JW subtitle extractor

欢迎收睇JW电视
2025年9月13号
第158届基列学校嘅学员
完成咗为期5个月嘅培训
喺毕业典礼嗰日学员都可能百感交集
终于完成咗个课程
可以松一口气嘞
亦都好开心
因为屋企人同朋友都喺晒度
不过可能 可能都有啲担心
唔知新岗位会系点
不如睇吓经验丰富嘅弟兄
有啲咩说话同学员讲吖
相信大家亦都可以喺呢啲演讲
得到好多益处
早晨 欢迎大家
今日真系好开心见到你哋出席
守望台基列圣经学校
第158届嘅毕业典礼
大家都好开心 系咪呢？
第158届基列学校总共有52位学员
各位亲爱嘅学员
今日嘅演讲题目系
《要继续做世界嘅盐》
一齐睇吓马太福音5:13吖
系耶稣讲㗎
喺第13节嘅上半部 耶稣话
“你哋系世界嘅盐”
耶稣讲呢句说话嗰阵
佢系发表紧登山宝训
在场嘅一大班听众
一定从耶稣嘅演讲得到好多益处
不过耶稣呢番说话
主要系想同边啲人讲嘅呢？
梗系同佢啲门徒啦
特别系佢嘅12个使徒
之前 耶稣啱啱拣咗佢哋
佢哋好可能就坐喺耶稣侧边
耶稣嘅使徒特别需要受到培训
做个好榜样
将来喺会众入面带头
耶稣讲你哋系“世界嘅盐”
指嘅就系佢嘅门徒
特别系佢嘅使徒
当然都系同各位学员有关㗎
我哋跟住落嚟会详细讲吓
请留意喺呢节经文
耶稣用嘅比喻系点嘅呢？
佢唔系话你哋好似盐 唔系呀
耶稣唔系噉讲
佢系话你哋系盐
佢唔系话门徒同盐好相似
而系话佢哋直情系盐
耶稣噉样讲
其实有咩用意呢？
佢想强调嘅系门徒对人发挥嘅作用
就同盐发挥到嘅作用一样
噉盐可以用嚟做咩呢？
耶稣讲到呢个比喻嗰阵
可能谂到盐嘅三种用途
我哋会逐样讲吓
噉你哋就会明白
各位学员都喺三方面同盐一样
首先第一方面 我哋一齐睇吓
歌罗西书第4章
耶稣谂到盐有咩功用呢？
就喺歌罗西书4:6
“你哋讲说话应该时时都仁慈体贴
好似用盐调味
噉样 你哋就知道应该点样回应各人”
呢度讲咗盐嘅咩功用呢？
系用嚟调味嘅 提升食物嘅味道
我哋加咗啲盐落嘢食到
就唔会淡茂茂 啲嘢会好味好多
系咪呢？
各位学员你哋都同盐一样㗎
你哋讲嘅嘢 做嘅嘢
尤其系经过基列嘅培训之后
就会更加仁慈体贴
就好似加咗盐嘅食物噉
更加吸引人 更加令人开心
令到你派去嘅会众
同埋伯特利家庭嘅弟兄姊妹得益
你哋嘅说话唔会用胡椒嚟调味㗎
因为经文冇叫你糁啲胡椒粉吖嘛
都无话用黑椒、辣椒、指天椒
整到佢有咁辣得咁辣
而系用盐 唔系掯嘅
而系好好味
我哋讲说话应该都系噉呀
无论你系讲演讲
定系喺会众发表评论
抑或你同人倾偈
你哋嘅说话都要仁慈体贴
令到会众入面
同埋伯特利嘅弟兄姊妹容易受落
盐嘅第二个功效系咩呢？
以西结书16:4
我哋唔会读个经文出嚟
经文提到
喺圣经时代一个惯常做法
就系会用盐去擦初生BB嘅身体
有冇谂过嗰时啲人
会用盐去捽bb个身呢？
点解佢哋要噉做呢？
其中一个原因系盐可以杀菌消毒
就算系今日啲人有喉咙痛
都会用啲盐水嚟啷口
想用嚟消炎同埋杀菌
好多人洗菜嗰阵都会加啲盐落去
浸吓啲菜先至洗
目的就系想杀菌
盐可以杀灭病菌
或者抑制佢哋嘅生长
各位学员
睇怕你哋都冇谂过自己系消毒药水
又或者杀菌剂 系咪呀
不过比喻嚟讲你哋系㖞
你哋真系㖞
想象吓呢个情况吖
喺你嘅会众或者伯特利家庭
你听到有人开始讲其他人嘅闲话
呢啲就系病菌嚟㖞
噉你咪去杀菌啰
你会转话题啦
维护嗰个俾人讲闲话嘅人
总之就会做啲嘢去杀菌
可能你听到有人讲
“嗰个长老都唔知做咩嘅
讲亲演讲都过晒钟嘅”
跟住你可能会噉样讲
“系咩？我冇为意㖞
不过佢真系一个好好嘅弟兄呀
佢关心人对人好体贴
都好用心帮会众嘅弟兄姊妹㖞
佢做得咁好真系值得我哋欣赏呀”
噉你就杀咗菌喇
你系名副其实嘅杀菌剂
你传道嗰阵都会噉做㗎
当你听到有人讲三位一体、地狱永火
灵魂不死或者其他错嘅道理
你都会去杀呢啲菌㗎
跟住讲吓第三点嘞
呢个可能系耶稣谂到盐嘅另一种作用
请打开利未记第2章
利未记第2章
我哋睇吓第13节吖
经文噉样讲
“你献上嘅所有谷祭都要放盐
喺你嘅谷祭入面
绝对唔可以少咗你上帝用嚟立约嘅盐
任何祭物都要加盐献上”
摩西法典规定所有放喺祭坛上面
献俾耶和华嘅祭物
都要加啲盐落去
噉点样可以做得到呢？
根据犹太人嘅历史
佢哋会放一大堆盐
喺上祭坛嘅斜路下面
喺圣殿嘅范围
亦都有一间好大嘅储物室
叫做盐室
储存咗好大量嘅盐
确保献祭嘅时候符合上帝嘅要求
问题系点解耶和华会有噉嘅要求呢？
《守望台》有一篇文章
曾经解释过呢一点
嗰度话“噉样做唔系为咗令祭物好味一啲
而好可能系因为盐象征冇腐化
或者败坏嘅情况”
讲得好啱呀
呢个就系盐嘅第三种功效嘞
盐可以防腐令到食物冇咁快变坏
例如可以用盐嚟腌制啲肉
啲肉腌好之后唔使摆入雪柜
放好耐都唔会变坏
因为有盐喺入面可以防腐
所以摆好长时间都得
同样比喻嚟讲你哋喺新岗位
都可以发挥防腐嘅作用
我哋相信你哋一定能够噉样做
举个例吖
我哋同一个食烟嘅人开始读圣经嗰阵
佢个肺同心脏都已经伤咗㗎喇
或者个吸毒嘅人大脑功能受损
或者成日饮酒嘅人个肝出咗问题
又或者一个生活放荡嘅人
佢感染咗各种可怕嘅疾病
不过你教佢圣经
有耶和华嘅帮助
佢停止咗呢啲坏习惯
就好似冇再继续变坏一样
你话系咪呢？
好多时 嗰个人唔单止冇再变坏落去
就连佢嘅思想态度都唔同晒
佢嘅身体亦都慢慢健康返
更加好嘅系
你帮佢同耶和华建立亲密嘅关系
等佢有机会保全自己嘅生命
直到永远
喺地区入面你就系防腐剂喇
喺伯特利入面
如果有人唔小心行错一步
可能损害咗佢同耶和华嘅关系
你作为一个成熟嘅基督徒
你一定会用温和嘅态度谂办法纠正佢
好想保全佢可能会失去嘅生命
以上只系几个例子啫
你可能仲谂到其他方法㗎
喺呢个演讲我哋讲咗盐嘅唔同功用
盐可以用嚟调味 可以杀菌
亦都可以用嚟防腐
耶稣呢个比喻真系有好深嘅含义
如果谂深啲 佢其实赞紧啲门徒
我哋都有一样嘅感觉呀
各位学员 我哋都好想称赞你哋
你哋系“世界嘅盐”
另外我哋再睇返马太福音第5章
就会见到耶稣除咗称赞佢哋
其实仲俾咗一个提醒
一齐睇吓马太福音5:13
今次会睇晒成节经文
耶稣话“你哋系世界嘅盐
如果盐冇咗咸味 仲可以变返咸咩？
啲盐冇用嘅话
就唯有揼出去 任人践踏嘞”
所以盐真系可以失去作用㗎
如果捞咗其他杂质
杂质越多咸味就越少
噉慢慢盐就失去咗佢原本嘅作用嘞
我哋都一样㗎
要保持比喻意义上嘅咸味
噉先至系有用嘅盐呀
你可以点做到呢？
就系将你呢5个月学到嘅所有嘢
尽力应用出嚟
噉你就系有咸味嘅盐喇
跟住落嚟系咩环节呢？
过去呢几年 呢个节目都好受欢迎
大家都好钟意㗎
冇错嘞 就系《基列有约》
我哋有请另一位亲爱嘅基列导师
凯理忠弟兄
帮我哋主持呢个部分
请大家细心欣赏今集《基列有约》喇
欢迎收睇新一集嘅《基列有约》
喺以赛亚书64:8
耶和华形容自己系“陶匠”
而我哋呢 就系“陶泥”
虽然我哋系唔完美 好似陶泥咁
但系只要我哋愿意
耶和华就可以塑造我哋
成为任何佢需要嘅器皿
达成佢嘅旨意
我哋而家会访问5位
嚟自基列学校第158届嘅学员
睇嘅时候 请留意
耶和华有啲乜嘢美好嘅特质？
仲有一路以嚟
佢点样塑造同埋引领佢哋？
首先我哋欢迎
嚟自英国分部嘅马克同埋梅莉莎
多谢你哋上嚟《基列有约》接受访问呀
-唔好客气 -你哋都喺英国分部服务㗎
噉你哋系咪都系英国人呀？
我呢系嚟自英国曼彻斯特附近嘅
我就唔系嘅
我系嚟自美国嘅底特律
你哋中间隔咗个大西洋㖞
噉你哋系点识㗎？
喺1998年 我去咗一个国际大会
呢个大会喺梅莉莎住嘅地方附近举行
我哋就喺嗰度识嘅
过咗大约7年 我哋就结婚啦
哦 咁你哋后生啲嗰阵
同耶和华嘅关系系点㗎？
我父母都好爱我 都尽力教导我嘅
但系嗰阵
我同耶和华嘅关系就麻麻哋啦
我细细个就已经好想做时装设计师
所以后嚟我就去咗读大学
读咗四年 攞咗时装设计嘅学位
之后顺理成章
我就入咗呢一行发展
而亦都因为咁
我冇培养一啲好嘅特质
净系挂住做嘢 一心想揾多啲钱
同埋我亦都识咗啲唔系咁好嘅朋友
因为噉
我都会去埋啲唔系咁好嘅地方
当然亦都冇崇拜嘅目标啦
嗯 噉马克你呢？
我都一样
后生嗰阵都唔系咁好㗎
妈妈教我认识真理嘅
我13岁就受浸嘞
但系之后我就过住双面人嘅生活
虽然我屋企人为我立下咗好榜样
身边亦都有一班好朋友
直到今日都保持忠贞
但系我越大就越坏
当时只有耶和华先知我系点样嘅人
佢知道我点样运用时间
亦都知道我唔系好似表面扮到嘅咁好
多谢你哋同我哋分享
我知要讲出嚟都唔系咁容易㗎
噉系乜嘢令你哋改变呢？
虽然我爸爸唔系一个耶和华见证人
但系佢就系一个好爸爸 好老公
我都好想好似佢噉
当我哋开始拍拖
我就立下目标要做个好老公
所以即使住喺唔同地方
我哋都会每个星期用电话一齐研读
呢次系我第一次咁认真做崇拜嘅事
由嗰时开始
我慢慢建立返同耶和华嘅关系
亦都因为噉
我意识到自己一直以嚟做嘅嘢
令耶和华好失望
嗯 我都类似
我哋结咗婚之后 我就开始做先驱
但系对于以前做过嘅事
我开始觉得有啲良心不安
所以我哋决定
一齐同长老倾吓
噉样做好好啊
因为可以修补返同耶和华嘅关系
深入研读真系可以帮我哋
巩固同耶和华嘅关系
有清白嘅良心
噉之后发生咩事呢？
之后我哋就觉得好想为耶和华做多啲
想尽自己嘅能力为佢服务
所以我哋试吓报名读基列学校
又申请加入LDC、加入分部
虽然我哋咩申请表都交晒
-不过一啲回音都冇 -系呀
后嚟有啲朋友就提议我哋去尼加拉瓜
呢个需要更加多传道员嘅地区服务
尼加拉瓜嗰度系点㗎？
我有张相呀 俾你睇吓吖
张相喺我哋喺当地传道嗰阵影嘅
你睇吓 我哋几开心
嗰度嘅人好友善
我哋有好多圣经课程
真系好挂住喺嗰度服务嘅日子啊
嗰阵我哋去亲边度
通常都系踩单车㗎
哦 系㖞
如果你行路经过弟兄姊妹屋企
佢哋一定会请你入去食饭
虽然佢哋拥有嘅嘢唔多
但系就好慷慨
喺佢哋身上 我哋真系学到好多
净系睇相都感受到你哋有几开心
完全睇得出你哋两个好钟意
喺需要更多传道员嘅地区服务呀
多谢俾张相我睇
离开咗尼加拉瓜之后
你哋后嚟有机会喺英国嘅伯特利服务
唔知你哋分别喺乜嘢部门帮手呢？
我喺法律部做嘢嘅
主要系帮特别全时服务嘅人申请签证
我好钟意呢个工作
因为可以见到耶和华点样帮我哋
有时申请嘅过程都几复杂㗎
但系耶和华就会令我哋成功
好好啊 马克你呢？
我喺公共资讯部 即系PID帮手
其中一个主要嘅工作系
提供有关见证人嘅准确资料
俾传媒、政府或者学术机构
呢件工作一啲都唔简单㖞
系啊 真系一啲都唔简单㗎
初头我真系好惊 好担心㗎
我记得有一晚
我甚至担心到完全瞓唔着觉
于是我就行出厅
睇吓出埃及记第3、第4章
因为我谂起耶和华都曾经委派摩西做PID
摩西要去见埃及嘅最高领导人法老
每一次摩西觉得自己做唔嚟嘅时候
耶和华都保证无论摩西需要啲乜嘢帮助
佢都会支持摩西
耶和华都系噉样帮我哋㗎
每一次我同部门嘅弟兄姊妹觉得
我哋唔够经验 唔够能力嗰阵
耶和华都会帮我哋应付得嚟
呢个加强咗我嘅信心
我哋听完你哋嘅经历之后都一样
你哋由后生到而家真系改变咗好多
我想问吓你哋 喺呢个过程
你哋睇出耶和华系点嘅呢？
我睇到耶和华对我好有耐心
佢知道我钟意生活有多啲变化
亦都好钟意学新嘢
佢冇阻止我用自己嘅方式生活
虽然嗰阵时我都觉得几开心嘅
但系当我跟耶和华教嘅去做
生活就更加精彩
亦都培养到一啲特质
同耶和华嘅关系更加好
耶和华俾机会我学到一啲新嘅技能
同埋做一啲有挑战性嘅工作
如果我用自己嘅方式生活
就唔会有呢啲机会啦
我真系好多谢耶和华冇放弃我
俾我体验到
崇拜佢先系最好嘅生活方式
嗯 马克你呢？
我睇出耶和华好怜悯人
谂返转头 当时我好惊
所以唔敢去揾长老 请佢哋帮我
我唔知道耶和华究竟系点样睇我呢类人
不过有个好朋友俾咗节经文我睇
-我可唔可以同大家分享呢？-梗系好啦
就系以赛亚书28章
我好钟意24至29节
不过我净系会读出24节嘅其中一部分
经文话“唔通农夫会唔撒种
净系成日犁地咩？”
经文提到一个比喻
一个农夫唔会净系不停咁犁地
而系会集中喺嗰个结果
即系佢可以享用嘅收成
我嘅经历都系咁样㗎
耶和华唔系一味惩罚我、管教我
而系集中喺点样帮我修补同佢嘅关系
令我可以开心噉为佢服务
我哋都好多谢佢俾我哋感受到
全程投入为佢服务系几咁好
你嘅经历证明经文讲得一啲都冇错
听到马克噉讲 令我谂起
喺上堂嘅时候
我哋讨论过一节经文
就系喺希伯来书9:14
经文提到我哋要有清白嘅良心
先可以敬奉耶和华上帝
我哋真系亲身体验到呢一点啊
冇错啊
就算我哋以前做错嘢
都要集中喺点样为耶和华服务
而唔系一味好内疚
你哋真系做得好好
我哋睇出耶和华一直帮助你哋
多谢你哋接受访问
跟住落嚟
我哋好想访问嚟自东非分部嘅
万吉库·瓦伊奇戈姊妹
我知道你系嚟自肯尼亚嘅
好似我见大家都叫你希科㖞 系咪呀？
系呀 叫我做希科啦
系啰 希科易嗌啲呀
不如你自我介绍一吓吖
我妈咪认识真理先嘅
所以我自细就学圣经喇
我爸爸唔系见证人
佢好想我哋专注喺学业上面
而我都对法律好有兴趣
-法律？-系呀 -真嘅？
我好想帮嗰啲弱势社群争取公义
所以我同自己讲我要做一个律师
读法律要用好多时间
好多精神㗎㖞
噉有冇影响你同耶和华嘅关系啊？
有啊 因为嗰阵我好俾心机读书
我好想有好嘅成绩
为将来嘅工作铺路
所以我都唔系好投入崇拜嘅活动
噉有咩改变咗你呢？
毕咗业之后我自己搬咗出去住
咁啱就住正喺个聚会所隔离
记得有一日 我返工好忙好攰
我收工之后行紧返屋企嗰阵
见到有一班弟兄姊妹
好开心咁行紧去聚会所
我就谂
“我唔系应该好似佢哋噉
开开心心噉去参加聚会咩？”
跟住嗰个礼拜
我就去咗聚会嘞
睇嚟你嗰次跟风都冇跟错㖞！
-系呀 -噉你就参加返聚会嘞
系呀
噉去返聚会 见返啲弟兄姊妹
你有咩感觉呀？
呢个会众好热情 好有爱心
啲弟兄姊妹亦都好关心我
令我好有归属感
我觉得自己好似返咗屋企一样
佢哋真系好似救返我噉
好好呀
噉后嚟你系点样开始参与全时服务嘅呢？
我定咗一个目标
就系想喺一年之内睇晒成本圣经
所以我就跟住个计划去做嘞
每朝我都会早啲返到公司
喺开工之前睇一段经文
每睇完一部分嘅经文之后
我就会喺《守望台书库》查吓相关嘅资料
一年之后我都继续每一日咁样做
睇嚟你真系好深入咁研读㖞
有好嘅开始啦
仲有乜嘢帮你开始做先驱呢？
嗰时我成日都会同啲先驱出传道
其中有一个姊妹
我特别同佢熟啲嘅
佢成日都话
我知道你总会有一日报名做先驱㗎
虽然嗰阵时我仲做紧全职
根本就冇可能做到先驱
但系佢就好有信心
-系啊 成日都讲 -系啊
最终我都真系报咗名做先驱
亦都参加咗先驱训练班
-咁好呀 -俾张相你睇吓
哦 你哋攞住先驱训练班嘅课本㖞
咦 呢个系边个嚟㗎？
佢就系不停鼓励我做先驱嗰个姊妹
呢次系佢第二次上先驱训练班
我哋咁啱喺同一班上堂
佢真系成功鼓励到你㖞
系呀 可以上到先驱训练班
真系福份嚟㗎
-睇嚟你哋仲好好朋友㖞 -系呀
噉就好喇
之后你就部分时间喺伯特利帮手
后嚟就转咗全时服务嘞
噉你喺咩部门度做啊？
我喺法律部度帮手
啱啱你都提到
以前你嘅工作系同法律有关嘅
我好想问吓你
你觉得喺伯特利为耶和华服务
同你喺出边打工
有啲乜嘢唔同嘅地方呢？
完全冇得比呀
喺出边做嘢 个个都系为咗钱
想上位 想有更高嘅地位
但系喺伯特利做嘢就系帮紧弟兄姊妹
就算你未见过佢哋 未有机会认识
已经好爱佢哋啦
当你为耶和华服务
你会觉得好开心 好满足
亦都会更有信心
多谢你嘅分享啊
睇到耶和华点任用你
我哋真系受到鼓励
亦都好多谢你嘅付出同埋牺牲
仲有马克同埋梅莉莎
见到你哋一直以嚟乐意受耶和华任用
我哋都受到好大嘅鼓励
多谢你哋
而家我哋欢迎嚟自多米尼加共和国嘅
蒂托·阿布雷乌弟兄
蒂托 你好呀
你好呀
咦 你系咪自细就认识真理㗎喇？
我妈妈系个见证人
我爸爸就唔系喇
但系佢都好支持我哋㗎
因为佢见到圣经帮咗我哋好多
我妈妈好爱耶和华 亦都好钟意出传道
所以我哋都受佢影响
好自然就立下目标做正规先驱
后嚟喺2010年
我参加咗组织事务训练班
-你参加过MTS㗎？ -系呀
咦 噉之后派咗你去边度呀？
我去咗岛嘅中部做特别先驱
嗰度真系好好㗎
-俾张相你睇吖 -哗！
呢个系何塞弟兄
我哋就喺森林入面传道
嗰时佢仲系个未受浸传道员嚟㗎
不过而家就做咗特别先驱嘞
如果你仔细睇吓
就会见到后面有间屋
嗰时我哋喺嗰度揾紧啲聋人
而住喺呢间屋嘅嗰家人
爸爸妈妈系讲克里奥尔语嘅
啲小朋友就主要讲西班牙话
但系最细嗰个系聋人
于是我哋就用手语同呢个小朋友沟通
所以向呢家人传道
我哋要用到三种语言㗎
-哦 你识手语㗎？-系呀
-我家姐系聋人嚟嘅 -哦
所以我哋成家都学咗手语
咁好呀
噉我想问吓
你啱啱去到嗰度嘅时候系点样传道嘅呢？
系咪逐家逐户去揾啲聋人？
当地嘅弟兄会同我哋一齐去揾啲聋人
另外 我哋都会先去三个地方
分别系警署、军事基地
仲有镇长办公室
-一嚟就揾啲官员先？-系呀
后嚟点呀？
佢哋反应都唔错呀
因为我哋有好行为
所以嗰个镇嘅人
对耶和华见证人都有好好嘅印象
而且啲官员听到耶和华见证人
想帮啲聋人都好开心啊
你知唔知啊？
嗰次我哋揾完镇长之后
仲即刻多咗三个续访
呢三个聋人都系喺镇长办公室做嘢嘅
后嚟佢哋仲读圣经添
镇长一次过俾咗三个圣经学生你呀？
-系呀 -哗 噉佢哋进步成点呀？
好好呀
尤其系一对夫妇
佢哋认识真理之前系同居嘅
由于佢哋好想听耶和华话 做啱嘅事
佢哋就结咗婚
之后佢哋同耶和华嘅关系越嚟越好
甚至开始帮地区入面嘅聋人认识耶和华
好好嘅经历呀
睇嚟嗰度嘅手语地区发展得好快
我听讲喺多米尼加 唔单止西班牙语
其他语言嘅地区都发展得唔错㖞
-冇错啊 -一齐睇吓短片
了解吓当地嘅情况吖
伊斯帕尼奥拉岛上面有两个国家
就系多米尼加共和国同埋海地
呢度嘅弟兄姊妹都对耶和华好有信心
喺多米尼加传道工作不断扩展
包括克里奥尔语嘅地区
由于海地有动乱 同埋其他问题
所以好多海地人逃难嚟到呢度
想安顿落嚟
好多海地人都信有上帝
但系就觉得上帝唔关心佢哋
听佢哋咁讲
我哋真系好想帮佢哋啊
我哋会耐心听佢哋讲嘢
理解佢哋嘅感受
然后续访嘅时候
就话俾佢哋知将来系有希望嘅
俾佢哋睇得出上帝系好关心人
帮佢哋对上帝有返信心
我哋每去到一个门口
啲人都好开心咁欢迎我哋
仲会请我哋入屋坐吓
好多时两三个钟都只系探到几家咋
因为每一家都倾到好耐
佢哋好钟意同人倾偈㗎
有时只系问一啲好简单嘅问题
就可以自然咁倾落去
譬如问“你今日几好吗？
你啲屋企人点啊？”
跟住就可以继续倾好耐喇
当你见到啲人学咗圣经之后
开始慢慢进步
嗰种开心同满足
真系唔知点形容呀
有一次我哋逐家逐户传道嘅时候
探到一个女士 佢好伤心
因为啱啱出世嘅BB死咗
当佢听到佢遇到嘅呢啲事
唔系上帝造成 就觉得好惊讶
后嚟佢话
好多谢耶和华俾机会佢认识真理
等佢唔会继续伤心落去
人生有返希望
所以佢好想报答耶和华 为佢服务
而家佢已经受咗浸
我哋都好爱佢
由于人生有咗方向
佢比以前笑多咗好多
真系好开心呀
见到学生受浸 喺水裏面上返嚟
嗰一刻我真系好感动
佢哋达到呢个目标
当然全靠耶和华先至得啦
但系有份出一分力帮佢哋
我都觉得好开心啊
我哋会众虽然得30个传道员
但系平均就有差唔多70人嚟参加聚会
而每年仲有超过300人参加纪念聚会添
系传道员人数嘅10倍啊
我睇出耶和华好有耐心
真系仲有好多工作要做啊
喺多米尼加仲有好多类似嘅经历
有好多人乐意听好消息
就好似耶稣喺约翰福音4章话
田地已经成熟喇
所以我哋要快啲收割
可以同全球嘅弟兄姊妹
一齐参与呢件工作真系好开心啊
耶和华真系赐福俾多米尼加嘅传道工作
吸引更加多人认识佢啊
不如讲吓
你而家喺伯特利做咩工作吖？
我而家喺卫生保健部服务
我哋负责支援
喺多米尼加服务嘅特别全时仆人
包括特派传道员、特别先驱同分区监督
不过而家由于海地情况都唔系咁好
面对紧好多难题
所以我哋都会帮手
照顾埋嗰度嘅弟兄姊妹
哦 海地呀？
所以嗰度嘅特别全时仆人
都会去到多米尼加睇医生呀可？
噉你留意到佢哋有啲乜嘢好嘅特质？
佢哋要留喺嗰度服务真系唔容易㗎
所以佢哋嚟到
我哋都想佢哋唞吓 放松吓
当然啦
我哋会喺医疗方面协助佢哋
我哋好欣赏佢哋积极嘅态度
讲到呢度 我谂起一对夫妇
我哋陪佢哋去睇病
检查完之后
医生就话病情都几严重
当佢哋了解咗个情况
同埋要点医之后
佢哋第一样嘢竟然问
“可唔可以尽快完成个疗程？”
医生听到之后就问“点解呀？”
跟住佢哋解释原因
系我哋冇谂过㗎
佢哋话
“喺海地嘅弟兄姊妹 我哋嘅朋友
好需要我哋喺佢哋身边
所以我哋好想尽快完成疗程
返去海地 同佢哋一齐传道”
情况咁艰难
但系佢哋都会谂咗其他人先
见到噉 我哋真系好感动呀
佢哋真系好有自我牺牲嘅精神啊
多谢你同我哋分享
你工作嘅时候
成日都可以接触到海地嘅弟兄姊妹
唔单止系咁 过去呢5个月
你嘅室友都系海地人添 系咪呀？
系呀 真系咁啱得咁跷
不如我哋同佢倾吓吖
梗系好啦
跟住我哋欢迎
嚟自海地分部嘅弗朗克兰·艾梅弟兄
欢迎你嚟到《基列有约》呀
多谢你呀
你系咪都系喺真理家庭长大㗎？
系呀 自细妈妈就教我圣经真理
仲一手一脚凑大我
同两个哥哥两个家姐
我妈妈系一个好有信心 好勤力嘅人
佢嘅榜样 对我有好大嘅影响
有时妈妈都唔知道第二日
仲有冇嘢俾我哋五兄弟姊妹食
但系佢都好信赖耶和华
我经常见到佢喺度祷告
将所有忧虑卸俾耶和华
而耶和华一直都有帮佢
妈妈嘅好榜样帮助我
将耶和华睇得更加真实
亦都对佢更加有信心
你妈妈嘅榜样真系帮你上咗好宝贵嘅一课
你仲接受过咩培训呢？
我喺2010年参加过MTS
2010年？
咁咪同蒂托同一年？
系啊 不过我哋喺岛嘅唔同地方上堂
仲有啊
我哋系喺同一个礼拜受浸添呀
-同一个礼拜？-系呀 1997年
哗 好似喺岛嘅另一边
有另一个自己咁㖞
系啊 系啊
不过记得喺2010年
海地发生咗场大地震
呢场地震造成好大嘅破坏
仲死咗好多人呀
有冇影响上MTS呀？
有啊 我哋上堂嘅时间都要调整啊
喺朝早我哋就正常上堂
而下昼所有人就去参与救灾工作
呢度有张相呀 俾你睇吓吖
咦 佢哋做紧乜嘢呀？
有一日嘅下昼
我同啲同学一齐将啲救灾物资
搬上去架货车度
俾受灾嘅弟兄姊妹用
哇！好好㖞
上昼你哋喺课室学习耶稣嘅榜样
下昼就实践出嚟嘞
系啊
好好呀
毕业之后你去咗边呀？
我去咗一个小镇嗰度做特别先驱
我好开心呀
因为见到耶和华赐福俾嗰度嘅传道工作
亦都可以出一分力
帮嗰度嘅人认识耶和华
反应咁好呀
睇嚟佢哋真系有心灵嘅需要㖞
噉嗰度嘅内乱有冇影响传道工作呀？
弟兄姊妹冇因为内乱而停落嚟
佢哋继续热心传道
因为唔少弟兄姊妹逃难去到其它国家
所以过去呢几年传道员人数都下降咗
不过喺传道方面
我哋仍然有好好嘅成果
虽然自从2021年内乱越嚟越严重
但系2024年工作年度嘅圣经课程数目
就比2021年增长咗18%
辅助先驱嘅人数系以前嘅4倍
而受浸嘅人数呢 就系以前嘅2倍
我哋睇出虽然有咁多挑战
但系耶和华继续赐福俾我哋
真系太好喇
你话过去呢几年
海地嘅内乱越嚟越严重
弟兄姊姊妹一定好艰难
可唔可以讲吓佢哋嘅情况？
由于内乱
好多弟兄姊妹都时不时要走难
有啲走嘅时候
只系得身上着住嘅衫同埋逃生包
佢哋到咗一个地方之后
唔够几个星期或者几个月又要走嘞
不过即使系噉
佢哋仍然有内心嘅安宁 保持喜乐
真系好犀利
就好似喺今年年初
有一个镇嘅300个弟兄姊妹就要走难
去到附近嘅另一个镇嗰度
喺嗰一个星期
分部就即刻安排
两个分部委员会成员去探佢哋
发表演讲 鼓励佢哋
当时安排咗一个特别聚会
不如我俾张相你睇吓吖
哦 系几时影㗎
呢张相
就系喺嗰次特别聚会影嘅
你可以睇到当时聚会所入面坐满咗
走难嚟到嘅弟兄姊妹
分部委员会嘅弟兄都好惊讶
佢哋冇谂到
虽然呢啲弟兄姊妹
啱啱被迫离开自己嘅屋企
但系都准备好 着得咁整齐
仲好开心咁崇拜上帝
哇 啱啱先经历咁多嘢
但系仍然咁重视聚会
佢哋肯定靠住耶和华先咁有力量嘞
呢啲弟兄姊妹真系我哋嘅好榜样
另一方面
耶和华都通过佢嘅组织
同埋带头嘅弟兄帮助我哋
不如我哋而家一齐了解多啲
海地嘅情况
听吓一位分区监督系点样讲吖
海地位于伊斯帕尼奥拉岛西部
喺呢度 弟兄姊妹要面对好多难题
不过佢哋仍然好有勇气、好谦卑
亦都对耶和华充满信心
佢哋嘅态度好值得我哋学习
我记得嗰阵时 啱啱过咗疫情
我哋举行返实体嘅分区大会
邀请弟兄姊妹亲身出席
但系有啲弟兄姊妹住嘅地方
经常都有暴动
所以佢哋要出门
参加大会系一个挑战嚟㗎
真系要好大勇气
但系当我哋一去到大会会场
我哋就见到好多弟兄姊妹喺晒度
个个都开心到不得了
一见到朋友就揽实对方
我见到啲姊妹揽完之后
仲分享一啲好好嘅经历
我哋已经好耐冇试过咁样聚埋一齐喇
嗰日真系好难忘
大家都受到鼓励啊
另外 大会节目帮我哋做好准备
令我哋有足够嘅力量
去面对之后嘅难关
就喺嗰次大会之后
因为海地不断有内乱
所以我哋足足有两年都冇办法
喺大会堂举行实体嘅分区大会
我好开心见到喺呢段时间
弟兄姊妹对耶和华好有信心
继续同佢有好好嘅关系
啲长老亦都好谦卑
好快就跟住组织俾嘅指引去做
特别系当有暴力事件发生
一收到指引
佢哋就会尽最大嘅努力
第一时间跟住去做
关心嗰啲受影响嘅弟兄姊妹
我哋睇到弟兄姊妹好有爱心
即使情况几咁艰难
佢哋嗰份爱心都冇减退
继续互相扶持
佢哋都唔会因为外在嘅环境
而影响同耶和华嘅关系
反而更加紧密
我哋睇到佢哋越嚟越有信心
亦都更加乐意跟组织嘅指引去做
佢哋表现出嘅耐心
真系好值得我哋学习啊
我同我太太都学到要俾耶和华指引我哋
我哋知道 无论喺乜嘢情况
耶和华都绝对唔会揼低我哋
佢一定唔会唔理我哋㗎
所以我哋肯定就算环境变到几差都好
我哋都可以继续信赖耶和华
喺伊斯帕尼奥拉岛上面嘅耶和华见证人
都显出极大嘅信心
呢度嘅每一个经历都令我哋睇出
耶和华同佢嘅子民一齐
而且无论遇到乜嘢难题
我哋都可以忍耐落去
同埋保持热心
真系好感人呀
我哋睇到海地嘅弟兄姊妹
就算经历患难嗰阵
都好似歌罗西书1:11讲
“怀住……喜乐 事事忍耐”
呢个证明咗耶和华
喺佢哋需要嘅时候
通过神圣力量支持佢哋
好欣赏你哋继续忍耐
同埋对海地
仲有多米尼加嘅弟兄姊妹表现爱心
多谢你哋呀
听完今日呢啲经历
我哋唔单止对呢5位学员认识多咗
仲更加深入噉认识耶和华
我哋睇到耶和华点样帮佢嘅仆人
克服一啲靠佢哋自己根本克服唔到嘅难题
亦都睇到佢用传道工作吸引人认识佢
耶和华真系一个有爱心又有耐性
充满怜悯嘅陶匠
佢塑造我哋
等我哋可以达成佢嘅旨意
虽然我哋每个人都系唔完美嘅陶泥
个个人嘅能力都系有限嘅
但系只要我哋乐意接受塑造
耶和华就会任用我哋成就佢嘅旨意
你呢？
你愿唔愿意受耶和华塑造？
好期待下一次《基列有约》
再同大家见面
多谢你哋呀
凯理忠弟兄同咁多位受访嘅学员
我哋都好钟意你哋分享嘅经历呀
我哋仲有好丰富嘅节目呀
跟住落嚟我哋会听到一个精彩嘅演讲
呢个演讲
会由中央长老团成员乔迪·耶德勒弟兄发表
佢嘅演讲题目好简单
《继续赢得喜悦》
交俾你喇
各位学员 就嚟毕业喇
我知道你哋一定好感激
有机会嚟到基列 学到咁多嘢
亦都一定好享受
可以喺呢段时间入面全情投入
钻研圣经
更深入噉认识耶和华
加深对佢嘅爱
从你哋讲嘅嘢
就知道你哋好钟意呢个课程
你哋从伯特利嘅培训部同基列导师
得到好多指引同支持
你哋亦都好欣赏伯特利提供嘅服务
唔单止系噉
你哋身边都有好多弟兄姊妹
悉心照顾你哋
点解佢哋帮你同支持你呢？
因为佢哋爱你
佢哋好想你喺呢段时间
全心投入基列课程
尽力学多啲嘢
点解呢？
就系希望
你哋将来能够加强人嘅信心
发挥稳定嘅作用
而家有超过900万人开心噉崇拜耶和华
而且不断有新嘅人加入
撒但见到一定好唔钟意
但系我哋就好开心
仲想有更加多人加入添！
呢段时间嘅经历加强咗你哋嘅信心
令到你哋同耶和华嘅关系更加亲密
你去到将来嘅岗位
就可以发挥稳定嘅作用
巩固弟兄姊妹同耶和华嘅关系
即系要点做呢？
就系无论我哋受委派做乜嘢
我哋每日
都要尽力效法我哋嘅爸爸耶和华
其实你哋嚟基列之前
都同其他弟兄姊妹一样努力噉样做
不过 你哋毕业之后
就要比以前做得更加好
噉实际上可以点做呢？
而家我哋讲吓 喺一啲情况之下
我哋可以点样帮助同鼓励弟兄姊妹吖
我哋一齐睇吓箴言13章
留意吓经文第15节嘅上半部分
经文话
“透彻洞悉事理嘅人赢得喜悦”
呢一句说话究竟系咩意思呢？
等我哋分析吓呢段经文吖
一个基督徒当然都好想得到弟兄姊妹嘅认同
不过我哋更加想耶和华认可我哋
同埋得到佢赐嘅福分
耶和华好乐意赐福俾人
只要一有机会
佢就会赐福俾佢嘅学员
唔系
忠心仆人
不过学员都啱嘅
嚟基列之前
你哋都体验过耶和华赐嘅福分
你哋同上帝嘅关系都好好
佢都好欣赏你哋
而家你哋就快毕业嘞
我哋都好想各位继续运用洞悉力
能够赢得上帝嘅喜悦
噉圣经提到嘅洞悉力又系咩意思呢？
一本参考书指出
译做“透彻噉洞悉事理”呢个词组
喺原文所指嘅系
“通情达理 有好嘅判断力
能够提供好嘅意见”
另一本参考资料就话
佢都指“睇穿事情嘅表面
考虑事情背后嘅原因
有智慧 能够全面噉了解事情
呢种能力能够令人做事明智
而获得成功”
讲得好好呀
应该人人都同意
我哋需要有好嘅判断力
唔系净系睇表面
呢个道理好多人都同意
亦都唔系咁难明白嘅啫
噉点解我哋仲需要箴言呢个提醒呢？
因为喺现实嘅情况
洞悉事理未必咁易
我哋会遇到唔同嘅人
需要处理嘅事亦都唔同
加上我哋系唔完美嘅
各有各嘅意见
有唔同嘅背景同文化
仲有我哋会同
唔同部门嘅弟兄姊妹一齐做嘢
佢哋重视嘅未必会同我哋一样
令情况更加差嘅系
你或者对方之前嗰晚瞓得唔好
结果就系
唔容易表现洞悉力
睇吓摩西嘅例子
佢一直都忠心噉崇拜耶和华
以整体嚟讲 佢都得到耶和华嘅认可嘅
但系喺米利巴 以色列人嘈住要饮水
摩西处理嘅方式
有冇得到耶和华嘅认可呢？
当时佢受到好大嘅压力
佢就击打岩石 之后就有水流出嚟嘞
可惜嘅系 摩西冇洞悉事理
佢冇荣耀耶和华
冇用正确嘅方式回应民众
佢冇加强到以色列人对上帝嘅信心
呢个记载帮我哋明白
即使我哋喺大部分嘅时间
赢得上帝嘅喜悦
但系如果喺某啲事上处理得唔好
就会得罪耶和华 令佢唔开心
虽然摩西仍然能够继续带领以色列人
但系佢受到管教 冇得入应许之地
因为佢冇洞悉事理
所以我哋学到
喺唔容易嘅情况下
更加需要表现洞悉力
一齐睇吓第一个
可以帮助我哋运用洞悉力嘅步骤吖
诗篇32篇
睇吓第8节
32篇8节
呢个系耶和华讲嘅
“我要令你洞悉事理
指教你应该行嘅路
我嘅眼要看顾你
为咗劝告你”
所以第一步
我哋要知道洞悉力系嚟自耶和华嘅
佢会指引我哋
佢通过圣经、神圣力量、佢嘅组织
同埋我哋嘅弟兄姊妹噉做
跟住我哋调整自己嘅谂法
按照耶和华嘅处事方式去做
噉我哋就可以做好嗰件事嘞
我哋要培养耶和华嘅特质
学习佢嘅处事方式
你哋已经做紧㗎喇
而且见到耶和华好欣赏你哋噉做
所以要继续令佢开心
继续运用洞悉力
噉就可以稳定会众
同强化弟兄姊妹嘅信心
等我哋考虑吓以下几个情况
睇吓要运用洞悉力同得到上帝嘅喜悦
需要点做？
表现咩特质？
我哋都好想帮助弟兄姊妹更加亲近耶和华
讲吓弟兄先啦
身为长老
你留意到一位姊妹唔系咁经常聚会
可以点帮佢呢？
你同另一位弟兄安排咗牧养探访
你话俾个姊妹知弟兄姊妹都好挂住佢
都分享咗一啲同聚会有关嘅经文
仲有祷告添
安排呢个探访系好嘅
你亦都分享咗一啲好嘅资料
但系有冇运用洞悉力呢？
睇落仲可以做好啲嘅
出发点系好好嘅
但系好似仲差噉啲嘢
如果你花啲时间了解吓
就会知道系佢先生反对佢
唔俾佢揸屋企架车去聚会
佢只系需要有人车佢啫
因为佢住得比较远 冇车根本去唔到
而佢又唔好意思麻烦人
记唔记得乜嘢系洞悉力？
就系需要全面噉了解一件事
先再决定点样做
呢个姊妹已经知道去聚会系好重要㗎嘞
不过佢更加需要知道嘅系
佢并唔系一个负担
有需要揾人车佢系冇问题㗎
弟兄姊妹都会好乐意噉做
我哋系同佢分享咗一啲好好嘅圣经观点
但系就冇真正帮到佢呀
冇加强佢嘅信心
反而仲令佢更加灰心
我哋真系要运用洞悉力
噉点样做
先至可以了解到事情背后嘅原因呢？
就系听对方讲多啲 关心佢哋
我哋想知道实际嘅情况
就要用多啲时间听佢哋讲
噉样我哋就系表现洞悉力嘞
而家讲吓姊妹喇
系咪只系弟兄需要有洞悉力
可以稳定会众呢？
唔系㗎 喺稳定会众方面
姊妹都可以发挥好大嘅作用
喺大部分会众
超过一半嘅传道员都系姊妹
佢哋都好需要受到鼓励
所以有时你哋姊妹做到嘅嘢
甚至比弟兄做到嘅更加多㗎
睇吓提多书2章吖
喺第3节嘅头半部分
“同样
年长嘅女子应该有虔诚嘅行为”
各位姊妹都系虔诚、成熟、忠心嘅
你哋都好尊重耶和华同埋佢嘅组织
喺度我要澄清一吓
我唔系话你哋年长
喺咩情况讲姊妹嘅年纪都唔系几好嘅
但系当你去到新嘅岗位、新嘅会众
可能会遇到一啲比你年轻嘅姊妹
第4节就话我哋有啲乜嘢可以做
“噉样 佢哋就能够劝勉年轻嘅女子”
我哋睇到
成熟嘅姊妹可以发挥稳定嘅作用
加强年轻姊妹嘅信心
讲一个事例吖
有一个年轻嘅姊妹同父母一齐住
而佢父母并唔系崇拜耶和华嘅
佢好爱耶和华
但系有时佢着嘅衫就可以再端庄啲
配合基督徒嘅身份
记得洞悉力嘅意思包括
可以睇到事情背后嘅原因
有啲姊妹关心佢
先知道原来佢冇乜钱
佢父母唔系见证人
唔会买过啲衫俾佢去聚会同出传道
所以佢需要嘅唔系劝告
一啲姊妹夹咗啲钱同佢去买衫
我唔系话一齐去买衫就等于有洞悉力
不过喺呢个情况就系嘅
有冇睇到喺两个例子入面
表面上佢哋需要啲劝告
要去聚会、要留意衣着
但系深入啲睇呢件事
了解背后嘅原因
噉就系运用洞悉力 可以帮到人嘞
讲返头先去唔到聚会嗰个姊妹吖
有好多年时间 弟兄姊妹都一直车佢去
而佢先生后嚟都改变咗
仲对真理感兴趣添
而嗰位年轻姊妹呢？
佢成家都成为咗基督徒
我哋学到啲乜嘢呢？
要运用洞悉力
花时间关心弟兄姊妹
我哋努力帮助弟兄姊妹
就可以赢得耶和华嘅喜悦
另一样可能会阻碍我哋运用洞悉力嘅
就系我哋点样睇自己嘅工作
有时我哋过度专注喺自己嘅工作
冇留意到原来影响咗其他人
我哋同埋部门入面嘅弟兄姊妹
都想努力完成自己嘅工作
因为同崇拜有关
所以我哋做得好认真
噉系好嘅
但系有时我哋唔好净系挂住做自己嘅嘢
都要谂吓整体嚟讲
耶和华想佢嘅组织成就乜嘢事
讲返洞悉力嘅意思吖
佢都包含要谂得通透啲
全面噉了解一件事
噉就可以处事明智 达至成功
要谂得咁通透
对我哋嚟讲有时都唔容易㗎
但系圣经话
“俾边个多啲 就向边个攞多啲”
净系做好自己嘅工作
唔等于我哋系成功嘅
当然我哋需要完成自己嘅工作
但系我哋都要帮助其他人、其他嘅部门
完成委派俾佢哋嘅工作
噉先算成功
发挥到稳定嘅作用
所以我哋要谂吓唔同嘅部门点样彼此影响
运用洞悉力同弟兄姊妹互相合作
先可以做好件事
噉喺同弟兄姊妹一齐做嘢嘅时候
我哋可以留意啲乜嘢呢？
一齐睇吓腓立比书第2章
我哋会睇吓第3同第4节
腓立比书2:3,4
经文话“做乜嘢都唔好争强好胜
唔好自命不凡
要谦卑 睇其他人比自己优秀
唔好净系关心自己
亦都要关心其他人”
经文提醒我哋唔好净系谂自己
亦都要关心其他人
噉乜嘢特质可以帮助我哋做到呢点呢？
就系谦卑
我哋都要重视其他人嘅工作
耶和华教我哋
要将其他人或者其他部门嘅工作
睇得比自己嘅更加重要
如果我哋噉做 其他人都会噉对我哋㗎
我哋试吓噉样睇吖
我哋做好晒自己嘅工作
但系就影响咗其他部门嘅进度
噉耶和华会唔会钟意我哋噉样做呢？
大家都系为上帝工作
我哋阻碍咗其他人
其实系阻碍咗边个呢？
值得谂吓嘅
摩西系俾到啲水以色列人饮
但系上帝唔钟意佢嘅做法
我哋学到嘅系
有时我哋觉得自己嘅工作
重要啲、复杂啲、紧急啲
其他人嗰啲呢？就比较简单
所以我哋有啲乜嘢需要
佢哋应该帮咗我哋先
但系谦卑嘅话就会同其他人合作
互相帮忙 一齐揾方法解决问题
有洞悉力亦都包括有常识
不过好可惜
常识唔系个个人都识嘅
噉我哋都会尽量学嘅
常识教我哋
有好嘅沟通就可以减少不必要嘅误会
假设你去问人攞个灭火筒
但系你又冇讲原因㖞
究竟系火烛吖？
定系灭火筒够期要换呢？
如果系火烛
你话俾对方知
佢就会快啲攞俾你嘞
所以有常识嘅话
我哋就会谂对方需要知道啲乜嘢
噉先系好嘅沟通
亦都系运用紧洞悉力
我哋保持谦卑
睇其他人比自己优秀
重视其他人嘅工作
而且花时间关心佢哋
大家就会更加容易互相合作
有更加好嘅成果
我哋唔想自己做晒决定
要其他人跟住去做
反而一齐商量点样做
噉先可以促进团结
团结可以发挥稳定嘅作用
耶和华好想佢嘅子民团结
诗篇133:1话
“弟兄团结同住 几咁美善同可喜”
另外 面对改变嘅时候
我哋都要发挥稳定作用
呢啲改变可能包括
要搬去第二个地方 转变岗位
适应新嘅工作流程、新嘅技术等等
而改变令我哋紧张同焦虑系好正常嘅
在座各位都可能适应紧一啲新嘅改变
当遇到改变嘅时候
我哋可以点样发挥稳定嘅作用呢？
我哋先讲吓弟兄可以点做吖
有时你可能要作一个决定
系会为其他人带嚟一啲转变嘅
我哋作决定之前需要认真考虑
噉样做先能够赢得耶和华嘅喜悦
你有洞悉力先可以发挥稳定嘅作用
帮人适应改变
关于呢点 一齐睇吓以赛亚书第60章
以赛亚书60章 睇吓第17节
经文就话“我要以金代铜 以银代铁
以铜代木 以铁代石”
然后经文话“我要派和睦做你哋嘅监督
派正义做你哋嘅监工”
耶和华喺呢段经文话
佢会作出一啲改变
呢啲改变喺今日都发生紧
好似每个星期都有一啲新嘅转变
耶和华带嚟嘅转变都系好嘅
就好似铜系好优质嘅金属
但系金就更加好嘞
我哋都好想耶和华成就佢嘅旨意
但系有时呢啲改变
可能令我哋有啲焦虑
不过我哋可以应付到嘅
谂吓将来可能会遇到咩改变？
如果有部更加先进嘅印刷机
唔需要咁多人手
噉肯定有啲人嘅岗位要改变
你要点做呢？
留意经文点样提到监督
耶和华会委任
“和睦”同“正义”做你哋嘅监督
噉即系话
你哋要点样帮弟兄姊妹适应改变呢？
经文提到“正义”
噉耶和华认为
点样看待佢嘅仆人先系正义呢？
一齐睇吓希伯来书6:10
希伯来书6:10
“上帝并唔系唔正义
佢唔会唔记得你哋做过嘅工作
同埋你哋为佢嘅名显出嘅爱心
就系你哋以前为圣民服务
而家仲继续为佢哋服务”
上帝一定会记得每个人为佢做嘅嘢
作为监督
有时我哋可能需要调整其他人嘅岗位
千祈唔好令人觉得
岗位改变
佢哋以前做嘅嘢就冇人会记得㗎勒
无论要作咩改变 点样以金代铜都好
我哋要记得同我哋一齐服务嘅人
同埋佢哋做过嘅嘢
如果唔系 就系唔正义嘞
所以无论作咩决定 都要体恤其他人
唔好净系睇住自己嘅工作
忽略咗人嘅感受
为咗发挥稳定嘅作用
作为监督就要认识一齐工作嘅弟兄姊妹
你愿唔愿意行出办公室
同佢哋倾吓偈呢？
问吓佢哋有冇咩难题
听吓佢哋睇法同意见
关心吓佢哋嘅屋企人吖
有啲人钟意某个改变
有啲人就唔钟意
你知唔知道边个钟意 边个唔钟意呢？
又可以点样帮佢哋？
当然有啲时候改变系必然嘅
因为耶和华讲过会有调整
但系佢唔会唔记得
佢仆人做嘅嘢同埋显出嘅爱心
所以我哋都要记得弟兄姊妹做过嘅嘢
我哋要帮弟兄姊妹适应改变
噉我哋就可以赢得耶和华嘅喜悦
有改变嘅时候
姊妹都可以发挥稳定嘅作用㗎
你可能都会受到影响嘅
但系你积极支持嘅话
就会令其他人更加容易接受改变
另外 如果你知道会有啲咩调整
亦都知道个目的
有建议嘅话都可以提出
帮弟兄做得更加好
啱啱我哋讲咗洞悉力
可以点样帮我哋发挥稳定嘅作用
令我哋赢得耶和华嘅喜悦
要关心人 留心听
要谦卑 睇其他人嘅工作比自己嘅重要
噉样做 我哋就可以营造一个
团结和睦嘅工作气氛
另外 亦都要帮助弟兄姊妹适应改变
我哋有洞悉力
就可以好好噉为耶和华服务
我哋希望你哋都能够
做好委派俾你哋嘅工作
喺最后嘅日子
耶和华成就咗好多大事
我哋好荣幸可以喺崇拜方面嘅乐园
为伟大嘅上帝服务
我哋希望每一个人都留喺呢个乐园入面
亦都想邀请更加多人加入
亲爱嘅第158届学员
你哋喺基列学校接受咗好多培训
无论将来岗位系乜嘢
要将学到嘅运用出嚟
支持同埋照顾弟兄姊妹
我哋好爱你哋
亦都相信你哋会继续运用洞悉力
继续赢得耶和华嘅喜悦
而家到咗我哋毕业典礼
好期待嘅环节嘞
你哋应该都见到
我哋台面上面嘅信封嘞
呢啲当然唔系普通嘅信封啦
入面装住嘅嘢好紧要㗎
系我哋学员嘅毕业证书
佢哋收到之后
我哋就唔再叫佢哋做学员
佢哋系毕业生
系第158届基列学校嘅毕业生
而家有请咁多位学员上嚟接受证书
请戴维·谢弗弟兄读出学员嘅名
同埋会去嘅分部
阿布雷乌弟兄会
返去多米尼加共和国分部
艾梅弟兄会返去海地分部
阿拉托雷弟兄会被派去美国分部
阿伦西维亚弟兄同佢嘅太太
会返去美国分部
阿鲁拉帕弟兄会被派去斯里兰卡分部
巴雷特弟兄同佢嘅太太
会返去西太平洋区分部
本达维察弟兄会返去克罗地亚分部
卡里略弟兄同佢嘅太太
会返去秘鲁分部
康奈尔弟兄同佢嘅太太
会返去刚果（金沙萨）分部
达尔曼弟兄会返去中欧分部
弗朗索瓦弟兄会被派去莫桑比克分部
戈洛布弟兄会返去波兰分部
格拉特里克斯弟兄同佢嘅太太
会被派去日本分部
哈达德弟兄同佢嘅太太
会返去巴拉圭分部
伊瓦戈弟兄同佢嘅太太
会返去巴布亚新几内亚分部
卡特桑托尼斯弟兄会返去希腊分部
科赫弟兄同佢嘅太太会返去智利分部
马图施弟兄会返去中欧分部
莫莫弟兄同佢嘅太太
会返去喀麦隆分部
穆索纳弟兄会返去津巴布韦分部
穆塔梅弟兄会返去东非分部
恩达伊萨巴弟兄会返去卢旺达分部
恩杰瓦弟兄会返去马拉维分部
奥尔特加弟兄会返去西班牙分部
柏夫洛夫弟兄同佢嘅太太
会返去保加利亚分部
佩纳多弟兄同佢嘅太太会返去委内瑞拉分部
皮亚洛维奇弟兄同佢嘅太太
会返去克罗地亚分部
雷蒙德弟兄同佢嘅太太
会返去千里达及多巴哥分部
希林内尔姊妹会返去土耳其分部
塞凯伊弟兄会返去匈牙利分部
乌里亚特弟兄同佢嘅太太
会返去缅甸分部
范德费恩弟兄会被派去刚果(金沙萨)分部
瓦伊奇戈姊妹会返去东非分部
约夸弟兄同佢嘅太太
会返去利比里亚分部
颁完嘞 真系好开心呀可
我就斋握手啫
仲记得
上一次我有荣幸做基列毕业典礼嘅主席
系喺五年前
嗰阵系第148届
同埋啱啱系疫情期间
如果你仲记得当时唔可以握手
我哋想打招呼净系可以撞吓手踭咋
今日就好开心可以同佢哋逐个握手
恭喜佢哋达到人生嘅一个重要里程碑
不如等所有毕业生一齐同大家见吓面吖
今日见到你哋毕业嘞
大家都好戥你哋开心呀
相信你哋会喺新岗位做得好好
跟住落嚟有请塞立·皮亚洛维奇弟兄
我希望我读得啱啦
你明点解我头先揾谢弗弟兄
读嗰啲名喇
塞立·皮亚洛维奇弟兄
会读出毕业生嘅感谢信
有请
亲爱嘅中央长老团
我哋好爱你哋 亦都好感激
有机会嚟到基列学校受培训
你哋嘅爱心同好客
令到我哋每一个都觉得好感动
我哋知道喺度受耶和华教导
一定会有好多收获
不过正如以弗所书3:20所讲
“上帝成就嘅事
远远超过我哋所求所想嘅一切”
当我哋深入钻研圣经
就更加认识耶和华同耶稣嘅美好品格
佢哋真系好爱人类 好爱我哋每一个
呢一点令我哋好感动
我哋好想效法佢哋
用爱心对待身边嘅每一位
能够受耶和华教导
真系一项宝贵嘅礼物
我哋嘅导师
就好似一个好锡我哋嘅爸爸
佢哋用耶和华嘅说话装备我哋每一位
令到我哋可以胜任将来嘅工作
我哋都好感激中央长老团嘅弟兄
花时间做我哋嘅导师
亦都关心我哋每一个
我哋真系学到好多嘢
好多谢你哋为弟兄姊妹所做嘅一切
我哋都从其他导师身上学到好多
耶和华就好似通过呢啲弟兄
合奏咗一首交响乐噉
我哋会好珍惜喺呢度嘅美好回忆
永远都唔会忘记
除咗上堂之外
我哋亦都喺美国伯特利家庭成员身上
学到好多
佢哋显出嘅爱心、慷慨同好客
真系令我哋更加感受到
耶和华各种美好嘅特质
我哋都会效法佢哋嘅榜样
努力令身边嘅弟兄姊妹
感受到耶和华嘅爱
我哋真系得到好多宝贵嘅福分
呢个令我哋谂起诗篇116:12嘅一句说话
“耶和华赐咁多好嘅嘢俾我
我攞乜嘢去报答佢呢？”
就好似经文讲嘅噉
我哋唔知可以攞啲咩嚟报答耶和华
我哋能够做嘅 就系效法利百加
随时做好准备 俾耶和华任用
谂起要离开呢个大家庭
我哋真系好唔舍得呀
不过 我哋已经准备好将呢度学到嘅嘢
应用喺将来嘅工作上
唔会辜负你哋对我哋嘅期望
谨送上我哋嘅爱同问候
你哋嘅弟兄 第158届基列学员
多谢你哋写一封咁好嘅信俾我哋
完全感受到你哋对我哋嘅感情呀
你哋话好开心
呢五个月可以同我哋一齐
其实我哋都一样
由于大家嘅信心
我哋呢段时间真系互相鼓励嘞
而家想讲返开头嗰节经文
马太福音5:13
耶稣话“你哋系世界嘅盐”
我哋都有噉样同你哋讲过
我哋都有讲过盐嘅一啲作用
例如用嚟调味或者可以用嚟消毒杀菌
亦到可以用嚟保存食物
而家我哋好想讲吓盐嘅另一个特征
就系佢嘅价值嘞
盐好值钱㗎
《洞悉圣经》噉样讲
“人唔系时时都好容易攞到盐
仲试过为咗盐而打仗同埋革命
喺古代中国 盐嘅价值仅次于黄金
甚至有人为咗盐将老婆仔女卖做奴婢
现代英文Salary即系“人工”呢个词
就系嚟自拉丁语Salarium
意思系俾罗马士兵买盐嘅报酬”
虽然喺耶稣嘅日子
盐嘅供应都好稳定
但佢知道以往嘅历史 好清楚
对以往嘅人嚟讲盐系几咁有价值
喺嗰阵时人可以喺死海附近嘅山上面
又或者靠蒸发死海嘅水嚟得到盐
所以当时嘅人都有唔少盐㗎
不过虽然系噉
耶稣知道以往嘅历史
好清楚盐呢样嘢几咁有价值
佢亦都知道盐有好多用途
可以用嚟做好多嘢
无论嗰阵时定系而家都好有价值
耶稣可能仲记得另一样同盐有关嘅嘢
就系每个人身体入面都有盐
平均有半磅即系大约226克
圣经话佢降世为人之前
喺上帝身边嘅“好工匠”
一定有呢啲知识㗎
呢半磅盐
对我哋身体嚟讲好重要
冇咗我哋就会死
其实身体唔够盐都可以好大件事㗎
会点呢？
可以令人想呕、神智不清、抽筋、癫痫
脑肿胀、昏迷、严重嘅仲会死添
耶稣肯定知道
盐唔系可有可无
而系对我哋身体好重要㗎
因为佢有分创造万物 包括人类
所以其实耶稣系称赞紧你哋
同盐一样咁宝贵
我哋都系噉睇你哋
各位毕业生 你哋真系好宝贵
我哋好爱你哋
你哋一直以嚟付出咗好多
我哋深信你哋一定会继续
尽心尽力为耶和华服务
民数记6:24-26嘅经文
就表达咗我哋嘅心声
“愿耶和华赐福俾你 保护你
愿耶和华嘅慈颜光照你
施恩俾你
愿耶和华恩待你 赐平安俾你”
第158届基列学校嘅毕业生
我哋衷心祈求耶和华赐福俾你哋每一位
相信呢啲毕业生
一定可以喺佢哋嘅岗位
发挥好大嘅作用
冇几耐 毕业礼嘅其他演讲
就可以喺JW网站同埋JW Library睇到
讲拜拜之前
我哋一齐去探吓
津巴布韦嘅弟兄姊妹吖
津巴布韦俾其他国家包围住
佢有三种好唔同嘅气候
中部嘅平原气候好温和
赞比西河谷就又热又干旱
而东部嘅高地就又冻又多雨
津巴布韦嘅官方语言都有好多㗎
有成16种
呢度种好多粟米
当地人会用嚟煮唔同嘅菜式
佢哋会攞嚟烚或者烧
亦都会攞佢嚟做一种发酵嘅饮品
叫做Mahewu
其中一种主粮Sadza就系用白粟米舂成粉
然后用慢火煮成嘅一个好杰嘅糊
食嘅时候会用手连埋啲𩠌一齐食
佢同好多食物嘅味道都好夹
例如牛脚、牛扒
同埋用花生酱捞埋嘅蔬菜
20世纪早期
好消息已经传入津巴布韦
有啲喺马拉维同南非嚟打工嘅人
将圣经书刊带咗嚟呢度
冇几耐
就有一啲学习圣经嘅小组成立咗
1924年内森·穆卡隆达弟兄受浸
佢系属于当地第一批传道员
过咗冇耐政府就开始反对见证人
因为当局唔钟意我哋唔同种族嘅人
聚集埋一齐
去到1940年
我哋所有出版物都被禁
弟兄虽然被逮捕同起诉
但系仍然冇放弃信仰
六年之后禁令就撤销咗嘞
宣扬王国信息嘅工作一直扩展
但系去到1970年代内战爆发
由于保持中立好多弟兄都要坐监
你而家见到嘅呢本圣经
就系当时喺监狱入面嘅弟兄传嚟睇嘅
好在跟住嗰几十年
弟兄姊妹都可以喺个安定嘅环境度
崇拜上帝
而家津巴布韦有五万个传道员
佢哋主持超过10万3000个圣经课程
喺首都哈拉雷
沃特福尔会众嘅弟兄姊妹热心传道
佢哋用紧嘅
系全国第一间落成嘅聚会所
呢群会众嘅传道员
主持大约200个圣经课程
佢哋有几句说话想用绍纳语同大家讲
意思就系“你哋好吗？
我哋好爱你哋”
我哋都好爱你哋每一位
呢度系耶和华见证人世界总部嘅JW电视

JW电视：2025年12月——第158届基列学校毕业典礼
- 

JW电视：2025年12月——第158届基列学校毕业典礼

欢迎收睇JW电视
2025年9月13号
第158届基列学校嘅学员
完成咗为期5个月嘅培训
喺毕业典礼嗰日学员都可能百感交集
终于完成咗个课程
可以松一口气嘞
亦都好开心
因为屋企人同朋友都喺晒度
不过可能  可能都有啲担心
唔知新岗位会系点
不如睇吓经验丰富嘅弟兄
有啲咩说话同学员讲吖
相信大家亦都可以喺呢啲演讲
得到好多益处
早晨  欢迎大家
今日真系好开心见到你哋出席
守望台基列圣经学校
第158届嘅毕业典礼
大家都好开心  系咪呢？
第158届基列学校总共有52位学员
各位亲爱嘅学员
今日嘅演讲题目系
《要继续做世界嘅盐》
一齐睇吓马太福音5:13吖
系耶稣讲㗎
喺第13节嘅上半部  耶稣话
“你哋系世界嘅盐”
耶稣讲呢句说话嗰阵
佢系发表紧登山宝训
在场嘅一大班听众
一定从耶稣嘅演讲得到好多益处
不过耶稣呢番说话
主要系想同边啲人讲嘅呢？
梗系同佢啲门徒啦
特别系佢嘅12个使徒
之前  耶稣啱啱拣咗佢哋
佢哋好可能就坐喺耶稣侧边
耶稣嘅使徒特别需要受到培训
做个好榜样
将来喺会众入面带头
耶稣讲你哋系“世界嘅盐”
指嘅就系佢嘅门徒
特别系佢嘅使徒
当然都系同各位学员有关㗎
我哋跟住落嚟会详细讲吓
请留意喺呢节经文
耶稣用嘅比喻系点嘅呢？
佢唔系话你哋好似盐  唔系呀
耶稣唔系噉讲
佢系话你哋系盐
佢唔系话门徒同盐好相似
而系话佢哋直情系盐
耶稣噉样讲
其实有咩用意呢？
佢想强调嘅系门徒对人发挥嘅作用
就同盐发挥到嘅作用一样
噉盐可以用嚟做咩呢？
耶稣讲到呢个比喻嗰阵
可能谂到盐嘅三种用途
我哋会逐样讲吓
噉你哋就会明白
各位学员都喺三方面同盐一样
首先第一方面  我哋一齐睇吓
歌罗西书第4章
耶稣谂到盐有咩功用呢？
就喺歌罗西书4:6
“你哋讲说话应该时时都仁慈体贴
好似用盐调味
噉样  你哋就知道应该点样回应各人”
呢度讲咗盐嘅咩功用呢？
系用嚟调味嘅  提升食物嘅味道
我哋加咗啲盐落嘢食到
就唔会淡茂茂  啲嘢会好味好多
系咪呢？
各位学员你哋都同盐一样㗎
你哋讲嘅嘢  做嘅嘢
尤其系经过基列嘅培训之后
就会更加仁慈体贴
就好似加咗盐嘅食物噉
更加吸引人  更加令人开心
令到你派去嘅会众
同埋伯特利家庭嘅弟兄姊妹得益
你哋嘅说话唔会用胡椒嚟调味㗎
因为经文冇叫你糁啲胡椒粉吖嘛
都无话用黑椒、辣椒、指天椒
整到佢有咁辣得咁辣
而系用盐  唔系掯嘅
而系好好味
我哋讲说话应该都系噉呀
无论你系讲演讲
定系喺会众发表评论
抑或你同人倾偈
你哋嘅说话都要仁慈体贴
令到会众入面
同埋伯特利嘅弟兄姊妹容易受落
盐嘅第二个功效系咩呢？
以西结书16:4
我哋唔会读个经文出嚟
经文提到
喺圣经时代一个惯常做法
就系会用盐去擦初生BB嘅身体
有冇谂过嗰时啲人
会用盐去捽bb个身呢？
点解佢哋要噉做呢？
其中一个原因系盐可以杀菌消毒
就算系今日啲人有喉咙痛
都会用啲盐水嚟啷口
想用嚟消炎同埋杀菌
好多人洗菜嗰阵都会加啲盐落去
浸吓啲菜先至洗
目的就系想杀菌
盐可以杀灭病菌
或者抑制佢哋嘅生长
各位学员
睇怕你哋都冇谂过自己系消毒药水
又或者杀菌剂  系咪呀
不过比喻嚟讲你哋系㖞
你哋真系㖞
想象吓呢个情况吖
喺你嘅会众或者伯特利家庭
你听到有人开始讲其他人嘅闲话
呢啲就系病菌嚟㖞
噉你咪去杀菌啰
你会转话题啦
维护嗰个俾人讲闲话嘅人
总之就会做啲嘢去杀菌
可能你听到有人讲
“嗰个长老都唔知做咩嘅
讲亲演讲都过晒钟嘅”
跟住你可能会噉样讲
“系咩？我冇为意㖞
不过佢真系一个好好嘅弟兄呀
佢关心人对人好体贴
都好用心帮会众嘅弟兄姊妹㖞
佢做得咁好真系值得我哋欣赏呀”
噉你就杀咗菌喇
你系名副其实嘅杀菌剂
你传道嗰阵都会噉做㗎
当你听到有人讲三位一体、地狱永火
灵魂不死或者其他错嘅道理
你都会去杀呢啲菌㗎
跟住讲吓第三点嘞
呢个可能系耶稣谂到盐嘅另一种作用
请打开利未记第2章
利未记第2章
我哋睇吓第13节吖
经文噉样讲
“你献上嘅所有谷祭都要放盐
喺你嘅谷祭入面
绝对唔可以少咗你上帝用嚟立约嘅盐
任何祭物都要加盐献上”
摩西法典规定所有放喺祭坛上面
献俾耶和华嘅祭物
都要加啲盐落去
噉点样可以做得到呢？
根据犹太人嘅历史
佢哋会放一大堆盐
喺上祭坛嘅斜路下面
喺圣殿嘅范围
亦都有一间好大嘅储物室
叫做盐室
储存咗好大量嘅盐
确保献祭嘅时候符合上帝嘅要求
问题系点解耶和华会有噉嘅要求呢？
《守望台》有一篇文章
曾经解释过呢一点
嗰度话“噉样做唔系为咗令祭物好味一啲
而好可能系因为盐象征冇腐化
或者败坏嘅情况”
讲得好啱呀
呢个就系盐嘅第三种功效嘞
盐可以防腐令到食物冇咁快变坏
例如可以用盐嚟腌制啲肉
啲肉腌好之后唔使摆入雪柜
放好耐都唔会变坏
因为有盐喺入面可以防腐
所以摆好长时间都得
同样比喻嚟讲你哋喺新岗位
都可以发挥防腐嘅作用
我哋相信你哋一定能够噉样做
举个例吖
我哋同一个食烟嘅人开始读圣经嗰阵
佢个肺同心脏都已经伤咗㗎喇
或者个吸毒嘅人大脑功能受损
或者成日饮酒嘅人个肝出咗问题
又或者一个生活放荡嘅人
佢感染咗各种可怕嘅疾病
不过你教佢圣经
有耶和华嘅帮助
佢停止咗呢啲坏习惯
就好似冇再继续变坏一样
你话系咪呢？
好多时  嗰个人唔单止冇再变坏落去
就连佢嘅思想态度都唔同晒
佢嘅身体亦都慢慢健康返
更加好嘅系
你帮佢同耶和华建立亲密嘅关系
等佢有机会保全自己嘅生命
直到永远
喺地区入面你就系防腐剂喇
喺伯特利入面
如果有人唔小心行错一步
可能损害咗佢同耶和华嘅关系
你作为一个成熟嘅基督徒
你一定会用温和嘅态度谂办法纠正佢
好想保全佢可能会失去嘅生命
以上只系几个例子啫
你可能仲谂到其他方法㗎
喺呢个演讲我哋讲咗盐嘅唔同功用
盐可以用嚟调味  可以杀菌
亦都可以用嚟防腐
耶稣呢个比喻真系有好深嘅含义
如果谂深啲  佢其实赞紧啲门徒
我哋都有一样嘅感觉呀
各位学员  我哋都好想称赞你哋
你哋系“世界嘅盐”
另外我哋再睇返马太福音第5章
就会见到耶稣除咗称赞佢哋
其实仲俾咗一个提醒
一齐睇吓马太福音5:13
今次会睇晒成节经文
耶稣话“你哋系世界嘅盐
如果盐冇咗咸味  仲可以变返咸咩？
啲盐冇用嘅话
就唯有揼出去  任人践踏嘞”
所以盐真系可以失去作用㗎
如果捞咗其他杂质
杂质越多咸味就越少
噉慢慢盐就失去咗佢原本嘅作用嘞
我哋都一样㗎
要保持比喻意义上嘅咸味
噉先至系有用嘅盐呀
你可以点做到呢？
就系将你呢5个月学到嘅所有嘢
尽力应用出嚟
噉你就系有咸味嘅盐喇
跟住落嚟系咩环节呢？
过去呢几年  呢个节目都好受欢迎
大家都好钟意㗎
冇错嘞  就系《基列有约》
我哋有请另一位亲爱嘅基列导师
凯理忠弟兄
帮我哋主持呢个部分
请大家细心欣赏今集《基列有约》喇
欢迎收睇新一集嘅《基列有约》
喺以赛亚书64:8
耶和华形容自己系“陶匠”
而我哋呢 就系“陶泥”
虽然我哋系唔完美  好似陶泥咁
但系只要我哋愿意
耶和华就可以塑造我哋
成为任何佢需要嘅器皿
达成佢嘅旨意
我哋而家会访问5位
嚟自基列学校第158届嘅学员
睇嘅时候 请留意
耶和华有啲乜嘢美好嘅特质？
仲有一路以嚟
佢点样塑造同埋引领佢哋？
首先我哋欢迎
嚟自英国分部嘅马克同埋梅莉莎
多谢你哋上嚟《基列有约》接受访问呀
-唔好客气  -你哋都喺英国分部服务㗎
噉你哋系咪都系英国人呀？
我呢系嚟自英国曼彻斯特附近嘅
我就唔系嘅
我系嚟自美国嘅底特律
你哋中间隔咗个大西洋㖞
噉你哋系点识㗎？
喺1998年  我去咗一个国际大会
呢个大会喺梅莉莎住嘅地方附近举行
我哋就喺嗰度识嘅
过咗大约7年 我哋就结婚啦
哦 咁你哋后生啲嗰阵
同耶和华嘅关系系点㗎？
我父母都好爱我  都尽力教导我嘅
但系嗰阵
我同耶和华嘅关系就麻麻哋啦
我细细个就已经好想做时装设计师
所以后嚟我就去咗读大学
读咗四年  攞咗时装设计嘅学位
之后顺理成章
我就入咗呢一行发展
而亦都因为咁
我冇培养一啲好嘅特质
净系挂住做嘢  一心想揾多啲钱
同埋我亦都识咗啲唔系咁好嘅朋友
因为噉
我都会去埋啲唔系咁好嘅地方
当然亦都冇崇拜嘅目标啦
嗯  噉马克你呢？
我都一样
后生嗰阵都唔系咁好㗎
妈妈教我认识真理嘅
我13岁就受浸嘞
但系之后我就过住双面人嘅生活
虽然我屋企人为我立下咗好榜样
身边亦都有一班好朋友
直到今日都保持忠贞
但系我越大就越坏
当时只有耶和华先知我系点样嘅人
佢知道我点样运用时间
亦都知道我唔系好似表面扮到嘅咁好
多谢你哋同我哋分享
我知要讲出嚟都唔系咁容易㗎
噉系乜嘢令你哋改变呢？
虽然我爸爸唔系一个耶和华见证人
但系佢就系一个好爸爸 好老公
我都好想好似佢噉
当我哋开始拍拖
我就立下目标要做个好老公
所以即使住喺唔同地方
我哋都会每个星期用电话一齐研读
呢次系我第一次咁认真做崇拜嘅事
由嗰时开始
我慢慢建立返同耶和华嘅关系
亦都因为噉
我意识到自己一直以嚟做嘅嘢
令耶和华好失望
嗯 我都类似
我哋结咗婚之后  我就开始做先驱
但系对于以前做过嘅事
我开始觉得有啲良心不安
所以我哋决定
一齐同长老倾吓
噉样做好好啊
因为可以修补返同耶和华嘅关系
深入研读真系可以帮我哋
巩固同耶和华嘅关系
有清白嘅良心
噉之后发生咩事呢？
之后我哋就觉得好想为耶和华做多啲
想尽自己嘅能力为佢服务
所以我哋试吓报名读基列学校
又申请加入LDC、加入分部
虽然我哋咩申请表都交晒
-不过一啲回音都冇  -系呀
后嚟有啲朋友就提议我哋去尼加拉瓜
呢个需要更加多传道员嘅地区服务
尼加拉瓜嗰度系点㗎？
我有张相呀  俾你睇吓吖
张相喺我哋喺当地传道嗰阵影嘅
你睇吓  我哋几开心
嗰度嘅人好友善
我哋有好多圣经课程
真系好挂住喺嗰度服务嘅日子啊
嗰阵我哋去亲边度
通常都系踩单车㗎
哦  系㖞
如果你行路经过弟兄姊妹屋企
佢哋一定会请你入去食饭
虽然佢哋拥有嘅嘢唔多
但系就好慷慨
喺佢哋身上  我哋真系学到好多
净系睇相都感受到你哋有几开心
完全睇得出你哋两个好钟意
喺需要更多传道员嘅地区服务呀
多谢俾张相我睇
离开咗尼加拉瓜之后
你哋后嚟有机会喺英国嘅伯特利服务
唔知你哋分别喺乜嘢部门帮手呢？
我喺法律部做嘢嘅
主要系帮特别全时服务嘅人申请签证
我好钟意呢个工作
因为可以见到耶和华点样帮我哋
有时申请嘅过程都几复杂㗎
但系耶和华就会令我哋成功
好好啊  马克你呢？
我喺公共资讯部  即系PID帮手
其中一个主要嘅工作系
提供有关见证人嘅准确资料
俾传媒、政府或者学术机构
呢件工作一啲都唔简单㖞
系啊  真系一啲都唔简单㗎
初头我真系好惊  好担心㗎
我记得有一晚
我甚至担心到完全瞓唔着觉
于是我就行出厅
睇吓出埃及记第3、第4章
因为我谂起耶和华都曾经委派摩西做PID
摩西要去见埃及嘅最高领导人法老
每一次摩西觉得自己做唔嚟嘅时候
耶和华都保证无论摩西需要啲乜嘢帮助
佢都会支持摩西
耶和华都系噉样帮我哋㗎
每一次我同部门嘅弟兄姊妹觉得
我哋唔够经验  唔够能力嗰阵
耶和华都会帮我哋应付得嚟
呢个加强咗我嘅信心
我哋听完你哋嘅经历之后都一样
你哋由后生到而家真系改变咗好多
我想问吓你哋  喺呢个过程
你哋睇出耶和华系点嘅呢？
我睇到耶和华对我好有耐心
佢知道我钟意生活有多啲变化
亦都好钟意学新嘢
佢冇阻止我用自己嘅方式生活
虽然嗰阵时我都觉得几开心嘅
但系当我跟耶和华教嘅去做
生活就更加精彩
亦都培养到一啲特质
同耶和华嘅关系更加好
耶和华俾机会我学到一啲新嘅技能
同埋做一啲有挑战性嘅工作
如果我用自己嘅方式生活
就唔会有呢啲机会啦
我真系好多谢耶和华冇放弃我
俾我体验到
崇拜佢先系最好嘅生活方式
嗯 马克你呢？
我睇出耶和华好怜悯人
谂返转头 当时我好惊
所以唔敢去揾长老 请佢哋帮我
我唔知道耶和华究竟系点样睇我呢类人
不过有个好朋友俾咗节经文我睇
-我可唔可以同大家分享呢？-梗系好啦
就系以赛亚书28章
我好钟意24至29节
不过我净系会读出24节嘅其中一部分
经文话“唔通农夫会唔撒种
净系成日犁地咩？”
经文提到一个比喻
一个农夫唔会净系不停咁犁地
而系会集中喺嗰个结果
即系佢可以享用嘅收成
我嘅经历都系咁样㗎
耶和华唔系一味惩罚我、管教我
而系集中喺点样帮我修补同佢嘅关系
令我可以开心噉为佢服务
我哋都好多谢佢俾我哋感受到
全程投入为佢服务系几咁好
你嘅经历证明经文讲得一啲都冇错
听到马克噉讲 令我谂起
喺上堂嘅时候
我哋讨论过一节经文
就系喺希伯来书9:14
经文提到我哋要有清白嘅良心
先可以敬奉耶和华上帝
我哋真系亲身体验到呢一点啊
冇错啊
就算我哋以前做错嘢
都要集中喺点样为耶和华服务
而唔系一味好内疚
你哋真系做得好好
我哋睇出耶和华一直帮助你哋
多谢你哋接受访问
跟住落嚟
我哋好想访问嚟自东非分部嘅
万吉库·瓦伊奇戈姊妹
我知道你系嚟自肯尼亚嘅
好似我见大家都叫你希科㖞 系咪呀？
系呀 叫我做希科啦
系啰 希科易嗌啲呀
不如你自我介绍一吓吖
我妈咪认识真理先嘅
所以我自细就学圣经喇
我爸爸唔系见证人
佢好想我哋专注喺学业上面
而我都对法律好有兴趣
-法律？-系呀 -真嘅？
我好想帮嗰啲弱势社群争取公义
所以我同自己讲我要做一个律师
读法律要用好多时间
好多精神㗎㖞
噉有冇影响你同耶和华嘅关系啊？
有啊 因为嗰阵我好俾心机读书
我好想有好嘅成绩
为将来嘅工作铺路
所以我都唔系好投入崇拜嘅活动
噉有咩改变咗你呢？
毕咗业之后我自己搬咗出去住
咁啱就住正喺个聚会所隔离
记得有一日 我返工好忙好攰
我收工之后行紧返屋企嗰阵
见到有一班弟兄姊妹
好开心咁行紧去聚会所
我就谂
“我唔系应该好似佢哋噉
开开心心噉去参加聚会咩？”
跟住嗰个礼拜
我就去咗聚会嘞
睇嚟你嗰次跟风都冇跟错㖞！ 
-系呀 -噉你就参加返聚会嘞
系呀
噉去返聚会 见返啲弟兄姊妹
你有咩感觉呀？
呢个会众好热情 好有爱心
啲弟兄姊妹亦都好关心我
令我好有归属感
我觉得自己好似返咗屋企一样
佢哋真系好似救返我噉
好好呀
噉后嚟你系点样开始参与全时服务嘅呢？
我定咗一个目标
就系想喺一年之内睇晒成本圣经
所以我就跟住个计划去做嘞
每朝我都会早啲返到公司
喺开工之前睇一段经文
每睇完一部分嘅经文之后
我就会喺《守望台书库》查吓相关嘅资料
一年之后我都继续每一日咁样做
睇嚟你真系好深入咁研读㖞
有好嘅开始啦
仲有乜嘢帮你开始做先驱呢？
嗰时我成日都会同啲先驱出传道
其中有一个姊妹
我特别同佢熟啲嘅
佢成日都话
我知道你总会有一日报名做先驱㗎
虽然嗰阵时我仲做紧全职
根本就冇可能做到先驱
但系佢就好有信心
-系啊 成日都讲 -系啊
最终我都真系报咗名做先驱
亦都参加咗先驱训练班
-咁好呀 -俾张相你睇吓
哦 你哋攞住先驱训练班嘅课本㖞
咦 呢个系边个嚟㗎？
佢就系不停鼓励我做先驱嗰个姊妹
呢次系佢第二次上先驱训练班
我哋咁啱喺同一班上堂
佢真系成功鼓励到你㖞
系呀 可以上到先驱训练班
真系福份嚟㗎
-睇嚟你哋仲好好朋友㖞 -系呀
噉就好喇
之后你就部分时间喺伯特利帮手
后嚟就转咗全时服务嘞
噉你喺咩部门度做啊？
我喺法律部度帮手
啱啱你都提到
以前你嘅工作系同法律有关嘅
我好想问吓你
你觉得喺伯特利为耶和华服务
同你喺出边打工
有啲乜嘢唔同嘅地方呢？
完全冇得比呀
喺出边做嘢  个个都系为咗钱
想上位  想有更高嘅地位
但系喺伯特利做嘢就系帮紧弟兄姊妹
就算你未见过佢哋  未有机会认识
已经好爱佢哋啦
当你为耶和华服务
你会觉得好开心 好满足
亦都会更有信心
多谢你嘅分享啊
睇到耶和华点任用你
我哋真系受到鼓励
亦都好多谢你嘅付出同埋牺牲
仲有马克同埋梅莉莎
见到你哋一直以嚟乐意受耶和华任用
我哋都受到好大嘅鼓励
多谢你哋
而家我哋欢迎嚟自多米尼加共和国嘅
蒂托·阿布雷乌弟兄
蒂托 你好呀
你好呀
咦 你系咪自细就认识真理㗎喇？
我妈妈系个见证人
我爸爸就唔系喇
但系佢都好支持我哋㗎
因为佢见到圣经帮咗我哋好多
我妈妈好爱耶和华  亦都好钟意出传道
所以我哋都受佢影响
好自然就立下目标做正规先驱
后嚟喺2010年
我参加咗组织事务训练班
-你参加过MTS㗎？ -系呀
咦 噉之后派咗你去边度呀？
我去咗岛嘅中部做特别先驱
嗰度真系好好㗎
-俾张相你睇吖 -哗！
呢个系何塞弟兄
我哋就喺森林入面传道
嗰时佢仲系个未受浸传道员嚟㗎
不过而家就做咗特别先驱嘞
如果你仔细睇吓
就会见到后面有间屋
嗰时我哋喺嗰度揾紧啲聋人
而住喺呢间屋嘅嗰家人
爸爸妈妈系讲克里奥尔语嘅
啲小朋友就主要讲西班牙话
但系最细嗰个系聋人
于是我哋就用手语同呢个小朋友沟通
所以向呢家人传道
我哋要用到三种语言㗎
-哦 你识手语㗎？-系呀
-我家姐系聋人嚟嘅 -哦
所以我哋成家都学咗手语
咁好呀
噉我想问吓
你啱啱去到嗰度嘅时候系点样传道嘅呢？
系咪逐家逐户去揾啲聋人？
当地嘅弟兄会同我哋一齐去揾啲聋人
另外 我哋都会先去三个地方
分别系警署、军事基地
仲有镇长办公室
-一嚟就揾啲官员先？-系呀
后嚟点呀？
佢哋反应都唔错呀
因为我哋有好行为
所以嗰个镇嘅人
对耶和华见证人都有好好嘅印象
而且啲官员听到耶和华见证人
想帮啲聋人都好开心啊
你知唔知啊？
嗰次我哋揾完镇长之后
仲即刻多咗三个续访
呢三个聋人都系喺镇长办公室做嘢嘅
后嚟佢哋仲读圣经添
镇长一次过俾咗三个圣经学生你呀？
-系呀 -哗 噉佢哋进步成点呀？
好好呀
尤其系一对夫妇
佢哋认识真理之前系同居嘅
由于佢哋好想听耶和华话 做啱嘅事
佢哋就结咗婚
之后佢哋同耶和华嘅关系越嚟越好
甚至开始帮地区入面嘅聋人认识耶和华
好好嘅经历呀
睇嚟嗰度嘅手语地区发展得好快
我听讲喺多米尼加  唔单止西班牙语
其他语言嘅地区都发展得唔错㖞
-冇错啊 -一齐睇吓短片
了解吓当地嘅情况吖
伊斯帕尼奥拉岛上面有两个国家
就系多米尼加共和国同埋海地
呢度嘅弟兄姊妹都对耶和华好有信心
喺多米尼加传道工作不断扩展
包括克里奥尔语嘅地区
由于海地有动乱 同埋其他问题
所以好多海地人逃难嚟到呢度
想安顿落嚟
好多海地人都信有上帝
但系就觉得上帝唔关心佢哋
听佢哋咁讲
我哋真系好想帮佢哋啊
我哋会耐心听佢哋讲嘢
理解佢哋嘅感受
然后续访嘅时候
就话俾佢哋知将来系有希望嘅
俾佢哋睇得出上帝系好关心人
帮佢哋对上帝有返信心
我哋每去到一个门口
啲人都好开心咁欢迎我哋
仲会请我哋入屋坐吓
好多时两三个钟都只系探到几家咋
因为每一家都倾到好耐
佢哋好钟意同人倾偈㗎
有时只系问一啲好简单嘅问题
就可以自然咁倾落去
譬如问“你今日几好吗？
你啲屋企人点啊？”
跟住就可以继续倾好耐喇
当你见到啲人学咗圣经之后
开始慢慢进步
嗰种开心同满足
真系唔知点形容呀
有一次我哋逐家逐户传道嘅时候
探到一个女士  佢好伤心
因为啱啱出世嘅BB死咗
当佢听到佢遇到嘅呢啲事
唔系上帝造成 就觉得好惊讶
后嚟佢话
好多谢耶和华俾机会佢认识真理
等佢唔会继续伤心落去
人生有返希望
所以佢好想报答耶和华  为佢服务
而家佢已经受咗浸
我哋都好爱佢
由于人生有咗方向
佢比以前笑多咗好多
真系好开心呀
见到学生受浸  喺水裏面上返嚟
嗰一刻我真系好感动
佢哋达到呢个目标
当然全靠耶和华先至得啦
但系有份出一分力帮佢哋
我都觉得好开心啊
我哋会众虽然得30个传道员
但系平均就有差唔多70人嚟参加聚会
而每年仲有超过300人参加纪念聚会添
系传道员人数嘅10倍啊
我睇出耶和华好有耐心
真系仲有好多工作要做啊
喺多米尼加仲有好多类似嘅经历
有好多人乐意听好消息
就好似耶稣喺约翰福音4章话
田地已经成熟喇
所以我哋要快啲收割
可以同全球嘅弟兄姊妹
一齐参与呢件工作真系好开心啊
耶和华真系赐福俾多米尼加嘅传道工作
吸引更加多人认识佢啊
不如讲吓
你而家喺伯特利做咩工作吖？
我而家喺卫生保健部服务
我哋负责支援
喺多米尼加服务嘅特别全时仆人
包括特派传道员、特别先驱同分区监督
不过而家由于海地情况都唔系咁好
面对紧好多难题
所以我哋都会帮手
照顾埋嗰度嘅弟兄姊妹
哦 海地呀？
所以嗰度嘅特别全时仆人
都会去到多米尼加睇医生呀可？
噉你留意到佢哋有啲乜嘢好嘅特质？
佢哋要留喺嗰度服务真系唔容易㗎
所以佢哋嚟到
我哋都想佢哋唞吓 放松吓
当然啦
我哋会喺医疗方面协助佢哋
我哋好欣赏佢哋积极嘅态度
讲到呢度 我谂起一对夫妇
我哋陪佢哋去睇病
检查完之后
医生就话病情都几严重
当佢哋了解咗个情况
同埋要点医之后
佢哋第一样嘢竟然问
“可唔可以尽快完成个疗程？”
医生听到之后就问“点解呀？”
跟住佢哋解释原因
系我哋冇谂过㗎
佢哋话
“喺海地嘅弟兄姊妹 我哋嘅朋友
好需要我哋喺佢哋身边
所以我哋好想尽快完成疗程
返去海地 同佢哋一齐传道”
情况咁艰难
但系佢哋都会谂咗其他人先
见到噉 我哋真系好感动呀
佢哋真系好有自我牺牲嘅精神啊
多谢你同我哋分享
你工作嘅时候
成日都可以接触到海地嘅弟兄姊妹
唔单止系咁 过去呢5个月
你嘅室友都系海地人添 系咪呀？
系呀 真系咁啱得咁跷
不如我哋同佢倾吓吖
梗系好啦
跟住我哋欢迎
嚟自海地分部嘅弗朗克兰·艾梅弟兄
欢迎你嚟到《基列有约》呀
多谢你呀
你系咪都系喺真理家庭长大㗎？
系呀 自细妈妈就教我圣经真理
仲一手一脚凑大我
同两个哥哥两个家姐
我妈妈系一个好有信心 好勤力嘅人
佢嘅榜样 对我有好大嘅影响
有时妈妈都唔知道第二日
仲有冇嘢俾我哋五兄弟姊妹食
但系佢都好信赖耶和华
我经常见到佢喺度祷告
将所有忧虑卸俾耶和华
而耶和华一直都有帮佢
妈妈嘅好榜样帮助我
将耶和华睇得更加真实
亦都对佢更加有信心
你妈妈嘅榜样真系帮你上咗好宝贵嘅一课
你仲接受过咩培训呢？
我喺2010年参加过MTS
2010年？
咁咪同蒂托同一年？
系啊 不过我哋喺岛嘅唔同地方上堂
仲有啊
我哋系喺同一个礼拜受浸添呀
-同一个礼拜？-系呀 1997年
哗 好似喺岛嘅另一边
有另一个自己咁㖞
系啊 系啊
不过记得喺2010年
海地发生咗场大地震
呢场地震造成好大嘅破坏
仲死咗好多人呀
有冇影响上MTS呀？
有啊 我哋上堂嘅时间都要调整啊
喺朝早我哋就正常上堂
而下昼所有人就去参与救灾工作
呢度有张相呀 俾你睇吓吖
咦 佢哋做紧乜嘢呀？
有一日嘅下昼
我同啲同学一齐将啲救灾物资
搬上去架货车度
俾受灾嘅弟兄姊妹用
哇！好好㖞
上昼你哋喺课室学习耶稣嘅榜样
下昼就实践出嚟嘞
系啊
好好呀
毕业之后你去咗边呀？
我去咗一个小镇嗰度做特别先驱
我好开心呀
因为见到耶和华赐福俾嗰度嘅传道工作
亦都可以出一分力
帮嗰度嘅人认识耶和华
反应咁好呀
睇嚟佢哋真系有心灵嘅需要㖞
噉嗰度嘅内乱有冇影响传道工作呀？
弟兄姊妹冇因为内乱而停落嚟
佢哋继续热心传道
因为唔少弟兄姊妹逃难去到其它国家
所以过去呢几年传道员人数都下降咗
不过喺传道方面
我哋仍然有好好嘅成果
虽然自从2021年内乱越嚟越严重
但系2024年工作年度嘅圣经课程数目
就比2021年增长咗18%
辅助先驱嘅人数系以前嘅4倍
而受浸嘅人数呢 就系以前嘅2倍
我哋睇出虽然有咁多挑战
但系耶和华继续赐福俾我哋
真系太好喇
你话过去呢几年
海地嘅内乱越嚟越严重
弟兄姊姊妹一定好艰难
可唔可以讲吓佢哋嘅情况？
由于内乱
好多弟兄姊妹都时不时要走难
有啲走嘅时候
只系得身上着住嘅衫同埋逃生包
佢哋到咗一个地方之后
唔够几个星期或者几个月又要走嘞
不过即使系噉
佢哋仍然有内心嘅安宁 保持喜乐
真系好犀利
就好似喺今年年初
有一个镇嘅300个弟兄姊妹就要走难
去到附近嘅另一个镇嗰度
喺嗰一个星期
分部就即刻安排
两个分部委员会成员去探佢哋
发表演讲 鼓励佢哋
当时安排咗一个特别聚会
不如我俾张相你睇吓吖
哦 系几时影㗎
呢张相
就系喺嗰次特别聚会影嘅
你可以睇到当时聚会所入面坐满咗
走难嚟到嘅弟兄姊妹
分部委员会嘅弟兄都好惊讶
佢哋冇谂到
虽然呢啲弟兄姊妹
啱啱被迫离开自己嘅屋企
但系都准备好 着得咁整齐
仲好开心咁崇拜上帝
哇 啱啱先经历咁多嘢
但系仍然咁重视聚会
佢哋肯定靠住耶和华先咁有力量嘞
呢啲弟兄姊妹真系我哋嘅好榜样
另一方面
耶和华都通过佢嘅组织
同埋带头嘅弟兄帮助我哋
不如我哋而家一齐了解多啲
海地嘅情况
听吓一位分区监督系点样讲吖
海地位于伊斯帕尼奥拉岛西部
喺呢度  弟兄姊妹要面对好多难题
不过佢哋仍然好有勇气、好谦卑
亦都对耶和华充满信心
佢哋嘅态度好值得我哋学习
我记得嗰阵时 啱啱过咗疫情
我哋举行返实体嘅分区大会
邀请弟兄姊妹亲身出席
但系有啲弟兄姊妹住嘅地方
经常都有暴动
所以佢哋要出门
参加大会系一个挑战嚟㗎
真系要好大勇气
但系当我哋一去到大会会场
我哋就见到好多弟兄姊妹喺晒度
个个都开心到不得了
一见到朋友就揽实对方
我见到啲姊妹揽完之后
仲分享一啲好好嘅经历
我哋已经好耐冇试过咁样聚埋一齐喇
嗰日真系好难忘
大家都受到鼓励啊
另外 大会节目帮我哋做好准备
令我哋有足够嘅力量
去面对之后嘅难关
就喺嗰次大会之后
因为海地不断有内乱
所以我哋足足有两年都冇办法
喺大会堂举行实体嘅分区大会
我好开心见到喺呢段时间
弟兄姊妹对耶和华好有信心
继续同佢有好好嘅关系
啲长老亦都好谦卑
好快就跟住组织俾嘅指引去做
特别系当有暴力事件发生
一收到指引
佢哋就会尽最大嘅努力
第一时间跟住去做
关心嗰啲受影响嘅弟兄姊妹
我哋睇到弟兄姊妹好有爱心
即使情况几咁艰难
佢哋嗰份爱心都冇减退
继续互相扶持
佢哋都唔会因为外在嘅环境
而影响同耶和华嘅关系
反而更加紧密
我哋睇到佢哋越嚟越有信心
亦都更加乐意跟组织嘅指引去做
佢哋表现出嘅耐心
真系好值得我哋学习啊
我同我太太都学到要俾耶和华指引我哋
我哋知道 无论喺乜嘢情况
耶和华都绝对唔会揼低我哋
佢一定唔会唔理我哋㗎
所以我哋肯定就算环境变到几差都好
我哋都可以继续信赖耶和华
喺伊斯帕尼奥拉岛上面嘅耶和华见证人
都显出极大嘅信心
呢度嘅每一个经历都令我哋睇出
耶和华同佢嘅子民一齐
而且无论遇到乜嘢难题
我哋都可以忍耐落去
同埋保持热心
真系好感人呀
我哋睇到海地嘅弟兄姊妹
就算经历患难嗰阵
都好似歌罗西书1:11讲
“怀住……喜乐 事事忍耐”
呢个证明咗耶和华
喺佢哋需要嘅时候
通过神圣力量支持佢哋
好欣赏你哋继续忍耐
同埋对海地
仲有多米尼加嘅弟兄姊妹表现爱心
多谢你哋呀
听完今日呢啲经历
我哋唔单止对呢5位学员认识多咗
仲更加深入噉认识耶和华
我哋睇到耶和华点样帮佢嘅仆人
克服一啲靠佢哋自己根本克服唔到嘅难题
亦都睇到佢用传道工作吸引人认识佢
耶和华真系一个有爱心又有耐性
充满怜悯嘅陶匠
佢塑造我哋
等我哋可以达成佢嘅旨意
虽然我哋每个人都系唔完美嘅陶泥
个个人嘅能力都系有限嘅
但系只要我哋乐意接受塑造
耶和华就会任用我哋成就佢嘅旨意
你呢？
你愿唔愿意受耶和华塑造？
好期待下一次《基列有约》
再同大家见面
多谢你哋呀
凯理忠弟兄同咁多位受访嘅学员
我哋都好钟意你哋分享嘅经历呀
我哋仲有好丰富嘅节目呀
跟住落嚟我哋会听到一个精彩嘅演讲
呢个演讲
会由中央长老团成员乔迪·耶德勒弟兄发表
佢嘅演讲题目好简单
《继续赢得喜悦》
交俾你喇
各位学员  就嚟毕业喇
我知道你哋一定好感激
有机会嚟到基列  学到咁多嘢
亦都一定好享受
可以喺呢段时间入面全情投入
钻研圣经
更深入噉认识耶和华
加深对佢嘅爱
从你哋讲嘅嘢
就知道你哋好钟意呢个课程
你哋从伯特利嘅培训部同基列导师
得到好多指引同支持
你哋亦都好欣赏伯特利提供嘅服务
唔单止系噉
你哋身边都有好多弟兄姊妹
悉心照顾你哋
点解佢哋帮你同支持你呢？
因为佢哋爱你
佢哋好想你喺呢段时间
全心投入基列课程
尽力学多啲嘢
点解呢？
就系希望
你哋将来能够加强人嘅信心
发挥稳定嘅作用
而家有超过900万人开心噉崇拜耶和华
而且不断有新嘅人加入
撒但见到一定好唔钟意
但系我哋就好开心
仲想有更加多人加入添！
呢段时间嘅经历加强咗你哋嘅信心
令到你哋同耶和华嘅关系更加亲密
你去到将来嘅岗位
就可以发挥稳定嘅作用
巩固弟兄姊妹同耶和华嘅关系
即系要点做呢？
就系无论我哋受委派做乜嘢
我哋每日
都要尽力效法我哋嘅爸爸耶和华
其实你哋嚟基列之前
都同其他弟兄姊妹一样努力噉样做
不过  你哋毕业之后
就要比以前做得更加好
噉实际上可以点做呢？
而家我哋讲吓  喺一啲情况之下
我哋可以点样帮助同鼓励弟兄姊妹吖
我哋一齐睇吓箴言13章
留意吓经文第15节嘅上半部分
经文话
“透彻洞悉事理嘅人赢得喜悦”
呢一句说话究竟系咩意思呢？
等我哋分析吓呢段经文吖
一个基督徒当然都好想得到弟兄姊妹嘅认同
不过我哋更加想耶和华认可我哋
同埋得到佢赐嘅福分
耶和华好乐意赐福俾人
只要一有机会
佢就会赐福俾佢嘅学员
唔系
忠心仆人
不过学员都啱嘅
嚟基列之前
你哋都体验过耶和华赐嘅福分
你哋同上帝嘅关系都好好
佢都好欣赏你哋
而家你哋就快毕业嘞
我哋都好想各位继续运用洞悉力
能够赢得上帝嘅喜悦
噉圣经提到嘅洞悉力又系咩意思呢？
一本参考书指出
译做“透彻噉洞悉事理”呢个词组
喺原文所指嘅系
“通情达理  有好嘅判断力
能够提供好嘅意见”
另一本参考资料就话
佢都指“睇穿事情嘅表面
考虑事情背后嘅原因
有智慧  能够全面噉了解事情
呢种能力能够令人做事明智
而获得成功”
讲得好好呀
应该人人都同意
我哋需要有好嘅判断力
唔系净系睇表面
呢个道理好多人都同意
亦都唔系咁难明白嘅啫
噉点解我哋仲需要箴言呢个提醒呢？
因为喺现实嘅情况
洞悉事理未必咁易
我哋会遇到唔同嘅人
需要处理嘅事亦都唔同
加上我哋系唔完美嘅
各有各嘅意见
有唔同嘅背景同文化
仲有我哋会同
唔同部门嘅弟兄姊妹一齐做嘢
佢哋重视嘅未必会同我哋一样
令情况更加差嘅系
你或者对方之前嗰晚瞓得唔好
结果就系
唔容易表现洞悉力
睇吓摩西嘅例子
佢一直都忠心噉崇拜耶和华
以整体嚟讲  佢都得到耶和华嘅认可嘅
但系喺米利巴  以色列人嘈住要饮水
摩西处理嘅方式
有冇得到耶和华嘅认可呢？
当时佢受到好大嘅压力
佢就击打岩石  之后就有水流出嚟嘞
可惜嘅系  摩西冇洞悉事理
佢冇荣耀耶和华
冇用正确嘅方式回应民众
佢冇加强到以色列人对上帝嘅信心
呢个记载帮我哋明白
即使我哋喺大部分嘅时间
赢得上帝嘅喜悦
但系如果喺某啲事上处理得唔好
就会得罪耶和华  令佢唔开心
虽然摩西仍然能够继续带领以色列人
但系佢受到管教  冇得入应许之地
因为佢冇洞悉事理
所以我哋学到
喺唔容易嘅情况下
更加需要表现洞悉力
一齐睇吓第一个
可以帮助我哋运用洞悉力嘅步骤吖
诗篇32篇
睇吓第8节
32篇8节
呢个系耶和华讲嘅
“我要令你洞悉事理
指教你应该行嘅路
我嘅眼要看顾你
为咗劝告你”
所以第一步
我哋要知道洞悉力系嚟自耶和华嘅
佢会指引我哋
佢通过圣经、神圣力量、佢嘅组织
同埋我哋嘅弟兄姊妹噉做
跟住我哋调整自己嘅谂法
按照耶和华嘅处事方式去做
噉我哋就可以做好嗰件事嘞
我哋要培养耶和华嘅特质
学习佢嘅处事方式
你哋已经做紧㗎喇
而且见到耶和华好欣赏你哋噉做
所以要继续令佢开心
继续运用洞悉力
噉就可以稳定会众
同强化弟兄姊妹嘅信心
等我哋考虑吓以下几个情况
睇吓要运用洞悉力同得到上帝嘅喜悦
需要点做？
表现咩特质？
我哋都好想帮助弟兄姊妹更加亲近耶和华
讲吓弟兄先啦
身为长老
你留意到一位姊妹唔系咁经常聚会
可以点帮佢呢？
你同另一位弟兄安排咗牧养探访
你话俾个姊妹知弟兄姊妹都好挂住佢
都分享咗一啲同聚会有关嘅经文
仲有祷告添
安排呢个探访系好嘅
你亦都分享咗一啲好嘅资料
但系有冇运用洞悉力呢？
睇落仲可以做好啲嘅
出发点系好好嘅
但系好似仲差噉啲嘢
如果你花啲时间了解吓
就会知道系佢先生反对佢
唔俾佢揸屋企架车去聚会
佢只系需要有人车佢啫
因为佢住得比较远  冇车根本去唔到
而佢又唔好意思麻烦人
记唔记得乜嘢系洞悉力？
就系需要全面噉了解一件事
先再决定点样做
呢个姊妹已经知道去聚会系好重要㗎嘞
不过佢更加需要知道嘅系
佢并唔系一个负担
有需要揾人车佢系冇问题㗎
弟兄姊妹都会好乐意噉做
我哋系同佢分享咗一啲好好嘅圣经观点
但系就冇真正帮到佢呀
冇加强佢嘅信心
反而仲令佢更加灰心
我哋真系要运用洞悉力
噉点样做
先至可以了解到事情背后嘅原因呢？
就系听对方讲多啲  关心佢哋
我哋想知道实际嘅情况
就要用多啲时间听佢哋讲
噉样我哋就系表现洞悉力嘞
而家讲吓姊妹喇
系咪只系弟兄需要有洞悉力
可以稳定会众呢？
唔系㗎  喺稳定会众方面
姊妹都可以发挥好大嘅作用
喺大部分会众
超过一半嘅传道员都系姊妹
佢哋都好需要受到鼓励
所以有时你哋姊妹做到嘅嘢
甚至比弟兄做到嘅更加多㗎
睇吓提多书2章吖
喺第3节嘅头半部分
“同样
年长嘅女子应该有虔诚嘅行为”
各位姊妹都系虔诚、成熟、忠心嘅
你哋都好尊重耶和华同埋佢嘅组织
喺度我要澄清一吓
我唔系话你哋年长
喺咩情况讲姊妹嘅年纪都唔系几好嘅
但系当你去到新嘅岗位、新嘅会众
可能会遇到一啲比你年轻嘅姊妹
第4节就话我哋有啲乜嘢可以做
“噉样  佢哋就能够劝勉年轻嘅女子”
我哋睇到
成熟嘅姊妹可以发挥稳定嘅作用
加强年轻姊妹嘅信心
讲一个事例吖
有一个年轻嘅姊妹同父母一齐住
而佢父母并唔系崇拜耶和华嘅
佢好爱耶和华
但系有时佢着嘅衫就可以再端庄啲
配合基督徒嘅身份
记得洞悉力嘅意思包括
可以睇到事情背后嘅原因
有啲姊妹关心佢
先知道原来佢冇乜钱
佢父母唔系见证人
唔会买过啲衫俾佢去聚会同出传道
所以佢需要嘅唔系劝告
一啲姊妹夹咗啲钱同佢去买衫
我唔系话一齐去买衫就等于有洞悉力
不过喺呢个情况就系嘅
有冇睇到喺两个例子入面
表面上佢哋需要啲劝告
要去聚会、要留意衣着
但系深入啲睇呢件事
了解背后嘅原因
噉就系运用洞悉力  可以帮到人嘞
讲返头先去唔到聚会嗰个姊妹吖
有好多年时间  弟兄姊妹都一直车佢去
而佢先生后嚟都改变咗
仲对真理感兴趣添
而嗰位年轻姊妹呢？
佢成家都成为咗基督徒
我哋学到啲乜嘢呢？
要运用洞悉力
花时间关心弟兄姊妹
我哋努力帮助弟兄姊妹
就可以赢得耶和华嘅喜悦
另一样可能会阻碍我哋运用洞悉力嘅
就系我哋点样睇自己嘅工作
有时我哋过度专注喺自己嘅工作
冇留意到原来影响咗其他人
我哋同埋部门入面嘅弟兄姊妹
都想努力完成自己嘅工作
因为同崇拜有关
所以我哋做得好认真
噉系好嘅
但系有时我哋唔好净系挂住做自己嘅嘢
都要谂吓整体嚟讲
耶和华想佢嘅组织成就乜嘢事
讲返洞悉力嘅意思吖
佢都包含要谂得通透啲
全面噉了解一件事
噉就可以处事明智  达至成功
要谂得咁通透
对我哋嚟讲有时都唔容易㗎
但系圣经话
“俾边个多啲  就向边个攞多啲”
净系做好自己嘅工作
唔等于我哋系成功嘅
当然我哋需要完成自己嘅工作
但系我哋都要帮助其他人、其他嘅部门
完成委派俾佢哋嘅工作
噉先算成功
发挥到稳定嘅作用
所以我哋要谂吓唔同嘅部门点样彼此影响
运用洞悉力同弟兄姊妹互相合作
先可以做好件事
噉喺同弟兄姊妹一齐做嘢嘅时候
我哋可以留意啲乜嘢呢？
一齐睇吓腓立比书第2章
我哋会睇吓第3同第4节
腓立比书2:3,4
经文话“做乜嘢都唔好争强好胜
唔好自命不凡
要谦卑  睇其他人比自己优秀
唔好净系关心自己
亦都要关心其他人”
经文提醒我哋唔好净系谂自己
亦都要关心其他人
噉乜嘢特质可以帮助我哋做到呢点呢？
就系谦卑
我哋都要重视其他人嘅工作
耶和华教我哋
要将其他人或者其他部门嘅工作
睇得比自己嘅更加重要
如果我哋噉做  其他人都会噉对我哋㗎
我哋试吓噉样睇吖
我哋做好晒自己嘅工作
但系就影响咗其他部门嘅进度
噉耶和华会唔会钟意我哋噉样做呢？
大家都系为上帝工作
我哋阻碍咗其他人
其实系阻碍咗边个呢？
值得谂吓嘅
摩西系俾到啲水以色列人饮
但系上帝唔钟意佢嘅做法
我哋学到嘅系
有时我哋觉得自己嘅工作
重要啲、复杂啲、紧急啲
其他人嗰啲呢？就比较简单
所以我哋有啲乜嘢需要
佢哋应该帮咗我哋先
但系谦卑嘅话就会同其他人合作
互相帮忙  一齐揾方法解决问题
有洞悉力亦都包括有常识
不过好可惜
常识唔系个个人都识嘅
噉我哋都会尽量学嘅
常识教我哋
有好嘅沟通就可以减少不必要嘅误会
假设你去问人攞个灭火筒
但系你又冇讲原因㖞
究竟系火烛吖？
定系灭火筒够期要换呢？
如果系火烛
你话俾对方知
佢就会快啲攞俾你嘞
所以有常识嘅话
我哋就会谂对方需要知道啲乜嘢
噉先系好嘅沟通
亦都系运用紧洞悉力
我哋保持谦卑
睇其他人比自己优秀
重视其他人嘅工作
而且花时间关心佢哋
大家就会更加容易互相合作
有更加好嘅成果
我哋唔想自己做晒决定
要其他人跟住去做
反而一齐商量点样做
噉先可以促进团结
团结可以发挥稳定嘅作用
耶和华好想佢嘅子民团结
诗篇133:1话
“弟兄团结同住  几咁美善同可喜”
另外  面对改变嘅时候
我哋都要发挥稳定作用
呢啲改变可能包括
要搬去第二个地方  转变岗位
适应新嘅工作流程、新嘅技术等等
而改变令我哋紧张同焦虑系好正常嘅
在座各位都可能适应紧一啲新嘅改变
当遇到改变嘅时候
我哋可以点样发挥稳定嘅作用呢？
我哋先讲吓弟兄可以点做吖
有时你可能要作一个决定
系会为其他人带嚟一啲转变嘅
我哋作决定之前需要认真考虑
噉样做先能够赢得耶和华嘅喜悦
你有洞悉力先可以发挥稳定嘅作用
帮人适应改变
关于呢点  一齐睇吓以赛亚书第60章
以赛亚书60章  睇吓第17节
经文就话“我要以金代铜  以银代铁
以铜代木  以铁代石”
然后经文话“我要派和睦做你哋嘅监督
派正义做你哋嘅监工”
耶和华喺呢段经文话
佢会作出一啲改变
呢啲改变喺今日都发生紧
好似每个星期都有一啲新嘅转变
耶和华带嚟嘅转变都系好嘅
就好似铜系好优质嘅金属
但系金就更加好嘞
我哋都好想耶和华成就佢嘅旨意
但系有时呢啲改变
可能令我哋有啲焦虑
不过我哋可以应付到嘅
谂吓将来可能会遇到咩改变？
如果有部更加先进嘅印刷机
唔需要咁多人手
噉肯定有啲人嘅岗位要改变
你要点做呢？
留意经文点样提到监督
耶和华会委任
“和睦”同“正义”做你哋嘅监督
噉即系话
你哋要点样帮弟兄姊妹适应改变呢？
经文提到“正义”
噉耶和华认为
点样看待佢嘅仆人先系正义呢？
一齐睇吓希伯来书6:10
希伯来书6:10
“上帝并唔系唔正义
佢唔会唔记得你哋做过嘅工作
同埋你哋为佢嘅名显出嘅爱心
就系你哋以前为圣民服务
而家仲继续为佢哋服务”
上帝一定会记得每个人为佢做嘅嘢
作为监督
有时我哋可能需要调整其他人嘅岗位
千祈唔好令人觉得
岗位改变
佢哋以前做嘅嘢就冇人会记得㗎勒
无论要作咩改变  点样以金代铜都好
我哋要记得同我哋一齐服务嘅人
同埋佢哋做过嘅嘢
如果唔系  就系唔正义嘞
所以无论作咩决定  都要体恤其他人
唔好净系睇住自己嘅工作
忽略咗人嘅感受
为咗发挥稳定嘅作用
作为监督就要认识一齐工作嘅弟兄姊妹
你愿唔愿意行出办公室
同佢哋倾吓偈呢？
问吓佢哋有冇咩难题
听吓佢哋睇法同意见
关心吓佢哋嘅屋企人吖
有啲人钟意某个改变
有啲人就唔钟意
你知唔知道边个钟意  边个唔钟意呢？
又可以点样帮佢哋？
当然有啲时候改变系必然嘅
因为耶和华讲过会有调整
但系佢唔会唔记得
佢仆人做嘅嘢同埋显出嘅爱心
所以我哋都要记得弟兄姊妹做过嘅嘢
我哋要帮弟兄姊妹适应改变
噉我哋就可以赢得耶和华嘅喜悦
有改变嘅时候
姊妹都可以发挥稳定嘅作用㗎
你可能都会受到影响嘅
但系你积极支持嘅话
就会令其他人更加容易接受改变
另外  如果你知道会有啲咩调整
亦都知道个目的
有建议嘅话都可以提出
帮弟兄做得更加好
啱啱我哋讲咗洞悉力
可以点样帮我哋发挥稳定嘅作用
令我哋赢得耶和华嘅喜悦
要关心人  留心听
要谦卑  睇其他人嘅工作比自己嘅重要
噉样做  我哋就可以营造一个
团结和睦嘅工作气氛
另外  亦都要帮助弟兄姊妹适应改变
我哋有洞悉力
就可以好好噉为耶和华服务
我哋希望你哋都能够
做好委派俾你哋嘅工作
喺最后嘅日子
耶和华成就咗好多大事
我哋好荣幸可以喺崇拜方面嘅乐园
为伟大嘅上帝服务
我哋希望每一个人都留喺呢个乐园入面
亦都想邀请更加多人加入
亲爱嘅第158届学员
你哋喺基列学校接受咗好多培训
无论将来岗位系乜嘢
要将学到嘅运用出嚟
支持同埋照顾弟兄姊妹
我哋好爱你哋
亦都相信你哋会继续运用洞悉力
继续赢得耶和华嘅喜悦
而家到咗我哋毕业典礼
好期待嘅环节嘞
你哋应该都见到
我哋台面上面嘅信封嘞
呢啲当然唔系普通嘅信封啦
入面装住嘅嘢好紧要㗎
系我哋学员嘅毕业证书
佢哋收到之后
我哋就唔再叫佢哋做学员
佢哋系毕业生
系第158届基列学校嘅毕业生
而家有请咁多位学员上嚟接受证书
请戴维·谢弗弟兄读出学员嘅名
同埋会去嘅分部
阿布雷乌弟兄会
返去多米尼加共和国分部
艾梅弟兄会返去海地分部
阿拉托雷弟兄会被派去美国分部
阿伦西维亚弟兄同佢嘅太太
会返去美国分部
阿鲁拉帕弟兄会被派去斯里兰卡分部
巴雷特弟兄同佢嘅太太
会返去西太平洋区分部
本达维察弟兄会返去克罗地亚分部
卡里略弟兄同佢嘅太太
会返去秘鲁分部
康奈尔弟兄同佢嘅太太
会返去刚果（金沙萨）分部
达尔曼弟兄会返去中欧分部
弗朗索瓦弟兄会被派去莫桑比克分部
戈洛布弟兄会返去波兰分部
格拉特里克斯弟兄同佢嘅太太
会被派去日本分部
哈达德弟兄同佢嘅太太
会返去巴拉圭分部
伊瓦戈弟兄同佢嘅太太
会返去巴布亚新几内亚分部
卡特桑托尼斯弟兄会返去希腊分部
科赫弟兄同佢嘅太太会返去智利分部
马图施弟兄会返去中欧分部
莫莫弟兄同佢嘅太太
会返去喀麦隆分部
穆索纳弟兄会返去津巴布韦分部
穆塔梅弟兄会返去东非分部
恩达伊萨巴弟兄会返去卢旺达分部
恩杰瓦弟兄会返去马拉维分部
奥尔特加弟兄会返去西班牙分部
柏夫洛夫弟兄同佢嘅太太
会返去保加利亚分部
佩纳多弟兄同佢嘅太太会返去委内瑞拉分部
皮亚洛维奇弟兄同佢嘅太太
会返去克罗地亚分部
雷蒙德弟兄同佢嘅太太
会返去千里达及多巴哥分部
希林内尔姊妹会返去土耳其分部
塞凯伊弟兄会返去匈牙利分部
乌里亚特弟兄同佢嘅太太
会返去缅甸分部
范德费恩弟兄会被派去刚果(金沙萨)分部
瓦伊奇戈姊妹会返去东非分部
约夸弟兄同佢嘅太太
会返去利比里亚分部
颁完嘞  真系好开心呀可
我就斋握手啫
仲记得
上一次我有荣幸做基列毕业典礼嘅主席
系喺五年前
嗰阵系第148届
同埋啱啱系疫情期间
如果你仲记得当时唔可以握手
我哋想打招呼净系可以撞吓手踭咋
今日就好开心可以同佢哋逐个握手
恭喜佢哋达到人生嘅一个重要里程碑
不如等所有毕业生一齐同大家见吓面吖
今日见到你哋毕业嘞
大家都好戥你哋开心呀
相信你哋会喺新岗位做得好好
跟住落嚟有请塞立·皮亚洛维奇弟兄
我希望我读得啱啦
你明点解我头先揾谢弗弟兄
读嗰啲名喇
塞立·皮亚洛维奇弟兄
会读出毕业生嘅感谢信
有请
亲爱嘅中央长老团
我哋好爱你哋  亦都好感激
有机会嚟到基列学校受培训
你哋嘅爱心同好客
令到我哋每一个都觉得好感动
我哋知道喺度受耶和华教导
一定会有好多收获
不过正如以弗所书3:20所讲
“上帝成就嘅事
远远超过我哋所求所想嘅一切”
当我哋深入钻研圣经
就更加认识耶和华同耶稣嘅美好品格
佢哋真系好爱人类  好爱我哋每一个
呢一点令我哋好感动
我哋好想效法佢哋
用爱心对待身边嘅每一位
能够受耶和华教导
真系一项宝贵嘅礼物
我哋嘅导师
就好似一个好锡我哋嘅爸爸
佢哋用耶和华嘅说话装备我哋每一位
令到我哋可以胜任将来嘅工作
我哋都好感激中央长老团嘅弟兄
花时间做我哋嘅导师
亦都关心我哋每一个
我哋真系学到好多嘢
好多谢你哋为弟兄姊妹所做嘅一切
我哋都从其他导师身上学到好多
耶和华就好似通过呢啲弟兄
合奏咗一首交响乐噉
我哋会好珍惜喺呢度嘅美好回忆
永远都唔会忘记
除咗上堂之外
我哋亦都喺美国伯特利家庭成员身上
学到好多
佢哋显出嘅爱心、慷慨同好客
真系令我哋更加感受到
耶和华各种美好嘅特质
我哋都会效法佢哋嘅榜样
努力令身边嘅弟兄姊妹
感受到耶和华嘅爱
我哋真系得到好多宝贵嘅福分
呢个令我哋谂起诗篇116:12嘅一句说话
“耶和华赐咁多好嘅嘢俾我
我攞乜嘢去报答佢呢？”
就好似经文讲嘅噉
我哋唔知可以攞啲咩嚟报答耶和华
我哋能够做嘅  就系效法利百加
随时做好准备  俾耶和华任用
谂起要离开呢个大家庭
我哋真系好唔舍得呀
不过  我哋已经准备好将呢度学到嘅嘢
应用喺将来嘅工作上
唔会辜负你哋对我哋嘅期望
谨送上我哋嘅爱同问候
你哋嘅弟兄  第158届基列学员
多谢你哋写一封咁好嘅信俾我哋
完全感受到你哋对我哋嘅感情呀
你哋话好开心
呢五个月可以同我哋一齐
其实我哋都一样
由于大家嘅信心
我哋呢段时间真系互相鼓励嘞
而家想讲返开头嗰节经文
马太福音5:13
耶稣话“你哋系世界嘅盐”
我哋都有噉样同你哋讲过
我哋都有讲过盐嘅一啲作用
例如用嚟调味或者可以用嚟消毒杀菌
亦到可以用嚟保存食物
而家我哋好想讲吓盐嘅另一个特征
就系佢嘅价值嘞
盐好值钱㗎
《洞悉圣经》噉样讲
“人唔系时时都好容易攞到盐
仲试过为咗盐而打仗同埋革命
喺古代中国  盐嘅价值仅次于黄金
甚至有人为咗盐将老婆仔女卖做奴婢
现代英文Salary即系“人工”呢个词
就系嚟自拉丁语Salarium
意思系俾罗马士兵买盐嘅报酬”
虽然喺耶稣嘅日子
盐嘅供应都好稳定
但佢知道以往嘅历史  好清楚  
对以往嘅人嚟讲盐系几咁有价值
喺嗰阵时人可以喺死海附近嘅山上面
又或者靠蒸发死海嘅水嚟得到盐
所以当时嘅人都有唔少盐㗎
不过虽然系噉
耶稣知道以往嘅历史
好清楚盐呢样嘢几咁有价值
佢亦都知道盐有好多用途
可以用嚟做好多嘢
无论嗰阵时定系而家都好有价值
耶稣可能仲记得另一样同盐有关嘅嘢
就系每个人身体入面都有盐
平均有半磅即系大约226克
圣经话佢降世为人之前
喺上帝身边嘅“好工匠”
一定有呢啲知识㗎
呢半磅盐
对我哋身体嚟讲好重要
冇咗我哋就会死
其实身体唔够盐都可以好大件事㗎
会点呢？
可以令人想呕、神智不清、抽筋、癫痫
脑肿胀、昏迷、严重嘅仲会死添
耶稣肯定知道
盐唔系可有可无
而系对我哋身体好重要㗎
因为佢有分创造万物  包括人类
所以其实耶稣系称赞紧你哋
同盐一样咁宝贵
我哋都系噉睇你哋
各位毕业生  你哋真系好宝贵
我哋好爱你哋
你哋一直以嚟付出咗好多
我哋深信你哋一定会继续
尽心尽力为耶和华服务
民数记6:24-26嘅经文
就表达咗我哋嘅心声
“愿耶和华赐福俾你  保护你
愿耶和华嘅慈颜光照你
施恩俾你
愿耶和华恩待你  赐平安俾你”
第158届基列学校嘅毕业生
我哋衷心祈求耶和华赐福俾你哋每一位
相信呢啲毕业生
一定可以喺佢哋嘅岗位
发挥好大嘅作用
冇几耐  毕业礼嘅其他演讲
就可以喺JW网站同埋JW Library睇到
讲拜拜之前
我哋一齐去探吓
津巴布韦嘅弟兄姊妹吖
津巴布韦俾其他国家包围住
佢有三种好唔同嘅气候
中部嘅平原气候好温和
赞比西河谷就又热又干旱
而东部嘅高地就又冻又多雨
津巴布韦嘅官方语言都有好多㗎
有成16种
呢度种好多粟米
当地人会用嚟煮唔同嘅菜式
佢哋会攞嚟烚或者烧
亦都会攞佢嚟做一种发酵嘅饮品
叫做Mahewu
其中一种主粮Sadza就系用白粟米舂成粉
然后用慢火煮成嘅一个好杰嘅糊
食嘅时候会用手连埋啲𩠌一齐食
佢同好多食物嘅味道都好夹
例如牛脚、牛扒
同埋用花生酱捞埋嘅蔬菜
20世纪早期
好消息已经传入津巴布韦
有啲喺马拉维同南非嚟打工嘅人
将圣经书刊带咗嚟呢度
冇几耐
就有一啲学习圣经嘅小组成立咗
1924年内森·穆卡隆达弟兄受浸
佢系属于当地第一批传道员
过咗冇耐政府就开始反对见证人
因为当局唔钟意我哋唔同种族嘅人
聚集埋一齐
去到1940年
我哋所有出版物都被禁
弟兄虽然被逮捕同起诉
但系仍然冇放弃信仰
六年之后禁令就撤销咗嘞
宣扬王国信息嘅工作一直扩展
但系去到1970年代内战爆发
由于保持中立好多弟兄都要坐监
你而家见到嘅呢本圣经
就系当时喺监狱入面嘅弟兄传嚟睇嘅
好在跟住嗰几十年
弟兄姊妹都可以喺个安定嘅环境度
崇拜上帝
而家津巴布韦有五万个传道员
佢哋主持超过10万3000个圣经课程
喺首都哈拉雷
沃特福尔会众嘅弟兄姊妹热心传道
佢哋用紧嘅
系全国第一间落成嘅聚会所
呢群会众嘅传道员
主持大约200个圣经课程
佢哋有几句说话想用绍纳语同大家讲
意思就系“你哋好吗？
我哋好爱你哋”
我哋都好爱你哋每一位
呢度系耶和华见证人世界总部嘅JW电视


-