JW subtitle extractor

Bonjou frè n ak sè n yo!
Se pa ti kontan nou
kontan la ansanm
pou bèl kongrè sa a!
Temwen Jewova yo renmen
al nan kongrè
pou yo aprann, pou yo
adore Jewova,
e pou yo chante ansanm.
Men, nou pa t toujou konn fè
gwo rasanbleman sa yo
nan adorasyon n ap
bay Jewova a.
Ki jan sa te kòmanse?
Se sa nou pral wè
nan seri videyo:
Nou gen yon istwa ki
vrèman rich.
Sa gen plizyè milye ane,
pèp Jewova a te fè premye
gwo rasanbleman yo
pou yo adore Jewova,
lè yo te reyini ak Moyiz
bò Mòn Sinayi.
Apre sa, pèp Izrayèl la te fè
twa gwo fèt chak ane.
E menm jan ak kongrè nou yo,
moun te konn soti toupatou
nan diferan tribi
pou yo vin adore Jewova
tankou yon sèl fanmi.
Nan epòk nou an,
nou te kòmanse fè kongrè
nan fen ane 1880 yo.
Men, yo pa t twò sanble ak
fason nou fè kongrè jodi a,
paske se kèk santèn moun
ki te konn asiste yo.
Yo te jis sanble ak yon
gwo reyinyon
Etidyan Labib yo te fè
pou selebre Soupe Seyè a.
Tout rasanbleman sa yo te fèt
nan Alegeni, Pennsilvani,
Ozetazini.
Men, tout sa te chanje
nan ane 1893
lè yo te ouvri Chicago
World’s Fair.
Plizyè milyon moun te konn al
nan gwo ekspozisyon
ki te konn fèt kote sa a.
Piske moun pa t konn
peye chè
lè yo te pran tren pou y alkote sa a,
Etidyan Labib yo te
pwofite òganize
yon kongrè ki t ap
dire 5 jou.
Te gen anviwon 360 moun
nan kongrè sa a.
Asistans lan te piti parapò ak
kantite moun ki asiste
kongrè jodi a.
Men, kongrè sa yo te ede
Etidyan Labib yo wè
tout ankourajman frè ak sè
ki soti toupatou jwenn
nan rasanbleman sa yo.
Depi lè sa a,
nou vin fè kongrè chak ane.
Genyen ki te konn fèt deyò
oubyen anba tant,
tankou kongrè ki te fèt nan
ane 1908 nan Put-in-Bay,
nan yon gwo otèl nan
Lake Erie, Owayo.
Kongrè sa a te dire 10 jou!
E se li ki te gen plis moun
nan epòk la.
Te gen pou pi piti 3 500 moun
nan asistans lan.
Se te yon bèl okazyon
pou frè ak sè yo,
jèn kou granmoun, pou yo
jwenn ankourajman,
pou yo pase tan ansanm,
ri ansanm, manje ansanm,
e pou yo fè bon zanmi
ki renmen youn lòt.
Lè sa a, monn nan te fèk soti
anba Premye Gè mondyal la.
E an 1918, te gen yon gwo
pandemi grip
ki t ap fè ravaj ki te touye
pou pi piti 50 milyon moun.
Men, sa pa t anpeche pèp
Bondye a kontinye travay.
Gwo lanmou nou gen
nan mitan nou an
te vin parèt aklè nan
ane 1919
nan Cedar Point, Owayo.
Se premye gwo rasanbleman
nou te fè,
apre frè Rutherford ak asosye l yo
te soti nan prizon.
Etidyan Labib yo te
tèlman kontan
reyini ansanm ankò
san pwoblèm,
yo te vini an foul.
Konsa, yo te oblije fè tout
pwogram nan deyò.
Te gen anviwon 7 000 moun
nan kongrè a.
Sèlman twazan annapre,
an 1922,
te gen yon lòt pi bèl
kongrè toujou
ki te fèt nan Cedar Point,
e te gen anviwon 10 000 moun
chak jou nan kongrè sa a.
Kongrè sa a te ankouranje
pèp Bondye a
pou yo pi chofe nan travay
predikasyon an.
Anpil nan kongrè ki vin fèt
annapre yo
ede pèp Bondye a pou yo
gen plis tèt ansanm toujou,
tankou kongrè ki te fèt nan
Kolonmbous, Owayo nan ane 1931,
yon kongrè nou pap janm bliye.
Imajine ou menm ki antre nan
kolize ki nan Fair Grounds lan.
Gen 15 000 moun nan
asistans lan,
e pa gen kote pou pike
yon zenpeng.
Pwogram ki nan men w lan gen
de gwo lèt ladan l:
J. W.
Pandan de premye
jou kongrè a,
tout moun ap mande tèt yo:
“Ki sa lèt sa yo vle di?
Èske se Jis Wè?”
Finalman, frè Rutherford
monte estrad la.
Nan fen diskou a,
frè Rutherford vini ak
yon rezolisyon, li di:
“Nou vle pou tout moun
konnen nou
kòm Temwen Jewova.”
Nan ane 1940 yo, Dezyèm Gè
mondyal la te kraze anpil peyi
e moun yo te divize.
Men, kantite Temwen Jewova yo
te kontinye ogmante
e yo te gen plis tèt
ansanm toujou.
An 1946, yo te reyini ansanm
nan Klivlann, Owayo,
pou asiste kongrè ki gen tèm
“Les Nations Joyeuses”,
e non an te byen tonbe.
Se te yon kongrè
entènasyonal toutbon!
Li te gen 55 000 delege
ki soti nan 33 peyi.
Gen moun ki te menm dakò
dòmi anba tant
oswa nan konntenè ki te
fèt pou sa
pou yo te ka asiste kongrè a.
Lè gen kongrè konsa,
kote moun yo dòmi an
tankou yon vil.
Piske kantite Temwen Jewova yo
te kontinye ap ogmante,
nan ane 1950 yo,
yo te kòmanse fè kongrè
toupatou sou tè a,
menm nan peyi ki pa t gen
gwo mwayen yo.
Youn nan pi gwo kongrè
entènasyonal ki te fèt
se kongrè “La Volonte Divine”
ki te fèt an 1958,
nan Nouyòk,
kote plis pase 250 000
moun te asiste l,
yo te soti nan 123 peyi.
Se pi gwo kongrè entènasyonal
ki te fèt nan yon sèl vil.
Moun yo te plen stad
Yankee Stadium nan,
e yo te plen stad Polo Grounds
ki pa t twò lwen.
Pi gwo kongrè Temwen
Jewova yo òganize
pral kòmanse kounye a.
Se prèv ki montre
Jewova avèk nou,
e se volonte l ki fè nou la a.
Sa k te plis fè sèvitè
Bondye yo
gen tèt ansanm,
se pa sèlman paske yo
te fè gwo rasanbleman,
men se sa Jewova ba yo
nan kongrè a:
Bèl diskou yo,
diskou ki gen plizyè pati,
nouvo piblikasyon,
e nan ane 1960 yo,
nou te vin gen dram
kote aktè yo abiye tankou
moun nan tan lontan.
Kado sa yo Jewova ban nou
ak kè kontan nou jwenn
lè nou fè nouvo zanmi
e nou reyini ak ansyen
zanmi nou yo
fè se yon benediksyon
lè n al nan kongrè.
Men, sa pa t toujou fasil.
Nan peyi Jòji,
kote Temwen Jewova yo
te jwenn gwo opozisyon,
frè yo te planifye pou yo te fè
kongrè distri ane 2006 la
ki te gen tèm
“Delivrans lan toupre”,
nan oditoryòm
Tibilisi Filamonik.
Men, reponsab yo te di
yo pap lwe frè yo
lokal la ankò
sèlman yon semèn
anvan kongrè a.
Sèlman kèk jou anvan
kongrè a te kòmanse,
yon lame frè ak sè
te travay di
pou yo fè 2 bitasyon
vin tounen
yon kote yo ka fè kongrè.
Yo te rekòlte tout pòmdetè
ki nan jaden yo.
Yo te fè yon lestrad e yo te
fè ban pou moun chita.
Yo te pase fil pou opalè yo
ak mikwofòn yo.
Distans pou premye sesyon
kongrè a te kòmanse,
tout bagay te deja pare.
Plis pase 17 000 moun
te suiv kongrè a.
Genyen ki te la an pèsòn,
e genyen ki te pran l
pa telefòn.
Nonsèlman kongrè a
te byen pase,
men, moun ki te la yo
te kontan anpil
paske yo te vin gen
yon bèl sipriz:
Tradiksyon monn nouvo a
te parèt nan lang jòjyen.
Konsa, yo te vin gen menm
tradiksyon Labib
ak tout lòt frè ak sè yo
sou tè a.
Nan epòk nou an,
nou òganize kongrè
entènasyonal
ak kongrè espesyal toupatou
sou tè a.
E lè sa pa t posib pou
nou reyini an pèsòn,
nou te reyini pa videyo konferans.
Soti Polòy pou rive Kore,
soti Ostrali pou rive Afrik Disid,
kongrè yo se toujou
yon bèl okazyon
pou Jewova anseye sèvitè l yo.
Kongrè yo vrèman ankouraje nou.
Yo fè nou vin pi pwòch
ak frè ak sè nou yo.
E sa k pi enpòtan an,
yo fè nou vin pi zanmi Jewova.

Nou gen yon istwa ki vrèman rich — Kongrè