JW subtitle extractor

Rango zaho vo teraka,
mamako ndreky papako efa
Vavolombelon̈o Jehovah edy.
Ke zaho nianatra Baiboly,
nan̈aton̈o fivorian̈a,
avio niaraka nanompo tamindro fo.
Zaho tombo tan̈atiny fahamarin̈ana,
ke haiko tsarabe fa
fan̈arahan̈a fitsipiky Baiboly io
ten̈a mahatsara zaho.
Ke raimandreniko nafana fô mare izikoa
fa nikoran̈a raha arapan̈ahy taminaka.
Tsapako zioty fa tsy tihandiso
fan̈antinan̈a iro zaho tamy zen̈y.
Fan̈arahan̈a fitsipiky Baiboly io
tsy sarotro be karaha karakory zen̈y,
ndreky tsy man̈avesatra fiain̈ana zen̈y.
Ny marin̈y aminany aby,
izikoa atsika man̈araka raha koran̈iny Baiboly ao,
hahazo hatsaran̈a atsika tompiny ain̈y.
Fa ndraikindraiky zaho man̈ontany ten̈a,
nan̈ano karakory fiain̈ananaka otrizay
izikoa zaho tsy tan̈aty fahamarin̈ana.
Ten̈a tsara niaraka tamindro
kamaradiko aby ta lekoly tan̈y.
Aminy ankapobeny,
namparavoravo zaho ta lekoly tan̈y.
Zaho niaraka tamindro lekoly
araiky taminaka aby io,
baka iô papianatranay tia zaho aby.
Ten̈a namparavoravo ta lekoly tan̈y.
Raimandreniko tsy voly nivolan̈a fa
zaho tsy tokony hifandray marikitry be
aminolo lekoly araiky aminaka.
Kanefa fahitako izy,
iro olo tsara fitondranten̈a,
baka iô olo tsara fan̈ahy.
Ke tsy azoko, ino raha nampavozo raimandreniko.
Tamy lise niaranarako,
maro tamindro tsaiky lekoly araiky
taminay aby io nandeha nivavaka.
Baka iô ankamarozany papianatranay koa pivavaka.
Fa tandraraiky,
nanjary haindro jiaby ta lekoly tan̈y fa
zaho Vavolombelon̈o Jehovah.
Haiko fa mety ho hisy olo sasany
han̈avakavaka Vavolombelon̈o Jehovah.
Fa ny nampalan̈y fan̈ahy zaho fo,
olo jiaby tampoko tiô, niova aby.
Zaho nanomboko nandany fotoan̈a be
niaraka taminolo lekoly araiky taminaka.
Kanefa arakaraka niarahako
tamindro nahitako fa
fomba fiain̈ananay tsy mitovy foeky.
Amy koran̈a ataonay,
iro mikoran̈a raha nataondro lera weekend,
ndreky mikoran̈a dia nataondro
iro koa fa mandeha mivanga raha.
Fa ninaka ndraiky koa fa weekend,
mivory, mitory, zen̈y fo.
Ke hitako iro ny ten̈a ravoravo.
Zaho nahatsiaro latsatokan̈a,
baka iô tsisy olo tihikamarady aminaka.
Tan̈aty jerinaka tan̈y haiko fa marin̈y
salakady mahatsara
fan̈arehan̈a fitsipiky Baiboly io.
Kanefa zaho koa fa tojy raha sarotro io,
loso nampisalasa zaho raha zen̈y.
Zaho nanomboko nahatsapa tsy ten̈a ilain̈a,
tsy karaha iro lekoly araiky aminaka aby io.
Ke iro koa fa nikoran̈a tanjon̈ondro amy fiain̈ana,
zaho in̈y tsy nahavita nivolan̈a
ino ma tanjon̈onaka.
Ke zaho nanomboko nieritreritry,
ino fomba ten̈a tsara tokony ataoko.
Fikoran̈ako raha nisy io tamy raimandreniko,
ten̈a nan̈ampy zaho.
Tandraraiky,
fotoampivavahan̈any fianakavian̈a zahay tamy zen̈y,
zahay nanapakevitry fa hikoran̈a
momba fotokevitry io.
Zahay namaky Matio 5:11:
Fa akory ma mampasambatra atsika
izikoa atsika ampijalian̈a?
Ke tan̈aty jeriko tan̈y,
‘zaho zioty tsy ten̈a sambatra aby.’
Mamako nikoran̈a taminaka Marka 8:38.
Tapanizio mikoran̈a:
Nahakasiky zaho mare volan̈a io.
Tsapako tan̈atinaka tan̈y fa
zaho men̈atra koa hainolo Vavolombelon̈o Jehovah.
Tan̈atiny fotoan̈any raha jiaby zen̈y,
nisy rahalahy tamy fiangonan̈anay tao
nan̈ano kabaro natao ninolo jiaby,
ke namaky Matio 19:29.
Voakoran̈a ao fa
lan̈iany mahafoe raha ten̈a maventy aminany
nohony amy Jehovah
izy hahazo injato mandilatra raha nafoeny.
Ke zaho nanapakevitry han̈ambela
raha ten̈a maventy aminaka,
ndreky hizaha ino vokany,
avio ino hatsaran̈a handeha ho azoko.
Tan̈atiny fotoan̈a aby zen̈y,
raimandreniko nan̈ampy zaho
baka zaho mba hifandray amindro
ranadahy ndreky rahavavy
man̈ano fanompoan̈a manontolo andra isankarazany,
ke haharen̈y iro hitantara raha niain̈andro.
Zen̈y nan̈ampy zaho hanapakevitry,
ahia lalan̈a tokony himboako amy fiain̈ana.
Raha ten̈a namparavoravo zaho
tamy fanapahankevitry io,
zaho nanjary afaka nifandray tamy rahalahy
ndreky ranabavy vaovao maro oe.
Tsapako koa fa
marobe olo mitovy fomba fisain̈ana,
ndreky mitovy tanjon̈o aminaka,
ke iro io nanjary ten̈a kamaradiko.
Iro lekoly araiky aminaka aby io koa fa
nikoran̈a momba tanjon̈ondro aminy hoavy,
zaho mba nahasaky nikoran̈a tsarabe eky.
Zaho ten̈a man̈ano mersy mare raimandreniko,
nan̈ampy zaho hanan̈a korazy nahavitan̈a zen̈y.
Zaho nahatsapa fa Jehovah
ten̈a man̈atanteraka volan̈anany,
fotony koa fa dinihin̈a,
nitantirahany marin̈y volan̈anany
han̈amia hatsaran̈a injatony
mandilatra raha nafoeko in̈y,
zaho koa fa nifidy han̈araka toro lalan̈any Baiboly.
Ten̈a sambatra zaho zioty!
Zaho koa matoky fa
izikoa zaho man̈araka raha ampianariny Baiboly
koa zaho fa hangala décision,
tsy maintsy ho ten̈a tsara fo vokatrany zen̈y.

Fiain̈ananay Tanora: Afaka Man̈ampy Zaho ma Baiboly Io?