JW subtitle extractor

Stamba vas blong yumi hemia 2 Korin japta 1
vas 3 mo 4:
‘I gud yumi presem God ya we i Papa we i gat sore,
mo hem i God ya we i mekem olgeta samting
blong leftemap tingting blong man.
Hem i stap givhan blong mekem yumi harem gud.
Nao taem ol narafala man oli gat trabol,
yumi save givhan long olgeta,
blong olgeta tu oli harem gud olsem yumi,
from we God i givhan finis long yumi.’
Stat long taem we yumi bon,
yumi evriwan i nidim
kamfot samtaem.
Maet yu fogetem finis faswan taem
we yu krae from yu hanggri,
o yu harem nogud,
o yu nidim narafala blong holem yu.
Be maet yu save tingbaot laswan
taem we yu nidim kamfot,
mo mi sua se yumi evriwan
i nidim blong kasem kamfot tede.
?Yumi save samting ya from?
Ol Sam 90:10 i tokbaot laef
blong yumi ol sinman se:
“Laef blong mifala i save kasem 70 yia nomo,
O 80 yia,
sipos bodi blong mifala i strong.
Be oli fulap long trabol
mo harem nogud,
Oli pas kwiktaem nomo,
nao mifala i go lus.”
Tede, plante situesen i save mekem
se yumi kasem trabol,
yumi harem nogud
mo yumi safa.
Sam long olgeta yumi evriwan
i savegud finis se,
bae yumi fesem tede from sin we yumi gat,
olsem sik,
yumi kam olfala,
mo harem nogud we yumi kasem taem
yumi lusum wan famle long ded.
Mo i gat ol narafala situesen
we i no evriwan i fesem
olsem ol aksiden,
problem blong mane,
problem blong mared,
ol naturol disasta
mo safa we i kamaot
from we faet
mo kruked fasin i kasem yumi.
Antap long hemia,
maet yumi safa
from wosip blong yumi.
maet famle blong yumi i no stap long trutok,
yumi kasem fasin agens,
mo oli sakem yumi long kalabus
no oli jikim yumi long skul
o long wok from bilif blong yumi.
O maet wan famle o fren blong yumi
i lego Jehova.
Olgeta we oli tanem tingting
oli nidim kamfot tu
taem we oli kambak long kongregesen.
So nomata wanem kaen trabol we yumi kasem
o situesen we yumi fesem long laef,
yumi evriwan
i nidim kamfot.
Yes yumi evriwan i nidim.
1 Pita 5:9 i se,
“yufala i save we olgeta brata
blong yufala long fulwol
we oli bilif,
olgeta tu oli stap safa sem mak olsem yufala.”
Nating se i olsem,
yumi save faenem kamfot
long ol tok blong vas 6 mo 7
we i se:
“Taswe, yufala i mas putum yufala i stap
aninit long bigfala paoa blong God,
olsem nao long stret taem,
bambae hem i leftemap yufala.
Mo long semtaem, yufala i mas lego
ol wari blong yufala long hem,
from we hem i kea long yufala.”
Yes Jehova God
oltaem hem i stamba blong kamfot.
Moses i sua se Jehova nao
bae i save kamfotem hem
long evri situesen we hem i fesem.
So wetem strong tingting,
long Dutronome 33:27 hem i se:
“God i wan ples blong haed longtaem finis i kam,
Mo han blong hem we i stap blong olwe,
i stap aninit long yu.”
So taem yumi foldaon mo yumi no save girap,
Jehova bae i holem yumi long han blong hem.
Mo sloslo bae hem i leftemap yumi
blong yumi save girap bakegen.
Buk blong Ol Sam
oltaem i talem gudfala tok long saed blong kea
mo kamfot blong Jehova.
Wan eksampol,
long Ol Sam 94:19 i talem se:
“Taem mi wari bitim mak,
yu mekem mi harem gud,
mo yu mekem tingting blong mi i kwaet.”
Mo Rom 15:4 i talem tu se:
“Olgeta tok we oli raetem bifo,
oli blong tijim yumi.
Nao yumi save gat hop
from we Ol Tok blong Baebol
oli mekem yumi harem gud
mo oli mekem se yumi save stanap strong
longtaem.”
So nating se samtaem yumi harem nogud,
be ol tok blong Baebol oli save givim kamfot.
Buk ya
“Ol Vas Blong Givhan Long Kristin Laef”
i tokbaot “Kamfot,”
mo ol defren samting we i save mekem
yumi harem nogud.
Hem i halpem yumi tu blong faenem ol vas
we oli makem filing blong Jehova long yumi.
Antap moa hem i givim eksampol
blong ol man long Baebol
we oli bin safa
mo we Jehova i bin halpem olgeta.
Wan long ol beswan rod blong
kasem kamfot blong Jehova
hemia blong askem hem from.
Long Ol Sam 145,
King Deved i presem Jehova
from we hem i stap ansa long ol prea.
Yumi save ridim long vas 18 mo 19.
Deved i se:
‘Jehova i stap klosap long olgeta
we oli stap singaot i go long hem,
Hemia olgeta we oli singaot i go long hem
hem long fasin we i tru
Hem i harem we oli krae from help,
mo hem
i sevem olgeta.’
Olsem wan papa we i givhan long
pikinini blong hem we i stap krae,
Jehova i sore mo i lesin long ol krae blong yumi
taem yumi askem help.
Long 1 Samuel japta 1 mo 2,
woman Isrel ya Hanna
hem i bin harem nogud tumas
from we hem i no save gat eni pikinini.
From samting ya hem i no save kakae nating.
Be taem hem i kam fored long
Jehova long tabenakel,
“hem i prea long Jehova mo i krae we i krae.”
Jehova i lesin long hem
mo i ansa long prea blong Hanna.
Biaen,
Hanna “hem i go aotsaed,
i kakae,
mo i no moa harem nogud.”
Olsem Hanna,
sipos yumi prea mo talemaot
olgeta wari blong yumi long Jehova,
bae hem i kamfotem yumi.
Long evri samting we Baebol i
talem long saed blong kamfot,
yumi no sek taem yumi ridim
ol tok blong 2 Korin 1:3,4.
Plis openem i go long stamba vas blong tok ya.
Taem yumi ridim bakegen,
tingbaot olsem wanem yumi save yusum
ol tok ya blong kamfotem ol narafala
we oli stap safa tede
long taem ya we ‘Laef i strong tumas.’
2 Korin 1:3,4 i se:
‘I gud yumi presem God ya
we i Papa we i gat sore,
mo hem i God ya we i mekem olgeta samting
blong leftemap tingting blong man.
Hem i stap givhan blong mekem yumi harem gud.
Nao taem ol narafala man oli gat trabol,
yumi save givhan long olgeta,
blong olgeta tu oli harem gud olsem yumi,
from we God i givhan finis long yumi.”
Toktok ya “Papa we i gat sore”
I kamaot long wan tok we oli yusum blong
soemaot sore from we wan narafala i safa.
Hemia i soemaot filing we Jehova i gat
long ol man blong hem
we oli stap safa.
Pol i gohed blong talem se Jehova
“i mekem olgeta samting blong leftemap tingting.”
So stamba blong kamfot
hem i Jehova.
Vas 4 i makem spesel rod
we Jehova i stap yusum blong givim kamfot.
Hemia tru long ol brata mo sista blong yumi.
Yumi ridim bakegen.
I talem se,
“Hem i stap givhan long yumi
long olgeta trabol blong yumi,
blong mekem yumi harem gud.
Nao taem ol narafala man oli gat trabol,
yumi save givhan long olgeta, blong olgeta tu
oli harem gud.”
Yu makem se taem
God i kamfotem yumi,
hemia i givim paoa long yumi
blong kamfotem narafala.
Jehova i kamfotem yumi,
mo olsem ol man we oli naf
blong folem fasin blong hem,
tabu spirit i pusum yumi
blong yumi save kamfotem ol narafala tu.
From samting ya,
ol Kristin oli no seraot long tu grup
olgeta we oli givim kamfot
mo olgeta we oli kasem.
Nogat,
yumi evriwan i gat wok ya blong givim kamfot
nating se long semtaem
yumi nidim kamfot tu.
?Olsem wanem blong mekem?
Traem tingbaot aposol Pol.
Long faswan taem we hem i kalabus long Rom,
Pol i soemaot glad we hem i
gat long ol brata blong hem
we oli bin “givhan bigwan” long hem.
Long Kolosi japta 4,
hem i talem nem blong sam blong olgeta
Aristikas,
Tikikas
mo Mak.
I no longtaem, bae yumi harem moa long
saed blong olgeta long brodkas ya.
Pol i tangkiu tumas long traehad
we ol brata ya oli mekem
blong visitim mo kamfotem hem
wetem ol toktok blong olgeta.
Be Pol,
i no jes wantem blong kasem kamfot.
Hem i yusum taem blong hem long kalabus
blong leftemap tingting blong ol visita
mo blong raetem ol leta blong leftemap tingting
blong ol kongregesen.
Wan sista blong Saot Afrika nem blong hem
Clodean
i folem eksampol blong Pol
afta we hem i go long wan bigfala operesen.
From pandemik blong COVID-19,
ol man oli no save visitim hem.
Be Clodean i gat strong tingting
blong no sore long hem wan,
hem i askem God blong givim paoa long hem
blong kamfotem ol narafala.
Clodean i kolem wan woman we
hem i bin stadi wetem hem bifo.
Nao tufala i gohed blong stadi bakegen
mo joen long miting tru long intenet.
Biaen, Clodean i statem stadi wetem
smol sista blong woman ya,
mo hem i givim nem blong fo narafala
woman we oli wantem stadi tu.
From strong tingting we hem i gat
blong kamfotem narafala
nating se hem wan i sik,
Clodean i gat janis blong mekem Baebol stadi
blong 16 woman evriwan.
Samtaem,
olgeta we oli harem nogud
mo oli nidim kamfot
maet oli fraet blong askem help.
Wan eksampol,
afta we Moses i serem promes blong Jehova
blong tekemaot ol man Isrel long Ijip,
fastaem ol man Isrel
“oli no wantem lesin long Moses,
from we tingting blong olgeta i foldaon.”
Nating se i olsem biaen oli lesin.
Naomi, we nem blong hem i minim
“Harem Gud,”
i laef long wan defren kantri
from kakae i bin sot long Isrel.
Man blong hem i ded
mo biaen tufala boe blong hem tu i ded.
Taem hem i gat janis blong gobak long Isrel,
ol woman blong Betlehem oli talem se:
“!Ei olgeta! ?Naomi ya?”
Naomi i ting se Jehova nao i stamba
blong ol trabol blong hem
ale hem i talem ol toktok ya i se:
“Yufala i no singaot mi se Naomi.
Yufala i singaot mi se Mara,
from we God Ya We i Gat Olgeta Paoa,
i letem laef blong mi i kam nogud.”
Be Naomi
i joen wetem ol man blong Jehova God
mo hem i akseptem help we oli givim,
nao biaen
hem i glad bakegen.
Sipos yu stap harem nogud,
plis no folem rod ya blong stap yu wan nomo
mo blong no joen wetem ol narafala.
Nating se i no isi,
be sipos yumi traem blong
joen wetem ol narafala
yumi openem doa
blong kasem kamfot
blong Jehova,
tru long ol kaen toktok
mo gudfala aksen
blong ol brata mo sista blong yumi.
Mo kamfot we Jehova i givim
taem yumi stanap strong long ol hadtaem,
I trenem yumi
blong kasemsave long filing blong ol narafala.
Hemia nao faswan rod
blong givim kamfot.
Yumi mas luksave
olgeta we oli nidim kamfot blong yumi.
Mo plante taem,
hem i isi blong luksave,
maet wan brata i kasem aksiden,
i lusum wok blong hem,
o wan gudfala fren o famle blong hem i ded.
Be samtaem,
i no isi blong luksave nid blong olgeta.
Maet yumi luk se fasin blong olgeta i jenis,
mo fes blong olgeta i soemaot
klia se wan samting i no stret.
Nao sipos yumi gohed
blong kaen long olgeta,
sloslo bae oli glad moa
blong talemaot trabol blong olgeta.
Maet oli nidim taem blong oli save trastem yumi
mo talemaot filing blong olgeta,
so yumi mas gat longfala tingting.
Nambatu rod blong givim kamfot
hemia blong: Prea
blong faenemaot wanem yumi save mekem.
Maet samting we yumi save mekem blong
givhan long olgeta long taem ya i smol nomo.
Eksampol,
wan misinari brata we i lusum
waef blong hem long ded i se:
“Mi no wantem fogetem
be mi wantem lan blong dil wetem ol filing ya.”
Impoten samting blong mekem
hemia blong folem advaes blong Proveb 3:27:
‘I nogud yu holembak gudfala
samting long man we i nidim.
Sipos yu naf blong givhan,
i gud yu mekem.’
Maet yumi sem smol
se yumi no save wanem blong talem o mekem.
Sipos i olsem,
I gud yu tingbaot mining blong
Grik tok blong ‘kamfot’
we i stap long Baebol.
Stret mining blong hem se
“rere blong halpem man we i nidim.”
Taswe
namba tri rod hemia:
Rere blong givhan.
Yu no nid blong givim wan pablik tok.
Brata o sista ya i nid blong harem
se wan man i kea long hem,
so sipos yu stap klosap
hemia i naf blong kamfotem hem.
Maet hem i jes nidim wan
man blong toktok wetem.
Sipos yes,
lesin gud.
Mo sipos yu ridim wan vas long Baebol,
makem ol tok we oli soemaot
filing we Jehova i gat long hem.
Samting we i moa impoten,
hemia se hem i luksave se yu kasemsave
long situesen blong hem
mo se yu rili kea long hem.
Traem tingbaot,
wan sista we i wok long Hed Kwota
i bin lusum perens blong hem
long COVID-19 pandemik.
Afta we hem i spenem fuldei wetem
mama blong hem we klosap i ded,
hem i kasem haos mo i faenem
wan basket blong frut
we ol brata sista oli lego blong hem.
Hem i talem se,
“I no frut we i spesel,
ol frut ya mi kakae plante taem finis,
mo i no basket ya tu we oli flasemgud,
be hem i gudfala tingting we oli gat
mo lav blong olgeta we oli soemaot.
Samting ya nao i kamfotem mi
long taem ya we i bin had tumas long mi.”
Taem wan bigfala etkwek mo
Tsunami i bin kilim Japan
long Maj 2011,
ol brata sista long Japan
mo long ol defren kantri oli kwik blong givhan.
Afta tu yia haf,
mi mo waef blong mi i visitim ol kongregesen
we oli bin pastru long nogud taem ya.
Ol pablisa long Nepal oli sanem ol naesfala mesej
blong kamfotem ol brata sista long
ol kongregesen blong Japan.
Mo long wan long ol kongregesen ya
oli soem plante leta we ol brata long
Filipin oli bin sanem long olgeta.
Mo oli talem se,
“Mifala i no save ridim ol tok ya,
be mifala save se oli stap talem wanem.”
Ol leta ya oli kamfotem
ol brata sista blong yumi.
Mo taem mifala i stap longwe,
Saeklon Haiyan i spolem ol aelan blong Filipin.
Ale ol brata sista long Japan oli talem se:
“Naoia mifala i save kamfotem
ol brata mo sista blong mifala long Filipin.”
So taem wol ya i stap gohed
blong kam moa nogud long ol las dei ya,
bae yumi nidim blong kamfotem yumi moa.
!Yumi haremgud se
Jehova
hem i “Papa we i gat sore,”
mo i ”God blong leftemap tingting!”
Hem i glad blong givim long
yumi ol presen olsem prea,
ol tok long Baebol we oli givim kamfot
mo ol brata sista we oli kea mo we oli gat lav.
Taem we yumi gohed
blong yusum olgeta presen ya,
i gud yumi gohed tu blong luksave
olgeta we oli nidim kamfot,
luk olsem wanem yumi save givhan,
mo tekem aksen blong kamfotem ol narafala
mo yumi wan
long laef ya we i strong tumas.

James Mantz: Kamfotem Narafala Mo Faenem Kamfot Tru Long Taem Ya We 'Laef  i Strong Tumas'
- 

James Mantz: Kamfotem Narafala Mo Faenem Kamfot Tru Long Taem Ya We 'Laef  i Strong Tumas'

Stamba vas blong yumi hemia 2 Korin japta 1
 vas 3 mo 4: 
‘I gud yumi presem God ya we i Papa we i gat sore,
mo hem i God ya we i mekem olgeta samting 
blong leftemap tingting blong man. 
Hem i stap givhan blong mekem yumi harem gud.
Nao taem ol narafala man oli gat trabol,
yumi save givhan long olgeta,
blong olgeta tu oli harem gud olsem yumi,
from we God i givhan finis long yumi.’
Stat long taem we yumi bon, 
yumi evriwan i nidim
 kamfot samtaem. 
Maet yu fogetem finis faswan taem
we yu krae from yu hanggri, 
o yu harem nogud,
o yu nidim narafala blong holem yu.
Be maet yu save tingbaot laswan
taem we yu nidim kamfot, 
mo mi sua se yumi evriwan
i nidim blong kasem kamfot tede.
?Yumi save samting ya from?
Ol Sam 90:10 i tokbaot laef
blong yumi ol sinman se:
“Laef blong mifala i save kasem 70 yia nomo,
O 80 yia, 
sipos bodi blong mifala i strong.
Be oli fulap long trabol 
mo harem nogud,
Oli pas kwiktaem nomo,
nao mifala i go lus.”
Tede, plante situesen i save mekem
se yumi kasem trabol,
yumi harem nogud 
mo yumi safa.
Sam long olgeta yumi evriwan
i savegud finis se, 
bae yumi fesem tede from sin we yumi gat, 
olsem sik,
yumi kam olfala, 
mo harem nogud we yumi kasem taem
yumi lusum wan famle long ded.
Mo i gat ol narafala situesen
we i no evriwan i fesem 
olsem ol aksiden, 
problem blong mane, 
problem blong mared,
ol naturol disasta 
mo safa we i kamaot
from we faet
mo kruked fasin i kasem yumi. 
Antap long hemia,
maet yumi safa
from wosip blong yumi.
maet famle blong yumi i no stap long trutok,
yumi kasem fasin agens, 
mo oli sakem yumi long kalabus 
no oli jikim yumi long skul
o long wok from bilif blong yumi. 
O maet wan famle o fren blong yumi 
i lego Jehova.
Olgeta we oli tanem tingting
oli nidim kamfot tu
taem we oli kambak long kongregesen.
So nomata wanem kaen trabol we yumi kasem 
o situesen we yumi fesem long laef,
yumi evriwan 
i nidim kamfot. 
Yes yumi evriwan i nidim. 
1 Pita 5:9 i se,
“yufala i save we olgeta brata
blong yufala long fulwol
we oli bilif, 
olgeta tu oli stap safa sem mak olsem yufala.” 
Nating se i olsem, 
yumi save faenem kamfot 
long ol tok blong vas 6 mo 7 
we i se: 
“Taswe, yufala i mas putum yufala i stap
aninit long bigfala paoa blong God, 
olsem nao long stret taem,
bambae hem i leftemap yufala. 
Mo long semtaem, yufala i mas lego
ol wari blong yufala long hem,
from we hem i kea long yufala.”
Yes Jehova God 
oltaem hem i stamba blong kamfot. 
Moses i sua se Jehova nao
bae i save kamfotem hem 
long evri situesen we hem i fesem.
So wetem strong tingting,
long Dutronome 33:27 hem i se: 
“God i wan ples blong haed longtaem finis i kam,
Mo han blong hem we i stap blong olwe, 
i stap aninit long yu.”
So taem yumi foldaon mo yumi no save girap, 
Jehova bae i holem yumi long han blong hem.
Mo sloslo bae hem i leftemap yumi
blong yumi save girap bakegen.
Buk blong Ol Sam 
oltaem i talem gudfala tok long saed blong kea
mo kamfot blong Jehova. 
Wan eksampol, 
long Ol Sam 94:19 i talem se:
“Taem mi wari bitim mak,
yu mekem mi harem gud,
mo yu mekem tingting blong mi i kwaet.”
Mo Rom 15:4 i talem tu se: 
“Olgeta tok we oli raetem bifo,
oli blong tijim yumi. 
Nao yumi save gat hop 
from we Ol Tok blong Baebol 
oli mekem yumi harem gud 
mo oli mekem se yumi save stanap strong
longtaem.”
So nating se samtaem yumi harem nogud, 
be ol tok blong Baebol oli save givim kamfot.
Buk ya
“Ol Vas Blong Givhan Long Kristin Laef”
i tokbaot “Kamfot,” 
mo ol defren samting we i save mekem
yumi harem nogud.
Hem i halpem yumi tu blong faenem ol vas
we oli makem filing blong Jehova long yumi. 
Antap moa hem i givim eksampol
blong ol man long Baebol 
we oli bin safa 
mo we Jehova i bin halpem olgeta.
Wan long ol beswan rod blong
kasem kamfot blong Jehova 
hemia blong askem hem from.
Long Ol Sam 145, 
King Deved i presem Jehova
from we hem i stap ansa long ol prea. 
Yumi save ridim long vas 18 mo 19.
Deved i se: 
‘Jehova i stap klosap long olgeta
we oli stap singaot i go long hem, 
Hemia olgeta we oli singaot i go long hem 
hem long fasin we i tru
Hem i harem we oli krae from help,
mo hem
i sevem olgeta.’
Olsem wan papa we i givhan long
pikinini blong hem we i stap krae, 
Jehova i sore mo i lesin long ol krae blong yumi 
taem yumi askem help.
Long 1 Samuel japta 1 mo 2, 
woman Isrel ya Hanna 
hem i bin harem nogud tumas 
from we hem i no save gat eni pikinini. 
From samting ya hem i no save kakae nating.
Be taem hem i kam fored long
Jehova long tabenakel, 
“hem i prea long Jehova mo i krae we i krae.” 
Jehova i lesin long hem 
mo i ansa long prea blong Hanna.
Biaen, 
Hanna “hem i go aotsaed,
i kakae,
mo i no moa harem nogud.” 
Olsem Hanna, 
sipos yumi prea mo talemaot 
olgeta wari blong yumi long Jehova, 
bae hem i kamfotem yumi.
Long evri samting we Baebol i
talem long saed blong kamfot, 
yumi no sek taem yumi ridim
ol tok blong 2 Korin 1:3,4. 
Plis openem i go long stamba vas blong tok ya.
Taem yumi ridim bakegen, 
tingbaot olsem wanem yumi save yusum
ol tok ya blong kamfotem ol narafala
we oli stap safa tede 
long taem ya we ‘Laef i strong tumas.’
2 Korin 1:3,4 i se: 
‘I gud yumi presem God ya
we i Papa we i gat sore, 
mo hem i God ya we i mekem olgeta samting
blong leftemap tingting blong man.
Hem i stap givhan blong mekem yumi harem gud.
Nao taem ol narafala man oli gat trabol, 
yumi save givhan long olgeta,
blong olgeta tu oli harem gud olsem yumi,
from we God i givhan finis long yumi.”
Toktok ya “Papa we i gat sore” 
I kamaot long wan tok we oli yusum blong
soemaot sore from we wan narafala i safa. 
Hemia i soemaot filing we Jehova i gat
long ol man blong hem
we oli stap safa.
Pol i gohed blong talem se Jehova
“i mekem olgeta samting blong leftemap tingting.”
So stamba blong kamfot 
hem i Jehova. 
Vas 4 i makem spesel rod
we Jehova i stap yusum blong givim kamfot.
Hemia tru long ol brata mo sista blong yumi. 
Yumi ridim bakegen. 
I talem se,
“Hem i stap givhan long yumi
long olgeta trabol blong yumi, 
blong mekem yumi harem gud.
Nao taem ol narafala man oli gat trabol,
yumi save givhan long olgeta, blong olgeta tu 
oli harem gud.”
Yu makem se taem 
God i kamfotem yumi, 
hemia i givim paoa long yumi
blong kamfotem narafala.
Jehova i kamfotem yumi, 
mo olsem ol man we oli naf
blong folem fasin blong hem,
tabu spirit i pusum yumi 
blong yumi save kamfotem ol narafala tu.
From samting ya, 
ol Kristin oli no seraot long tu grup
olgeta we oli givim kamfot 
mo olgeta we oli kasem.
Nogat, 
yumi evriwan i gat wok ya blong givim kamfot 
nating se long semtaem
yumi nidim kamfot tu. 
?Olsem wanem blong mekem?
Traem tingbaot aposol Pol.
Long faswan taem we hem i kalabus long Rom, 
Pol i soemaot glad we hem i 
gat long ol brata blong hem 
we oli bin “givhan bigwan” long hem. 
Long Kolosi japta 4, 
hem i talem nem blong sam blong olgeta
Aristikas,
Tikikas 
mo Mak.
I no longtaem, bae yumi harem moa long
saed blong olgeta long brodkas ya.
Pol i tangkiu tumas long traehad
we ol brata ya oli mekem 
blong visitim mo kamfotem hem
wetem ol toktok blong olgeta.
Be Pol,
i no jes wantem blong kasem kamfot.
Hem i yusum taem blong hem long kalabus 
blong leftemap tingting blong ol visita
mo blong raetem ol leta blong leftemap tingting
blong ol kongregesen.
Wan sista blong Saot Afrika nem blong hem
Clodean 
i folem eksampol blong Pol
afta we hem i go long wan bigfala operesen.
From pandemik blong COVID-19, 
ol man oli no save visitim hem. 
Be Clodean i gat strong tingting
blong no sore long hem wan, 
hem i askem God blong givim paoa long hem 
blong kamfotem ol narafala. 
Clodean i kolem wan woman we
hem i bin stadi wetem hem bifo.
Nao tufala i gohed blong stadi bakegen
mo joen long miting tru long intenet.
Biaen, Clodean i statem stadi wetem
smol sista blong woman ya, 
mo hem i givim nem blong fo narafala
woman we oli wantem stadi tu. 
From strong tingting we hem i gat
blong kamfotem narafala 
nating se hem wan i sik, 
Clodean i gat janis blong mekem Baebol stadi
blong 16 woman evriwan. 
Samtaem,
olgeta we oli harem nogud
mo oli nidim kamfot
maet oli fraet blong askem help.
Wan eksampol, 
afta we Moses i serem promes blong Jehova
blong tekemaot ol man Isrel long Ijip, 
fastaem ol man Isrel
“oli no wantem lesin long Moses,
from we tingting blong olgeta i foldaon.”
Nating se i olsem biaen oli lesin.
Naomi, we nem blong hem i minim
“Harem Gud,” 
i laef long wan defren kantri
from kakae i bin sot long Isrel.
Man blong hem i ded 
mo biaen tufala boe blong hem tu i ded. 
Taem hem i gat janis blong gobak long Isrel, 
ol woman blong Betlehem oli talem se:
“!Ei olgeta! ?Naomi ya?” 
Naomi i ting se Jehova nao i stamba
blong ol trabol blong hem 
ale hem i talem ol toktok ya i se:
“Yufala i no singaot mi se Naomi.
Yufala i singaot mi se Mara,
from we God Ya We i Gat Olgeta Paoa,
i letem laef blong mi i kam nogud.”
Be Naomi 
i joen wetem ol man blong Jehova God 
mo hem i akseptem help we oli givim, 
nao biaen
hem i glad bakegen.
Sipos yu stap harem nogud, 
plis no folem rod ya blong stap yu wan nomo 
mo blong no joen wetem ol narafala. 
Nating se i no isi,
be sipos yumi traem blong
joen wetem ol narafala 
yumi openem doa 
blong kasem kamfot 
blong Jehova,
tru long ol kaen toktok 
mo gudfala aksen 
blong ol brata mo sista blong yumi.
Mo kamfot we Jehova i givim
taem yumi stanap strong long ol hadtaem, 
I trenem yumi
blong kasemsave long filing blong ol narafala.
Hemia nao faswan rod 
blong givim kamfot.
Yumi mas luksave 
olgeta we oli nidim kamfot blong yumi.
Mo plante taem, 
hem i isi blong luksave,
maet wan brata i kasem aksiden, 
i lusum wok blong hem, 
o wan gudfala fren o famle blong hem i ded. 
Be samtaem,
i no isi blong luksave nid blong olgeta.
Maet yumi luk se fasin blong olgeta i jenis, 
mo fes blong olgeta i soemaot
klia se wan samting i no stret. 
Nao sipos yumi gohed 
blong kaen long olgeta, 
sloslo bae oli glad moa
blong talemaot trabol blong olgeta. 
Maet oli nidim taem blong oli save trastem yumi
mo talemaot filing blong olgeta, 
so yumi mas gat longfala tingting.
Nambatu rod blong givim kamfot 
hemia blong: Prea
blong faenemaot wanem yumi save mekem.
Maet samting we yumi save mekem blong
givhan long olgeta long taem ya i smol nomo. 
Eksampol, 
wan misinari brata we i lusum
waef blong hem long ded i se:
“Mi no wantem fogetem 
be mi wantem lan blong dil wetem ol filing ya.”
Impoten samting blong mekem
hemia blong folem advaes blong Proveb 3:27: 
‘I nogud yu holembak gudfala
samting long man we i nidim. 
Sipos yu naf blong givhan,
i gud yu mekem.’
Maet yumi sem smol
se yumi no save wanem blong talem o mekem. 
Sipos i olsem, 
I gud yu tingbaot mining blong 
Grik tok blong ‘kamfot’
we i stap long Baebol. 
Stret mining blong hem se 
“rere blong halpem man we i nidim.” 
Taswe 
namba tri rod hemia:
Rere blong givhan.
Yu no nid blong givim wan pablik tok. 
Brata o sista ya i nid blong harem
se wan man i kea long hem, 
so sipos yu stap klosap
hemia i naf blong kamfotem hem.
Maet hem i jes nidim wan
man blong toktok wetem.
Sipos yes, 
lesin gud.
Mo sipos yu ridim wan vas long Baebol,
makem ol tok we oli soemaot
filing we Jehova i gat long hem. 
Samting we i moa impoten, 
hemia se hem i luksave se yu kasemsave
long situesen blong hem
mo se yu rili kea long hem. 
Traem tingbaot, 
wan sista we i wok long Hed Kwota
i bin lusum perens blong hem
long COVID-19 pandemik. 
Afta we hem i spenem fuldei wetem
mama blong hem we klosap i ded,
hem i kasem haos mo i faenem
wan basket blong frut
we ol brata sista oli lego blong hem.
Hem i talem se, 
“I no frut we i spesel,
ol frut ya mi kakae plante taem finis, 
mo i no basket ya tu we oli flasemgud, 
be hem i gudfala tingting we oli gat 
mo lav blong olgeta we oli soemaot.
Samting ya nao i kamfotem mi 
long taem ya we i bin had tumas long mi.”
Taem wan bigfala etkwek mo
Tsunami i bin kilim Japan
long Maj 2011,
ol brata sista long Japan
mo long ol defren kantri oli kwik blong givhan.
Afta tu yia haf, 
mi mo waef blong mi i visitim ol kongregesen
we oli bin pastru long nogud taem ya. 
Ol pablisa long Nepal oli sanem ol naesfala mesej
blong kamfotem ol brata sista long
ol kongregesen blong Japan. 
Mo long wan long ol kongregesen ya 
oli soem plante leta we ol brata long
Filipin oli bin sanem long olgeta.
Mo oli talem se,
“Mifala i no save ridim ol tok ya, 
be mifala save se oli stap talem wanem.” 
Ol leta ya oli kamfotem 
ol brata sista blong yumi.
Mo taem mifala i stap longwe,
Saeklon Haiyan i spolem ol aelan blong Filipin. 
Ale ol brata sista long Japan oli talem se: 
“Naoia mifala i save kamfotem
ol brata mo sista blong mifala long Filipin.”
So taem wol ya i stap gohed 
blong kam moa nogud long ol las dei ya,
bae yumi nidim blong kamfotem yumi moa.
!Yumi haremgud se 
Jehova
hem i “Papa we i gat sore,”
mo i ”God blong leftemap tingting!” 
Hem i glad blong givim long
yumi ol presen olsem prea, 
ol tok long Baebol we oli givim kamfot 
mo ol brata sista we oli kea mo we oli gat lav. 
Taem we yumi gohed
blong yusum olgeta presen ya, 
i gud yumi gohed tu blong luksave
olgeta we oli nidim kamfot, 
luk olsem wanem yumi save givhan, 
mo tekem aksen blong kamfotem ol narafala 
mo yumi wan 
long laef ya we i strong tumas.  


-