JW subtitle extractor

喺以赛亚书60:17 耶和华话
“我要用金代替铜用银代替铁”
经文话耶和华承诺
佢组织嘅地上部分会越嚟越好
咁多年嚟耶和华逐步改善
我哋为佢服务嘅方式
包括伯特利里面嘅重要工作
伯特利嘅工作能够达成两个重要嘅目的
尽力令更多人得到滋养信心嘅食物
同埋支持全球嘅传道工作
每次中央长老团调整伯特利嘅运作
都系为咗达到呢两个目标
过去几十年
我哋曾经改变咗印刷方式
引进新嘅科技同建筑技术
亦都简化咗分部地区嘅督导安排
世界各地嘅伯特利家庭都支持呢啲调整
佢哋都有听从歌罗西书3:23嘅吩咐
“无论你哋做乜嘢都要尽心竭力
好似为耶和华而做
唔系为人而做”
有好多喺伯特利
服务咗几十年嘅弟兄姊妹
都亲身经历过呢啲调整
同耶和华一样
我哋好欣赏嗰啲喺伯特利
甘心乐意献出自己嘅弟兄姊妹
佢哋同以赛亚有同样嘅精神
“我喺呢度请派我去”
喺好多地方
有越嚟越多年轻弟兄申请加入伯特利
同时我哋亦都需要更多成熟
同受过培训嘅弟兄姊妹
参与传道同协助会众
仔细考虑过伯特利
同全球地区嘅需要之后
中央长老团决定作出调整
帮助大家对伯特利服务有新嘅睇法
由而家开始
我哋唔会再将伯特利服务
视为系终生嘅岗位
嚟到伯特利服务嘅人会继续努力
为耶和华工作
亦都会接受各种培训为组织服务
不过而家弟兄姊妹喺接受培训之后
我哋都希望佢哋
可以根据上帝组织嘅需要
喺任何地区同岗位服务
为咗支持呢个决定
好想话俾大家知
喺伯特利会有一系列嘅调整
首先更加经常有人事改动
即系有啲弟兄姊妹会加入伯特利
有啲就会返番去地区
头先讲过
我哋唔会再将伯特利服务
视为终生嘅岗位
当然我哋需要有经验嘅人
培训新嘅伯特利成员
但系而家开始新加入嘅人
会喺呢度服务一段时间接受培训
累积宝贵嘅经验
再去培训其他人
然后将学到嘅喺地区用出嚟
每个伯特利成员
服务咗一段特定嘅时间之后
弟兄都会考虑佢最适合喺边度服务
呢啲调整对组织有乜嘢好嘅影响呢？
请大家特别留意以下弟兄姊妹嘅访谈吖
我喺伯特利入面受到嘅培训
令我做嘢更加审慎
喺呢度嘅弟兄姊妹都好成熟
好信赖耶和华
从佢哋身上学到好多嘢
而家我系一个长老
喺伯特利嘅经历
教识我要更加倚赖耶和华
而且要尽心尽力为弟兄姊妹服务
好似喺伯特利咁
啱啱去到新嘅岗位嗰阵
我哋再读过一次四福音书
里面讲嘅嘢就系我需要嘅
虽然以前都睇过
但系呢啲记载帮我哋更加确信
耶和华好爱我哋
如果我哋继续按照佢嘅旨意去做
同佢合作无论系咩岗位都好
佢都一定会赐福俾我哋
喺伯特利你会有机会
认识到好多人会有好多好朋友
特别系一齐做嘢嘅人
亦都会见到好多人嚟参观伯特利
可以感受到
原来耶和华嘅组织系咁大嘅
以前就未必见得到嘞
呢个经历令我哋更加珍惜呢个弟兄团体
喺新嘅会众
我哋可以将我哋学到嘅嘢
话俾弟兄姊妹知
帮佢哋睇出
仲有好多嘢我哋可以为耶和华做
鼓励佢哋献出自己
见到有个咁大嘅组织支持紧我哋
呢个令我好肯定
耶和华好爱好关心我哋
我哋好想将呢啲咁好嘅嘢同其他人分享
我哋从以上嘅例子睇到
伯特利服务虽然唔系终生嘅岗位
但系都可以改变人嘅一生
咁系咪话而家所有喺伯特利服务嘅人
最终都会派返去地区呢？
唔系嘅
伯特利仍然需要年长同年轻嘅弟兄姊妹
正如箴言20:29话
“精力系年轻人嘅荣耀
白发系老年人嘅光彩”
喺1993年3月15日刊嘅《守望台》咁样讲
“青年人嘅力气如果同老年人嘅经验
仲有佢哋多年累积得嚟嘅智慧
配合起嚟就相得益彰嘞”
呢句说话用嚟形容伯特利真系好贴切
我哋好需要忠贞
又有经验嘅年长弟兄姊妹呀
不过你可能会谂
既然伯特利有咁多人事变动
咁呢度嘅重要工作
又点样继续得到照顾呢？
呢个同第2个调整有关
我哋之后会更加重视加速培训
我哋想帮助弟兄姊妹
更快掌握一啲技巧
等佢哋可以喺唔同嘅岗位上面服务
呢个包括尽快将更多嘅职责
交托俾年轻嘅弟兄
年长弟兄会协助同培训年轻弟兄
帮助佢哋喺伯特利负起唔同嘅职责
仲有监督嘅工作
呢啲培训唔单止令佢哋胜任伯特利嘅工作
仲会装备佢哋喺将来接受组织嘅任何委派
而佢哋喺呢度培养嘅品格同技能
甚至可以喺新世界大派用场
世界各地嘅分部跟从咗呢个指引
结果点样呢？
请大家细心听吓
以下两位嘅弟兄点样讲
伯特利嘅培训质素不断提高
我哋会仔细考虑每个人嘅个性、长处
佢哋有嘅技能
同佢哋需要协助嘅地方
而唔系只系用一种方式
去培训晒所有人
咁样做令到培训更加度身定做
有效咁帮助弟兄姊妹
后生嗰阵我唔觉得有好多培训
好多时都系边学边做
不过组织不断扩展
加速培训年轻人真系好重要㗎
咁啲工作先可以完成
将啲职责交俾年轻嘅弟兄
同向佢哋提供培训
呢个为组织带嚟好多益处
年轻嘅弟兄姊妹
有精力同埋创新嘅谂法
而年长嘅就更加有经验去处理问题
只要佢哋一齐合作
上帝嘅组织就会不断进步
可以适应新嘅转变
第3个调整同我哋点样任用志愿人员有关
有好多弟兄姊妹甘心乐意扩大服务
而且都交咗申请表喇
所以伯特利会有更多工作
由部分时间嘅通勤人员
仲有远程同临时嘅志愿人员负责
我哋会审慎考虑伯特利需要几多人手
咁就有更多人可以善用佢哋嘅精力
参与传道呢项最重要嘅工作
呢个调整仲有好多好处
请大家留意跟住落嚟嘅访谈吖
我哋睇出伯特利嘅工作
唔一定要喺伯特利先做到
无论你身处喺边度
你都可以参与呢啲神圣嘅服务
我19岁就参与伯特利服务
一段时间之后我就离开咗
然后结咗婚有自己嘅家庭
过咗好多年
我又返番嚟帮伯特利手嘞
虽然我只系部分时间远程服务
但系都令我睇到
耶和华点样通过呢啲服务继续培训我
令我成为一个更好嘅人
我亦都可以睇到
耶和华点样指引住佢嘅组织
我哋需要安排得灵活啲
就算弟兄姊妹住喺唔同地方
或者喺日常生活有咩事要处理
我哋都会谂方法
令到大家可以互相合作
咁远程自愿人员都可以帮手嘞
虽然我哋生活嘅时区唔同
但系啲弟兄都嗌埋我一齐开会
呢个令我觉得佢哋好信任我
系佢哋嘅一份子
我哋之所以揾到咁多合适
又帮得手嘅弟兄姊妹
都系因为有耶和华喺背后帮助同支持我哋
只要我哋愿意尝试用唔同方法去完成工作
咁我哋就可以减少嚟伯特利做嘢嘅人手
同时又唔会影响我哋工作嘅质素
会众嘅弟兄姊妹知道我帮伯特利手
都好支持同理解我
呢个真系好重要
我哋已经开始喺世界各地嘅分部
逐步推行呢啲调整
而且都见到有好好嘅成果
分部委员会嘅弟兄留意到
喺伯特利入面
其实有好多机会可以培训弟兄姊妹
而新嘅调整令到年轻人更加热心
乐意喺唔同嘅岗位
用唔同嘅方式为耶和华服务
另外我哋收到嚟自世界各地
分部委员会嘅报告
话派返去地区嘅弟兄姊妹
对当地嘅传道工作有好好嘅影响
呢啲弟兄姊妹除咗积极参与传道
亦都乐意参与其他嘅服务
例如系本地设计及建筑嘅工作
医院联络委员会
同埋都市公众场所特别见证
有啲仲搬咗去需要更多传道员嘅地方
参加咗王国传福音者训练班
仲有其他服务
呢三个新嘅调整令更多弟兄姊妹
可以接受伯特利嘅培训
同累积宝贵嘅经验
佢哋受过嘅培训
能够帮助佢哋
用唔同嘅方式为耶和华服务
以弗所书4:16描述
基督嘅身体点样和谐咁连结起嚟
每个部分都发挥应有嘅功能
我哋希望呢啲新嘅调整
能够帮助我哋继续和睦团结
而且怀住爱心
跟从我哋嘅元首基督嘅指引
年轻嘅弟兄
我哋鼓励你向上帝祷告
谂吓而家系咪时候参与伯特利服务
喺1960年布鲁克林
伯特利嘅一个呈献礼入面
前中央长老团成员法兰兹弟兄
话喺伯特利可以接受到全世界最好嘅教育
喺超过65年后嘅今日
我哋仍然好同意呢个讲法
喺伯特利服务
你会有机会接受到一啲好好嘅培训
呢啲培训对你同埋上帝嘅组织
无论系而家定系喺新世界
都会非常有用
各位父母要帮仔女立下目标
参与伯特利服务
呢个系好难得嘅机会
俾佢哋接受培训
咁就可以帮佢哋
无论做乜嘢都尽心竭力
好似为耶和华而做
嗰啲离开咗伯特利喺新岗位嘅弟兄姊妹
我哋真系好爱你哋好欣赏你哋呀
你哋喺伯特利嘅经验好宝贵
记得要慷慨咁同其他人分享吖
要鼓励大家无论做乜嘢都好
都要全心为耶和华服务
咁佢哋就可以同你一样
得到耶和华赐嘅福分
你优良嘅榜样影响力系好大㗎
嗰啲受你鼓励嘅弟兄姊妹
一定会记得你哋嘅爱心
以赛亚书60:17令我哋深信
耶和华会继续
令伯特利嘅安排变得越嚟越好
去配合组织嘅需要
我哋亦都深信
我哋对耶和华同佢组织嘅爱同忠诚
会推动我哋每一个人
都尽心竭力为耶和华服务
由而家直到永远

伯特利服务——“无论你哋做乜嘢”的重要部分