JW subtitle extractor

Li stestiguotik Jeovae
jkʼanojtik li Vivliae.
Kʼalal muʼyuk toʼox Jvivlia
jtuktik li testigoutike la
kʼantik permiso
sventa jpastik imprimir
yan Vivliaetik ti jelubtasbil
xa onoʼoxe.
Li stestigotak Jeovae
la spasik imprimir li baʼyel
Vivlia ti spasoj stukike,
tetik van ta 1950.
Lokʼ ta sbi Watchtower Bible
and Tract Society.
Jech, kalojtike
jaʼ li baʼyel Vivlia slokʼesoj
li slumal Jeovae.
Jech, li ta 2017, oy jun
ermano ti laj yakʼ komel
jlik Vivlia
li ta Departamento de
Museos ta Warwick.
Jech xtok, laj yikta komel
jlik karta
ti chalbe skʼoplal jlik Vivlia
ti laj yichʼ pasel imprimir
ta 1934
ta Magdeburgo, ti te toʼox
oy li Betele
xchiʼuk li imprenta
yuʼun Watchtower Bible
and Tract Society.
Muʼyuk buchʼu mas xojtikin
li Vivlia taje.
Li buchʼu laj yojtikinike
la snopik ti muʼyuk yaloj
li Rutherford
ti jaʼ toʼox li presidente, ti
xichʼ pasel li Vivlia taje.
Ta 1934,
li Hitlere yakal xa ox
tskontrain li stestigotak
Jeova ta Alemaniae.
Li jnasietike mu xa onoʼox
xakʼ jpas kabteltik.
La spojik xchiʼuk la xchikʼik
65 tonelada jvuntik,
xchiʼuk, laj xa onoʼox
smakik jayibuk velta
li imprentae
xchiʼuk li Betel ta Magdeburgoe.
Jaʼ van yuʼun li Vivlia
ta Magdeburgoe,
mu xvinaj buchʼu la spas,
buchʼu la sjelubtas,
bu la yichʼ pasel
xchiʼuk bakʼin laj yichʼ
pasel imprimir li Vivliae.
Pe li ta slajebaltik pajina
ta olone
xi stsʼibabil ta uni
bikʼtal letraetike:
«Jaʼ la spas Watchtower
Bible and Tract Society
ta Magdeburgo».
Labal sba, pe li ta 13
yuʼun septiembre ta 1934,
li j˗abteletik ta Alemaniae
laj yakʼbeik permiso Betel
ta Magdeburgo
sventa xchaʼpasik
imprimir xchiʼuk spukik
Vivliaetik.
Pe, skotolik snaʼojik
ti xuʼ xpajesbat yan velta
li yabtelike o xmakʼ˗o
ta j˗echʼel li Betele.
¿Kʼusi pas yuʼunik ti kʼu
sjalil akʼbat spas yabtelike?
Li Betel ta Magdeburgoe
laj yalbe batel Rutherford
ti chapal xa ox li Achʼ
Testamento sventa xichʼ
pasel imprimir xchiʼuk
ti poʼot xa ox stsuts
sjelubtasel
li Pokoʼ Testamentoe.
Ta oktuvre ta 1934,
Rutherford laj yal ti xichʼ
pasel imprimir
100 mil ta lik Vivliaetik.
Pe poʼot xa ox kʼusi
chkʼot ta pasel.
Ta 6 yuʼun agosto
ta 1935 akʼbat jlik
karta li Rutherforde,
xi chale: «Li ta mal kʼalal
10 yuʼun julioe
kʼot mayoletik yuʼun
Berlín xchiʼuk Magdeburgo
sventa smakik imprenta,
vayebaletik xchiʼuk
ofisinaetik ta Magdeburgo.
La spʼajik li favrikae
xchiʼuk la spojbik yosil
xchiʼuk stakʼin li
organisasione.
Ta smilal noʼox laj yichʼ
pasel imprimir,
pe jlom noʼox laj yichʼ
akʼbel spat».
Ya... pe jlik chaʼlik xa
noʼox Vivlia ti muʼyuk
la staik li jnasietike.
La jsaʼilankutik li Vivlia
laj yichʼ pasel ta Magdeburgo,
jaʼ yuʼun li ta noviembre
ta 2017 la jtakutik oxlik.
Mu toʼox xkakʼkutik venta
ti tsots skʼoplale,
yuʼun laj yakʼ kilkutik
ti j˗organisasiontike
sjelubtasoj xa onoʼox xchiʼuk
spasoj imprimir Vivliaetik
ta mas voʼne.
Maʼuk laj yichʼ lokʼtael
ta yan Vivliaetik,
ta yachʼil laj yichʼ jelubtasel
xchiʼuk chkʼot ta oʼontonal.
Li sbi Jeovae ep ta velta
chvinaj li ta Pokoʼ Testamentoe
xchiʼuk ta notaetik
ta Achʼ Testamento.
Jech xtok, Li jkʼel osil
ta toyol ta Alemane
jaʼ la stunes li Vivlia
ta Magdeburgoe.
Akʼo mi mas xa ta sien jabil
laj yichʼ jelubtasel
li Vivliae, li j˗alemanetike
xaʼibeik˗o lek smelolal.
Li Vivlia liʼe, labal sba
sloʼilal.
Mu xkoʼolaj li ta yan
Vivliaetike,
yuʼun jutuk laj yichʼ pasel
imprimir
xchiʼuk mas to
juteb laj yichʼ pukel.
Muʼyuk jal kʼuxi meltsaj˗o
xchiʼuk jaʼo xibal sba kʼusi
xkʼot ta pasel.
Labal sba kʼu yelan meltsaj,
pe jal toʼox mu xichʼ
nabel skʼoplal.
Li Vivlia ta Magdeburgo
jaʼ li baʼyel Vivlia la
sjelubtasik li stestigotak
Jeovae
xchiʼuk ti la spukike.
Jaʼ patil to lokʼ li Traducción
del Nuevo Mundoe.
Kʼalal jaʼo chkontrainvan
li jnasietike,
kuch yuʼun li Vivliae.
Avie, te xa oy ta Warwick,
ta jmuseotik.
Li Vivlia liʼe
jaʼ skʼelobil ti melel
kʼusi chal
li Isaias 40: versikulo 8:
«¡Aber Jehovas Wort
bleibt ewiglich!».

Oy kʼusi achʼ laj yichʼ tael: Li Vivlia ta Magdeburgoe