JW subtitle extractor

So kasem naoia, ?yumi kasem bigfala poen?
Mi sua se yumi kasem poen.
Yes, yumi wantem tingbaot papa blong yumi long heven,
Jehova God, olsem wan jaj we i gat sore
long ol man long evriples,
sem mak long boe blong hem, Jisas.
Yes, yumi save trastem
se tufala i jajem man long fasin we i stret.
Yumi save se tufala i save ridim hat blong ol man.
Mo yumi save se longtaem finis kam,
fasin blong tufala blong jajem ol man i stret nomo.
Be long taem blong bigfala trabol long fiuja,
?bambae oli jajem man olsem wanem?
?I gat sam jenis long saed ya blong
mekem save blong yumi i kam klia moa?
Nao, bifo we yumi stat blong mekem olsem,
plis tingbaot hemia:
Long ol laswan yia we i pas,
i gat sam jenis we yumi mekem
long saed blong ol samting we bae
i hapen long taem blong bigfala trabol.
Mo sipos yu bin stap long trutok longtaem,
maet samtaem i had blong tingbaot se,
‘?Hemia nao bilif blong yumi bifo,
o hemia bilif blong yumi naoia?’
So, blong givhan long yumi blong
meksua se yumi gat stret save
long ol samting we bae oli hapen
long taem blong bigfala trabol,
i gud yumi wajem smol video ya.
?Bigfala trabol bambae i stat olsem wanem?
Bae i stat long taem we Bigfala Babilon i foldaon.
Hemia nao taem we ol politik paoa
oli tanraon long ol giaman skul raon long wol,
mo bae oli soemaot se oli no laekem olgeta nating.
Taswe, bambae oli spolemgud evri
oganaesesen blong ol giaman skul.
?Bigfala trabol bambae i finis olsem wanem?
Hemia long taem blong faet blong Amagedon.
Faet ya bambae i kamaot long en blong bigfala trabol.
Jisas wetem ol 144,000 man we oli laef bakegen,
mo plante milian enjel,
bambae oli faet agensem ol enemi blong Jehova,
Kingdom blong hem mo ol man blong hem long wol.
Yes, bae oli “faet long bigfala dei
blong God Ya We i Gat Olgeta Paoa.”
Naoia we yumi save stat mo en blong bigfala trabol,
i gud yumi askem sam moa kwestin long saed ya.
?Period blong bigfala trabol i longwan olsem wanem?
Ansa hemia se yumi no save.
Be yumi save nomo se
plante samting bambae i hapen long period ya.
Mo maet ol samting ya,
bae oli hapen long wan sot taem nomo.
Be long storian blong yumi,
bae yumi tokbaot ol samting we bambae oli hapen
long en blong bigfala trabol.
?Bambae Gog blong Magog
i atakem ol man blong God wetaem?
I klia i se i no long stat blong bigfala trabol
be klosap long en blong period blong bigfala trabol.
Bambae wan grup blong ol nesen
i atakem ol man blong God,
nao biaen faet blong Amagedon i stat.
So atak blong Gog blong Magog,
bae i hapen jes bifo long Amagedon.
?Wetaem bambae ol tabu Kristin
we oli stap yet long wol, oli go antap long heven?
Buk blong Esikel i soemaot se
taem God blong Magog i stat blong atakem ol man blong God,
sam tabu Kristin bae oli stap yet long wol.
Nating se i olsem, Revelesen 17:14 i se
taem Jisas i kam blong faet agensem ol nesen,
bae hem i kam wetem
‘olgeta we God i singaot mo jusumaot olgeta’
hemia ol 144,000 man
So, evri tabu Kristin bae oli stap long heven
afta long atak blong Gog blong Magog
mo bifo long faet blong Amagedon.
Hemia i min se God bambae i hivimap
evri tabu Kristin blong go long heven
klosap long en blong Bigfala trabol,
i no long stat blong hem.
?Laswan jajmen blong ol sipsip mo nani
bambae i hapen wetaem?
Bakegen, yumi no save olsem wanem bambae i hapen,
be i luk olsem se laswan jajmen ya bae i hapen
long en blong period blong bigfala trabol,
be i no long stat blong hem.
Hemia nao taem we bambae “Pikinini blong man
i kam wetem ol enjel blong hem long glori blong hem.”
I tru se i gat plante moa samting yet
we Baebol i talem se bae i hapen long period ya,
be blong naoia, bae yumi tokbaot sam nomo long ol samting
we bae i hapen jes bifo we Amagedon i stat.
?Yumi wanem lanem wanem?
Faswan,
taem ya we bambae Jisas jajem ol man olsem sipsip mo nani
mo taem ya we ol rabis man oli lus,
bambae i hapen long en blong bigfala trabol.
Namba tu,
bambae i gat sam tabu Kristin oli stap yet long wol,
kasem taem we Gog blong Magog
i stat blong atakem ol man blong God,
mo hemia bae i hapen long en blong bigfala trabol.
Mo namba tri,
Long taem blong bigfala trabol,
bambae Jisas i stap luk fasin blong ol man,
olsem fasin blong olgeta blong tritim ol brata blong Kraes,
nao bae hem i save jajem olgeta olsem sipsip mo nani.
Hemia nao smol tingtingbak long bilif blong yumi.
So sipos yu stap raetem not mo yu se,
“!O hemia wan niufala save ya!”,
. . . !ah! Lukaot se yu no giaman long narafala.
Be taem yumi skelem ol trutok ya
long saed blong ol situesen we
bae i hapen long en blong bigfala trabol,
?olsem wanem hemia i givhan long save blong yumi
long saed blong jajmen we Kraes bambae i mekem?
Yes yumi save se, moa yumi stap klosap long bigfala trabol,
moa we bambae ol save blong yumi long saed ya, i kam klia moa.
Jehova nomo i jusum stret taem blong ol save ya i kam klia moa,
blong i save givhan long yumi blong stanap strong
long taem blong bigfala trabol,
be tu blong gohed blong glad long wok blong hem.
So naoia,
bambae yumi tokbaot fo kwestin we oli intresting tumas.
Mo yes, mi gat plante taem i stap yet.
Faswan kwestin hemia:
Taem bigfala trabol i stat
(olsem we yumi luk long video we i pas,
taem Bigfala Babilon i foldaon, so taem i stat),
?olsem wanem?
?I gat janis yet blong ol man we oli no bilif long God,
oli save jenis blong wosipim Jehova?
?Doa i open yet long olgeta o?
?Yu tingbaot bifo yumi talem wanem?
Yumi se, “Nogat,
bae doa i klos long ol man olsem,
bae oli no moa save joenem yumi.”
Be, ?from wanem yumi talem olsem?
Hemia from we yumi stap skelem
wetem taem blong Noa bifo,
se i mas sem mak olsem.
Mo yumi stap ting se doa blong bigfala sip we i klos,
bifo we bigfala wota i ron,
i mas sem mak long taem blong bigfala trabol,
se taem i stat, be doa blong joenem yumi, bae i sat fulwan.
Nao yes, i tru se Jisas i komperem
taem blong Noa wetem taem we
hem i kam olsem king blong yumi.
Be makem se Jisas i no talem se
evri situesen bae i mas hapen sem mak olsem bifo.
Mo hem i no tokbaot nating se doa bambae i klos
long olgeta we oli wantem save Jehova.
So traem tingbaot kwestin ya bakegen.
?Taem we bigfala trabol i stat,
bambae i gat janis yet i stap blong ol narafala?
Blong faenem ansa, bae yumi luk long taemlaen ya.
Tingbaot se, taem blong jajem ol sipsip mo nani,
laswan jajmen, bambae i hapen wetaem?
I no long stat blong bigfala trabol
be klosap long en blong hem.
So, traem tingbaot samfala we yumi save olgeta.
Maet ol famle we oli no stap long trutok,
olgeta we kongregesen i putumaot olgeta,
olgeta we oli stadi Baebol wetem yumi.
?Yu ting se maet,
afta we oli luk se Bigfala Babilon i foldaon,
bambae oli jes agri se
samting we ol Witnes blong Jehova
oli talem long saed ya, i tru nomo?
?Yu ting bae oli wantem folem trutok?
Nao, sipos oli jenisim fasin blong olgeta mo joenem yumi,
?bae yumi harem olsem wanem?
Tingbaot se yumi no mas strik tumas,
mo yumi no wantem mekem olsem Jona,
mo yumi talem se: “!Op op op!
!Doa i klos finis. I finis ya nao! !Yu go. Yu go!”
Yes, yumi mas tingbaot ol stori blong Baebol
we oli save halpem yumi blong kasemsave
fasin blong Jehova blong jajem man long taem bifo,
long fasin sore.
Wan eksampol,
traem tingbaot ol man Isrel taem oli aot long Ijip.
Plis, openem Baebol long Eksodas japta 12,
Eksodas japta 12,
mo bambae yumi ridim faswan haf blong vas 38.
So, i stap tokbaot taem ya we oli kam fri long Ijip,
so Eksodas 12:38 i se:
“Mo i gat ol narafala man tu we oli
plante tumas oli go wetem olgeta”
Naoia traem luk i go daon long futnot.
?Futnot blong vas ya i talem wanem?
“Hemia ol man we oli no laen blong Isrel,
wetem ol man Ijip.”
?So, wanem i bin hapen?
Long taem ya we Jehova i mekem se
ol man Ijip oli kasem ten strong panis,
i sua se sam man Ijip oli stat blong luksave se
Jehova nomo i gat olgeta paoa,
i no olsem ol giaman god blong Ijip.
So, taem hem i taem blong ol man Isrel oli mas aot long Ijip,
i luk olsem se sam Ijip, oli joenem ol man Isrel.
Hemia i intresting blong makem ah.
Be nao, maet yumi stap tingting se:
‘Yes OK, mi kasemsave se
save long saed ya, i kam klia moa,
be, olgeta ya we yumi stadi wetem olgeta,
i tru ya se bambae oli save gat janis
blong kam ol man blong Jehova,
afta we Bigfala Babilon i foldaon?
I luk olsem se i no stret ah.
!I no stret ya we oli tanem tingting lonng las minit!’
Sipos yumi gat tingting olsem,
?Olsem wanem?
?Yumi stap soemaot se yumi gat sore olsem Jehova?
Sipos situesen olsem i rili hapen,
yumi no mas sapraes long samting ya.
Mo traem tingbaot.
Olsem we yumi luk long pija blong taemlaen,
yumi luk se taem ya i wan period bifo long laswan jajmen.
So sipos wan i jus blong wosipim Jehova
long stat blong bigfala trabol,
bae hem i mas fesem strong fasin agens tu
long laswan atak blong Gog blong Magog.
?Be, yumi mas tingbaot wanem long saed blong topik ya?
Yes, sem mak olsem long taem bifo long 66 K.T.,
ol man long taem ya,
oli mas mekem wan mekem desisen se,
bae oli lego Jerusalem o nogat.
Mo plante oli bin mekem desisen blong olgeta
folem samting we oli lanem finis long saed ya.
Taswe, long sem fasin,
wok blong prij tede we yumi mekem i impoten tumas.
Traem makem samting we aposol Pol i talem,
long buk we hem i raetem blong Rom,
Rom 10:13,14.
Mo taem yumi ridim ol vas ya,
traem tingbaot situesen ya we yumi stap tokbaot finis—
hemia taem Bigfala Babilon i foldaon.
So, bifo we hem i lus,
traem tingbaot vas long vas 13:
From “olgeta man we oli singaot
long nem blong Jehova, bambae oli sef.”
Be ?olsem wanem oli save singaot long hem
sipos oli no bilif long hem?
?Mo olsem wanem oli save bilif long hem
sipos oli no harem nius blong hem?
?Mo olsem wanem oli save harem,
sipos i no gat man i go prij?”
?Yu makem from wanem wok blong prij
i rili impoten tumas tede?
Yes, hemia i givim janis long ol man
blong oli save mekem wan desisen naoia.
Be nao, ?olsem wanem?
?I posibol we sipos bigfala trabol i stat,
plante we oli harem finis
ol mesej blong ol Witnes blong Jehova,
bambae oli jes wantem mekem desisen nao
blong wosipim Jehova wetem yumi?
Bakegen yumi no save talem stret,
be yumi rili hop se oli mekem olsem long taem ya.
Nao i gud yumi tokbaot wan situesen
we plante oli fraet blong tokbaot.
?Wanem situesten ya?
Yes, ating sam long yumi bifo
(bae mi no talem nem blong yufala,
be hemia nao, sam long yumi) i stap talem se:
“Oh, ?yu save?
Wan famle blong mi ya we i no wan Witnes,
mi hop se hem i ded bifo long bigfala trabol.”
!Yes ah! ?Yumi stap tingting olsem?
Yumi se: “I moa gud hem i ded bifo long bigfala trabol,
i no long taem blong bigfala trabol,
olsemia bae hem i save laef bakegen.”
Be ale, traem tingbaot.
?Yu ting se, Jehova i mekem
dedman i laef bakegen long fiuja,
from we hem i bin ded?
?O from hem i luk samting we i stap long hat blong hem?
Yes, Jaj blong yumi we i gat sore
i save luk hat blong man.
So, sipos yumi stap gat ol tingting olsem, hemia i narakaen ya.
I olsem we Jehova i talem long Jisas se:
“Eh, yu luk man ya longwe.
!Hem i wan we i mas lus blong olwe!
!Eh be wet!
!Oh, yu luk hem i ded bifo long bigfala trabol!
!Oh, yumi mas mekem hem i laef bakegen!”
Yes ah. I narakaen ah.
Yu luk, Jehova i jaj blong stret fasin
mo hem i gat fasin sore.
Hem i save luk hat blong man.
Yumi no save trikim Jehova.
So, hemia nao faswan kwestin.
Mi sua se i intresting long yu ah.
?Taem bigfala trabol i stat,
bambae i gat janis yet blong man i kam long trutok?
Ansa hemia se, bae yumi wet blong luk.
Be folem ol vas we yumi jes ridim,
i posibol we samfala i save jus blong folem trutok.
Namba tu kwestin:
?Wetaem bambae wok blong
talemaot gud nius blong Kingdom i finis?
Wan gudfala kwestin.
I gud blong tingbaot se gud nius ya we yumi talemaot,
hem i wan gud nius long yumi mo olgeta we oli lesin.
Mo olsem Ol Sam 2 i tokbaot,
gud nius ya i no wan gudfala nius blong ol narafala.
?Be Matiu 24:14 i talem wanem?
?Yu tingbaot? Hem i se bambae yumi
“talemaot gud nius ya blong Kingdom”
mo “biaen en bambae i kam.”
Traem luk taemlaen blong yumi bakegen.
?En long ples ya i minim wanem?
Yes, hemia en blong period blong bigfala trabol.
So i min se, long taem blong bigfala trabol,
bambae yumi gohed yet blong talemaot gud nius blong Kingdom.
Mo bakegen, hemia i gud nius blong yumi
be i no blong ol narafala man long wol.
Mo long ol taem we i stap kam,
gud nius bambae i kam strong moa long ol narafala.
Gud nius ya bambae i pulum ol man
blong mekem wan desisen se
bambae oli akseptem trutok
long saed blong Kingdom o no.
So i luk olsem se hemia wan long ol risen
from wanem yumi no mas sapraes
sipos wan i jus blong folem trutok
long taem blong bigfala trabol.
Namba tri kwestin:
?Olgeta we oli ded long taem blong bigfala trabol,
bambae oli ded blong olwe
mo no moa laef bakegen?
Nao, yumi stap talem finis se
ol nani bambae oli no moa save laef bakegen,
from Jisas i talem se,
“olgeta ya bambae oli kasem ded we i blong olwe”
Mo long 2 Tesalonaeka japta 1, i tokbaot se
“panis blong olgeta hemia se
bambae oli mas finis blong olwe.”
?Be bambae panis ya i hapen wetaem stret?
Traem luk taemlaen bakegen.
Yu luk, bambae i hapen long taem we
Jisas i kam wetem ol tabu Kristin.
?So folem taemlaen ya, bambae i hapen wetaem?
Bambae i hapen long en blong bigfala trabol
taem Jisas i tekem aksen folem jajmen blong hem,
agensem ol man we oli olsem nani.
Long taem ya nao,
bambae oli kasem stret jajmen blong olgeta.
Be maet i gat sam narafala kwestin we yumi askem.
Tingbaot se olgeta we Jisas i jajem olgeta olsem nani
mo bae oli lus blong olwe,
hemia olgeta we oli gat gudfala janis finis
blong folem trutok,
be oli jus blong no folem.
?Be olsem wanem long man we i no harem trutok
bifo long laswan jajmen?
Yumi askem olsem, from taem bigfala trabol i stat,
Yumi no save se bae i longwan olsem wanem,
be yumi save se evri dei
bae ol man oli gohed blong ded.
Traem tingbaot evri dei raon long wol,
samples 150,000 man oli stap ded
from ol defren trabol olsem ol faet,
ol sik mo ol problem olsem.
Yes, olgeta ya tu oli ded,
be i no Jehova we i panisim olgeta long ded.
?So, olsem wanem long ol man olsem?
Bakegen, jaj ya we i gat sore
i save finis olgeta ya we bae oli save laef bakegen o no.
So, yumi no nid blong wari tumas
long saed blong olgeta we oli ded long taem ya.
Yumi save se Jehova mo Jisas
bae oli mekem samting we i stret.
Ok so naoia, laswan intresting kwestin:
Yu ting se,
evriwan we oli laef long taem blong bigfala trabol,
?bambae oli gat wan gudfala janis
blong oli save Jehova
mo akseptem Kingdom blong hem?
?Wanem tingting blong yu?
Yu no ansa fastaem,
from ansa hemia se:
Yumi no save.
Mo yumi no nid blong save
from hemia i no wok blong yumi ya.
Yumi no ol jaj olsem Jehova.
Be maet, yu stap tingting se:
‘?Be from wanem yumi no save?
Mi ting se long taem blong bigfala trabol,
i no taem blong lanem trutok.’
Be, tingbaot.
Evri dei (olsem we yumi talem)
i gat 150,000 man oli stap ded,
be tu, i gat 350,000 bebi we oli stap bon evri dei.
So, nating sipos bigfala trabol i blong sam dei nomo,
be yet, bambae i gat plante moa niufala bebi i stap bon.
?Mo olsem wanem long ol man we
oli stap long ol ples we yumi no prij long hem yet,
maet long ol ples oli putum tabu long wok blong yumi?
Maet yumi stap tingting se,
‘Be bambae yumi mas prij long evri man wanwan?’
Matiu 10:23 i makem se
maet yumi no nid blong mekem olsem.
So, wan nara intresting kwestin hemia:
?I stret ya blong talem se Jehova mo Jisas
bambae oli jajem plante milian man olsem nani,
nating se oli no gat wan gudfala janis nating
blong savegud Kingdom?
Intresting kwestin ah.
Sipos oli no gat wan gudfala janis nating
mo afta oli ded long taem ya,
?yu ting se bae oli save laef bakegen long fiuja,
olsem “ol man we oli no stret”?
?Ansa blong hem?
Yumi no save nomo.
Yumi no nid blong brekem hed long saed ya,
from blong talem stret, yumi no save.
Be defren olgeta,
i gud yumi glad long samting we yumi save.
?Mo yumi save wanem?
Yumi save se Jehova mo Jisas oli gat sore,
mo oltaem bambae oli mekem samting we i stret.
?Long Esikel 33:11 i talem wanem?
I se, ‘Jehova i no glad taem wan rabis man i ded.’
Hem i wantem se oli jenis.
Mo yumi save se Jehova mo Jisas
bambae oli jajem evri man wawan
long fasin sore mo long fasin we i stret.
Maet naoia, yu stap tingting se:
‘!Oh man! !Plante samting blong lanem ah!’
Ating han blong yu i taed finis blong raetem ol not,
be yu no wari.
I no longtaem wan Wajtaoa
bae i eksplenem moa long saed ya,
so no mestem janis.
Be go kasem taem ya,
?yumi mas gohed blong mekem wanem?
Yumi mas gohed blong talemaot
gud nius blong Kingdom long plante moa man.
Bae yumi glad long ol gudfala frut we i save kamaot from.
Mo taem yumi stap prij, tingbaot se,
!wok ya blong jajem man i blong Jehova mo Jisas nomo!
Bambae oltaem oli jaj long fasin sore,
mo long fasin we i stret gud.
!Mo hemia, i wan trutok we yumi save trastem fulwan!

Geoffrey W. Jackson: ?Bambae Jehova i Jajem Ol Man Long Fiuja Olsem Wanem?
- 

Geoffrey W. Jackson: ?Bambae Jehova i Jajem Ol Man Long Fiuja Olsem Wanem?

So kasem naoia, ?yumi kasem bigfala poen?
Mi sua se yumi kasem poen.
Yes, yumi wantem tingbaot papa blong yumi long heven,
Jehova God, olsem wan jaj we i gat sore
long ol man long evriples,
sem mak long boe blong hem, Jisas.
Yes, yumi save trastem
se tufala i jajem man long fasin we i stret.
Yumi save se tufala i save ridim hat blong ol man.
Mo yumi save se longtaem finis kam,
fasin blong tufala blong jajem ol man i stret nomo.
Be long taem blong bigfala trabol long fiuja,
?bambae oli jajem man olsem wanem?
?I gat sam jenis long saed ya blong 
mekem save blong yumi i kam klia moa?
Nao, bifo we yumi stat blong mekem olsem,
plis tingbaot hemia:
Long ol laswan yia we i pas,
i gat sam jenis we yumi mekem 
long saed blong ol samting we bae 
i hapen long taem blong bigfala trabol.
Mo sipos yu bin stap long trutok longtaem,
maet samtaem i had blong tingbaot se,
‘?Hemia nao bilif blong yumi bifo, 
o hemia bilif blong yumi naoia?’
So, blong givhan long yumi blong
meksua se yumi gat stret save
long ol samting we bae oli hapen
long taem blong bigfala trabol,
i gud yumi wajem smol video ya.
?Bigfala trabol bambae i stat olsem wanem?
Bae i stat long taem we Bigfala Babilon i foldaon.
Hemia nao taem we ol politik paoa
oli tanraon long ol giaman skul raon long wol,
mo bae oli soemaot se oli no laekem olgeta nating.
Taswe, bambae oli spolemgud evri 
oganaesesen blong ol giaman skul.
?Bigfala trabol bambae i finis olsem wanem?
Hemia long taem blong faet blong Amagedon.
Faet ya bambae i kamaot long en blong bigfala trabol.
Jisas wetem ol 144,000 man we oli laef bakegen,
mo plante milian enjel,
bambae oli faet agensem ol enemi blong Jehova,
Kingdom blong hem mo ol man blong hem long wol.
Yes, bae oli “faet long bigfala dei 
blong God Ya We i Gat Olgeta Paoa.”
Naoia we yumi save stat mo en blong bigfala trabol,
i gud yumi askem sam moa kwestin long saed ya. 
?Period blong bigfala trabol i longwan olsem wanem?
Ansa hemia se yumi no save.
Be yumi save nomo se
plante samting bambae i hapen long period ya.
Mo maet ol samting ya,
bae oli hapen long wan sot taem nomo.
Be long storian blong yumi,
bae yumi tokbaot ol samting we bambae oli hapen
long en blong bigfala trabol.
?Bambae Gog blong Magog
i atakem ol man blong God wetaem?
I klia i se i no long stat blong bigfala trabol
be klosap long en blong period blong bigfala trabol.
Bambae wan grup blong ol nesen
i atakem ol man blong God,
nao biaen faet blong Amagedon i stat.
So atak blong Gog blong Magog, 
bae i hapen jes bifo long Amagedon.
?Wetaem bambae ol tabu Kristin 
we oli stap yet long wol, oli go antap long heven?
Buk blong Esikel i soemaot se
taem God blong Magog i stat blong atakem ol man blong God,
sam tabu Kristin bae oli stap yet long wol. 
Nating se i olsem, Revelesen 17:14 i se
taem Jisas i kam blong faet agensem ol nesen,
bae hem i kam wetem 
‘olgeta we God i singaot mo jusumaot olgeta’
hemia ol 144,000 man
So, evri tabu Kristin bae oli stap long heven
afta long atak blong Gog blong Magog
mo bifo long faet blong Amagedon.
Hemia i min se God bambae i hivimap
evri tabu Kristin blong go long heven
klosap long en blong Bigfala trabol,
i no long stat blong hem.
?Laswan jajmen blong ol sipsip mo nani 
bambae i hapen wetaem?
Bakegen, yumi no save olsem wanem bambae i hapen,
be i luk olsem se laswan jajmen ya bae i hapen
long en blong period blong bigfala trabol,
be i no long stat blong hem.
Hemia nao taem we bambae “Pikinini blong man
i kam wetem ol enjel blong hem long glori blong hem.”
I tru se i gat plante moa samting yet
we Baebol i talem se bae i hapen long period ya,
be blong naoia, bae yumi tokbaot sam nomo long ol samting
we bae i hapen jes bifo we Amagedon i stat.
?Yumi wanem lanem wanem?
Faswan,
taem ya we bambae Jisas jajem ol man olsem sipsip mo nani
mo taem ya we ol rabis man oli lus,
bambae i hapen long en blong bigfala trabol. 
Namba tu,
bambae i gat sam tabu Kristin oli stap yet long wol,
kasem taem we Gog blong Magog
i stat blong atakem ol man blong God,
mo hemia bae i hapen long en blong bigfala trabol. 
Mo namba tri,
Long taem blong bigfala trabol,
bambae Jisas i stap luk fasin blong ol man,
olsem fasin blong olgeta blong tritim ol brata blong Kraes,
nao bae hem i save jajem olgeta olsem sipsip mo nani. 
Hemia nao smol tingtingbak long bilif blong yumi.
So sipos yu stap raetem not mo yu se, 
“!O hemia wan niufala save ya!”,
. . . !ah! Lukaot se yu no giaman long narafala. 
Be taem yumi skelem ol trutok ya
long saed blong ol situesen we 
bae i hapen long en blong bigfala trabol,
?olsem wanem hemia i givhan long save blong yumi
long saed blong jajmen we Kraes bambae i mekem? 
Yes yumi save se, moa yumi stap klosap long bigfala trabol,
moa we bambae ol save blong yumi long saed ya, i kam klia moa. 
Jehova nomo i jusum stret taem blong ol save ya i kam klia moa,
blong i save givhan long yumi blong stanap strong
long taem blong bigfala trabol,
be tu blong gohed blong glad long wok blong hem.
So naoia,
bambae yumi tokbaot fo kwestin we oli intresting tumas. 
Mo yes, mi gat plante taem i stap yet.
Faswan kwestin hemia: 
Taem bigfala trabol i stat
(olsem we yumi luk long video we i pas,
taem Bigfala Babilon i foldaon, so taem i stat),
?olsem wanem?
?I gat janis yet blong ol man we oli no bilif long God,
oli save jenis blong wosipim Jehova? 
?Doa i open yet long olgeta o? 
?Yu tingbaot bifo yumi talem wanem? 
Yumi se, “Nogat,
bae doa i klos long ol man olsem,
bae oli no moa save joenem yumi.” 
Be, ?from wanem yumi talem olsem? 
Hemia from we yumi stap skelem 
wetem taem blong Noa bifo,
se i mas sem mak olsem.
Mo yumi stap ting se doa blong bigfala sip we i klos,
bifo we bigfala wota i ron,
i mas sem mak long taem blong bigfala trabol,
se taem i stat, be doa blong joenem yumi, bae i sat fulwan. 
Nao yes, i tru se Jisas i komperem
taem blong Noa wetem taem we
hem i kam olsem king blong yumi. 
Be makem se Jisas i no talem se
evri situesen bae i mas hapen sem mak olsem bifo.
Mo hem i no tokbaot nating se doa bambae i klos
long olgeta we oli wantem save Jehova. 
So traem tingbaot kwestin ya bakegen. 
?Taem we bigfala trabol i stat,
bambae i gat janis yet i stap blong ol narafala?
Blong faenem ansa, bae yumi luk long taemlaen ya.
Tingbaot se, taem blong jajem ol sipsip mo nani,
laswan jajmen, bambae i hapen wetaem? 
I no long stat blong bigfala trabol
be klosap long en blong hem. 
So, traem tingbaot samfala we yumi save olgeta.
Maet ol famle we oli no stap long trutok,
olgeta we kongregesen i putumaot olgeta,
olgeta we oli stadi Baebol wetem yumi. 
?Yu ting se maet, 
afta we oli luk se Bigfala Babilon i foldaon,
bambae oli jes agri se
samting we ol Witnes blong Jehova
oli talem long saed ya, i tru nomo?
?Yu ting bae oli wantem folem trutok? 
Nao, sipos oli jenisim fasin blong olgeta mo joenem yumi,
?bae yumi harem olsem wanem? 
Tingbaot se yumi no mas strik tumas,
mo yumi no wantem mekem olsem Jona,
mo yumi talem se: “!Op op op!
!Doa i klos finis. I finis ya nao! !Yu go. Yu go!”
Yes, yumi mas tingbaot ol stori blong Baebol
we oli save halpem yumi blong kasemsave
fasin blong Jehova blong jajem man long taem bifo,
long fasin sore. 
Wan eksampol,
traem tingbaot ol man Isrel taem oli aot long Ijip. 
Plis, openem Baebol long Eksodas japta 12,
Eksodas japta 12,
mo bambae yumi ridim faswan haf blong vas 38. 
So, i stap tokbaot taem ya we oli kam fri long Ijip,
so Eksodas 12:38 i se:
“Mo i gat ol narafala man tu we oli 
plante tumas oli go wetem olgeta” 
Naoia traem luk i go daon long futnot.
?Futnot blong vas ya i talem wanem? 
“Hemia ol man we oli no laen blong Isrel,
wetem ol man Ijip.”
?So, wanem i bin hapen? 
Long taem ya we Jehova i mekem se
ol man Ijip oli kasem ten strong panis,
i sua se sam man Ijip oli stat blong luksave se
Jehova nomo i gat olgeta paoa,
i no olsem ol giaman god blong Ijip. 
So, taem hem i taem blong ol man Isrel oli mas aot long Ijip,
i luk olsem se sam Ijip, oli joenem ol man Isrel.
Hemia i intresting blong makem ah. 
Be nao, maet yumi stap tingting se:
‘Yes OK, mi kasemsave se
save long saed ya, i kam klia moa,
be, olgeta ya we yumi stadi wetem olgeta,
i tru ya se bambae oli save gat janis
blong kam ol man blong Jehova,
afta we Bigfala Babilon i foldaon?
I luk olsem se i no stret ah.
!I no stret ya we oli tanem tingting lonng las minit!’
Sipos yumi gat tingting olsem,
?Olsem wanem?
?Yumi stap soemaot se yumi gat sore olsem Jehova? 
Sipos situesen olsem i rili hapen,
yumi no mas sapraes long samting ya. 
Mo traem tingbaot. 
Olsem we yumi luk long pija blong taemlaen,
yumi luk se taem ya i wan period bifo long laswan jajmen.
So sipos wan i jus blong wosipim Jehova 
long stat blong bigfala trabol,
bae hem i mas fesem strong fasin agens tu
long laswan atak blong Gog blong Magog. 
?Be, yumi mas tingbaot wanem long saed blong topik ya?
Yes, sem mak olsem long taem bifo long 66 K.T.,
ol man long taem ya, 
oli mas mekem wan mekem desisen se,
bae oli lego Jerusalem o nogat.
Mo plante oli bin mekem desisen blong olgeta
folem samting we oli lanem finis long saed ya. 
Taswe, long sem fasin,
wok blong prij tede we yumi mekem i impoten tumas. 
Traem makem samting we aposol Pol i talem,
long buk we hem i raetem blong Rom,
Rom 10:13,14.
Mo taem yumi ridim ol vas ya,
traem tingbaot situesen ya we yumi stap tokbaot finis—
hemia taem Bigfala Babilon i foldaon.
So, bifo we hem i lus,
traem tingbaot vas long vas 13:
From “olgeta man we oli singaot 
long nem blong Jehova, bambae oli sef.”
Be ?olsem wanem oli save singaot long hem
 sipos oli no bilif long hem?
?Mo olsem wanem oli save bilif long hem 
sipos oli no harem nius blong hem?
?Mo olsem wanem oli save harem,
sipos i no gat man i go prij?”
?Yu makem from wanem wok blong prij 
i rili impoten tumas tede? 
Yes, hemia i givim janis long ol man 
blong oli save mekem wan desisen naoia. 
Be nao, ?olsem wanem?
?I posibol we sipos bigfala trabol i stat,
plante we oli harem finis 
ol mesej blong ol Witnes blong Jehova,
bambae oli jes wantem mekem desisen nao
blong wosipim Jehova wetem yumi? 
Bakegen yumi no save talem stret,
be yumi rili hop se oli mekem olsem long taem ya. 
Nao i gud yumi tokbaot wan situesen 
we plante oli fraet blong tokbaot. 
?Wanem situesten ya?
Yes, ating sam long yumi bifo
(bae mi no talem nem blong yufala,
be hemia nao, sam long yumi) i stap talem se: 
“Oh, ?yu save? 
Wan famle blong mi ya we i no wan Witnes,
mi hop se hem i ded bifo long bigfala trabol.”
!Yes ah! ?Yumi stap tingting olsem? 
Yumi se: “I moa gud hem i ded bifo long bigfala trabol,
i no long taem blong bigfala trabol,
olsemia bae hem i save laef bakegen.”
Be ale, traem tingbaot.
?Yu ting se, Jehova i mekem 
dedman i laef bakegen long fiuja,
from we hem i bin ded?
?O from hem i luk samting we i stap long hat blong hem?
Yes, Jaj blong yumi we i gat sore
i save luk hat blong man.
So, sipos yumi stap gat ol tingting olsem, hemia i narakaen ya. 
I olsem we Jehova i talem long Jisas se:
“Eh, yu luk man ya longwe.
!Hem i wan we i mas lus blong olwe!
!Eh be wet! 
!Oh, yu luk hem i ded bifo long bigfala trabol!
!Oh, yumi mas mekem hem i laef bakegen!”
Yes ah. I narakaen ah.
Yu luk, Jehova i jaj blong stret fasin 
mo hem i gat fasin sore.
Hem i save luk hat blong man.
Yumi no save trikim Jehova.
So, hemia nao faswan kwestin. 
Mi sua se i intresting long yu ah.
?Taem bigfala trabol i stat,
bambae i gat janis yet blong man i kam long trutok?
Ansa hemia se, bae yumi wet blong luk.
Be folem ol vas we yumi jes ridim,
i posibol we samfala i save jus blong folem trutok. 
Namba tu kwestin:
?Wetaem bambae wok blong
talemaot gud nius blong Kingdom i finis?
Wan gudfala kwestin.
I gud blong tingbaot se gud nius ya we yumi talemaot,
hem i wan gud nius long yumi mo olgeta we oli lesin.
Mo olsem Ol Sam 2 i tokbaot,
gud nius ya i no wan gudfala nius blong ol narafala. 
?Be Matiu 24:14 i talem wanem?
?Yu tingbaot? Hem i se bambae yumi 
“talemaot gud nius ya blong Kingdom”
mo “biaen en bambae i kam.”
Traem luk taemlaen blong yumi bakegen. 
?En long ples ya i minim wanem? 
Yes, hemia en blong period blong bigfala trabol. 
So i min se, long taem blong bigfala trabol,
bambae yumi gohed yet blong talemaot gud nius blong Kingdom. 
Mo bakegen, hemia i gud nius blong yumi
be i no blong ol narafala man long wol. 
Mo long ol taem we i stap kam,
gud nius bambae i kam strong moa long ol narafala.
Gud nius ya bambae i pulum ol man
blong mekem wan desisen se
bambae oli akseptem trutok 
long saed blong Kingdom o no. 
So i luk olsem se hemia wan long ol risen 
from wanem yumi no mas sapraes
sipos wan i jus blong folem trutok
 long taem blong bigfala trabol.
Namba tri kwestin:
?Olgeta we oli ded long taem blong bigfala trabol,
bambae oli ded blong olwe 
mo no moa laef bakegen? 
Nao, yumi stap talem finis se
ol nani bambae oli no moa save laef bakegen, 
from Jisas i talem se,
“olgeta ya bambae oli kasem ded we i blong olwe” 
Mo long 2 Tesalonaeka japta 1, i tokbaot se 
“panis blong olgeta hemia se 
bambae oli mas finis blong olwe.” 
?Be bambae panis ya i hapen wetaem stret?
Traem luk taemlaen bakegen. 
Yu luk, bambae i hapen long taem we 
Jisas i kam wetem ol tabu Kristin. 
?So folem taemlaen ya, bambae i hapen wetaem? 
Bambae i hapen long en blong bigfala trabol
taem Jisas i tekem aksen folem jajmen blong hem, 
agensem ol man we oli olsem nani.
Long taem ya nao, 
bambae oli kasem stret jajmen blong olgeta.
Be maet i gat sam narafala kwestin we yumi askem.
Tingbaot se olgeta we Jisas i jajem olgeta olsem nani
mo bae oli lus blong olwe, 
hemia olgeta we oli gat gudfala janis finis 
blong folem trutok,
be oli jus blong no folem. 
?Be olsem wanem long man we i no harem trutok
 bifo long laswan jajmen? 
Yumi askem olsem, from taem bigfala trabol i stat, 
Yumi no save se bae i longwan olsem wanem,
be yumi save se evri dei
bae ol man oli gohed blong ded.
Traem tingbaot evri dei raon long wol,
samples 150,000 man oli stap ded
from ol defren trabol olsem ol faet, 
ol sik mo ol problem olsem.
Yes, olgeta ya tu oli ded,
be i no Jehova we i panisim olgeta long ded. 
?So, olsem wanem long ol man olsem?  
Bakegen, jaj ya we i gat sore
i save finis olgeta ya we bae oli save laef bakegen o no. 
So, yumi no nid blong wari tumas
long saed blong olgeta we oli ded long taem ya. 
Yumi save se Jehova mo Jisas
bae oli mekem samting we i stret.
Ok so naoia, laswan intresting kwestin:
Yu ting se, 
evriwan we oli laef long taem blong bigfala trabol,
?bambae oli gat wan gudfala janis
blong oli save Jehova 
mo akseptem Kingdom blong hem?
?Wanem tingting blong yu?
Yu no ansa fastaem,
from ansa hemia se:
Yumi no save.
Mo yumi no nid blong save
from hemia i no wok blong yumi ya. 
Yumi no ol jaj olsem Jehova.
Be maet, yu stap tingting se:
‘?Be from wanem yumi no save?
Mi ting se long taem blong bigfala trabol, 
i no taem blong lanem trutok.’ 
Be, tingbaot.
Evri dei (olsem we yumi talem)
i gat 150,000 man oli stap ded,
be tu, i gat 350,000 bebi we oli stap bon evri dei. 
So, nating sipos bigfala trabol i blong sam dei nomo,
be yet, bambae i gat plante moa niufala bebi i stap bon.  
?Mo olsem wanem long ol man we
oli stap long ol ples we yumi no prij long hem yet,
maet long ol ples oli putum tabu long wok blong yumi? 
Maet yumi stap tingting se,
‘Be bambae yumi mas prij long evri man wanwan?’ 
Matiu 10:23 i makem se
maet yumi no nid blong mekem olsem.
So, wan nara intresting kwestin hemia: 
?I stret ya blong talem se Jehova mo Jisas
bambae oli jajem plante milian man olsem nani,
nating se oli no gat wan gudfala janis nating
blong savegud Kingdom? 
Intresting kwestin ah.
Sipos oli no gat wan gudfala janis nating
mo afta oli ded long taem ya,
?yu ting se bae oli save laef bakegen long fiuja,
olsem “ol man we oli no stret”? 
?Ansa blong hem?
Yumi no save nomo.
Yumi no nid blong brekem hed long saed ya,
from blong talem stret, yumi no save. 
Be defren olgeta,
i gud yumi glad long samting we yumi save.
?Mo yumi save wanem? 
Yumi save se Jehova mo Jisas oli gat sore,
mo oltaem bambae oli mekem samting we i stret. 
?Long Esikel 33:11 i talem wanem?
I se, ‘Jehova i no glad taem wan rabis man i ded.’ 
Hem i wantem se oli jenis.
Mo yumi save se Jehova mo Jisas
bambae oli jajem evri man wawan
long fasin sore mo long fasin we i stret.  
Maet naoia, yu stap tingting se:
‘!Oh man! !Plante samting blong lanem ah!’
Ating han blong yu i taed finis blong raetem ol not,
be yu no wari. 
I no longtaem wan <i>Wajtaoa</i> 
bae i eksplenem moa long saed ya,
so no mestem janis. 
Be go kasem taem ya,
?yumi mas gohed blong mekem wanem? 
Yumi mas gohed blong talemaot 
gud nius blong Kingdom long plante moa man. 
Bae yumi glad long ol gudfala frut we i save kamaot from. 
Mo taem yumi stap prij, tingbaot se,
!wok ya blong jajem man i blong Jehova mo Jisas nomo! 
Bambae oltaem oli jaj long fasin sore,
mo long fasin we i stret gud. 
!Mo hemia, i wan trutok we yumi save trastem fulwan!


-