JW subtitle extractor

Tsuts kuʼunkutik chanun
ta junio, li nupunkutik ta julio
xchiʼuk ayan jun jtsebkutik
ta noviembre.
Naka muyubajel li vaʼ orae.
Jun kʼakʼale, kʼotik chaʼvoʼ
stestigotak Jeova ta jna.
La xchanbikun Salmo 83:18,
ti bu jaʼ chalbe sbi li Diose.
Laj yalbeikun ti tskʼan
chakʼbikun
chanubtasel ta Vivliae,
vaʼun laj chʼam.
Pe jaʼ noʼox laj
chʼam chanubtasel
jun chib xemana,
vaʼun la jkechan.
La jman jkot jkarokutik
xchiʼuk lik batkunkutik
ta kʼinetik.
La jtuneskutik sikʼolal,
la jlajeskutik droga
xchiʼuk li yakubkutik.
Skotol taje la sokes
li jnupunelkutike.
Kalojkutik mi jaʼ
chlekub jkuxlejalkutik
mi libatkutik ta yan jteklume
xchiʼuk ti xkikta
li kamigokutike,
pe bu chata un, mas to sok
li jkuxlejalkutike.
Ta jkʼupin tajek li beisbole.
Mas to tsots skʼoplal
chkil kʼuchaʼal kajnile.
Vokol tajek chkaʼi
ti xkichʼ ta mukʼ li jmalale.
Yuʼun bateltike ta jnop
ti mas ep xkaʼibe smelolal
jech kʼuchaʼal stuke
xchiʼuk ti mas lekik li kʼusi
chkʼot ta nopel kuʼune.
Ta mas tsʼakale, li Zannae
laj yiktaun,
bat xchiʼuk yan vinik, taje
toj kʼux, kʼux tajek laj kaʼi.
Li Zannae muʼyuk xa smelol
ta skoj ti tslajes li drogae,
jaʼ yuʼun, jaʼ xa laj yakʼik
jbain li jnichʼnabtake.
Li vaʼ orae,
laj kakʼ lek venta
ti skʼan jel li jkuxlejale.
Vaʼun, vul ta jol,
vul ta jol li Jeovae.
Vul ta jol
ti laj kejan jbae
xchiʼuk ti xi laj kalbe
li Jeovae:
«Avokoluk, koltaun, albun
albun li kʼusi xuʼ jpase».
La jkʼopon li
stestigotak Jeovae.
Vaʼune laj yakʼbeikun li livro
Cómo lograr felicidad
en su vida familiar.
Laj kakʼbe yil li Art,
xi laj kalbee:
«Ti jechuk onoʼox
la jpastik ta slikeb
jech kʼuchaʼal chal li
livroe
muʼyuk laj chʼak jbatik,
jun koʼontontik jechuke».
Vuʼune, xi laj nope: «¿Mi
melel li kʼusi yakal chale?».
Ta tsʼakale, laj kakʼ
venta ti jeche,
melel li kʼusi yakal chale.
Laj yikta slajesel li drogae,
la sjel li k’u yelan
sna xkʼopoje
xchiʼuk la sjel li stalelale.
Mu ta sjaliluke,
lik lekubuk skotol.
Lik jchan Vivlia
xchiʼuk li Zannae,
taje jaʼ ti k’u yelan
jkuxlejalkutik toʼoxe
xchiʼuk ti kʼu yelan jel
talel li jkuxlejalkutike.
Li teksto ti la skoltaun
sventa jaʼuk noʼox jpas
li kʼusi jbainoje,
jaʼ li 1 Korintios 11:3.
Li Art jaʼ li jolil ta
utsʼ alalile, maʼuk li vuʼune.
Ti laj kaʼibe smelolal ti
jkotoltik oy
kuʼuntik jun jolile,
ti jaʼ noʼox muʼyuk
li Jeovae,
la skoltaun sventa
oyuk sbalil xkil
li mantal ta sventa
li joliletike,
oy sbalil.
Avie, muʼyuk xa ta jnop jtuk
li kʼusi ta jpase.
Vuʼune jaʼ la skoltaun
li Galatas 5:22, 23.
La skoltaun sventa xkakʼ
ta ilel kʼanelal,
ti jaʼukun jun lekil malalile
xchiʼuk ti jaʼukun
jun lekil totile.
Veno, chkakʼ persa sventa
jkʼuxubin li Zannae,
yuʼun jnaʼoj ti sta˗oe, ta jtsak
ta venta li kʼusitik tsnope.
Linupun yan velta
xchiʼuk li Arthure,
ta 2 yuʼun Avril ta 1979.
Vuʼune xi chkalbe li buchʼutik
oy svokolik ta snupunele:
«Ti akʼo skʼelik li
beiltaseletik ta Vivliae
xchiʼuk ti akʼo xakʼ
ta xkuxlejalike».
Ta jtsakutik xa ta venta Jeova
li ta jnupunelkutike.
Ta skoj ti jech ta
jpaskutik tale,
tsalem kuʼunkutik li
vokoliletik ta jnuptankutike.
Li jnupunelkutik li avie, mas
to lek kʼuchaʼal baʼyele,
yuʼun jtsakojkutik xa ta
venta li Jeovae.

Art xchiʼuk Zanna Capers: Koliyal Jeova muʼyuk la jchʼak-o jbakutik