JW subtitle extractor

Long Jun, mitufala i graduet long hae skul,
mared long Julae,
mo gat wan pikinini long Novemba.
Hemia ol gudfala taem.
Wan taem, tu Witnes blong Jehova
i noknok long doa blong mi,
mo oli ridim Ol Sam 83:18,
we i talem se nem blong God, hem i Jehova.
Afta mi stat blong stadi Baebol wetem olgeta,
be mi stadi blong 2-3 wik nomo afta mi stop.
Mitufala i karem wan trak blong mitufala,
stat blong joen long ol pati, smok,
tekem drag, drong fulwan,
mifala i mekem ol samting we
i stap spolemgud mared laef blong mitufala.
Mifala i ting se sipos mifala i lego taon ya
mo lego ol fren blong mifala, bae gud moa.
!Be wea! I jes kam mowas.
Mi mi krangke long spot blong Baseball.
I moa impoten long mi i bitim waef blong mi.
I had long mi blong luk Art
olsem hed blong famle blong mi.
Samtaem mi harem se mi save moa bitim hem,
taswe mi stap ting se
mi save mekem wan desisen we i gud moa.
Samtaem i pas, Zanna i lego mi
mo i go stap wetem wan nara man.
!Oh man. Mi harem nogud gogo!
Kot i letem mi mi lukaot long ol pikinini
from Zanna i gat problem blong tekem drag.
Long taem ya,
mi rili wantem blong jenisim fasin blong mi.
Be afta,
mi tingbaot nem ya ‘Jehova.’
Mi tingbaot long taem ya se mi nildaon
mo mi talem long Jehova se,
“Plis talem long mi, stret rod we mi mas folem.”
Afta, mi tekem wan fon buk
mo mi lukaotem ol Witnes blong Jehova.
Oli kam, oli givim buk ya
“Making Your Family Life Happy”
Mi go soem buk ya long Art mo mi se,
“sipos yumi folem ol advaes ya
blong mared long stat finis,
bambae mared blong yumitu i neva brok olsem.”
Mi no save se bae mi bilivim hem ?o?
Be, afta mi stap luk se
ol fasin blong hem oli jenis bigwan.
Hem i stop blong tekem drag,
ol toktok mo aksen blong hem,
mi makem se i jenis.
Long wan sot taem nomo,
mi luk se ol jenis oli stap kam gud moa.
Ale, mi stat blong stadi Baebol wetem Zanna.
Yes, laef blong mitufala i stat blong kam gud moa.
Vas blong 1 Korin 11:3 i halpem mi blong mekem se
mared blong mitufala i strong bakegen.
Art nao i hed blong famle,
i no mi we mi hed.
Mi lanem se fasin blong stap
aninit long wan we i hed,
hem i wan arenjmen we Jehova i putum
blong protektem mi.
Naoia mi no nid blong mekem ol desisen mi wan.
Galesia 5:22, 23 i halpem mi blong soem lav,
blong kam wan gudfala hasban,
mo tu wan gudfala papa.
Mo oltaem mi respektem waef blong mi.
Mi lesin long tingting hem mo mekem i gud long hem.
Mitufala i mared bakegen long 2 Eprel 1979
Mi save talem long eniwan
we oli gat problem long mared blong olgeta se,
“Folem ol advaes blong Baebol. Folem olgeta”
Mifala i lanem blong dipen long Jehova long famle,
hemia nao from wanem mifala i save
dil wetem ol problem evri dei.
!Oh! Namba tu taem we mitufala i mared bakegen i swit moa,
from Jehova i stap long laef blong mitufala.

Art Mo Zanna Capers: God i Mekem Se Mared Blong Mitufala i Strong Bakegen