JW subtitle extractor

Li teksto avi sob
ti te lokʼem ta
Jkʼel-osil ta toyole
xi jamal chale:
«Sventa spuk li kʼusi
tsnop Satanase,
jaʼ tstunes
li pelikulaetike
xchiʼuk li kʼusi chjelav
ta televisione».
Taje jaʼ chkoltaatik
li buchʼutik skʼanojik
ta melel Jeova,
ti snopik lek mi tskʼelik
li kʼusi chlokʼ ta television
o ta junuk pelikulae.
Li Jkʼel-osil ta toyole
xi to chalbe skʼoplal
ta sventa li kʼusitik tstunes
Satanas yoʼ sloʼlautike.
Li stuke snaʼoj
ti lek chkaʼitik
skʼelel xchiʼuk xchikintabel
sloʼil li yantike.
Yuʼun snaʼoj ti xuʼ
sjel jnopbentike
xchiʼuk li jtalelaltike.
Jaʼ yuʼun, kʼalal ta
jchʼay koʼontontike
jvules ta joltik ti li loʼiletik
chalbe skʼoplal Satanase
ta smilal xa onoʼox jabil
sokojbe tal snopben
xchiʼuk stalelal
li krixchanoetike.
Jkʼeltik ta slivroal Isaias
kʼusitik kʼotem ta
pasel ta skoj taje.
Isaias 55 versikulo 7
xi chale: «Akʼo skomtsan
sbe li buchʼu toj chopole
xchiʼuk akʼo yikta kʼusi
tsnop li jpaschoplejale».
Jaʼ yuʼun, li buchʼu chakʼ
sba ta chanubtasel
yuʼun li Satanase
tsokesbat li snopben
xchiʼuk li stalelale.
Ta tsʼakal une,
li jun krixchanoe chkʼot
ta jpaschoplejal
xchiʼuk tsok stalelal.
Li versikulo
8 xchiʼuk 9,
te ta xal ti ta skoj ti maʼuk
tukʼil krixchanoutike,
ali...
mu jechuk tsnop Dios
kʼuchaʼal voʼotike.
8 xchiʼuk 9:
«Xi chal li Jeovae:
‹Yuʼun li kʼusitik ta jnope
mu jechuk chanopik
li voʼoxuke
xchiʼuk li abeike mu
xkoʼolaj xchiʼuk
li jbetake.
Jaʼ jech mas toyol
oy li jbetake,
jaʼ mu sta li abeike
xchiʼuk mas toyol oy
li kʼusitik ta jnope›».
Yuʼun li jun krixchano ti
muʼyuk tukʼe, xuʼ xpas
ta chopol krixchano.
Pe ¿kʼu yuʼun pas ta
chopol krixchano xchiʼuk
ti sok tajek stalelale?
Jech kʼuchaʼal chkiltike,
oy kʼusi ikʼat-o batel
sventa xpas ta
chopol krixchanoe.
Laj yakʼ sba ta chanubtasel
yuʼun li Satanase.
Melel onoʼox ti jpas
mulilutik jkotoltike,
pe ¿kʼusi tskoltautik
sventa jnoptik kʼuchaʼal
tsnop li Jeovae?
Xchiʼuk ¿ti mu snitutik
batel ta spasel
li kʼusi chopole
o ti xijpas ta chopol
krixchanoe?
Veno, li Jeova eke
tstunes loʼiletik
sventa...
tskoltautik ti jechuk
jnoptik kʼuchaʼal
tsnop stuke.
Li ta Vivliae ta xalbe
skʼoplal lekil krixchanoetik
xchiʼuk chopol krixchanoetik.
Li ta loʼiletik taje,
te ta jtatik li kʼusitik
lekik xchiʼuk li chopolik
la spasik ta voʼnee,
yoʼ mu jpastik jech eke.
Pe maʼuk noʼox,
yuʼun tskoltautik sventa
xkaʼibetik smelolal li
mantaletik xchiʼuk
li beiltaseletik
chakʼ Jeovae
xchiʼuk ti jechuk jnoptik
kʼuchaʼal tsnope.
Jkʼeltik jtosuk.
Li ta Vivliae chal ti
ch-akʼvan ta perton
li Jeovae.
Jkʼeltik avilik kʼusi chal
ta slivroal Eksodo
kapitulo 34,
jkʼeltik ta versikulo 7.
Jvules ta joltik ti jaʼ yakal
chkalbetik skʼoplal ti kʼuxi
ch-akʼvan ta perton li Jeovae.
Xi chale:
«Ta smilal noʼox buchʼu
chakʼbe ta ilel tukʼil kʼanelal,
chakʼ ta perton li buchʼu
oy kʼusi chopol tspase».
Oy ta yoʼonton
ch-akʼvan ta perton.
Sventa xkaʼibetik
lek smelolale
li Jeovae oy kʼusi
alakʼ sba tstunes.
Te ta jtatik ta
slivroal Isaias
Isaias 1 versikulo 18,
jchantik batel:
«Xi chal li Jeovae:
‹Laʼik, jchapantik
li jkʼoptike.
Akʼo mi solel kuxul
tsoj li amulike,
sak ta xkom
kʼuchaʼal li taive;
akʼo mi tsoj tajek
kʼuchaʼal li kuxul
tsajal pokʼe,
sak ta xkom jech
kʼuchaʼal li sakil tsotse.
Yan velta xtok xvinaj
ti ch-akʼvan ta
perton li Jeovae.
Sventa xkaʼibetik
smelolal xchiʼuk xkʼot
ta koʼontontike
li Jeovae
chalbutik jun loʼil.
Veno... jaʼ laj
yal li Jesuse,
te ta jtatik ta
Lukas kapitulo 15
jaʼ skʼoplal li
chʼayemal kereme.
Avie, muʼyuk ta jchantik
skotol li versikuloetike,
jpʼel chaʼpʼel noʼox
ta xkalbetik skʼoplal.
Li ta versikulo 11,
chal ti «oy jun vinik ti
oy chaʼvoʼ xnichʼone».
Li ta versikulo 12, chal
ti «itsʼinale» la skʼan
li sparte osile.
Li ta versikulo 13
chal ti «bat ta namal
balumil», ti bu laj yixtolan
skotol li kʼusitik oy yuʼune.
Li 15 xchiʼuk 16, chal
ti chʼay yuʼun skotole.
Ta versikulo 17 chal ti
«vul xchʼulele» xchiʼuk
sut ta sna stot.
Ta versikulo 20 chal ti
«taat ta ilel yuʼun li stote,
kʼuxubaj ta yoʼonton
xnichʼon li totile, bat
snup ta be ta anil,
la smey xchiʼuk la
skʼunil tsʼutsʼ».
Kermanotak, ¿kʼusi
tskʼan chchanubtasutik
Jeova ta sventa li loʼil liʼe?
Li baʼyele,
li Jeovae tskʼan chakʼutik
ta perton jaʼ ta skoj
ti jech stalelale.
Jech kʼuchaʼal
li jun totile
xuʼ xkakʼtik venta li buchʼu
tsaʼ smule xuʼ xixtolan
skotol li kʼusi chichʼ akʼbele.
Pe jpatoj koʼontontik
ti xuʼ sutes yoʼontone
xchiʼuk kʼalal mi sut
tal ta stojolal li Jeovae
xijmuyubaj ta jchʼamtik.
Li jsaʼ muliletike xuʼ
sjel li stalelalike
xchiʼuk xuʼ xkʼotik yan
velta ta yutsʼ yalal li Jeovae.
Xuʼ van xil
tajek svokolik
ti xuʼ jaʼ te xtijbat-o
yoʼontonik sventa sutik
tal ta stojolal li Jeovae.
Ep tajek kʼusitik lekik
chchanubtasutik liʼe,
yuʼun tskoltautik ta
yaʼibel smelolal li
kʼusi tskʼan Jeovae
xchiʼuk ti jechuk jnoptik
kʼuchaʼal tsnope.
Li jtose
jaʼ ti li Xchʼul Kʼop Dios
sventa Achʼ Balumile
te van chal 500 velta
ta pʼel kʼopetik
sventa xchapbe
skʼoplal li loʼiletike liʼe.
Pe jaʼ noʼox lajunpʼel
chalbe skʼoplal li kʼusitik
chopol la spas li nichʼonile.
Li ta versikulo 13 chal ti
«muʼyuk xa noʼox spajeb
li kʼusitik la spase».
Li ta versikulo 30
chal xtok «ti ay yixtolan
ta jchonbail antsetik
li kʼusitik oy yuʼune».
Liʼe jaʼ jun skʼelobil
li buchʼutik tspasik
kʼusi chopole.
Pe maʼuk mas chalbe
skʼoplal li kʼusi chopol
la spase
o ti labalik xa
sba ta aʼiele.
Yuʼun jaʼ chixchanubtasutik
kʼuxi xuʼ xi snopajesutik ta
stojolal Jeova xchiʼuk ti
ta onoʼox xiyakʼutik ta pertone.
Li loʼil liʼe jaʼ sventa
ti laj yichʼ tsʼibaele.
¿Kʼuxi van chchapbe
skʼoplal Satanas xanaʼik
li loʼil ta sventa
li chʼayemal
kereme?
¿Mi chalbutik van ti mu
kʼusi stakʼ albel li totile
o ti jpʼel xale?
¿Mi chakʼ van jchʼuntik
ti jaʼ ta skoj ti muʼyuk
kolem li nichʼonile?
¿Mi jaʼ vokol-o chaʼi
li xkuxlejale?
¿Mi chal van Satanas ti
akʼo xal chopol kʼopetik
xchiʼuk bol kʼopetik
li ta loʼile?
¿Kʼu to van sjalil xanaʼik
chchʼakbe yorail
sventa xalbe skʼoplal
mulivajel li ta loʼile?
Mi sut tal ta sna li
nichʼonile, ¿mi sutesoj
van ta melel yoʼonton?
¿Mi chakʼ van ta aʼiel ti
xaʼibe xa smelolal xchiʼuk
ti jelel xa stalelal li totile?
O ¿mi chal van ti yikʼoj
kʼotel jun ants ti jaʼ jun
li ta jchonbail antsetike?
Li ta loʼil chal
Satanase,
mi ta jnopbetik skʼoplale,
chalbe skʼoplal mulivajel
xchiʼuk jutbil kʼop.
Li ta sloʼile
jaʼ onoʼox chalilanbe
skʼoplal skotol velta,
jaʼ chalilanbe skʼoplal,
milbail, majbail
xchiʼuk mulivajel.
Skotol li loʼil chalbe
skʼoplal Satanase
jtos noʼox kʼusi
chakʼ ta chanel
akʼo mi jelel xa yaʼeluk
buchʼu chalbe skʼoplal.
Kʼalal chchap
jun loʼil li Jeovae,
persa onoʼox oy kʼusitik
achʼ ta jchantik yuʼun.
Jujukoj kʼalal ta jchantik
xchiʼuk ta
jnopbetik skʼoplale
oy kʼusitik yan ta
xakʼ jchantik.
Mu ventauk jaykoj ta
jchantik li jujun loʼile.
Jujukoj kʼalal ta jchantike
tskoltautik sventa jnoptik
jech kʼuchaʼal
tsnop li Jeovae.
Jaʼ yuʼun, kʼalal
ta jnop ta jchʼay
koʼontontike,
jnopbetik skʼoplal
li sjakʼobiltak liʼe:
«¿Buchʼu yakal
chchanubtasun?
¿Mi ta jtabe sbalil
li kʼusi ta jkʼele?
¿Mi ta melel lek
chkaʼi jba yuʼun?
O ¿mi tskʼunibtas li
xchʼunel koʼonton
ta stojolal Jeovae?».
Mi xijnaʼete,
¿mi mu masuk van
lek ti mu jkʼeltike?
Ti liʼ to kuxulutik
ta mol balumile,
jkʼan me jkʼeltik
lek li kʼusi ta jchʼay-o
koʼontontike.
Kakʼtik akʼo
xchanubtasutik li Jeova
sventa jechuk
jnoptik, xkaʼitik
xchiʼuk xijrasonaj
kʼuchaʼal li stuke.
Ta jkʼantik xa
ti xkʼot yorail,
ti naka xa lekik skotol
li kʼusitik ta jchʼay-o
koʼontontike.

Gary Breaux: Li loʼiletike jtunel kuʼuntik sventa oyuk kʼusi jchantik (1 Juan 5:19)