JW subtitle extractor

Pa vólta di anu 1960,
Áfrika di Sul kumesa ta involve inda más txeu na géra
ku kes país ki ta fikaba pértu di el.
Pamodi kel-li, txeu irmons jóven obrigadu pa ba trópa.
Má, pamodi ses fé, kes irmon podu na kadia.
Na komésu, kantu es podu na kadia di trópa,
es mandadu pa es bisti ropa di trópa,
má é klaru ki es nega faze kel-la.
Kes irmon ta xintiba ma si es bistiba kel ropa,
otus algen ta pensaba ma es éra trópa
i es ka kreba kel-la.
Nton es bisti makakon azul,
pur isu es fika ta txomadu rapás di azul.
Tudu algen sabia ma kes rapás di azul
éra Tistimunhas di Jeová.
Na komésu kantu kes irmon podu prézu,
es kunpri ses senténsa kada un na se séla.
I pamodi kel-li fika difísil pa es faze runion djuntu.
Un di kes irmon ki staba prézu éra irmon David Carikas.
Ka dura li, mi ku David nu inkontra
i nu pâpia di alguns spiriénsia ki nu tevi na kadia.
Kantu ki N pode na kadia, es ka ta dexaba nos pâpia ku otus irmon.
Nu ta pasaba maior párti di nos ténpu nos sô.
Es faze tudu kel ki es ta pode pa ka sérba lial pa Jeová.
Tinha 64 séla, 32 pa kada ladu.
I nu ta kustuma maraba un panu na kes féru di séla
pa riba di pórta pa nu pode xintaba.
I óras ki tudu kes séla staba fitxadu
i lugar staba kétu nu ta fazeba runion.
Nu ta fazeba txeu runion.
Nu ta fazeba un diskursu i Escola do Ministério Teocrático.
Óras ki nu ta fazeba runion nu ka ta papiaba altu dimás
má ki nos tudu ta obiba.
Kes irmon ki ba pa kadia uns 10 anu
ô más antis di mi djuda-nu txeu.
Es dexa-nu un bon izénplu.
Kes irmon sai di kadia ku un fé fórti.
Es staba kontenti i kel-li da koraji
pa kes irmon más jóven sima mi
ki inda staba ta kontinua na kadia.
Kuzas éra un bokadinhu diferenti.
Kantu ki N staba la, N staba na kel mésmu kadia ki bu staba.
Na fin di simanas es ka ta dexaba nos fitxadu,
má nu ta fikaba nos sô.
Nton nu ta trazeba nos kadera, nos baldi i nu ta xintaba tudu djuntu.
I éra di kel manera li ki nu ta fazeba runion i nu ta kantaba tanbê.
I alguns irmon faze ses própi instrumentu di múzika.
Nton, kes guarda ta obiba nos ta kantaba txeu kántiku
pur isu kel-li ka éra stranhu pa es.
Tanbê si nu tomaba txeu kuidadu, na fin di simana
nu pode trazeba kes informason ki nu mesteba pa fazeba asenbleias. . .
Uau!
. . .i pa nu fazeba kongrésus.
Un di kes fotu li ta mostra irmons ta faze drama.
Nu ta fazeba el 6 óra di palmanhan
pamodi tinha ménus xansi pa guardas diskubriba kuzê ki nu staba ta faze.
Irmons gostaba pamodi es ta konsigi imajinaba kel stória di Bíblia.
I nu ka ta kreba pa kes guarda odjaba nos ta faze drama.
É bunitu odja modi ki Jeová da-nu kumida spritual
ti mésmu na kadia pa nu pode ten un fé fórti!
É verdadi.
Nos runion éra txeu inportanti,
ka ta inporta si autoridadis ta aprovaba ô nau.
Nu ka para di faze runions.
Sin, el éra txeu inportanti.
Fonti di nos sforsu éra kel kumida spritual ki nu ta resebeba,
amor di irmons i koraji ki nu ta daba kunpanheru.
Irmons ta sforsaba txeu pa runion fazedu sénpri.
I un bon izénplu di kel-li éra komemorason.
Kantu ki N bai pa kadia, nu pidiba kes autoridadi favor
pa dexaba nos faze komemorason.
I respósta ki es da-nu éra nau.
Nu staba disididu na faze-l.
Pur isu nu kontinua ta pidi permison.
I na kel dia di komemorason, térsa-fera di tardi
dirapenti es abri tudu séla i es dexa-nu ba toma banhu.
Es ka ta dexaba nos tomaba banhu kel óra la.
I es fla: “Nhos bisti pa nhos runion oji di noti.”
Asériu?
I uns 7 óra di noti nu faze komemorason na un kapela pikinoti ki tinha la.
Kantu nu kumesa ta kanta na kel kapela pikinoti
nos éra un 125 irmon, nu staba ta kanta altu
i kuazi tudu algen ki staba la tinha lágua na odju.
Dipôs di komemorason nu sai pa fóra di kapela
i ti inda N ta lenbra ki kel lua xeia
ki N odja di kel kuartel di trópa na Áfrika di Sul.
I kel-li foi sima un vitória.
Si éra di vontadi di Jeová pa nu tinha komemorason,
ningen ka ta paraba kel-la.
Kel-li é kel komemorason ki nunka N ka ta skese di el.
N ta konsigi imajina kel-la.
Faze runion na kadia, sima kel ki nu ta fazeba,
djuda-m intende ma priviléjiu di sta djuntu na runion
é ka un prezenti ki nu ta da Jeová,
má é un prezenti ki el ta da-nu.
Sin, N ta konkorda ku bo.
El ta poba nos ta xintiba más amigu di kunpanheru.
É verdadi.
Nu meste sisti runion pamodi es ta fortalese nos fé.
Dipôs di kel spiriénsia ki N pasa pa el,
runion bira un prezenti ki ten txeu valor.
Nu ka krê falta runion i di serteza nu krê sta na Salon di Reinu.
Nu ta xinti inkorajadu óras ki nu ta obi irmons
ta pâpia di ses fé i dipôs es ta obi-u ta pâpia di bu fé tanbê.
É ka sô un grupu di algen ta prende mésmu kuza.
Kel-li é un família spritual.
I sima Paulu fla, timenti kel dia ka txiga Jeová sabe ma nu meste
bira más amigu di kunpanheru i inkoraja kunpanheru.

Kes rapás di azul ta daba txeu valor pa nos runions