JW subtitle extractor

歡迎收睇JW電視
2025年9月13號
第158屆基列學校嘅學員
完成咗為期5個月嘅培訓
喺畢業典禮嗰日學員都可能百感交集
終於完成咗個課程
可以鬆一口氣嘞
亦都好開心
因為屋企人同朋友都喺晒度
不過可能 可能都有啲擔心
唔知新崗位會係點
不如睇吓經驗豐富嘅弟兄
有啲咩說話同學員講吖
相信大家亦都可以喺呢啲演講
得到好多益處
早晨 歡迎大家
今日真係好開心見到你哋出席
守望台基列聖經學校
第158屆嘅畢業典禮
大家都好開心 係咪呢？
第158屆基列學校總共有52位學員
各位親愛嘅學員
今日嘅演講題目係
《要繼續做世界嘅鹽》
一齊睇吓馬太福音5:13吖
係耶穌講㗎
喺第13節嘅上半部 耶穌話
「你哋係世界嘅鹽」
耶穌講呢句說話嗰陣
佢係發表緊登山寶訓
在場嘅一大班聽眾
一定從耶穌嘅演講得到好多益處
不過耶穌呢番說話
主要係想同邊啲人講嘅呢？
梗係同佢啲門徒啦
特別係佢嘅12個使徒
之前 耶穌啱啱揀咗佢哋
佢哋好可能就坐喺耶穌側邊
耶穌嘅使徒特別需要受到培訓
做個好榜樣
將來喺會眾入面帶頭
耶穌講你哋係「世界嘅鹽」
指嘅就係佢嘅門徒
特別係佢嘅使徒
當然都係同各位學員有關㗎
我哋跟住落嚟會詳細講吓
請留意喺呢節經文
耶穌用嘅比喻係點嘅呢？
佢唔係話你哋好似鹽 唔係呀
耶穌唔係噉講
佢係話你哋係鹽
佢唔係話門徒同鹽好相似
而係話佢哋直情係鹽
耶穌噉樣講
其實有咩用意呢？
佢想強調嘅係門徒對人發揮嘅作用
就同鹽發揮到嘅作用一樣
噉鹽可以用嚟做咩呢？
耶穌講到呢個比喻嗰陣
可能諗到鹽嘅三種用途
我哋會逐樣講吓
噉你哋就會明白
各位學員都喺三方面同鹽一樣
首先第一方面 我哋一齊睇吓
歌羅西書第4章
耶穌諗到鹽有咩功用呢？
就喺歌羅西書4:6
「你哋講說話應該時時都仁慈體貼
好似用鹽調味
噉樣 你哋就知道應該點樣回應各人」
呢度講咗鹽嘅咩功用呢？
係用嚟調味嘅 提升食物嘅味道
我哋加咗啲鹽落嘢食到
就唔會淡茂茂 啲嘢會好味好多
係咪呢？
各位學員你哋都同鹽一樣㗎
你哋講嘅嘢 做嘅嘢
尤其係經過基列嘅培訓之後
就會更加仁慈體貼
就好似加咗鹽嘅食物噉
更加吸引人 更加令人開心
令到你派去嘅會眾
同埋伯特利家庭嘅弟兄姊妹得益
你哋嘅說話唔會用胡椒嚟調味㗎
因為經文冇叫你糝啲胡椒粉吖嘛
都無話用黑椒、辣椒、指天椒
整到佢有咁辣得咁辣
而係用鹽 唔係掯嘅
而係好好味
我哋講說話應該都係噉呀
無論你係講演講
定係喺會眾發表評論
抑或你同人傾偈
你哋嘅說話都要仁慈體貼
令到會眾入面
同埋伯特利嘅弟兄姊妹容易受落
鹽嘅第二個功效係咩呢？
以西結書16:4
我哋唔會讀個經文出嚟
經文提到
喺聖經時代一個慣常做法
就係會用鹽去擦初生BB嘅身體
有冇諗過嗰時啲人
會用鹽去捽bb個身呢？
點解佢哋要噉做呢？
其中一個原因係鹽可以殺菌消毒
就算係今日啲人有喉嚨痛
都會用啲鹽水嚟啷口
想用嚟消炎同埋殺菌
好多人洗菜嗰陣都會加啲鹽落去
浸吓啲菜先至洗
目的就係想殺菌
鹽可以殺滅病菌
或者抑制佢哋嘅生長
各位學員
睇怕你哋都冇諗過自己係消毒藥水
又或者殺菌劑 係咪呀
不過比喻嚟講你哋係喎
你哋真係喎
想像吓呢個情況吖
喺你嘅會眾或者伯特利家庭
你聽到有人開始講其他人嘅閒話
呢啲就係病菌嚟喎
噉你咪去殺菌囉
你會轉話題啦
維護嗰個俾人講閒話嘅人
總之就會做啲嘢去殺菌
可能你聽到有人講
「嗰個長老都唔知做咩嘅
講親演講都過晒鐘嘅」
跟住你可能會噉樣講
「係咩？我冇為意喎
不過佢真係一個好好嘅弟兄呀
佢關心人對人好體貼
都好用心幫會眾嘅弟兄姊妹喎
佢做得咁好真係值得我哋欣賞呀」
噉你就殺咗菌喇
你係名副其實嘅殺菌劑
你傳道嗰陣都會噉做㗎
當你聽到有人講三位一體、地獄永火
靈魂不死或者其他錯嘅道理
你都會去殺呢啲菌㗎
跟住講吓第三點嘞
呢個可能係耶穌諗到鹽嘅另一種作用
請打開利未記第2章
利未記第2章
我哋睇吓第13節吖
經文噉樣講
「你獻上嘅所有穀祭都要放鹽
喺你嘅穀祭入面
絕對唔可以少咗你上帝用嚟立約嘅鹽
任何祭物都要加鹽獻上」
摩西法典規定所有放喺祭壇上面
獻俾耶和華嘅祭物
都要加啲鹽落去
噉點樣可以做得到呢？
根據猶太人嘅歷史
佢哋會放一大堆鹽
喺上祭壇嘅斜路下面
喺聖殿嘅範圍
亦都有一間好大嘅儲物室
叫做鹽室
儲存咗好大量嘅鹽
確保獻祭嘅時候符合上帝嘅要求
問題係點解耶和華會有噉嘅要求呢？
《守望台》有一篇文章
曾經解釋過呢一點
嗰度話「噉樣做唔係為咗令祭物好味一啲
而好可能係因為鹽象徵冇腐化
或者敗壞嘅情況」
講得好啱呀
呢個就係鹽嘅第三種功效嘞
鹽可以防腐令到食物冇咁快變壞
例如可以用鹽嚟醃製啲肉
啲肉醃好之後唔使擺入雪櫃
放好耐都唔會變壞
因為有鹽喺入面可以防腐
所以擺好長時間都得
同樣比喻嚟講你哋喺新崗位
都可以發揮防腐嘅作用
我哋相信你哋一定能夠噉樣做
舉個例吖
我哋同一個食煙嘅人開始讀聖經嗰陣
佢個肺同心臟都已經傷咗㗎喇
或者個吸毒嘅人大腦功能受損
或者成日飲酒嘅人個肝出咗問題
又或者一個生活放蕩嘅人
佢感染咗各種可怕嘅疾病
不過你教佢聖經
有耶和華嘅幫助
佢停止咗呢啲壞習慣
就好似冇再繼續變壞一樣
你話係咪呢？
好多時 嗰個人唔單止冇再變壞落去
就連佢嘅思想態度都唔同晒
佢嘅身體亦都慢慢健康返
更加好嘅係
你幫佢同耶和華建立親密嘅關係
等佢有機會保全自己嘅生命
直到永遠
喺地區入面你就係防腐劑喇
喺伯特利入面
如果有人唔小心行錯一步
可能損害咗佢同耶和華嘅關係
你作為一個成熟嘅基督徒
你一定會用溫和嘅態度諗辦法糾正佢
好想保全佢可能會失去嘅生命
以上只係幾個例子啫
你可能仲諗到其他方法㗎
喺呢個演講我哋講咗鹽嘅唔同功用
鹽可以用嚟調味 可以殺菌
亦都可以用嚟防腐
耶穌呢個比喻真係有好深嘅含義
如果諗深啲 佢其實讚緊啲門徒
我哋都有一樣嘅感覺呀
各位學員 我哋都好想稱讚你哋
你哋係「世界嘅鹽」
另外我哋再睇返馬太福音第5章
就會見到耶穌除咗稱讚佢哋
其實仲俾咗一個提醒
一齊睇吓馬太福音5:13
今次會睇晒成節經文
耶穌話「你哋係世界嘅鹽
如果鹽冇咗鹹味 仲可以變返鹹咩？
啲鹽冇用嘅話
就唯有揼出去 任人踐踏嘞」
所以鹽真係可以失去作用㗎
如果撈咗其他雜質
雜質越多鹹味就越少
噉慢慢鹽就失去咗佢原本嘅作用嘞
我哋都一樣㗎
要保持比喻意義上嘅鹹味
噉先至係有用嘅鹽呀
你可以點做到呢？
就係將你呢5個月學到嘅所有嘢
盡力應用出嚟
噉你就係有鹹味嘅鹽喇
跟住落嚟係咩環節呢？
過去呢幾年 呢個節目都好受歡迎
大家都好鍾意㗎
冇錯嘞 就係《基列有約》
我哋有請另一位親愛嘅基列導師
凱理忠弟兄
幫我哋主持呢個部分
請大家細心欣賞今集《基列有約》喇
歡迎收睇新一集嘅《基列有約》
喺以賽亞書64:8
耶和華形容自己係「陶匠」
而我哋呢 就係「陶泥」
雖然我哋係唔完美 好似陶泥咁
但係只要我哋願意
耶和華就可以塑造我哋
成為任何佢需要嘅器皿
達成佢嘅旨意
我哋而家會訪問5位
嚟自基列學校第158屆嘅學員
睇嘅時候 請留意
耶和華有啲乜嘢美好嘅特質？
仲有一路以嚟
佢點樣塑造同埋引領佢哋？
首先我哋歡迎
嚟自英國分部嘅馬克同埋梅莉莎
多謝你哋上嚟《基列有約》接受訪問呀
-唔好客氣 -你哋都喺英國分部服務㗎
噉你哋係咪都係英國人呀？
我呢係嚟自英國曼徹斯特附近嘅
我就唔係嘅
我係嚟自美國嘅底特律
你哋中間隔咗個大西洋喎
噉你哋係點識㗎？
喺1998年 我去咗一個國際大會
呢個大會喺梅莉莎住嘅地方附近舉行
我哋就喺嗰度識嘅
過咗大約7年 我哋就結婚啦
哦 咁你哋後生啲嗰陣
同耶和華嘅關係係點㗎？
我父母都好愛我 都盡力教導我嘅
但係嗰陣
我同耶和華嘅關係就麻麻哋啦
我細細個就已經好想做時裝設計師
所以後嚟我就去咗讀大學
讀咗四年 攞咗時裝設計嘅學位
之後順理成章
我就入咗呢一行發展
而亦都因為咁
我冇培養一啲好嘅特質
淨係掛住做嘢 一心想搵多啲錢
同埋我亦都識咗啲唔係咁好嘅朋友
因為噉
我都會去埋啲唔係咁好嘅地方
當然亦都冇崇拜嘅目標啦
嗯 噉馬克你呢？
我都一樣
後生嗰陣都唔係咁好㗎
媽媽教我認識真理嘅
我13歲就受浸嘞
但係之後我就過住雙面人嘅生活
雖然我屋企人為我立下咗好榜樣
身邊亦都有一班好朋友
直到今日都保持忠貞
但係我越大就越壞
當時只有耶和華先知我係點樣嘅人
佢知道我點樣運用時間
亦都知道我唔係好似表面扮到嘅咁好
多謝你哋同我哋分享
我知要講出嚟都唔係咁容易㗎
噉係乜嘢令你哋改變呢？
雖然我爸爸唔係一個耶和華見證人
但係佢就係一個好爸爸 好老公
我都好想好似佢噉
當我哋開始拍拖
我就立下目標要做個好老公
所以即使住喺唔同地方
我哋都會每個星期用電話一齊研讀
呢次係我第一次咁認真做崇拜嘅事
由嗰時開始
我慢慢建立返同耶和華嘅關係
亦都因為噉
我意識到自己一直以嚟做嘅嘢
令耶和華好失望
嗯 我都類似
我哋結咗婚之後 我就開始做先驅
但係對於以前做過嘅事
我開始覺得有啲良心不安
所以我哋決定
一齊同長老傾吓
噉樣做好好啊
因為可以修補返同耶和華嘅關係
深入研讀真係可以幫我哋
鞏固同耶和華嘅關係
有清白嘅良心
噉之後發生咩事呢？
之後我哋就覺得好想為耶和華做多啲
想盡自己嘅能力為佢服務
所以我哋試吓報名讀基列學校
又申請加入LDC、加入分部
雖然我哋咩申請表都交晒
-不過一啲回音都冇 -係呀
後嚟有啲朋友就提議我哋去尼加拉瓜
呢個需要更加多傳道員嘅地區服務
尼加拉瓜嗰度係點㗎？
我有張相呀 俾你睇吓吖
張相喺我哋喺當地傳道嗰陣影嘅
你睇吓 我哋幾開心
嗰度嘅人好友善
我哋有好多聖經課程
真係好掛住喺嗰度服務嘅日子啊
嗰陣我哋去親邊度
通常都係踩單車㗎
哦 係喎
如果你行路經過弟兄姊妹屋企
佢哋一定會請你入去食飯
雖然佢哋擁有嘅嘢唔多
但係就好慷慨
喺佢哋身上 我哋真係學到好多
淨係睇相都感受到你哋有幾開心
完全睇得出你哋兩個好鐘意
喺需要更多傳道員嘅地區服務呀
多謝俾張相我睇
離開咗尼加拉瓜之後
你哋後嚟有機會喺英國嘅伯特利服務
唔知你哋分別喺乜嘢部門幫手呢？
我喺法律部做嘢嘅
主要係幫特別全時服務嘅人申請簽證
我好鍾意呢個工作
因為可以見到耶和華點樣幫我哋
有時申請嘅過程都幾複雜㗎
但係耶和華就會令我哋成功
好好啊 馬克你呢？
我喺公共資訊部 即係PID幫手
其中一個主要嘅工作係
提供有關見證人嘅準確資料
俾傳媒、政府或者學術機構
呢件工作一啲都唔簡單喎
係啊 真係一啲都唔簡單㗎
初頭我真係好驚 好擔心㗎
我記得有一晚
我甚至擔心到完全瞓唔著覺
於是我就行出廳
睇吓出埃及記第3、第4章
因為我諗起耶和華都曾經委派摩西做PID
摩西要去見埃及嘅最高領導人法老
每一次摩西覺得自己做唔嚟嘅時候
耶和華都保證無論摩西需要啲乜嘢幫助
佢都會支持摩西
耶和華都係噉樣幫我哋㗎
每一次我同部門嘅弟兄姊妹覺得
我哋唔夠經驗 唔夠能力嗰陣
耶和華都會幫我哋應付得嚟
呢個加強咗我嘅信心
我哋聽完你哋嘅經歷之後都一樣
你哋由後生到而家真係改變咗好多
我想問吓你哋 喺呢個過程
你哋睇出耶和華係點嘅呢？
我睇到耶和華對我好有耐心
佢知道我鍾意生活有多啲變化
亦都好鍾意學新嘢
佢冇阻止我用自己嘅方式生活
雖然嗰陣時我都覺得幾開心嘅
但係當我跟耶和華教嘅去做
生活就更加精彩
亦都培養到一啲特質
同耶和華嘅關係更加好
耶和華俾機會我學到一啲新嘅技能
同埋做一啲有挑戰性嘅工作
如果我用自己嘅方式生活
就唔會有呢啲機會啦
我真係好多謝耶和華冇放棄我
俾我體驗到
崇拜佢先係最好嘅生活方式
嗯 馬克你呢？
我睇出耶和華好憐憫人
諗返轉頭 當時我好驚
所以唔敢去搵長老 請佢哋幫我
我唔知道耶和華究竟係點樣睇我呢類人
不過有個好朋友俾咗節經文我睇
-我可唔可以同大家分享呢？-梗係好啦
就係以賽亞書28章
我好鍾意24至29節
不過我淨係會讀出24節嘅其中一部分
經文話「唔通農夫會唔撒種
淨係成日犁地咩？」
經文提到一個比喻
一個農夫唔會淨係不停咁犁地
而係會集中喺嗰個結果
即係佢可以享用嘅收成
我嘅經歷都係咁樣㗎
耶和華唔係一味懲罰我、管教我
而係集中喺點樣幫我修補同佢嘅關係
令我可以開心噉為佢服務
我哋都好多謝佢俾我哋感受到
全程投入為佢服務係幾咁好
你嘅經歷證明經文講得一啲都冇錯
聽到馬克噉講 令我諗起
喺上堂嘅時候
我哋討論過一節經文
就係喺希伯來書9:14
經文提到我哋要有清白嘅良心
先可以敬奉耶和華上帝
我哋真係親身體驗到呢一點啊
冇錯啊
就算我哋以前做錯嘢
都要集中喺點樣為耶和華服務
而唔係一味好內疚
你哋真係做得好好
我哋睇出耶和華一直幫助你哋
多謝你哋接受訪問
跟住落嚟
我哋好想訪問嚟自東非分部嘅
萬吉庫·瓦伊奇戈姊妹
我知道你係嚟自肯尼亞嘅
好似我見大家都叫你希科喎 係咪呀？
係呀 叫我做希科啦
係囉 希科易嗌啲呀
不如你自我介紹一吓吖
我媽咪認識真理先嘅
所以我自細就學聖經喇
我爸爸唔係見證人
佢好想我哋專注喺學業上面
而我都對法律好有興趣
-法律？-係呀 -真嘅？
我好想幫嗰啲弱勢社群爭取公義
所以我同自己講我要做一個律師
讀法律要用好多時間
好多精神㗎喎
噉有冇影響你同耶和華嘅關係啊？
有啊 因為嗰陣我好俾心機讀書
我好想有好嘅成績
為將來嘅工作鋪路
所以我都唔係好投入崇拜嘅活動
噉有咩改變咗你呢？
畢咗業之後我自己搬咗出去住
咁啱就住正喺個聚會所隔離
記得有一日 我返工好忙好攰
我收工之後行緊返屋企嗰陣
見到有一班弟兄姊妹
好開心咁行緊去聚會所
我就諗
「我唔係應該好似佢哋噉
開開心心噉去參加聚會咩？」
跟住嗰個禮拜
我就去咗聚會嘞
睇嚟你嗰次跟風都冇跟錯喎！
-係呀 -噉你就參加返聚會嘞
係呀
噉去返聚會 見返啲弟兄姊妹
你有咩感覺呀？
呢個會眾好熱情 好有愛心
啲弟兄姊妹亦都好關心我
令我好有歸屬感
我覺得自己好似返咗屋企一樣
佢哋真係好似救返我噉
好好呀
噉後嚟你係點樣開始參與全時服務嘅呢？
我定咗一個目標
就係想喺一年之內睇晒成本聖經
所以我就跟住個計劃去做嘞
每朝我都會早啲返到公司
喺開工之前睇一段經文
每睇完一部分嘅經文之後
我就會喺《守望台書庫》查吓相關嘅資料
一年之後我都繼續每一日咁樣做
睇嚟你真係好深入咁研讀喎
有好嘅開始啦
仲有乜嘢幫你開始做先驅呢？
嗰時我成日都會同啲先驅出傳道
其中有一個姊妹
我特別同佢熟啲嘅
佢成日都話
我知道你總會有一日報名做先驅㗎
雖然嗰陣時我仲做緊全職
根本就冇可能做到先驅
但係佢就好有信心
-係啊 成日都講 -係啊
最終我都真係報咗名做先驅
亦都參加咗先驅訓練班
-咁好呀 -俾張相你睇吓
哦 你哋攞住先驅訓練班嘅課本喎
咦 呢個係邊個嚟㗎？
佢就係不停鼓勵我做先驅嗰個姊妹
呢次係佢第二次上先驅訓練班
我哋咁啱喺同一班上堂
佢真係成功鼓勵到你喎
係呀 可以上到先驅訓練班
真係福份嚟㗎
-睇嚟你哋仲好好朋友喎 -係呀
噉就好喇
之後你就部分時間喺伯特利幫手
後嚟就轉咗全時服務嘞
噉你喺咩部門度做啊？
我喺法律部度幫手
啱啱你都提到
以前你嘅工作係同法律有關嘅
我好想問吓你
你覺得喺伯特利為耶和華服務
同你喺出邊打工
有啲乜嘢唔同嘅地方呢？
完全冇得比呀
喺出邊做嘢 個個都係為咗錢
想上位 想有更高嘅地位
但係喺伯特利做嘢就係幫緊弟兄姊妹
就算你未見過佢哋 未有機會認識
已經好愛佢哋啦
當你為耶和華服務
你會覺得好開心 好滿足
亦都會更有信心
多謝你嘅分享啊
睇到耶和華點任用你
我哋真係受到鼓勵
亦都好多謝你嘅付出同埋犧牲
仲有馬克同埋梅莉莎
見到你哋一直以嚟樂意受耶和華任用
我哋都受到好大嘅鼓勵
多謝你哋
而家我哋歡迎嚟自多米尼加共和國嘅
蒂托·阿布雷烏弟兄
蒂托 你好呀
你好呀
咦 你係咪自細就認識真理㗎喇？
我媽媽係個見證人
我爸爸就唔係喇
但係佢都好支持我哋㗎
因為佢見到聖經幫咗我哋好多
我媽媽好愛耶和華 亦都好鍾意出傳道
所以我哋都受佢影響
好自然就立下目標做正規先驅
後嚟喺2010年
我參加咗組織事務訓練班
-你參加過MTS㗎？ -係呀
咦 噉之後派咗你去邊度呀？
我去咗島嘅中部做特別先驅
嗰度真係好好㗎
-俾張相你睇吖 -嘩！
呢個係何塞弟兄
我哋就喺森林入面傳道
嗰時佢仲係個未受浸傳道員嚟㗎
不過而家就做咗特別先驅嘞
如果你仔細睇吓
就會見到後面有間屋
嗰時我哋喺嗰度搵緊啲聾人
而住喺呢間屋嘅嗰家人
爸爸媽媽係講克里奧爾語嘅
啲小朋友就主要講西班牙話
但係最細嗰個係聾人
於是我哋就用手語同呢個小朋友溝通
所以向呢家人傳道
我哋要用到三種語言㗎
-哦 你識手語㗎？-係呀
-我家姐係聾人嚟嘅 -哦
所以我哋成家都學咗手語
咁好呀
噉我想問吓
你啱啱去到嗰度嘅時候係點樣傳道嘅呢？
係咪逐家逐戶去搵啲聾人？
當地嘅弟兄會同我哋一齊去搵啲聾人
另外 我哋都會先去三個地方
分別係警署、軍事基地
仲有鎮長辦公室
-一嚟就搵啲官員先？-係呀
後嚟點呀？
佢哋反應都唔錯呀
因為我哋有好行為
所以嗰個鎮嘅人
對耶和華見證人都有好好嘅印象
而且啲官員聽到耶和華見證人
想幫啲聾人都好開心啊
你知唔知啊？
嗰次我哋搵完鎮長之後
仲即刻多咗三個續訪
呢三個聾人都係喺鎮長辦公室做嘢嘅
後嚟佢哋仲讀聖經添
鎮長一次過俾咗三個聖經學生你呀？
-係呀 -嘩 噉佢哋進步成點呀？
好好呀
尤其係一對夫婦
佢哋認識真理之前係同居嘅
由於佢哋好想聽耶和華話 做啱嘅事
佢哋就結咗婚
之後佢哋同耶和華嘅關係越嚟越好
甚至開始幫地區入面嘅聾人認識耶和華
好好嘅經歷呀
睇嚟嗰度嘅手語地區發展得好快
我聽講喺多米尼加 唔單止西班牙語
其他語言嘅地區都發展得唔錯喎
-冇錯啊 -一齊睇吓短片
了解吓當地嘅情況吖
伊斯帕尼奧拉島上面有兩個國家
就係多米尼加共和國同埋海地
呢度嘅弟兄姊妹都對耶和華好有信心
喺多米尼加傳道工作不斷擴展
包括克里奧爾語嘅地區
由於海地有動亂 同埋其他問題
所以好多海地人逃難嚟到呢度
想安頓落嚟
好多海地人都信有上帝
但係就覺得上帝唔關心佢哋
聽佢哋咁講
我哋真係好想幫佢哋啊
我哋會耐心聽佢哋講嘢
理解佢哋嘅感受
然後續訪嘅時候
就話俾佢哋知將來係有希望嘅
俾佢哋睇得出上帝係好關心人
幫佢哋對上帝有返信心
我哋每去到一個門口
啲人都好開心咁歡迎我哋
仲會請我哋入屋坐吓
好多時兩三個鐘都只係探到幾家咋
因為每一家都傾到好耐
佢哋好鍾意同人傾偈㗎
有時只係問一啲好簡單嘅問題
就可以自然咁傾落去
譬如問「你今日幾好嗎？
你啲屋企人點啊？」
跟住就可以繼續傾好耐喇
當你見到啲人學咗聖經之後
開始慢慢進步
嗰種開心同滿足
真係唔知點形容呀
有一次我哋逐家逐戶傳道嘅時候
探到一個女士 佢好傷心
因為啱啱出世嘅BB死咗
當佢聽到佢遇到嘅呢啲事
唔係上帝造成 就覺得好驚訝
後嚟佢話
好多謝耶和華俾機會佢認識真理
等佢唔會繼續傷心落去
人生有返希望
所以佢好想報答耶和華 為佢服務
而家佢已經受咗浸
我哋都好愛佢
由於人生有咗方向
佢比以前笑多咗好多
真係好開心呀
見到學生受浸 喺水裏面上返嚟
嗰一刻我真係好感動
佢哋達到呢個目標
當然全靠耶和華先至得啦
但係有份出一分力幫佢哋
我都覺得好開心啊
我哋會眾雖然得30個傳道員
但係平均就有差唔多70人嚟參加聚會
而每年仲有超過300人參加紀念聚會添
係傳道員人數嘅10倍啊
我睇出耶和華好有耐心
真係仲有好多工作要做啊
喺多米尼加仲有好多類似嘅經歷
有好多人樂意聽好消息
就好似耶穌喺約翰福音4章話
田地已經成熟喇
所以我哋要快啲收割
可以同全球嘅弟兄姊妹
一齊參與呢件工作真係好開心啊
耶和華真係賜福俾多米尼加嘅傳道工作
吸引更加多人認識佢啊
不如講吓
你而家喺伯特利做咩工作吖？
我而家喺衛生保健部服務
我哋負責支援
喺多米尼加服務嘅特別全時僕人
包括特派傳道員、特別先驅同分區監督
不過而家由於海地情況都唔係咁好
面對緊好多難題
所以我哋都會幫手
照顧埋嗰度嘅弟兄姊妹
哦 海地呀？
所以嗰度嘅特別全時僕人
都會去到多米尼加睇醫生呀可？
噉你留意到佢哋有啲乜嘢好嘅特質？
佢哋要留喺嗰度服務真係唔容易㗎
所以佢哋嚟到
我哋都想佢哋唞吓 放鬆吓
當然啦
我哋會喺醫療方面協助佢哋
我哋好欣賞佢哋積極嘅態度
講到呢度 我諗起一對夫婦
我哋陪佢哋去睇病
檢查完之後
醫生就話病情都幾嚴重
當佢哋了解咗個情況
同埋要點醫之後
佢哋第一樣嘢竟然問
「可唔可以盡快完成個療程？」
醫生聽到之後就問「點解呀？」
跟住佢哋解釋原因
係我哋冇諗過㗎
佢哋話
「喺海地嘅弟兄姊妹 我哋嘅朋友
好需要我哋喺佢哋身邊
所以我哋好想盡快完成療程
返去海地 同佢哋一齊傳道」
情況咁艱難
但係佢哋都會諗咗其他人先
見到噉 我哋真係好感動呀
佢哋真係好有自我犧牲嘅精神啊
多謝你同我哋分享
你工作嘅時候
成日都可以接觸到海地嘅弟兄姊妹
唔單止係咁 過去呢5個月
你嘅室友都係海地人添 係咪呀？
係呀 真係咁啱得咁蹺
不如我哋同佢傾吓吖
梗係好啦
跟住我哋歡迎
嚟自海地分部嘅弗朗克蘭·艾梅弟兄
歡迎你嚟到《基列有約》呀
多謝你呀
你係咪都係喺真理家庭長大㗎？
係呀 自細媽媽就教我聖經真理
仲一手一腳湊大我
同兩個哥哥兩個家姐
我媽媽係一個好有信心 好勤力嘅人
佢嘅榜樣 對我有好大嘅影響
有時媽媽都唔知道第二日
仲有冇嘢俾我哋五兄弟姊妹食
但係佢都好信賴耶和華
我經常見到佢喺度禱告
將所有憂慮卸俾耶和華
而耶和華一直都有幫佢
媽媽嘅好榜樣幫助我
將耶和華睇得更加真實
亦都對佢更加有信心
你媽媽嘅榜樣真係幫你上咗好寶貴嘅一課
你仲接受過咩培訓呢？
我喺2010年參加過MTS
2010年？
咁咪同蒂托同一年？
係啊 不過我哋喺島嘅唔同地方上堂
仲有啊
我哋係喺同一個禮拜受浸添呀
-同一個禮拜？-係呀 1997年
嘩 好似喺島嘅另一邊
有另一個自己咁喎
係啊 係啊
不過記得喺2010年
海地發生咗場大地震
呢場地震造成好大嘅破壞
仲死咗好多人呀
有冇影響上MTS呀？
有啊 我哋上堂嘅時間都要調整啊
喺朝早我哋就正常上堂
而下晝所有人就去參與救災工作
呢度有張相呀 俾你睇吓吖
咦 佢哋做緊乜嘢呀？
有一日嘅下晝
我同啲同學一齊將啲救災物資
搬上去架貨車度
俾受災嘅弟兄姊妹用
哇！好好喎
上晝你哋喺課室學習耶穌嘅榜樣
下晝就實踐出嚟嘞
係啊
好好呀
畢業之後你去咗邊呀？
我去咗一個小鎮嗰度做特別先驅
我好開心呀
因為見到耶和華賜福俾嗰度嘅傳道工作
亦都可以出一分力
幫嗰度嘅人認識耶和華
反應咁好呀
睇嚟佢哋真係有心靈嘅需要喎
噉嗰度嘅內亂有冇影響傳道工作呀？
弟兄姊妹冇因為內亂而停落嚟
佢哋繼續熱心傳道
因為唔少弟兄姊妹逃難去到其它國家
所以過去呢幾年傳道員人數都下降咗
不過喺傳道方面
我哋仍然有好好嘅成果
雖然自從2021年內亂越嚟越嚴重
但係2024年工作年度嘅聖經課程數目
就比2021年增長咗18%
輔助先驅嘅人數係以前嘅4倍
而受浸嘅人數呢 就係以前嘅2倍
我哋睇出雖然有咁多挑戰
但係耶和華繼續賜福俾我哋
真係太好喇
你話過去呢幾年
海地嘅內亂越嚟越嚴重
弟兄姊姊妹一定好艱難
可唔可以講吓佢哋嘅情況？
由於內亂
好多弟兄姊妹都時不時要走難
有啲走嘅時候
只係得身上著住嘅衫同埋逃生包
佢哋到咗一個地方之後
唔夠幾個星期或者幾個月又要走嘞
不過即使係噉
佢哋仍然有內心嘅安寧 保持喜樂
真係好犀利
就好似喺今年年初
有一個鎮嘅300個弟兄姊妹就要走難
去到附近嘅另一個鎮嗰度
喺嗰一個星期
分部就即刻安排
兩個分部委員會成員去探佢哋
發表演講 鼓勵佢哋
當時安排咗一個特別聚會
不如我俾張相你睇吓吖
哦 係幾時影㗎
呢張相
就係喺嗰次特別聚會影嘅
你可以睇到當時聚會所入面坐滿咗
走難嚟到嘅弟兄姊妹
分部委員會嘅弟兄都好驚訝
佢哋冇諗到
雖然呢啲弟兄姊妹
啱啱被迫離開自己嘅屋企
但係都準備好 著得咁整齊
仲好開心咁崇拜上帝
哇 啱啱先經歷咁多嘢
但係仍然咁重視聚會
佢哋肯定靠住耶和華先咁有力量嘞
呢啲弟兄姊妹真係我哋嘅好榜樣
另一方面
耶和華都通過佢嘅組織
同埋帶頭嘅弟兄幫助我哋
不如我哋而家一齊了解多啲
海地嘅情況
聽吓一位分區監督係點樣講吖
海地位於伊斯帕尼奧拉島西部
喺呢度 弟兄姊妹要面對好多難題
不過佢哋仍然好有勇氣、好謙卑
亦都對耶和華充滿信心
佢哋嘅態度好值得我哋學習
我記得嗰陣時 啱啱過咗疫情
我哋舉行返實體嘅分區大會
邀請弟兄姊妹親身出席
但係有啲弟兄姊妹住嘅地方
經常都有暴動
所以佢哋要出門
參加大會係一個挑戰嚟㗎
真係要好大勇氣
但係當我哋一去到大會會場
我哋就見到好多弟兄姊妹喺晒度
個個都開心到不得了
一見到朋友就攬實對方
我見到啲姊妹攬完之後
仲分享一啲好好嘅經歷
我哋已經好耐冇試過咁樣聚埋一齊喇
嗰日真係好難忘
大家都受到鼓勵啊
另外 大會節目幫我哋做好準備
令我哋有足夠嘅力量
去面對之後嘅難關
就喺嗰次大會之後
因為海地不斷有內亂
所以我哋足足有兩年都冇辦法
喺大會堂舉行實體嘅分區大會
我好開心見到喺呢段時間
弟兄姊妹對耶和華好有信心
繼續同佢有好好嘅關係
啲長老亦都好謙卑
好快就跟住組織俾嘅指引去做
特別係當有暴力事件發生
一收到指引
佢哋就會盡最大嘅努力
第一時間跟住去做
關心嗰啲受影響嘅弟兄姊妹
我哋睇到弟兄姊妹好有愛心
即使情況幾咁艱難
佢哋嗰份愛心都冇減退
繼續互相扶持
佢哋都唔會因為外在嘅環境
而影響同耶和華嘅關係
反而更加緊密
我哋睇到佢哋越嚟越有信心
亦都更加樂意跟組織嘅指引去做
佢哋表現出嘅耐心
真係好值得我哋學習啊
我同我太太都學到要俾耶和華指引我哋
我哋知道 無論喺乜嘢情況
耶和華都絕對唔會揼低我哋
佢一定唔會唔理我哋㗎
所以我哋肯定就算環境變到幾差都好
我哋都可以繼續信賴耶和華
喺伊斯帕尼奧拉島上面嘅耶和華見證人
都顯出極大嘅信心
呢度嘅每一個經歷都令我哋睇出
耶和華同佢嘅子民一齊
而且無論遇到乜嘢難題
我哋都可以忍耐落去
同埋保持熱心
真係好感人呀
我哋睇到海地嘅弟兄姊妹
就算經歷患難嗰陣
都好似歌羅西書1:11講
「懷住……喜樂 事事忍耐」
呢個證明咗耶和華
喺佢哋需要嘅時候
通過神聖力量支持佢哋
好欣賞你哋繼續忍耐
同埋對海地
仲有多米尼加嘅弟兄姊妹表現愛心
多謝你哋呀
聽完今日呢啲經歷
我哋唔單止對呢5位學員認識多咗
仲更加深入噉認識耶和華
我哋睇到耶和華點樣幫佢嘅僕人
克服一啲靠佢哋自己根本克服唔到嘅難題
亦都睇到佢用傳道工作吸引人認識佢
耶和華真係一個有愛心又有耐性
充滿憐憫嘅陶匠
佢塑造我哋
等我哋可以達成佢嘅旨意
雖然我哋每個人都係唔完美嘅陶泥
個個人嘅能力都係有限嘅
但係只要我哋樂意接受塑造
耶和華就會任用我哋成就佢嘅旨意
你呢？
你願唔願意受耶和華塑造？
好期待下一次《基列有約》
再同大家見面
多謝你哋呀
凱理忠弟兄同咁多位受訪嘅學員
我哋都好鍾意你哋分享嘅經歷呀
我哋仲有好豐富嘅節目呀
跟住落嚟我哋會聽到一個精彩嘅演講
呢個演講
會由中央長老團成員喬迪·耶德勒弟兄發表
佢嘅演講題目好簡單
《繼續贏得喜悅》
交俾你喇
各位學員 就嚟畢業喇
我知道你哋一定好感激
有機會嚟到基列 學到咁多嘢
亦都一定好享受
可以喺呢段時間入面全情投入
鑽研聖經
更深入噉認識耶和華
加深對佢嘅愛
從你哋講嘅嘢
就知道你哋好鍾意呢個課程
你哋從伯特利嘅培訓部同基列導師
得到好多指引同支持
你哋亦都好欣賞伯特利提供嘅服務
唔單止係噉
你哋身邊都有好多弟兄姊妹
悉心照顧你哋
點解佢哋幫你同支持你呢？
因為佢哋愛你
佢哋好想你喺呢段時間
全心投入基列課程
盡力學多啲嘢
點解呢？
就係希望
你哋將來能夠加強人嘅信心
發揮穩定嘅作用
而家有超過900萬人開心噉崇拜耶和華
而且不斷有新嘅人加入
撒但見到一定好唔鍾意
但係我哋就好開心
仲想有更加多人加入添！
呢段時間嘅經歷加強咗你哋嘅信心
令到你哋同耶和華嘅關係更加親密
你去到將來嘅崗位
就可以發揮穩定嘅作用
鞏固弟兄姊妹同耶和華嘅關係
即係要點做呢？
就係無論我哋受委派做乜嘢
我哋每日
都要盡力效法我哋嘅爸爸耶和華
其實你哋嚟基列之前
都同其他弟兄姊妹一樣努力噉樣做
不過 你哋畢業之後
就要比以前做得更加好
噉實際上可以點做呢？
而家我哋講吓 喺一啲情況之下
我哋可以點樣幫助同鼓勵弟兄姊妹吖
我哋一齊睇吓箴言13章
留意吓經文第15節嘅上半部分
經文話
「透徹洞悉事理嘅人贏得喜悅」
呢一句說話究竟係咩意思呢？
等我哋分析吓呢段經文吖
一個基督徒當然都好想得到弟兄姊妹嘅認同
不過我哋更加想耶和華認可我哋
同埋得到佢賜嘅福分
耶和華好樂意賜福俾人
只要一有機會
佢就會賜福俾佢嘅學員
唔係
忠心僕人
不過學員都啱嘅
嚟基列之前
你哋都體驗過耶和華賜嘅福分
你哋同上帝嘅關係都好好
佢都好欣賞你哋
而家你哋就快畢業嘞
我哋都好想各位繼續運用洞悉力
能夠贏得上帝嘅喜悅
噉聖經提到嘅洞悉力又係咩意思呢？
一本參考書指出
譯做「透徹噉洞悉事理」呢個詞組
喺原文所指嘅係
「通情達理 有好嘅判斷力
能夠提供好嘅意見」
另一本參考資料就話
佢都指「睇穿事情嘅表面
考慮事情背後嘅原因
有智慧 能夠全面噉了解事情
呢種能力能夠令人做事明智
而獲得成功」
講得好好呀
應該人人都同意
我哋需要有好嘅判斷力
唔係淨係睇表面
呢個道理好多人都同意
亦都唔係咁難明白嘅啫
噉點解我哋仲需要箴言呢個提醒呢？
因為喺現實嘅情況
洞悉事理未必咁易
我哋會遇到唔同嘅人
需要處理嘅事亦都唔同
加上我哋係唔完美嘅
各有各嘅意見
有唔同嘅背景同文化
仲有我哋會同
唔同部門嘅弟兄姊妹一齊做嘢
佢哋重視嘅未必會同我哋一樣
令情況更加差嘅係
你或者對方之前嗰晚瞓得唔好
結果就係
唔容易表現洞悉力
睇吓摩西嘅例子
佢一直都忠心噉崇拜耶和華
以整體嚟講 佢都得到耶和華嘅認可嘅
但係喺米利巴 以色列人嘈住要飲水
摩西處理嘅方式
有冇得到耶和華嘅認可呢？
當時佢受到好大嘅壓力
佢就擊打岩石 之後就有水流出嚟嘞
可惜嘅係 摩西冇洞悉事理
佢冇榮耀耶和華
冇用正確嘅方式回應民眾
佢冇加強到以色列人對上帝嘅信心
呢個記載幫我哋明白
即使我哋喺大部分嘅時間
贏得上帝嘅喜悅
但係如果喺某啲事上處理得唔好
就會得罪耶和華 令佢唔開心
雖然摩西仍然能夠繼續帶領以色列人
但係佢受到管教 冇得入應許之地
因為佢冇洞悉事理
所以我哋學到
喺唔容易嘅情況下
更加需要表現洞悉力
一齊睇吓第一個
可以幫助我哋運用洞悉力嘅步驟吖
詩篇32篇
睇吓第8節
32篇8節
呢個係耶和華講嘅
「我要令你洞悉事理
指教你應該行嘅路
我嘅眼要看顧你
為咗勸告你」
所以第一步
我哋要知道洞悉力係嚟自耶和華嘅
佢會指引我哋
佢通過聖經、神聖力量、佢嘅組織
同埋我哋嘅弟兄姊妹噉做
跟住我哋調整自己嘅諗法
按照耶和華嘅處事方式去做
噉我哋就可以做好嗰件事嘞
我哋要培養耶和華嘅特質
學習佢嘅處事方式
你哋已經做緊㗎喇
而且見到耶和華好欣賞你哋噉做
所以要繼續令佢開心
繼續運用洞悉力
噉就可以穩定會眾
同強化弟兄姊妹嘅信心
等我哋考慮吓以下幾個情況
睇吓要運用洞悉力同得到上帝嘅喜悅
需要點做？
表現咩特質？
我哋都好想幫助弟兄姊妹更加親近耶和華
講吓弟兄先啦
身為長老
你留意到一位姊妹唔係咁經常聚會
可以點幫佢呢？
你同另一位弟兄安排咗牧養探訪
你話俾個姊妹知弟兄姊妹都好掛住佢
都分享咗一啲同聚會有關嘅經文
仲有禱告添
安排呢個探訪係好嘅
你亦都分享咗一啲好嘅資料
但係有冇運用洞悉力呢？
睇落仲可以做好啲嘅
出發點係好好嘅
但係好似仲差噉啲嘢
如果你花啲時間了解吓
就會知道係佢先生反對佢
唔俾佢揸屋企架車去聚會
佢只係需要有人車佢啫
因為佢住得比較遠 冇車根本去唔到
而佢又唔好意思麻煩人
記唔記得乜嘢係洞悉力？
就係需要全面噉了解一件事
先再決定點樣做
呢個姊妹已經知道去聚會係好重要㗎嘞
不過佢更加需要知道嘅係
佢並唔係一個負擔
有需要搵人車佢係冇問題㗎
弟兄姊妹都會好樂意噉做
我哋係同佢分享咗一啲好好嘅聖經觀點
但係就冇真正幫到佢呀
冇加強佢嘅信心
反而仲令佢更加灰心
我哋真係要運用洞悉力
噉點樣做
先至可以了解到事情背後嘅原因呢？
就係聽對方講多啲 關心佢哋
我哋想知道實際嘅情況
就要用多啲時間聽佢哋講
噉樣我哋就係表現洞悉力嘞
而家講吓姊妹喇
係咪只係弟兄需要有洞悉力
可以穩定會眾呢？
唔係㗎 喺穩定會眾方面
姊妹都可以發揮好大嘅作用
喺大部分會眾
超過一半嘅傳道員都係姊妹
佢哋都好需要受到鼓勵
所以有時你哋姊妹做到嘅嘢
甚至比弟兄做到嘅更加多㗎
睇吓提多書2章吖
喺第3節嘅頭半部分
「同樣
年長嘅女子應該有虔誠嘅行為」
各位姊妹都係虔誠、成熟、忠心嘅
你哋都好尊重耶和華同埋佢嘅組織
喺度我要澄清一吓
我唔係話你哋年長
喺咩情況講姊妹嘅年紀都唔係幾好嘅
但係當你去到新嘅崗位、新嘅會眾
可能會遇到一啲比你年輕嘅姊妹
第4節就話我哋有啲乜嘢可以做
「噉樣 佢哋就能夠勸勉年輕嘅女子」
我哋睇到
成熟嘅姊妹可以發揮穩定嘅作用
加強年輕姊妹嘅信心
講一個事例吖
有一個年輕嘅姊妹同父母一齊住
而佢父母並唔係崇拜耶和華嘅
佢好愛耶和華
但係有時佢著嘅衫就可以再端莊啲
配合基督徒嘅身分
記得洞悉力嘅意思包括
可以睇到事情背後嘅原因
有啲姊妹關心佢
先知道原來佢冇乜錢
佢父母唔係見證人
唔會買過啲衫俾佢去聚會同出傳道
所以佢需要嘅唔係勸告
一啲姊妹夾咗啲錢同佢去買衫
我唔係話一齊去買衫就等於有洞悉力
不過喺呢個情況就係嘅
有冇睇到喺兩個例子入面
表面上佢哋需要啲勸告
要去聚會、要留意衣著
但係深入啲睇呢件事
了解背後嘅原因
噉就係運用洞悉力 可以幫到人嘞
講返頭先去唔到聚會嗰個姊妹吖
有好多年時間 弟兄姊妹都一直車佢去
而佢先生後嚟都改變咗
仲對真理感興趣添
而嗰位年輕姊妹呢？
佢成家都成為咗基督徒
我哋學到啲乜嘢呢？
要運用洞悉力
花時間關心弟兄姊妹
我哋努力幫助弟兄姊妹
就可以贏得耶和華嘅喜悅
另一樣可能會阻礙我哋運用洞悉力嘅
就係我哋點樣睇自己嘅工作
有時我哋過度專注喺自己嘅工作
冇留意到原來影響咗其他人
我哋同埋部門入面嘅弟兄姊妹
都想努力完成自己嘅工作
因為同崇拜有關
所以我哋做得好認真
噉係好嘅
但係有時我哋唔好淨係掛住做自己嘅嘢
都要諗吓整體嚟講
耶和華想佢嘅組織成就乜嘢事
講返洞悉力嘅意思吖
佢都包含要諗得通透啲
全面噉了解一件事
噉就可以處事明智 達至成功
要諗得咁通透
對我哋嚟講有時都唔容易㗎
但係聖經話
「俾邊個多啲 就向邊個攞多啲」
淨係做好自己嘅工作
唔等於我哋係成功嘅
當然我哋需要完成自己嘅工作
但係我哋都要幫助其他人、其他嘅部門
完成委派俾佢哋嘅工作
噉先算成功
發揮到穩定嘅作用
所以我哋要諗吓唔同嘅部門點樣彼此影響
運用洞悉力同弟兄姊妹互相合作
先可以做好件事
噉喺同弟兄姊妹一齊做嘢嘅時候
我哋可以留意啲乜嘢呢？
一齊睇吓腓立比書第2章
我哋會睇吓第3同第4節
腓立比書2:3,4
經文話「做乜嘢都唔好爭強好勝
唔好自命不凡
要謙卑 睇其他人比自己優秀
唔好淨係關心自己
亦都要關心其他人」
經文提醒我哋唔好淨係諗自己
亦都要關心其他人
噉乜嘢特質可以幫助我哋做到呢點呢？
就係謙卑
我哋都要重視其他人嘅工作
耶和華教我哋
要將其他人或者其他部門嘅工作
睇得比自己嘅更加重要
如果我哋噉做 其他人都會噉對我哋㗎
我哋試吓噉樣睇吖
我哋做好晒自己嘅工作
但係就影響咗其他部門嘅進度
噉耶和華會唔會鍾意我哋噉樣做呢？
大家都係為上帝工作
我哋阻礙咗其他人
其實係阻礙咗邊個呢？
值得諗吓嘅
摩西係俾到啲水以色列人飲
但係上帝唔鍾意佢嘅做法
我哋學到嘅係
有時我哋覺得自己嘅工作
重要啲、複雜啲、緊急啲
其他人嗰啲呢？就比較簡單
所以我哋有啲乜嘢需要
佢哋應該幫咗我哋先
但係謙卑嘅話就會同其他人合作
互相幫忙 一齊搵方法解決問題
有洞悉力亦都包括有常識
不過好可惜
常識唔係個個人都識嘅
噉我哋都會盡量學嘅
常識教我哋
有好嘅溝通就可以減少不必要嘅誤會
假設你去問人攞個滅火筒
但係你又冇講原因喎
究竟係火燭吖？
定係滅火筒夠期要換呢？
如果係火燭
你話俾對方知
佢就會快啲攞俾你嘞
所以有常識嘅話
我哋就會諗對方需要知道啲乜嘢
噉先係好嘅溝通
亦都係運用緊洞悉力
我哋保持謙卑
睇其他人比自己優秀
重視其他人嘅工作
而且花時間關心佢哋
大家就會更加容易互相合作
有更加好嘅成果
我哋唔想自己做晒決定
要其他人跟住去做
反而一齊商量點樣做
噉先可以促進團結
團結可以發揮穩定嘅作用
耶和華好想佢嘅子民團結
詩篇133:1話
「弟兄團結同住 幾咁美善同可喜」
另外 面對改變嘅時候
我哋都要發揮穩定作用
呢啲改變可能包括
要搬去第二個地方 轉變崗位
適應新嘅工作流程、新嘅技術等等
而改變令我哋緊張同焦慮係好正常嘅
在座各位都可能適應緊一啲新嘅改變
當遇到改變嘅時候
我哋可以點樣發揮穩定嘅作用呢？
我哋先講吓弟兄可以點做吖
有時你可能要作一個決定
係會為其他人帶嚟一啲轉變嘅
我哋作決定之前需要認真考慮
噉樣做先能夠贏得耶和華嘅喜悅
你有洞悉力先可以發揮穩定嘅作用
幫人適應改變
關於呢點 一齊睇吓以賽亞書第60章
以賽亞書60章 睇吓第17節
經文就話「我要以金代銅 以銀代鐵
以銅代木 以鐵代石」
然後經文話「我要派和睦做你哋嘅監督
派正義做你哋嘅監工」
耶和華喺呢段經文話
佢會作出一啲改變
呢啲改變喺今日都發生緊
好似每個星期都有一啲新嘅轉變
耶和華帶嚟嘅轉變都係好嘅
就好似銅係好優質嘅金屬
但係金就更加好嘞
我哋都好想耶和華成就佢嘅旨意
但係有時呢啲改變
可能令我哋有啲焦慮
不過我哋可以應付到嘅
諗吓將來可能會遇到咩改變？
如果有部更加先進嘅印刷機
唔需要咁多人手
噉肯定有啲人嘅崗位要改變
你要點做呢？
留意經文點樣提到監督
耶和華會委任
「和睦」同「正義」做你哋嘅監督
噉即係話
你哋要點樣幫弟兄姊妹適應改變呢？
經文提到「正義」
噉耶和華認為
點樣看待佢嘅僕人先係正義呢？
一齊睇吓希伯來書6:10
希伯來書6:10
「上帝並唔係唔正義
佢唔會唔記得你哋做過嘅工作
同埋你哋為佢嘅名顯出嘅愛心
就係你哋以前為聖民服務
而家仲繼續為佢哋服務」
上帝一定會記得每個人為佢做嘅嘢
作為監督
有時我哋可能需要調整其他人嘅崗位
千祈唔好令人覺得
崗位改變
佢哋以前做嘅嘢就冇人會記得㗎勒
無論要作咩改變 點樣以金代銅都好
我哋要記得同我哋一齊服務嘅人
同埋佢哋做過嘅嘢
如果唔係 就係唔正義嘞
所以無論作咩決定 都要體恤其他人
唔好淨係睇住自己嘅工作
忽略咗人嘅感受
為咗發揮穩定嘅作用
作為監督就要認識一齊工作嘅弟兄姊妹
你願唔願意行出辦公室
同佢哋傾吓偈呢？
問吓佢哋有冇咩難題
聽吓佢哋睇法同意見
關心吓佢哋嘅屋企人吖
有啲人鍾意某個改變
有啲人就唔鍾意
你知唔知道邊個鍾意 邊個唔鍾意呢？
又可以點樣幫佢哋？
當然有啲時候改變係必然嘅
因為耶和華講過會有調整
但係佢唔會唔記得
佢僕人做嘅嘢同埋顯出嘅愛心
所以我哋都要記得弟兄姊妹做過嘅嘢
我哋要幫弟兄姊妹適應改變
噉我哋就可以贏得耶和華嘅喜悅
有改變嘅時候
姊妹都可以發揮穩定嘅作用㗎
你可能都會受到影響嘅
但係你積極支持嘅話
就會令其他人更加容易接受改變
另外 如果你知道會有啲咩調整
亦都知道個目的
有建議嘅話都可以提出
幫弟兄做得更加好
啱啱我哋講咗洞悉力
可以點樣幫我哋發揮穩定嘅作用
令我哋贏得耶和華嘅喜悅
要關心人 留心聽
要謙卑 睇其他人嘅工作比自己嘅重要
噉樣做 我哋就可以營造一個
團結和睦嘅工作氣氛
另外 亦都要幫助弟兄姊妹適應改變
我哋有洞悉力
就可以好好噉為耶和華服務
我哋希望你哋都能夠
做好委派俾你哋嘅工作
喺最後嘅日子
耶和華成就咗好多大事
我哋好榮幸可以喺崇拜方面嘅樂園
為偉大嘅上帝服務
我哋希望每一個人都留喺呢個樂園入面
亦都想邀請更加多人加入
親愛嘅第158屆學員
你哋喺基列學校接受咗好多培訓
無論將來崗位係乜嘢
要將學到嘅運用出嚟
支持同埋照顧弟兄姊妹
我哋好愛你哋
亦都相信你哋會繼續運用洞悉力
繼續贏得耶和華嘅喜悅
而家到咗我哋畢業典禮
好期待嘅環節嘞
你哋應該都見到
我哋枱面上面嘅信封嘞
呢啲當然唔係普通嘅信封啦
入面裝住嘅嘢好緊要㗎
係我哋學員嘅畢業證書
佢哋收到之後
我哋就唔再叫佢哋做學員
佢哋係畢業生
係第158屆基列學校嘅畢業生
而家有請咁多位學員上嚟接受證書
請戴維·謝弗弟兄讀出學員嘅名
同埋會去嘅分部
阿布雷烏弟兄會
返去多米尼加共和國分部
艾梅弟兄會返去海地分部
阿拉托雷弟兄會被派去美國分部
阿倫西維亞弟兄同佢嘅太太
會返去美國分部
阿魯拉帕弟兄會被派去斯里蘭卡分部
巴雷特弟兄同佢嘅太太
會返去西太平洋區分部
本達維察弟兄會返去克羅地亞分部
卡里略弟兄同佢嘅太太
會返去祕魯分部
康奈爾弟兄同佢嘅太太
會返去剛果（金沙薩）分部
達爾曼弟兄會返去中歐分部
弗朗索瓦弟兄會被派去莫桑比克分部
戈洛布弟兄會返去波蘭分部
格拉特里克斯弟兄同佢嘅太太
會被派去日本分部
哈達德弟兄同佢嘅太太
會返去巴拉圭分部
伊瓦戈弟兄同佢嘅太太
會返去巴布亞新幾內亞分部
卡特桑托尼斯弟兄會返去希臘分部
科赫弟兄同佢嘅太太會返去智利分部
馬圖施弟兄會返去中歐分部
莫莫弟兄同佢嘅太太
會返去喀麥隆分部
穆索納弟兄會返去津巴布韋分部
穆塔梅弟兄會返去東非分部
恩達伊薩巴弟兄會返去盧旺達分部
恩杰瓦弟兄會返去馬拉維分部
奧爾特加弟兄會返去西班牙分部
柏夫洛夫弟兄同佢嘅太太
會返去保加利亞分部
佩納多弟兄同佢嘅太太會返去委內瑞拉分部
皮亞洛維奇弟兄同佢嘅太太
會返去克羅地亞分部
雷蒙德弟兄同佢嘅太太
會返去千里達及多巴哥分部
希林內爾姊妹會返去土耳其分部
塞凱伊弟兄會返去匈牙利分部
烏里亞特弟兄同佢嘅太太
會返去緬甸分部
范德費恩弟兄會被派去剛果(金沙薩)分部
瓦伊奇戈姊妹會返去東非分部
約夸弟兄同佢嘅太太
會返去利比里亞分部
頒完嘞 真係好開心呀可
我就齋握手啫
仲記得
上一次我有榮幸做基列畢業典禮嘅主席
係喺五年前
嗰陣係第148屆
同埋啱啱係疫情期間
如果你仲記得當時唔可以握手
我哋想打招呼淨係可以撞吓手踭咋
今日就好開心可以同佢哋逐個握手
恭喜佢哋達到人生嘅一個重要里程碑
不如等所有畢業生一齊同大家見吓面吖
今日見到你哋畢業嘞
大家都好戥你哋開心呀
相信你哋會喺新崗位做得好好
跟住落嚟有請塞立·皮亞洛維奇弟兄
我希望我讀得啱啦
你明點解我頭先搵謝弗弟兄
讀嗰啲名喇
塞立·皮亞洛維奇弟兄
會讀出畢業生嘅感謝信
有請
親愛嘅中央長老團
我哋好愛你哋 亦都好感激
有機會嚟到基列學校受培訓
你哋嘅愛心同好客
令到我哋每一個都覺得好感動
我哋知道喺度受耶和華教導
一定會有好多收穫
不過正如以弗所書3:20所講
「上帝成就嘅事
遠遠超過我哋所求所想嘅一切」
當我哋深入鑽研聖經
就更加認識耶和華同耶穌嘅美好品格
佢哋真係好愛人類 好愛我哋每一個
呢一點令我哋好感動
我哋好想效法佢哋
用愛心對待身邊嘅每一位
能夠受耶和華教導
真係一項寶貴嘅禮物
我哋嘅導師
就好似一個好錫我哋嘅爸爸
佢哋用耶和華嘅說話裝備我哋每一位
令到我哋可以勝任將來嘅工作
我哋都好感激中央長老團嘅弟兄
花時間做我哋嘅導師
亦都關心我哋每一個
我哋真係學到好多嘢
好多謝你哋為弟兄姊妹所做嘅一切
我哋都從其他導師身上學到好多
耶和華就好似通過呢啲弟兄
合奏咗一首交響樂噉
我哋會好珍惜喺呢度嘅美好回憶
永遠都唔會忘記
除咗上堂之外
我哋亦都喺美國伯特利家庭成員身上
學到好多
佢哋顯出嘅愛心、慷慨同好客
真係令我哋更加感受到
耶和華各種美好嘅特質
我哋都會效法佢哋嘅榜樣
努力令身邊嘅弟兄姊妹
感受到耶和華嘅愛
我哋真係得到好多寶貴嘅福分
呢個令我哋諗起詩篇116:12嘅一句說話
「耶和華賜咁多好嘅嘢俾我
我攞乜嘢去報答佢呢？」
就好似經文講嘅噉
我哋唔知可以攞啲咩嚟報答耶和華
我哋能夠做嘅 就係效法利百加
隨時做好準備 俾耶和華任用
諗起要離開呢個大家庭
我哋真係好唔捨得呀
不過 我哋已經準備好將呢度學到嘅嘢
應用喺將來嘅工作上
唔會辜負你哋對我哋嘅期望
謹送上我哋嘅愛同問候
你哋嘅弟兄 第158屆基列學員
多謝你哋寫一封咁好嘅信俾我哋
完全感受到你哋對我哋嘅感情呀
你哋話好開心
呢五個月可以同我哋一齊
其實我哋都一樣
由於大家嘅信心
我哋呢段時間真係互相鼓勵嘞
而家想講返開頭嗰節經文
馬太福音5:13
耶穌話「你哋係世界嘅鹽」
我哋都有噉樣同你哋講過
我哋都有講過鹽嘅一啲作用
例如用嚟調味或者可以用嚟消毒殺菌
亦到可以用嚟保存食物
而家我哋好想講吓鹽嘅另一個特徵
就係佢嘅價值嘞
鹽好值錢㗎
《洞悉聖經》噉樣講
「人唔係時時都好容易攞到鹽
仲試過為咗鹽而打仗同埋革命
喺古代中國 鹽嘅價值僅次於黃金
甚至有人為咗鹽將老婆仔女賣做奴婢
現代英文Salary即係「人工」呢個詞
就係嚟自拉丁語Salarium
意思係俾羅馬士兵買鹽嘅報酬」
雖然喺耶穌嘅日子
鹽嘅供應都好穩定
但佢知道以往嘅歷史 好清楚
對以往嘅人嚟講鹽係幾咁有價值
喺嗰陣時人可以喺死海附近嘅山上面
又或者靠蒸發死海嘅水嚟得到鹽
所以當時嘅人都有唔少鹽㗎
不過雖然係噉
耶穌知道以往嘅歷史
好清楚鹽呢樣嘢幾咁有價值
佢亦都知道鹽有好多用途
可以用嚟做好多嘢
無論嗰陣時定係而家都好有價值
耶穌可能仲記得另一樣同鹽有關嘅嘢
就係每個人身體入面都有鹽
平均有半磅即係大約226克
聖經話佢降世為人之前
喺上帝身邊嘅「好工匠」
一定有呢啲知識㗎
呢半磅鹽
對我哋身體嚟講好重要
冇咗我哋就會死
其實身體唔夠鹽都可以好大件事㗎
會點呢？
可以令人想嘔、神智不清、抽筋、癲癇
腦腫脹、昏迷、嚴重嘅仲會死添
耶穌肯定知道
鹽唔係可有可無
而係對我哋身體好重要㗎
因為佢有分創造萬物 包括人類
所以其實耶穌係稱讚緊你哋
同鹽一樣咁寶貴
我哋都係噉睇你哋
各位畢業生 你哋真係好寶貴
我哋好愛你哋
你哋一直以嚟付出咗好多
我哋深信你哋一定會繼續
盡心盡力為耶和華服務
民數記6:24-26嘅經文
就表達咗我哋嘅心聲
「願耶和華賜福俾你 保護你
願耶和華嘅慈顏光照你
施恩俾你
願耶和華恩待你 賜平安俾你」
第158屆基列學校嘅畢業生
我哋衷心祈求耶和華賜福俾你哋每一位
相信呢啲畢業生
一定可以喺佢哋嘅崗位
發揮好大嘅作用
冇幾耐 畢業禮嘅其他演講
就可以喺JW網站同埋JW Library睇到
講拜拜之前
我哋一齊去探吓
津巴布韋嘅弟兄姊妹吖
津巴布韋俾其他國家包圍住
佢有三種好唔同嘅氣候
中部嘅平原氣候好溫和
贊比西河谷就又熱又乾旱
而東部嘅高地就又凍又多雨
津巴布韋嘅官方語言都有好多㗎
有成16種
呢度種好多粟米
當地人會用嚟煮唔同嘅菜式
佢哋會攞嚟烚或者燒
亦都會攞佢嚟做一種發酵嘅飲品
叫做Mahewu
其中一種主糧Sadza就係用白粟米舂成粉
然後用慢火煮成嘅一個好傑嘅糊
食嘅時候會用手連埋啲餸一齊食
佢同好多食物嘅味道都好夾
例如牛腳、牛扒
同埋用花生醬撈埋嘅蔬菜
20世紀早期
好消息已經傳入津巴布韋
有啲喺馬拉維同南非嚟打工嘅人
將聖經書刊帶咗嚟呢度
冇幾耐
就有一啲學習聖經嘅小組成立咗
1924年內森·穆卡隆達弟兄受浸
佢係屬於當地第一批傳道員
過咗冇耐政府就開始反對見證人
因為當局唔鍾意我哋唔同種族嘅人
聚集埋一齊
去到1940年
我哋所有出版物都被禁
弟兄雖然被逮捕同起訴
但係仍然冇放棄信仰
六年之後禁令就撤銷咗嘞
宣揚王國信息嘅工作一直擴展
但係去到1970年代內戰爆發
由於保持中立好多弟兄都要坐監
你而家見到嘅呢本聖經
就係當時喺監獄入面嘅弟兄傳嚟睇嘅
好在跟住嗰幾十年
弟兄姊妹都可以喺個安定嘅環境度
崇拜上帝
而家津巴布韋有五萬個傳道員
佢哋主持超過10萬3000個聖經課程
喺首都哈拉雷
沃特福爾會眾嘅弟兄姊妹熱心傳道
佢哋用緊嘅
係全國第一間落成嘅聚會所
呢群會眾嘅傳道員
主持大約200個聖經課程
佢哋有幾句說話想用紹納語同大家講
意思就係「你哋好嗎？
我哋好愛你哋」
我哋都好愛你哋每一位
呢度係耶和華見證人世界總部嘅JW電視

JW電視：2025年12月——第158屆基列學校畢業典禮
- 

JW電視：2025年12月——第158屆基列學校畢業典禮

歡迎收睇JW電視
2025年9月13號
第158屆基列學校嘅學員
完成咗為期5個月嘅培訓
喺畢業典禮嗰日學員都可能百感交集
終於完成咗個課程
可以鬆一口氣嘞
亦都好開心
因為屋企人同朋友都喺晒度
不過可能  可能都有啲擔心
唔知新崗位會係點
不如睇吓經驗豐富嘅弟兄
有啲咩說話同學員講吖
相信大家亦都可以喺呢啲演講
得到好多益處
早晨  歡迎大家
今日真係好開心見到你哋出席
守望台基列聖經學校
第158屆嘅畢業典禮
大家都好開心  係咪呢？
第158屆基列學校總共有52位學員
各位親愛嘅學員
今日嘅演講題目係
《要繼續做世界嘅鹽》
一齊睇吓馬太福音5:13吖
係耶穌講㗎
喺第13節嘅上半部  耶穌話
「你哋係世界嘅鹽」
耶穌講呢句說話嗰陣
佢係發表緊登山寶訓
在場嘅一大班聽眾
一定從耶穌嘅演講得到好多益處
不過耶穌呢番說話
主要係想同邊啲人講嘅呢？
梗係同佢啲門徒啦
特別係佢嘅12個使徒
之前  耶穌啱啱揀咗佢哋
佢哋好可能就坐喺耶穌側邊
耶穌嘅使徒特別需要受到培訓
做個好榜樣
將來喺會眾入面帶頭
耶穌講你哋係「世界嘅鹽」
指嘅就係佢嘅門徒
特別係佢嘅使徒
當然都係同各位學員有關㗎
我哋跟住落嚟會詳細講吓
請留意喺呢節經文
耶穌用嘅比喻係點嘅呢？
佢唔係話你哋好似鹽  唔係呀
耶穌唔係噉講
佢係話你哋係鹽
佢唔係話門徒同鹽好相似
而係話佢哋直情係鹽
耶穌噉樣講
其實有咩用意呢？
佢想強調嘅係門徒對人發揮嘅作用
就同鹽發揮到嘅作用一樣
噉鹽可以用嚟做咩呢？
耶穌講到呢個比喻嗰陣
可能諗到鹽嘅三種用途
我哋會逐樣講吓
噉你哋就會明白
各位學員都喺三方面同鹽一樣
首先第一方面  我哋一齊睇吓
歌羅西書第4章
耶穌諗到鹽有咩功用呢？
就喺歌羅西書4:6
「你哋講說話應該時時都仁慈體貼
好似用鹽調味
噉樣  你哋就知道應該點樣回應各人」
呢度講咗鹽嘅咩功用呢？
係用嚟調味嘅  提升食物嘅味道
我哋加咗啲鹽落嘢食到
就唔會淡茂茂  啲嘢會好味好多
係咪呢？
各位學員你哋都同鹽一樣㗎
你哋講嘅嘢  做嘅嘢
尤其係經過基列嘅培訓之後
就會更加仁慈體貼
就好似加咗鹽嘅食物噉
更加吸引人  更加令人開心
令到你派去嘅會眾
同埋伯特利家庭嘅弟兄姊妹得益
你哋嘅說話唔會用胡椒嚟調味㗎
因為經文冇叫你糝啲胡椒粉吖嘛
都無話用黑椒、辣椒、指天椒
整到佢有咁辣得咁辣
而係用鹽  唔係掯嘅
而係好好味
我哋講說話應該都係噉呀
無論你係講演講
定係喺會眾發表評論
抑或你同人傾偈
你哋嘅說話都要仁慈體貼
令到會眾入面
同埋伯特利嘅弟兄姊妹容易受落
鹽嘅第二個功效係咩呢？
以西結書16:4
我哋唔會讀個經文出嚟
經文提到
喺聖經時代一個慣常做法
就係會用鹽去擦初生BB嘅身體
有冇諗過嗰時啲人
會用鹽去捽bb個身呢？
點解佢哋要噉做呢？
其中一個原因係鹽可以殺菌消毒
就算係今日啲人有喉嚨痛
都會用啲鹽水嚟啷口
想用嚟消炎同埋殺菌
好多人洗菜嗰陣都會加啲鹽落去
浸吓啲菜先至洗
目的就係想殺菌
鹽可以殺滅病菌
或者抑制佢哋嘅生長
各位學員
睇怕你哋都冇諗過自己係消毒藥水
又或者殺菌劑  係咪呀
不過比喻嚟講你哋係喎
你哋真係喎
想像吓呢個情況吖
喺你嘅會眾或者伯特利家庭
你聽到有人開始講其他人嘅閒話
呢啲就係病菌嚟喎
噉你咪去殺菌囉
你會轉話題啦
維護嗰個俾人講閒話嘅人
總之就會做啲嘢去殺菌
可能你聽到有人講
「嗰個長老都唔知做咩嘅
講親演講都過晒鐘嘅」
跟住你可能會噉樣講
「係咩？我冇為意喎
不過佢真係一個好好嘅弟兄呀
佢關心人對人好體貼
都好用心幫會眾嘅弟兄姊妹喎
佢做得咁好真係值得我哋欣賞呀」
噉你就殺咗菌喇
你係名副其實嘅殺菌劑
你傳道嗰陣都會噉做㗎
當你聽到有人講三位一體、地獄永火
靈魂不死或者其他錯嘅道理
你都會去殺呢啲菌㗎
跟住講吓第三點嘞
呢個可能係耶穌諗到鹽嘅另一種作用
請打開利未記第2章
利未記第2章
我哋睇吓第13節吖
經文噉樣講
「你獻上嘅所有穀祭都要放鹽
喺你嘅穀祭入面
絕對唔可以少咗你上帝用嚟立約嘅鹽
任何祭物都要加鹽獻上」
摩西法典規定所有放喺祭壇上面
獻俾耶和華嘅祭物
都要加啲鹽落去
噉點樣可以做得到呢？
根據猶太人嘅歷史
佢哋會放一大堆鹽
喺上祭壇嘅斜路下面
喺聖殿嘅範圍
亦都有一間好大嘅儲物室
叫做鹽室
儲存咗好大量嘅鹽
確保獻祭嘅時候符合上帝嘅要求
問題係點解耶和華會有噉嘅要求呢？
《守望台》有一篇文章
曾經解釋過呢一點
嗰度話「噉樣做唔係為咗令祭物好味一啲
而好可能係因為鹽象徵冇腐化
或者敗壞嘅情況」
講得好啱呀
呢個就係鹽嘅第三種功效嘞
鹽可以防腐令到食物冇咁快變壞
例如可以用鹽嚟醃製啲肉
啲肉醃好之後唔使擺入雪櫃
放好耐都唔會變壞
因為有鹽喺入面可以防腐
所以擺好長時間都得
同樣比喻嚟講你哋喺新崗位
都可以發揮防腐嘅作用
我哋相信你哋一定能夠噉樣做
舉個例吖
我哋同一個食煙嘅人開始讀聖經嗰陣
佢個肺同心臟都已經傷咗㗎喇
或者個吸毒嘅人大腦功能受損
或者成日飲酒嘅人個肝出咗問題
又或者一個生活放蕩嘅人
佢感染咗各種可怕嘅疾病
不過你教佢聖經
有耶和華嘅幫助
佢停止咗呢啲壞習慣
就好似冇再繼續變壞一樣
你話係咪呢？
好多時  嗰個人唔單止冇再變壞落去
就連佢嘅思想態度都唔同晒
佢嘅身體亦都慢慢健康返
更加好嘅係
你幫佢同耶和華建立親密嘅關係
等佢有機會保全自己嘅生命
直到永遠
喺地區入面你就係防腐劑喇
喺伯特利入面
如果有人唔小心行錯一步
可能損害咗佢同耶和華嘅關係
你作為一個成熟嘅基督徒
你一定會用溫和嘅態度諗辦法糾正佢
好想保全佢可能會失去嘅生命
以上只係幾個例子啫
你可能仲諗到其他方法㗎
喺呢個演講我哋講咗鹽嘅唔同功用
鹽可以用嚟調味  可以殺菌
亦都可以用嚟防腐
耶穌呢個比喻真係有好深嘅含義
如果諗深啲  佢其實讚緊啲門徒
我哋都有一樣嘅感覺呀
各位學員  我哋都好想稱讚你哋
你哋係「世界嘅鹽」
另外我哋再睇返馬太福音第5章
就會見到耶穌除咗稱讚佢哋
其實仲俾咗一個提醒
一齊睇吓馬太福音5:13
今次會睇晒成節經文
耶穌話「你哋係世界嘅鹽
如果鹽冇咗鹹味  仲可以變返鹹咩？
啲鹽冇用嘅話
就唯有揼出去  任人踐踏嘞」
所以鹽真係可以失去作用㗎
如果撈咗其他雜質
雜質越多鹹味就越少
噉慢慢鹽就失去咗佢原本嘅作用嘞
我哋都一樣㗎
要保持比喻意義上嘅鹹味
噉先至係有用嘅鹽呀
你可以點做到呢？
就係將你呢5個月學到嘅所有嘢
盡力應用出嚟
噉你就係有鹹味嘅鹽喇
跟住落嚟係咩環節呢？
過去呢幾年  呢個節目都好受歡迎
大家都好鍾意㗎
冇錯嘞  就係《基列有約》
我哋有請另一位親愛嘅基列導師
凱理忠弟兄
幫我哋主持呢個部分
請大家細心欣賞今集《基列有約》喇
歡迎收睇新一集嘅《基列有約》
喺以賽亞書64:8
耶和華形容自己係「陶匠」
而我哋呢 就係「陶泥」
雖然我哋係唔完美  好似陶泥咁
但係只要我哋願意
耶和華就可以塑造我哋
成為任何佢需要嘅器皿
達成佢嘅旨意
我哋而家會訪問5位
嚟自基列學校第158屆嘅學員
睇嘅時候 請留意
耶和華有啲乜嘢美好嘅特質？
仲有一路以嚟
佢點樣塑造同埋引領佢哋？
首先我哋歡迎
嚟自英國分部嘅馬克同埋梅莉莎
多謝你哋上嚟《基列有約》接受訪問呀
-唔好客氣  -你哋都喺英國分部服務㗎
噉你哋係咪都係英國人呀？
我呢係嚟自英國曼徹斯特附近嘅
我就唔係嘅
我係嚟自美國嘅底特律
你哋中間隔咗個大西洋喎
噉你哋係點識㗎？
喺1998年  我去咗一個國際大會
呢個大會喺梅莉莎住嘅地方附近舉行
我哋就喺嗰度識嘅
過咗大約7年 我哋就結婚啦
哦 咁你哋後生啲嗰陣
同耶和華嘅關係係點㗎？
我父母都好愛我  都盡力教導我嘅
但係嗰陣
我同耶和華嘅關係就麻麻哋啦
我細細個就已經好想做時裝設計師
所以後嚟我就去咗讀大學
讀咗四年  攞咗時裝設計嘅學位
之後順理成章
我就入咗呢一行發展
而亦都因為咁
我冇培養一啲好嘅特質
淨係掛住做嘢  一心想搵多啲錢
同埋我亦都識咗啲唔係咁好嘅朋友
因為噉
我都會去埋啲唔係咁好嘅地方
當然亦都冇崇拜嘅目標啦
嗯  噉馬克你呢？
我都一樣
後生嗰陣都唔係咁好㗎
媽媽教我認識真理嘅
我13歲就受浸嘞
但係之後我就過住雙面人嘅生活
雖然我屋企人為我立下咗好榜樣
身邊亦都有一班好朋友
直到今日都保持忠貞
但係我越大就越壞
當時只有耶和華先知我係點樣嘅人
佢知道我點樣運用時間
亦都知道我唔係好似表面扮到嘅咁好
多謝你哋同我哋分享
我知要講出嚟都唔係咁容易㗎
噉係乜嘢令你哋改變呢？
雖然我爸爸唔係一個耶和華見證人
但係佢就係一個好爸爸 好老公
我都好想好似佢噉
當我哋開始拍拖
我就立下目標要做個好老公
所以即使住喺唔同地方
我哋都會每個星期用電話一齊研讀
呢次係我第一次咁認真做崇拜嘅事
由嗰時開始
我慢慢建立返同耶和華嘅關係
亦都因為噉
我意識到自己一直以嚟做嘅嘢
令耶和華好失望
嗯 我都類似
我哋結咗婚之後  我就開始做先驅
但係對於以前做過嘅事
我開始覺得有啲良心不安
所以我哋決定
一齊同長老傾吓
噉樣做好好啊
因為可以修補返同耶和華嘅關係
深入研讀真係可以幫我哋
鞏固同耶和華嘅關係
有清白嘅良心
噉之後發生咩事呢？
之後我哋就覺得好想為耶和華做多啲
想盡自己嘅能力為佢服務
所以我哋試吓報名讀基列學校
又申請加入LDC、加入分部
雖然我哋咩申請表都交晒
-不過一啲回音都冇  -係呀
後嚟有啲朋友就提議我哋去尼加拉瓜
呢個需要更加多傳道員嘅地區服務
尼加拉瓜嗰度係點㗎？
我有張相呀  俾你睇吓吖
張相喺我哋喺當地傳道嗰陣影嘅
你睇吓  我哋幾開心
嗰度嘅人好友善
我哋有好多聖經課程
真係好掛住喺嗰度服務嘅日子啊
嗰陣我哋去親邊度
通常都係踩單車㗎
哦  係喎
如果你行路經過弟兄姊妹屋企
佢哋一定會請你入去食飯
雖然佢哋擁有嘅嘢唔多
但係就好慷慨
喺佢哋身上  我哋真係學到好多
淨係睇相都感受到你哋有幾開心
完全睇得出你哋兩個好鐘意
喺需要更多傳道員嘅地區服務呀
多謝俾張相我睇
離開咗尼加拉瓜之後
你哋後嚟有機會喺英國嘅伯特利服務
唔知你哋分別喺乜嘢部門幫手呢？
我喺法律部做嘢嘅
主要係幫特別全時服務嘅人申請簽證
我好鍾意呢個工作
因為可以見到耶和華點樣幫我哋
有時申請嘅過程都幾複雜㗎
但係耶和華就會令我哋成功
好好啊  馬克你呢？
我喺公共資訊部  即係PID幫手
其中一個主要嘅工作係
提供有關見證人嘅準確資料
俾傳媒、政府或者學術機構
呢件工作一啲都唔簡單喎
係啊  真係一啲都唔簡單㗎
初頭我真係好驚  好擔心㗎
我記得有一晚
我甚至擔心到完全瞓唔著覺
於是我就行出廳
睇吓出埃及記第3、第4章
因為我諗起耶和華都曾經委派摩西做PID
摩西要去見埃及嘅最高領導人法老
每一次摩西覺得自己做唔嚟嘅時候
耶和華都保證無論摩西需要啲乜嘢幫助
佢都會支持摩西
耶和華都係噉樣幫我哋㗎
每一次我同部門嘅弟兄姊妹覺得
我哋唔夠經驗  唔夠能力嗰陣
耶和華都會幫我哋應付得嚟
呢個加強咗我嘅信心
我哋聽完你哋嘅經歷之後都一樣
你哋由後生到而家真係改變咗好多
我想問吓你哋  喺呢個過程
你哋睇出耶和華係點嘅呢？
我睇到耶和華對我好有耐心
佢知道我鍾意生活有多啲變化
亦都好鍾意學新嘢
佢冇阻止我用自己嘅方式生活
雖然嗰陣時我都覺得幾開心嘅
但係當我跟耶和華教嘅去做
生活就更加精彩
亦都培養到一啲特質
同耶和華嘅關係更加好
耶和華俾機會我學到一啲新嘅技能
同埋做一啲有挑戰性嘅工作
如果我用自己嘅方式生活
就唔會有呢啲機會啦
我真係好多謝耶和華冇放棄我
俾我體驗到
崇拜佢先係最好嘅生活方式
嗯 馬克你呢？
我睇出耶和華好憐憫人
諗返轉頭 當時我好驚
所以唔敢去搵長老 請佢哋幫我
我唔知道耶和華究竟係點樣睇我呢類人
不過有個好朋友俾咗節經文我睇
-我可唔可以同大家分享呢？-梗係好啦
就係以賽亞書28章
我好鍾意24至29節
不過我淨係會讀出24節嘅其中一部分
經文話「唔通農夫會唔撒種
淨係成日犁地咩？」
經文提到一個比喻
一個農夫唔會淨係不停咁犁地
而係會集中喺嗰個結果
即係佢可以享用嘅收成
我嘅經歷都係咁樣㗎
耶和華唔係一味懲罰我、管教我
而係集中喺點樣幫我修補同佢嘅關係
令我可以開心噉為佢服務
我哋都好多謝佢俾我哋感受到
全程投入為佢服務係幾咁好
你嘅經歷證明經文講得一啲都冇錯
聽到馬克噉講 令我諗起
喺上堂嘅時候
我哋討論過一節經文
就係喺希伯來書9:14
經文提到我哋要有清白嘅良心
先可以敬奉耶和華上帝
我哋真係親身體驗到呢一點啊
冇錯啊
就算我哋以前做錯嘢
都要集中喺點樣為耶和華服務
而唔係一味好內疚
你哋真係做得好好
我哋睇出耶和華一直幫助你哋
多謝你哋接受訪問
跟住落嚟
我哋好想訪問嚟自東非分部嘅
萬吉庫·瓦伊奇戈姊妹
我知道你係嚟自肯尼亞嘅
好似我見大家都叫你希科喎 係咪呀？
係呀 叫我做希科啦
係囉 希科易嗌啲呀
不如你自我介紹一吓吖
我媽咪認識真理先嘅
所以我自細就學聖經喇
我爸爸唔係見證人
佢好想我哋專注喺學業上面
而我都對法律好有興趣
-法律？-係呀 -真嘅？
我好想幫嗰啲弱勢社群爭取公義
所以我同自己講我要做一個律師
讀法律要用好多時間
好多精神㗎喎
噉有冇影響你同耶和華嘅關係啊？
有啊 因為嗰陣我好俾心機讀書
我好想有好嘅成績
為將來嘅工作鋪路
所以我都唔係好投入崇拜嘅活動
噉有咩改變咗你呢？
畢咗業之後我自己搬咗出去住
咁啱就住正喺個聚會所隔離
記得有一日 我返工好忙好攰
我收工之後行緊返屋企嗰陣
見到有一班弟兄姊妹
好開心咁行緊去聚會所
我就諗
「我唔係應該好似佢哋噉
開開心心噉去參加聚會咩？」
跟住嗰個禮拜
我就去咗聚會嘞
睇嚟你嗰次跟風都冇跟錯喎！ 
-係呀 -噉你就參加返聚會嘞
係呀
噉去返聚會 見返啲弟兄姊妹
你有咩感覺呀？
呢個會眾好熱情 好有愛心
啲弟兄姊妹亦都好關心我
令我好有歸屬感
我覺得自己好似返咗屋企一樣
佢哋真係好似救返我噉
好好呀
噉後嚟你係點樣開始參與全時服務嘅呢？
我定咗一個目標
就係想喺一年之內睇晒成本聖經
所以我就跟住個計劃去做嘞
每朝我都會早啲返到公司
喺開工之前睇一段經文
每睇完一部分嘅經文之後
我就會喺《守望台書庫》查吓相關嘅資料
一年之後我都繼續每一日咁樣做
睇嚟你真係好深入咁研讀喎
有好嘅開始啦
仲有乜嘢幫你開始做先驅呢？
嗰時我成日都會同啲先驅出傳道
其中有一個姊妹
我特別同佢熟啲嘅
佢成日都話
我知道你總會有一日報名做先驅㗎
雖然嗰陣時我仲做緊全職
根本就冇可能做到先驅
但係佢就好有信心
-係啊 成日都講 -係啊
最終我都真係報咗名做先驅
亦都參加咗先驅訓練班
-咁好呀 -俾張相你睇吓
哦 你哋攞住先驅訓練班嘅課本喎
咦 呢個係邊個嚟㗎？
佢就係不停鼓勵我做先驅嗰個姊妹
呢次係佢第二次上先驅訓練班
我哋咁啱喺同一班上堂
佢真係成功鼓勵到你喎
係呀 可以上到先驅訓練班
真係福份嚟㗎
-睇嚟你哋仲好好朋友喎 -係呀
噉就好喇
之後你就部分時間喺伯特利幫手
後嚟就轉咗全時服務嘞
噉你喺咩部門度做啊？
我喺法律部度幫手
啱啱你都提到
以前你嘅工作係同法律有關嘅
我好想問吓你
你覺得喺伯特利為耶和華服務
同你喺出邊打工
有啲乜嘢唔同嘅地方呢？
完全冇得比呀
喺出邊做嘢  個個都係為咗錢
想上位  想有更高嘅地位
但係喺伯特利做嘢就係幫緊弟兄姊妹
就算你未見過佢哋  未有機會認識
已經好愛佢哋啦
當你為耶和華服務
你會覺得好開心 好滿足
亦都會更有信心
多謝你嘅分享啊
睇到耶和華點任用你
我哋真係受到鼓勵
亦都好多謝你嘅付出同埋犧牲
仲有馬克同埋梅莉莎
見到你哋一直以嚟樂意受耶和華任用
我哋都受到好大嘅鼓勵
多謝你哋
而家我哋歡迎嚟自多米尼加共和國嘅
蒂托·阿布雷烏弟兄
蒂托 你好呀
你好呀
咦 你係咪自細就認識真理㗎喇？
我媽媽係個見證人
我爸爸就唔係喇
但係佢都好支持我哋㗎
因為佢見到聖經幫咗我哋好多
我媽媽好愛耶和華  亦都好鍾意出傳道
所以我哋都受佢影響
好自然就立下目標做正規先驅
後嚟喺2010年
我參加咗組織事務訓練班
-你參加過MTS㗎？ -係呀
咦 噉之後派咗你去邊度呀？
我去咗島嘅中部做特別先驅
嗰度真係好好㗎
-俾張相你睇吖 -嘩！
呢個係何塞弟兄
我哋就喺森林入面傳道
嗰時佢仲係個未受浸傳道員嚟㗎
不過而家就做咗特別先驅嘞
如果你仔細睇吓
就會見到後面有間屋
嗰時我哋喺嗰度搵緊啲聾人
而住喺呢間屋嘅嗰家人
爸爸媽媽係講克里奧爾語嘅
啲小朋友就主要講西班牙話
但係最細嗰個係聾人
於是我哋就用手語同呢個小朋友溝通
所以向呢家人傳道
我哋要用到三種語言㗎
-哦 你識手語㗎？-係呀
-我家姐係聾人嚟嘅 -哦
所以我哋成家都學咗手語
咁好呀
噉我想問吓
你啱啱去到嗰度嘅時候係點樣傳道嘅呢？
係咪逐家逐戶去搵啲聾人？
當地嘅弟兄會同我哋一齊去搵啲聾人
另外 我哋都會先去三個地方
分別係警署、軍事基地
仲有鎮長辦公室
-一嚟就搵啲官員先？-係呀
後嚟點呀？
佢哋反應都唔錯呀
因為我哋有好行為
所以嗰個鎮嘅人
對耶和華見證人都有好好嘅印象
而且啲官員聽到耶和華見證人
想幫啲聾人都好開心啊
你知唔知啊？
嗰次我哋搵完鎮長之後
仲即刻多咗三個續訪
呢三個聾人都係喺鎮長辦公室做嘢嘅
後嚟佢哋仲讀聖經添
鎮長一次過俾咗三個聖經學生你呀？
-係呀 -嘩 噉佢哋進步成點呀？
好好呀
尤其係一對夫婦
佢哋認識真理之前係同居嘅
由於佢哋好想聽耶和華話 做啱嘅事
佢哋就結咗婚
之後佢哋同耶和華嘅關係越嚟越好
甚至開始幫地區入面嘅聾人認識耶和華
好好嘅經歷呀
睇嚟嗰度嘅手語地區發展得好快
我聽講喺多米尼加  唔單止西班牙語
其他語言嘅地區都發展得唔錯喎
-冇錯啊 -一齊睇吓短片
了解吓當地嘅情況吖
伊斯帕尼奧拉島上面有兩個國家
就係多米尼加共和國同埋海地
呢度嘅弟兄姊妹都對耶和華好有信心
喺多米尼加傳道工作不斷擴展
包括克里奧爾語嘅地區
由於海地有動亂 同埋其他問題
所以好多海地人逃難嚟到呢度
想安頓落嚟
好多海地人都信有上帝
但係就覺得上帝唔關心佢哋
聽佢哋咁講
我哋真係好想幫佢哋啊
我哋會耐心聽佢哋講嘢
理解佢哋嘅感受
然後續訪嘅時候
就話俾佢哋知將來係有希望嘅
俾佢哋睇得出上帝係好關心人
幫佢哋對上帝有返信心
我哋每去到一個門口
啲人都好開心咁歡迎我哋
仲會請我哋入屋坐吓
好多時兩三個鐘都只係探到幾家咋
因為每一家都傾到好耐
佢哋好鍾意同人傾偈㗎
有時只係問一啲好簡單嘅問題
就可以自然咁傾落去
譬如問「你今日幾好嗎？
你啲屋企人點啊？」
跟住就可以繼續傾好耐喇
當你見到啲人學咗聖經之後
開始慢慢進步
嗰種開心同滿足
真係唔知點形容呀
有一次我哋逐家逐戶傳道嘅時候
探到一個女士  佢好傷心
因為啱啱出世嘅BB死咗
當佢聽到佢遇到嘅呢啲事
唔係上帝造成 就覺得好驚訝
後嚟佢話
好多謝耶和華俾機會佢認識真理
等佢唔會繼續傷心落去
人生有返希望
所以佢好想報答耶和華  為佢服務
而家佢已經受咗浸
我哋都好愛佢
由於人生有咗方向
佢比以前笑多咗好多
真係好開心呀
見到學生受浸  喺水裏面上返嚟
嗰一刻我真係好感動
佢哋達到呢個目標
當然全靠耶和華先至得啦
但係有份出一分力幫佢哋
我都覺得好開心啊
我哋會眾雖然得30個傳道員
但係平均就有差唔多70人嚟參加聚會
而每年仲有超過300人參加紀念聚會添
係傳道員人數嘅10倍啊
我睇出耶和華好有耐心
真係仲有好多工作要做啊
喺多米尼加仲有好多類似嘅經歷
有好多人樂意聽好消息
就好似耶穌喺約翰福音4章話
田地已經成熟喇
所以我哋要快啲收割
可以同全球嘅弟兄姊妹
一齊參與呢件工作真係好開心啊
耶和華真係賜福俾多米尼加嘅傳道工作
吸引更加多人認識佢啊
不如講吓
你而家喺伯特利做咩工作吖？
我而家喺衛生保健部服務
我哋負責支援
喺多米尼加服務嘅特別全時僕人
包括特派傳道員、特別先驅同分區監督
不過而家由於海地情況都唔係咁好
面對緊好多難題
所以我哋都會幫手
照顧埋嗰度嘅弟兄姊妹
哦 海地呀？
所以嗰度嘅特別全時僕人
都會去到多米尼加睇醫生呀可？
噉你留意到佢哋有啲乜嘢好嘅特質？
佢哋要留喺嗰度服務真係唔容易㗎
所以佢哋嚟到
我哋都想佢哋唞吓 放鬆吓
當然啦
我哋會喺醫療方面協助佢哋
我哋好欣賞佢哋積極嘅態度
講到呢度 我諗起一對夫婦
我哋陪佢哋去睇病
檢查完之後
醫生就話病情都幾嚴重
當佢哋了解咗個情況
同埋要點醫之後
佢哋第一樣嘢竟然問
「可唔可以盡快完成個療程？」
醫生聽到之後就問「點解呀？」
跟住佢哋解釋原因
係我哋冇諗過㗎
佢哋話
「喺海地嘅弟兄姊妹 我哋嘅朋友
好需要我哋喺佢哋身邊
所以我哋好想盡快完成療程
返去海地 同佢哋一齊傳道」
情況咁艱難
但係佢哋都會諗咗其他人先
見到噉 我哋真係好感動呀
佢哋真係好有自我犧牲嘅精神啊
多謝你同我哋分享
你工作嘅時候
成日都可以接觸到海地嘅弟兄姊妹
唔單止係咁 過去呢5個月
你嘅室友都係海地人添 係咪呀？
係呀 真係咁啱得咁蹺
不如我哋同佢傾吓吖
梗係好啦
跟住我哋歡迎
嚟自海地分部嘅弗朗克蘭·艾梅弟兄
歡迎你嚟到《基列有約》呀
多謝你呀
你係咪都係喺真理家庭長大㗎？
係呀 自細媽媽就教我聖經真理
仲一手一腳湊大我
同兩個哥哥兩個家姐
我媽媽係一個好有信心 好勤力嘅人
佢嘅榜樣 對我有好大嘅影響
有時媽媽都唔知道第二日
仲有冇嘢俾我哋五兄弟姊妹食
但係佢都好信賴耶和華
我經常見到佢喺度禱告
將所有憂慮卸俾耶和華
而耶和華一直都有幫佢
媽媽嘅好榜樣幫助我
將耶和華睇得更加真實
亦都對佢更加有信心
你媽媽嘅榜樣真係幫你上咗好寶貴嘅一課
你仲接受過咩培訓呢？
我喺2010年參加過MTS
2010年？
咁咪同蒂托同一年？
係啊 不過我哋喺島嘅唔同地方上堂
仲有啊
我哋係喺同一個禮拜受浸添呀
-同一個禮拜？-係呀 1997年
嘩 好似喺島嘅另一邊
有另一個自己咁喎
係啊 係啊
不過記得喺2010年
海地發生咗場大地震
呢場地震造成好大嘅破壞
仲死咗好多人呀
有冇影響上MTS呀？
有啊 我哋上堂嘅時間都要調整啊
喺朝早我哋就正常上堂
而下晝所有人就去參與救災工作
呢度有張相呀 俾你睇吓吖
咦 佢哋做緊乜嘢呀？
有一日嘅下晝
我同啲同學一齊將啲救災物資
搬上去架貨車度
俾受災嘅弟兄姊妹用
哇！好好喎
上晝你哋喺課室學習耶穌嘅榜樣
下晝就實踐出嚟嘞
係啊
好好呀
畢業之後你去咗邊呀？
我去咗一個小鎮嗰度做特別先驅
我好開心呀
因為見到耶和華賜福俾嗰度嘅傳道工作
亦都可以出一分力
幫嗰度嘅人認識耶和華
反應咁好呀
睇嚟佢哋真係有心靈嘅需要喎
噉嗰度嘅內亂有冇影響傳道工作呀？
弟兄姊妹冇因為內亂而停落嚟
佢哋繼續熱心傳道
因為唔少弟兄姊妹逃難去到其它國家
所以過去呢幾年傳道員人數都下降咗
不過喺傳道方面
我哋仍然有好好嘅成果
雖然自從2021年內亂越嚟越嚴重
但係2024年工作年度嘅聖經課程數目
就比2021年增長咗18%
輔助先驅嘅人數係以前嘅4倍
而受浸嘅人數呢 就係以前嘅2倍
我哋睇出雖然有咁多挑戰
但係耶和華繼續賜福俾我哋
真係太好喇
你話過去呢幾年
海地嘅內亂越嚟越嚴重
弟兄姊姊妹一定好艱難
可唔可以講吓佢哋嘅情況？
由於內亂
好多弟兄姊妹都時不時要走難
有啲走嘅時候
只係得身上著住嘅衫同埋逃生包
佢哋到咗一個地方之後
唔夠幾個星期或者幾個月又要走嘞
不過即使係噉
佢哋仍然有內心嘅安寧 保持喜樂
真係好犀利
就好似喺今年年初
有一個鎮嘅300個弟兄姊妹就要走難
去到附近嘅另一個鎮嗰度
喺嗰一個星期
分部就即刻安排
兩個分部委員會成員去探佢哋
發表演講 鼓勵佢哋
當時安排咗一個特別聚會
不如我俾張相你睇吓吖
哦 係幾時影㗎
呢張相
就係喺嗰次特別聚會影嘅
你可以睇到當時聚會所入面坐滿咗
走難嚟到嘅弟兄姊妹
分部委員會嘅弟兄都好驚訝
佢哋冇諗到
雖然呢啲弟兄姊妹
啱啱被迫離開自己嘅屋企
但係都準備好 著得咁整齊
仲好開心咁崇拜上帝
哇 啱啱先經歷咁多嘢
但係仍然咁重視聚會
佢哋肯定靠住耶和華先咁有力量嘞
呢啲弟兄姊妹真係我哋嘅好榜樣
另一方面
耶和華都通過佢嘅組織
同埋帶頭嘅弟兄幫助我哋
不如我哋而家一齊了解多啲
海地嘅情況
聽吓一位分區監督係點樣講吖
海地位於伊斯帕尼奧拉島西部
喺呢度  弟兄姊妹要面對好多難題
不過佢哋仍然好有勇氣、好謙卑
亦都對耶和華充滿信心
佢哋嘅態度好值得我哋學習
我記得嗰陣時 啱啱過咗疫情
我哋舉行返實體嘅分區大會
邀請弟兄姊妹親身出席
但係有啲弟兄姊妹住嘅地方
經常都有暴動
所以佢哋要出門
參加大會係一個挑戰嚟㗎
真係要好大勇氣
但係當我哋一去到大會會場
我哋就見到好多弟兄姊妹喺晒度
個個都開心到不得了
一見到朋友就攬實對方
我見到啲姊妹攬完之後
仲分享一啲好好嘅經歷
我哋已經好耐冇試過咁樣聚埋一齊喇
嗰日真係好難忘
大家都受到鼓勵啊
另外 大會節目幫我哋做好準備
令我哋有足夠嘅力量
去面對之後嘅難關
就喺嗰次大會之後
因為海地不斷有內亂
所以我哋足足有兩年都冇辦法
喺大會堂舉行實體嘅分區大會
我好開心見到喺呢段時間
弟兄姊妹對耶和華好有信心
繼續同佢有好好嘅關係
啲長老亦都好謙卑
好快就跟住組織俾嘅指引去做
特別係當有暴力事件發生
一收到指引
佢哋就會盡最大嘅努力
第一時間跟住去做
關心嗰啲受影響嘅弟兄姊妹
我哋睇到弟兄姊妹好有愛心
即使情況幾咁艱難
佢哋嗰份愛心都冇減退
繼續互相扶持
佢哋都唔會因為外在嘅環境
而影響同耶和華嘅關係
反而更加緊密
我哋睇到佢哋越嚟越有信心
亦都更加樂意跟組織嘅指引去做
佢哋表現出嘅耐心
真係好值得我哋學習啊
我同我太太都學到要俾耶和華指引我哋
我哋知道 無論喺乜嘢情況
耶和華都絕對唔會揼低我哋
佢一定唔會唔理我哋㗎
所以我哋肯定就算環境變到幾差都好
我哋都可以繼續信賴耶和華
喺伊斯帕尼奧拉島上面嘅耶和華見證人
都顯出極大嘅信心
呢度嘅每一個經歷都令我哋睇出
耶和華同佢嘅子民一齊
而且無論遇到乜嘢難題
我哋都可以忍耐落去
同埋保持熱心
真係好感人呀
我哋睇到海地嘅弟兄姊妹
就算經歷患難嗰陣
都好似歌羅西書1:11講
「懷住……喜樂 事事忍耐」
呢個證明咗耶和華
喺佢哋需要嘅時候
通過神聖力量支持佢哋
好欣賞你哋繼續忍耐
同埋對海地
仲有多米尼加嘅弟兄姊妹表現愛心
多謝你哋呀
聽完今日呢啲經歷
我哋唔單止對呢5位學員認識多咗
仲更加深入噉認識耶和華
我哋睇到耶和華點樣幫佢嘅僕人
克服一啲靠佢哋自己根本克服唔到嘅難題
亦都睇到佢用傳道工作吸引人認識佢
耶和華真係一個有愛心又有耐性
充滿憐憫嘅陶匠
佢塑造我哋
等我哋可以達成佢嘅旨意
雖然我哋每個人都係唔完美嘅陶泥
個個人嘅能力都係有限嘅
但係只要我哋樂意接受塑造
耶和華就會任用我哋成就佢嘅旨意
你呢？
你願唔願意受耶和華塑造？
好期待下一次《基列有約》
再同大家見面
多謝你哋呀
凱理忠弟兄同咁多位受訪嘅學員
我哋都好鍾意你哋分享嘅經歷呀
我哋仲有好豐富嘅節目呀
跟住落嚟我哋會聽到一個精彩嘅演講
呢個演講
會由中央長老團成員喬迪·耶德勒弟兄發表
佢嘅演講題目好簡單
《繼續贏得喜悅》
交俾你喇
各位學員  就嚟畢業喇
我知道你哋一定好感激
有機會嚟到基列  學到咁多嘢
亦都一定好享受
可以喺呢段時間入面全情投入
鑽研聖經
更深入噉認識耶和華
加深對佢嘅愛
從你哋講嘅嘢
就知道你哋好鍾意呢個課程
你哋從伯特利嘅培訓部同基列導師
得到好多指引同支持
你哋亦都好欣賞伯特利提供嘅服務
唔單止係噉
你哋身邊都有好多弟兄姊妹
悉心照顧你哋
點解佢哋幫你同支持你呢？
因為佢哋愛你
佢哋好想你喺呢段時間
全心投入基列課程
盡力學多啲嘢
點解呢？
就係希望
你哋將來能夠加強人嘅信心
發揮穩定嘅作用
而家有超過900萬人開心噉崇拜耶和華
而且不斷有新嘅人加入
撒但見到一定好唔鍾意
但係我哋就好開心
仲想有更加多人加入添！
呢段時間嘅經歷加強咗你哋嘅信心
令到你哋同耶和華嘅關係更加親密
你去到將來嘅崗位
就可以發揮穩定嘅作用
鞏固弟兄姊妹同耶和華嘅關係
即係要點做呢？
就係無論我哋受委派做乜嘢
我哋每日
都要盡力效法我哋嘅爸爸耶和華
其實你哋嚟基列之前
都同其他弟兄姊妹一樣努力噉樣做
不過  你哋畢業之後
就要比以前做得更加好
噉實際上可以點做呢？
而家我哋講吓  喺一啲情況之下
我哋可以點樣幫助同鼓勵弟兄姊妹吖
我哋一齊睇吓箴言13章
留意吓經文第15節嘅上半部分
經文話
「透徹洞悉事理嘅人贏得喜悅」
呢一句說話究竟係咩意思呢？
等我哋分析吓呢段經文吖
一個基督徒當然都好想得到弟兄姊妹嘅認同
不過我哋更加想耶和華認可我哋
同埋得到佢賜嘅福分
耶和華好樂意賜福俾人
只要一有機會
佢就會賜福俾佢嘅學員
唔係
忠心僕人
不過學員都啱嘅
嚟基列之前
你哋都體驗過耶和華賜嘅福分
你哋同上帝嘅關係都好好
佢都好欣賞你哋
而家你哋就快畢業嘞
我哋都好想各位繼續運用洞悉力
能夠贏得上帝嘅喜悅
噉聖經提到嘅洞悉力又係咩意思呢？
一本參考書指出
譯做「透徹噉洞悉事理」呢個詞組
喺原文所指嘅係
「通情達理  有好嘅判斷力
能夠提供好嘅意見」
另一本參考資料就話
佢都指「睇穿事情嘅表面
考慮事情背後嘅原因
有智慧  能夠全面噉了解事情
呢種能力能夠令人做事明智
而獲得成功」
講得好好呀
應該人人都同意
我哋需要有好嘅判斷力
唔係淨係睇表面
呢個道理好多人都同意
亦都唔係咁難明白嘅啫
噉點解我哋仲需要箴言呢個提醒呢？
因為喺現實嘅情況
洞悉事理未必咁易
我哋會遇到唔同嘅人
需要處理嘅事亦都唔同
加上我哋係唔完美嘅
各有各嘅意見
有唔同嘅背景同文化
仲有我哋會同
唔同部門嘅弟兄姊妹一齊做嘢
佢哋重視嘅未必會同我哋一樣
令情況更加差嘅係
你或者對方之前嗰晚瞓得唔好
結果就係
唔容易表現洞悉力
睇吓摩西嘅例子
佢一直都忠心噉崇拜耶和華
以整體嚟講  佢都得到耶和華嘅認可嘅
但係喺米利巴  以色列人嘈住要飲水
摩西處理嘅方式
有冇得到耶和華嘅認可呢？
當時佢受到好大嘅壓力
佢就擊打岩石  之後就有水流出嚟嘞
可惜嘅係  摩西冇洞悉事理
佢冇榮耀耶和華
冇用正確嘅方式回應民眾
佢冇加強到以色列人對上帝嘅信心
呢個記載幫我哋明白
即使我哋喺大部分嘅時間
贏得上帝嘅喜悅
但係如果喺某啲事上處理得唔好
就會得罪耶和華  令佢唔開心
雖然摩西仍然能夠繼續帶領以色列人
但係佢受到管教  冇得入應許之地
因為佢冇洞悉事理
所以我哋學到
喺唔容易嘅情況下
更加需要表現洞悉力
一齊睇吓第一個
可以幫助我哋運用洞悉力嘅步驟吖
詩篇32篇
睇吓第8節
32篇8節
呢個係耶和華講嘅
「我要令你洞悉事理
指教你應該行嘅路
我嘅眼要看顧你
為咗勸告你」
所以第一步
我哋要知道洞悉力係嚟自耶和華嘅
佢會指引我哋
佢通過聖經、神聖力量、佢嘅組織
同埋我哋嘅弟兄姊妹噉做
跟住我哋調整自己嘅諗法
按照耶和華嘅處事方式去做
噉我哋就可以做好嗰件事嘞
我哋要培養耶和華嘅特質
學習佢嘅處事方式
你哋已經做緊㗎喇
而且見到耶和華好欣賞你哋噉做
所以要繼續令佢開心
繼續運用洞悉力
噉就可以穩定會眾
同強化弟兄姊妹嘅信心
等我哋考慮吓以下幾個情況
睇吓要運用洞悉力同得到上帝嘅喜悅
需要點做？
表現咩特質？
我哋都好想幫助弟兄姊妹更加親近耶和華
講吓弟兄先啦
身為長老
你留意到一位姊妹唔係咁經常聚會
可以點幫佢呢？
你同另一位弟兄安排咗牧養探訪
你話俾個姊妹知弟兄姊妹都好掛住佢
都分享咗一啲同聚會有關嘅經文
仲有禱告添
安排呢個探訪係好嘅
你亦都分享咗一啲好嘅資料
但係有冇運用洞悉力呢？
睇落仲可以做好啲嘅
出發點係好好嘅
但係好似仲差噉啲嘢
如果你花啲時間了解吓
就會知道係佢先生反對佢
唔俾佢揸屋企架車去聚會
佢只係需要有人車佢啫
因為佢住得比較遠  冇車根本去唔到
而佢又唔好意思麻煩人
記唔記得乜嘢係洞悉力？
就係需要全面噉了解一件事
先再決定點樣做
呢個姊妹已經知道去聚會係好重要㗎嘞
不過佢更加需要知道嘅係
佢並唔係一個負擔
有需要搵人車佢係冇問題㗎
弟兄姊妹都會好樂意噉做
我哋係同佢分享咗一啲好好嘅聖經觀點
但係就冇真正幫到佢呀
冇加強佢嘅信心
反而仲令佢更加灰心
我哋真係要運用洞悉力
噉點樣做
先至可以了解到事情背後嘅原因呢？
就係聽對方講多啲  關心佢哋
我哋想知道實際嘅情況
就要用多啲時間聽佢哋講
噉樣我哋就係表現洞悉力嘞
而家講吓姊妹喇
係咪只係弟兄需要有洞悉力
可以穩定會眾呢？
唔係㗎  喺穩定會眾方面
姊妹都可以發揮好大嘅作用
喺大部分會眾
超過一半嘅傳道員都係姊妹
佢哋都好需要受到鼓勵
所以有時你哋姊妹做到嘅嘢
甚至比弟兄做到嘅更加多㗎
睇吓提多書2章吖
喺第3節嘅頭半部分
「同樣
年長嘅女子應該有虔誠嘅行為」
各位姊妹都係虔誠、成熟、忠心嘅
你哋都好尊重耶和華同埋佢嘅組織
喺度我要澄清一吓
我唔係話你哋年長
喺咩情況講姊妹嘅年紀都唔係幾好嘅
但係當你去到新嘅崗位、新嘅會眾
可能會遇到一啲比你年輕嘅姊妹
第4節就話我哋有啲乜嘢可以做
「噉樣  佢哋就能夠勸勉年輕嘅女子」
我哋睇到
成熟嘅姊妹可以發揮穩定嘅作用
加強年輕姊妹嘅信心
講一個事例吖
有一個年輕嘅姊妹同父母一齊住
而佢父母並唔係崇拜耶和華嘅
佢好愛耶和華
但係有時佢著嘅衫就可以再端莊啲
配合基督徒嘅身分
記得洞悉力嘅意思包括
可以睇到事情背後嘅原因
有啲姊妹關心佢
先知道原來佢冇乜錢
佢父母唔係見證人
唔會買過啲衫俾佢去聚會同出傳道
所以佢需要嘅唔係勸告
一啲姊妹夾咗啲錢同佢去買衫
我唔係話一齊去買衫就等於有洞悉力
不過喺呢個情況就係嘅
有冇睇到喺兩個例子入面
表面上佢哋需要啲勸告
要去聚會、要留意衣著
但係深入啲睇呢件事
了解背後嘅原因
噉就係運用洞悉力  可以幫到人嘞
講返頭先去唔到聚會嗰個姊妹吖
有好多年時間  弟兄姊妹都一直車佢去
而佢先生後嚟都改變咗
仲對真理感興趣添
而嗰位年輕姊妹呢？
佢成家都成為咗基督徒
我哋學到啲乜嘢呢？
要運用洞悉力
花時間關心弟兄姊妹
我哋努力幫助弟兄姊妹
就可以贏得耶和華嘅喜悅
另一樣可能會阻礙我哋運用洞悉力嘅
就係我哋點樣睇自己嘅工作
有時我哋過度專注喺自己嘅工作
冇留意到原來影響咗其他人
我哋同埋部門入面嘅弟兄姊妹
都想努力完成自己嘅工作
因為同崇拜有關
所以我哋做得好認真
噉係好嘅
但係有時我哋唔好淨係掛住做自己嘅嘢
都要諗吓整體嚟講
耶和華想佢嘅組織成就乜嘢事
講返洞悉力嘅意思吖
佢都包含要諗得通透啲
全面噉了解一件事
噉就可以處事明智  達至成功
要諗得咁通透
對我哋嚟講有時都唔容易㗎
但係聖經話
「俾邊個多啲  就向邊個攞多啲」
淨係做好自己嘅工作
唔等於我哋係成功嘅
當然我哋需要完成自己嘅工作
但係我哋都要幫助其他人、其他嘅部門
完成委派俾佢哋嘅工作
噉先算成功
發揮到穩定嘅作用
所以我哋要諗吓唔同嘅部門點樣彼此影響
運用洞悉力同弟兄姊妹互相合作
先可以做好件事
噉喺同弟兄姊妹一齊做嘢嘅時候
我哋可以留意啲乜嘢呢？
一齊睇吓腓立比書第2章
我哋會睇吓第3同第4節
腓立比書2:3,4
經文話「做乜嘢都唔好爭強好勝
唔好自命不凡
要謙卑  睇其他人比自己優秀
唔好淨係關心自己
亦都要關心其他人」
經文提醒我哋唔好淨係諗自己
亦都要關心其他人
噉乜嘢特質可以幫助我哋做到呢點呢？
就係謙卑
我哋都要重視其他人嘅工作
耶和華教我哋
要將其他人或者其他部門嘅工作
睇得比自己嘅更加重要
如果我哋噉做  其他人都會噉對我哋㗎
我哋試吓噉樣睇吖
我哋做好晒自己嘅工作
但係就影響咗其他部門嘅進度
噉耶和華會唔會鍾意我哋噉樣做呢？
大家都係為上帝工作
我哋阻礙咗其他人
其實係阻礙咗邊個呢？
值得諗吓嘅
摩西係俾到啲水以色列人飲
但係上帝唔鍾意佢嘅做法
我哋學到嘅係
有時我哋覺得自己嘅工作
重要啲、複雜啲、緊急啲
其他人嗰啲呢？就比較簡單
所以我哋有啲乜嘢需要
佢哋應該幫咗我哋先
但係謙卑嘅話就會同其他人合作
互相幫忙  一齊搵方法解決問題
有洞悉力亦都包括有常識
不過好可惜
常識唔係個個人都識嘅
噉我哋都會盡量學嘅
常識教我哋
有好嘅溝通就可以減少不必要嘅誤會
假設你去問人攞個滅火筒
但係你又冇講原因喎
究竟係火燭吖？
定係滅火筒夠期要換呢？
如果係火燭
你話俾對方知
佢就會快啲攞俾你嘞
所以有常識嘅話
我哋就會諗對方需要知道啲乜嘢
噉先係好嘅溝通
亦都係運用緊洞悉力
我哋保持謙卑
睇其他人比自己優秀
重視其他人嘅工作
而且花時間關心佢哋
大家就會更加容易互相合作
有更加好嘅成果
我哋唔想自己做晒決定
要其他人跟住去做
反而一齊商量點樣做
噉先可以促進團結
團結可以發揮穩定嘅作用
耶和華好想佢嘅子民團結
詩篇133:1話
「弟兄團結同住  幾咁美善同可喜」
另外  面對改變嘅時候
我哋都要發揮穩定作用
呢啲改變可能包括
要搬去第二個地方  轉變崗位
適應新嘅工作流程、新嘅技術等等
而改變令我哋緊張同焦慮係好正常嘅
在座各位都可能適應緊一啲新嘅改變
當遇到改變嘅時候
我哋可以點樣發揮穩定嘅作用呢？
我哋先講吓弟兄可以點做吖
有時你可能要作一個決定
係會為其他人帶嚟一啲轉變嘅
我哋作決定之前需要認真考慮
噉樣做先能夠贏得耶和華嘅喜悅
你有洞悉力先可以發揮穩定嘅作用
幫人適應改變
關於呢點  一齊睇吓以賽亞書第60章
以賽亞書60章  睇吓第17節
經文就話「我要以金代銅  以銀代鐵
以銅代木  以鐵代石」
然後經文話「我要派和睦做你哋嘅監督
派正義做你哋嘅監工」
耶和華喺呢段經文話
佢會作出一啲改變
呢啲改變喺今日都發生緊
好似每個星期都有一啲新嘅轉變
耶和華帶嚟嘅轉變都係好嘅
就好似銅係好優質嘅金屬
但係金就更加好嘞
我哋都好想耶和華成就佢嘅旨意
但係有時呢啲改變
可能令我哋有啲焦慮
不過我哋可以應付到嘅
諗吓將來可能會遇到咩改變？
如果有部更加先進嘅印刷機
唔需要咁多人手
噉肯定有啲人嘅崗位要改變
你要點做呢？
留意經文點樣提到監督
耶和華會委任
「和睦」同「正義」做你哋嘅監督
噉即係話
你哋要點樣幫弟兄姊妹適應改變呢？
經文提到「正義」
噉耶和華認為
點樣看待佢嘅僕人先係正義呢？
一齊睇吓希伯來書6:10
希伯來書6:10
「上帝並唔係唔正義
佢唔會唔記得你哋做過嘅工作
同埋你哋為佢嘅名顯出嘅愛心
就係你哋以前為聖民服務
而家仲繼續為佢哋服務」
上帝一定會記得每個人為佢做嘅嘢
作為監督
有時我哋可能需要調整其他人嘅崗位
千祈唔好令人覺得
崗位改變
佢哋以前做嘅嘢就冇人會記得㗎勒
無論要作咩改變  點樣以金代銅都好
我哋要記得同我哋一齊服務嘅人
同埋佢哋做過嘅嘢
如果唔係  就係唔正義嘞
所以無論作咩決定  都要體恤其他人
唔好淨係睇住自己嘅工作
忽略咗人嘅感受
為咗發揮穩定嘅作用
作為監督就要認識一齊工作嘅弟兄姊妹
你願唔願意行出辦公室
同佢哋傾吓偈呢？
問吓佢哋有冇咩難題
聽吓佢哋睇法同意見
關心吓佢哋嘅屋企人吖
有啲人鍾意某個改變
有啲人就唔鍾意
你知唔知道邊個鍾意  邊個唔鍾意呢？
又可以點樣幫佢哋？
當然有啲時候改變係必然嘅
因為耶和華講過會有調整
但係佢唔會唔記得
佢僕人做嘅嘢同埋顯出嘅愛心
所以我哋都要記得弟兄姊妹做過嘅嘢
我哋要幫弟兄姊妹適應改變
噉我哋就可以贏得耶和華嘅喜悅
有改變嘅時候
姊妹都可以發揮穩定嘅作用㗎
你可能都會受到影響嘅
但係你積極支持嘅話
就會令其他人更加容易接受改變
另外  如果你知道會有啲咩調整
亦都知道個目的
有建議嘅話都可以提出
幫弟兄做得更加好
啱啱我哋講咗洞悉力
可以點樣幫我哋發揮穩定嘅作用
令我哋贏得耶和華嘅喜悅
要關心人  留心聽
要謙卑  睇其他人嘅工作比自己嘅重要
噉樣做  我哋就可以營造一個
團結和睦嘅工作氣氛
另外  亦都要幫助弟兄姊妹適應改變
我哋有洞悉力
就可以好好噉為耶和華服務
我哋希望你哋都能夠
做好委派俾你哋嘅工作
喺最後嘅日子
耶和華成就咗好多大事
我哋好榮幸可以喺崇拜方面嘅樂園
為偉大嘅上帝服務
我哋希望每一個人都留喺呢個樂園入面
亦都想邀請更加多人加入
親愛嘅第158屆學員
你哋喺基列學校接受咗好多培訓
無論將來崗位係乜嘢
要將學到嘅運用出嚟
支持同埋照顧弟兄姊妹
我哋好愛你哋
亦都相信你哋會繼續運用洞悉力
繼續贏得耶和華嘅喜悅
而家到咗我哋畢業典禮
好期待嘅環節嘞
你哋應該都見到
我哋枱面上面嘅信封嘞
呢啲當然唔係普通嘅信封啦
入面裝住嘅嘢好緊要㗎
係我哋學員嘅畢業證書
佢哋收到之後
我哋就唔再叫佢哋做學員
佢哋係畢業生
係第158屆基列學校嘅畢業生
而家有請咁多位學員上嚟接受證書
請戴維·謝弗弟兄讀出學員嘅名
同埋會去嘅分部
阿布雷烏弟兄會
返去多米尼加共和國分部
艾梅弟兄會返去海地分部
阿拉托雷弟兄會被派去美國分部
阿倫西維亞弟兄同佢嘅太太
會返去美國分部
阿魯拉帕弟兄會被派去斯里蘭卡分部
巴雷特弟兄同佢嘅太太
會返去西太平洋區分部
本達維察弟兄會返去克羅地亞分部
卡里略弟兄同佢嘅太太
會返去祕魯分部
康奈爾弟兄同佢嘅太太
會返去剛果（金沙薩）分部
達爾曼弟兄會返去中歐分部
弗朗索瓦弟兄會被派去莫桑比克分部
戈洛布弟兄會返去波蘭分部
格拉特里克斯弟兄同佢嘅太太
會被派去日本分部
哈達德弟兄同佢嘅太太
會返去巴拉圭分部
伊瓦戈弟兄同佢嘅太太
會返去巴布亞新幾內亞分部
卡特桑托尼斯弟兄會返去希臘分部
科赫弟兄同佢嘅太太會返去智利分部
馬圖施弟兄會返去中歐分部
莫莫弟兄同佢嘅太太
會返去喀麥隆分部
穆索納弟兄會返去津巴布韋分部
穆塔梅弟兄會返去東非分部
恩達伊薩巴弟兄會返去盧旺達分部
恩杰瓦弟兄會返去馬拉維分部
奧爾特加弟兄會返去西班牙分部
柏夫洛夫弟兄同佢嘅太太
會返去保加利亞分部
佩納多弟兄同佢嘅太太會返去委內瑞拉分部
皮亞洛維奇弟兄同佢嘅太太
會返去克羅地亞分部
雷蒙德弟兄同佢嘅太太
會返去千里達及多巴哥分部
希林內爾姊妹會返去土耳其分部
塞凱伊弟兄會返去匈牙利分部
烏里亞特弟兄同佢嘅太太
會返去緬甸分部
范德費恩弟兄會被派去剛果(金沙薩)分部
瓦伊奇戈姊妹會返去東非分部
約夸弟兄同佢嘅太太
會返去利比里亞分部
頒完嘞  真係好開心呀可
我就齋握手啫
仲記得
上一次我有榮幸做基列畢業典禮嘅主席
係喺五年前
嗰陣係第148屆
同埋啱啱係疫情期間
如果你仲記得當時唔可以握手
我哋想打招呼淨係可以撞吓手踭咋
今日就好開心可以同佢哋逐個握手
恭喜佢哋達到人生嘅一個重要里程碑
不如等所有畢業生一齊同大家見吓面吖
今日見到你哋畢業嘞
大家都好戥你哋開心呀
相信你哋會喺新崗位做得好好
跟住落嚟有請塞立·皮亞洛維奇弟兄
我希望我讀得啱啦
你明點解我頭先搵謝弗弟兄
讀嗰啲名喇
塞立·皮亞洛維奇弟兄
會讀出畢業生嘅感謝信
有請
親愛嘅中央長老團
我哋好愛你哋  亦都好感激
有機會嚟到基列學校受培訓
你哋嘅愛心同好客
令到我哋每一個都覺得好感動
我哋知道喺度受耶和華教導
一定會有好多收穫
不過正如以弗所書3:20所講
「上帝成就嘅事
遠遠超過我哋所求所想嘅一切」
當我哋深入鑽研聖經
就更加認識耶和華同耶穌嘅美好品格
佢哋真係好愛人類  好愛我哋每一個
呢一點令我哋好感動
我哋好想效法佢哋
用愛心對待身邊嘅每一位
能夠受耶和華教導
真係一項寶貴嘅禮物
我哋嘅導師
就好似一個好錫我哋嘅爸爸
佢哋用耶和華嘅說話裝備我哋每一位
令到我哋可以勝任將來嘅工作
我哋都好感激中央長老團嘅弟兄
花時間做我哋嘅導師
亦都關心我哋每一個
我哋真係學到好多嘢
好多謝你哋為弟兄姊妹所做嘅一切
我哋都從其他導師身上學到好多
耶和華就好似通過呢啲弟兄
合奏咗一首交響樂噉
我哋會好珍惜喺呢度嘅美好回憶
永遠都唔會忘記
除咗上堂之外
我哋亦都喺美國伯特利家庭成員身上
學到好多
佢哋顯出嘅愛心、慷慨同好客
真係令我哋更加感受到
耶和華各種美好嘅特質
我哋都會效法佢哋嘅榜樣
努力令身邊嘅弟兄姊妹
感受到耶和華嘅愛
我哋真係得到好多寶貴嘅福分
呢個令我哋諗起詩篇116:12嘅一句說話
「耶和華賜咁多好嘅嘢俾我
我攞乜嘢去報答佢呢？」
就好似經文講嘅噉
我哋唔知可以攞啲咩嚟報答耶和華
我哋能夠做嘅  就係效法利百加
隨時做好準備  俾耶和華任用
諗起要離開呢個大家庭
我哋真係好唔捨得呀
不過  我哋已經準備好將呢度學到嘅嘢
應用喺將來嘅工作上
唔會辜負你哋對我哋嘅期望
謹送上我哋嘅愛同問候
你哋嘅弟兄  第158屆基列學員
多謝你哋寫一封咁好嘅信俾我哋
完全感受到你哋對我哋嘅感情呀
你哋話好開心
呢五個月可以同我哋一齊
其實我哋都一樣
由於大家嘅信心
我哋呢段時間真係互相鼓勵嘞
而家想講返開頭嗰節經文
馬太福音5:13
耶穌話「你哋係世界嘅鹽」
我哋都有噉樣同你哋講過
我哋都有講過鹽嘅一啲作用
例如用嚟調味或者可以用嚟消毒殺菌
亦到可以用嚟保存食物
而家我哋好想講吓鹽嘅另一個特徵
就係佢嘅價值嘞
鹽好值錢㗎
《洞悉聖經》噉樣講
「人唔係時時都好容易攞到鹽
仲試過為咗鹽而打仗同埋革命
喺古代中國  鹽嘅價值僅次於黃金
甚至有人為咗鹽將老婆仔女賣做奴婢
現代英文Salary即係「人工」呢個詞
就係嚟自拉丁語Salarium
意思係俾羅馬士兵買鹽嘅報酬」
雖然喺耶穌嘅日子
鹽嘅供應都好穩定
但佢知道以往嘅歷史  好清楚  
對以往嘅人嚟講鹽係幾咁有價值
喺嗰陣時人可以喺死海附近嘅山上面
又或者靠蒸發死海嘅水嚟得到鹽
所以當時嘅人都有唔少鹽㗎
不過雖然係噉
耶穌知道以往嘅歷史
好清楚鹽呢樣嘢幾咁有價值
佢亦都知道鹽有好多用途
可以用嚟做好多嘢
無論嗰陣時定係而家都好有價值
耶穌可能仲記得另一樣同鹽有關嘅嘢
就係每個人身體入面都有鹽
平均有半磅即係大約226克
聖經話佢降世為人之前
喺上帝身邊嘅「好工匠」
一定有呢啲知識㗎
呢半磅鹽
對我哋身體嚟講好重要
冇咗我哋就會死
其實身體唔夠鹽都可以好大件事㗎
會點呢？
可以令人想嘔、神智不清、抽筋、癲癇
腦腫脹、昏迷、嚴重嘅仲會死添
耶穌肯定知道
鹽唔係可有可無
而係對我哋身體好重要㗎
因為佢有分創造萬物  包括人類
所以其實耶穌係稱讚緊你哋
同鹽一樣咁寶貴
我哋都係噉睇你哋
各位畢業生  你哋真係好寶貴
我哋好愛你哋
你哋一直以嚟付出咗好多
我哋深信你哋一定會繼續
盡心盡力為耶和華服務
民數記6:24-26嘅經文
就表達咗我哋嘅心聲
「願耶和華賜福俾你  保護你
願耶和華嘅慈顏光照你
施恩俾你
願耶和華恩待你  賜平安俾你」
第158屆基列學校嘅畢業生
我哋衷心祈求耶和華賜福俾你哋每一位
相信呢啲畢業生
一定可以喺佢哋嘅崗位
發揮好大嘅作用
冇幾耐  畢業禮嘅其他演講
就可以喺JW網站同埋JW Library睇到
講拜拜之前
我哋一齊去探吓
津巴布韋嘅弟兄姊妹吖
津巴布韋俾其他國家包圍住
佢有三種好唔同嘅氣候
中部嘅平原氣候好溫和
贊比西河谷就又熱又乾旱
而東部嘅高地就又凍又多雨
津巴布韋嘅官方語言都有好多㗎
有成16種
呢度種好多粟米
當地人會用嚟煮唔同嘅菜式
佢哋會攞嚟烚或者燒
亦都會攞佢嚟做一種發酵嘅飲品
叫做Mahewu
其中一種主糧Sadza就係用白粟米舂成粉
然後用慢火煮成嘅一個好傑嘅糊
食嘅時候會用手連埋啲餸一齊食
佢同好多食物嘅味道都好夾
例如牛腳、牛扒
同埋用花生醬撈埋嘅蔬菜
20世紀早期
好消息已經傳入津巴布韋
有啲喺馬拉維同南非嚟打工嘅人
將聖經書刊帶咗嚟呢度
冇幾耐
就有一啲學習聖經嘅小組成立咗
1924年內森·穆卡隆達弟兄受浸
佢係屬於當地第一批傳道員
過咗冇耐政府就開始反對見證人
因為當局唔鍾意我哋唔同種族嘅人
聚集埋一齊
去到1940年
我哋所有出版物都被禁
弟兄雖然被逮捕同起訴
但係仍然冇放棄信仰
六年之後禁令就撤銷咗嘞
宣揚王國信息嘅工作一直擴展
但係去到1970年代內戰爆發
由於保持中立好多弟兄都要坐監
你而家見到嘅呢本聖經
就係當時喺監獄入面嘅弟兄傳嚟睇嘅
好在跟住嗰幾十年
弟兄姊妹都可以喺個安定嘅環境度
崇拜上帝
而家津巴布韋有五萬個傳道員
佢哋主持超過10萬3000個聖經課程
喺首都哈拉雷
沃特福爾會眾嘅弟兄姊妹熱心傳道
佢哋用緊嘅
係全國第一間落成嘅聚會所
呢群會眾嘅傳道員
主持大約200個聖經課程
佢哋有幾句說話想用紹納語同大家講
意思就係「你哋好嗎？
我哋好愛你哋」
我哋都好愛你哋每一位
呢度係耶和華見證人世界總部嘅JW電視


-