JW subtitle extractor

我嚟自哥伦比亚
我哋有六姊妹
细细个嘅时候
爸爸妈妈就教我圣经真理
我哋一家都热心咁崇拜上帝
我爸爸唔单止相信圣经
仲喺生活嘅每一方面实践出嚟
佢亦都好努力鼓励我哋咁做
细个嗰阵
爸爸要我哋喺返学之前睇每日经文
佢一定要我哋咁做
就算我哋返学可能会迟到
但都要睇咗先可以出门口㗎
虽然我哋屋企有好多人
但系都唔会错过聚会
仲坐满两行添
我爸爸经常关心弟兄姊妹
只要佢哋有需要
爸爸就会去帮㗎啦
佢同妈妈都系好好客嘅人
爸爸成日都会邀请
圣经学生同弟兄姊妹嚟我哋屋企
我记得佢会闩埋厨房门
播啲音乐
煮啲好味嘅嘢俾大家食
佢会令所有嘢都变得好有趣
好好玩
成日都令我哋觉得好开心
特别系一家人一齐嘅时候
我哋需要啲乜嘢
钟意啲乜嘢
佢都会尽量满足
周末聚会同传道之后
爸爸都经常会带我哋出去散步
有咁好嘅爸爸
真系好幸福呀！
我记得嗰日我哋都喺屋企
当时爸爸泊紧架车去车房入面
有几个男人攞住机关枪
佢哋去到架车嗰度
威胁爸爸妈妈
叫爸爸落车想绑架佢
我哋听到有一下好大声
听到之后我哋就好惊
即刻跑咗出去
我记得当时爸爸中咗枪
佢瞓咗喺地下
系嗰啲人开枪射佢㗎
爸爸就咁摊咗喺度
我扶佢起身揽住佢
嗯我哋送咗佢去医院
几个钟后佢就死咗啦
爸爸临死之前话
“耶和华求你保护我啲女呀！
请你照顾佢哋同我老婆吖！”
我妈咪好坚强㗎
仲帮我哋渡过呢段最艰难嘅时候
令我哋重新振作
佢继续努力参与崇拜活动
爸爸死嘅嗰个星期
我哋成家人都有去参加聚会
而妹妹拉克尔仲有个学生练习
虽然爸爸喺前一日过咗身
但佢都尽力完成呢个节目
而且我哋都有参加之后嗰个星期嘅大会
我哋真系好想跟住爸爸教我哋嘅去做
嗰阵时真系一啲都唔容易
不过我哋无论做咩决定
都会先谂下耶和华点睇
亦都会谂下爸爸忠贞嘅榜样
我努力保持返以往嘅崇拜常规
就好似爸爸喺度嗰阵咁
因为我好想帮啲妹妹
一齐继续崇拜耶和华
之前我祷告求耶和华
俾我有超越人能够理解嘅安宁
而家我遇到难题嘅时候
就同耶和华讲
“求你帮助我保持之前有嘅安宁
唔好俾难题攞走佢”
之后佢就赐力量俾我喇
我好爱我啲家姐
亦都好尊重佢哋
因为佢哋都好似妈妈咁照顾我
我有三个家姐仲住喺哥伦比亚
所以我会用电话或者Zoom
同佢哋倾偈
咁佢哋都可以知道妈妈嘅近况嘞
我有一啲唔系见证人嘅亲戚
提议我其中一啲姊妹可以跟佢哋住
但系我哋唔想拆散个屋企
因为我哋知道爸爸都唔想我哋咁样做
佢想我哋一家人齐齐整整
一齐入新世界
虽然佢唔再喺我哋身边
但系我哋唔会忘记
佢一生点样热心咁为耶和华服务
佢嘅努力唔会白费嘅
爸爸通过身边日常嘅事
教我关于耶和华同佢创造嘅嘢
呢个帮到我更加爱耶和华
喺嗰阵时
都唔知道爸爸教我嘅呢啲嘢
将来对我咁有用
而家我经常都话
“虽然爸爸唔再喺身边
但我就有另一个爸爸——耶和华”
佢令我有力量好好生活落去
爸爸临死前
最挂住嘅
就系妈妈同埋我哋几个
所以喺新世界我最期待嘅
就系话俾佢听
我哋全部都喺哂度呀！
爸爸你做得好好呀！

奥塔洛拉一家：凭着信心，渡过难关