JW subtitle extractor

Li jchiʼiltak ta chanune
jujun kʼakʼal ta xalbeik
skʼoplal chiʼinejbail ta vayel.
Jujun kʼakʼal chalbeik
skʼoplal kʼusi spasoj
xchiʼuk snovioik o snoviaik.
Xchiʼuk li kʼusi tspasik ta
savado o ta domingoe.
Snaʼojik ti testigoune
xchiʼuk ti muʼyuk ta jchiʼin
ta vayel li buchʼu maʼuk
to jnup jchiʼile.
Jech-o tsujikun.
Junantik jchiʼiltak ta
chanune yolbaj xa
chnopajik tal ta jtojolal.
Bakʼintike,
tskʼan tspikikun.
Jun veltae, oy jun
tseb ta jsalon laj
yalbun ti akʼo la jpike.
Ta ora laj kalbe
ti moʼoje.
Lik slabanun xchiʼuk
lik xchopol kʼoptaun.
Laj yalbun ti bol keremune
xchiʼuk ti gayunlae.
Pe li jchiʼiltak ta chanune
tajimol noʼox chilik.
Tsujikun ta spasel
li kʼusi tskʼanike,
tslabanikun xchiʼuk tseʼej
noʼox chaʼiik kʼalal
chkalbeik ti mu jkʼane.
La sujikun sventa
jpik li tsebe.
Li chaʼvoʼe
la xujikun batel,
li yan chaʼvoʼe la
stsakbeikun jkʼob
sventa xakʼbeikun jpik.
Vaʼun, laj kakʼ venta ti
skʼan xijatav batel ta anile.
Ta skoj ti stestigoun
Jeovae jelelun xchiʼuk
li jchiʼiltak ta chanune.
Ali...
xitsʼijet noʼox xtok.
Jech oxal, ta jkʼan
xikoʼolaj bakʼintik
xchiʼuk li yantike
sventa mu kʼusi
xiyalbeikun.
Jech xtok,
jnaʼoj lek ti Jeovae mu
skʼan ti jechuk jpas
jech kʼuchaʼal
tspas li yantike.
La jpas orasion xchiʼuk
xi laj kale: «Jeova, koltaun».
Jaʼ vul ta jol li kʼusi
la spas li Josee
li stuke jatav ta
stojolal li yajnil Potifare,
yuʼun tskʼan chmuyubaj
yuʼun li Jeovae.
Taje jaʼ li kʼusi skʼan
jpas eke, vaʼun lijatav
lokʼel ta anil.
Ti la jchanilan
li Jvivliae,
jaʼ la skoltaun mas to
la jchʼun ti oy
ta melel li Diose.
Ta skoj taje, mu jkʼan
jyayijesbe yoʼonton.
Ta skoj ti jpatoj koʼonton
ta stojolal xchiʼuk
ti jaʼ kamigoe
ep la skoltaun tajek,
mas to kʼalal ta jkʼan
ti xikoʼolaj xchiʼuk li
jchiʼiltak ta chanune.
Vokol laj kaʼi ti muʼyuk
la jchʼunbe li tsebe,
pe jnaʼoj skʼan jech jpase.
Jaʼ la skoltaun jyaya
sventa jnaʼ li
kʼusi xuʼ jpase.
Li jyayae saʼoj xa ox
mantaletik li ta
Li Jkʼel-osil ta toyol
ti chalbe skʼoplal kʼuxi
xuʼ jtsal li prevaetike.
Laj onoʼox yakʼ
kʼexlal ti la jloʼilta
xchiʼuk li jyayae.
Pe la skoltaun ta
mantal xchiʼuk ti
tukʼuk xkakʼ jbae.
Li jtot jmeʼe laj yalbeikun
ti skʼan jnop lek mi oy
kʼusi ta jkʼan ta jpase,
yuʼun li kʼusi ta jpase
xuʼ lek o muʼyuk lek
xbat yuʼun jkuxlejal.
O xuʼ sok ti kʼu yelan
xkil jba xchiʼuk li Jeovae,
li kamigotake xchiʼuk
li kutsʼ kalale.
Ti jech la jnopbe skʼoplal
taje, jaʼ la skoltaun.
Xlokʼ venta ti jpat
koʼontontik ta
stojolal Jeovae,
yuʼun mi la jpat
koʼontontik ta stojolale,
lek chbat skotol.
Jaʼ mas la skoltaun li livro
Los jóvenes preguntan
(volumen 2),
mas to ta kapitulo 5:
«¿Por qué debería
seguir siendo virgen?».
Li livro taje toj
ep la skoltaun.
Yuʼun te chalbe
skʼoplal kerem tsebetik
ti jech svokolik
kʼuchaʼal voʼone.
Taje laj yakʼbun kipal
xchiʼuk laj yakʼbun
kil ti mu jtukuk
jech ta jnuptane.
Ta jtojbe ta vokol Jeova
xchiʼuk li s-organisasion ti
skʼanoj li kerem tsebetike,
yuʼun tskoltaunkutik
yo’ mu jtukuk
xkaʼi jbakutik
xchiʼuk ti stsal kuʼun
li jvokolkutike.
Li ta livro
Los jóvenes preguntan,
ta volumen 2,
ta kapitulo
14, ti xi sbie:
«¿Cómo puedo protegerme
del acoso?».
Li kapitulo liʼe laj yakʼ
kipal sventa tukʼuk xkakʼ jba
kʼalal oyun toʼox
ta chanune
xchiʼuk ti xmuyubajuk
kuʼun li Jeovae.
Ta jtojbe ta vokol Jeova
ti tsvulesbun ta jol
tekstoetik jech kʼuchaʼal liʼe:
Ximuyubaj tajek
ti jech la jpase,
pe li kʼusi mas to
ximuyubaj yuʼune jaʼ
ti xmuyubaj li Jeovae.
Taje mu kʼusi
xkoʼolaj-o.

Kʼalal kerem tsebutike: ¿Kʼuxi xuʼ tstsal kuʼun li preva ta sventa li chiʼinejbail ta vayele?