JW subtitle extractor

N ben di un família normal,
i nha pai ku mai ta amaba mi txeu.
Má sénpri N ta xintiba
ma sta faltaba algun kuza na nha vida.
N ka ta xintiba filís.
Kantu mi éra más jóven,
N gostaba txeu di múzika.
N kumesa ta kanta na un grupu
i ta partisipa na txeu konpitison di múzika.
Óras ki N ta kantaba,
N ta xintiba un algen spesial.
N kumesa ta pensa ma si N ka sérba un kantor famozu,
nha vida ka ta sérba filís.
Timenti N staba ta kria,
N kumesa ta xinti tristi tudu óra.
N bai konsulta na pisikólogu
i el fla-m ma N ten depreson.
Nton múzika bira kel kuza
más inportanti pa mi.
Dipôs ki N atxadu ku depreson,
N kontinua ta bai pa aula di múzika,
i nha profesor insentiva-m
pa N bai pa Universidade de Artes Vitoriana.
I N partisipa na alguns aprizentason di ópera
na kes lugar di faze tiatru pikinoti, i éra divirtidu.
I pamodi kel-la N resebe Diplóma di ópera.
Sikrê dipôs di N resebe kel diplóma,
N ta xintiba ma sta faltaba algun kuza.
N tinha serteza ma si N biraba famozu,
kuzas ta sérba midjór.
Duránti kel ténpu N faze testi
pa Ópera Austrália, i es seta-m.
Ópera Austrália é un inpréza di ópera inportanti.
N viaja pa txeu país,
sima Suísa, Grésia i Hong Kong.
Duránti kel ténpu N atxadu ku un duénsa mental ki ta pô-m ta ten pensamentus negativu.
N ka ta pensaba dretu.
N ta ama múzika, má omésmu ténpu,
N staba ta djobe algun kuza ki ta poba mi filís,
i N ka sabia éra kuzê.
Txiga un pontu ki N larga tudu.
N para di faze tudu kuza ki N gostaba.
Nton N fika sô ta kume i bebe, pa N pode kontinuaba bibu.
Má N ka tinha ninhun obijetivu
i N ta atxaba ma N ka tinha valor.
N ka faze nada duránti 10 anu.
Duránti txeu anu Tistimunhas di Jeová
ta dexaba publikasons na nos kaza,
i N kumesa ta lé-s.
Lé kes publikason kumesa ta djuda-m.
Kantu mi éra pikinoti,
nha pai kumesa ta studa Bíblia.
Kantu N prende ma nu pode vive pa tudu ténpu
i ma Jeová Deus ta ama-nu,
N da kónta ma kel-li éra un kuza ki N meste sabeba.
I un dia N da kónta ma N meste fazeba algun kuza.
N staba xintadu na sala ta lé i N fla:
‘Domenic, bu ten ki ba runion.’
N sabia undi ki éra Salon di Reinu,
má simé éra difísil N ba runion.
N ka tinha koraji.
Pur isu, N ora pa Jeová.
N fla-l: “Ka bu dexa nha duénsa mental
inpidi-m di ser bu amigu.”
I poku ténpu dipôs di kel-la,
N staba disididu na ba runion.
I kantu ki N ba runion N fika ta pensa:
‘Pamodi ki N staba ku txeu medu?’
Kantu más N baba pa runion,
más midjór N ta xintiba.
N batiza na 2020.
I kel-la foi midjór dia di nha vida.
Antis N sabia ma staba ta falta algun kuza,
má gósi N odja ma kuzê ki staba ta falta éra Jeová i verdadi.
Gósi N ta konsigi kontrola nha duénsa.
I sikrê N ten un mau dia,
N ta xinti un bokadinhu preokupadu,
má lógu N ta kumesa ta pensa
ma ten txeu irmon ku irmans ki ta ama-m,
i Jeová ta ama-m.
Kel-li é más inportanti.
Kel-li ta pô-m ta xinti kalmu.
Óras ki N ta prega,
N ta pensa más na otus algen
i ménus na nha kabésa i na nhas prubléma.
Toma ramedi i ba pa dotor
sta ta djuda-m fika un bokadinhu más kalmu,
má el ka ta pô-u ta xinti kes otu kuza,
sima speransa.
Toma ramedi ka ta djuda-u kridita
ma kuzas ta ben midjora na futuru.
Nunka N ka ta pensaba ma N ta xintiba kel alegria ki N ten gósi,
i é sô Jeová ki ta pode djuda-m xinti asi.
N sabe kel-li pamodi kantu N tenta mi sô N ka konsigi.
Gósi pa primeru bês N ta xinti alegria na kanta.

Domenic Alessia: N atxa speransa sikrê ku un duénsa mental