JW subtitle extractor

喺60年代
南非越嚟越投入鄰近國家嘅軍事衝突
結果政府就強迫我哋嘅年輕弟兄
要佢哋加入軍隊
但佢哋嚴守中立
就被送咗去坐監
最初啲弟兄被送咗去軍事監獄
當局要求佢哋要著軍服
但好明顯佢哋唔肯咁樣做
啲弟兄覺得
著起呢啲軍服嘅話
會俾人當做係軍隊嘅一份子
佢哋唔想啲人咁諗
所以就著咗藍色工作服
俾人叫做「藍衣少年」
所有人都知道
佢哋係耶和華見證人嚟㗎
喺初期啲弟兄嘅整個刑期
都係被單獨囚禁㗎
所以佢哋好難
先可以聚埋一齊崇拜耶和華
其中一位喺嗰段時間坐監嘅係
戴維·卡里卡斯弟兄
最近我哋有機會見面
講返以前坐監嘅經歷
初初到監獄嗰陣
當局唔准我哋同其他弟兄講嘢
大部分時間都係單獨囚禁
當局想令我哋唔再忠於耶和華
嗰度有64個監倉每邊32個
我哋會用布
喺門上面嘅鐵欄度整一個吊床
然後坐上去
到周圍冇晒人
完全安靜之後
我哋就會開始舉行聚會
所有節目我哋都有㗎
有公眾演講
亦都有傳道訓練班
聚會嗰陣我哋要好細聲
唔係嘅話啲獄警就會聽到
呢一批早我哋10年坐監嘅弟兄
為我哋立下好好嘅榜樣
幫咗我哋好多
直到放監嗰陣
佢哋仍然有堅強嘅信心
亦都充滿笑容
呢個令我哋呢啲
同樣就嚟坐監嘅年輕弟兄
有好深嘅印象
去到我坐監嗰陣
情況就好咗啲啦
雖然都係被單獨囚禁
但到咗週末自由度就大啲
我哋會拎埋啲凳或者反轉個桶
然後坐埋一齊
跟住我哋舉行聚會
仲可以唱詩歌添
有啲弟兄就自製咗樂器
獄警經常聽到我哋唱唔同嘅歌
所以唱王國詩歌嗰陣
佢哋都唔覺得奇怪
另外如果我哋喺週末小心啲
咁就有機會攞到分區大會
同區域大會嘅資料添啊
– 嘩 – 咁我哋就可以舉行大會啦
喺呢張相你可以睇到
啲弟兄著住做戲劇嘅衫
我哋會喺朝早六點舉行大會
咁就少啲機會俾獄警發現喇
我哋都好鍾意呢個時間
因為我哋好想將聖經嘅記載
盡情咁演繹出嚟
但又唔想俾獄警見到
就算喺監獄入面
耶和華都能夠提供滋養信心嘅食物
– 好厲害啊 – 嗯
我哋嘅聚會真係好緊要㗎
無論當局係咪准許
我哋都一定唔會放棄
真係㗎
我哋之所以堅持得住
係因為有滋養信心嘅食物
弟兄之間都好愛大家互相支持
我哋諗盡辦法
確保聚會可以繼續落去
其中一個例子就係紀念聚會
坐監嗰陣
我哋成日都同當局講
「請俾我哋舉行紀念聚會吖」
每一次佢哋都話「唔得」
原本我哋諗住靜靜雞舉行嘅
不過都繼續問啦
去到紀念聚會嗰日
係星期二下晝嚟㗎
佢哋突然叫晒我哋出監倉
俾我哋去沖涼
平時沖涼唔係呢個時間㗎
佢哋仲話
「去換衫準備你哋今晚嘅節目啦」
– 竟然？ – 大概下晝七點
我哋去到一個細細嘅禮拜堂入面
當我哋一齊喺嗰度開始唱詩歌嗰陣
嗰度嘅125個人
個個都唱得好大聲
幾乎每一個人都眼濕濕
紀念聚會完咗之後
我哋行返出去
我仲記得天空上面嘅滿月
就喺南非軍事總部上面
呢個對我哋嚟講係一場勝利
如果耶和華想我哋舉行紀念聚會
冇人可以阻止
呢次係我一生中最難忘嘅紀念聚會
可以想像到啊
喺監獄一齊聚會
就好似我哋以前咁樣令我睇出
參加聚會唔止係我哋俾耶和華嘅禮物
– 更多係耶和華俾我哋嘅禮物 – 係啊
呢啲特別嘅經歷令我哋之間更加親密
冇錯我哋好需要聚會
嚟加強我哋嘅信心
由嗰陣開始
聚會對我嚟講就係好珍貴嘅禮物
我哋唔想輕易就錯過聚會
只要做得到都想親身去參加
聽到弟兄姊妹分享佢哋嘅心聲
有時我又講吓自己嘅
我哋就可以互相鼓勵
一齊強化信心
我哋唔止係學同一樣嘢嘅一班人
而係一家人啊
耶和華知道我哋要聚埋一齊彼此鼓勵
就好似保羅講
「我哋既然睇見嗰個日子臨近
就更加要咁樣做」

「藍衣少年」珍視聚會