JW subtitle extractor

Li s-organisasion Jeova avie
ep tajek videoetik ta stunes.
Pe ¿mi anaʼoj ti oy xa onoʼox
yichʼoj tunesel ta voʼnee?
Yuʼun oy xa mas ta sien jabil
yichʼoj tunesel tal
pelikulaetik xchiʼuk videoetik
sventa jcholtik mantal
xchiʼuk xijchanubtasvane.
Jkʼeltik batel kʼu yuʼun xchiʼuk
kʼu yelan laj yichʼ pasel
li ta video
«Li kʼusitik jelem tale».
Kʼalal lik xcholik mantal
li Jchanolajeletik ta Vivlia
leʼtik bal ta sjabilal 1881,
muʼyuk toʼox buchʼu mas
tsmeltsanik li pelikulaetike.
Pe li Charles Russell
xchiʼuk xchiʼiltake
laj yakʼik venta ti xuʼ
toj jtunel
ta cholmantal li pelikulaetike.
Yuʼun xuʼ ep krixchanoetik
staik ta kʼelel
xchiʼuk ti xkʼot ta yoʼontonik
li kʼusitik chal Vivliae.
Li ta jun asamblea
ti echʼ li ta junio ta 1913,
li Jchanolajeletik ta Vivliae
kʼot ta nopel yuʼunik
ti tstunesik pelikulaetik
sventa xcholik mantal
xchiʼuk xchanubtasik
li krixchanoetike.
Li ta enero ta 1914,
li ermanoetike, ta sba velta
laj yakʼik ta ilel
li «Foto-Drama de la Creación».
Li video taje
chjalij vaxakib ora,
chvinaj lokʼoletik ta kolor
xchiʼuk tuchʼantik videoetik.
Jutuk mu skotoluk taje
manbil laj yut li Russelle.
Nopo xa noʼox avaʼi
ti te chotolot
xchiʼuk epal krixchanoetike,
ti xuʼ van sba to velta
chavil ta asat
ti kʼu yelan kʼot ta pasel
li loʼiletik ta Vivliae.
Xchiʼuk oy to kʼusi yan te vinaj
li ta «Foto-Drama»
ti xuʼ van
labal to sba laj yilike.
¡Yuʼun xkaʼitik xa chkʼopoj
li buchʼu xvinaj ta pantayae!
Li Foto-Dramae laj
yichʼ kʼelel ta teatroetik
xchiʼuk ta auditorioetik
ta spʼejel balumil.
Li pelikulaetik taje jaʼ
no’ox xuʼ xichʼ kʼelel
li ta teatroetike.
Pe li ta sjabilaltik 1920,
laj yichʼ pasel pelikulaetik
ti xuʼ skʼel ta snaik
li krixchanoetike
xchiʼuk ti muʼyuk mas chjalije.
Li ta pelikulaetik taje
te chvinaj Rutherford
kʼalal ay li ta lumetik
ti chalbe skʼoplal Vivliae,
muʼyuk sonal
xchiʼuk muʼyuk kʼusi chbakʼ.
Jaʼ yuʼun, laj yakʼik
ta meltsanel jun proyector
ti bikʼit noʼox
xchiʼuk ti yalel noʼox stojol
sventa xakʼik ta ilel
li pelikulaetik taje.
Li buchʼutik la skʼelike
yojtikinik li lumetik
chalbe skʼoplal li Vivliae
xchiʼuk la xchanbeik skʼoplal
epal albil kʼopetik.
Ta tsʼakale,
li j˗organisasiontike
laj yikta stunesel
li pelikulaetike,
yuʼun 20 jabil jaʼ xa
lik stunes ta cholmantal
li radio xchiʼuk li gramafonoe.
Pe li ta sjabilaltik 1950,
li Jtsop Jbeiltasvaneje laj yakʼ
venta ti skʼan xil ta sat stukik
li buchʼutik
oy ta yoʼontonik mantal
ti ta spʼejel balumil
chichʼ pasel li abtelale.
Jaʼ yuʼun, la spasik
li pelikula:
La Sociedad del Nuevo
Mundo en acción.
Li video taje chjalij jun ora
xchiʼuk 20 minuto,
jaʼ te chvinaj kʼu yelan
li Beteletike
xchiʼuk li asamblea
internasionaletike.
Te chvinaj xtok ti kʼu yelan
chichʼ cholel mantal
li ta junantik lumetik
ti solel nom bu chʼikajtike.
Ta mas tsʼakale,
laj yichʼ pasel yan pelikulaetik
ti chakʼ ta ilel kʼu yelan
ch˗abtej li steklumal Diose
xchiʼuk ti kʼu yelan chkʼot
ta pasel li albil kʼopetike.
Li ta 1966,
lokʼ ta inglés
li pelikula Heritage
ti chjalij 28 minutoe
xchiʼuk ti chakʼ ta ilel
li vokoliletik tsnuptanik
li kerem tsebetike.
Li pelikula liʼe
laj yichʼ kʼelel
ta asambleaetik ta sirkuito,
ta mukʼta tsobajeletik
xchiʼuk ta mas ta
150 kanaletik ta television
li ta Estados Unidose.
Li ta 1966,
li j˗organisasiontike laj yikta
spasel li pelikulaetike,
jaʼ xa lik yakʼik ta ilel
dramaetik li ta asambleaetike.
Ta bikʼit ta mukʼ laj yilik
kʼu yelan kʼot ta pasel
li loʼiletik chal ta Vivliae
xchiʼuk ta epal jabiletike
jaʼ li kʼusi mas laj yichʼ
kʼupinel ta asambleaetike.
Kʼalal jutuk xa ox skʼan
li 1990,
oy kʼusitik achʼ laj lokʼanuk.
Ep utsʼ alaliletik
ti oy xa ox yuʼunik
li stijobil videocassettes.
Jaʼ yuʼun, li j˗organisasiontike
la snop ti tslokʼes
yan pelikulaetike.
Li baʼyel ti jech laj yichʼ
lokʼesele jaʼ ta 1990
ti xi sbie
«Los testigos de Jehová...
la organización tras el nombre».
Jaʼ sventa xilik kʼu yelan
chichʼ pasel li jvuntike
xchiʼuk ti epuk sbalil
ta xilike.
Jech xtok, te chvinaj ti kʼu
yelan chichʼ tunesel li jvuntik
sventa xichʼ cholel mantal
ta spʼejel balumile.
Li tukʼil xchiʼuk pʼijil mosoile
jech-o stunesoj tal
epal videoetik.
Li sien jabiletik echʼem tale,
ep tajek jelem ti kʼu yelan
chichʼ pasel
li pelikulaetik
xchiʼuk videoetike.
Pe li kʼusi muʼyuk jeleme
jaʼ li kʼusi oy ta yoʼonton
li s-organisasion Jeovae.
Taje jaʼ ti xkʼot ta yoʼonton
skotol krixchanoetik
li kʼusi chal li Vivliae.

Li kʼusitik jelem talele: Pelikulaetik xchi'uk videoetik