JW subtitle extractor

後嚟佢哋去咗迦百農
到咗安息日耶穌就即刻去會堂教導人
啲人對耶穌嘅教導方式覺得好驚訝
因為佢嘅教導嚟自上帝
唔似得嗰啲抄經士
就喺嗰個時候
會堂入面有一個受邪靈操縱嘅人
令你哋驚訝
拿撒勒人耶穌你嚟呢度做咩呀？
你嚟消滅我哋呀？
我知你係邊個上帝嘅聖者吖嘛
收聲！
喺呢個人身上面出嚟！
邪靈就大聲尖叫
又令嗰個人猛烈抽搐
然後離開佢嘅身體
大家都好驚訝議論紛紛
點會咁㗎？
佢嘅教導方式真係與眾不同呀！
呢個人竟然有權驅逐邪靈
而邪靈又服從佢喎
好快關於耶穌嘅事就傳開咗
成個加利利都知道
咁犀利嘅
離開會堂之後耶穌、雅各仲有約翰
就去咗西門同安得烈嘅屋企
西門嘅外母發緊高燒
有人請耶穌幫佢
耶穌企喺佢身邊
好㷫喎
醫好佢嘅熱病
佢就退咗燒
跟住佢即刻起身
為佢哋準備食物
日落嘅時候
啲人將患咗各種疾病嘅人
帶去耶穌嗰度
我地好需要你呀！
老師呀！
拉比老師求吓你吖！
出嚟救吓我哋吖！
可憐吓我地啦！
耶穌逐一將手放喺佢哋身上
醫好佢哋
呢個係要實現以賽亞先知講過嘅說話
「佢承擔我哋嘅病痛背負我哋嘅痛苦」
啲邪靈喺好多人身上被驅逐出嚟
佢哋大嗌
你就係上帝嘅仔
收聲！
喺佢身上出嚟！
耶穌斥責佢哋唔准佢哋講嘢
因為邪靈知道佢係基督
一朝早
天仲未光
耶穌起身
去到外面偏僻嘅地方
佢喺嗰度禱告
老師！老師！出嚟啦！
老師你喺邊呀？
求吓你啦！求吓你啦！幫吓我哋啦！
佢去咗邊呀？老師去咗邊呀？
老師呢？老師呢？老師去咗邊呀？
老師你去咗邊呀？
西門同其他門徒四周圍去搵耶穌
後嚟搵到佢
個個都搵緊你呀！
我哋去第二度
去附近啲城鎮啦
我要去埋嗰度傳道
我嚟就係為咗做呢件事
之後耶穌去勻全個加利利
喺啲會堂入面教導人
傳講王國嘅好消息
幫人醫好各種各樣嘅病
關於佢嘅事傳遍咗成個敍利亞
嗰度嘅人將受到各種疾病
同埋痛症折磨嘅人
仲有俾邪靈操縱嘅
患咗癲癇嘅、癱瘓嘅
全部帶去佢嗰度
耶穌就醫好佢哋
喺佢身上出嚟！
你自由喇！
於是有一大班人
由加利利、德卡波利斯
耶路撒冷同猶地亞
仲有約旦河嘅對岸嚟跟隨佢
嘩！痲瘋病人呀！
嘩！你做咩行埋嚟呀！
走啦！行遠啲啦！
污糟邋遢！
會傳染㗎！行遠啲啦！走啦！
有一個痲瘋病人去到耶穌嗰度
跪低懇求佢
只要你願意
就可以令我好返
耶穌好同情佢
就伸隻手出嚟摸佢
我好願意
你好返啦！
佢嘅痲瘋即刻消失
完全好返
嗰個人離開之前耶穌鄭重咁吩咐佢
唔好將呢件事話俾任何人知
要去搵祭司俾佢哋檢查吓
亦都要獻上《摩西法典》規定嘅祭物
證明你已經好返
點知佢走咗之後周圍同人講
將呢件事傳開去
結果耶穌唯有留喺城外面偏僻嘅地方
因為佢入城嘅話會引起好多人關注
但係
民眾都係繼續由唔同地方嚟到搵耶穌
即使係咁
耶穌仍然經常去冇人嘅地方禱告
過咗一排耶穌再返到去迦百農
啲人知道佢喺間屋入面
呢個消息傳開咗
有好多人就嚟到聚集喺嗰度
連門外面都企滿人
耶穌向佢哋傳講上帝嘅話語
有四個人抬住一個癱瘓嘅人去搵耶穌
由於太多人
佢哋冇辦法將癱瘓嘅人抬去耶穌面前
我好肯定噉同你哋講時候就快到嘞
其實而家就係死人會聽到上……
死人會……
於是佢哋拆咗耶穌上面嘅屋頂
將嗰個人連埋擔架由個窿放落去
解開啲繩啦
耶穌見佢哋咁有信心就同癱瘓嘅人講
阿仔
你嘅罪赦免嘞
有幾個抄經士坐喺嗰度
心諗呢個人點可以咁樣講嘢㗎？
佢喺度褻瀆上帝
除咗上帝冇人可以赦罪㗎喎
耶穌即刻睇出佢哋諗緊啲乜嘢
就同佢哋講
點解你哋內心有呢啲諗法呢？
其實任何人都可以同呢個癱瘓嘅人講
「你嘅罪赦免嘞」
但係有邊個可以話
「起身拎起你嘅擔架行啦」
而佢又真係行到呢？
不過為咗令你哋知道
人子喺地上有權赦罪
我吩咐你起身！
拎起你嘅擔架返屋企啦
嗰個人就起身
即刻拎起擔架喺所有人面前行出去
大家都好驚訝讚美上帝話
我哋從來冇見過咁樣嘅事啊
耶穌又去到海邊
民眾全部都去到佢嗰度
佢就教導佢哋
耶穌離開嗰度之後
喺路上佢見到一個人坐喺收稅嘅地方
佢叫做馬太
耶穌同佢講
嚟跟隨我
馬太就企起身跟隨佢嘞
後嚟耶穌去咗馬太屋企
有好多收稅人同埋罪人
同耶穌仲有佢嘅門徒一齊食飯
佢哋當中有好多人都跟隨耶穌
屬於法利賽派嘅抄經士見到耶穌同罪人
仲有收稅人一齊食飯
就同耶穌啲門徒講
佢竟然同啲收稅人仲有罪人一齊食飯
健康嘅人唔需要醫生
病咗嘅人就需要嘞
經文話「我想人表現憐憫
而唔係獻祭俾我」
你哋諗吓係咩意思啦
我嚟唔係要呼召正義嘅人
而係要
呼召罪人悔改
約翰嘅門徒嚟問耶穌
點解我哋同法利賽派嘅人有禁食嘅習慣
但係你嘅門徒就唔禁食呢？
當新郎仲同啲朋友一齊嘅時候
新郎嘅朋友冇理由哀悼吖係咪？
娶新娘嘅
係新郎
但係新郎嘅朋友
企喺旁邊聽到新郎講嘅嘢
就已經好開心㗎喇
但係時候會到
新郎會俾人帶走離開佢哋
到時佢哋就會禁食嘞
冇人會將新嘅布補喺舊嘅衫上面
因為新布一縮水就會扯爛件衫
咁反而爛得更加犀利
亦都冇人會將新酒裝落舊皮袋裡面
如果咁做就會掙爆個皮袋
咁唔單止酒漏出嚟
連個皮袋都唔用得嘞
所以啲人會將新酒裝入新皮袋
咁兩樣都可以保存
飲完陳酒仲會想飲新酒咩？
啲人實會話陳酒好啲
於是耶穌去猶地亞各個地方嘅會堂傳道
後嚟猶太人嘅一個節期到嘞
耶穌就上耶路撒冷
喺耶路撒冷嘅羊門附近有一個池
希伯來語叫畢士特
嗰度有五個柱廊
有好多病人仲有好多盲嘅、跛嘅
同埋肢體萎縮嘅人瞓咗喺柱廊度
嗰度有一個人已經病咗38年
耶穌見到呢個人瞓喺度
而且知道佢病咗好耐
就同佢講
你想唔想好返呀？
先生池水郁嘅時候
都冇人放我落個池度
到我
準備落去㗎嘞
人哋又快過我
起身啦！
拎起你張墊行吓吖
嗰個人就即刻好返
佢拎起張墊開始行路
嗰一日係安息日
於是猶太人就同嗰個被醫好嘅人講
今日係安息日
你搬張墊係唔合法㗎喎？
醫好我嗰個人叫我拎起張墊行吓
究竟係邊個叫你拎起張墊行㗎？
不過佢唔知道係邊個醫好佢
因為耶穌已經走咗去到人群當中
後嚟耶穌喺聖殿見到佢
就同佢講
而家你好返喇
唔好再犯罪
唔係就可能會遇到更加唔好嘅事
嗰個人走咗之後
就去同猶太人講係耶穌醫好佢
於是猶太人迫害耶穌
因為佢喺安息日幫人醫病
我爸爸不斷工作直到而家
所以我都一樣
猶太人聽到就更加想殺死佢
因為佢哋覺得
耶穌唔單止違反咗安息日嘅規定
仲話上帝係自己嘅爸爸
自命同上帝平等
我好肯定咁話俾你哋聽
阿仔做任何事都唔可以自作主張
佢見到爸爸做乜嘢先至會做
無論爸爸做乜嘢
佢都用同樣嘅方式去做
爸爸對阿仔嘅感情好深
向佢展示自己所做嘅一切
而且仲要向佢展示比呢啲更偉大嘅事
令你哋驚訝
正如爸爸復活死人
令佢哋再次有返生命
同樣阿仔想邊個復活就復活邊個
爸爸唔審判任何人
反而將審判嘅事全部交俾阿仔
令人人都尊重佢就好似尊重爸爸咁
邊個唔尊重阿仔
就係唔尊重派佢嚟嘅爸爸
我可以好肯定咁同你哋講
邊個聽到我嘅說話
又相信派我嚟嘅嗰位
邊個就有永遠嘅生命
唔會被定罪反而已經脫離死亡
歸入生命嘞
我好肯定咁同你哋講
時候就快到喇其實而家就係
死人會聽到上帝個仔嘅聲音
聽從嘅人就會有返生命
正如爸爸係生命嘅源頭
佢亦都將賜生命嘅能力俾咗阿仔
爸爸已經賜咗審判權俾佢
因為佢係人子
唔好為呢件事驚訝
因為時候會到
所有喺墳墓裡面嘅人
都會聽到佢嘅聲音就出嚟
行善嘅人復活得到生命
但係嗰啲作惡嘅復活接受審判
我做任何事都唔可以自作主張
我會根據爸爸同我講嘅去審判人
我嘅審判係公正嘅
因為我唔係照自己意思做
而係要執行派我嚟嗰位嘅旨意
如果只有我為自己作見證
我嘅見證就冇效
有另一位為我作見證
我知道佢為我作嘅見證係有效嘅
你哋派過人去見約翰
佢為真理作咗見證
其實我唔需要嚟自人嘅見證
我係為咗令你哋得救
先至講呢啲說話
呢個人係一盞點著咗嘅明燈
你哋曾經開開心心咁接受佢嘅光照
不過嗰段時間好短
約翰曾經話俾人聽我係爸爸派嚟嘅
而我可以提出更有力嘅證據
去證明呢一點
就係我做緊爸爸派我成就嘅事
派我嚟嘅爸爸都親自為我作見證
你哋從來冇聽過佢嘅聲音
亦都冇見過佢嘅形貌
佢嘅話語唔喺你哋嘅心入面
因為你哋唔相信佢派嚟嘅嗰位
你哋睇聖經
因為你哋認為
通過聖經就可以有永遠嘅生命
其實為我作見證嘅就係聖經
但係你哋唔想跟從我而得到生命
我唔接受人俾我嘅榮耀
至於你哋我知你哋冇愛上帝嘅心
我奉我爸爸嘅名而嚟
但係你哋唔接待我
其他人奉自己嘅名而嚟
你哋反而會接待佢
你哋唔相信我
因為你哋互相接受榮耀
唔尋求獨一嘅上帝所賜嘅榮耀
唔好以為我會向爸爸指控你哋
有一位自然會指控你哋
就係摩西
即係你哋信賴嘅嗰位
其實如果你哋相信摩西就會相信我
佢寫低咗我會做嘅事
如果你哋唔相信摩西寫嘅嘢
又點會相信我講嘅嘢呢？
有一次安息日嘅時候
耶穌同啲門徒穿過麥田
門徒一路行一路摘啲麥穗嚟食
你睇
點解你啲門徒喺安息日噉樣做嘅？
唔合法㗎喎
有次大衛同跟隨佢嘅人又餓又冇嘢食
當時佢點樣做你哋冇讀過咩？
同祭司長亞比亞他有關嘅記載
講到大衛入咗聖幕食咗呈獻嘅餅
按照法律呢種餅淨係得祭司可以食
但係大衛仲分咗啲俾佢手下
另外你哋喺法典冇讀過咩
安息日嘅時候
祭司喺聖殿工作都係冇罪㗎噃
但係我話俾你哋知
有個比聖殿更重要嘅人喺呢度
如果你哋明白「我想人表現憐憫
而唔係獻祭俾我」呢句說話嘅意思
就唔會定冇罪嘅人有罪
上帝設立安息日係為咗幫助人
但係佢創造人
唔係為咗要人守安息日
人子係安息日嘅主呀
喺另一個安息日
耶穌入去會堂教導人
嗰度有一個人佢隻右手萎縮咗
抄經士同法利賽派嘅人望實耶穌
睇吓佢喺安息日會唔會醫病
喺安息日醫病合唔合法嘅呢？
目的係要搵把柄指控佢
耶穌同嗰個隻手萎縮咗嘅人講
起身企喺中間啦
安息日做咩事合法呢？
做好事定係做壞事？
係拯救生命吖定係殺人呢？
不過佢哋冇出聲
如果你唯一嘅綿羊
就喺安息日跌咗落個坑度
你哋有邊個唔會去捉住佢
拉返佢上嚟呢？
人貴重過個綿羊好多唔係咩？
所以喺安息日做好事係合法㗎
伸隻手出嚟啦
佢一伸隻手出嚟
隻手就即刻好返咩事都冇嘞
法利賽派嘅人離開嗰度
就即刻同希律黨徒商量點樣對付耶穌
想殺死佢
耶穌同門徒離開嗰度去咗海邊
有一大班人由加利利
同埋猶地亞嚟到跟住耶穌
仲有一大班人甚至由耶路撒冷、以土邁
約旦河對岸、泰爾同埋西頓一帶
嚟到佢嗰度
因為佢哋聽聞佢做咗好多奇妙嘅事
耶穌叫門徒幫佢準備一隻船仔
如果啲人擁埋嚟嘅話佢就可以上船嘞
所有患咗重病嘅人都圍住佢
想摸下佢因為佢醫好咗好多人
邪靈每次見到佢都喺佢面前下拜
大嗌話「你係上帝嘅仔」
不過耶穌一再嚴肅咁吩咐佢哋
唔可以透露佢嘅身分
咁係要實現以賽亞先知講過嘅話
佢話「睇吓！
呢個係我揀選嘅僕人
係我深愛嘅係我認可嘅！
我會將我嘅神聖力量降喺佢身上
佢會令世界嘅人清楚知道乜嘢係公正
佢唔會同人爭拗唔會大吵大鬧
冇人會喺大街嗰度聽到佢嘅聲音
壓傷嘅蘆葦佢唔會折斷
就快熄嘅燈火佢唔會整熄
佢會一直噉樣做
直到佢為全世界帶嚟公正
佢嘅名會為世界嘅人帶嚟希望」
喺嗰段時期有一次耶穌上山禱告
佢向上帝禱告咗成晚
天一光佢就召集門徒去佢嗰度
耶穌喺佢哋當中揀咗12個人
稱為使徒
耶穌揀選嘅12個人有
西門
耶穌俾咗另一個名佢叫做彼得
有西庇太嘅仔雅各
同埋雅各嘅兄弟約翰
耶穌俾咗另一個名佢哋
叫做博尼格意思係「雷霆之子」
仲有安得烈
腓力
巴多羅買
馬太
多馬
亞勒腓嘅仔雅各
達太
熱心人西門
同埋後嚟出賣耶穌嘅加略人猶大

第四集：「我嚟就係為咗做呢件事」