JW subtitle extractor

Ua paari au i roto i te hoê utuafare
aita i rahi roa te fifi
e mea here roa to ˈu na metua ia ˈu.
Noa ˈtu râ, ua erehia vau i te tahi mea.
E aita vau i oaoa.
Mai to ˈu apîraa mai â,
mea au roa na ˈu te upaupa.
Ua himene au i roto te hoê pǔpǔ
e ua apiti i roto e rave rahi tataˈuraa.
Ia himene au,
e au ra e e taata faufaa roa vau.
Puta mai nei te manaˈo,
e tia ia ˈu ia riro mai ei taata himene tuiroo.
Aita anaˈe,
eita vau e oaoa.
I muri iho, i roto to ˈu oraraa
e au ra e e faaturuma noa vau.
Haere atura vau e hiˈo i te taote
e parau mai nei o ˈna
e maˈi hepohepo to ˈu.
Haamau atura vau i to ˈu feruriraa taatoa
i nia i te upaupa.
Noa ˈtu to ˈu maˈi,
ua tamau noa vau i te haapii te himene.
E ua faaitoito mai ta ˈu orometua
ia haere i te haapiiraa teitei
no te ohipa himene.
Ua tae roa vau i te himene i te opera
i nia i te tahi mau tahua
e ua au roa vau.
Noaa mai nei ta ˈu parau tuite no te himene opera.
E noa ˈtu ua raeahia ia ˈu tera faito, aita iho â.
Te ere noa ra vau i te tahi mea.
Ua hoˈi noa mai tera manaˈo:
‘E tia ia ˈu ia riro ei taata tuiroo.
I reira noa vau e oaoa mau ai.’
Tamata ˈtura vau i te faaô i roto te fare opera no Auteralia
e ua farii-hia vau.
E pǔpǔ rahi teie e te tuiroo.
Na roto i teie ravea,
ua revareva vau na te ara.
Ua tae au i te mau fenua mai ia Helevetia,
Heleni e Hong Kong.
I taua atoa taime ra,
taa ê atu i to ˈu maˈi hepohepo,
ua roohia vau i te nehenehe e piihia
e maˈi manaˈo vî ore.
Ua ahoaho to ˈu feruriraa.
Mea au roa na ˈu te ohipa himene.
Teie nei râ, te tapapa noa ra vau
i te tahi mea ia oaoa vau.
Tera râ, aita vau i ite eaha râ.
E tae roa i te hoê faito,
aita i haere faahou.
Faarue atura vau i te fare opera
e te mau mea atoa ta ˈu i au.
Ua tamaa, ua inu vau, haapao ora noa.
Aita ta ˈu e fa.
Aita vau i haapao ia ˈu iho.
Aita vau i hinaaro e rave i te tahi noa ˈˈe mea.
Hoê ahuru matahiti mai tera noa.
A mairi ai te mau matahiti,
ua vaiiho noa mai te mau Ite no Iehova
i ta ratou mau vea.
E ua taio vau.
Haamataraa ïa vau i te ite i te tahi vahi apî,
te tahi vahi maitai.
E tamarii noâ vau,
a haamata ˈi to ˈu papa i te haapii i te Bibilia.
I reira to ˈu iteraa e
e nehenehe tatou e ora a muri noa ˈtu,
o Iehova te Atua e te here nei o ˈna ia tatou.
E mau haapiiraa apî anaˈe ïa no ˈu.
E rave rahi râ matahiti i muri iho to ˈu putapûraa.
Te parahi noa ra vau a taio noa ai,
e na ôraa ïa vau:
“Domenic, a haere i te putuputuraa.”
Ua ite au teihea te Piha a te Basileia.
Mea fifi râ no ˈu ia haere.
Pure atura vau: “Iehova, a tauturu mai.
Eiaha to ˈu maˈi ia faaatea ê ia ˈu ia oe.”
Aita i maoro i muri iho,
ua rave au i ta ˈu faaotiraa.
E haere atura vau.
Taeraa vau i te putuputuraa,
manaˈoraa ïa vau:
‘Eaha pai au i taiâ ai?
Mea au roa hoi!’
E rahi noa ˈtu vau i te haere,
iti roa mai to ˈu taiâ.
Bapetizohia ˈtura vau i 2020.
Te mahana oaoa roa ˈˈe ïa o to ˈu oraraa.
I to ˈu apîraa, ua manaˈo noa vau
e mea te erehia ra e au.
Ua taa ia ˈu i teie nei eaha râ.
O te parau mau ïa, o Iehova.
I teie nei, ua vî ia ˈu to ˈu maˈi ahoaho,
noa ˈtu te vai ra te tahi mau mahana,
e haafifi te reira ia ˈu.
I tera mau taime,
e manaˈo vau i te mau taeae e tuahine,
i to ratou here
e ia Iehova iho â râ.
Oioi aˈe ïa to ˈu ahoaho i te pee.
Ia haere au i roto i te taviniraa,
i te mea e mea haapao aˈe au ia vetahi ê,
eita ïa vau e manaˈo ia ˈu iho
aore ra i to ˈu mau fifi.
Maoti te raau e te tauturu a te taote,
e vî ai ia ˈu to ˈu maˈi.
E tauturu mai teie mau ravea ia tamǎrû ia ˈu.
Noa ˈtu te maitai ta te reira e hopoi mai,
te vai ra to ˈna otia.
E tamǎrû te raau,
eita râ e horoa mai i te tiaturiraa no a muri aˈe.
I teie mahana, te oaoa nei au.
Aita vau i manaˈo e raeahia ia ˈu teie faito.
Ua ite râ vau auaˈe Iehova.
E ere râ na roto i ta ˈu iho mau tutavaraa.
A tahi ra vau a ite ai i te oaoa mau ia himene.

Domenic Alessia: E tiaturiraa to ˈu noa ˈtu to ˈu maˈi