JW subtitle extractor

Litajin ta Serie A,
jaʼ li básquetbol ti mas
tsots skʼoplal li ta Italiae.
Litajin ta jlumal
ta s˗ekipo keremetik,
ta tsʼakale likʼot kʼalal to
ta selección nacional
li ta Italiae.
Solel ta jkʼupin tajek
li tajimol
ta skoj ti lek xitojobe,
yuʼun ta jpas˗o kanal epal
takʼin xtok.
Li jtot jmeʼe xchiʼuk
li jbankile
jaʼik stestigotak Jeova.
Pe jun kʼakʼale
chopol yaʼel laj kaʼi jba,
yuʼun
chʼakal laj kaʼi li koʼontone.
Jaʼo kʼalal lik jkʼan ti
xkamigoin li Jeovae,
yuʼun li kʼusi melele
maʼuk xa noʼox srelijion
ta xkil li kutsʼ kalale,
yuʼun laj kaʼi ti lik
chʼiuk tal ta koʼonton
smantal li Jeova
kʼuchaʼal jun kʼokʼ.
Jaʼ yuʼun,
laj kakʼ jkuxlejal ta stojolal
Jeova xchiʼuk laj kichʼ voʼ
akʼo mi jech˗o chitajin.
Chkale…
maʼuk chkale,
jchʼunoj lek
ti yuʼun muʼyuk lek tsʼakal
chkakʼbe li Jeovae,
yuʼun laj kakʼ venta
ti jaʼ xa mas batem ta
koʼonton li kabtele,
jaʼ xa noʼox ta jpas
kʼusitik sventa mantal
kʼalal xokolune.
Xchiʼuk xi ta jpak jkʼoplale:
«Kʼajomal noʼox jaʼ kabtel
xchiʼuk jaʼ li kʼusi la jchane.
Melel onoʼox ti ep chchʼay
jkʼakʼal li tajimole,
pe junchib noʼox jabil jech
chtajinik li jtajimoletike,
jaʼ yuʼun muʼyuk mas jal,
mu xkoʼolaj kʼuchaʼal li
yan abtelaletike».
Pe kʼalal mas chinopaj
ta stojolal Jeovae,
mas to chʼakal ta xkaʼi
li koʼontone.
Li buchʼu mas la skoltaune
jaʼ li jkʼelvanej ta sirkuito
ti te chtun ti bu nakalune,
yuʼun laj yojtikinun tal
kʼalal kʼoxun toʼoxe.
Jun veltae, la jta jbakutik
xchiʼuk li ermanoe,
vaʼun xi la sjakʼbune:
«¿Mi xamuyubaj li ta
akuxlejale?».
Xaval yaʼeluke kʼun
ta takʼel,
pe ti lek xkaltike
te xinopnun likom yuʼun.
Ta jtojbeik tajek ta
vokol li ermano
xchiʼuk yajnil ti la
skoltaikune.
Manchuk mi ep kʼusitik
ta spasik jujun kʼakʼal,
pe laj onoʼox
xchʼakbeikun skʼakʼalik,
jaʼo kʼalal xokolik
uni jlikele
o kʼalal chlaj yoʼontonik
ta mal kʼakʼale.
Kʼalal litajin ta yan ekipo
xchiʼuk kʼalal libat
ta yan jteklumetike,
la saʼik chib utsʼ alalil
sventa skoltaikun.
Li ermanoetik taje
la spasik ti bu kʼalal xuʼ
yuʼunik sventa skoltaikune.
Ep la xchʼakbeikun
skʼakʼalik,
muʼyuk kʼusi chopol laj
yalik ta sventa ti chitajine.
Muʼyuk la sujikun ta yiktael
li tajimol ta básquetbole,
yuʼun vuʼun oy ta
jba ta snopel
mi jech˗o chitajin
o mi ta xkikta.
Pe ti kʼu yelanike
jaʼ li kʼusi mas la
skoltaun
ta snopel li kʼusi skʼan
jpase.
Jaʼ la jkʼel li kʼusi tspasike,
li kʼusi mas tsots
skʼoplal chaʼiike
xchiʼuk ti xmuyubajik
noʼox chkil
ti chtunik ta Jeovae.
Li skʼelobil yuʼunike
toj ep la skoltaun laj kaʼi,
toj ep la jtabe sbalil.
Vaʼun
jaʼ te laj kakʼ venta
ti jaʼ jech ta jkʼan
jkuxlejal eke.
Lik tajinkun ta 1995
kʼalal to ta avril ta 2008,
slajeb xa partido
tey litajin.
Vaʼun kʼot ta nopel kuʼun
ti chkikta li tajimole,
ximuyubaj tajek
ti jech la jpase.
Kʼalal ta jvules ta jole,
xi to ta jnope:
«Lajuk onoʼox me kikta
ta slikebale».
Jaʼ jun matanal laj kaʼi
ti litun ta prekursor regular
chib jabil xchiʼuk oʼlole.
Oy junantik ermanoetike
la stijbeikun koʼonton
sventa jnojes li solisitud
sventa xitun ta Betele,
labal laj kaʼi, ti la stakikun
ta ikʼel sventa xitun ta
Betel li ta Italia,
voʼob jabil te litun.
Kʼalal oy xa ox jayibuk
u jlokʼel ta Betele,
la stakikun ta ikʼel li ta
Chanob vun
sventa j˗al lekil aʼyejetik
yuʼun Ajvalilal yuʼun Dios.
La jkʼupin tajek.
Li básquetbole toj
kʼupil sba
xchiʼuk lek jchʼay-o
koʼontontik,
pe maʼuk chakʼbutik li
melel muyubajele.
Melel onoʼox,
li sba balumile oy onoʼox
kʼusitik lekik chakʼ,
pe oy onoʼox kʼusi
ti persa chkil-o jvokoltik
yuʼune.
Vokol la jkaʼibe
smelolal taje,
pe avi ti lek xa tsʼakal
chitun ta stojolal Jeovae,
ximuyubaj tajek.
Li ta steklumal Jeovae
jaʼutik jun mukʼ ta
ekipo ek.
Toj kʼupil sba li matanal
ta jtatike
xchiʼuk persa ta jtatik.

Samuele Podestà: Avie oy xa j˗ekipo ta steklumal Jeova