JW subtitle extractor

有一晚啲警察嚟咗我哋屋企
佢哋撞开道门又打烂咗啲窗
佢哋赶咗我哋出嚟
话要没收我哋间屋
嗰次之后我成个人都变晒
我变得好暴躁
我同自己讲
我点都要做返啲嘢
去争取公义同埋自由
种族隔离政策造成人同人之间嘅分裂
例如嗰阵有专为白人而设嘅学校
亦都有专为黑人而设嘅学校
不过黑人接受到嘅教育质素就好低嘞
政府将大部分资源俾晒白人
例如喺黑人学校
好多小朋友逼埋喺同一个课室
但系白人学校就唔系噉嘞
所以我自细就立志要做一个律师
噉我就可以用法律去终止种族隔离政策
不过自从啲警察夹硬抢咗我哋间屋之后
我嘅谂法就完全唔同晒
我好想即刻揾到方法去改变呢个局面
揾返我哋应得嘅和平、自由同埋公义
于是我加入咗一个政治组织
佢哋想我过去另一个国家
接受嗰度嘅军事培训
我应承咗
佢哋训练我做一个军官
等我可以带住一班士兵
用武力为黑人争取自由
作为一个军官
我嘅责任系要揾一啲秘密嘅地方
收埋啲武器
平时亦都要训练嗰啲
新加入组织嘅人
我哋会教佢哋学识打游击战
亦都会教佢哋点样揸枪
同埋用唔同种类嘅炸药
嗰阵我份人好恶、好暴躁
完全唔会尊重人
咩都唔惊
本来我以为大家喺同一个组织
有一样嘅目标就会好团结
但事实唔系噉
我哋大家都唔妥大家
裏面啲人之间亦都有好多偏见
成日都闹交
所以我一啲都唔开心
我老婆嗰阵已经系一个耶和华见证人
佢提议揾个人帮我学圣经
我亦都应承咗
之后有一位姊妹嚟探我
同我讲关于上帝王国嘅好消息
不过气氛突然之间变得好差
因为佢同我讲
上帝嘅王国会消灭所有政府
包括我加入嘅嗰个政治组织
当时我真系好嬲
所以同佢讲嘢嗰阵语气都好重
但系佢冇话返我仲一直保持微笑
佢嘅反应令我印象好深刻
后嚟佢哋邀请我去聚会
我特别留意到参加聚会嘅人
个个都好投入
连啲小朋友都好主动举手答问题
佢哋都准备好晒聚会嘅资料
评论亦都有纹有路
而且佢哋好快就打开到讲者讲嘅经文
我虽然读过大学
但系我连圣经都唔识揭
我就谂
“唔得！我要好似佢哋噉”
我睇得出喺耶和华嘅组织入面
个个人都接受紧好优质嘅教育
同我哋喺种族隔离政策实施嗰阵
接受嘅教育真系冇得比
我嘅经历话俾我知
信赖人就好似一个人想捉住啲风噉
到头嚟乜都冇
但系信赖耶和华
就可以为人带嚟真正嘅快乐
自细我就一直好想揾到和平
同埋自由
亦都好想做一个快乐嘅人
但系都唔成功
直至我开始参加聚会
我喺嗰度揾到真正嘅自由
真正嘅快乐
同埋真正嘅公平
我亦都感受到最真挚嘅爱
我嘅人生真系完全改变晒
我同耶和华有好亲密嘅关系
佢令我成为一个有爱心嘅人
识得体恤其他人
同人和睦相处
亦都努力保持谦卑
耶和华真系帮我着上新品格啊

摩西·马波托：我找到了真正的幸福快乐