JW subtitle extractor

聖經入面只係提到一個基哈西
冇錯 就係你諗緊嗰個嘞
以利沙嘅僕人
基哈西有榮幸接受上帝嘅先知
以利沙直接培訓
隨住以利沙越嚟越出名
同埋受人尊重
基哈西作為先知嘅僕人
自然都有更加多人認識佢嘞
冇錯 基哈西之所以咁受人關注
唔係因為佢有咩咁特別
而係因為佢係以利沙嘅僕人
聖經第一次提到基哈西嗰陣
佢好忠貞、誠實同埋善解人意
但係列王紀下嘅記載
我哋睇到基哈西嘅另一面
就好似喺聖經裏面有兩個基哈西一樣
發生咩事呢？
我哋可以從呢段記載學到乜嘢？
一齊嚟睇吓
喺列王紀下4章第一次提到基哈西
當時一個好有錢嘅書念婦人
盡心盡力咁照顧以利沙
包括俾地方佢住同埋俾嘢佢食
而家我哋一齊嚟睇吓
呢段記載係點樣講吖
以利沙好感激書念婦人
為佢做嘅呢一切
睇吓列王紀下4:13吖
「以利沙對基哈西講
『請你問佢［就係去問吓書念婦人］
「你花咗咁多心機為我哋準備呢一切
［即係基哈西都得到照顧喎］
我可以為你做乜嘢？
你要唔要我幫你向王
或者元帥講啲乜嘢呢？」』
不過婦人回答『唔使喇
我喺我同族嘅人當中過得好好』」
佢就好似話
「我好好吖 冇咩問題
我需要嘅嘢都有嘞
我有產業 有財富 有個好好嘅丈夫
冇咩問題呀」
喺14節 我哋可以睇到
基哈西好有觀察力 好關心人㗎
佢留意到呢個有錢嘅婦人爭咗一樣嘢
喺14節佢同以利沙講
「佢冇仔㗎」
睇嚟呢對夫婦面對不育嘅問題
生唔到仔
呢個表明基哈西有洞悉力
明白其他人嘅需要
留意到身邊嘅人面對緊乜嘢難題
佢唔係淨係諗自己
而係為其他人著想
佢好主動想幫助其他人
真係好好呀
呢個都表明基哈西對上帝好有信心
佢相信以利沙一定可以喺呢件事上
幫到個婦人
以利沙都接受咗
基哈西呢個好好嘅提議
喺16節佢同婦人講
「出年呢個時候 你會抱住一個仔」
呢個婦人諗都冇諗過呢件事會發生
而耶和華上帝就真係喺跟住嗰年
令佢哋生咗個仔
我哋學到乜嘢呢？
要點係 就算我哋唔係監督
耶和華都可以任用我哋
喺適當嘅時候
你可能提出咗個好好嘅建議
如果呢個建議受到採納
但係啲人淨係多謝你嘅監督呢？
會發生㗎
但係唔緊要
你要因為耶和華
採納你嘅建議而覺得開心
問吓自己吖
我會用我受到嘅培訓
同埋洞悉力去幫其他人
抑或想用嚟得到人嘅關注？
我哋再睇返呢個書念婦人喇
佢發生咩事呢？
幾年之後
佢個仔死咗
喺佢呢個最傷心嘅時候
婦人諗起以利沙
就決定去搵佢幫手
佢好難過 心都碎埋
甚至跪喺先知以利沙腳前
就喺呢個時候
我哋開始睇到
喺聖經裏面另一個基哈西出現喇
喺4:27記載到
佢跪低抱住伊利沙嘅腳
好傷心 好痛苦
呢個時候基哈西上前
想安慰佢？
唔係呀！
而係想推開佢
推開佢？
哎吔！基哈西
佢唔係啲咩陌生人喎
佢係你嘅朋友嚟㗎！
以往佢一直對你哋表現仁慈同慷慨
而家佢需要幫助
覺得好辛苦 攬住以利沙嘅腳
但係你竟然想推開佢
可能基哈西覺得以利沙係重要人物
唔需要處理呢啲問題
不過以利沙唔係咁樣諗
事實上26節話
冇耐之前以利沙
叫基哈西跑去迎接婦人
問吓佢「一家幾好嗎？
小朋友點樣？」
特別留意呢度呀
婦人點樣回應基哈西呢？
佢話「我哋都好好」
呢個時候 佢係咪都留意到
另一個基哈西呢？
發生咩事呢？
曾經善解人意好有洞悉力嘅基哈西
去咗邊呀？
佢係咪失去咗對上帝嘅信心
唔再重視自己嘅工作呢？
佢係咪冇咗工作嘅熱誠
覺得做嘅嘢重複又重複?
會唔會係基哈西
日日都對住以利沙
接受唔到佢嘅習慣同性格呢？
有可能
佢會唔會想要多啲職責
而唔係只係做以利沙嘅僕人呢？
無論係乜嘢原因都好
我哋知道嘅係基哈西變咗喇
嗰一位一直喺以利沙身邊
值得信任嘅僕人
變成咗另一位基哈西
我哋又學到咩呢？
當你覺得身分比為人服務更加重要
咁你就危險喇！
如果你冇憐恤嘅心
你嘅身分 你嘅崗位都係冇意義㗎
問吓自己點睇嗰啲需要幫助嘅人
覺得佢哋麻煩定係好寶貴呢？
如果話第4章
係睇到基哈西變壞嘅痕跡
咁第5章 就睇到佢直情係個壞蛋
基哈西返唔到轉頭喇
喺第5章嘅20節
基哈西叫乃縵做「敘利亞人」
叫佢「敘利亞人」？
其實佢咁講表明佢睇唔起外族人
覺得攞佢哋著數 係冇問題㗎
佢特登誤導乃縵
想將以利沙唔要嘅禮物攞返番嚟
以前佢主動幫人
而家就掛住攞著數
好可惜
不過未完㗎
喺25節 佢講大話呃以利沙
以利沙問佢「你去咗邊呀？」
佢點答呢？
「僕人邊度都冇去」
基哈西你諗緊乜嘢呀？
你竟然夠膽講大話
呃上帝嘅先知
你知道耶和華一定會幫助以利沙
睇清成件事
因為佢係先知施行過奇跡
仲有上帝嘅神聖力量㗎
你竟然想呃佢
基哈西以為自己呃到以利沙
真係好蠢呀
佢由一個忠誠嘅人
變成講大話嘅人
熱心變貪心
忠貞變不忠
基哈西佢會有乜嘢結局呢？
喺第27節 以利沙同佢講
「乃縵嘅痲瘋病永遠唔會離開你
同你嘅子孫」
耶和華就好似同佢講
「你想要佢啲錢
咁佢嘅病就俾埋你喇」
幾咁可惜呢！
佢曾經係以利沙嘅助手
而家得返麻瘋病
你哋係耶和華忠貞又成熟嘅僕人
點解要同你哋分享基哈西嘅經歷呢？
首先我要強調
我哋冇喺你哋身上
睇到同基哈西一樣嘅缺點
反而我哋睇到乜嘢呢？
我哋睇到一班好學生
認真研究上帝嘅話語
每日都做好準備準時上堂
你哋對人仁慈又有愛心
又忠於耶和華同佢嘅組織
真係做得好好呀
我哋好愛你哋
所以同你哋分享佢嘅事
就係唔想發生喺基哈西身上嘅事
發生喺你哋身上
睇完基哈西嘅事例
令我哋明白到
就算忙住為耶和華工作
都可能會出問題㗎
要避免 避免做第二個基哈西
佢明明有殊榮做先知嘅助手
但係佢嘅心都可以變㗎
即使上帝交咗好重要嘅工作俾佢
佢心裏面都可以
唔再重視呢個服務機會
我哋學到
要珍視耶和華俾我哋嘅任何工作
學習第一個基哈西
信得過嘅基哈西
你嘅工作可能好悶 唔起眼
做嘅嘢重複又重複
冇問題㗎
仲好好添 點解呢？
因為我哋嘅工作就算冇人睇到
冇人讚賞
都盡力咁樣做
就表明我哋忠信
唔好掛住做大家嘅焦點
無論咩情況都要努力
成為耶和華欣賞嘅人
咁耶和華就會一直喺你身邊
佢嘅愛同福分都會一直喺你身邊
所以要記住兩個基哈西

馬克·努瑪爾：兩個基哈西——第158屆基列學校畢業典禮
- 

馬克·努瑪爾：兩個基哈西——第158屆基列學校畢業典禮

聖經入面只係提到一個基哈西
冇錯  就係你諗緊嗰個嘞
以利沙嘅僕人
基哈西有榮幸接受上帝嘅先知
以利沙直接培訓
隨住以利沙越嚟越出名
同埋受人尊重
基哈西作為先知嘅僕人
自然都有更加多人認識佢嘞
冇錯  基哈西之所以咁受人關注
唔係因為佢有咩咁特別
而係因為佢係以利沙嘅僕人
聖經第一次提到基哈西嗰陣
佢好忠貞、誠實同埋善解人意
但係列王紀下嘅記載
我哋睇到基哈西嘅另一面
就好似喺聖經裏面有兩個基哈西一樣
發生咩事呢？
我哋可以從呢段記載學到乜嘢？
一齊嚟睇吓
喺列王紀下4章第一次提到基哈西
當時一個好有錢嘅書念婦人
盡心盡力咁照顧以利沙
包括俾地方佢住同埋俾嘢佢食
而家我哋一齊嚟睇吓
呢段記載係點樣講吖
以利沙好感激書念婦人
為佢做嘅呢一切
睇吓列王紀下4:13吖
「以利沙對基哈西講
『請你問佢［就係去問吓書念婦人］
「你花咗咁多心機為我哋準備呢一切
［即係基哈西都得到照顧喎］
我可以為你做乜嘢？
你要唔要我幫你向王
或者元帥講啲乜嘢呢？」』
不過婦人回答『唔使喇   
我喺我同族嘅人當中過得好好』」
佢就好似話
「我好好吖  冇咩問題
我需要嘅嘢都有嘞
我有產業  有財富  有個好好嘅丈夫
冇咩問題呀」
喺14節  我哋可以睇到
基哈西好有觀察力  好關心人㗎
佢留意到呢個有錢嘅婦人爭咗一樣嘢
喺14節佢同以利沙講
「佢冇仔㗎」
睇嚟呢對夫婦面對不育嘅問題
生唔到仔
呢個表明基哈西有洞悉力
明白其他人嘅需要
留意到身邊嘅人面對緊乜嘢難題
佢唔係淨係諗自己
而係為其他人著想
佢好主動想幫助其他人
真係好好呀
呢個都表明基哈西對上帝好有信心
佢相信以利沙一定可以喺呢件事上
幫到個婦人
以利沙都接受咗
基哈西呢個好好嘅提議
喺16節佢同婦人講
「出年呢個時候  你會抱住一個仔」
呢個婦人諗都冇諗過呢件事會發生
而耶和華上帝就真係喺跟住嗰年
令佢哋生咗個仔
我哋學到乜嘢呢？
要點係  就算我哋唔係監督
耶和華都可以任用我哋
喺適當嘅時候
你可能提出咗個好好嘅建議
如果呢個建議受到採納
但係啲人淨係多謝你嘅監督呢？
會發生㗎
但係唔緊要
你要因為耶和華
採納你嘅建議而覺得開心
問吓自己吖
我會用我受到嘅培訓
同埋洞悉力去幫其他人
抑或想用嚟得到人嘅關注？
我哋再睇返呢個書念婦人喇
佢發生咩事呢？
幾年之後
佢個仔死咗
喺佢呢個最傷心嘅時候
婦人諗起以利沙
就決定去搵佢幫手
佢好難過  心都碎埋
甚至跪喺先知以利沙腳前
就喺呢個時候
我哋開始睇到
喺聖經裏面另一個基哈西出現喇
喺4:27記載到
佢跪低抱住伊利沙嘅腳
好傷心  好痛苦
呢個時候基哈西上前
想安慰佢？  
唔係呀！
而係想推開佢
推開佢？
哎吔！基哈西
佢唔係啲咩陌生人喎
佢係你嘅朋友嚟㗎！
以往佢一直對你哋表現仁慈同慷慨
而家佢需要幫助
覺得好辛苦  攬住以利沙嘅腳
但係你竟然想推開佢
可能基哈西覺得以利沙係重要人物
唔需要處理呢啲問題
不過以利沙唔係咁樣諗
事實上26節話  
冇耐之前以利沙
叫基哈西跑去迎接婦人
問吓佢「一家幾好嗎？
小朋友點樣？」
特別留意呢度呀
婦人點樣回應基哈西呢？
佢話「我哋都好好」
呢個時候  佢係咪都留意到
另一個基哈西呢？
發生咩事呢？
曾經善解人意好有洞悉力嘅基哈西
去咗邊呀？
佢係咪失去咗對上帝嘅信心
唔再重視自己嘅工作呢？
佢係咪冇咗工作嘅熱誠
覺得做嘅嘢重複又重複?
會唔會係基哈西
日日都對住以利沙
接受唔到佢嘅習慣同性格呢？
有可能
佢會唔會想要多啲職責
而唔係只係做以利沙嘅僕人呢？
無論係乜嘢原因都好
我哋知道嘅係基哈西變咗喇
嗰一位一直喺以利沙身邊
值得信任嘅僕人
變成咗另一位基哈西
我哋又學到咩呢？
當你覺得身分比為人服務更加重要
咁你就危險喇！
如果你冇憐恤嘅心
你嘅身分  你嘅崗位都係冇意義㗎
問吓自己點睇嗰啲需要幫助嘅人
覺得佢哋麻煩定係好寶貴呢？
如果話第4章
係睇到基哈西變壞嘅痕跡
咁第5章  就睇到佢直情係個壞蛋
基哈西返唔到轉頭喇
喺第5章嘅20節
基哈西叫乃縵做「敘利亞人」
叫佢「敘利亞人」？
其實佢咁講表明佢睇唔起外族人
覺得攞佢哋著數  係冇問題㗎
佢特登誤導乃縵
想將以利沙唔要嘅禮物攞返番嚟
以前佢主動幫人
而家就掛住攞著數
好可惜
不過未完㗎
喺25節  佢講大話呃以利沙
以利沙問佢「你去咗邊呀？」
佢點答呢？
「僕人邊度都冇去」
基哈西你諗緊乜嘢呀？
你竟然夠膽講大話
呃上帝嘅先知
你知道耶和華一定會幫助以利沙
睇清成件事
因為佢係先知施行過奇跡
仲有上帝嘅神聖力量㗎
你竟然想呃佢
基哈西以為自己呃到以利沙
真係好蠢呀
佢由一個忠誠嘅人
變成講大話嘅人
熱心變貪心
忠貞變不忠
基哈西佢會有乜嘢結局呢？
喺第27節  以利沙同佢講
「乃縵嘅痲瘋病永遠唔會離開你
同你嘅子孫」
耶和華就好似同佢講
「你想要佢啲錢
咁佢嘅病就俾埋你喇」
幾咁可惜呢！
佢曾經係以利沙嘅助手
而家得返麻瘋病
你哋係耶和華忠貞又成熟嘅僕人
點解要同你哋分享基哈西嘅經歷呢？
首先我要強調
我哋冇喺你哋身上
睇到同基哈西一樣嘅缺點
反而我哋睇到乜嘢呢？
我哋睇到一班好學生
認真研究上帝嘅話語
每日都做好準備準時上堂
你哋對人仁慈又有愛心
又忠於耶和華同佢嘅組織
真係做得好好呀
我哋好愛你哋
所以同你哋分享佢嘅事
就係唔想發生喺基哈西身上嘅事
發生喺你哋身上
睇完基哈西嘅事例
令我哋明白到
就算忙住為耶和華工作
都可能會出問題㗎
要避免  避免做第二個基哈西
佢明明有殊榮做先知嘅助手
但係佢嘅心都可以變㗎
即使上帝交咗好重要嘅工作俾佢
佢心裏面都可以
唔再重視呢個服務機會
我哋學到
要珍視耶和華俾我哋嘅任何工作
學習第一個基哈西
信得過嘅基哈西
你嘅工作可能好悶  唔起眼
做嘅嘢重複又重複
冇問題㗎
仲好好添  點解呢？
因為我哋嘅工作就算冇人睇到
冇人讚賞
都盡力咁樣做
就表明我哋忠信
唔好掛住做大家嘅焦點
無論咩情況都要努力
成為耶和華欣賞嘅人
咁耶和華就會一直喺你身邊
佢嘅愛同福分都會一直喺你身邊
所以要記住兩個基哈西


-