tsara karaha zen̈y.
Olo tsy nijery Jehovah zen̈y foeky.
Ino vokany?
Iro nanjary kafiry ndreky ratsy fitondranten̈a.
Nahairatsy fo olo,
ke Jehovah nan̈iraka Enoka olo marin̈y
nivolan̈a fa
Zan̈ahary tsy handefitry tsisy farany,
aminolo ratsy fan̈ahy aby io.
Ke mbala hitsarain̈y iro io,
ke haripany iro olo jiaby tsy mavozo izy io.
Mazava hoazy fa
tsy tiandro olo aby io foeky
naharen̈y hafatra nikoran̈iny Enoka io.
Halandro Enoka ke
tiandro hivonena foeky!
Mbala tsy endriky tanteraka
faminanian̈a nikoran̈iny Enoka in̈y,
izy efa naty.
Koa fa afaka 600 taon̈o,
nahainandombolombo fo haratsiany fiain̈ana,
tambony tany teto.
Alô hitandrin̈esantsika Gen 6:1-7:
“Izikoa fa nahainaro olombelon̈o
tambony tany teto,
iro niteraka tsaiky man̈angy koa,
Ke hitandro zanaka Zan̈ahary aby io fa
iro man̈angy zanakanolombelon̈o
aby io maro tsara sora.
Ke iro nifidy zay tiandro nataondro vady.
Jehovah nivolan̈a:
“Zaho tsy handefitry tsisy farany aminolombelon̈o,
fotony iro io nofotro fo.
Ke ho zato ropolo taon̈o
fo andra hiain̈andro.”
Taminy andra zen̈y ndreky tafaranizen̈y,
nisy Nefilima tambony tany teto,
iro zanaka Zan̈ahary
aby io koa fa nanambady
iro man̈angy zanakanolombelon̈o aby io.
Iro Nefilima aby io fatatra sady
nalaza tamy fotoan̈any zen̈y.
Hitany Jehovah tany ty feno olo ratsy fan̈ahy.
Tsisy raha nanjary tan̈atiny jerindro.
Ke Jehovah nanen̈iny nan̈amboatra
olo tambony tany teto,
baka io fonany nalahelo.
Ke Jehovah nivolan̈a:
“Haripako an̈y iro olo aby
namboariko aby io,
ke tsy ho hisy tavela ambony tany,
firaka olo ndreky biby tarimin̈y
ndreky biby mandady,
baka io biby mitilin̈y amy lan̈itry,
fotony nanen̈iny zaho niasa iro.”
Tamy fotoan̈any zen̈y,
nisy anjely sasany tandan̈itry tan̈y,
nizaha iro man̈angy zanakolombelon̈o,
ke nan̈iry hanambady iro.
Ke iro anjely aby io nivadiky tamy Zan̈ahary,
nandeha tambony tany tatỳ,
ke nangala vatan̈anolombelon̈o.
Iro amizay nanambady iro man̈angy aby io.
Iro nanjary demony,
tia ten̈a, ndreky ratsy fan̈ahy.
Iro anjely aby io zatovo,
mahay raha, tsara sora,
baka io nan̈afahafa angovondro.
Potiky ankitin̈y iro man̈angy aby io
izikoa fa nahita iro anjely aby io,
sirto eky baka,
iro man̈angy tsy tia Zan̈ahary aby io.
Man̈angy sasany baka,
mety efa nataondro anjely aby io forse foeky.
Na karakory na karakory,
iro anjely aby io nifidy lan̈iany
tiandro tamy man̈angy aby io.
Tamy fotoan̈any zen̈y,
tsisy olo nahavita nisakan̈a
asa ratsindro demony aby io.
Iro anjely ratsy aby io tsy nifidy foeky,
na zanakanolo,
anabavinolo,
ndray vadinolo mbala ravaindro fo.
Loso navesatra amizay iro man̈angy aby io,
ke niteraka lelahy.
Fa zanakandro io baka tio
tsy karaha tsaiky jiaby.
Iro fatatra mare.
Iro tsy vitany nampijaly olo fo fa,
iro koa kafiry mare.
Karaha zen̈y fo toetrindro
tsaiky aby io firaka iro be.
Iro baka io koa fa be,
iro mbala nahaikafiry fo koa.
Nefilima nikahian̈a iro io.
Dikany izio mety “pandavo olo,”
ke olo navozo iro mare.
Mira babandro fo,
iro Nefilima aby io tsy tia Zan̈ahary.
Ke raha ten̈a tiandro, iro
malaza fatatra ndreky kafiry.
Iro anjely aby baka andan̈itry in̈y
ndreky taranakandro fo,
nanjaka mare tambony
tany teto tamy zen̈y,
ke olo loso nangala tahaka iro koa.
Ke hitany Jehovah tany ty,
feno olo ratsy fan̈ahy,
“raha tsy manjary fo raha
tan̈aty jerindro tan̈y
rango maraindrain̈y firaka tsofotroandra.”
Ravoravo mare Satana
nahita ankamarozanolo
nanjary tsy tia Jehovah,
avio koa nanjary ratsy fitondranten̈a.
Fa ndray feno olo ratsy fan̈ahy
tambony tany teto,
nisy lelahy araiky tsy
nivadiky tamy Jehovah.
Alô hitandrin̈esintsika Genesisy 6
manomboko aminy andininy faha 8:
“Fa Jehovah ndraiky nankasitraka Noa.
Karaha ty tantarany Noa:
Noa io olo marin̈y,
izy tsy nanantsin̈y taminolo
jiaby niaraka niain̈y taminany.
Noa nan̈ano dia araiky tamy Zan̈ahary.
Izy nananjanaka telo lahy,
Sema, Hama ndreky Jafeta.
Ke hitany Zan̈ahary marin̈y io fa
robaka ndreky feno olo kafiry tany ty.
Ia, hitany Zan̈ahary fa robaka tany ty,
fotony nan̈ano raha tsy manjary
olo jiaby tambony tany teto.”
Misy olo amizioty mivolan̈a fa
Noa zen̈y olo tsiary nisy foeky.
Avio tantarany sambofiara
ndreky Safodrano zen̈y,
zen̈y raha angano fo.
Iro panoratra Baiboly aby io nahay fa
Noa avio Safodrano zen̈y,
iro io raha ten̈a nisy ankitin̈y.
Paminany Isaia ndreky Ezekiela,
samby nikoran̈a raha momba Noa.
Karaha zen̈y koa Ezra panoratra
Tantara Voanalohany,
ndreky Lioka panoratra Filazantsara,
samby mikoran̈a Noa koa iro,
iro koa fa mikoran̈a momba tetirazan̈a.
Apostoly Paoly ndreky Petera koa,
samby nikoran̈a tantarany safodrano,
amy bokiny Genesisy in̈y.
Avio atsika in̈y nikoran̈a fa
Jesosy Zanaka Zan̈ahary lastio,
nivolan̈a fa
Noa in̈y olo ten̈a nisy ankitin̈y,
avio Safodrano io raha
ten̈a nandalo ankitin̈y.
Nanan̈a finoan̈a niavaka Noa.
Ratsy mare olo taminandrany Noa,
fotony tio iro anjely baka tandan̈itry in̈y,
iro taranakandro maro kafiry aby in̈y,
baka io koa iro olo aby
tsy navozo Zan̈ahary in̈y.
Noa tsy nanan̈a raha marobe
karaha anan̈antsika zioty,
nankafatarany finoan̈anany.
Noa tsy nanan̈a Baiboly zen̈y ke
han̈ampy izy ho tia Jehovah,
ndreky han̈araka lalan̈anany.
Izy tsy nahay fa afara atỳ hoisy
lelahy ndreky man̈angy maro hoe
tsy hivadiky amy Jehovah.
Taminandrany Noa mbala tsisy
fiangonan̈a ndreky piaramanompo zen̈y,
ke han̈amia korazy izy,
ndreky hankafatatra finoan̈anany.
Fa misy raha hainy fo ndraiky tamy zen̈y.
Hainy raha nandalo tamy
zaridainy Edena tan̈y.
Hitany koa fa ten̈a ratsy vokatranizin̈y.
Hitany olo nahainatoe ndreky naty.
Hainy fa nirahiny Zan̈ahary nisakanan̈a
lalan̈a mandeha amy zaridainy Edena,
avio koa tany jiaby ambelan̈a
zio efa nozon̈iny Jehovah.
Nazava tsarabe tamy Noa koa
faminanian̈a nikoran̈iny
Enoka dadilahiny in̈y.
Hainy Noa koa fa
Lameka babany nan̈ano an̈aran̈anany io.
Dikanizio “fangalan̈a kajo”
na “fankahirezan̈a,”
fotony izy hitondra fankahirezan̈a amintsika.
Karaha fa nivolan̈iny babany in̈y,
“izy hitondra fankahirezan̈a amintsika fotony
miasa mare ndreky kajo mare atsika,
nohony tany ozon̈iny Jehovah.”
Azo antoko fa
ten̈a nisaintsain̈iny Noa faminanian̈a aby io.
Akory hitondrasany fankahirezan̈a?
Ombian̈a ndreky karakory
handripahany Jehovah
olo ratsy fan̈ahy man̈odidin̈y izy?
Anjatony taon̈o,
Noa nivavaka ndreky
nisaintsain̈y momba raha zen̈y.
Koa fa nandeha andra,
Noa taminio efa nandilatra 500 taon̈o,
izy nanambady avio niteraka telo lahy.
Ten̈a ratsy ankitin̈y donia niain̈any Noa.
Kanefa izy mbala tsy nivadiky
tamy Zan̈ahary fo.
Nifen̈y koa izy han̈ampy
fianakavian̈anany tsy hivadiky.
Jehovah baka tio,
nan̈ambara hafatra ten̈a tsy nampoizin̈y Noa.
Alô hitandrin̈esantsika raha
koran̈iny Genesisy 6,
manomboko amy andininy 13:
“Zan̈ahary nivolan̈a tamy Noa karaha ty:
‘Zaho efa tapakevitry handripaka nofotro jiaby,
fotony tany feno olo kafiry nohony nataondro io.
Ke iro haripako, baka io tany ty hirobatiko.
Anao mitadiava kakazo misy ditiny
hiasanao sambofiaranao.
Ataova misy efitry maromaro an̈aty ao.
Baka io, hisaora godorao
an̈aty ndreky ambelany.
Karaha ty han̈anovanao izy:
Telonjato hakiho halavasany,
dimampolo hakiho ampohiny,
avio telopolo hakiho habosany.
Asia lafenaitra hampahazava sambofiara io.
Hakiho araiky baka amy tafony irỳ.
Asia fidirana aminy lafiny
araiky amy sambofiara io.
Asiva etazy sambofiara io:
Farany ambany, etazy voanalohany,
etazy faharoe.
Zaho io hahavy safodrano ambony tany,
handripahan̈a nofotro jiaby manampahin̈ana
tsy ho hisy ambaniny lan̈itry.
Ke hofoaty raha jiaby ambony tany.
Zaho man̈ano fifanikian̈a aminao.
Ke midira amy sambofiara anao
ndreky vadinao
ndreky zanakanao lelahy aby io
avio vadiny zanakanao aby io.
Baka io hangalà tsiaroeroe
karazandraha manampahin̈ana jiaby,
ampidira an̈atiny sambofiara ao,
baka iro tsy hofoaty.
Lahiny ndreky vaviny halainao.
Hangalà koa biby mitilin̈y jiaby isankarazany,
karaha zen̈y koa biby tarimìny isankarazany,
biby mandady amy tany isankarazany,
aroeroe isany iro hiditry aminao ao
baka iro tsy hofoaty.
Baka io mangalà karazandraha
jiaby mety hihoanin̈y,
avoria iro io ataonao hanin̈inao
ndreky hanin̈indro biby aby io.’
Narehany Noa raha jiaby nivolan̈iny Zan̈ahary.
Ke zen̈y ankitin̈y raha nataony.”
Tan̈atiny taon̈o maro Noa loso diniky mare,
ataony Jehovah karakory olo
tsy man̈araka volan̈anany aby io.
Fa taminio,
hainy fa han̈ano safodrano mahery
Jehovah han̈adiovan̈a tany ty.
Baka io
hainy Noa ndreky fianakavian̈anany
koa raha tsy maintsy nataondro.
Fa raha jiaby zen̈y niankin̈y tamy Noa aby.
Niasa loha mare Noa koa fa
hainy raha miambin̈y izy.
Maventy baka sambofiara handeha hiasain̈y io!
Misy fan̈ontanian̈a maro
koa nan̈ahiran̈a jerinany.
Ohatra zio,
akory hahafahan̈a manapaka
kakazo maro maventy aby io?
Karakory hitondrasan̈a iro io?
Akory hanatambaran̈a iro io?
Akory han̈anovany raha jiaby zen̈y?
Akory hamoriany biby isankarazany?
Akory hahafahany mahita hanin̈y
mahampy iro biby aby io
ndreky fianakavian̈anany?
Han̈ano karakory koa iro olo aby
man̈odidin̈y izy tsy tia Zan̈ahary io?
Ino raha mba iritriritindro?
Hainy Noa baka
ino raha nahazo iro olo
marin̈y aby talohanany in̈y.
Karaha ataony Abela zioty,
izy nivoneny Kaina rahalahiny.
Enoka koa zioty niaraka niain̈y
taminolo tsy tia Zan̈ahary.
Nafohezin̈y Jehovah fiain̈ananany,
baka izy tsy ampijalijaliandro
olo aby ratsy fan̈ahy io.
Hitandro olo aby io tsarabe
Noa niasa sambo io.
Fa tsy ho ela ho haindro koa
ino antony niasan̈a izio.
Iro olo aby tsy nan̈amia
voninahitry Zan̈ahary io,
nety nanjary kafiry karaha
iro Nefilima aby io.
Fa Noa ndraiky, izy
natoky Jehovah fo,
ke namboarin̈y fo sambo io.
Nataony aby lan̈iany raha
jiaby nan̈irahany Jehovah izy.
Ten̈a nahadin̈y ela ankitin̈y
fan̈amboarany Noa ndreky
fianakavian̈anany sambofiara io,
fotony izio kadiriny 40 na 50 taon̈o.
Tsy mora raha niain̈andro tamy zen̈y,
kanefa Noa tsiary ndraiky nitarain̈y zen̈y.
Tsisy olo nitahitahy iro
tamy fan̈amboaran̈a zio.
Tsarova fa Jesosy nivolan̈a fa
“olo tsisy raha nijirendro foeky
firaka iro jiaby nifaoeny safodrano.”
Hay tsarabe fa
hitandro olo aby io Noa
nan̈amboatra sambofiara io.
Iro mety nan̈ontany izy foeky,
ino nahavy izy nan̈amboatra
sambofiara maventy be karaha io.
Noa amizay nan̈azava tamindro,
ino nahavy izy nan̈amboatra sambo io.
Fa olo tamy zen̈y tsy nahay fa
Jehovah nitahy Noa ndreky ezaka nataony
tamy fan̈amboaran̈a sambo io.
Tsy nahoandro olo aby io foeky
raha nivolan̈iny Noa tamindro.
Iro olo aby io tamy zen̈y,
fiain̈anandro andavanandra fo
raha nampiasa loha iro.
Nihina, nigiaka, nan̈ainga,
zen̈y fo raha nidinihindro.
Tamindro olo aby io,
Noa ndreky fianakavian̈anany
nataondro adala foeky!
Mety nadroedroendro Noa,
avio mety nampitahorindro foeky.
Ela ny ela fa vita eky sambo in̈y.
Mba iritrireta hely baka Noa
ndreky fianakavian̈anany,
mizaha sambo io,
baka io mieritreritry fomba
nan̈ampiany Jehovah iro.
Jehovah tsy maintsy man̈amia
taridalan̈a panomponany fo,
amy fotoan̈a ilan̈a izy.
Fa misy raha hafa koa nivolan̈iny
Jehovah tamy Noa.
Amy Genesisy 7, manomboko
aminy andininy 1:
“Tafarany zen̈y,
ho Jehovah tamy Noa:
‘Midira an̈aty sambofiara anao
ndreky fianakavian̈anao,
fotony amy taranaka ty,
anao fo hitako man̈ano ny
marin̈y man̈oloan̈a zaho.
Hangalà fito isanisany iro biby
madio jiaby isaka karazany,
lahiny ndreky vaviny.
Avio hangalà tsiaroeroe isanisany ndraiky
biby tsy madio jiaby isaka karazany,
lahiny ndreky vaviny.
Hangalà fito isanisany koa
biby mitilin̈y jiaby,
lahiny ndreky vaviny,
baka iro tsy ho lan̈y taranaka ambony tany.
Fito andra tavela zaho handatsaka mahalen̈y
an̈atiny efapolo andra ndreky
efapolo alin̈y ambony tany.
Hifoan̈ako tsy ho hisy ambony
tany raha jiaby nataoko.’
Ke nataony Noa raha jiaby
nan̈irahany Jehovah izy.”
Ten̈a fa tsy be fotoan̈a nanan̈andro.
Ke iro tsy maintsy nila niasa mare.
Fito andra tavela ho avy mahalen̈y be io.
Iro biby isankarazany aby io,
mila ampidiriny an̈atiny sambofiara ao.
Iro koa nila namory hanin̈y.
Noa nitandren̈y ke nan̈araka volan̈a.
Hitantsika amy raha koran̈iny
Soratra Masin̈y ty fa,
efa ampan̈indroeny amy ty
Jehovah nivolan̈a fa
nataony Noa raha jiaby
nan̈irahany Jehovah izy.
Alô baka hitandrin̈esintsika Genesisy 7,
manomboko aminy andininy faha 6:
“Tsiotanjato taon̈o Noa
koa fa navy tambony tany teto safodrano.
Ke niditry tan̈atiny sambofiara
tao Noa ndreky vadiny,
baka io zanakandro lelahy ndreky vadindro,
talohany naviany safodrano.
Niditry tamy sambofiara tao
biby jiaby isankarazany,
biby madio jiaby,
biby tsy madio jiaby,
ndreky biby mitilin̈y jiaby
mihetsiketsiky ambony tany.
Tamy biby madio jiaby
ndreky biby tsy madio jiaby
baka io biby mitilin̈y jiaby
mihetsiketsiky ambony tany,
aroeroe isany, lahiny ndreky vaviny,
iro niditry tan̈aty sambofiara tamy Noa tao,
karaha nivolan̈iny Zan̈ahary in̈y.
Koa fa nafaka fito andra,
navy amizay safodrano.
Tamy faha folo fito ambiny andra
faharoeny fanjava,
Noa tamy zen̈y 600 taon̈o,
vaky loharano jiaby tamy rano lalin̈y,
fotony varavaran̈any lan̈itry nibian̈a.
Nare mare mahalen̈y tamy zen̈y,
tan̈atiny efapolo andra efapolo alin̈y.
Ke taminandra io,
niditry tan̈atiny sambofiara i Noa,
ndreky Sema ndreky Hama
ndreky Jafeta zanany lelahy,
avio vadiny Noa ndreky iro
telo vavy vadindro zanany aby io.
Niditry tan̈aty sambofiara iro ndreky
iro bibidỳ jiaby samby amy karazany,
biby fitarimin̈y jiaby samby amy karazany,
biby mandady jiaby mihetsiketsiky
ambony tany samby amy karazany,
avio biby jiaby mitilin̈y samby amy karazany,
voron̈o jiaby ndreky
raha jiaby misy elatra.
Ke niditry tsiaroeroe nandeha tamy Noa
tan̈aty sambofiara tao iro biby aby io,
baka tamy karazan̈a nofotro
jiaby manampahin̈ana.
Lahiny ndreky vaviny iro niditry tao,
baka tamy karazan̈a nofotro jiaby,
karaha nivolan̈iny Jehovah tamy Noa in̈y.
Nafodiny Jehovah amizay
varavaran̈any sambofiara baka tio.
Latsaka tambony tany teto
mahalen̈y tan̈atiny efapolo andra.
Ke tsy voly nanonga rano
ke naposiny rano nanonga
an̈abo sambofiara.
Niempon̈o tan̈abo niala tamy
tany sambofiara.
Nahery mare rano tamy zen̈y,
ke nanonga mare tan̈abony tany.
Fa sambofiara io ndreky
nandeha tan̈abony rano tio.
Ke fofo mare tany jiaby,
bongo an̈abo jiaby tambaniny lan̈itry.
Nandilatra dimy ambiny folo hakiho
tamy bongo jiaby rano,
ke fofo bongo jiaby.
Ke naty nofotro jiaby
nihetsiketsiky tan̈abony tany,
biby mitilin̈y, biby fitarimin̈y, bibidỳ
ndreky raha jiaby hafa manampahin̈ana
mihetsiketsiky tambony tany,
ndreky olombelon̈o jiaby
tambelan̈a sambofiara.
Naty raha jiaby manampahin̈ana
miain̈y aminy oron̈o,
raha jiaby tamy tany maiky.
Ke nifoan̈any tambony tany teto raha jiaby,
rango aminolo firaka amy biby,
biby mandady ndreky
biby mitilin̈y amy lan̈itry.
Naripakany Jehovah iro jiaby
ke tsisy tavela tambony tany.
Ke Noa zaraiky,
ndreky iro jiaby niaraka taminany
tan̈aty sambofiara tao fo velon̈o.
Ke mbala nahery fo rano
nan̈afotro tany jiaby,
tan̈atiny zato dimampolo andra.”
Niasa loha mare baka
Noa taloha tan̈y in̈y,
akory hamorian̈a iro biby aby io.
Fa zio ndraiky fa hainy.
Iro biby aby io nan̈aton̈o izy.
Jehovah nanesy iro io.
Noa tsy nila nandeha nitady iro io tan̈y.
Iro biby aby io nan̈aton̈o,
isankarazany iro navy baka tao.
Sasany tsifitofito,
fa sasany ndraiky tsiaroeroe.
Iritrireta hely baka biby maro
nikosoko niditry an̈atiny sambo,
io ny mirefarefa, io ny mandady,
samy miditry an̈atiny sambo.
Iritrireta hely amizay Noa
ndreky fianakavian̈anany,
mandamin̈y pilasindro biby
aby io an̈atiny sambofiara ao.
Sasany amindro io mety malemilemy,
fa sasany ndraiky mila mitandrin̈y
mare iro tsao avoa fatsikindro.
Navy koa iro voron̈o aby io
nikopakopaka baka tan̈y nibedan̈a tio.
Kolerany isankarazany,
fofony isankarazany,
feo isankarazany!
Mety nantsintsin̈y mare tao tamy
feony voron̈o isankarazany aby io.
Koa fa tafiditry raha jiaby,
nafodiny Jehovah amizay varavaran̈a io.
Iritrireta hely baka Noa ndreky
fianakavian̈anany nipetraka,
mitandren̈y ino raha mandalo antany ao.
Navy amizay mahalen̈y.
Mety mbala niripiripy ankendriky
izio tamy voanalohany,
fa tio fo,
latsaka mare amizay mahalen̈y.
Naresaka mare mahalen̈y taminio.
Ten̈a navy ankitin̈y,
raha niambesandro efa elabe in̈y.
Kajo iro sady reraka mare,
fa kanefa tsy nandry tsara koa tamy alin̈izio.
Iro mbala nila nizahazaha iro biby aby io,
io koa tabatabany mahalen̈y.
Mety nivavaka mare koa iro taminio.
Mba niasa loha taminolo
tambelan̈a tan̈y ma iro?
Azo antoko.
Haindro baka iro olo aby io,
iro nitory tamindro.
Maro amindro io havandro.
Nalahelo mare iro!
Karaha Jehovah,
tsy ravoravo amy fahafatesan̈andro
olo aby ratsy fan̈ahy aby io koa Noa.
Marin̈y ndraiky fa izy nalahelo
mare tamindro olo aby naty io,
fa hainy ndraiky fa
nifen̈y mare izy nampitandrin̈y iro olo aby io,
tamy faviany safodrano.
Iro ndray tsy nahita
sambofiara niasainy Noa io,
azo antoko fa tsy maintsy
ren̈indro raha momba izio.
Haindro nan̈ino izy
nan̈amboatra sambofiara io.
Fa efa tsisy hevitry eky taminio,
fotony Jehovah efa namody
varavaran̈a sambofiara.
Ren̈iny Noa ndreky fianakavian̈anany tsarabe
mahalen̈y latsaka tan̈abony sambofiara io.
Navy amizay fotoan̈a tsy mety
adin̈andro amy fiain̈anandro io,
sambofiara io niteky!
Ren̈indro amizay bolongany kakazo
be in̈y nihetsiky niala amy tany.
Niefon̈o sambo io!
Misora taitry iro taminio sady ravoravo.
Fatatra ankitin̈y ma sambofiara io?
Alô hitandrin̈esintsika
raha koran̈iny Genesisy 8,
manomboko aminy andininy 1,
hizahavantsika ino raha
nandalo fan̈araka:
“Tafarany zen̈y,
tsaroany Zan̈ahary io Noa
ndreky bibidỳ jiaby
ndreky biby fitarimin̈y jiaby niaraka
taminany tan̈aty sambofiara tao.
Ke nampandalo tsiko
tambony tany Zan̈ahary,
nanomboko nihen̈y rano.
Ke tampin̈y rano lalin̈y
ndreky varavaran̈a ranony lan̈itry,
voly mahalen̈y be baka andan̈itry in̈y.
Nisinton̈o tsihelihely rano tambony tany.
Nihen̈y amizay rano
koa fa afaka zato dimampolo andra.
Baka io tamy andra fahafolo
fito ambiny fanjava fahafito,
tafipetraka tan̈abony bongo
Ararata sambofiara io.
Baka io nihen̈y tsihelihely amizay rano
firaka tamy fanjava fahafolo.
Niboaka amizay tendrony bongo,
taminandra voanalohany
tamy fanjava fahafolo.
Koa fa afaka efapolo andra,
nibiafiny Noa lafenaitrany
sambofiara namboarin̈y.
Nan̈aboaka goaka amizay izy baka io,
ke goaka io nitilin̈y tambelan̈a tan̈y.
Loso izy baka tio nimpody,
karaha zen̈y fo nataony
firaka rano tambony tany ritry.
Baka io nan̈aboaka pizon koa izy,
baka hahitan̈a asa efa nihen̈y
rano sa tsy endriky nihen̈y.
Tsy nahita tany hibidan̈ana foeky pizon io,
ke nimpody tamy Noa tan̈aty
sambofiara tao ndraiky izy,
fotony mbala nisy rano tany jiaby.
Ke naboakany Noa tan̈ananany,
baka io nalainy pizon in̈y
nampidiriny tan̈aty sambofiara tao.
Mbala niambin̈y fito andra ndraiky koa Noa,
baka io naboakany ndraiky baka
tan̈aty sambofiara tao pizon in̈y.
Nimpody ndraiky tamy Noa tio
koa pizon in̈y koa fa harivariva.
Fa nisy ravinoliva mbala
mahitso tamy vavanany,
ke hainy Noa fa
efa nanomboko nihen̈y rano tambony tany.
Niambin̈y fito andra ndraiky ka izy,
baka io naboakany ndraiky koa pizon in̈y.
Fa pizon in̈y baka tio tsy
nimpody taminany eky.”
Tan̈atiny 40 andra ndreky 40 alin̈y,
nantsintsin̈y mare mahalen̈y
tan̈atiny sambo io,
baka io izy nijan̈ono.
Iritrireta amizay Noa ndreky
fianakavian̈anany
nitazan̈a ambelan̈a sambo atỳ,
tsisy raha hita foeky koa fa tsy rano.
Dobo tany jiaby.
Ke nisy tsiko be nandalo,
baka io nihen̈y rano io.
Farany,
koa fa afaka 150 andra tafarany
nikomanseny mahalen̈y be in̈y,
tafipetraka amy tany amizay sambo io.
Misora tsara andra tamy zen̈y!
Efa nety niboaka ma iro tamy zen̈y?
Tsy endriky.
Mbala niambikambin̈y rano nihen̈y tsarabe iro.
Nay iro mbala tsy endriky niboaka,
mbala naro asa nataondro tao.
Iro biby aby io mbala nila nikarakarain̈a
ndreky namian̈a hanin̈y.
Azo antoko fa efa tsy din̈indro eky hiboahan̈a
mba handia tany maiky zen̈y.
Ke ten̈a nila nanan̈a faharetan̈a iro.
Iritrireta hely Noa ndreky fianakavian̈anany,
nanan̈a fotoan̈a tsarabe niarahan̈a.
Niaraka nandiniky koa iro,
ino raha ataondro,
lera iro miala baka an̈atiny sambofiara ao.
Io amizay iro mahita
tampony bongo miboaka.
Efa lera miboaka amizay ma zioty?
Noa nitazan̈a baka tamy lafenaitra.
Nifidy araiky tamy Goaka tao izy,
baka naboakany.
Mbala nimpody fo izio.
Nalainy Noa amizay Goaka in̈y,
nampodiny tamy pilasinany.
Izy baka io nandefa pizon koa.
Tsy nahita tany nibidan̈ana
izy ke nimpody koa.
Herin̈iandra tafaranizin̈y,
nalefany ndraiky koa pizon in̈y.
Baka io pizon in̈y nimpody taminany,
nitondra raviny olivy.
Fito andra tafara,
nalefany Noa ndraiky koa pizon io.
Fa taminio, tsy nimpody eky pizon io.
Ke karakory tohiny?
Alô tandrin̈esantsika Genesisy 8,
manomboko aminy andininy 13:
“Taminandra voanalohany
tamy fanjava voanalohany,
tamy taon̈o tsiotanjato araiky amby,
ritry rano tambony tany.
Ke nadosony Noa sarony sambofiara io,
ke izy koa fa nizaha, efa naiky tany.
Efa naiky tany jiaby tamindra
faharoapolo fito amby,
tamy fanjava faharoe.
Karaha ty volan̈iny Zan̈ahary tamy Noa:
‘Miboaha baka an̈atiny sambofiara ao anao
ndreky vadinao ndreky ry zanakanao
baka io vadiny zanakanao.
Indesa miboaka miaraka aminao
koa raha manampahin̈ana jiaby
baka amy karazanofotro jiaby,
biby mitilin̈y, biby fitarimin̈y,
baka io biby mandady jiaby
mihetsiketsiky ambony tany.
Han̈aranaka iro io ke hanjary maro.
Ke niboaka Noa ndreky vadiny,
ndreky zanakandro lelahy
ndreky vadiny zanany aby io.
Niboaka baka tan̈atiny sambofiara tao koa
bibidỳ jiaby ndreky biby mandady jiaby
ndreky biby mitilin̈y jiaby,
ndreky raha jiaby mihetsiketsiky ambony tany,
isaka karazany.
Noa baka tio nan̈orin̈y alitara niny Jehovah.
Ke misy nangalany iro biby madio
ndreky iro biby mitilin̈y madio aby io.
Baka io izy nan̈ano fan̈atitry niny Jehovah
tan̈abony alitara io.
Naharen̈y fofon̈o tsara
nampakalma izy Jehovah,
ke hoizy tan̈aty jerinany tan̈y:
‘Zaho tsy han̈ozon̈o tany eky nohony olo,
fotony raha ratsy fo irian̈y fondro,
rango iro mbala hely.
Tsy haringako karaha taloha in̈y
eky raha manampahin̈ana jiaby.
Fa izikoa mbala tany fo tany ty,
tsy voly foeky famafazan̈a ndreky fijinjan̈a,
nintsy ndreky hafanan̈a,
hasara ndreky ririn̈iny,
baka io mantsan̈a ndreky alin̈y.’”
Izikoa fa tsy nimpody pizon in̈y,
nisy nan̈abiafany Noa
tampony sambofiara io.
Io izy nahita fa ankamarozany tany efa naiky.
Izy koa mety efa nahita
raha maniry namelan̈a mare.
Raha tsiary nisy foeky baka
raha zen̈y talohany safodrano,
tany koa fa niozon̈iny Jehovah.
Fa Noa taminio,
mbala niambin̈y taridalan̈a Jehovah fo.
Baka tio amizay,
Jehovah nivolan̈a taminany:
“Miboaha baka an̈atiny sambofiara ao anaro.”
Haravoan̈a donko tsisy ambaka izy taminio!
370 andra iro tan̈atiny sambofiara io tao.
Iritrireta hely baka iro lafamy,
niaraka niboaka baka
tan̈atiny sambofiara io tao,
nitokitokiky, nahazo rivotro vaovao,
fa tsy ho din̈indro karakory
fiain̈ana vaovao zen̈y zio.
Niboaka amizay iro biby aby io.
Noa ndreky fianakavian̈anany amizay
varian̈a mizaha iro biby aby io,
samby amy tany imboan̈y.
Sasany tamindro biby aby io,
mety efa zatra iro mare.
Fa taminio iro tsy maintsy nalefa.
Efa tsisy eky anjely nangala
vatan̈anolombelon̈o,
tsisy Nefilima baka io koa
tsisy olo ratsy fan̈ahy.
Ten̈a nankasitraka mare Jehovah iry Noa!
Noa tsy nan̈arin̈ary fotoan̈a foeky.
Izy nan̈ano alitara ndreky
nan̈ano soron̈o niny Jehovah.
Naboakany Jehovah fa
ravoravo izy tamy soron̈o io.
Jehovah nan̈amia toky fianakavian̈a io,
fa izy efa tsy han̈ano safodrano eky
handripahan̈a raha jiaby manampahin̈ana.
Mbala bebeny zen̈y raha nataony.
Izy nan̈ano fifan̈ikian̈a tamy
Noa ndreky iry zanany,
fa han̈amia izy famantaran̈a
hitantsika firaka zioty.
Alô baka hitandrin̈esantsika raha momba zen̈y,
amy Genesisy 9, manomboko amy andininy 8:
“Avio karaha ty koa nivolan̈iny
Zan̈ahary tamy Noa
ndreky tamindro zanany lelahy aby io:
‘Zaho man̈ano fifan̈ikian̈a aminaro
ndreky taranaka handimby anaro
ndreky amy raha jiaby
manampahin̈ana aminaro io,
voron̈o zen̈y, biby fitarimin̈y,
bibidỳ jiaby ambony tany,
iro raha jiaby niboaka baka
tan̈aty sambofiara in̈y,
ndreky raha manampahin̈ana
jiaby amboniny tany.
Karaha ty fifan̈ikian̈a ataoko aminaro:
Tsy haripako amy safodrano eky nofotro jiaby,
avio tsy hisy safodrano eky
handrobaka tany ty.’
Karaha ty koa ho Zan̈ahary:
‘Karaha ty lamarikiny
fifan̈ikian̈a ataoko aminaro,
ndreky raha jiaby
man̈ampahin̈ana aminaro io,
amy taranaka jiaby an̈atiny
fotoan̈a tsy voafetra:
Apetrako amy rondro sobehanaka,
atao lamariky fifan̈ikian̈a ataoko amy tany.
Ke zaho koa fa mampisy
rondro an̈abony tany,
hiboaka amy rondro io sobeha io.
Ke ho tsiaroko fifan̈ikian̈a ataoko aminaro
ndreky karazandraha manampahin̈ana jiaby.
Avio zaho tsy han̈ano safodrano eky
handripaka nofotro jiaby.
hiboaka amy rondro arỳ sobehanaka,
ke ho hitako avio ho tsiaroko
fifan̈ikian̈a nataoko
an̈atiny fotoan̈a tsy voafetra in̈y,
fifan̈ikian̈a ataony Zan̈ahary
amy raha jiaby manampahin̈ana,
dikany zen̈y nofotro jiaby ambony tany.’”
Ten̈a tsara lamariky namezany Jehovah io!
Sobeha io mampatsiaro Zan̈ahary
ndreky olombelon̈o
fampan̈antinan̈any Zan̈ahary.
Misora lan̈y fan̈ahy i Noa ndreky
fianakavian̈anany nahita,
kolera parikarazany tamy lan̈itry tarỳ,
Violet, verte, bleu, jaune,
oranzy, mena.
Fa tsy ho hisy safodrano eky
han̈afotro tany ty.
Fa Jehovah tsy handefitry tsisy
farany aminolo ratsy fan̈ahy zen̈y.
Alô baka hivakintsika raha
nisoratiny apostoly Petera.
Zahava azafady 2 Petera 2:5:
Zioty, tsisy ny hafa tamy fiain̈ana
talohany safodrano in̈y koa fiain̈antsika.
Olo kafiry,
baka io koa olo man̈ano raha
jiaby halany Jehovah.
Raha misy zio baka,
fiain̈ana andavanandra fo raha
ten̈a mampiasa loha olo,
fa tsy jirendro hafatra mamonjy fahin̈ana
ambarantsika iro.
Karaha ty ataondro man̈adroadro
olony Zan̈ahary io:
“Ahia loatra ma raha
volan̈inaro hoavy zen̈y e?
Raha jiaby zioty mandeha mahitsy,
karaha mbala namoron̈ana izy tamy
voanalohany tan̈y in̈y fo ke!”
Diso hevitry olo mivolan̈a zen̈y.
Jehovah nandripaka olo aby ratsy
fan̈ahy aby taminandrany Noa in̈y.
Mbala han̈ano karaha
zen̈y koa izy amy zioty.
Karaha tamy faha Noa in̈y,
olo tsara fan̈ahy navotany.
Volan̈a Jehovah ty man̈amia toky atsika,
‘hainy Jehovah man̈avotro olo
mahafoeten̈a amy Zan̈ahary,’
izikoa fa misy raha ratsy mahazo iro.
Hainy koa mamory olo tsy
marin̈y aminandra fitsaran̈a,
handripahan̈a iro.
Jehovah mbala han̈ano
paradisa ambony tany eto,
karaha tamy tanjon̈onany voanalohany in̈y.
Ke tsisy olo hanohitry Zan̈ahary
eky hipetraka ao.
Amy paradisa io,
olo tsara fan̈ahy fo hipetraka ao.
Ke atao karakory fo iro
anjely nivadiky aby in̈y?
Koa fa navy safodrano
taminandrany Noa in̈y,
iro anjely ratsy aby in̈y,
nialandro vatan̈anolombelon̈o
ke iro niova fan̈ahy ratsy.
Baka io karaha taloha in̈y,
Mbala tsy voly man̈atsory
olo han̈ano ny ratsy fo
iro demony aby io amy zioty.
Fa Zan̈ahary koa fa handripaka donia ty,
Satana ndreky iro demony aby io,
iro tsy hahavita hamitaka olo eky.
Karaha ty volan̈iny Volan̈a Zan̈ahary:
Finoan̈a nahavy Noa
nan̈araka Volan̈a Jehovah.
Zen̈y nahavy izy ndreky fianakavian̈anany,
tsy naty tamy safodrano.
Noa ela velon̈o, 950 taon̈o.
Fa lera hatsangany Zan̈ahary
lelahy nanampinoan̈a io,
izy amy zen̈y ho afaka ho velon̈o tsisy farany.
Atsika koa man̈aboaka
finoan̈a karaha Noa in̈y,
ndreky man̈araka Volan̈a Jehovah fo,
afaka han̈ano dia araiky
amy Jehovah koa atsika,
ke tsy ho hisy farany
fikamaradianantsika aminany.

Noa: Finoan̈a Nahavy Izy Nan̈araka Volan̈a
- 

Noa: Finoan̈a Nahavy Izy Nan̈araka Volan̈a

Telo andra talohany nifatesany Jesosy,
iro Apostolinany aby io
nan̈apetraka fan̈ontanian̈a raha
maro maventy taminany.
Misy vokany amintsika koa raha zen̈y.
Iro nan̈ontany Jesosy:
“Karakory hahaizanay fan̈atrehanao
ndreky farany rafitry donia ty.”
Akory ho Jesosy?
Izy nan̈ambara raha maro hiboaka,
amy fotoan̈a araiky miavaka
alohany haviany donia vaovao
nampan̈antinain̈y io,
karaha ataony ady, horohorontany,
mosary baka io valan̈aretin̈y.
Avio Jesosy nivolan̈a koa:
Hitantsika baka amy zen̈y fa
nankamafisiny Jesosy tsarabe fa
Noa io, olo ten̈a nisy ankitin̈y,
baka io koa safodrano io
raha ten̈a nisy ankitin̈y,
mifan̈araka amy tantara.
Nampitandrin̈y atsika koa Jesosy
fa fotoan̈a nisy olo tamy safodrano io,
tsisy ny hafa amy fotoan̈a
hiain̈antsika aminandra zioty.
Ke ten̈a ilaintsika mandiniky,
ino raha nandalo taminandrany
Noa talohany safodrano,
avio ino fianaran̈a azontsika baka amy zen̈y?
Izikoa atsika mamaky toko
voanalohandohany
amy bokiny Genesisy ao,
ho hitantsika karakory fiain̈ana
taonjato maro talohany Noa,
dikany zen̈y,
tafarany nandroasan̈a Adama ndreky
Eva tamy zaridainy Edena tao.
Mbala araiky fo fivolan̈ananolo tamy zen̈y.
Nanan̈a fahafahan̈a olo jiaby tamy zen̈y,
hahay asa soratra.
Iro nan̈orin̈y tanàna,
mety tanàna maro foeky.
Iro nianatra nanefy
volafotsy ndreky varahin̈y.
Iro koa nan̈amboatra raha man̈ena
karaha ataony harpa ndreky <i>flûte</i>.
Ela velon̈o koa iro,
fotony iro mbala narikitry
fahalavorarian̈any Adama ndreky Eva,
ke iro nahadin̈y niain̈y anjatony taon̈o.
Fa tsy raha jiaby tsara karaha zen̈y.
Olo tsy nijery Jehovah zen̈y foeky.
Ino vokany?
Iro nanjary kafiry ndreky ratsy fitondranten̈a.
Nahairatsy fo olo,
ke Jehovah nan̈iraka Enoka olo marin̈y
nivolan̈a fa 
Zan̈ahary tsy handefitry tsisy farany,
aminolo ratsy fan̈ahy aby io.
Ke mbala hitsarain̈y iro io,
ke haripany iro olo jiaby tsy mavozo izy io.
Mazava hoazy fa
tsy tiandro olo aby io foeky
naharen̈y hafatra nikoran̈iny Enoka io.
Halandro Enoka ke
tiandro hivonena foeky!
Mbala tsy endriky tanteraka
faminanian̈a nikoran̈iny Enoka in̈y,
izy efa naty.
Koa fa afaka 600 taon̈o,
nahainandombolombo fo haratsiany fiain̈ana,
tambony tany teto.
Alô hitandrin̈esantsika Gen 6:1-7:
“Izikoa fa nahainaro olombelon̈o
tambony tany teto,
iro niteraka tsaiky man̈angy koa,
Ke hitandro zanaka Zan̈ahary aby io fa
iro man̈angy zanakanolombelon̈o
aby io maro tsara sora.
Ke iro nifidy zay tiandro nataondro vady. 
Jehovah nivolan̈a:
“Zaho tsy handefitry tsisy farany aminolombelon̈o,
fotony iro io nofotro fo.
Ke ho zato ropolo taon̈o
fo andra hiain̈andro.”
Taminy andra zen̈y ndreky tafaranizen̈y,
nisy Nefilima tambony tany teto,
iro zanaka Zan̈ahary
aby io koa fa nanambady
iro man̈angy zanakanolombelon̈o aby io.
Iro Nefilima aby io fatatra sady 
nalaza tamy fotoan̈any zen̈y.
Hitany Jehovah tany ty feno olo ratsy fan̈ahy.
Tsisy raha nanjary tan̈atiny jerindro.
Ke Jehovah nanen̈iny nan̈amboatra
olo tambony tany teto,
baka io fonany nalahelo.
Ke Jehovah nivolan̈a:
“Haripako an̈y iro olo aby
namboariko aby io,
ke tsy ho hisy tavela ambony tany,
firaka olo ndreky biby tarimin̈y
ndreky biby mandady,
baka io biby mitilin̈y amy lan̈itry,
fotony nanen̈iny zaho niasa iro.”
Tamy fotoan̈any zen̈y,
nisy anjely sasany tandan̈itry tan̈y,
nizaha iro man̈angy zanakolombelon̈o,
ke nan̈iry hanambady iro.
Ke iro anjely aby io nivadiky tamy Zan̈ahary,
nandeha tambony tany tatỳ,
ke nangala vatan̈anolombelon̈o.
Iro amizay nanambady iro man̈angy aby io.
Iro nanjary demony,
tia ten̈a, ndreky ratsy fan̈ahy.
Iro anjely aby io zatovo,
mahay raha, tsara sora,
baka io nan̈afahafa angovondro.
Potiky ankitin̈y iro man̈angy aby io
izikoa fa nahita iro anjely aby io,
sirto eky baka,
iro man̈angy tsy tia Zan̈ahary aby io.
Man̈angy sasany baka,
mety efa nataondro anjely aby io forse foeky.
Na karakory na karakory,
iro anjely aby io nifidy lan̈iany
tiandro tamy man̈angy aby io.
Tamy fotoan̈any zen̈y,
tsisy olo nahavita nisakan̈a
asa ratsindro demony aby io.
Iro anjely ratsy aby io tsy nifidy foeky,
na zanakanolo,
anabavinolo,
ndray vadinolo mbala ravaindro fo.
Loso navesatra amizay iro man̈angy aby io,
ke niteraka lelahy.
Fa zanakandro io baka tio
tsy karaha tsaiky jiaby.
Iro fatatra mare.
Iro tsy vitany nampijaly olo fo fa,
iro koa kafiry mare.
Karaha zen̈y fo toetrindro
tsaiky aby io firaka iro be.
Iro baka io koa fa be,
iro mbala nahaikafiry fo koa.
Nefilima nikahian̈a iro io.
Dikany izio mety “pandavo olo,”
ke olo navozo iro mare.
Mira babandro fo,
iro Nefilima aby io tsy tia Zan̈ahary.
Ke raha ten̈a tiandro, iro
malaza fatatra ndreky kafiry.
Iro anjely aby baka andan̈itry in̈y
ndreky taranakandro fo,
nanjaka mare tambony
tany teto tamy zen̈y,
ke olo loso nangala tahaka iro koa.
Ke hitany Jehovah tany ty,
feno olo ratsy fan̈ahy,
“raha tsy manjary fo raha
tan̈aty jerindro tan̈y
rango maraindrain̈y firaka tsofotroandra.”
Ravoravo mare Satana
nahita ankamarozanolo
nanjary tsy tia Jehovah,
avio koa nanjary ratsy fitondranten̈a.
Fa ndray feno olo ratsy fan̈ahy
tambony tany teto,
nisy lelahy araiky tsy
nivadiky tamy Jehovah.
Alô hitandrin̈esintsika Genesisy 6
manomboko aminy andininy faha 8:
“Fa Jehovah ndraiky nankasitraka Noa.
Karaha ty tantarany Noa:
Noa io olo marin̈y,
izy tsy nanantsin̈y taminolo
jiaby niaraka niain̈y taminany.
Noa nan̈ano dia araiky tamy Zan̈ahary.
Izy nananjanaka telo lahy,
Sema, Hama ndreky Jafeta.
Ke hitany Zan̈ahary marin̈y io fa
robaka ndreky feno olo kafiry tany ty.
Ia, hitany Zan̈ahary fa robaka tany ty,
fotony nan̈ano raha tsy manjary
olo jiaby tambony tany teto.”
Misy olo amizioty mivolan̈a fa
Noa zen̈y olo tsiary nisy foeky.
Avio tantarany sambofiara
ndreky Safodrano zen̈y,
zen̈y raha angano fo.
Iro panoratra Baiboly aby io nahay fa
Noa avio Safodrano zen̈y,
iro io raha ten̈a nisy ankitin̈y.
Paminany Isaia ndreky Ezekiela,
samby nikoran̈a raha momba Noa.
Karaha zen̈y koa Ezra panoratra
Tantara Voanalohany,
ndreky Lioka panoratra Filazantsara,
samby mikoran̈a Noa koa iro,
iro koa fa mikoran̈a momba tetirazan̈a.
Apostoly Paoly ndreky Petera koa,
samby nikoran̈a tantarany safodrano,
amy bokiny Genesisy in̈y.
Avio atsika in̈y nikoran̈a fa
Jesosy Zanaka Zan̈ahary lastio,
nivolan̈a fa
Noa in̈y olo ten̈a nisy ankitin̈y,
avio Safodrano io raha
ten̈a nandalo ankitin̈y.
Nanan̈a finoan̈a niavaka Noa.
Ratsy mare olo taminandrany Noa,
fotony tio iro anjely baka tandan̈itry in̈y,
iro taranakandro maro kafiry aby in̈y,
baka io koa iro olo aby
tsy navozo Zan̈ahary in̈y.
Noa tsy nanan̈a raha marobe
karaha anan̈antsika zioty,
nankafatarany finoan̈anany.
Noa tsy nanan̈a Baiboly zen̈y ke
han̈ampy izy ho tia Jehovah,
ndreky han̈araka lalan̈anany.
Izy tsy nahay fa afara atỳ hoisy
lelahy ndreky man̈angy maro hoe
tsy hivadiky amy Jehovah.
Taminandrany Noa mbala tsisy
fiangonan̈a ndreky piaramanompo zen̈y,
ke han̈amia korazy izy,
ndreky hankafatatra finoan̈anany.
Fa misy raha hainy fo ndraiky tamy zen̈y.
Hainy raha nandalo tamy
zaridainy Edena tan̈y.
Hitany koa fa ten̈a ratsy vokatranizin̈y.
Hitany olo nahainatoe ndreky naty.
Hainy fa nirahiny Zan̈ahary nisakanan̈a
lalan̈a mandeha amy zaridainy Edena,
avio koa tany jiaby ambelan̈a
zio efa nozon̈iny Jehovah.
Nazava tsarabe tamy Noa koa
faminanian̈a nikoran̈iny
Enoka dadilahiny in̈y.
Hainy Noa koa fa
Lameka babany nan̈ano an̈aran̈anany io.
Dikanizio “fangalan̈a kajo”
na “fankahirezan̈a,”
fotony izy hitondra fankahirezan̈a amintsika.
Karaha fa nivolan̈iny babany in̈y,
“izy hitondra fankahirezan̈a amintsika fotony
miasa mare ndreky kajo mare atsika,
nohony tany ozon̈iny Jehovah.”
Azo antoko fa
ten̈a nisaintsain̈iny Noa faminanian̈a aby io.
Akory hitondrasany fankahirezan̈a?
Ombian̈a ndreky karakory
handripahany Jehovah
olo ratsy fan̈ahy man̈odidin̈y izy?
Anjatony taon̈o,
Noa nivavaka ndreky
nisaintsain̈y momba raha zen̈y.
Koa fa nandeha andra,
Noa taminio efa nandilatra 500 taon̈o,
izy nanambady avio niteraka telo lahy.
Ten̈a ratsy ankitin̈y donia niain̈any Noa.
Kanefa izy mbala tsy nivadiky
tamy Zan̈ahary fo.
Nifen̈y koa izy han̈ampy
fianakavian̈anany tsy hivadiky.
Jehovah baka tio,
nan̈ambara hafatra ten̈a tsy nampoizin̈y Noa.
Alô hitandrin̈esantsika raha
koran̈iny Genesisy 6,
manomboko amy andininy 13:
“Zan̈ahary nivolan̈a tamy Noa karaha ty:
‘Zaho efa tapakevitry handripaka nofotro jiaby,
fotony tany feno olo kafiry nohony nataondro io.
Ke iro haripako, baka io tany ty hirobatiko.
Anao mitadiava kakazo misy ditiny
hiasanao sambofiaranao.
Ataova misy efitry maromaro an̈aty ao.
Baka io, hisaora godorao
an̈aty ndreky ambelany.
Karaha ty han̈anovanao izy:
Telonjato hakiho halavasany,
dimampolo hakiho ampohiny,
avio telopolo hakiho habosany.
Asia lafenaitra hampahazava sambofiara io.
Hakiho araiky baka amy tafony irỳ.
Asia fidirana aminy lafiny
araiky amy sambofiara io.
Asiva etazy sambofiara io:
Farany ambany, etazy voanalohany,
etazy faharoe.
Zaho io hahavy safodrano ambony tany,
handripahan̈a nofotro jiaby manampahin̈ana
tsy ho hisy ambaniny lan̈itry.
Ke hofoaty raha jiaby ambony tany.
Zaho man̈ano fifanikian̈a aminao.
Ke midira amy sambofiara anao
ndreky vadinao
ndreky zanakanao lelahy aby io
avio vadiny zanakanao aby io.
Baka io hangalà tsiaroeroe
karazandraha manampahin̈ana jiaby,
ampidira an̈atiny sambofiara ao,
baka iro tsy hofoaty.
Lahiny ndreky vaviny halainao.
Hangalà koa biby mitilin̈y jiaby isankarazany,
karaha zen̈y koa biby tarimìny isankarazany,
biby mandady amy tany isankarazany,
aroeroe isany iro hiditry aminao ao
baka iro tsy hofoaty.
Baka io mangalà karazandraha
jiaby mety hihoanin̈y,
avoria iro io ataonao hanin̈inao
ndreky hanin̈indro biby aby io.’
Narehany Noa raha jiaby nivolan̈iny Zan̈ahary.
Ke zen̈y ankitin̈y raha nataony.”
Tan̈atiny taon̈o maro Noa loso diniky mare,
ataony Jehovah karakory olo
tsy man̈araka volan̈anany aby io.
Fa taminio,
hainy fa han̈ano safodrano mahery
Jehovah han̈adiovan̈a tany ty.
Baka io
hainy Noa ndreky fianakavian̈anany
koa raha tsy maintsy nataondro.
Fa raha jiaby zen̈y niankin̈y tamy Noa aby.
Niasa loha mare Noa koa fa
hainy raha miambin̈y izy.
Maventy baka sambofiara handeha hiasain̈y io!
Misy fan̈ontanian̈a maro
koa nan̈ahiran̈a jerinany.
Ohatra zio,
akory hahafahan̈a manapaka
kakazo maro maventy aby io?
Karakory hitondrasan̈a iro io?
Akory hanatambaran̈a iro io?
Akory han̈anovany raha jiaby zen̈y?
Akory hamoriany biby isankarazany?
Akory hahafahany mahita hanin̈y
mahampy iro biby aby io
ndreky fianakavian̈anany?
Han̈ano karakory koa iro olo aby
man̈odidin̈y izy tsy tia Zan̈ahary io?
Ino raha mba iritriritindro?
Hainy Noa baka
ino raha nahazo iro olo
marin̈y aby talohanany in̈y.
Karaha ataony Abela zioty,
izy nivoneny Kaina rahalahiny.
Enoka koa zioty niaraka niain̈y
taminolo tsy tia Zan̈ahary.
Nafohezin̈y Jehovah fiain̈ananany,
baka izy tsy ampijalijaliandro
olo aby ratsy fan̈ahy io.
Hitandro olo aby io tsarabe
Noa niasa sambo io.
Fa tsy ho ela ho haindro koa
ino antony niasan̈a izio.
Iro olo aby tsy nan̈amia
voninahitry Zan̈ahary io,
nety nanjary kafiry karaha
iro Nefilima aby io.
Fa Noa ndraiky, izy
natoky Jehovah fo,
ke namboarin̈y fo sambo io.
Nataony aby lan̈iany raha
jiaby nan̈irahany Jehovah izy.
Ten̈a nahadin̈y ela ankitin̈y
fan̈amboarany Noa ndreky
fianakavian̈anany sambofiara io,
fotony izio kadiriny 40 na 50 taon̈o.
Tsy mora raha niain̈andro tamy zen̈y,
kanefa Noa tsiary ndraiky nitarain̈y zen̈y.
Tsisy olo nitahitahy iro
tamy fan̈amboaran̈a zio.
Tsarova fa Jesosy nivolan̈a fa
“olo tsisy raha nijirendro foeky
firaka iro jiaby nifaoeny safodrano.”
Hay tsarabe fa
hitandro olo aby io Noa
nan̈amboatra sambofiara io.
Iro mety nan̈ontany izy foeky,
ino nahavy izy nan̈amboatra
sambofiara maventy be karaha io.
Noa amizay nan̈azava tamindro,
ino nahavy izy nan̈amboatra sambo io.
Fa olo tamy zen̈y tsy nahay fa
Jehovah nitahy Noa ndreky ezaka nataony
tamy fan̈amboaran̈a sambo io.
Tsy nahoandro olo aby io foeky
raha nivolan̈iny Noa tamindro.
Iro olo aby io tamy zen̈y,
fiain̈anandro andavanandra fo
raha nampiasa loha iro.
Nihina, nigiaka, nan̈ainga,
zen̈y fo raha nidinihindro. 
Tamindro olo aby io,
Noa ndreky fianakavian̈anany
nataondro adala foeky!
Mety nadroedroendro Noa,
avio mety nampitahorindro foeky.
Ela ny ela fa vita eky sambo in̈y.
Mba iritrireta hely baka Noa
ndreky fianakavian̈anany,
mizaha sambo io,
baka io mieritreritry fomba
nan̈ampiany Jehovah iro.
Jehovah tsy maintsy man̈amia
taridalan̈a panomponany fo,
amy fotoan̈a ilan̈a izy.
Fa misy raha hafa koa nivolan̈iny
Jehovah tamy Noa.
Amy Genesisy 7, manomboko
aminy andininy 1:
“Tafarany zen̈y,
ho Jehovah tamy Noa:
‘Midira an̈aty sambofiara anao
ndreky fianakavian̈anao,
fotony amy taranaka ty,
anao fo hitako man̈ano ny
marin̈y man̈oloan̈a zaho.
Hangalà fito isanisany iro biby
madio jiaby isaka karazany,
lahiny ndreky vaviny.
Avio hangalà tsiaroeroe isanisany ndraiky
biby tsy madio jiaby isaka karazany,
lahiny ndreky vaviny.
Hangalà fito isanisany koa
biby mitilin̈y jiaby,
lahiny ndreky vaviny,
baka iro tsy ho lan̈y taranaka ambony tany.
Fito andra tavela zaho handatsaka mahalen̈y
an̈atiny efapolo andra ndreky
efapolo alin̈y ambony tany.
Hifoan̈ako tsy ho hisy ambony
tany raha jiaby nataoko.’
Ke nataony Noa raha jiaby
nan̈irahany Jehovah izy.”
Ten̈a fa tsy be fotoan̈a nanan̈andro.
Ke iro tsy maintsy nila niasa mare.
Fito andra tavela ho avy mahalen̈y be io.
Iro biby isankarazany aby io,
mila ampidiriny an̈atiny sambofiara ao.
Iro koa nila namory hanin̈y.
Noa nitandren̈y ke nan̈araka volan̈a.
Hitantsika amy raha koran̈iny
Soratra Masin̈y ty fa,
efa ampan̈indroeny amy ty
Jehovah nivolan̈a fa
nataony Noa raha jiaby
nan̈irahany Jehovah izy.
Alô baka hitandrin̈esintsika Genesisy 7,
manomboko aminy andininy faha 6:
“Tsiotanjato taon̈o Noa
koa fa navy tambony tany teto safodrano.
Ke niditry tan̈atiny sambofiara
tao Noa ndreky vadiny,
baka io zanakandro lelahy ndreky vadindro,
talohany naviany safodrano.
Niditry tamy sambofiara tao
biby jiaby isankarazany,
biby madio jiaby,
biby tsy madio jiaby,
ndreky biby mitilin̈y jiaby
mihetsiketsiky ambony tany.
Tamy biby madio jiaby
ndreky biby tsy madio jiaby
baka io biby mitilin̈y jiaby
mihetsiketsiky ambony tany,
aroeroe isany, lahiny ndreky vaviny,
iro niditry tan̈aty sambofiara tamy Noa tao,
karaha nivolan̈iny Zan̈ahary in̈y.
Koa fa nafaka fito andra,
navy amizay safodrano.
Tamy faha folo fito ambiny andra
faharoeny fanjava,
Noa tamy zen̈y 600 taon̈o,
vaky loharano jiaby tamy rano lalin̈y,
fotony varavaran̈any lan̈itry nibian̈a.
Nare mare mahalen̈y tamy zen̈y,
tan̈atiny efapolo andra efapolo alin̈y.
Ke taminandra io,
niditry tan̈atiny sambofiara i Noa,
ndreky Sema ndreky Hama
ndreky Jafeta zanany lelahy,
avio vadiny Noa ndreky iro
telo vavy vadindro zanany aby io.
Niditry tan̈aty sambofiara iro ndreky
iro bibidỳ jiaby samby amy karazany,
biby fitarimin̈y jiaby samby amy karazany,
biby mandady jiaby mihetsiketsiky
ambony tany samby amy karazany,
avio biby jiaby mitilin̈y samby amy karazany,
voron̈o jiaby ndreky
raha jiaby misy elatra.
Ke niditry tsiaroeroe nandeha tamy Noa
tan̈aty sambofiara tao iro biby aby io,
baka tamy karazan̈a nofotro
jiaby manampahin̈ana.
Lahiny ndreky vaviny iro niditry tao,
baka tamy karazan̈a nofotro jiaby,
karaha nivolan̈iny Jehovah tamy Noa in̈y.
Nafodiny Jehovah amizay
varavaran̈any sambofiara baka tio.
Latsaka tambony tany teto
mahalen̈y tan̈atiny efapolo andra.
Ke tsy voly nanonga rano 
ke naposiny rano nanonga
an̈abo sambofiara.
Niempon̈o tan̈abo niala tamy
tany sambofiara.
Nahery mare rano tamy zen̈y,
ke nanonga mare tan̈abony tany.
Fa sambofiara io ndreky
nandeha tan̈abony rano tio.
Ke fofo mare tany jiaby,
bongo an̈abo jiaby tambaniny lan̈itry.
Nandilatra dimy ambiny folo hakiho
tamy bongo jiaby rano,
ke fofo bongo jiaby.
Ke naty nofotro jiaby
nihetsiketsiky tan̈abony tany,
biby mitilin̈y, biby fitarimin̈y, bibidỳ
ndreky raha jiaby hafa manampahin̈ana
mihetsiketsiky tambony tany,
ndreky olombelon̈o jiaby
tambelan̈a sambofiara.
Naty raha jiaby manampahin̈ana
miain̈y aminy oron̈o,
raha jiaby tamy tany maiky.
Ke nifoan̈any tambony tany teto raha jiaby,
rango aminolo firaka amy biby,
biby mandady ndreky
biby mitilin̈y amy lan̈itry.
Naripakany Jehovah iro jiaby
ke tsisy tavela tambony tany.
Ke Noa zaraiky,
ndreky iro jiaby niaraka taminany
tan̈aty sambofiara tao fo velon̈o.
Ke mbala nahery fo rano
nan̈afotro tany jiaby,
tan̈atiny zato dimampolo andra.”
Niasa loha mare baka
Noa taloha tan̈y in̈y,
akory hamorian̈a iro biby aby io.
Fa zio ndraiky fa hainy.
Iro biby aby io nan̈aton̈o izy.
Jehovah nanesy iro io.
Noa tsy nila nandeha nitady iro io tan̈y.
Iro biby aby io nan̈aton̈o,
isankarazany iro navy baka tao.
Sasany tsifitofito,
fa sasany ndraiky tsiaroeroe.
Iritrireta hely baka biby maro
nikosoko niditry an̈atiny sambo,
io ny mirefarefa, io ny mandady,
samy miditry an̈atiny sambo.
Iritrireta hely amizay Noa
ndreky fianakavian̈anany,
mandamin̈y pilasindro biby
aby io an̈atiny sambofiara ao.
Sasany amindro io mety malemilemy,
fa sasany ndraiky mila mitandrin̈y
mare iro tsao avoa fatsikindro.
Navy koa iro voron̈o aby io
nikopakopaka baka tan̈y nibedan̈a tio.
Kolerany isankarazany,
fofony isankarazany,
feo isankarazany!
Mety nantsintsin̈y mare tao tamy
feony voron̈o isankarazany aby io.
Koa fa tafiditry raha jiaby,
nafodiny Jehovah amizay varavaran̈a io.
Iritrireta hely baka Noa ndreky
fianakavian̈anany nipetraka,
mitandren̈y ino raha mandalo antany ao.
Navy amizay mahalen̈y.
Mety mbala niripiripy ankendriky
izio tamy voanalohany,
fa tio fo,
latsaka mare amizay mahalen̈y.
Naresaka mare mahalen̈y taminio.
Ten̈a navy ankitin̈y,
raha niambesandro efa elabe in̈y.
Kajo iro sady reraka mare,
fa kanefa tsy nandry tsara koa tamy alin̈izio.
Iro mbala nila nizahazaha iro biby aby io,
io koa tabatabany mahalen̈y.
Mety nivavaka mare koa iro taminio.
Mba niasa loha taminolo
tambelan̈a tan̈y ma iro?
Azo antoko.
Haindro baka iro olo aby io,
iro nitory tamindro.
Maro amindro io havandro.
Nalahelo mare iro!
Karaha Jehovah,
tsy ravoravo amy fahafatesan̈andro
olo aby ratsy fan̈ahy aby io koa Noa.
Marin̈y ndraiky fa izy nalahelo
mare tamindro olo aby naty io,
fa hainy ndraiky fa
nifen̈y mare izy nampitandrin̈y iro olo aby io,
tamy faviany safodrano.
Iro ndray tsy nahita
sambofiara niasainy Noa io,
azo antoko fa tsy maintsy
ren̈indro raha momba izio.
Haindro nan̈ino izy
nan̈amboatra sambofiara io.
Fa efa tsisy hevitry eky taminio,
fotony Jehovah efa namody
varavaran̈a sambofiara.
Ren̈iny Noa ndreky fianakavian̈anany tsarabe
mahalen̈y latsaka tan̈abony sambofiara io.
Navy amizay fotoan̈a tsy mety
adin̈andro amy fiain̈anandro io,
sambofiara io niteky!
Ren̈indro amizay bolongany kakazo
be in̈y nihetsiky niala amy tany.
Niefon̈o sambo io!
Misora taitry iro taminio sady ravoravo.
Fatatra ankitin̈y ma sambofiara io?
Alô hitandrin̈esintsika
raha koran̈iny Genesisy 8,
manomboko aminy andininy 1,
hizahavantsika ino raha
nandalo fan̈araka:
“Tafarany zen̈y,
tsaroany Zan̈ahary io Noa
ndreky bibidỳ jiaby
ndreky biby fitarimin̈y jiaby niaraka
taminany tan̈aty sambofiara tao.
Ke nampandalo tsiko
tambony tany Zan̈ahary,
nanomboko nihen̈y rano.
Ke tampin̈y rano lalin̈y
ndreky varavaran̈a ranony lan̈itry,
voly mahalen̈y be baka andan̈itry in̈y.
Nisinton̈o tsihelihely rano tambony tany.
Nihen̈y amizay rano
koa fa afaka zato dimampolo andra.
Baka io tamy andra fahafolo
fito ambiny fanjava fahafito,
tafipetraka tan̈abony bongo
Ararata sambofiara io.
Baka io nihen̈y tsihelihely amizay rano
firaka tamy fanjava fahafolo.
Niboaka amizay tendrony bongo,
taminandra voanalohany
tamy fanjava fahafolo.
Koa fa afaka efapolo andra,
nibiafiny Noa lafenaitrany
sambofiara namboarin̈y.
Nan̈aboaka goaka amizay izy baka io,
ke goaka io nitilin̈y tambelan̈a tan̈y.
Loso izy baka tio nimpody,
karaha zen̈y fo nataony
firaka rano tambony tany ritry.
Baka io nan̈aboaka pizon koa izy,
baka hahitan̈a asa efa nihen̈y
rano sa tsy endriky nihen̈y.
Tsy nahita tany hibidan̈ana foeky pizon io,
ke nimpody tamy Noa tan̈aty
sambofiara tao ndraiky izy,
fotony mbala nisy rano tany jiaby.
Ke naboakany Noa tan̈ananany,
baka io nalainy pizon in̈y
nampidiriny tan̈aty sambofiara tao.
Mbala niambin̈y fito andra ndraiky koa Noa,
baka io naboakany ndraiky baka
tan̈aty sambofiara tao pizon in̈y.
Nimpody ndraiky tamy Noa tio
koa pizon in̈y koa fa harivariva.
Fa nisy ravinoliva mbala
mahitso tamy vavanany,
ke hainy Noa fa
efa nanomboko nihen̈y rano tambony tany.
Niambin̈y fito andra ndraiky ka izy,
baka io naboakany ndraiky koa pizon in̈y.
Fa pizon in̈y baka tio tsy
nimpody taminany eky.”
Tan̈atiny 40 andra ndreky 40 alin̈y,
nantsintsin̈y mare mahalen̈y
tan̈atiny sambo io,
baka io izy nijan̈ono.
Iritrireta amizay Noa ndreky
fianakavian̈anany
nitazan̈a ambelan̈a sambo atỳ,
tsisy raha hita foeky koa fa tsy rano.
Dobo tany jiaby.
Ke nisy tsiko be nandalo,
baka io nihen̈y rano io.
Farany,
koa fa afaka 150 andra tafarany
nikomanseny mahalen̈y be in̈y,
tafipetraka amy tany amizay sambo io.
Misora tsara andra tamy zen̈y!
Efa nety niboaka ma iro tamy zen̈y?
Tsy endriky.
Mbala niambikambin̈y rano nihen̈y tsarabe iro.
Nay iro mbala tsy endriky niboaka,
mbala naro asa nataondro tao.
Iro biby aby io mbala nila nikarakarain̈a
ndreky namian̈a hanin̈y.
Azo antoko fa efa tsy din̈indro eky hiboahan̈a
mba handia tany maiky zen̈y.
Ke ten̈a nila nanan̈a faharetan̈a iro.
Iritrireta hely Noa ndreky fianakavian̈anany,
nanan̈a fotoan̈a tsarabe niarahan̈a.
Niaraka nandiniky koa iro,
ino raha ataondro,
lera iro miala baka an̈atiny sambofiara ao.
Io amizay iro mahita
tampony bongo miboaka.
Efa lera miboaka amizay ma zioty?
Noa nitazan̈a baka tamy lafenaitra.
Nifidy araiky tamy Goaka tao izy,
baka naboakany.
Mbala nimpody fo izio.
Nalainy Noa amizay Goaka in̈y,
nampodiny tamy pilasinany.
Izy baka io nandefa pizon koa.
Tsy nahita tany nibidan̈ana
izy ke nimpody koa.
Herin̈iandra tafaranizin̈y,
nalefany ndraiky koa pizon in̈y.
Baka io pizon in̈y nimpody taminany,
nitondra raviny olivy.
Fito andra tafara,
nalefany Noa ndraiky koa pizon io.
Fa taminio, tsy nimpody eky pizon io.
Ke karakory tohiny?
Alô tandrin̈esantsika Genesisy 8,
manomboko aminy andininy 13:
“Taminandra voanalohany
tamy fanjava voanalohany,
tamy taon̈o tsiotanjato araiky amby,
ritry rano tambony tany.
Ke nadosony Noa sarony sambofiara io,
ke izy koa fa nizaha, efa naiky tany.
Efa naiky tany jiaby tamindra
faharoapolo fito amby,
tamy fanjava faharoe.
Karaha ty volan̈iny Zan̈ahary tamy Noa:
‘Miboaha baka an̈atiny sambofiara ao anao
ndreky vadinao ndreky ry zanakanao
baka io vadiny zanakanao.
Indesa miboaka miaraka aminao
koa raha manampahin̈ana jiaby
baka amy karazanofotro jiaby,
biby mitilin̈y, biby fitarimin̈y,
baka io biby mandady jiaby
mihetsiketsiky ambony tany.
Han̈aranaka iro io ke hanjary maro.
Ke niboaka Noa ndreky vadiny,
ndreky zanakandro lelahy
ndreky vadiny zanany aby io.
Niboaka baka tan̈atiny sambofiara tao koa 
bibidỳ jiaby ndreky biby mandady jiaby
ndreky biby mitilin̈y jiaby,
ndreky raha jiaby mihetsiketsiky ambony tany,
isaka karazany.
Noa baka tio nan̈orin̈y alitara niny Jehovah.
Ke misy nangalany iro biby madio
ndreky iro biby mitilin̈y madio aby io.
Baka io izy nan̈ano fan̈atitry niny Jehovah
tan̈abony alitara io.
Naharen̈y fofon̈o tsara
nampakalma izy Jehovah,
ke hoizy tan̈aty jerinany tan̈y:
‘Zaho tsy han̈ozon̈o tany eky nohony olo,
fotony raha ratsy fo irian̈y fondro,
rango iro mbala hely.
Tsy haringako karaha taloha in̈y
eky raha manampahin̈ana jiaby.
Fa izikoa mbala tany fo tany ty,
tsy voly foeky famafazan̈a ndreky fijinjan̈a,
nintsy ndreky hafanan̈a,
hasara ndreky ririn̈iny,
baka io mantsan̈a ndreky alin̈y.’”
Izikoa fa tsy nimpody pizon in̈y,
nisy nan̈abiafany Noa
tampony sambofiara io.
Io izy nahita fa ankamarozany tany efa naiky.
Izy koa mety efa nahita
raha maniry namelan̈a mare.
Raha tsiary nisy foeky baka
raha zen̈y talohany safodrano,
tany koa fa niozon̈iny Jehovah.
Fa Noa taminio,
mbala niambin̈y taridalan̈a Jehovah fo.
Baka tio amizay,
Jehovah nivolan̈a taminany:
“Miboaha baka an̈atiny sambofiara ao anaro.”
Haravoan̈a donko tsisy ambaka izy taminio!
370 andra iro tan̈atiny sambofiara io tao.
Iritrireta hely baka iro lafamy,
niaraka niboaka baka
tan̈atiny sambofiara io tao,
nitokitokiky, nahazo rivotro vaovao,
fa tsy ho din̈indro karakory
fiain̈ana vaovao zen̈y zio.
Niboaka amizay iro biby aby io.
Noa ndreky fianakavian̈anany amizay
varian̈a mizaha iro biby aby io,
samby amy tany imboan̈y.
Sasany tamindro biby aby io,
mety efa zatra iro mare.
Fa taminio iro tsy maintsy nalefa.
Efa tsisy eky anjely nangala
vatan̈anolombelon̈o,
tsisy Nefilima baka io koa
tsisy olo ratsy fan̈ahy.
Ten̈a nankasitraka mare Jehovah iry Noa!
Noa tsy nan̈arin̈ary fotoan̈a foeky.
Izy nan̈ano alitara ndreky
nan̈ano soron̈o niny Jehovah.
Naboakany Jehovah fa
ravoravo izy tamy soron̈o io.
Jehovah nan̈amia toky fianakavian̈a io,
fa izy efa tsy han̈ano safodrano eky
handripahan̈a raha jiaby manampahin̈ana.
Mbala bebeny zen̈y raha nataony.
Izy nan̈ano fifan̈ikian̈a tamy
Noa ndreky iry zanany,
fa han̈amia izy famantaran̈a
hitantsika firaka zioty.
Alô baka hitandrin̈esantsika raha momba zen̈y,
amy Genesisy 9, manomboko amy andininy 8:
“Avio karaha ty koa nivolan̈iny
Zan̈ahary tamy Noa
ndreky tamindro zanany lelahy aby io:
‘Zaho man̈ano fifan̈ikian̈a aminaro
ndreky taranaka handimby anaro
ndreky amy raha jiaby
manampahin̈ana aminaro io,
voron̈o zen̈y, biby fitarimin̈y,
bibidỳ jiaby ambony tany,
iro raha jiaby niboaka baka
tan̈aty sambofiara in̈y,
ndreky raha manampahin̈ana
jiaby amboniny tany.
Karaha ty fifan̈ikian̈a ataoko aminaro:
Tsy haripako amy safodrano eky nofotro jiaby,
avio tsy hisy safodrano eky
handrobaka tany ty.’
Karaha ty koa ho Zan̈ahary:
‘Karaha ty lamarikiny
fifan̈ikian̈a ataoko aminaro,
ndreky raha jiaby
man̈ampahin̈ana aminaro io,
amy taranaka jiaby an̈atiny
fotoan̈a tsy voafetra:
Apetrako amy rondro sobehanaka,
atao lamariky fifan̈ikian̈a ataoko amy tany.
Ke zaho koa fa mampisy
rondro an̈abony tany,
hiboaka amy rondro io sobeha io.
Ke ho tsiaroko fifan̈ikian̈a ataoko aminaro
ndreky karazandraha manampahin̈ana jiaby.
Avio zaho tsy han̈ano safodrano eky
handripaka nofotro jiaby.
hiboaka amy rondro arỳ sobehanaka,
ke ho hitako avio ho tsiaroko
fifan̈ikian̈a nataoko
an̈atiny fotoan̈a tsy voafetra in̈y,
fifan̈ikian̈a ataony Zan̈ahary
amy raha jiaby manampahin̈ana,
dikany zen̈y nofotro jiaby ambony tany.’”
Ten̈a tsara lamariky namezany Jehovah io!
Sobeha io mampatsiaro Zan̈ahary
ndreky olombelon̈o 
fampan̈antinan̈any Zan̈ahary.
Misora lan̈y fan̈ahy i Noa ndreky
fianakavian̈anany nahita,
kolera parikarazany tamy lan̈itry tarỳ,
<i>Violet, verte, bleu, jaune,</i>
oranzy, mena.
Fa tsy ho hisy safodrano eky
han̈afotro tany ty.
Fa Jehovah tsy handefitry tsisy
farany aminolo ratsy fan̈ahy zen̈y.
Alô baka hivakintsika raha
nisoratiny apostoly Petera.
Zahava azafady 2 Petera 2:5:
Zioty, tsisy ny hafa tamy fiain̈ana
talohany safodrano in̈y koa fiain̈antsika.
Olo kafiry,
baka io koa olo man̈ano raha
jiaby halany Jehovah.
Raha misy zio baka, 
fiain̈ana andavanandra fo raha
ten̈a mampiasa loha olo,
fa tsy jirendro hafatra mamonjy fahin̈ana
ambarantsika iro.
Karaha ty ataondro man̈adroadro
olony Zan̈ahary io:
“Ahia loatra ma raha
volan̈inaro hoavy zen̈y e?
Raha jiaby zioty mandeha mahitsy,
karaha mbala namoron̈ana izy tamy
voanalohany tan̈y in̈y fo ke!”
Diso hevitry olo mivolan̈a zen̈y.
Jehovah nandripaka olo aby ratsy
fan̈ahy aby taminandrany Noa in̈y.
Mbala han̈ano karaha
zen̈y koa izy amy zioty.
Karaha tamy faha Noa in̈y,
olo tsara fan̈ahy navotany.
Volan̈a Jehovah ty man̈amia toky atsika,
‘hainy Jehovah man̈avotro olo
mahafoeten̈a amy Zan̈ahary,’
izikoa fa misy raha ratsy mahazo iro.
Hainy koa mamory olo tsy
marin̈y aminandra fitsaran̈a,
handripahan̈a iro.
Jehovah mbala han̈ano
paradisa ambony tany eto,
karaha tamy tanjon̈onany voanalohany in̈y.
Ke tsisy olo hanohitry Zan̈ahary
eky hipetraka ao.
Amy paradisa io,
olo tsara fan̈ahy fo hipetraka ao.
Ke atao karakory fo iro
anjely nivadiky aby in̈y?
Koa fa navy safodrano
taminandrany Noa in̈y,
iro anjely ratsy aby in̈y,
nialandro vatan̈anolombelon̈o
ke iro niova fan̈ahy ratsy.
Baka io karaha taloha in̈y,
Mbala tsy voly man̈atsory
olo han̈ano ny ratsy fo
iro demony aby io amy zioty.
Fa Zan̈ahary koa fa handripaka donia ty,
Satana ndreky iro demony aby io,
iro tsy hahavita hamitaka olo eky.
Karaha ty volan̈iny Volan̈a Zan̈ahary:
Finoan̈a nahavy Noa
nan̈araka Volan̈a Jehovah.
Zen̈y nahavy izy ndreky fianakavian̈anany,
tsy naty tamy safodrano.
Noa ela velon̈o, 950 taon̈o.
Fa lera hatsangany Zan̈ahary
lelahy nanampinoan̈a io,
izy amy zen̈y ho afaka ho velon̈o tsisy farany.
Atsika koa man̈aboaka
finoan̈a karaha Noa in̈y,
ndreky man̈araka Volan̈a Jehovah fo,
afaka han̈ano dia araiky
amy Jehovah koa atsika,
ke tsy ho hisy farany
fikamaradianantsika aminany.


-