JW subtitle extractor

¡Lek chʼambiloxuk
kermanotak,
lek tajek ti jmoj tsobolutik
li ta asamblea liʼe!
Li stestigoutik Jeovae
ta jkʼupintik ti chijbat
ta asambleae
yuʼun te chkichʼtik ta mukʼ
Jeova xchiʼuk ta jkʼejintatik.
Li ta voʼnee mu toʼox sta
jech yepal ta jtsob jbatik
jech kʼuchaʼal avi ti ta
smilal xa noʼoxe.
¿Kʼuxi lik talel li
j-asambleatike?
Sventa jnaʼtike jkʼeltik
li achʼ video
«Li kʼusitik jelem talel».
Li baʼyel velta la stsob
sba li steklumal Diose
oy xa ta smilal jabil,
jaʼo kʼalal tsobatik yuʼun
Moises li j-israeletik
ta vits Sinai
sventa x-albatik mantal
yu’un Jeovae.
Ta tsʼakale
oxib velta ta jabil lik
spasik kʼin li j-israeletike.
Li ta kʼinetik taje, tstsob
sba jeltos nitilulaletik
sventa xichʼik ta
mukʼ Dios
kʼuchaʼal jun utsʼ alalil
jech kʼuchaʼal avie.
Li ta sjabilaltik 1880
laj yichʼ pasel li baʼyel
asambleaetike,
akʼo mi mu xkoʼolaj
kʼuchaʼal avie.
Jaʼ noʼox ep tstsob sbaik
li jchanolajeletik ta Vivlia
kʼalal tspasbeik Snaʼobil
li slajel Kristoe.
Li tsobajeletik taje,
te laj yichʼ pasel ta
Allegheny ta Pensilvania.
Pe jel li ta1893,
yuʼun te xa kʼot ta pasel
ta Chicago.
Li vaʼ jabile
jaʼo la spasik jun feria,
vaʼun, ta smiyonal noʼox
krixchanoetik kʼotik
xchiʼuk jaʼo tsul li
pasajeetik ta trene.
Ta skoj taje,
li ermanoetike la spasik
jun asamblea ti jalij
voʼob kʼakʼale.
Li vaʼ orae
kʼajomal noʼox 360 ta
voʼ la stsob sbaik,
mu xkoʼolaj kʼuchaʼal avie.
Li jchanolajeletik ta Vivliae
lek laj yilik ti la stsob
sbaik li ermanoetik ti
jeltos slumalike.
Ta tsʼakale lik spasik
asambleaetik ta jujun jabil.
Junantike laj yichʼ pasel
ta osiltik o ta karpana.
Jech kʼuchaʼal li asamblea
ta 1908 ta Put-in-Bay,
ti te jelav ta stsʼel
tsʼantsʼan voʼ Erie ta Ohio.
Li asamblea liʼe
jalij lajuneb kʼakʼal
xchiʼuk ti jaʼ li mas
mukʼ yichʼ pasele,
yuʼun kʼotik 3,500
krixchanoetik.
Skotolik la stabeik sbalil
yuʼun jmoj la stsatsubtas
sbaik ta mantal,
jmoj kʼusi la spasik,
jun noʼox yoʼontonik,
koʼol veʼik
xchiʼuk la sta lek
yamigotakik.
Ta mas tsʼakale
laj yil svokol li
krixchanoetik
ta skoj li Baʼyel Mukʼta
Paskʼop ta spʼejel
Balumile
xchiʼuk li gripe española
ti jelav ta 1918
yuʼun chamik tetik van
50 miyon.
Akʼo mi jech,
li ermanoetike
laj yakʼik ta ilel ti jech-o
skʼanoj sbaike.
Yuʼun kʼalal lokʼ ta chukel
li ermano Rutherford
xchiʼuk li xchiʼiltake
la spasik jun mukʼta
asamblea ta Cedar
Point (Ohio)
ta 1919.
Li ermanoetike
jun xa yoʼonton la stsob
sbaik yan velta.
¡Ep tajek kʼotik!
Ta skoj taje,
la sjel batel yavilik ta
jamalal osiltik
yuʼun kʼotik vukmil
krixchanoetik.
Kʼalal jelav oxib jabile
la stsob sbaik yan velta
ta Cedar Point
ta 1922,
mas to labal sba kʼusi
kʼot ta pasel.
Yuʼun la stsob sbaik te
van 10,000 krixchanoetik
jujun kʼakʼal.
Li asamblea taje,
tsatsubtasbat yoʼonton
li steklumal Dios sventa
jechuk˗o xcholik mantale.
Kʼalal echʼ li jabiletike,
li steklumal Diose
la stabeik sbalil
li asambleaetike
yuʼun koltaatik sventa
mas tsobol oyik.
Li asamblea jelav ta 1931
ta Columbus (Ohio)
stuk xa noʼox jech.
Nopo noʼox avaʼi ti
cha˗och batel li ta
asambleae,
ti 15,000 krixchanoetik te
oyike xchiʼuk ti tsinil tajeke.
Li programa atsakoje
te chavil chib letraetik
jaʼ: JW.
Li baʼyel chib kʼakʼal
asambleae,
skotolik tskʼan tsnaʼik
kʼusi skʼan xal li
chib letrae.
Vaʼun, ta slajebe
li ermano Rutherford
muy ta plataforma.
Kʼalal jutuk xa ox skʼan
stsuts li mantal tsjelubtase
xi labal sba laj yale:
«Ta jkʼan chkichʼtik
ojtikinel
kʼuchaʼal Stestigotak
Jeova».
Jaʼ to te laj yaʼibik smelolal
ti chib letraetik taje
jaʼ skʼan xal:
«Stestigotak Jeova»,
li ta inglese.
Li ta sjabilaltik 1940
kʼalal jelavem xa ox li
Xchibal Mukʼta Paskʼop
ta spʼejel Balumile,
lilijem kom li jteklumetike
xchiʼuk ep chʼakbail.
Pe li steklumal Diose
jech˗o chiʼ batel.
Li ta 1946,
la spasik jun asamblea
ta Cleveland (Ohio).
«Naciones alegres»,
sta˗o tajek li sbie.
Li ta asamblea
internasionale
kʼotik 55,000 ermanoetik
ti likemik talel
ta 33 jeltos mukʼtik
lumetike.
Junantike komik ta
karpanaetik
o ta snaik ti oy
syantailtake,
nopem toʼox xaʼiik ti
jech tspasike.
Jech˗o li j˗epajutik talel,
vaʼun li ta sjabilaltik 1950,
laj yichʼ pasel asambleaetik
ta spʼejel balumil
xchiʼuk li ta lumetik ti
bu povreik noʼoxe.
Jun asamblea internasional
ti stuk xa noʼox jech laj
yichʼ pasele
jaʼ li «Voluntad Divina»
sbie,
ti kʼot ta pasel ta 1958
ta Nueva York.
La stsob sbaik mas ta
250,000 krixchanoetik
ti likemik talel ta
123 jeltos lumetike.
Liʼe jaʼ li asamblea
internasional
ti mas mukʼ laj yichʼ pasel
ta jun jteklume,
yuʼun noj li Estadio de
los Yankees
xchiʼuk li Polo Grounds.
Li avie, chlik li asamblea
internasional mas mukʼ
jpasojtik li yajtsʼaklomutik
Kristoe.
Liʼ tsobolutike yuʼun jaʼ
jech tskʼan li Jeovae.
Jmoj tsobol li ermanoetike.
Pe maʼuk noʼox ta skoj ti
ep buchʼutik chkʼotike,
yuʼun jaʼ ta skoj ti jeltos
mantaletik chjelav ti
to jtunel yuʼunike
xchiʼuk ti chlokʼ achʼ
vunetike.
Jech xtok,
li ta sjabilaltik 1960,
lik jelavuk dramaetik
ti jaʼ jech slapoj skʼuʼik
kʼuchaʼal ta voʼnee.
Li asambleaetike jaʼ
jun bendision
ta skoj ti kʼusitik te
chjelave
xchiʼuk ti te tsta
yamigotakike
xchiʼuk chilik ti buchʼutik
xojtikinik xa onoʼoxe.
Pe mu skotoluk velta kʼun
ta pasel li asambleaetike.
Li ta Georgia, ti bu laj yichʼ
kontrainel li ermanoetike,
laj yichʼ pasel jun asamblea
ta distrito ta 2006, ti xi sbie:
«¡Nopol xa li jkolebaltike!».
Ti te ox ta xjelav ta
Filarmónica de Tiflis,
pe kʼalal jun xa ox
xemana skʼane
albatik
ti mu xuʼ te xjelav
yuʼunike.
Pe sventa xuʼ xjelav yuʼunike,
epal ermanoetik,
ermanaetik la xchʼubaik
chaʼsep osil ti bu toʼox
tsʼunul isakʼe.
Vaʼun,
la sjokʼik li isakʼe,
la smeltsanik
chotlebaletik,
la spasik jun plataforma
xchiʼuk laj yakʼik
vosinaetik.
Chapal xa ox yuʼunik
skotol
kʼalal lik li asambleae,
la stsob sbaik mas
ta 17,000
xchiʼuk tey skʼoplalik li
buchʼutik ta yamada la
xchikintaik mantale.
Lek jelav yuʼunik li
asambleae,
pe oy to kʼusi akʼbatik ti
muʼyuk smalaojike,
jaʼ li Xchʼul Kʼop Dios
sventa Achʼ Balumil
ta georgiano.
Jaʼ yuʼun,
mas to muyubajik xchiʼuk
tsobol laj yaʼi sbaik
li ermanoetik ta
spʼejel balumile.
Li jabiletik echʼem tale
yichʼoj pasel asambleaetik
ti stuk noʼox jeche xchiʼuk
asamblea internasionaletik.
Pe kʼalal mu stakʼ
jmoj tsobolutike
la jtsob jbatik ta
videollamada.
Mu ventauk mi ta Polonia,
ta Corea del Sur,
ta Australia o ta
Sudáfrica.
Li asambleaetike
skoltaoj˗o talel steklumal
Dios sventa xmuyubajik
noʼox.
Tstsatsubtasutik,
tsnopajesutik ta stojolal
kermanotaktik,
pe li kʼusi mas tsots
skʼoplale
jaʼ ti mas to chijnopaj ta
stojolal Jeovae.

Li kʼusitik jelem talel: Asambleaetik