JW subtitle extractor

喺60年代
南非越嚟越投入邻近国家嘅军事冲突
结果政府就强迫我哋嘅年轻弟兄
要佢哋加入军队
但佢哋严守中立
就被送咗去坐监
最初啲弟兄被送咗去军事监狱
当局要求佢哋要着军服
但好明显佢哋唔肯咁样做
啲弟兄觉得
着起呢啲军服嘅话
会俾人当做系军队嘅一份子
佢哋唔想啲人咁谂
所以就着咗蓝色工作服
俾人叫做“蓝衣少年 ”
所有人都知道
佢哋系耶和华见证人嚟㗎
喺初期啲弟兄嘅整个刑期
都系被单独囚禁㗎
所以佢哋好难
先可以聚埋一齐崇拜耶和华
其中一位喺嗰段时间坐监嘅系
戴维·卡里卡斯弟兄
最近我哋有机会见面
讲返以前坐监嘅经历
初初到监狱嗰阵
当局唔准我哋同其他弟兄讲嘢
大部分时间都系单独囚禁
当局想令我哋唔再忠于耶和华
嗰度有64个监仓每边32个
我哋会用布
喺门上面嘅铁栏度整一个吊床
然后坐上去
到周围冇晒人
完全安静之后
我哋就会开始举行聚会
所有节目我哋都有㗎
有公众演讲
亦都有传道训练班
聚会嗰阵我哋要好细声
唔系嘅话啲狱警就会听到
呢一批早我哋10年坐监嘅弟兄
为我哋立下好好嘅榜样
帮咗我哋好多
直到放监嗰阵
佢哋仍然有坚强嘅信心
亦都充满笑容
呢个令我哋呢啲
同样就嚟坐监嘅年轻弟兄
有好深嘅印象
去到我坐监嗰阵
情况就好咗啲啦
虽然都系被单独囚禁
但到咗周末自由度就大啲
我哋会拎埋啲凳或者反转个桶
然后坐埋一齐
跟住我哋举行聚会
仲可以唱诗歌添
有啲弟兄就自制咗乐器
狱警经常听到我哋唱唔同嘅歌
所以唱王国诗歌嗰阵
佢哋都唔觉得奇怪
另外如果我哋喺周末小心啲
咁就有机会攞到分区大会
同区域大会嘅资料添啊
– 哗 – 咁我哋就可以举行大会啦
喺呢张相你可以睇到
啲弟兄着住做戏剧嘅衫
我哋会喺朝早六点举行大会
咁就少啲机会俾狱警发现喇
我哋都好钟意呢个时间
因为我哋好想将圣经嘅记载
尽情咁演绎出嚟
但又唔想俾狱警见到
就算喺监狱入面
耶和华都能够提供滋养信心嘅食物
– 好厉害啊 – 嗯
我哋嘅聚会真系好紧要㗎
无论当局系咪准许
我哋都一定唔会放弃
真系㗎
我哋之所以坚持得住
系因为有滋养信心嘅食物
弟兄之间都好爱大家互相支持
我哋谂尽办法
确保聚会可以继续落去
其中一个例子就系纪念聚会
坐监嗰阵
我哋成日都同当局讲
“请俾我哋举行纪念聚会吖”
每一次佢哋都话“唔得”
原本我哋谂住静静鸡举行嘅
不过都继续问啦
去到纪念聚会嗰日
系星期二下昼嚟㗎
佢哋突然叫晒我哋出监仓
俾我哋去冲凉
平时冲凉唔系呢个时间㗎
佢哋仲话
“去换衫准备你哋今晚嘅节目啦”
– 竟然？ – 大概下昼七点
我哋去到一个细细嘅礼拜堂入面
当我哋一齐喺嗰度开始唱诗歌嗰阵
嗰度嘅125个人
个个都唱得好大声
几乎每一个人都眼湿湿
纪念聚会完咗之后
我哋行返出去
我仲记得天空上面嘅满月
就喺南非军事总部上面
呢个对我哋嚟讲系一场胜利
如果耶和华想我哋举行纪念聚会
冇人可以阻止
呢次系我一生中最难忘嘅纪念聚会
可以想象到啊
喺监狱一齐聚会
就好似我哋以前咁样令我睇出
参加聚会唔止系我哋俾耶和华嘅礼物
– 更多系耶和华俾我哋嘅礼物 – 系啊
呢啲特别嘅经历令我哋之间更加亲密
冇错我哋好需要聚会
嚟加强我哋嘅信心
由嗰阵开始
聚会对我嚟讲就系好珍贵嘅礼物
我哋唔想轻易就错过聚会
只要做得到都想亲身去参加
听到弟兄姊妹分享佢哋嘅心声
有时我又讲吓自己嘅
我哋就可以互相鼓励
一齐强化信心
我哋唔止系学同一样嘢嘅一班人
而系一家人啊
耶和华知道我哋要聚埋一齐彼此鼓励
就好似保罗讲
“我哋既然睇见嗰个日子临近
就更加要咁样做”

「蓝衣少年」珍视聚会