JW subtitle extractor

Hem i 140 yia bifo,
long 1884,
taem Zion’s Watch Tower Tract Society
i kam wan ligol asosiesen.
Nao mi save se plante long yufala
hea blong yufala i waet finis
be ating i no gat wan long yufala
i stap yet long taem ya ?ah?,
from sipos no.
I olsem we Sekaraea 4:10 i talem.
Hemia wan “dei we wan samting i jes stat,”
yes yumi no plante.
?Be wanem samting we
Jehova i naf blong mekem
long ol 140 yia ya we i pas finis?
Tede, i gat klosap naen milian man
we oli stap talemaot gud nius
blong Kingdom blong God
long samples 240 kantri,
mo oli serem ol buk mo magasin long bitim
1,000 lanwis.
Ol brata mo sista,
?yufala i glad long olgeta wok we
Jehova i mekem finis?
?Be ol brata mo sista,
wanem men risen we i mekem se
ol wok blong oganaesesen blong Jehova
i gru olsem i kam bigwan moa?
?Mo wanem doa i open
long ol yangfala brata sista blong yumi?
Plis wajem.
Taem yu tingbaot wan misinari,
ating yu tingbaot olgeta we oli olfala
mo oli prij plante yia finis.
?Be yu save?
Plante long olgeta ya
oli yang nomo taem oli stat.
Blong talem stret,
long ol faswan yia afta we Gilead i stat,
30 pesen blong ol misinari
we oli kamaot long Gilead
oli no kasem 24 yia yet.
Oli yang,
oli gat paoa,
mo oli rere blong akseptem eni
asaenmen blong prij long eni ples,
mo wok we oli mekem i nambawan tumas.
Wan eksampol,
long 1943,
yumi stap prij long 54 kantri.
Mo namba blong ol pablisa i no plante.
Be Jehova i blesem hadwok
mo strong tingting blong olgeta.
Taswe, long faef yia nomo
namba blong ol pablisa raon long wol
klosap i dabol.
Long 1953 i dabol bakegen,
mekem se wok blong
oganaesesen blong Jehova
i go kasem 143 kantri.
Ol bigfala wok we i hapen long 10 yia ya
i mekem se oganaesesen blong Jehova
i gru i kam bigwan moa kam kasem tede.
Naoia bitim 8 milian man
oli stap long 239 kantri
oli stap talemaot trutok
long plante bilian man.
Ol yangfala misinari ya
oli givhan blong mekem profet tok
blong Jisas i kamtru
se oli “talemaot gud nius ya blong Kingdom
long olgeta ples long wol,
blong oli witnes long olgeta nesen.”
Be naoia 80 yia i pas finis.
Maet yu stap tingting se,
‘?I gat nid yet blong ol misinari tede?’
?Yumi lanem wanem?
Yumi luk se,
oganaesesen blong Jehova i gru
i kam bigwan moa long fulwol.
?Wanem ripot blong ol wok
long laswan sevis yia?
Long Mosambik,
bitim 400,000 man oli kam long memoriol.
I neva gat wan namba olsem bifo.
Mo namba ya
i fo taem antap moa long
namba blong ol pablisa.
Angola,
i gat bitim 900 niufala misinari evri manis,
e sore, mi minim niu pablisa evri manis.
!Sore mi mestem ya!
Long Kongo,
averej namba blong
ol niu pablisa evri manis
i bitim 1,300.
Mo long Filipin,
averej namba blong olgeta
we oli baptaes evri manis
i bitim 1,000 man.
Yes ol brata sista,
i klia se ol man blong Jehova oli
gohed blong gru long ol ples ya,
so i gat bigfala nid blong moa misinari.
I gat nid olsem long ol nara ples tu.
Long plante kantri,
i gat sam misinari finis we oli stap wok strong
mo mekem ol gudfala wok,
be, plante long olgeta ya oli ded finis.
Sam oli mas lego asaenmen blong olgeta
blong go lukaot long ol famle we oli sik
o maet from helt blong olgeta.
So, kwestin i stap se,
?I gat nid yet blong ol misinari tede?
Ansa hemia se:
!Yes i gat!
I gat plante bigfala wok we
oli stap yet blong mekem
long ol wok blong misinari.
Mo plante yangfala we oli gat strong tingting,
oganaesesen i stap sanem olgeta evri yia
blong mekem wok blong misinari.
Wan eksampol hemia,
Sevis Komiti i sanem
36 niufala misinari long Madagaska
mo 10 long Latvia.
?Be ol yangfala misinari ya
oli harem olsem wanem
long privilej ya blong misinari wok?
Yumi wajem.
Bigfala nid blong mifala naoia long Madagaska
hemia blong trenem ol niuwan.
Mifala i gat ol niu pablisa we oli no baptaes yet
be oli gat plante gudfala Baebol stadi.
So mifala i glad se
i gat sam niufala yang misinari
we bae oli kam givhan.
Mifala long branj komiti i glad
tumas blong harem se,
bae i gat sam niufala misinari
oli kam long Latvia.
Mifala i spesel paenia blong tri yia
afta mifala i kasem asaenmen ya.
Mi stap tingting se:
‘?Latvia? ?Hemia long wea ya?’
Mi harem se mi fraet smol,
be afta mi se,
“!No, bae i naes tumas ya!”
Long mi, i olsem wan drim
mo samtaem mi askem waef se,
“?Hemia i tru ya?”
Mi stap ting se,
bae mi go long wan ples olsem Afrika,
be oli se:
“No, bae yu go long ples blong naesfala sno.”
Mifala i luk klia we ol niufala misinari ya
oli wok strong blong mekem se wok i gohed.
Naoia plante oli wantem mekem
moa long wok blong prij
mo plante oli wantem paenia tu.
Ol pikinini long kongregesen blong mifala
i wan blesing blong Jehova.
Taem oli hagem mifala,
mifala i harem se hom wantaem.
Mifala i no moa wari long lanwis.
Mi laekem misinari wok
from i halpem mi blong ekspiriensem
plante naesfala samting.
Wok blong prij long ples i naes tumas.
Wok blong misinari i wan spesel wok.
Be taem yumi skelem wetem
laef blong yumi evriwan
i sem mak nomo.
From yumi fokas blong prij
mo yumi enjoem laef evri dei.
Sipos yu fraet o yu gat tu tingting
i oraet nomo.
Be trastem Jehova.
Wok blong misinari
i wan impoten wok long laef blong mi.
Bilif blong mi i kam strong moa
from naoia mi no moa fraet blong
fesem eni had situesen long fiuja.
Mi agri.
So yumi nidim moa yangfala
blong mekem wok blong misinari.
So nao kwestin i stap se,
?Olsem wanem blong kam wan misinari?
Faswan step
hemia blong joen long fultaem wok.
Mo afta we yu joen long fultaem
wok blong Jehova blong tu yia,
?yu mas mekem wanem?
Yu mas aplae
blong go long Skul blong Kingdom Ivanjelis.
SKE, hem i doa blong misinari wok.
Yu mas gat sem tingting tu
olsem Aesea we i se:
“!Mi ya! !Yu sanem mi!”
Yu mas glad blong go long eni
ples we oli sanem yu long hem.
Afta we yu graduet long SKE,
maet yu kasem asaenmen blong mekem
spesel paenia blong smol taem
long kantri blong yu,
blong yu save kasem sam ekspiriens.
Mo sipos asaenmen blong yu i go gud,
bambae oli save sanem yu
blong mekem misinari wok
long wan narafala kantri.
Misinari wok
i wan nambawan rod
blong talemaot gud nius long ol man
we oli wantem save Jehova
long wan narafala ples long wol.
Yumi nidim ol yangfala
we oli wantem mekem disaepol
“long ol man long olgeta nesen.”
?Be nao, yu mas gat hamas yia
blong yu save aplae
long Skul blong Kingdom Ivanjelis?
Mm.
Mifala i glad blong talem long yufala tede
se Hed Kampani i mekem desisen
se ol yangfala brata mo sista
we oli gat 21 yia
o bitim 21 yia,
oli save aplae blong go long SKE.
?Yufala i glad long nius ya?
Be plante long yufala ol yangfala,
yufala i stap bisi finis long wok blong Jehova,
maet long wan nara kantri.
Hemia i gud tumas.
Be, mifala i leftemap tingting blong yu naoia
blong aplae from Skul blong Kingdom Ivanjelis.
Bambae oganaesesen blong
Jehova i save sanem yu
long stret ples blong sapotem wok blong prij.
Ol yangfala brata mo sista,
plis no mestem nambawan janis ya.
?Be olsem wanem long yumi
we yumi olfala finis?
?Yumi save mekem wanem
blong givhan long ol yangfala ya blong yumi?
I gud yumi trenem gud olgeta
mo serem ol ekspiriens blong yumi long olgeta.
Halpem olgeta blong oli gru
mo pulum olgeta blong oli
kasem ol nambawan privilej
blong soemaot glori blong Jehova.
Taem mi gat 19 yia,
wan brata i invaetem mi
blong go long anuel miting,
mo hemia faswan taem blong mi.
I wan spesel wan,
hem i 100 yia
blong Watch Tower Bible and Tract Society,
we i stap long Pittsburgh, Pennsylvania.
Mi glad gogo,
mi ting se mi ded mo mi go long heven.
Mi sek ya se brata ya i invaetem mi
blong go long miting ya we mi yang nomo.
Be ekspiriens ya, long taem ya
i leftemap tingting blong mi kam kasem
taem blong yumi tede.
Ol brata mo sista,
?bambae yu mekem wanem?
?Bae yu leftemap tingting blong
wan yangfala olsem wanem,
blong soemaot glori blong Jehova?
I klia se, bae Jehova i blesem yu
sipos yu lukaot rod blong mekem olsem.
Tingbaot se wok blong prij
i moa impoten i bitim bifo.
Bae yumi ridim tugeta Rom japta 10,
Rom 10:13.
I talem se:
“‘Olgeta man we oli singaot long nem
blong Jehova, bambae oli sef.’
Be ?olsem wanem oli save singaot long hem
sipos oli no bilif long hem?
?Mo olsem wanem oli save bilif long hem
sipos oli no harem nius blong hem?
?Mo olsem wanem oli save harem,
sipos i no gat man i go prij?
?Mo olsem wanem man i save go prij
sipos i no gat man i sanem hem i go?
Olsem we Baebol i talem:
‘!Olgeta we oli stap go talemaot
gud nius blong ol gudfala samting,
leg blong olgeta i naes tumas!’”
Yumi nidim ol yangfala
we yumi save ‘sanem olgeta i go’
blong talemaot gud nius.
Yumi nidim ol yangfala blong kam ol paenia
mo spesel paenia mo ol misinari.
Yumi wantem se
oli aplae long Skul blong Kingdom Ivanjelis.
I klia se Jehova i mekem ol bigfala wok finis
long ol 140 yia we i pas.
Hem i blesem “dei we wan samting i jes stat.”
Be ol brata mo sista, ol wok i no finis yet.
?Yufala i agri o no?
I gat plante doa i open long
ol yangfala blong yumi.
?So ol yangfala, bae yu mekem wanem?
Yu save aplae naoia blong go
long Betel mo konstraksen
taem yu gat 18 yia.
Mo yu save aplae long Skul
blong Kingdom Ivanjelis
taem yu gat 21 yia.
Letem Jehova i lidim yu.
Mekem wok blong hem.
Bambae yu no rigret nating.
Mo i gud yumi ol olfala,
yumi mekem bes blong yumi blong givhan
mo trenem ol yangfala brata mo sista.
Olsem Brata Lösch i talem,
‘gohed blong klinim mira blong yumi.’
I gud yumi gohed blong lukaot
rod blong mekem moa
long wok blong prij
mo soemaot glori blong nambawan
God blong yumi, Jehova.

Mark Sanderson: Ol Janis Blong Soemaot Glori Blong Jehova Long Wok Blong Prij