JW subtitle extractor

Usiku moja,
maofisa walivamia nyumba yetu.
Walipiga teke mlango ukafunguka,
na wakavunja madirisha.
Wakasema kwamba wanataifisha nyumba yetu,
na itakuwa ya kwao.
Baada ya tukio hilo,
nikawa na hasira kali.
Nilikuwa na hasira,
nami nikajiambia nitafanya jambo lolote
ili kutafuta uhuru na haki.
Siasa ya ubaguzi wa rangi
ilileta matabaka.
Kwa mfano,
kulikuwa na elimu kwa ajili ya watu
weupe na elimu kwa ajili ya watu weusi.
Elimu ya watu weusi
ilikuwa ni ya hali ya chini sana.
Serikali ilipounda bajeti,
pesa nyingi
zilitumika kuwanufaisha watu weupe.
Hata madarasa
ya watu weusi
yalikuwa na wanafunzi wengi sana
kwa kulinganisha na madarasa
ya watu weupe.
Nilipokuwa mdogo,
niliazimia kuwa mwanasheria
ili niweze kupambana kisheria
dhidi ya siasa ya ubaguzi wa rangi.
Baada ya kutendewa vibaya
na nyumba yetu kuchukuliwa,
mtazamo wangu ulibadilika kabisa.
Nilifikiria
jinsi ya kupata suluhisho la haraka
ili tuwe na amani,
tuwe na uhuru,
na kutendewa kwa haki.
Nilijiunga katika shirika la kisiasa.
Nikavuka mpaka,
kwenda nchi jirani
ili nipate mafunzo ya kijeshi.
Shirika hilo la kisiasa
liliniweka kuwa mkubwa wa majeshi
waliopigania uhuru.
Jukumu langu
lilikuwa kutafuta maeneo ya
kuficha silaha
kwa ajili ya mapigano
na pia kuwazoeza wengine
waliojiunga na shirika hilo.
Tuliwazoeza kupigana dhidi ya serikali,
kwa hiyo tuliwaonyesha jinsi ya
kutumia bunduki au mabomu
tuliyokuwa tunahifadhi.
Nilikuwa mtu katili sana
ambaye hakumheshimu mtu yeyote,
wala sikumwogopa yeyote.
Sikuwa na furaha kwa sababu
nilitarajia tukiwa kikundi,
tungekuwa na umoja kwa sababu
tulikuwa na kusudi moja.
Nilijionea
chuki,
ubaguzi,
kutoelewana.
Mke wangu
alibatizwa na kuwa Shahidi wa Yehova.
Tukakubaliana kwamba
atafute mtu anifundishe Biblia.
Nilitembelewa na dada mmoja
ambaye alianza kunifundisha
kuhusu habari njema ya Ufalme.
Lakini nilikwazika aliponitajia kwamba
Ufalme huu wa Mungu
utaponda falme hizi nyingine zote,
kutia ndani shirika letu la kisiasa.
Nikamjibu kwa hasira,
lakini yeye alikuwa anatabasamu—
hapayuki
wala kupandwa na hasira.
Hilo lilinishangaza
na kunigusa moyo.
Walinialika kwenye Jumba la Ufalme.
Niligundua kwamba
watu wote walikuwa makini,
walifuatana na programu iliyokuwa ikiendelea.
Hata watoto wadogo
walinyoosha mkono
na kuzungumza kwa uhuru.
Nilitambua kwamba
walikuwa wamejitayarisha
na walikuwa na maelezo mazuri.
Kila mtu alifungua maandiko upesi.
Ingawa nilikuwa mwanafunzi
wa chuo kikuu,
lakini sikuweza kufungua maandiko.
Hivyo nikajiambia,
‘Mimi pia ningependa
kuwa kama wao.’
Nilijionea kwamba elimu ambayo
wanapata Mashahidi wa Yehova
katika tengenezo
ni ya hali ya juu
kuliko elimu tuliyopata
chini ya siasa ya ubaguzi.
Maishani mwangu,
nimejionea wazi kwamba
kuweka tumaini letu katika wanadamu
ni sawasawa na ‘kukimbiza upepo,’
lakini kumtumaini Yehova Mungu
huwapa wanadamu furaha.
Tangu nilipokuwa kijana,
nilitaka tu kupata uhuru,
kupata amani,
na kuwa mtu mwenye furaha.
Lakini sikuvipata hadi siku
nilipoingia katika Jumba la Ufalme.
Hapo ndipo nilipopata
uhuru wa kweli,
furaha ya kweli,
haki,
na nilionyeshwa upendo wa
kweli ni nini.
Maisha yangu yamebadilika kabisa.
Nina uhusiano wa karibu na Yehova.
Uhusiano huo umenifanya
kuwa mtu mwenye upendo—
mwenye hisia mwenzi,
ninajitahidi kuwa mnyenyekevu,
na kuishi na watu kwa amani.
Nimejiweka utu mpya kabisa.

Moses Maphoto: Nilipata Furaha ya Kweli