JW subtitle extractor

Li jmeʼe te ayan ta
Bulgaria ta 1922.
Te toʼox nakalunkutik
ta Alemania, pe ta
slikebaltik 1950
li batkutik ta Estados Unidos.
Te linakikutik ta Nueva
York xchiʼuk jaʼ te laj
yojtikin mantal li jmeʼe,
jaʼ to te la jkʼel ta
sba velta li Vivliae
la jam ta Apokalipsis 21.
Li kʼusi mas labal sba laj kaʼie
jaʼ ti chchʼay skʼoplal
li at˗oʼontone, li
chameletike xchiʼuk li lajele.
Chlaj˗o.
Kʼalal oy buchʼu chchan li
kʼusi melele oy ta yoʼonton
chalbe li yutsʼ yalale.
Oy tajek ta koʼonton
chkakʼbe xchanik li kʼusi melele
xchiʼuk ti jchapbe
smelolal kʼusi skʼan
spasik sventa
skʼupinik li kʼupil
sba kuxlejale.
Li jmeʼe chtun tajek laj yil
ti oyuk vunetik ta bulgaroe
xchiʼuk tskʼan ti oyuke.
La skʼopon li ermanoetik
ta Brooklyne
xchiʼuk laj yal ti tskʼan
chkoltavan ta sjelubtasel
kʼopetik ta bulgaro kʼope.
Li ermanoetike laj
yalbeik ti xuʼ spase.
Jaʼ bayel laj yakʼbeik
spas li tratadoetike.
Li vaʼ orae, jkomunistaetik
li Bulgariae.
Jaʼ yuʼun mu skʼanik li
vunetik ti chalbe skʼoplal
Dios o li Vivliae
xchiʼuk mu stakʼ takel
batel ta koreo.
Jaʼ yuʼun, kʼalal chapal xa
ox jlik vune skʼan oyuk
buchʼu xichʼ ochel li ta lume.
Oy buchʼutik koltavan xchiʼuk
li kutsʼ kalale koltavanik ek.
Ta tren chibatkutik ta Bulgaria.
Kʼalal chibatkutike ep
kʼusi chkichʼkutik batel
yuʼun chib u xchiʼuk
oʼlol te chikomkutik.
Te ch˗echʼ kuʼunkutik
li veranoe.
Li ta jmaletakutike ta
jkʼelkutik lek bu jotukal
ta jnakʼkutik.
Li ta jun lum ti bu
skontrainojik li mantale
toj xibal sba mi chkichʼtik
batel li jvuntike.
Ta jtikʼkutik batel ta
maleta li vunetike,
snaʼojik ti te jtikʼojkutike.
Li jmeʼe laj yakʼ venta
ti chchajik ta kʼelel li
kʼusi kuʼunkutike.
Jaʼ yuʼun,
anil tajek la jlokʼeskutik
skotol li vunetik ti
jnakʼojkutik ta maletae.
Te xa la jtikʼkutik li
ta jchʼin maletae,
pe li tratadoetik ti mu
stakʼ puxele la jtsak ta
jkʼobkutik xchiʼuk
jaʼ la jmakutik˗o li
jkʼuʼkutik ti jtsakojkutike.
Ta jkʼan ti lekuk nakʼbil o
mukbil li vunetike yuʼun mu
jkʼan ti sta li polisiaetike.
Yuʼun mi la staike
chkil˗o jvokolkutik.
Kʼalal la skʼelik jmaletakutike
la slokʼesik skotol pe muʼyuk
xa lek la stikʼik ochʼel.
Jaʼ yuʼun, li jmeʼe xi
tal ta sjol ta anile:
«Mi xuʼ xbat jlats skotol
li kʼusitik laj alokʼesike».
Xi albate: «Lek oy bat kʼelo».
Jaʼ yuʼun, li tratadoetik ti te
jnakʼoj batel ta jkʼobkutike
te la jtikʼ li ta maleta ti
xchajojik xa ta kʼelele.
Jaʼ xa noʼox skʼan
skʼelik li kuni maletae.
Xvul ta jol ti xi laj yal jun
polisiae: «Liʼe muʼyuk
kʼusi mas x˗och˗o, toj bikʼit».
Jaʼ yuʼun, la sutesbunkutik.
Li polisiae mu xa snaʼ
kʼusi tspas yuʼun snaʼoj
ti oy kʼusi kichʼojkutik batele,
pe mu sta ta saʼel.
Jayib jabil ta tsʼakale stuk
xa bat ta Bulgaria li jmeʼe.
Pe li ta fronterae la stabeik
li vunetik ti yichʼoj batele.
Ta skoj taje,
la stikʼik ta chukel xchiʼuk
chib semana o mas ep
kʼusitik la sjakʼilanbeik.
Ta tsʼakale, li j˗abteletike
kʼot ta nopel yuʼunik ti
tstakik sutel ta slumale
yuʼun maʼuk te nakal
li ta Bulgariae.
Li avie, jech-o tsots
ta mantal li jmeʼe.
Nopem˗o xaʼi chbat li ta
tsobajeletike, chchapan
sba lek, chchan Svivlia
xchiʼuk xmuyubaj
noʼox chcholmantal.
Ti chitun ta stojolal
Jeovae skoltaojun
tajek li avie xchiʼuk
ta jpas to kaʼi bu kʼalal
xuʼ kuʼun sventa xkal
batel li kʼusi tskʼan Jeovae.

Maria Kaloyanoff: Jaʼ ajvalil kuʼun li Diose ta jchʼunbe smantal