JW subtitle extractor

我嚟自哥倫比亞
我哋有六姊妹
細細個嘅時候
爸爸媽媽就教我聖經真理
我哋一家都熱心咁崇拜上帝
我爸爸唔單止相信聖經
仲喺生活嘅每一方面實踐出嚟
佢亦都好努力鼓勵我哋咁做
細個嗰陣
爸爸要我哋喺返學之前睇每日經文
佢一定要我哋咁做
就算我哋返學可能會遲到
但都要睇咗先可以出門口㗎
雖然我哋屋企有好多人
但係都唔會錯過聚會
仲坐滿兩行添
我爸爸經常關心弟兄姊妹
只要佢哋有需要
爸爸就會去幫㗎啦
佢同媽媽都係好好客嘅人
爸爸成日都會邀請
聖經學生同弟兄姊妹嚟我哋屋企
我記得佢會閂埋廚房門
播啲音樂
煮啲好味嘅嘢俾大家食
佢會令所有嘢都變得好有趣
好好玩
成日都令我哋覺得好開心
特別係一家人一齊嘅時候
我哋需要啲乜嘢
鍾意啲乜嘢
佢都會盡量滿足
週末聚會同傳道之後
爸爸都經常會帶我哋出去散步
有咁好嘅爸爸
真係好幸福呀！
我記得嗰日我哋都喺屋企
當時爸爸泊緊架車去車房入面
有幾個男人攞住機關槍
佢哋去到架車嗰度
威脅爸爸媽媽
叫爸爸落車想綁架佢
我哋聽到有一下好大聲
聽到之後我哋就好驚
即刻跑咗出去
我記得當時爸爸中咗槍
佢瞓咗喺地下
係嗰啲人開槍射佢㗎
爸爸就咁攤咗喺度
我扶佢起身攬住佢
嗯我哋送咗佢去醫院
幾個鐘後佢就死咗啦
爸爸臨死之前話
「耶和華求你保護我啲女呀！
請你照顧佢哋同我老婆吖！」
我媽咪好堅強㗎
仲幫我哋渡過呢段最艱難嘅時候
令我哋重新振作
佢繼續努力參與崇拜活動
爸爸死嘅嗰個星期
我哋成家人都有去參加聚會
而妹妹拉克爾仲有個學生練習
雖然爸爸喺前一日過咗身
但佢都盡力完成呢個節目
而且我哋都有參加之後嗰個星期嘅大會
我哋真係好想跟住爸爸教我哋嘅去做
嗰陣時真係一啲都唔容易
不過我哋無論做咩決定
都會先諗下耶和華點睇
亦都會諗下爸爸忠貞嘅榜樣
我努力保持返以往嘅崇拜常規
就好似爸爸喺度嗰陣咁
因為我好想幫啲妹妹
一齊繼續崇拜耶和華
之前我禱告求耶和華
俾我有超越人能夠理解嘅安寧
而家我遇到難題嘅時候
就同耶和華講
「求你幫助我保持之前有嘅安寧
唔好俾難題攞走佢」
之後佢就賜力量俾我喇
我好愛我啲家姐
亦都好尊重佢哋
因為佢哋都好似媽媽咁照顧我
我有三個家姐仲住喺哥倫比亞
所以我會用電話或者Zoom
同佢哋傾偈
咁佢哋都可以知道媽媽嘅近況嘞
我有一啲唔係見證人嘅親戚
提議我其中一啲姊妹可以跟佢哋住
但係我哋唔想拆散個屋企
因為我哋知道爸爸都唔想我哋咁樣做
佢想我哋一家人齊齊整整
一齊入新世界
雖然佢唔再喺我哋身邊
但係我哋唔會忘記
佢一生點樣熱心咁為耶和華服務
佢嘅努力唔會白費嘅
爸爸通過身邊日常嘅事
教我關於耶和華同佢創造嘅嘢
呢個幫到我更加愛耶和華
喺嗰陣時
都唔知道爸爸教我嘅呢啲嘢
將來對我咁有用
而家我經常都話
「雖然爸爸唔再喺身邊
但我就有另一個爸爸——耶和華」
佢令我有力量好好生活落去
爸爸臨死前
最掛住嘅
就係媽媽同埋我哋幾個
所以喺新世界我最期待嘅
就係話俾佢聽
我哋全部都喺哂度呀！
爸爸你做得好好呀！

奧塔洛拉一家：憑著信心，渡過難關