JW subtitle extractor

Kʼalal livokʼe
stestigotak xa ox
Jeova li jtot jmeʼe.
Jmoj ta jchankutik Vivlia,
chibatkutik ta tsobajel
xchiʼuk ta
cholmantal.
Jnaʼoj ti jaʼ jlekilal li
kʼusi chal Vivliae,
yuʼun stestigotak xa
onoʼox Jeova li jtot jmeʼe.
Skʼupinik spasel
kʼusitik sventa mantal.
Jaʼ yuʼun, mu toʼox jkʼan
ti svul yoʼontonik kuʼune.
Melel xkaltike
maʼuk jun ikatsil ti ta
jchʼunbetik smantal Diose.
Yuʼun kʼalal ta jchʼuntik
kʼusi chal li Vivliae,
ep sbalil ta jtabetik.
Oy toʼox ta jakʼbe jba
kʼu van yelan jkuxlejal
ti maʼukun
stestigo Jeovae,
yuʼun ta jkʼupin toʼox xchiʼinel
li jchiʼiltak ta chanune.
Kʼalal
chichanunaj toʼoxe
lek laj kil jba xchiʼuk
li jmaestrotake,
li jchiʼiltak ta chanune:
la jkʼupin tajek.
Li jtot jmeʼe
chalbeikun toʼox
ti mu xkamigoinan tajek
li jchiʼiltak ta chanune.
Pe mu xkaʼibe smelolal,
yuʼun toj lek yoʼontonik.
Toj lek stalelalik li
jchiʼiltak ta chanune.
Oy jchiʼiltak ta chanun
ti oy srelijionike.
Jech xtok,
ep jmaestrotak ti
xchʼunojik ti oy Diose.
Pe oy jun veltae
la snaʼik skotolik
ti jaʼun
stestigo Jeovae.
Jnaʼoj ti oy buchʼutik
spʼajojik li stestigotak Jeovae,
pe labal to laj kaʼi ti mu
xa skʼan skʼoponikune.
Ta skoj ti jaʼ mas
jal ta jchiʼinan
li jchiʼiltak ta chanune,
laj kakʼ venta ti jelel
li jkuxlejalkutike.
Li stukike jaʼ chalbeik
skʼoplal ti ayik ta manolajel,
ayik ta kux oʼonton.
Jaʼuk li voʼone, jaʼ
noʼox li ay ta tsobajel,
ta cholmantal:
oy to kʼusitik muʼyuk
ta jkʼupin chkaʼi.
Jchʼunoj lek
ti oy sbalil
kʼalal chkakʼ ta jkuxlejaltik
li beiltasel ta Vivliae.
Pe kʼalal laj kil ti mu xa
skʼan xamigoinikune,
lik chibajkun
xchiʼuk la jnop ti muʼyuk
xa sbalil li Vivliae.
La jnop ti chʼabal
sbalil li jkuxlejale:
jaʼ yuʼun kʼalal chalbeik
skʼoplal kʼusi skʼan staik
li jchiʼiltak
ta chanune,
li voʼone mu
jkʼan xkal.
Kʼalal jech la jnuptane,
jtos ti kʼusi
la skoltaune,
jaʼ ti laj kalbe
li jtot jmeʼe.
Vaʼun, la jloʼiltakutik
li ta yichʼel ta mukʼ
Jeova ta kutsʼ kalalkutike.
La jkʼelkutik Mateo 5:11
ti xi chale:
Pe ¿kʼuxi
xuʼ xijmuyubaj
mi chkichʼtik
chopol kʼoptaele?
Yuʼun li vaʼ kʼakʼale
mi jsetʼuk bu ximuyubaj.
Li jmeʼe laj yakʼ
kil Markos 8:38
tee chal ti
buchʼu chkʼexav
ta stojolal li
Xnichʼon Krixchanoe
ta xkʼexav
ta stojolal ek.
Kʼot ta koʼonton,
yuʼun laj kakʼ venta
ti chikʼexav ti jaʼun
stestigo Jeovae.
Kʼalal echʼ jun mantal
li ta jtsobobbailkutike,
li ermanoe la skʼel
li Mateo 19:29
tee chal mi oy kʼusi
laj kiktatik spasel
sventa xijtun
ta stojolal Diose,
mas to ta sien ta
velta ta jtabetik xkʼexol.
Jaʼ jech la jpas
sventa xkil kʼusitik
bendision ta jta.
Jaʼ yuʼun, li jtot jmeʼe
oy kʼusitik la spasik
sventa jaʼuk
mas jchiʼinan
li buchʼutik chtunik
ta tsʼakal orae
xchiʼuk ti xalbeikun
li kʼusitik echʼem tal
ta xkuxlejalike.
Taje la skoltaun sventa
jnaʼuk kʼusi jpas ta jkuxlejal.
Jun bendision jtaoj
ta skoj li kʼusi kʼot
ta nopel kuʼune,
jaʼ ti laj kojtikin
epal ermanoetik
xchiʼuk kerem tsebetik
ti jmoj kʼusi ta jkʼan
ta jtakutik ta mantale.
Jaʼik lekil
amigoiletik.
Kʼalal laj yalbeik
skʼoplal yan velta
li kʼusitik skʼan staik
li jchiʼiltak ta chanune,
li voʼone albej kuʼun
li kʼusi ta jkʼan eke.
Koliyal tajek ti la
skoltaikun li jtot jmeʼe.
Kiloj ta jkuxlejal jtuk ti
tspas kʼusi chal li Jeovae,
li voʼone jaʼ la jtʼuj ti
ta jchʼunbe smantale
xchiʼuk mas to ta sien ta
velta yakʼojbun Jeova
li kʼusitik kiktaoje.
Jnaʼoj ti jaʼ jlekilal li
kʼusitik chal Vivliae.
Ximuyubaj tajek li avie
xchiʼuk jchʼunoj lek
ti lek kʼusi ta jta
mi ta jchʼun li
beiltaseletik ta xakʼ Vivliae.

Kʼalal kerem tsebutike: ¿Kʼuxi xuʼ skoltaot li Vivliae?