JW subtitle extractor

Li teksto avi kʼakʼale,
ti lokʼem ta Kolosenses 4:6,
chalbutik kʼu yelan
skʼan xijkʼopoj skotol ora.
Xi chale:
«oyuk me lek smuil
li akʼopojelike,
oyuk me lek yatsʼamil»
Jtakʼtik batel oxib sjakʼobil.
Baʼyel,
¿kʼusi skʼan xal ti oyuk
xlek smuil li jkʼopojeltike?
Xchibal,
¿kʼu yuʼun toj tsots skʼoplal
ti oyuk lek smuil
li jkʼopojeltike?
Yoxtosal,
¿kʼuxi xuʼ jchantik
ti oyuk lek smuil li
jkʼopojeltike?
¿Kʼusi skʼan xal
ti oyuk lek smuil
xli akʼopojelik xie?
Li jpʼel kʼop ta griego taje,
toj labal sba kʼusi skʼan xal.
Li jtakbol Pabloe
la stunes mas ta sien velta
kʼalal la stsʼiba li skartatake.
¿Kʼu yuʼun ti labal sba taje?
Jaʼ koʼol smelolal li jpʼel kʼop
«slekil yutsil oʼontonal»
xi ta Vivliae.
Bateltike xi chichʼ alele
«matanaletik ti ta slekil
oʼontonal chichʼ akʼele».
Xi laj yichʼ alel jechuke:
«li a kʼopojelike jaʼuk me
jun matanal ti
chichʼ akʼel ta slekil
oʼontonale».
Koʼoltik kʼusi skʼan xal li
kʼusi laj yal li jtakbol Pablo
ta Efesios kapitulo 4.
Xi chal ta Efesios 4
ta versikulo 29,
xi chal li xchaʼvokʼale:
«jaʼ noʼox xavalik li kʼusi
lek ti tstsatsubtasvan
kʼalal jech chtune
sventa stabe sbalil avuʼunik
li buchʼu chchikintae».
Pe akʼik avil venta li slikebe:
«Mu me xlokʼ ta aveik jpʼeluk
kʼop ti tsokesvane».
Taje toj tsots ta aʼiel.
¿Mi oy junuk velta sokem
aveʼel
ti te toʼox tikʼil ta refrie?
Yileluke lek to, pe kʼalal
ajame, jun to stuil.
Chajoypʼij ta anil,
vaʼun chamak yan velta,
laje chachʼay batel.
Nopo noʼox avaʼi ti
yakal chachiʼin ta loʼil
junuk avamigoe.
Li kʼusi oy ta koʼontontike,
jaʼ ti oyuk kʼusi lek xkaltike.
Pe kʼalal chlik
loʼilajuke, chloʼiltavan,
muyuk noʼox lek kʼusi chal
o chchopol kʼopta junuk ermano,
chopol noʼox chil skotol.
¡Chij-chibaj yuʼun!
Taje tsokesvan,
xkoʼolaj kʼu chaʼal li
tuil veʼlile.
Pe mi tsʼijlan xkutike, xuʼ
van muyuk xa lek chilutik.
Li kʼusi xuʼ jpastike, jaʼ ti
mu jtsakbetik bal li sloʼile,
mu xa kʼusi xkaltik.
Pe ti melel xkaltike,
oy onoʼox lokʼem ta ketik
ek li kʼusi tsokesvane.
Jkʼeltik xa batel li
xchibal sjakʼobile.
¿Kʼu yuʼun toj tsots skʼoplal
ti oyuk lek smuil
li jkʼopojeltike?
Jkʼeltik batel li kʼusi chal
Santiago kapitulo 3.
Santiago kapitulo 3,
versikulo 6: «Jaʼ kʼokʼ
li kokʼtik eke.
Li kokʼtike jaʼ stsʼak
jbekʼtaltik ti tspas choplejale
xchiʼuk chikʼubtas
sjunul jbekʼtaltik.
Xuʼ sokes jkuxlejaltik
xchiʼuk xkoʼolaj kʼuchaʼal Jeena
ta skoj ti tslajesutike».
Li buchʼu chopol tstunes
yokʼe, xuʼ me xbat ta Jeena.
Jech laj yal li Jesus eke.
Jkʼeltik kʼusi laj yal li ta
slivroal Mateo.
Mateo kapitulo 12, jkʼeltik
li ta versikulo 36, xi chale:
«Chkalboxuk avaʼiik
ti te chichʼik chapanel
ta Skʼakʼalil Chapanel
li krixchanoetik
ti mu kʼusi xtun-o li
kʼusitik chalike».
¿Mi jaʼ chkichʼtik-o chapanel
li kʼusi oy ta koʼontontike
o jaʼ li kʼusi chkaltike?
Kʼelavilik ta versikulo 34,
jkʼeltik li xchaʼvokʼal li ta
versikulo liʼe:
«Yuʼun jaʼ chlokʼ ta aveik li
kʼusitik oy ta avoʼontonike».
Akʼo mi jaʼ noʼox chkaltik li
kʼusi oy ta jnopbentike,
pe ¿ bu onoʼox chlokʼ talel?
Jaʼ li ta koʼontontike.
Jaʼ chchapanutik-o Jeova li
kʼusi oy ta koʼontontike,
pe jech xtok un,
chkichʼtik chapanel
ta skoj ti kʼu yelan chaʼi
sba kuʼuntik li yantike.
Jaʼ yakʼoj ta ilel stuk Jeova
ti oyuk slekil xchiʼuk smuil
li jkʼopojeltike.
Jkʼeltik li kʼusi laj yal ta
Sakarias, Sakarias kapitulo 1.
Jaʼ chalbe skʼoplal jun anjel,
tsvul tajek yoʼonton, jaʼ yuʼun
oy kʼusi la sjakʼbe li Jeovae.
Li kʼusi tsvul-o yoʼonton
li anjele,
jaʼ ti yakal xa chnamajik ta
stojolal Jeova li Judaetike,
ti jaʼ chloʼlavanik li
buchʼutik skontrainojik
li melel yichʼel ta mukʼ Jeovae.
Xi chal ta versikulo 12:
«Kajval Jeova ti bankilalot
yuʼun soltaroetike,
¿kʼu to sjalil muʼyuk chavakʼbe
ta ilel xkʼuxul avoʼonton
li Jerusalene
xchiʼuk li jteklumetik ta Juda
ti oy xa ta 70 jabil ilinemot
ta stojolalike?».
Xi chal li versikulo 13:
«Li Jeovae ta slekil
yoʼonton la stakʼbe
li anjel ti yakal
chchiʼinun ta loʼile
xchiʼuk tspat oʼontonal ti kʼu
yelan la stakʼbee».
Mu jnatik lek li kʼusi laj
yal li Jeovae,
pe li kʼusi jnaʼojtike jaʼ ti
skotol ora oy slekil yoʼontone.
Li kʼusi xa laj kaltike,
jaʼ chak jnoptik li
yoxtosal sjakʼobile
¿kʼuxi xuʼ jchantik ti oyuk
lek smuil li jkʼopojeltike?
Kalbetik skʼoplal chib
beiltasel ta Vivlia,
akʼo mi ep kʼusi xuʼ xkaltik.
Li baʼyel beiltasele te ta
jtatik ta Efesios 5:1.
Efesios 5:1, xi chale:
«Jaʼ yuʼun, chanbeik li kʼusi
tspas Diose» ¿kʼu yelan?
«Yuʼun skʼanbil nichʼnaboxuk».
Li ololetike lek xaʼi xchanbeik
li kʼusi tspas stot smeʼike
xchiʼuk lek chaʼiik
tskʼelanbeik smoton stot smeʼik
yoʼ xmuyubajik-oe.
Jnopbetik skʼoplal jun kʼox
tseb ti chakʼbe smoton smeʼe.
Li matanal taje, maʼuk van
ti lek tajeke,
akʼo mi jech, toj ep sbalil
chil li meʼile.
¿Kʼu yuʼun?
Yuʼun yakal xa
chchanbat stalelal.
Xuʼ van laj yakʼ venta
kʼalal oy kʼusi la skʼelan
li meʼil eke,
jaʼ yuʼun xmuyubaj
tajek li meʼile.
Jaʼ jech li Jeova eke.
Kʼalal ta jchanbetik stalelale
lek tajek chil, xmuyubaj tajek.
Sventa jchanbetik stalelale
skʼan jtsaktik ta venta
li kʼusi tspase.
Sventa epuk sbalil xkiltik
li kʼusi tspase,
jaʼ ti jnaʼuk jtojtik ta vokole,
jtojtik ta vokol.
Jaʼ yuʼun, skotol ora jtojbetik
ta vokol Jeova li kʼusi tspase.
Xuʼ van mu jtatik ta ilel skotol
li kʼusi tspas ta jtojolaltike.
Mi jnaʼ jtojtik ta vokol skotole
xchiʼuk mi chkalbetik yaʼi
li kʼusitoj lekik tspas ta
jtojolaltike,
vaʼun tsots skʼoplal chkiltik
xchiʼuk labalik sba chkiltik
li kʼusitik tspase,
¿Kʼu yuʼun jech taje?
Yuʼun kʼalal mas to labalik
sba chkiltik li kʼusi tspase,
mas to ta jkʼan ta
jchanbetik stalelal.
Oy van buchʼu xi chale:
«ay ermano, mu spas kuʼun.
Mu xchanbe
kuʼun stalelal Jeova».
Mu kʼuxal avoʼon, li kʼusi
noʼox skʼan xapase.
Jaʼuk ti xavak persa xa
toj ta vokole.
Li xchaʼtosal beiltasel
ta jkʼeltik batele,
te ta jtatik li ta teksto la
jkʼeltik xae, ti chalbe skʼoplal
«ti skʼan oyuk lek
yatsʼamil jkʼopojeltike».
Li ta skʼakʼalil Vivliae
chʼabal toʼox refri.
Jaʼ yuʼun, sventa mu xpajub
li sveʼelike,
li kʼusi tspasike jaʼ ti
chakʼbeik atsʼame.
Vaʼun muyuk tsok li sveʼelike.
Jaʼ jech ek, mi ta slekil
koʼonton chijkʼopojutike,
tspat me yoʼonton ta jtojolaltik
li yantike
xchiʼuk jkʼanoj-o jbatik.
Oy noʼox lek kamigotik
sbatel osil.
Jaʼ jkʼelbetik slekil talelal
li yantike,
mi jech la jnopes jbatike,
jech-o me ta slekil koʼontontik
ta jkʼopontik li yantike.
Jech xtok, jaʼ jech ta
jtijbetik yoʼonton
sventa xakʼik ta ilel slekil
talelalik.
Jechuk ti
kʼupilik sba kʼusitik chkalbetik
li buchʼu jkʼanojtike.
La jchantik, mu ti mu
ventauk kʼusi jnuptantik,
kʼu yelan chkaʼi jbatik,
skotoluk ora lekuk
xijkʼopojutik.
Lekuk kʼusi jpastik, lekuk
koʼontik ta stojolal li yantike.
Kakʼtik persa,
kakʼ ta koʼontontik spasel li
kʼusi chal li Salmo 19:14:
«Kajval Jeova,
akʼo kʼupiluk sba xavaʼi li
kʼusitik chlokʼ ta kee
xchiʼuk li kʼusi ta jnop
ta koʼontone,
voʼot ti kʼotemot ta
Mukʼta Ton kuʼune
xchiʼuk voʼot ti
Jpojvanejot kuʼune».

Izak Marais: Skotoluk me ora oyuk lek smuil jkʼopojeltik (Kol. 4:6)