JW subtitle extractor

Mwen te konn jwe
nan pi gwo ekip baskètbòl
ann Itali a.
Mwen te jwe nan ekip
nasyonal pou jèn yo,
e apre, mwen te vin nan ekip
nasyonal pou granmoun yo.
Mwen te kontan paske
mwen te konn jwe byen,
e ti kòb la te vrèman bèl.
Manman m ak papa m
Temwen Jewova,
e gran frè m nan
Temwen Jewova tou.
Rive yon lè,
mwen te santi
mwen te dwe fè yon chwa.
Sitou, lè m te deside
sèvi Jewova.
M pa t vle fè sa paske
se te relijyon fanmi m.
Tank ane t ap pase,
mwen te vin santi m
anvi sèvi Jewova.
Se te tankou yon dife
k ap boule anndan m.
Tikras pa tikras, rive yon lè,
mwen te vwe lavi m
bay Jewova.
Aktout mwen te kontinye
ap jwe baskèt
nan ekip nasyonal la.
Petèt lè sa a, se pa petèt,
se sa l te ye menm.
Lè sa a, mwen pa t ap
sèvi Jewova
ak tout fòs mwen.
Mwen te bay travay mwen
plis enpòtans
pase sèvis Jewova a,
olye mwen te bay Jewova plas
ki pi enpòtan nan lavi m.
Pou m te ka konsole
tèt mwen,
mwen te konn di:
Se pa fòt mwen,
se metye m.
Se travay mwen m ap fè.
Mwen te konn di:
Se vre, sa pran anpil
nan tan m,
men, atlèt yo pran retrèt yo
pi bonè pase lòt moun.
Yo kòmanse touche
pansyon yo
pi bonè pase tout
lòt moun.
Tank mwen te vin
pi pwòch Jewova,
se tank mwen te santi
mwen te dwe pran
yon desizyon.
Siveyan sikonskripsyon
ki te konn
vizite kongregasyon m nan
te konn ede m.
Mwen konnen l depi m toupiti.
Lè n te vin rankontre ankò,
premye bagay li te mande m se te:
“Èske travay w ap fè a ba w
bonjan kè kontan?”
Kesyon sa a sanble yon
kesyon ki tou senp.
Men, kesyon sa a
te fè m reflechi anpil anpil.
Mwen pap janm bliye tout tan
li menm ansanm ak madanm li
te konn pase avè m.
Se vre, yo te okipe anpil.
Men, menm nan jou lib yo,
e menm nan apremidi,
apre yo te konn fin fè tout
yon jounen ap travay,
yo te konn pase tan
avèk mwen.
Pi devan, mwen te konn al jwe
nan lòt ekip nan lòt vil.
Li te mande de lòt fanmi
pou ede m.
Se te kòmsi se yon
asiyasyon li te ba yo.
Yo te fè anpil sakrifis
pou mwen.
Yo te sakrifiye tan yo
pou ede m.
Aktout sa, yo pa t janm
fè m santi m mal
pou sa m t ap fè a.
Yo pa t janm di m pou m
kontinye oswa sispann
jwe baskètbòl.
Yo te kite se mwen menm
ki pran desizyon sa a
poukont mwen.
Mwen te dwe deside
si m ap kontinye jwe,
oubyen si m pap kontinye.
Lè m wè fason yo t ap
mennen lavi yo,
sa te ede m pou m
chanje lavi m.
Se egzanp yo, fason
yo t ap viv,
imilite yo te genyen
ki te ede m.
E lè m wè jan yo te kontan
nan sevis yo,
sa te ede m.
Se vre, yo te ban m
bon konsèy,
e yo te vrèman ankouraje m,
men, se te egzanp yo
ki te plis ede m.
Egzanp yo te ede m konprann
ki sa mwen te dwe bay
priyorite nan lavi m.
Mwen te kòmanse jwe
baskètbòl an 1995.
Mwen te jwe dènye
match mwen an 2008,
nan mwa avril.
Li pa t fasil pou m te
sispann jwe baskètbòl.
Men, m kontan m te fè sa.
Pafwa, m konn di tèt mwen:
M regrèt m pa t gen
ase kouraj
pou m te fè sa pi bonè.
Kounye a, m vrèman kontan
paske kounye a m gen
dezan edmi
depi m pyonye pèmanan.
Frè yo te ankouraje m
ranpli yon aplikasyon
pou sèvis Betèl.
M te sezi wè yo te envite m
pou m al sèvi nan filyal
ann Itali a.
M te fè senk an ap sèvi
nan Betèl la.
Kèk mwa apre m te fin
kite Betèl,
mwen te gen privilèj asiste
Lekòl pou evanjelizatè
Wayòm nan.
Se pa ti kontan m te kontan!
Se vre, baskètbòl se
yon jwèt ki bèl.
Ou ka santi w kontan
lè w ap jwe l.
Men, baskètbòl pap ka fè w
viv ak kè kontan toutbon.
Monn nan kapab ofri w kèk
bagay ki fè kè w kontan.
Men, ou dwe peye chè pou sa,
paske pa gen anyen ki gratis.
Malerezman, m te pran anpil
tan pou m konprann sa.
Piske kounye a, m ap sèvi
Jewova ak tout kè m,
sa fè kè m kontan.
Wi, gen yon ekip,
yon gwo ekip,
e nou tout ap jwe
pou Jewova.
Ekip sa a gen yon
bèl objektif,
yon objektif ki bay
kè kontan,
e l ap genyen kanmenm.

Samuele Podestà: M ap jwe pou yon pi bon ekip