JW subtitle extractor

Нэхъыжь классым
сыщыщІэсым щыгъуэ,
къыздеджэхэр махуэ
къэс сексым тепсэлъыхьт.
Абыхэм сыт щыгъуи
я щІалэхэм, я хъыджэбзхэм
я гугъу ящІт
икІи дыщыдэс махуэхэм
я гъусэу ящІэнухэм тепсэлъыхьт.
Иеговэ сызэри-Щыхьэтыр
абыхэм ящІэ
икІи си щхьэгъусэу щымытым
сызэримыгъусэнур,
ауэ ахэр скІэрыкІтэкъым.
Си класс щІалэ цІыкІухэр
гъунэгъубзэу къызбгъэдыхьэти,
ІэплІэ къысхуащІыну,
къызэІэбыну хэтхэт.
Зэгуэрым къыздеджэ
хъыджэбз цІыкІум
къызэІусэ жеІэри, къызжиІащ.
Ну, фощІэ фэ ар дапхуэдэуми.
Ар абы хуэздатэкъыми,
си пщІэр езыудых
псалъэхэр къызипэсащ
икІи уэ угейуэ къыщІэкІынщ
жиІэри, къызжиІащ.
Ахэр джэгу хуэдэурэ,
мыхъумыщІагъэхэр
сагъэщІэну хэтхэт.
Ауэ сэ сыкъикІуэттэкъым.
ИкІи абы щхьэкІэ ахэр
къысщыдыхьэшхт,
ауани сащІт.
Ауэ псалъэ закъуэкІэ
Іуэхур зэфІэкІакъым.
Къыздеджэ щІалитІ
си щІыбагъым къыдэувэри,
къызэІунщІу щІадзащ,
абы нэмыщІ си Іэр яубыдри,
залымыгъэкІэ хъыджэбзым
срагъэІусэну хэтащ.
Сэ абыхэм саІэщІэкІын хуейт.
Армырми, сэ Иеговэ и Щыхьэту
сызэрыщытым щхьэкІэ,
адрейхэм куэдкІэ сакъыщхьэщыкІт.
Абы нэмыщІыж,
сэ езыр сыцІыху щэхут.
Абы къыхэкІкІэ,
адрейхэм сакъыхэмыпІиикІын
щхьэкІэ
абыхэм сахэгъуэщэну сыхуейт.
Ауэ сэ сщІэт,
адрейхэм зезгъэщхьмэ,
Иеговэ и жагъуэ зэрысщІынур.
Сэ Иеговэ сигукІэ
зыхуэзгъазэри, кхъыІэ,
къыздэІэпыкъу, жысІэри,
селъэІуащ.
Абдежым сэ Исуф си нэгу
къыщІыхьащ.
Ар Потифар и щхьэгъусэм
зыкъыІэщІичри,
щІэпхъуэжыфащ,
сыт щхьэкІэ жыпІэмэ,
Исуф Иеговэ и жагъуэ
ищІыну хуейтэкъым.
Сэри аращ сщІар.
ЗыкъыІэщІэсчыри,
классым сыкъыщІэжащ.
Сэ Іейуэ къыздэІэпыкъуащ
Библиер куууэ зэрызджыр.
Абы Иеговэ сэ нэхъ
гъунэгъу сыхуищІащ.
Иеговэ нэхъ гъунэгъу сыхуэхъуху,
абы и жагъуэ сщІынкІэ
нэхъ сыгузавэу сыхъут.
Иеговэ сызэриныбжьэгъур
сэ лъапІэу слъытэт
икІи нэгъэсауэ дзыхь хуэсщІт.
Ар сэ къыздэІэпыкъуащ
нэгъуэщІхэм ещхьу зызмыщІыну
икІи пэжуи сыкъэнэну.
Уей, ар мытыншт,
ауэ сэ къызгурыІуэт
унафэ тэмэм къызэрысщтар.
Абы ипэкІэ сэ си анэшхуэр
хуабжьу къыздэІэпыкъуащ.
ГъэунэхуапІэхэм
узэрыпэлъэщыфынум теухуауэ
статья зыбжанэ схуигъэхьэзырат абы.
Апхуэдэ темэхэр си
анэшхуэм и гъусэу
зэпкърысхыну тІэкІу сыукІытэми,
сэ аращ къыздэІэпыкъуар
Иеговэ хуэпэжу сыкъэнэну икІи
къапхъэными симыхуэну.
Си адэ, си анэм сыхуагъэушт
сэ сыт щыгъуи
ипэкІэ сыплъэну,
сэ сегупсысыну
унафэ къасщтэхэм кърикІуэнум.
Ар зэран е сэбэп зэрыхуэхъуфынум
Иеговэрэ сэрэ ди зэхуаку
дэлъ зэныбжьэгъугъэм,
си унагъуэм, си ныбжьэгъухэм.
Сэ абы щыгъуэ
а псом куэдрэ сегупсысащ.
Дэ псом нэхъапэу дызыхуэныкъуэр
Иеговэ дзыхь хуэтщІыныращ.
Мис абы щыгъуэщ
нэгъэсауэ ехъулІэныгъэ дыщиІэнур.
Сэ хуабжьу къыздэІэпыкъуащ
«Ответы на твои вопросы»
жыхуиІэ тхылъым
2-нэ томым и 5-нэ псалъащхьэр,
«Зачем ждать до брака?» жыхуиІэр.
Сэ а тхылъым сыкъригъэлащ!
Мы дуней псом тет,
си ныбжьым иту
ди къуэш, ди шыпхъу куэдыр
си гугъуехьхэм хуэдэ
зэрыпэщІэхуэр къыщысщІам,
сэ сызэримызакъуэм
гупсэхугъуэ къызитыжащ.
Сэ Иегови, и организацэми
фІыщІэшхуэ хузощІ,
дэ, щІалэгъуалэм, лъагъуныгъэшхуэ
къытхуагъэлъагъуэм щхьэкІэ.
Ар дэ къыддоІэпыкъу
закъуэныгъэ зыхэдмыщІэну
икІи гугъуехьхэм дыпэлъэщыну.
«Ответы на твои вопросы» тхылъым
2-нэ томым, 14-нэ псалъащхьэр
«Как защититься от издевательств?»
жыхуиІэр къыздэІэпыкъуащ
къабзагъэр схъумэну,
лІыгъэр зыхэслъхьэну,
Иегови адэкІи згъэгуфІэну.
Сэ Иеговэ фІыщІэшхуэ хузощІ
1 Коринф 6:18 итыр
сигу къызэригъэкІыжам щхьэкІэ:
«Зинэ щІэным пэІэщІэ зыфщІ».
А унафэм сызэрытетам
сэ сегъэгуфІэ.
Ауэ псом нэхърэ нэхъапэр,
сэ Иеговэ зэрызгъэгуфІаращ.
Ар пщІэну сыту гухэхъуэшхуэ!

НыбжьыщІэхэм я гъащІэр. Зыгуэрым уригъусэну ущыхагъэзыхьым деж сыт пщІэ хъунур?