JW subtitle extractor

有一晚啲警察嚟咗我哋屋企
佢哋撞開道門又打爛咗啲窗
佢哋趕咗我哋出嚟
話要沒收我哋間屋
嗰次之後我成個人都變晒
我變得好暴躁
我同自己講
我點都要做返啲嘢
去爭取公義同埋自由
種族隔離政策造成人同人之間嘅分裂
例如嗰陣有專為白人而設嘅學校
亦都有專為黑人而設嘅學校
不過黑人接受到嘅教育質素就好低嘞
政府將大部分資源俾晒白人
例如喺黑人學校
好多小朋友逼埋喺同一個課室
但係白人學校就唔係噉嘞
所以我自細就立志要做一個律師
噉我就可以用法律去終止種族隔離政策
不過自從啲警察夾硬搶咗我哋間屋之後
我嘅諗法就完全唔同晒
我好想即刻搵到方法去改變呢個局面
搵返我哋應得嘅和平、自由同埋公義
於是我加入咗一個政治組織
佢哋想我過去另一個國家
接受嗰度嘅軍事培訓
我應承咗
佢哋訓練我做一個軍官
等我可以帶住一班士兵
用武力為黑人爭取自由
作為一個軍官
我嘅責任係要搵一啲秘密嘅地方
收埋啲武器
平時亦都要訓練嗰啲
新加入組織嘅人
我哋會教佢哋學識打游擊戰
亦都會教佢哋點樣揸槍
同埋用唔同種類嘅炸藥
嗰陣我份人好惡、好暴躁
完全唔會尊重人
咩都唔驚
本來我以為大家喺同一個組織
有一樣嘅目標就會好團結
但事實唔係噉
我哋大家都唔妥大家
裏面啲人之間亦都有好多偏見
成日都鬧交
所以我一啲都唔開心
我老婆嗰陣已經係一個耶和華見證人
佢提議搵個人幫我學聖經
我亦都應承咗
之後有一位姊妹嚟探我
同我講關於上帝王國嘅好消息
不過氣氛突然之間變得好差
因為佢同我講
上帝嘅王國會消滅所有政府
包括我加入嘅嗰個政治組織
當時我真係好嬲
所以同佢講嘢嗰陣語氣都好重
但係佢冇話返我仲一直保持微笑
佢嘅反應令我印象好深刻
後嚟佢哋邀請我去聚會
我特別留意到參加聚會嘅人
個個都好投入
連啲小朋友都好主動舉手答問題
佢哋都準備好晒聚會嘅資料
評論亦都有紋有路
而且佢哋好快就打開到講者講嘅經文
我雖然讀過大學
但係我連聖經都唔識揭
我就諗
「唔得！我要好似佢哋噉」
我睇得出喺耶和華嘅組織入面
個個人都接受緊好優質嘅教育
同我哋喺種族隔離政策實施嗰陣
接受嘅教育真係冇得比
我嘅經歷話俾我知
信賴人就好似一個人想捉住啲風噉
到頭嚟乜都冇
但係信賴耶和華
就可以為人帶嚟真正嘅快樂
自細我就一直好想搵到和平
同埋自由
亦都好想做一個快樂嘅人
但係都唔成功
直至我開始參加聚會
我喺嗰度搵到真正嘅自由
真正嘅快樂
同埋真正嘅公平
我亦都感受到最真摯嘅愛
我嘅人生真係完全改變晒
我同耶和華有好親密嘅關係
佢令我成為一個有愛心嘅人
識得體恤其他人
同人和睦相處
亦都努力保持謙卑
耶和華真係幫我着上新品格啊

摩西·馬波托：我找到了真正的幸福快樂