JW subtitle extractor

Temwen Jewova yo renmen Bib la.
Byen lontan anvan yo te
kòmanse tradui Bib la
ki se yon gwo travay,
yo te chèche otorizasyon
pou yo te enprime tradiksyon
Labib ki te deja egziste.
Epi nan ane 1950 yo,
Watchtower Bible and Tract
Society a te enprime premye Bib
Temwen Jewova yo te tradui a,
ki se Labib — Tradiksyon
monn nouvo a.
Bon, nou te panse se te premye
Bib Temwen Jewova yo te tradui.
An Oktòb 2017, Depatman
mize ki nan syèj mondyal la
te resevwa yon Bib yon frè
nan peyi Almay te ba yo.
Te gen yon lèt ki vini ak Bib sa a
ki te pale konsènan yon ansyen
Bib yo te enprime an 1934
nan Magdeburg.
Se la filyal Almay Watchtower
Bible and Tract Society a
ak enprimri an te ye nan epòk la.
Pa t gen anpil moun
ki te konn Bib sa a
e moun ki te konnen l yo
te panse prezidan sosyete a
nan epòk sa a, J.F. Rutherford,
pa t apwouve tradiksyon sa a.
Nan ane 1934 Adolph Hitler
te deja kòmanse pèsekite
Temwen Jewova yo.
Yo te mete entèdiksyon sou aktivite nou yo.
Ofisye Nazi yo te pran epi boule
65 tòn piblikasyon nou yo.
Pandan plizyè fwa yo te pran
biwo filyal la ak enprimri
ki nan Magdeburg la
e annapre yo te remèt yo.
Petèt se sa k fè,
Bib Magdeburger a
pa gen yon paj editè ki montre
kiyès ki te pibliye l, tradui l
e ki lè ak ki kote yo te enprime l.
Men, pa anba youn nan
dènye paj yo,
gen yon sèl liy ki ekri toupiti.
Men sa l di:
“Enprime: Watchtower Bible
and Tract Society, Magdeburg.”
Sa k enteresan an, nan dat
13 septanm 1934,
ministè enteryè gouvènman Alman an
te bay biwo Magdeburg la pèmisyon
pou l rekòmanse enprime
epi distribye Labib.
Sepandan, tout moun
te konnen nenpòt lè
yo te ka fèmen lokal yo ankò
e petèt yo te ka fèmen yo nèt.
Donk, ki sa frè yo t ap ka fè
nan tikras tan yo te genyen an?
Biwo ki nan Magdeburg la
te fè Rutherford konnen
yo te gen Nouvo Testaman an
ki pare pou yo enprime
e mete sou sa, tradiksyon Ansyen
Testaman an te prèske fini.
An oktòb 1934, Rutherford
te apwouve pou yo enprime
100 000 kopi.
Men, yo pa t ret anpil tan devan yo.
Frè Rutherford te resevwa
lèt sa a ki gen dat 6 out 1935.
Men sa l di: “Nan aprèmidi
ki te 10 jiyè a,
plizyè ofisye nan sèvis sekrè
polis Bèlen ak Magdeburg la
te vini e yo te pran fakori a,
chanm yo ak biwo ki nan Magdeburg la.
Yo te fèmen tout chanm faktori yo
e yo te pran lokal la ak lajan sosyete a.
Plizyè santèn Bib te deja nan
bwat e rès yo te deja enprime.”
Malerezman, se sèlman yon
ti kantite nan Bib sa yo
ki te chape anba atak sa a.
Nan mwa novanm 2017,
apre nou te fin byen chèche,
nou te rive jwenn 3 kopi
nan Bib Magdeburger a.
Nou pa t rann nou kont jan
Bib sa a te jwe yon wòl enpòtan
nan istwa òganizasyon nou an
nan kesyon tradui ak enprime Bib la.
Se pa jis plizyè tradiksyon
yo pran yo met ansanm,
men li nouvo e li se yon
tradiksyon ki diferan.
Non Jewova parèt plizyè fwa
nan liv ki te ekri ann Ebre yo
ak nan nòt anba paj ki nan liv
ki ekri an Grèk yo.
Yo te konn fè referans ak Bib Magdeburger a
nan Toudegad nan lang alman an.
E anviwon 100 an annapre,
moun ki pale alman yo
ka rive konprann li byen fasil.
Tradiksyon Labib sa a
vrèman gen yon bèl istwa.
Konpare ak pifò lòt Bib, se yon
ti kantite yo te rive enprime
e yo te rive distribye.
Malgre yo te pwodui
Bib sa a byen rapid
nan sikonstans ki te vrèman difisil,
nou pa t konn anpil bagay
sou tradiksyon sa a
pandan yon pakèt tan.
Bib Magdeburger a se premye Bib
Temwen Jewova yo te tradui
e yo te pibliye.
Li te egziste anvan Labib —
Tradiksyon monn nouvo a.
Li te rive chape anba opozisyon
gouvènman Nazi a,
e kounye a, li fè pati mize
Bib nou an nan Wòwik
Bib sa a se yon egzanp klè pawòl
nou jwenn nan Ezayi 40:8.
“Men, pawòl Bondye nou an la pou toutan.”

Bib Magdeburger a — Yon trezò nou fèk dekouvri