JW subtitle extractor

Respek.
Samtaem yumi traehad blong soemaot respek long narafala
be narafala i no mekem sem mak long yumi.
Be kwestin se,
?Mi mi stap soemaot respek
insaed long famle blong mi?
Maet yumi nidim blong
jenisim sam fasin blong yumi,
from maet taem yumi smol,
yumi lanem blong no soem respek,
o maet ol pleplei we yumi jusum
oli mekem yumi ting se
i oraet nomo blong no soem respek.
I tru se i no isi,
be i posibol we wan kapol
i soemaot respek ya bakegen olsem bifo.
Wan advaes blong Baebol we i save givhan hemia:
“Samting we yufala i wantem blong
ol [narafala] oli mekem long yufala,
yufala i mas mekem long olgeta.”
Ol hasban oli nidim blong haremsave se
ol waef oli respektem olgeta.
Mo ol waef tu oli nidim blong haremsave se
ol hasban oli tinghae long olgeta,
oli lavem olgeta,
mo oli lesin long olgeta.
Sipos yumi stat mekem ol samting
we i soemaot se yumi tinghae
long hasban o waef blong yumi,
hemia bambae i mekem se
i kam isi moa blong soemaot respek.
Tingbaot oltaem
se ol toktok blong yu
oli save spolem filing blong
hasban o waef blong yu,
taem yutufala i stap wetem ol narafala
o taem yutufala i stap yutufala nomo.
Sipos i gat wan samting blong stretem,
i gud blong wet kasem we yutufala nomo i stap.
Mo taem yu toktok, toktok kaen.
Nating sipos wan i no agri
be gohed blong soemaot se
yu tinghae long tingting blong hem.
Tingbaot evri samting
we hasban o waef blong yu i mekem.
Tingbaot ol bigfala samting
mo ol smol samting tu,
we hem i mekem blong
lukaot gud long famle blong yu.
Traem no blong fokas tumas
long mastik blong narawan.
I moa gud we yu presem hem moa
from ol gudfala samting we hem i mekem,
i bitim we yu daonem hem
from ol mastik blong hem.
I gud we evri dei, yu talemaot long hem,
wan fasin blong hem we yu laekem.
Hasban o waef blong yu
i nidim we yu respektem hem moa
i bitim ol narafala.
Taem yutufala tugeta i soemaot respek,
bambae pis i stap insaed long famle.
Hemia tri kwestin we yutufala i save tokbaot
blong soemaot moa respek long yutufala.
Mo hemia i wan janis blong talemaot
samting we i stap long hat blong yutufala.
Taswe i gud we yu rere blong lesin
mo glad nomo blong mekem jenis.
So sipos i stret, pos long video ya
mo storian gud tugeta.

Blong Gat Wan Hapi Mared: Soemaot Respek