JW subtitle extractor

Li ichʼbail ta mukʼe.
Jutuk mu skotoluk
velta chkakʼtik persa
yichʼel ta mukʼ li yantike.
Pe bateltike, mu jechuk
chkichʼtik pasbel.
Pe ¿kʼu yelan li
ta jnupuneltike?
¿Mi xuʼ mas to xkichʼ
jbatik ta mukʼ?
Kʼalal kʼoxutik toʼoxe,
yikʼaluk muʼyuk
lij˗ichʼvan ta mukʼ.
Jech oxal, skʼan xijelutik.
O xuʼ van skʼan
jeltik li kʼusi ta
jchʼay˗o koʼontontike.
Akʼo mi mu kʼunuk chkaʼitik,
pe xuʼ to xkichʼ
jbatik ta mukʼ yan velta
jech kʼuchaʼal kʼalal
achʼ toʼox jnupuneltike.
Oy jun voʼneal tojobtasel
ta Vivlia ti xuʼ skoltautike:
«Li kʼusitik chakʼan
akʼo spasboxuk
li krixchanoetike
jechuk me xapasbeik ek».
Li malaliletike
jaʼ mas tsots skʼoplal
chaʼiik ti x˗ichʼatik ta mukʼe.
Li ajnilaletik eke
tskʼanik ti oyuk sbalil
x˗ilatik yuʼun li smalalike,
ti xkʼanatike
xchiʼuk ti xchikintabatike.
Mi chkakʼtik ta ilel ta jujuntal
ti ep sbalil chkiltik li kʼusi
tspas jnup jchiʼiltike,
jaʼ chkoltavan sventa
xkichʼ jbatik ta mukʼe.
Mu me xchʼay xavaʼi
stsakel ta venta
ti kʼu yelan xuʼ xaʼi
sba anup achiʼil ta
skoj li kʼusi chavale,
akʼo mi te achiʼukik yantik
o mi atukik noʼox.
Mi chopol avaʼi li kʼusi la spas
o laj yal li anup achiʼile,
loʼiltaik ta atukik noʼox.
Pe ta slekiluk avoʼonton xaval
xchiʼuk akʼbo yil
ti ep sbalil chavil
ek li kʼusi tsnope
akʼo mi jelel li kʼusi chanope.
Teuk ta ajol skotol li kʼusi
tspas li anup achiʼile,
akʼo mi juteb noʼox,
pe ti jaʼ sventa slekilal
li avutsʼ avalale.
Mu jaʼuk noʼox
xakʼel li kʼusi chopol
tspas li anup achiʼile.
Kʼupil kʼoptao abaik,
mu xanaʼle abaik.
Skotoluk kʼakʼal
xavalbe anup achiʼil
li kʼusi lek chavilbe
ta stojolale,
yuʼun jaʼ li buchʼu
skʼan xavichʼ ta mukʼe.
Mi chavichʼ abaik ta mukʼe,
jun noʼox me avoʼontonik.
Mi chanopbeik skʼoplal
li oxib sjakʼobiltak liʼe,
tskoltaoxuk sventa
masuk to xavichʼ
abaik ta mukʼ.
Jamal xavalbe abaik
ti kʼu yelan chavaʼi abaike,
chikintabe abaik
xchiʼuk akʼik persa
sjelel mi oy kʼusi chopol
yakal chapasike.
Xuʼ me xapajesik li
video yoʼ xaloʼilajike.

K'uxi xu' xamuyubaj li ta anupunele: Ich'vanan ta muk'