JW subtitle extractor

Fyrir 140 árum síðan, árið 1884
var Zion’s Watch Tower Tract Society lögskráð félag.
Ég veit að það eru margir gráskeggjaðir hérna
en mér skilst að enginn ykkar hafi verið viðstaddur þá.
Kannski sem betur fer.
Þetta var eins og talað er um í Sakaría 4:10,
þetta var ‚smávægileg byrjun‘.
Það voru ekki margir í söfnuðinum þá.
En hverju hefur Jehóva áorkað í boðuninni undanfarin 140 ár?
Núna boða næstum 9 milljónir boðbera boðskapinn um ríkið
í um 240 löndum og nota rit á meira en 1.000 tungumálum.
Finnum við okkur ekki knúin til að lofa Jehóva
fyrir allt sem hann hefur áorkað?
En hvernig komumst við á þennan stað
og hvað hefur átt stóran þátt í þessari miklu aukningu
sem hefur verið í söfnuði Jehóva?
Og hvaða tækifæri standa ungu fólki í söfnuðinum til boða?
Kíkjum á það.
Hvað sýna tölurnar okkur?
Við sjáum mikinn vöxt og möguleika á enn meiri vexti víða um heim.
Hvernig hefur gengið undanfarið þjónustuár?
Í Mósambík sóttu fleiri en nokkru sinni fyrr minningarhátíðina,
eða um 400.000 manns!
Það er rúmlega fjórfalt meira en boðberarnir í landinu.
Í Angóla bættust við 900 trúboðar í hverjum mánuði,
nei ég meina boðberar í hverjum mánuði.
Það væri svolítið mikið.
Og í Kongó bættust við meira en 1.300 boðberar á mánuði
og á Filipseyjum hafa meira en 1.000 manns látið skírast, að meðaltali,
á hverjum einasta mánuði.
En bræður og systur, í þessum löndum þar sem er svona mikill vöxtur
er mikil þörf á nýjum trúboðum en það er líka þörf í öðrum löndum.
Í mörgum löndum hafa trúboðar unnið mikið og gott starf árum saman
og gerðu það trúfastlega allt til dauðadags.
Einhverjir hafa þurft að snúa aftur heim
til þess að annast aldraða ættingja eða sinna heilsunni.
Þannig að við getum spurt okkur, er enn þá þörf á trúboðum núna?
Svarið er hiklaust, já.
Það er enn þá heilmikið verk óunnið fyrir trúboða
og á hverju ári er sent út ungt fólk sem trúboðar
sem elskar sannleikann og hefur brennandi áhuga á honum.
Nýlega voru t.d. 36 nýir trúboðar sendir til Madagaskar
og 10 til Lettlands.
En hvað finnst þessum ungu trúboðum um nýja verkefnið sitt?
Horfum á.
Það er því enn þá heilmikil þörf á að ungt fólk gerist trúboðar.
En þá er eðlilegt að spyrja, hvernig gerist maður trúboði?
Fyrsta skrefið er að byrja þjónustu í fullu starfi.
Síðan þarftu að þjóna í fullu starfi í tvö ár.
En hvað áttu svo að gera?
Þá getur þú sótt um að fara í Skólann fyrir boðbera Guðsríkis.
Þeir sem sækja skólann eiga möguleika á að verða trúboðar.
Þú þarft líka að hafa sama hugarfar og Jesaja sem sagði:
„Hér er ég! Sendu mig!“
Sem sagt, vera tilbúin að fara hvert sem þú ert sendur.
Eftir útskrift úr skólanum gætir þú fengið það verkefni
að þjóna tímabundið sem sérbrautryðjandi í þínu landi
svo þú getir öðlast reynslu og ef það gengur vel hjá þér
gætirðu verið beðin um að þjóna sem trúboði í öðru landi.
Að þjóna sem trúboði býður upp á einstakt tækifæri til þess
að kenna fólki sem býr í öðrum löndum sannleikann um ríki Guðs.
Það er því þörf á ungu fólki
sem vill fara út og gera fólk af öllum þjóðum að lærisveinum.
En hversu gamall þarf maður að vera
til þess að sækja um að fá að fara í Skólann fyrir boðbera Guðsríkis?
Það er mér sönn ánægja að tilkynna að stjórnandi ráð hefur ákveðið
að bræður og systur 21 árs og eldri
geta nú sótt um að fara í Skólann fyrir boðbera Guðsríkis.
Er það ekki frábært?
En margt af ykkur unga fólkinu þjónið nú þegar þar sem að er mikil þörf
og jafnvel einhvers staðar erlendis.
Það er alveg frábært en við hvetjum ykkur núna
til að sækja um í Skólanum fyrir boðbera Guðsríkis
vegna þess að þá getur söfnuðurinn séð
hvernig þú kemur að bestum notum í boðuninni um allan heim.
Ungu bræður og systur, nýtið ykkur endilega þetta einstaka tækifæri.
En hvað um okkur hin sem erum aðeins eldri?
Hvað getum við gert til að hjálpa þessu unga fólki?
Verum örlát við að þjálfa þau og deila reynslu okkar með þeim.
Hjálpum þeim að þroskast
og hvetjum þau til þess að nýta sér þessi tækifæri
til að lofa Jehóva Guð okkar.
Þegar ég var aðeins 19 ára
bauð bróðir nokkur mér með sér á fyrsta ársfundinn sem ég fór á.
Og það var sérstakt ár,
það voru 100 ár síðan Watch Tower Bible and Tract Society var stofnað
og fundurinn var í Pennsylvaníu.
Ég var svo spenntur að ég hélt ég hefði dáið og farið til himna.
Ég trúði því varla að bróðirinn skyldi bjóða mér því ég var svo ungur.
En ég man vel eftir hvatningunni sem ég fékk á þessum fundi,
allt til dagsins í dag.
Bræður og systur hvað ætlið þið að gera?
Hvað ætlið þið að gera til að hvetja unga fólkið til að lofa Jehóva?
Jehóva mun svo sannarlega blessa ykkur
þegar þið leitið að tækifærum til að gera það.
Já, boðunin er meira áríðandi en nokkru sinni fyrr.
Lesum því saman í Rómverjabréfinu 10:13,
þar segir: „Því að ‚allir sem ákalla nafn Jehóva bjargast‘.
En hvernig geta þeir ákallað hann ef þeir trúa ekki á hann?
Og hvernig geta þeir trúað á þann sem þeir hafa ekki heyrt um?
Hvernig geta þeir heyrt ef enginn boðar?
Og hvernig geta þeir boðað nema þeir séu sendir?
Það er eins og skrifað stendur:
‚Hversu fagrir eru fætur þeirra sem flytja fagnaðarboðskap um hið góða.‘“
Það er þörf á því að fleira ungt fólk sé sent af stað,
eins og versið segir.
Það þarf fleira ungt fólk sem brautryðjendur, sérbrautryðjendur og trúboða.
Þið þurfið að sækja um Skólann fyrir boðbera Guðsríkis.
Jehóva hefur svo sannarlega áorkað miklu undanfarið 140 ár.
Hann hefur blessað þessa ‚smávægilegu byrjun‘.
En kæru bræður og systur, boðuninni er ekki enn lokið, er það nokkuð?
Unga fólkið í söfnuðinum getur tekið að sér spennandi verkefni.
Unga fólk, hvað ætlið þið að gera?
Núna getið þið sótt um að fara á Betel
eða hjálpa til í byggingarstarfi 18 ára.
Þið getið farið í Skólann fyrir boðbera Guðsríkis þegar þið eruð 21 árs.
Fleygið ykkur í fangið á Jehóva!
Gefið kost á ykkur, þið munið aldrei sjá eftir því.
Og við hin sem erum eldri
skulum gera okkar allra besta til að hvetja og þjálfa þetta unga fólk.
Já, eins og bróðir Losch sagði, höldum áfram að fægja speglana okkar.
Reynum ef við getum að auka við þjónustu okkar
og lofa stórkostlegan, yndislegan, föður okkar Jehóva.

Mark Sanderson: Við getum lofað Jehóva í boðuninni