JW subtitle extractor

歡迎收睇JW電視
有時我哋喺生活上遇到一啲情況
唔知道點樣處理
如果我哋遇到嘅問題好難應付
噉可以點樣控制好自己嘅情緒呢？
我哋亦都會深入睇吓約拿書
學習耶和華嘅忠貞之愛
財富名利對好多人嚟講都好吸引㗎
我哋會聽吓一個姊妹嘅經歷
睇吓佢點解選擇崇拜耶和華
而唔係名利
今個月嘅音樂短片
會睇到一啲弟兄就算坐監
都可以保持堅強嘅信心
呢啲就係今個月嘅節目嘞
你哋唔好憂慮不安
耶穌喺咩情況講呢句說話呢？
佢話俾啲使徒聽
佢就快要離開佢哋嘞
睇嚟佢見到啲使徒又驚又傷心
為咗鼓勵佢哋
佢就講咗約翰福音14:1呢番說話
「你哋唔好憂慮不安
要對上帝有信心
亦都要對我有信心」
聖經好多時描述我哋面對嘅難題
好似波濤洶湧嘅海
一浪接一浪冇時停嘅
呢頭解決一個問題
嗰頭又有另一個出現
世界發生嘅事 加埋個人嘅難題
都令我哋精疲力竭
好多時我哋都會話「救命啊！」
「我冇曬電喇！」
耶穌同使徒講嘅說話點樣幫到我哋
唔俾負面情緒消耗我哋嘅精力呢？
等我哋分析一下耶穌呢番話嘅2個重點
耶穌首先話
「你哋唔好憂慮不安」
請留意耶穌話「唔好」
即係話使徒某程度上係有得揀㗎
佢哋可以由得自己憂慮不安
亦都可以唔俾憂慮控制自己
通常我地諗嘅嘢會影響我哋嘅情緒
有啲人同埋事
或者某個環境勾起我哋嘅回憶
咁我哋嘅情感就會受到牽動
所以耶穌話「唔好憂慮不安」
意思就係 要刻意控制自己諗啲乜嘢
簡單嚟講
如果我哋諗啲慘嘅事就會好唔開心
如果諗起要做啲危險嘅嘢
就會好緊張
我哋嘅思想就好似一間好大嘅屋
裡面有好多間房
每間房就代表我哋諗緊嘅某一樣嘢
我哋留喺邊間房
情緒就好自然會受嗰一樣嘢影響
咁啲使徒諗緊啲乜嘢呢？
「耶穌就快要離開我哋喇！」
喺呢間房 佢哋又傷心又擔心
但係耶穌就強調
佢哋可以控制自己嘅情緒
可以選擇繼續俾呢啲負面情緒
消耗自己嘅精力
或者轉移去加強
自己對耶和華同耶穌嘅信心
我哋都一樣㗎
想控制情緒 就要控制自己嘅思想
有時我哋都好似啲使徒咁
入咗一間黑房 諗嘢好灰
不過要記得
你只係喺嗰度一陣嘅啫
唔會一直留低喺嗰度
「唔好憂慮不安」嘅另一個方法係
要明智咁運用我哋嘅精力
以賽亞書55:2話
「你哋何必再花錢買唔算食物嘅嘢呢？
何必為咗唔能夠令人滿足嘅嘢
洗晒你哋辛苦賺嚟嘅錢呢？」
就好似我哋唔會用錢買啲有問題嘅食物
我哋都唔會想浪費精力
喺嗰啲對自己冇益嘅事上面
試諗下
如果你得10蚊用嚟照顧一日三餐
但係早餐已經用咗8蚊
咁你晏晝同夜晚點算呢？
喺情感方面都一樣
我哋每日負荷到嘅係有限㗎
所以要小心 唔好一次過用晒佢
咁你啲精力用咗喺邊呢？
問吓自己吖
我哋會唔會用咗太多精力喺啲
唔等使嘅嘢度？
例如你揸車嗰陣
有人突然間爬你頭
或者有人冤枉你
又或者有人令你失望
呢啲事可能令我哋好唔開心
消耗咗我哋好多精力
不過諗吓
係咪有必要花咁多精力喺度呢？
我係唔係用左太多心力
喺啲唔重要嘅事上面呢？
你會唔會將你塞滿錢嘅銀包遞俾人話
「想用幾多就攞啦！」
如果對方係你愛嘅人
無所謂啦
唔係嘅話 就唔會任佢攞喇
同樣我哋都要將情感投放喺
一啲重要嘅人同事上面
譬如親愛嘅弟兄姊妹同屋企人
仲有同崇拜有關嘅事
將精力投放喺呢啲地方先至係明智㗎
社交媒體、政治同社會嘅議題
仲有電影
呢個世界真係有好多嘢消耗我哋嘅精力
千祈唔好將你嘅銀包遞出去同人講
「攞啦！隨便攞」
如果唔係
最後你就會冇晒力量
冇嘢留低俾你愛嘅人
不過 如果我哋將精力同埋情感
投放喺真正重要嘅人同事嗰度
我哋就會生活得開心
好多人為咗得到快樂
就會使錢喺自己身上
或者做啲嘢令自己開心
只係掛住滿足自己
係唔會開心㗎
耶穌話「施與比接受更加快樂」
呢一個原則教識我哋
將自己嘅情感同精力應該投放喺邊度
一個人點樣先會快樂？
簡單嚟講
我哋愛其他人就會感受到快樂
譬如話 你起咗堆火
跟住會得到乜嘢呢？
就係溫暖同光
連火都唔去起 我哋可唔可以
得到呢2樣嘢呢？
唔得㗎嘛
我哋一定要起咗個火先
然後就會感受到溫暖同見到光喇
同樣 如果我哋愛其他人
投放情感同精力喺佢哋度
先至會感受到快樂
耶穌話俾我哋知「你哋唔好憂慮不安」
喺呢句說話學到
我哋係可以選擇
諗一啲正面嘅嘢嚟控制情緒
同埋學到要將情感投放喺
屋企人同弟兄姊妹身上
仲有就係喺崇拜耶和華嘅事上面
而家我哋睇吓
約翰福音14:1嘅下半部分呀
耶穌話「要對上帝有信心
亦都要對我有信心」
耶穌唔係好空泛咁話 要有信心
佢特別指要對邊兩個有信心呢？
就係要對耶穌佢自己同耶和華有信心
我哋好憂慮嗰陣
要記得耶和華同耶穌就喺我哋身邊
好快佢哋會解決晒我哋嘅所有難題
佢哋就好似喺隔離房咁
我哋可以通過禱告同沉思
隨時搵佢哋
深信耶和華
好快會解決晒呢個世界嘅所有難題
就可以平復到我哋嘅情緒
因為我哋唔完美
所以成日覺得咩都想自己搞掂
耶穌知㗎
所以佢喺登山寶訓話「唔好再憂慮」
點解呢？
佢話「你哋需要呢啲嘢
你哋嘅天父係知道嘅」
你相唔相信耶和華會睇住你
知道你有咩需要？
有咁樣嘅信心
能夠幫到我哋唔再憂慮
事實上有好多嘢係耶和華先至處理到㗎
我哋爭住嚟做只會帶嚟更多憂慮
例如你解唔解決到貧窮？
衰老同疾病呢？
戰爭、暴亂同治安問題？
答案我哋好清楚
人係冇能力解決呢啲問題㗎
只有耶和華同耶穌通過王國先解決得到
尤其係當我哋聽到唔好嘅消息
或者面對考驗嗰陣
對耶和華同耶穌有信心
我哋就唔會過度憂慮喇
有時我聽到弟兄姊妹嘅情況
例如喺俄羅斯或者厄立特里亞咁
都會好擔心
相信你都會一樣
情緒多少受到影響
我哋點至做到
耶穌教我哋咁樣唔憂慮呢？
呢個時候我會問吓自己
「當地會眾係咪已經盡力而為？
嗰度嘅分部同世界總部又點樣呢？
我有冇為佢哋禱告？」
如果做得到嘅都做晒喇
就可以同耶和華講
「我哋已經盡咗力
而家就交俾你喇」
詩篇112:7
提到正義嘅人會點樣面對壞消息
經文話「佢唔會驚壞消息
佢嘅心堅定不移 信賴耶和華」
所以聽到壞消息嗰陣
要相信耶和華會用神聖力量幫助我哋
當我地覺得情緒好波動
無晒力量嗰陣
要記得耶和華應承咗
會賜非凡嘅力量俾我哋
佢講得出 就一定會做得到
當我哋將憂慮話俾耶和華知
佢會留心聽 俾足夠嘅能力我哋應付
雖然佢唔一定會為我哋消除障礙
但係一定會幫我哋成功咁忍耐落去
羅馬書12:11話
「要靠住神聖力量滿腔熱誠」
神聖力量令人滿腔熱誠
令我諗起一種好特別嘅石頭
當你用紫外光燈照佢
就會發光
表面上只係一嚿普通嘅石頭
但係遇到紫外光嗰陣就會閃閃生輝喇
耶和華嘅神聖力量喺我哋身上
都有咁嘅作用
同樣當我哋冇力量嗰陣
耶和華就會通過神聖力量
令我哋好似嗰嚿石頭咁發光 充滿力量
又好似個小朋友夜晚好驚
就跑去爸爸媽媽嗰度啦
因為佢知道爸爸媽媽一定會幫佢
我哋禱告就好似
跑去耶和華間房度搵佢幫手咁
咁佢就會通過神聖力量、聖經
同埋弟兄姊妹幫我哋
佢好似將佢嘅光射向我哋咁
令我哋得到非凡嘅力量
當你遇到一啲事令你覺得好心煩
要記得 你間屋唔只係一間房㗎
你禱告同埋讀聖經嗰陣
耶和華就好似拖住你隻手
帶你由一間房去到另一間房
你失去親人
就帶你去復活希望嘅房
你病咗 就帶你去完美健康嘅房
你好內疚 佢就帶你去
得到寬恕嘅房
試想像下
使徒見到耶穌復活嗰陣有咩感覺？
轉變真係好大
本來係「耶穌就快離開喇」
而家去咗另一間房 就係
「耶穌已經返嚟喇」
佢哋對耶和華同耶穌有信心
得到獎賞喇
等我哋一齊總結一下吖
今日喺約翰福音14:1
耶穌嘅說話學到乜嘢呢？
耶穌首先話「你哋唔好憂慮不安」
從呢句說話學到
我哋係可以選擇諗一啲正面嘅嘢
嚟控制情緒㗎
另外 我哋仲學到要將情感投放喺
屋企人同弟兄姊妹嗰度
更加重要嘅係
投放喺崇拜耶和華嘅事上
耶穌話「要對上帝有信心
亦都要對我有信心」
如果我哋面對緊好大嘅難題
或者情緒問題
要信賴耶和華同耶穌
佢哋一定會永遠解決呢啲事
不過而家
就要相信耶和華會賜非凡嘅力量俾我哋
幫助我哋應付喺呢個世界遇到嘅挑戰
下一次當你覺得好攰 冇晒力量
就要沉思
耶穌喺約翰福音14:1講嘅說話
「你哋唔好憂慮不安
要對上帝有信心 亦都要對我有信心」
約拿雖然係上帝嘅僕人
但係佢都需要學習信賴上帝
而當佢噉做嗰陣
佢就可以容易啲控制自己嘅情緒
喺呢一集挖掘寶藏我哋會睇吓
從佢身上仲可以學到啲乜嘢
《約拿顯勇氣學仁慈》真係好好睇呀
呢套戲可以幫我哋了解約拿書呀
但係睇聖經就可以挖深啲
讀嗰陣可以問一個問題
關於耶和華 我學到乜嘢呢？
好啊！
等我寫低先
你留意到啲咩呢？
我留意到耶和華好願意寬恕人 好有耐心
係呀！
耶和華真係好有耐心幫約拿進步
喺約拿書3:1「耶和華俾多次機會佢」
約拿犯錯 耶和華都保護佢
佢態度唔好
耶和華都溫和噉糾正佢
耶和華冇放棄過約拿
真係好犀利呀
係呀！
呢個都係耶和華嘅一種特質
就係忠貞之愛
你仲記唔記得咩意思呢？
記得啲嘅
俾個提示你吖
搵吓呢個詞嘅定義吖
有冇試過用《詞語解釋》呢？
喺《精讀本》嘅放大鏡嗰度打「忠貞之愛」
之後就會見到《詞語解釋》呢個選項喇
睇吓先 係喎
你可唔可以幫我讀出嚟呢？
呢度話 忠貞之愛「係一種基於承諾
道義、忠貞 而且不離不棄嘅愛」
耶和華就係噉樣對約拿喇
因為愛 耶和華一直幫助佢嘅子民
但係約拿就唔知道耶和華做緊乜嘢
就算遇到風暴 三日喺條魚嘅肚度
又見到尼尼微人悔改
佢都係諗自己嘅感覺先
之後耶和華寬恕咗尼尼微人
約拿就好嬲
覺得自己好似一個假先知噉
雖然佢經歷咗好多嘢
但係佢都係寧願尼尼微人死
好過自己俾人誤會
約拿噉樣諗 真係好唔啱呀
不過耶和華點做呢？
佢點都好過我
約拿嘅反應雖然唔係噉好
但係佢唔係壞人嚟㗎
所以耶和華就用葫蘆藤教佢一個道理
嗱 你睇吓約拿書4:6講啲咩嘢
呢度話 耶和華用葫蘆藤遮住太陽
等約拿舒服啲
嘩！
約拿做得噉差 耶和華都對佢噉好
經文話 約拿覺得好開心呀
我哋睇到由於耶和華嘅忠貞之愛
約拿嘅態度都唔同咗呀
噉而家耶和華可以教佢喇
係呀！
而家約拿要學嘢喇
耶和華叫一條蟲去咬死嗰棵葫蘆藤
唔係咬人喎 咬葫蘆藤咋喎
噉約拿有咩反應呢？
佢又發脾氣啦
而家耶和華就可以教佢嘢喇
就係10同11節呀
耶和華真係好勁
耶和華就問約拿
「一棵葫蘆藤你都憐惜
噉尼尼微城嘅人同牲畜
唔通我唔應該憐惜咩」
寫到呢度 約拿就收筆喇
佢用耶和華嘅呢一番說話
嚟做約拿書嘅結尾
佢明白喇
佢學到要好似耶和華噉憐憫人
嘩 耶和華真係對約拿不離不棄
無論佢係點 都對佢表現忠貞之愛
我哋掘深啲吖
除咗約拿
仲有邊啲人喺耶和華嘅愛嗰度得益？
不如我哋用吓《信心嘅榜樣》
呢本書嘅建議吖
「要運用想像力 仲有唔同嘅感官
想像自己置身其中
盡力了解書入面嘅人有咩感受同睇法
佢哋嘅反應同你喺遇到
同樣情況下嘅反應 有咩唔同」
諗吓嗰啲船員向假神求救
而約拿好清楚佢哋唔會得到任何幫助
佢會有咩感受呢？
後嚟約拿承認呢場災禍因佢而起
不過啲船員都唔想抌佢落海喎
係呀！
佢哋都諗辦法保住約拿條命
耶和華想約拿睇到嗰啲唔崇拜佢嘅人
其實心地好好
同埋佢哋冇人幫都好慘
你覺得約拿會唔會都有
好似耶和華噉嘅感覺呢？
嗯
再諗吓 尼尼微城啲人係拜假神㗎喎
點解耶和華要派約拿去呢？
可能係俾一個機會尼尼微人
睇吓佢哋會唔會改變
所以邊啲人得到益處呢？
啊
我知啦
耶和華唔單止向約拿表現忠貞之愛
佢亦都好愛嗰啲船員同埋尼尼微城嘅人
冇錯啦！
再諗吓
雖然約拿犯咗大錯
但係耶和華仍然
用約拿嘅遭遇去講耶穌嘅事
當約拿復活嗰陣
佢如果知道耶穌曾經提及佢嘅名
仲話自己同佢有相似嘅地方
噉約拿會有咩感覺呢？
嘩！
我哋睇到耶和華點樣表現愛
噉我哋呢？
我哋又可以點樣效法耶和華？
我第一樣嘢諗到嘅就係逐戶傳道
講真吖 有時我都唔係好鍾意㗎咋
有時都冇人肯聽
我都覺得幾唔開心㗎
不過我話俾自己知
最緊要嘅唔係我
而係耶和華
如果耶和華冇放棄人
我都唔應該放棄人
講得好 阿仔
嘩！
你識得噉諗
我真係好開心呀
我自己呢就諗到
有時我收到一啲好難嘅委派
第一下嘅反應唔係噉好
講咗啲好後悔嘅嘢
一諗返轉頭 就好內疚
好責怪自己
不過約拿嘅記載安慰咗我
耶和華唔會因為我唔好嘅反應而責怪我
佢睇嘅係我哋嘅內心
仲好有耐性咁教我哋
我寫低咗三點
關於耶和華 我學到乜嘢
睇吓詞語嘅定義
同埋善用想像力
係呀！
仲有好多嘢可以學
我哋都可以想像如果我係約拿
一個人喺大魚嘅肚入面
向耶和華禱告求救會係咩感覺？
約拿向尼尼微人傳道
佢哋嘅反應唔係約拿諗嘅噉差
我哋又學到咩呢？
一齊繼續睇吓跟住嘅經文吖
我哋真係學到好多呀
約拿嘅反應表明佢對耶和華係忠心㗎
你繼續睇吓耶和華點樣對待
約拿同尼尼微人就一定
會搵到更多寶藏
世界各地嘅會眾
都好期待分區監督探訪嘅嗰個星期
如果佢結咗婚
弟兄姊妹都會好期待見到佢太太
等我哋睇吓呢個咁鼓舞人心嘅安排
係點樣嚟吖
對每群耶和華見證人嘅會眾嚟講
分區監督探訪嘅嗰個禮拜係好特別㗎
大家會一齊傳道、聽精彩嘅演講
仲有享受愉快嘅時光
咁分區探訪嘅工作係點樣開始嘅呢？
又經歷咗咩改變？
一齊睇吓呢一集《回顧歷史 邁向未來》吖
喺公元一世紀就有弟兄做探訪工作
例如保羅、巴拿巴同提摩太
佢哋被派出去鼓勵各群會眾
1894年開始 耶和華嘅組織亦都有類似嘅安排
佢哋派出一啲弟兄做代表
去探訪同鼓勵唔同地方嘅聖經研究者
呢啲弟兄後嚟被稱為「朝聖者」
佢哋要周圍去探唔同嘅會衆
留喺每群會眾一至兩日
鼓勵弟兄姊妹熱心崇拜上帝
不過佢哋嘅旅程一啲都唔輕鬆㗎
想像你係早期嘅朝聖者愛德華·布尼森噉
要去美國西部一條偏僻嘅村莊
探嗰度嘅弟兄姊妹
首先你要搭火車
跟住要搭一晚馬車 再轉一架簡陋嘅馬車
經過山路扽好耐先至去到目的地
朝聖者都係一啲教導能力好好嘅弟兄
不過有時佢哋都要學習謙卑
就好似亞歷山大·格雷姆噉
佢講演講好有熱誠
不過有時啲演講就…長咗啲
一講就講幾個鐘
當羅素弟兄留意到呢件事之後
就寫信俾格雷姆弟兄 同佢講
「親愛嘅弟兄 我知道你好愛真理
不過當你好有熱誠噉發表演講嗰陣
可能會唔記得咗時間」
格雷姆弟兄好謙卑噉接受建議
弟兄姊妹更加鍾意佢
佢啲演講一樣咁生動
但係就短咗好多喇
當時朝聖者嘅主要工作係發表演講
但係由1928年開始就唔同咗嘞
探訪嘅弟兄要帶頭逐家逐戶傳道
所以佢哋就改名做「區域服務指導員」
後嚟又叫做「區域僕人」
更加突顯佢哋嘅角色係要為弟兄服務
後嚟又有一個更大嘅變化
1933到1935年
喺美國嘅傳道工作受到猛烈嘅攻擊
有啲會眾決定同其他會眾一齊傳道
咁樣嘅安排令到弟兄姊妹更加團結 抵抗反對
為咗令組織運作得更加順暢
後嚟弟兄委任咗帶務僕人
負責探訪大概20群會眾
每隔一段時間
所有會眾都會一齊參加帶務大會
即係今日嘅分區大會
喺1942年 負責探訪嘅弟兄又有個新名啦
叫做「弟兄嘅僕人」
安傑洛·卡坦扎羅收到呢個委派嗰陣只係得19歲
佢形容自己係「不停四圍去嘅傳道員」
佢做咗探訪工作超過60年
同太太走遍美國大部分地區
鼓勵弟兄姊妹
亦都幫助好多好多人親近耶和華
做探訪工作嘅弟兄 後嚟又改名做「環務僕人」
而家就叫做「分區監督」
咁多年嚟
呢啲弟兄同佢哋嘅太太樂意犧牲
為弟兄姊妹服務
佢哋放棄一個舒適安穩嘅屋企
長途跋涉去探訪唔同嘅地方
其中一對夫妻係溫斯頓同帕梅
佢哋20幾歲就開始喺南太平洋做探訪工作
嗰度嘅天氣好熱
成日有好多蚊 有時仲唔夠嘢食
不過佢哋都努力適應
亦都好鍾意呢件工作
弟兄姊妹向佢哋表現嘅愛心同感恩之心
令佢哋好感動
今日有數以千計嘅弟兄做探訪工作
為咗培訓佢哋
喺1999年開始開辦咗一個訓練課程俾佢哋
而家世界各地都會舉辦分區監督及其妻子訓練班
咁多年嚟 雖然分區監督嘅稱呼調整過好多次
不過冇變嘅係 同保羅嘅日子一樣
呢啲弟兄同佢哋嘅太太
為咗培訓弟兄姊妹做好傳道工作
鼓勵年輕人同埋鞏固會眾
佢哋都樂意付出 甚至付出一切
下次分區監督同太太探你會眾嘅時候
不如諗吓可以做啲乜嘢嚟多謝佢哋嘅付出吖
喺下一集《回顧歷史 邁向未來》
我哋再睇多啲嘢耶和華子民嘅歷史吖
下次再見
我哋多謝耶和華
俾我哋咁辛勤工作嘅分區監督
仲有佢哋咁樂意獻出自己嘅太太
你同佢哋一齊傳道見到佢哋嘅好榜樣
係咪令你印象好深刻呢?
可能曾經有一位分區監督
鼓勵過你為耶和華做多啲添
當然唔係每個人都可以做分區監督嘅
但係我哋可以學吓佢哋點樣愛其他人
而家一齊睇吓弟兄姊妹喺主持課程嗰陣
點樣顯出愛心 靈活變通吖
當我哋知道呢個地區
需要更加多傳道員
就睇出耶和華想我哋搬嚟呢度幫手
我哋喺玻利維亞克丘亞語會衆
服務咗4年喇
我叫費爾南多
我叫米卡埃拉
我哋住喺阿根廷一個叫做
因赫涅羅－韋爾戈嘅地方
呢度有好多玻利維亞人
因為喺佢哋既國家生活好艱難
所以佢哋就搬咗過嚟
喺呢度嘅農場嗰度做嘢
喺農場做嘢係好辛苦㗎
有時仲要做到夜晚11,12點添
佢哋好忙㗎 成日都要開工
所以同佢哋傳道最好嘅時間
就係喺中午佢哋開工之前喇
不過喺嗰嗰時間傳道真係好熱㗎
有時熱到成40度添啊
好多時候我哋都要
趁佢哋做嘢嗰陣同佢哋讀聖經
佢哋一路收割或者做其他嘢
我哋就一路跟住佢哋
讀段課文或者節經文俾佢哋聽
你唔好以為佢哋做緊嘢就冇留心聽喎
例如佢哋從來都冇聽過上帝個名
所以佢哋一聽到呢個名
或者其他佢哋覺得有興趣嘅嘢
就會停低專心聽你講
其實佢哋係對聖經有興趣嘅
好多時佢哋仲會叫我哋
等佢哋做埋嘢先繼續講
所以我哋就幫吓佢哋手啦
等佢哋快啲做完嘢
初頭佢哋見到都有啲嚇親
仲問「你認真㗎？
你件衫會整到污糟晒㗎喎」
不過為咗幫佢哋 我哋真係唔介意
而且結果好好添
由於我哋咁樣做 之後仲做埋朋友
咁就更加容易幫佢哋進步喇
佢地慢慢都感受到
我哋真係關心佢哋㗎
我好鍾意傳道
因為可以睇到真理點樣改變
嗰啲有正確態度嘅人
我都好鍾意傳道
我唔覺得好辛苦或者要犧牲啲乜嘢
我叫做托尼·瑪雷羅
我喺瑪麗盧絲
我哋係嚟自西班牙
而家喺巴拉圭服務
喺疫情期間
我哋成日都要留喺屋企
嗰時好多嘢都要改變
要打電話俾陌生人向佢哋傳道
真係…令我好緊張呀
有一次我打咗俾一個先生
我直接問佢想唔想學習聖經
而佢竟然接受喎
真係冇諗到
我問佢可唔可以第二日
用短訊發個問題俾佢
等佢諗吓
佢就話「好啊」
初頭我以為佢冇興趣
因為佢睇咗之後冇即時覆
不過嗰日夜晚佢就覆咗我喇
後嚟我發現原來佢好忙㗎
佢好似無論喺咩時間都做緊嘢咁
知道咗之後我就調整遷就佢
有一日我問佢
你太太會唔會都想一齊討論啊？
佢就話「都好呀」
喺跟住嗰幾個月
我哋都要好有耐心
係呀 成日都要等佢電話
等到頸都長
佢實打嚟嘅 但係我哋唔知道係幾點
可能係夜晚9點、10點、11點
佢會發訊息俾我話
「俾5分鐘我就可以開始㗎喇」
我哋就開視像會議
佢打個招呼
之後換衫再開始討論
開頭真係唔容易
真係呀
但係後嚟
我哋就越嚟越鍾意同佢哋討論
因為每次完咗之後 我哋都覺得
-好開心 -真係呀
完咗之後我哋都會忍唔住同對方講
-佢哋真係好好呀 -係呀
佢哋好到難以置信呀
不過係真㗎
佢哋真係好鍾意學到嘅真理
好快佢哋就將學到嘅嘢用出嚟
大約一年之後 佢哋就受浸喇
我好開心呀
無論付出幾多都係值得㗎
每一日我都好感激耶和華
要配合對方所選擇嘅時間同地點
可能需要我哋作出犧牲
不過為咗幫助人而作出調整
耶和華一定會獎賞我哋
20幾年前《警醒》雜誌曾經刊登
菲利普斯姊妹嘅自述
佢決定崇拜耶和華
會點樣令佢同身邊嘅人得益呢？
睇吓跟住落嚟嘅影片吖
我有好多屋企人
都係出名嘅歌手同演員
最出名嘅就係我爸爸
赫爾曼·巴爾德斯
個個都叫佢做「丁丹」
音樂對我嚟講好重要
細細個 我就會拎起支吉他
寫吓歌 去表達自己嘅感受
我從來都冇諗過
大過之後要做一個歌手
不過喺我15歲嗰陣
我爸爸就死咗
後嚟為咗要照顧屋企
我就要出嚟搵嘢做喇
我加入咗一個樂隊
之後仲出咗名 做咗演員同埋歌手
不過冇幾耐 我就發現
做呢行嘅人 道德都好差
佢哋對人都好假
所以我就好難再信任其他人
當我學習咗聖經之後
我先發現原來呢個世界上
真係有啲咁善良 咁真心愛我嘅人
後嚟我慢慢改變
變得更加積極開心
覺得生活充滿意義
我同先生結咗婚 有兩個小朋友
一家人喺墨西哥嗰度住
作為父母 我哋最擔心嘅係
啲仔女想加入娛樂圈
所以我同先生一路都好努力
教佢哋做明智嘅決定
我個女 詹娜喺佢17歲嗰年
有一次佢陪我去墨西哥
一個最出名嘅電視台度做嘢
嗰度有個男士 佢係星探嚟嘅
佢見到我個女就問
「你係咪都識唱歌㗎？」
阿女就話「我都識嘅」
之後佢就唱咗幾句俾佢聽
點知個星探好鍾意阿女把聲
仲即刻請咗佢去辦公室傾吓
我聽到個星探同阿女講「而家呢
就有個機會俾你喺電視台度發展
我哋一定會捧紅你㗎
我哋會準備好哂文件
你星期一上嚟簽約啦」
當阿女佢出返嚟嗰刻
我真係好驚 我問佢
「你有冇應承到呀？」
阿女話「梗係冇啦 媽咪
我最愛嘅係耶和華
而且我又好鍾意做先驅
點會應承佢呢」
估唔到一個禮拜之後
阿女就收到分部嘅電話
邀請佢幫手唱歌
佢好開心 直至而家
都可以用歌聲讚美耶和華
咁多年嚟 我仲有機會
同阿女一齊為耶和華服務
幫分部手做啲同音樂有關嘅工作
撒但一直都好想令我分心
試過有幾次 因爲我爸爸嘅關係
有人搵我合作做嘢
而呢啲工作都會用我好多時間
咁樣我就一定做唔到正規先驅喇
所以我就拒絕咗
我睇出耶和華好錫我
一直賜福俾我
每次當有呢啲工作機會
我拒絕咗之後
耶和華都會搵方法俾返啲嘢我
例如 我有榮幸
幫組織開辦嘅訓練班準備食物
真係好開心
其實呢啲經歷
都教識我要信賴耶和華
好似使徒保羅講
「人冇信心 就冇可能得到上帝嘅喜悅
上帝會獎賞懇切尋求佢嘅人」
我媽媽已經超過90歲喇
同佢一齊傳道 真係好開心㗎
我哋好鍾意參與唔同形式嘅傳道
咁多年嚟
我有好多屋企人都學習聖經
有啲仲受埋浸添
我好享受同屋企人一齊嘅時光
同媽媽仲有阿女
一齊玩吓結他 唱吓歌
又好期待喺新世界見返爸爸
同媽媽一齊迎接佢
可以攬實佢
介紹啲仔女俾佢識
見返佢嗰陣 最好喺海邊啦
跟住我就好想 好似以前噉
一家人一齊唱歌
所以我決心永遠忠於耶和華
真係一個好好嘅經歷呀
菲利普斯姊妹依靠耶和華
結果佢同佢嘅屋企人
都得到好多嘅福分
耶和華好想我哋依靠佢
特別係喺一啲困難嘅時候
跟住嘅早晨崇拜萊特弟兄會講吓
點樣喺迫害之下依靠耶和華
我哋可以認識宇宙當中
今日我哋會一齊講吓
點樣靠住耶和華嘅神聖力量
喺迫害之下保持忍耐
今日守望台評論提到
上帝嘅子民經歷過幾種唔同嘅迫害
而喺撒迦利亞書4:6保證
無論遇到乜嘢迫害都好
只要有神聖力量
我哋就能夠忍耐到底
其實撒但迫害我哋
係想達到啲乜嘢目的呢？
就係想我哋放棄同屈服
仲有希望我哋妥協呀
試諗下 獅子會吞噬獵物
撒但就好似獅子噉
佢想食咗我哋
當獅子吞咗獵物之後
隻獵物會變成點樣呢？
食咗落肚
就成為咗獅子身體嘅一部分喇
撒但就係想噉樣嘞
我哋唔屬於撒但嘅世界
不過佢就想我哋
屬於呢個世界成為佢嘅一部分
有神聖力量嘅幫助
我哋決心唔俾呢件事發生
噉上帝嘅子民曾經面對過
同埋而家仍然面對緊
乜嘢形式嘅迫害呢？
我哋講吓五個方面吖
哈米吉多頓嚟到之前
我哋唔知道自己或者身邊嘅人
會經歷邊一種嘅考驗
無論點都好
當我哋面對任何考驗嘅時候
都決心堅守忠義
同埋會幫助其他人噉樣做
第一方面係
禁制耶和華見證人嘅工作
喺好多國家都有噉樣嘅情況
喺世界各地嘅唔同地方
都有唔同嘅國家或者政府
禁制我哋嘅工作
喺聖經時代都有噉樣嘅事㗎
例如公元前522年
重建聖殿嘅工作就受到禁制
喺一世紀 好多地方
當權者都唔俾耶穌嘅門徒傳道
如果佢哋唔聽嘅話
就會「俾人帶到君王同總督面前」
耶和華嘅神聖力量
可以喺噉樣嘅情況之下點樣幫到
古代嘅佢哋同今日嘅我哋呢？
我哋一齊睇下馬太福音10章
就搵到答案嘞
一齊睇吓馬太福音10章
由19節開始
10章19節耶穌話
「不過佢哋送你哋去受審嗰陣
唔使擔心要講啲乜嘢
或者點樣講」
情況咁緊張 唔使擔心點解呢？
經文話「到時 你哋就會知道
應該講啲乜嘢
因為講說話嘅其實唔係你哋自己
而係你哋天父嘅神聖力量
通過你哋講說話」
所以我哋講嘅嘢
除咗係我哋喺度講
仲有神聖力量都喺度
幫我哋講出合適嘅説話
正如經文保證一樣
依家講吓第二方面嘅迫害吖
就係監禁
喺1世紀 耶穌預告到
真基督徒會俾人拉去坐監
喺路加福音21:12
佢話「啲人會落手
迫害你哋⋯將你哋韞入監」
情況真係噉樣㗎
噉多年嚟
耶和華嘅子民經常俾人拉去坐監
我哋睇到俄羅斯
同佢嘅盟友都係噉樣迫害我哋
仲有其他政權都有噉樣做
我哋都經常受到鼓勵為嗰啲喺
厄立特里亞、土庫曼斯坦
俄羅斯同埋其他地方
坐緊監嘅弟兄姊妹禱告
我好鍾意希伯來書13:3
「你哋要記住嗰啲被囚禁嘅人
就好似同佢哋一齊被囚禁」
我哋可能而家唔係坐緊監
但係將來好難講
知道有弟兄為我哋禱告
好似喺我哋身邊一樣
真係令人好開心 好安慰㗎
第三個方面係
見證人啲仔女俾學校開除
撒但知道佢傷害基督徒嘅仔女
就等於傷害佢哋嘅父母
佢希望啲父母因為心痛仔女而妥協
喺上世紀40年代嘅美國
經常聽到噉嘅事
其實呢幾十年嚟 喺好多國家
我哋都有好多小朋友
因為信仰而俾學校開除
可能你諗起
1世紀有個後生仔就係因為
對耶穌有信心被趕出會堂
至於第四方面
我哋可以睇下啟示錄13:16,17
經文講到
撒但嘅政治制度會向我哋
施加壓力夾硬印個記號
喺我哋嘅手同額頭上面
冇記號就唔可以做買賣
所以第四種迫害係咩呢？
就係喺經濟方面俾壓力我哋
想我哋嘅弟兄妥協 唔再保持中立
呢一個係撒但經常用嚟
迫害我哋嘅手段
有啲弟兄因為保持中立
就俾人炒咗冇咗份工
或者冇人肯同佢哋做生意
而喺馬拉維嘅弟兄
佢哋面對嘅迫害就更加大
因為佢哋唔肯買一張
唔使2蚊港紙嘅黨員證
就俾人喺經濟同其他方面迫害
佢哋都知呢張證係就係好平
但係買咗 代價就好大喇
所以佢哋堅決唔噉樣做
跟住我哋會講下第五方面嘅迫害
記載喺馬太福音5:11耶穌話
「你哋為咗我俾人侮辱 俾人迫害
俾人用各種邪惡嘅話中傷
噉就有福嘞」
第五係俾人中傷
我哋經常見到有媒體
中傷耶和華見證人㗎
耶穌都俾人中傷過
有人話佢俾邪靈附身
褻瀆上帝、貪食、縱酒
1世紀嘅基督徒
啲人都係噉樣對佢哋
喺使徒行傳28:22
猶太人嘅首領噉樣同保羅講
佢哋話「我哋知道呢個教派
真係到處受人批評」
就算我哋都遇到噉樣嘅情況
只要靠住神聖力量就可以忍耐到底
總結下吖
五方面嘅迫害分別係
俾人禁制、監禁
見證人嘅仔女俾學校開除
通過經濟壓力
迫我哋喺中立方面妥協
同俾人中傷
其實仲有好多方面㗎
無論係咩形式嘅迫害都好
只要我哋靠住
神聖力量就可以成功應付
咁我哋要點樣做 先至可以得到
同一直有神聖力量呢？
三個方法我哋會簡單講下
路加福音11:13耶穌話
「何況天父 唔係更加會
將神聖力量賜俾懇求佢嘅人咩？」
第一就係禱告
第二係要順應神聖力量生活
所以我哋會參加聚會、出傳道
同埋每日睇聖經
第三 以弗所書4:30節話
「唔好⋯令神聖力量憂愁」
如果有啲嘢係會令
神聖力量唔能够發揮作用
我哋就會盡力避免去做
所以要禱告、順應神聖力量
同埋唔好妨礙神聖力量運行
只要我哋
做足呢三樣嘢就會得到呢股
最強大嘅力量
可以喺四方面幫到我哋
邊四方面呢？
約翰福音14:26
耶穌就講咗三方面
第一神聖力量係「幫助者」
第二就係佢會教導我哋
第三係幫助我哋記起學過嘅嘢
耶和華點樣幫我哋記起學過嘅嘢呢？
譬如話受迫害嗰陣
我哋禱告求耶和華賜神聖力量
然後我哋記返起學過嘅經文
得到所需嘅力量忍耐落去
第四方面
耶穌喺約翰福音16:13話
神聖力量會「引導你哋明白所有真理」
我哋要記住呢四方面
神聖力量會幫我哋、教導我哋
令我哋記起經文 同引導我哋
試諗吓你喺一個好多地雷嘅地方
如果有個人能够安全噉帶你離開
你一定會好感激佢呀 係咪？
同樣有神聖力量幫我哋
結果係點呢？
就係無論面對咩考驗都好
我哋都唔會俾撒但吞噬
噉就更加唔會變成
佢呢個世界嘅一部分嘞
噉我哋
就能夠講出撒迦利亞書4:6嘅説話
經文話「唔係依靠軍隊
唔係依靠能力
而係依靠［耶和華］嘅神聖力量」
就會有充足嘅力量 忍受迫害
最有能力嘅嗰位
而佢仲日日賜力量俾我哋
真係好奇妙呀
今個月嘅音樂短片
我哋會睇到神聖力量
點樣幫助一個年輕弟兄
喺佢嘅人生低谷仍然懷有希望
耶和華 真公平
一向彰顯正義
若是看見惡行壓搾
你必不會坐視
沉重挫折偶現我心
因這艱苦際遇
惟獨靠你正義判決
將苦痛制止
熱切等待耶和華
在這考驗時候
全賴你顯公平
終必使我獲勝
無論身於漆黑監牢
多少譏嘲滿路
或受各國惡毒禁制
至親反對也好
平靜應對 再下決心
不會驚慌卻步
而上帝會賜我安舒
我必不會跌倒
熱切等待耶和華
在這考驗時候
全賴你顯公平
終必使我獲勝
正義 伸張可靠誰？
世人虛謊定留憾
正義 要靠耶和華
願你正義降臨
除滅罪惡痛心
熱切等待耶和華
在這考驗時候
全賴你顯公平
終必使我獲勝
就算喺監倉入面
呢位年輕弟兄都冇失去希望
佢冇因為自己受到唔公平嘅對待
而覺得好嬲
相反佢會諗啲積極嘅事
想像吓做緊傳道
聚緊會仲有同弟兄姊妹一齊
今個月嘅節目一定可以加強你嘅信心
應付將來嘅考驗
我哋討論過如果唔想有負面嘅睇法
保持積極嘅態度
最好嘅方法
就係去幫助其他人
我哋睇到一啲傳道員
調整自己嘅時間表
主持聖經課程
結果更加開心
我哋亦都深入討論咗約拿書嘅內容
挖掘咗好多寶藏
今個月我哋會去蒙特內哥羅
即係黑山
呢個名係嚟自意大利文嘅威尼斯方言
意思係黑色嘅山
可能係因為呢度嘅森林好茂密
雖然佢叫做黑山
但係呢度其實係個
充滿色彩同活力嘅地方
佢就好似座落喺亞得里亞海
一粒閃閃發光嘅寶石
塔拉河峽谷係歐洲最深嘅峽谷
而斯庫台湖就係巴爾幹半島最大嘅湖
嗰度有一個雀鳥保護區
裡面差唔多有280種雀仔
好多人都鍾意去科托爾古城旅遊
睇吓嗰度壯麗嘅景色
行吓啲好有特色嘅街道
同埋喺嗰度出名嘅山路踩吓單車
呢度曾經俾戰火摧殘
喺1918年
佢俾賽爾維亞人、克羅地亞人
同斯洛文尼亞人王國吞併咗
去到1929年
就改稱為南斯拉夫王國
範圍包括而家嘅波斯尼亞
同黑塞哥維那
克羅地亞、科索沃、北馬其頓、黑山
塞爾維亞同斯洛文尼亞
二戰之後就改制成為
南斯拉夫社會主義共和國
呢個國家最後去到20世紀末解體
喺2006年
黑山脫離塞爾維亞嘅統治宣布獨立
因為佢哋以往經歷過嘅事
令到黑山人好重視
對人誠實、為人謙虛
捨己為人同埋尊重其他人
喺1920年代
有個塞爾維亞嘅後生仔
叫做弗朗茲·布蘭德
佢喺奧地利參加見證人嘅聚會嗰陣
第一次聽到好消息
雖然嗰次聚會俾反對嘅人打斷咗
但係就已經令弗朗茲決定要向人傳道
佢返到家鄉之後
就經常同幾個人一齊研究聖經
後嚟佢搬去斯洛文尼亞嘅馬里博爾
佢開始做理髮師
喺幫客人剃鬚嗰陣
佢就把握機會向佢哋傳道
另外當時軍隊樂團嘅指揮
艾爾弗雷德·圖切克
收到同事俾佢嘅聖經書刊
後嚟佢決定辭咗呢份人工好高嘅工
參與全時服務
成為咗前南斯拉夫最早嗰批先驅
喺30年代初
佢同其他弟兄去唔同地方播《創世影劇》
後嚟佢同太太弗麗達用單車同電單車
去到而家嘅克羅地亞、馬其頓
黑山同埋塞爾維亞傳道
今日黑山嘅弟兄姊妹繼續保持熱心
佢哋而家有432個傳道員
比起前一年多咗百分之四
差唔多有三分一嘅傳道員都係先驅
呢度由南到北嘅風景好唔同
傳道嘅方式都好唔同㗎
黑山嘅首都係波德戈里察
呢個城市北部嘅會眾
覆蓋嘅傳道地區好大
有啲傳道員住喺離聚會所
大概100公里外咁遠
要揸差唔多兩個鐘頭車先去到聚會
波德戈里察嘅傳道員
每個月都會安排一兩次去偏遠嘅村莊
同當地嘅弟兄姊妹一齊傳道
盡可能同嗰度嘅人分享好消息
朝早佢哋會喺公園舉行傳道前聚會
做完傳道佢哋會喺線上參加聚會
之後就會喺弟兄姊妹嗰度過夜
第二日先至返番屋企
呢個城市嘅南部有好靚嘅海灘
每年嘅某啲月份遊客嘅人數
係本地人嘅兩倍
所以啲會眾喺呢啲月份
會集中做公眾場所見證
其他時候就主要做逐家逐戶
或者喺商業地區傳道
佢哋熱心傳道帶嚟好好嘅成果
就喺2024年
有769人參加咗耶穌犧牲紀念聚會
新海爾采格會眾嘅37位傳道員
向全球嘅弟兄姊妹
送上佢哋溫暖嘅愛心同問候
呢度係耶和華見證人世界總部嘅JW電視

JW電視：2026年3月
- 

JW電視：2026年3月

歡迎收睇JW電視
有時我哋喺生活上遇到一啲情況
唔知道點樣處理
如果我哋遇到嘅問題好難應付
噉可以點樣控制好自己嘅情緒呢？
我哋亦都會深入睇吓約拿書
學習耶和華嘅忠貞之愛
財富名利對好多人嚟講都好吸引㗎
我哋會聽吓一個姊妹嘅經歷
睇吓佢點解選擇崇拜耶和華
而唔係名利
今個月嘅音樂短片
會睇到一啲弟兄就算坐監
都可以保持堅強嘅信心
呢啲就係今個月嘅節目嘞
你哋唔好憂慮不安
耶穌喺咩情況講呢句說話呢？
佢話俾啲使徒聽
佢就快要離開佢哋嘞
睇嚟佢見到啲使徒又驚又傷心
為咗鼓勵佢哋
佢就講咗約翰福音14:1呢番說話
「你哋唔好憂慮不安
要對上帝有信心
亦都要對我有信心」
聖經好多時描述我哋面對嘅難題
好似波濤洶湧嘅海
一浪接一浪冇時停嘅
呢頭解決一個問題
嗰頭又有另一個出現
世界發生嘅事  加埋個人嘅難題
都令我哋精疲力竭
好多時我哋都會話「救命啊！」
「我冇曬電喇！」
耶穌同使徒講嘅說話點樣幫到我哋
唔俾負面情緒消耗我哋嘅精力呢？
等我哋分析一下耶穌呢番話嘅2個重點
耶穌首先話
「你哋唔好憂慮不安」
請留意耶穌話「唔好」
即係話使徒某程度上係有得揀㗎
佢哋可以由得自己憂慮不安
亦都可以唔俾憂慮控制自己
通常我地諗嘅嘢會影響我哋嘅情緒
有啲人同埋事
或者某個環境勾起我哋嘅回憶
咁我哋嘅情感就會受到牽動
所以耶穌話「唔好憂慮不安」
意思就係  要刻意控制自己諗啲乜嘢
簡單嚟講
如果我哋諗啲慘嘅事就會好唔開心
如果諗起要做啲危險嘅嘢
就會好緊張
我哋嘅思想就好似一間好大嘅屋
裡面有好多間房
每間房就代表我哋諗緊嘅某一樣嘢
我哋留喺邊間房
情緒就好自然會受嗰一樣嘢影響
咁啲使徒諗緊啲乜嘢呢？
「耶穌就快要離開我哋喇！」
喺呢間房  佢哋又傷心又擔心
但係耶穌就強調
佢哋可以控制自己嘅情緒
可以選擇繼續俾呢啲負面情緒
消耗自己嘅精力
或者轉移去加強
自己對耶和華同耶穌嘅信心
我哋都一樣㗎
想控制情緒  就要控制自己嘅思想
有時我哋都好似啲使徒咁
入咗一間黑房  諗嘢好灰
不過要記得
你只係喺嗰度一陣嘅啫
唔會一直留低喺嗰度
「唔好憂慮不安」嘅另一個方法係
要明智咁運用我哋嘅精力
以賽亞書55:2話
「你哋何必再花錢買唔算食物嘅嘢呢？
何必為咗唔能夠令人滿足嘅嘢
洗晒你哋辛苦賺嚟嘅錢呢？」
就好似我哋唔會用錢買啲有問題嘅食物
我哋都唔會想浪費精力
喺嗰啲對自己冇益嘅事上面
試諗下
如果你得10蚊用嚟照顧一日三餐
但係早餐已經用咗8蚊
咁你晏晝同夜晚點算呢？
喺情感方面都一樣
我哋每日負荷到嘅係有限㗎
所以要小心  唔好一次過用晒佢
咁你啲精力用咗喺邊呢？
問吓自己吖
我哋會唔會用咗太多精力喺啲
唔等使嘅嘢度？
例如你揸車嗰陣
有人突然間爬你頭
或者有人冤枉你
又或者有人令你失望
呢啲事可能令我哋好唔開心
消耗咗我哋好多精力
不過諗吓
係咪有必要花咁多精力喺度呢？
我係唔係用左太多心力
喺啲唔重要嘅事上面呢？
你會唔會將你塞滿錢嘅銀包遞俾人話
「想用幾多就攞啦！」
如果對方係你愛嘅人
無所謂啦
唔係嘅話  就唔會任佢攞喇
同樣我哋都要將情感投放喺
一啲重要嘅人同事上面
譬如親愛嘅弟兄姊妹同屋企人
仲有同崇拜有關嘅事
將精力投放喺呢啲地方先至係明智㗎
社交媒體、政治同社會嘅議題
仲有電影
呢個世界真係有好多嘢消耗我哋嘅精力
千祈唔好將你嘅銀包遞出去同人講
「攞啦！隨便攞」
如果唔係
最後你就會冇晒力量
冇嘢留低俾你愛嘅人
不過  如果我哋將精力同埋情感
投放喺真正重要嘅人同事嗰度
我哋就會生活得開心
好多人為咗得到快樂
就會使錢喺自己身上
或者做啲嘢令自己開心
只係掛住滿足自己
係唔會開心㗎
耶穌話「施與比接受更加快樂」
呢一個原則教識我哋
將自己嘅情感同精力應該投放喺邊度
一個人點樣先會快樂？
簡單嚟講
我哋愛其他人就會感受到快樂
譬如話  你起咗堆火
跟住會得到乜嘢呢？
就係溫暖同光
連火都唔去起  我哋可唔可以
得到呢2樣嘢呢？
唔得㗎嘛
我哋一定要起咗個火先
然後就會感受到溫暖同見到光喇
同樣  如果我哋愛其他人
投放情感同精力喺佢哋度
先至會感受到快樂
耶穌話俾我哋知「你哋唔好憂慮不安」
喺呢句說話學到
我哋係可以選擇
諗一啲正面嘅嘢嚟控制情緒
同埋學到要將情感投放喺
屋企人同弟兄姊妹身上
仲有就係喺崇拜耶和華嘅事上面
而家我哋睇吓
約翰福音14:1嘅下半部分呀
耶穌話「要對上帝有信心
亦都要對我有信心」
耶穌唔係好空泛咁話  要有信心
佢特別指要對邊兩個有信心呢？
就係要對耶穌佢自己同耶和華有信心
我哋好憂慮嗰陣
要記得耶和華同耶穌就喺我哋身邊
好快佢哋會解決晒我哋嘅所有難題
佢哋就好似喺隔離房咁
我哋可以通過禱告同沉思
隨時搵佢哋
深信耶和華
好快會解決晒呢個世界嘅所有難題
就可以平復到我哋嘅情緒
因為我哋唔完美
所以成日覺得咩都想自己搞掂
耶穌知㗎
所以佢喺登山寶訓話「唔好再憂慮」
點解呢？
佢話「你哋需要呢啲嘢
你哋嘅天父係知道嘅」
你相唔相信耶和華會睇住你
知道你有咩需要？
有咁樣嘅信心
能夠幫到我哋唔再憂慮
事實上有好多嘢係耶和華先至處理到㗎
我哋爭住嚟做只會帶嚟更多憂慮
例如你解唔解決到貧窮？
衰老同疾病呢？
戰爭、暴亂同治安問題？
答案我哋好清楚
人係冇能力解決呢啲問題㗎
只有耶和華同耶穌通過王國先解決得到
尤其係當我哋聽到唔好嘅消息
或者面對考驗嗰陣
對耶和華同耶穌有信心
我哋就唔會過度憂慮喇
有時我聽到弟兄姊妹嘅情況
例如喺俄羅斯或者厄立特里亞咁
都會好擔心
相信你都會一樣
情緒多少受到影響
我哋點至做到
耶穌教我哋咁樣唔憂慮呢？
呢個時候我會問吓自己
「當地會眾係咪已經盡力而為？
嗰度嘅分部同世界總部又點樣呢？
我有冇為佢哋禱告？」
如果做得到嘅都做晒喇
就可以同耶和華講
「我哋已經盡咗力
而家就交俾你喇」
詩篇112:7
提到正義嘅人會點樣面對壞消息
經文話「佢唔會驚壞消息
佢嘅心堅定不移  信賴耶和華」
所以聽到壞消息嗰陣
要相信耶和華會用神聖力量幫助我哋
當我地覺得情緒好波動
無晒力量嗰陣
要記得耶和華應承咗
會賜非凡嘅力量俾我哋
佢講得出  就一定會做得到
當我哋將憂慮話俾耶和華知
佢會留心聽  俾足夠嘅能力我哋應付
雖然佢唔一定會為我哋消除障礙
但係一定會幫我哋成功咁忍耐落去
羅馬書12:11話
「要靠住神聖力量滿腔熱誠」
神聖力量令人滿腔熱誠
令我諗起一種好特別嘅石頭
當你用紫外光燈照佢
就會發光
表面上只係一嚿普通嘅石頭
但係遇到紫外光嗰陣就會閃閃生輝喇
耶和華嘅神聖力量喺我哋身上
都有咁嘅作用
同樣當我哋冇力量嗰陣
耶和華就會通過神聖力量
令我哋好似嗰嚿石頭咁發光  充滿力量
又好似個小朋友夜晚好驚
就跑去爸爸媽媽嗰度啦
因為佢知道爸爸媽媽一定會幫佢
我哋禱告就好似
跑去耶和華間房度搵佢幫手咁
咁佢就會通過神聖力量、聖經
同埋弟兄姊妹幫我哋
佢好似將佢嘅光射向我哋咁
令我哋得到非凡嘅力量
當你遇到一啲事令你覺得好心煩
要記得  你間屋唔只係一間房㗎
你禱告同埋讀聖經嗰陣
耶和華就好似拖住你隻手
帶你由一間房去到另一間房
你失去親人
就帶你去復活希望嘅房
你病咗  就帶你去完美健康嘅房
你好內疚  佢就帶你去
得到寬恕嘅房
試想像下
使徒見到耶穌復活嗰陣有咩感覺？
轉變真係好大
本來係「耶穌就快離開喇」
而家去咗另一間房  就係
「耶穌已經返嚟喇」
佢哋對耶和華同耶穌有信心
得到獎賞喇
等我哋一齊總結一下吖
今日喺約翰福音14:1
耶穌嘅說話學到乜嘢呢？
耶穌首先話「你哋唔好憂慮不安」
從呢句說話學到
我哋係可以選擇諗一啲正面嘅嘢
嚟控制情緒㗎
另外  我哋仲學到要將情感投放喺
屋企人同弟兄姊妹嗰度
更加重要嘅係
投放喺崇拜耶和華嘅事上
耶穌話「要對上帝有信心
亦都要對我有信心」
如果我哋面對緊好大嘅難題
或者情緒問題
要信賴耶和華同耶穌
佢哋一定會永遠解決呢啲事
不過而家
就要相信耶和華會賜非凡嘅力量俾我哋
幫助我哋應付喺呢個世界遇到嘅挑戰
下一次當你覺得好攰  冇晒力量
就要沉思
耶穌喺約翰福音14:1講嘅說話
「你哋唔好憂慮不安
要對上帝有信心  亦都要對我有信心」
約拿雖然係上帝嘅僕人
但係佢都需要學習信賴上帝
而當佢噉做嗰陣
佢就可以容易啲控制自己嘅情緒
喺呢一集挖掘寶藏我哋會睇吓
從佢身上仲可以學到啲乜嘢
《約拿顯勇氣學仁慈》真係好好睇呀
呢套戲可以幫我哋了解約拿書呀
但係睇聖經就可以挖深啲
讀嗰陣可以問一個問題
關於耶和華  我學到乜嘢呢？
好啊！
等我寫低先
你留意到啲咩呢？
我留意到耶和華好願意寬恕人  好有耐心
係呀！
耶和華真係好有耐心幫約拿進步
喺約拿書3:1「耶和華俾多次機會佢」
約拿犯錯  耶和華都保護佢
佢態度唔好
耶和華都溫和噉糾正佢
耶和華冇放棄過約拿
真係好犀利呀
係呀！
呢個都係耶和華嘅一種特質
就係忠貞之愛
你仲記唔記得咩意思呢？
記得啲嘅
俾個提示你吖
搵吓呢個詞嘅定義吖
有冇試過用《詞語解釋》呢？
喺《精讀本》嘅放大鏡嗰度打「忠貞之愛」
之後就會見到《詞語解釋》呢個選項喇
睇吓先  係喎
你可唔可以幫我讀出嚟呢？
呢度話  忠貞之愛「係一種基於承諾
道義、忠貞  而且不離不棄嘅愛」
耶和華就係噉樣對約拿喇
因為愛  耶和華一直幫助佢嘅子民
但係約拿就唔知道耶和華做緊乜嘢
就算遇到風暴  三日喺條魚嘅肚度
又見到尼尼微人悔改
佢都係諗自己嘅感覺先
之後耶和華寬恕咗尼尼微人
約拿就好嬲
覺得自己好似一個假先知噉
雖然佢經歷咗好多嘢
但係佢都係寧願尼尼微人死
好過自己俾人誤會
約拿噉樣諗  真係好唔啱呀
不過耶和華點做呢？
佢點都好過我
約拿嘅反應雖然唔係噉好
但係佢唔係壞人嚟㗎
所以耶和華就用葫蘆藤教佢一個道理
嗱  你睇吓約拿書4:6講啲咩嘢
呢度話  耶和華用葫蘆藤遮住太陽
等約拿舒服啲
嘩！
約拿做得噉差  耶和華都對佢噉好
經文話  約拿覺得好開心呀
我哋睇到由於耶和華嘅忠貞之愛
約拿嘅態度都唔同咗呀
噉而家耶和華可以教佢喇
係呀！
而家約拿要學嘢喇
耶和華叫一條蟲去咬死嗰棵葫蘆藤
唔係咬人喎   咬葫蘆藤咋喎
噉約拿有咩反應呢？
佢又發脾氣啦
而家耶和華就可以教佢嘢喇
就係10同11節呀
耶和華真係好勁
耶和華就問約拿
「一棵葫蘆藤你都憐惜
噉尼尼微城嘅人同牲畜
唔通我唔應該憐惜咩」
寫到呢度  約拿就收筆喇
佢用耶和華嘅呢一番說話
嚟做約拿書嘅結尾
佢明白喇
佢學到要好似耶和華噉憐憫人
嘩  耶和華真係對約拿不離不棄
無論佢係點  都對佢表現忠貞之愛
我哋掘深啲吖
除咗約拿
仲有邊啲人喺耶和華嘅愛嗰度得益？
不如我哋用吓《信心嘅榜樣》
呢本書嘅建議吖
「要運用想像力  仲有唔同嘅感官
想像自己置身其中
盡力了解書入面嘅人有咩感受同睇法
佢哋嘅反應同你喺遇到
同樣情況下嘅反應  有咩唔同」
諗吓嗰啲船員向假神求救
而約拿好清楚佢哋唔會得到任何幫助
佢會有咩感受呢？
後嚟約拿承認呢場災禍因佢而起
不過啲船員都唔想抌佢落海喎
係呀！
佢哋都諗辦法保住約拿條命
耶和華想約拿睇到嗰啲唔崇拜佢嘅人
其實心地好好
同埋佢哋冇人幫都好慘
你覺得約拿會唔會都有
好似耶和華噉嘅感覺呢？
嗯
再諗吓  尼尼微城啲人係拜假神㗎喎
點解耶和華要派約拿去呢？
可能係俾一個機會尼尼微人
睇吓佢哋會唔會改變
所以邊啲人得到益處呢？
啊
我知啦
耶和華唔單止向約拿表現忠貞之愛
佢亦都好愛嗰啲船員同埋尼尼微城嘅人 
冇錯啦！
再諗吓
雖然約拿犯咗大錯
但係耶和華仍然
用約拿嘅遭遇去講耶穌嘅事
當約拿復活嗰陣
佢如果知道耶穌曾經提及佢嘅名
仲話自己同佢有相似嘅地方
噉約拿會有咩感覺呢？
嘩！
我哋睇到耶和華點樣表現愛
噉我哋呢？
我哋又可以點樣效法耶和華？
我第一樣嘢諗到嘅就係逐戶傳道
講真吖  有時我都唔係好鍾意㗎咋
有時都冇人肯聽
我都覺得幾唔開心㗎
不過我話俾自己知
最緊要嘅唔係我
而係耶和華
如果耶和華冇放棄人
我都唔應該放棄人
講得好  阿仔
嘩！
你識得噉諗
我真係好開心呀
我自己呢就諗到
有時我收到一啲好難嘅委派
第一下嘅反應唔係噉好
講咗啲好後悔嘅嘢
一諗返轉頭  就好內疚
好責怪自己
不過約拿嘅記載安慰咗我
耶和華唔會因為我唔好嘅反應而責怪我
佢睇嘅係我哋嘅內心
仲好有耐性咁教我哋
我寫低咗三點
關於耶和華  我學到乜嘢
睇吓詞語嘅定義
同埋善用想像力
係呀！
仲有好多嘢可以學
我哋都可以想像如果我係約拿
一個人喺大魚嘅肚入面
向耶和華禱告求救會係咩感覺？
約拿向尼尼微人傳道
佢哋嘅反應唔係約拿諗嘅噉差
我哋又學到咩呢？
一齊繼續睇吓跟住嘅經文吖
我哋真係學到好多呀
約拿嘅反應表明佢對耶和華係忠心㗎
你繼續睇吓耶和華點樣對待
約拿同尼尼微人就一定
會搵到更多寶藏
世界各地嘅會眾
都好期待分區監督探訪嘅嗰個星期
如果佢結咗婚
弟兄姊妹都會好期待見到佢太太
等我哋睇吓呢個咁鼓舞人心嘅安排
係點樣嚟吖
對每群耶和華見證人嘅會眾嚟講
分區監督探訪嘅嗰個禮拜係好特別㗎
大家會一齊傳道、聽精彩嘅演講
仲有享受愉快嘅時光
咁分區探訪嘅工作係點樣開始嘅呢？
又經歷咗咩改變？
一齊睇吓呢一集《回顧歷史 邁向未來》吖
喺公元一世紀就有弟兄做探訪工作
例如保羅、巴拿巴同提摩太
佢哋被派出去鼓勵各群會眾
1894年開始  耶和華嘅組織亦都有類似嘅安排
佢哋派出一啲弟兄做代表
去探訪同鼓勵唔同地方嘅聖經研究者
呢啲弟兄後嚟被稱為「朝聖者」
佢哋要周圍去探唔同嘅會衆
留喺每群會眾一至兩日
鼓勵弟兄姊妹熱心崇拜上帝
不過佢哋嘅旅程一啲都唔輕鬆㗎
想像你係早期嘅朝聖者愛德華·布尼森噉
要去美國西部一條偏僻嘅村莊
探嗰度嘅弟兄姊妹
首先你要搭火車
跟住要搭一晚馬車  再轉一架簡陋嘅馬車
經過山路扽好耐先至去到目的地
朝聖者都係一啲教導能力好好嘅弟兄
不過有時佢哋都要學習謙卑
就好似亞歷山大·格雷姆噉
佢講演講好有熱誠
不過有時啲演講就…長咗啲
一講就講幾個鐘
當羅素弟兄留意到呢件事之後
就寫信俾格雷姆弟兄  同佢講
「親愛嘅弟兄  我知道你好愛真理
不過當你好有熱誠噉發表演講嗰陣
可能會唔記得咗時間」
格雷姆弟兄好謙卑噉接受建議
弟兄姊妹更加鍾意佢
佢啲演講一樣咁生動
但係就短咗好多喇
當時朝聖者嘅主要工作係發表演講
但係由1928年開始就唔同咗嘞
探訪嘅弟兄要帶頭逐家逐戶傳道
所以佢哋就改名做「區域服務指導員」
後嚟又叫做「區域僕人」
更加突顯佢哋嘅角色係要為弟兄服務
後嚟又有一個更大嘅變化
1933到1935年
喺美國嘅傳道工作受到猛烈嘅攻擊
有啲會眾決定同其他會眾一齊傳道
咁樣嘅安排令到弟兄姊妹更加團結  抵抗反對
為咗令組織運作得更加順暢
後嚟弟兄委任咗帶務僕人
負責探訪大概20群會眾
每隔一段時間
所有會眾都會一齊參加帶務大會
即係今日嘅分區大會
喺1942年  負責探訪嘅弟兄又有個新名啦
叫做「弟兄嘅僕人」
安傑洛·卡坦扎羅收到呢個委派嗰陣只係得19歲
佢形容自己係「不停四圍去嘅傳道員」
佢做咗探訪工作超過60年
同太太走遍美國大部分地區
鼓勵弟兄姊妹
亦都幫助好多好多人親近耶和華
做探訪工作嘅弟兄  後嚟又改名做「環務僕人」
而家就叫做「分區監督」
咁多年嚟
呢啲弟兄同佢哋嘅太太樂意犧牲
為弟兄姊妹服務
佢哋放棄一個舒適安穩嘅屋企
長途跋涉去探訪唔同嘅地方
其中一對夫妻係溫斯頓同帕梅
佢哋20幾歲就開始喺南太平洋做探訪工作
嗰度嘅天氣好熱
成日有好多蚊  有時仲唔夠嘢食
不過佢哋都努力適應
亦都好鍾意呢件工作
弟兄姊妹向佢哋表現嘅愛心同感恩之心
令佢哋好感動
今日有數以千計嘅弟兄做探訪工作
為咗培訓佢哋
喺1999年開始開辦咗一個訓練課程俾佢哋
而家世界各地都會舉辦分區監督及其妻子訓練班
咁多年嚟  雖然分區監督嘅稱呼調整過好多次
不過冇變嘅係  同保羅嘅日子一樣
呢啲弟兄同佢哋嘅太太
為咗培訓弟兄姊妹做好傳道工作
鼓勵年輕人同埋鞏固會眾
佢哋都樂意付出  甚至付出一切
下次分區監督同太太探你會眾嘅時候
不如諗吓可以做啲乜嘢嚟多謝佢哋嘅付出吖
喺下一集《回顧歷史  邁向未來》
我哋再睇多啲嘢耶和華子民嘅歷史吖
下次再見
我哋多謝耶和華
俾我哋咁辛勤工作嘅分區監督
仲有佢哋咁樂意獻出自己嘅太太
你同佢哋一齊傳道見到佢哋嘅好榜樣
係咪令你印象好深刻呢?
可能曾經有一位分區監督
鼓勵過你為耶和華做多啲添
當然唔係每個人都可以做分區監督嘅
但係我哋可以學吓佢哋點樣愛其他人
而家一齊睇吓弟兄姊妹喺主持課程嗰陣
點樣顯出愛心  靈活變通吖
當我哋知道呢個地區
需要更加多傳道員
就睇出耶和華想我哋搬嚟呢度幫手
我哋喺玻利維亞克丘亞語會衆
服務咗4年喇
我叫費爾南多
我叫米卡埃拉
我哋住喺阿根廷一個叫做
因赫涅羅－韋爾戈嘅地方
呢度有好多玻利維亞人
因為喺佢哋既國家生活好艱難
所以佢哋就搬咗過嚟
喺呢度嘅農場嗰度做嘢
喺農場做嘢係好辛苦㗎
有時仲要做到夜晚11,12點添
佢哋好忙㗎  成日都要開工
所以同佢哋傳道最好嘅時間
就係喺中午佢哋開工之前喇
不過喺嗰嗰時間傳道真係好熱㗎
有時熱到成40度添啊
好多時候我哋都要
趁佢哋做嘢嗰陣同佢哋讀聖經
佢哋一路收割或者做其他嘢
我哋就一路跟住佢哋
讀段課文或者節經文俾佢哋聽
你唔好以為佢哋做緊嘢就冇留心聽喎
例如佢哋從來都冇聽過上帝個名
所以佢哋一聽到呢個名
或者其他佢哋覺得有興趣嘅嘢
就會停低專心聽你講
其實佢哋係對聖經有興趣嘅
好多時佢哋仲會叫我哋
等佢哋做埋嘢先繼續講
所以我哋就幫吓佢哋手啦
等佢哋快啲做完嘢
初頭佢哋見到都有啲嚇親
仲問「你認真㗎？
你件衫會整到污糟晒㗎喎」
不過為咗幫佢哋  我哋真係唔介意
而且結果好好添
由於我哋咁樣做  之後仲做埋朋友
咁就更加容易幫佢哋進步喇
佢地慢慢都感受到
我哋真係關心佢哋㗎
我好鍾意傳道
因為可以睇到真理點樣改變
嗰啲有正確態度嘅人
我都好鍾意傳道
我唔覺得好辛苦或者要犧牲啲乜嘢
我叫做托尼·瑪雷羅
我喺瑪麗盧絲
我哋係嚟自西班牙
而家喺巴拉圭服務
喺疫情期間
我哋成日都要留喺屋企
嗰時好多嘢都要改變
要打電話俾陌生人向佢哋傳道
真係…令我好緊張呀
有一次我打咗俾一個先生
我直接問佢想唔想學習聖經
而佢竟然接受喎
真係冇諗到
我問佢可唔可以第二日
用短訊發個問題俾佢
等佢諗吓
佢就話「好啊」
初頭我以為佢冇興趣
因為佢睇咗之後冇即時覆
不過嗰日夜晚佢就覆咗我喇
後嚟我發現原來佢好忙㗎
佢好似無論喺咩時間都做緊嘢咁
知道咗之後我就調整遷就佢
有一日我問佢
你太太會唔會都想一齊討論啊？
佢就話「都好呀」
喺跟住嗰幾個月
我哋都要好有耐心
係呀  成日都要等佢電話
等到頸都長
佢實打嚟嘅  但係我哋唔知道係幾點
可能係夜晚9點、10點、11點
佢會發訊息俾我話
「俾5分鐘我就可以開始㗎喇」
我哋就開視像會議
佢打個招呼
之後換衫再開始討論
開頭真係唔容易
真係呀
但係後嚟
我哋就越嚟越鍾意同佢哋討論
因為每次完咗之後  我哋都覺得
-好開心  -真係呀
完咗之後我哋都會忍唔住同對方講
-佢哋真係好好呀  -係呀
佢哋好到難以置信呀
不過係真㗎
佢哋真係好鍾意學到嘅真理
好快佢哋就將學到嘅嘢用出嚟
大約一年之後  佢哋就受浸喇
我好開心呀
無論付出幾多都係值得㗎
每一日我都好感激耶和華
要配合對方所選擇嘅時間同地點
可能需要我哋作出犧牲
不過為咗幫助人而作出調整
耶和華一定會獎賞我哋
20幾年前《警醒》雜誌曾經刊登
菲利普斯姊妹嘅自述
佢決定崇拜耶和華
會點樣令佢同身邊嘅人得益呢？
睇吓跟住落嚟嘅影片吖
我有好多屋企人
都係出名嘅歌手同演員
最出名嘅就係我爸爸
赫爾曼·巴爾德斯
個個都叫佢做「丁丹」
音樂對我嚟講好重要
細細個  我就會拎起支吉他
寫吓歌  去表達自己嘅感受
我從來都冇諗過
大過之後要做一個歌手
不過喺我15歲嗰陣
我爸爸就死咗
後嚟為咗要照顧屋企
我就要出嚟搵嘢做喇
我加入咗一個樂隊
之後仲出咗名  做咗演員同埋歌手
不過冇幾耐  我就發現
做呢行嘅人  道德都好差
佢哋對人都好假
所以我就好難再信任其他人
當我學習咗聖經之後
我先發現原來呢個世界上
真係有啲咁善良  咁真心愛我嘅人
後嚟我慢慢改變
變得更加積極開心
覺得生活充滿意義
我同先生結咗婚  有兩個小朋友
一家人喺墨西哥嗰度住
作為父母  我哋最擔心嘅係
啲仔女想加入娛樂圈
所以我同先生一路都好努力
教佢哋做明智嘅決定
我個女  詹娜喺佢17歲嗰年
有一次佢陪我去墨西哥
一個最出名嘅電視台度做嘢
嗰度有個男士  佢係星探嚟嘅
佢見到我個女就問
「你係咪都識唱歌㗎？」
阿女就話「我都識嘅」
之後佢就唱咗幾句俾佢聽
點知個星探好鍾意阿女把聲
仲即刻請咗佢去辦公室傾吓
我聽到個星探同阿女講「而家呢  
就有個機會俾你喺電視台度發展
我哋一定會捧紅你㗎
我哋會準備好哂文件
你星期一上嚟簽約啦」
當阿女佢出返嚟嗰刻
我真係好驚  我問佢
「你有冇應承到呀？」
阿女話「梗係冇啦  媽咪
我最愛嘅係耶和華
而且我又好鍾意做先驅
點會應承佢呢」
估唔到一個禮拜之後
阿女就收到分部嘅電話
邀請佢幫手唱歌
佢好開心  直至而家
都可以用歌聲讚美耶和華
咁多年嚟  我仲有機會
同阿女一齊為耶和華服務
幫分部手做啲同音樂有關嘅工作
撒但一直都好想令我分心
試過有幾次  因爲我爸爸嘅關係
有人搵我合作做嘢
而呢啲工作都會用我好多時間
咁樣我就一定做唔到正規先驅喇
所以我就拒絕咗
我睇出耶和華好錫我
一直賜福俾我
每次當有呢啲工作機會
我拒絕咗之後
耶和華都會搵方法俾返啲嘢我
例如  我有榮幸
幫組織開辦嘅訓練班準備食物
真係好開心
其實呢啲經歷
都教識我要信賴耶和華
好似使徒保羅講
「人冇信心  就冇可能得到上帝嘅喜悅
上帝會獎賞懇切尋求佢嘅人」
我媽媽已經超過90歲喇
同佢一齊傳道  真係好開心㗎
我哋好鍾意參與唔同形式嘅傳道
咁多年嚟
我有好多屋企人都學習聖經
有啲仲受埋浸添
我好享受同屋企人一齊嘅時光
同媽媽仲有阿女
一齊玩吓結他  唱吓歌
又好期待喺新世界見返爸爸
同媽媽一齊迎接佢
可以攬實佢
介紹啲仔女俾佢識
見返佢嗰陣  最好喺海邊啦
跟住我就好想  好似以前噉
一家人一齊唱歌
所以我決心永遠忠於耶和華
真係一個好好嘅經歷呀
菲利普斯姊妹依靠耶和華
結果佢同佢嘅屋企人
都得到好多嘅福分
耶和華好想我哋依靠佢
特別係喺一啲困難嘅時候
跟住嘅早晨崇拜萊特弟兄會講吓
點樣喺迫害之下依靠耶和華
我哋可以認識宇宙當中
今日我哋會一齊講吓
點樣靠住耶和華嘅神聖力量
喺迫害之下保持忍耐
今日守望台評論提到
上帝嘅子民經歷過幾種唔同嘅迫害
而喺撒迦利亞書4:6保證
無論遇到乜嘢迫害都好
只要有神聖力量
我哋就能夠忍耐到底
其實撒但迫害我哋
係想達到啲乜嘢目的呢？
就係想我哋放棄同屈服
仲有希望我哋妥協呀
試諗下  獅子會吞噬獵物
撒但就好似獅子噉
佢想食咗我哋
當獅子吞咗獵物之後
隻獵物會變成點樣呢？
食咗落肚
就成為咗獅子身體嘅一部分喇
撒但就係想噉樣嘞
我哋唔屬於撒但嘅世界
不過佢就想我哋
屬於呢個世界成為佢嘅一部分
有神聖力量嘅幫助
我哋決心唔俾呢件事發生
噉上帝嘅子民曾經面對過
同埋而家仍然面對緊
乜嘢形式嘅迫害呢？
我哋講吓五個方面吖
哈米吉多頓嚟到之前
我哋唔知道自己或者身邊嘅人
會經歷邊一種嘅考驗
無論點都好
當我哋面對任何考驗嘅時候
都決心堅守忠義
同埋會幫助其他人噉樣做
第一方面係
禁制耶和華見證人嘅工作
喺好多國家都有噉樣嘅情況
喺世界各地嘅唔同地方
都有唔同嘅國家或者政府
禁制我哋嘅工作
喺聖經時代都有噉樣嘅事㗎
例如公元前522年
重建聖殿嘅工作就受到禁制
喺一世紀  好多地方
當權者都唔俾耶穌嘅門徒傳道
如果佢哋唔聽嘅話
就會「俾人帶到君王同總督面前」
耶和華嘅神聖力量
可以喺噉樣嘅情況之下點樣幫到
古代嘅佢哋同今日嘅我哋呢？
我哋一齊睇下馬太福音10章
就搵到答案嘞
一齊睇吓馬太福音10章
由19節開始
10章19節耶穌話
「不過佢哋送你哋去受審嗰陣
唔使擔心要講啲乜嘢
或者點樣講」
情況咁緊張  唔使擔心點解呢？
經文話「到時  你哋就會知道
應該講啲乜嘢
因為講說話嘅其實唔係你哋自己
而係你哋天父嘅神聖力量
通過你哋講說話」
所以我哋講嘅嘢
除咗係我哋喺度講
仲有神聖力量都喺度
幫我哋講出合適嘅説話
正如經文保證一樣
依家講吓第二方面嘅迫害吖
就係監禁
喺1世紀  耶穌預告到
真基督徒會俾人拉去坐監
喺路加福音21:12
佢話「啲人會落手
迫害你哋⋯將你哋韞入監」
情況真係噉樣㗎
噉多年嚟
耶和華嘅子民經常俾人拉去坐監
我哋睇到俄羅斯
同佢嘅盟友都係噉樣迫害我哋
仲有其他政權都有噉樣做
我哋都經常受到鼓勵為嗰啲喺
厄立特里亞、土庫曼斯坦
俄羅斯同埋其他地方
坐緊監嘅弟兄姊妹禱告
我好鍾意希伯來書13:3
「你哋要記住嗰啲被囚禁嘅人
就好似同佢哋一齊被囚禁」
我哋可能而家唔係坐緊監
但係將來好難講
知道有弟兄為我哋禱告
好似喺我哋身邊一樣
真係令人好開心  好安慰㗎
第三個方面係
見證人啲仔女俾學校開除
撒但知道佢傷害基督徒嘅仔女
就等於傷害佢哋嘅父母
佢希望啲父母因為心痛仔女而妥協
喺上世紀40年代嘅美國
經常聽到噉嘅事
其實呢幾十年嚟  喺好多國家
我哋都有好多小朋友
因為信仰而俾學校開除
可能你諗起
1世紀有個後生仔就係因為
對耶穌有信心被趕出會堂
至於第四方面
我哋可以睇下啟示錄13:16,17
經文講到
撒但嘅政治制度會向我哋
施加壓力夾硬印個記號
喺我哋嘅手同額頭上面
冇記號就唔可以做買賣
所以第四種迫害係咩呢？
就係喺經濟方面俾壓力我哋
想我哋嘅弟兄妥協  唔再保持中立
呢一個係撒但經常用嚟
迫害我哋嘅手段
有啲弟兄因為保持中立
就俾人炒咗冇咗份工
或者冇人肯同佢哋做生意
而喺馬拉維嘅弟兄
佢哋面對嘅迫害就更加大
因為佢哋唔肯買一張
唔使2蚊港紙嘅黨員證
就俾人喺經濟同其他方面迫害
佢哋都知呢張證係就係好平
但係買咗  代價就好大喇
所以佢哋堅決唔噉樣做
跟住我哋會講下第五方面嘅迫害
記載喺馬太福音5:11耶穌話
「你哋為咗我俾人侮辱  俾人迫害
俾人用各種邪惡嘅話中傷
噉就有福嘞」
第五係俾人中傷
我哋經常見到有媒體
中傷耶和華見證人㗎
耶穌都俾人中傷過
有人話佢俾邪靈附身
褻瀆上帝、貪食、縱酒
1世紀嘅基督徒
啲人都係噉樣對佢哋
喺使徒行傳28:22
猶太人嘅首領噉樣同保羅講
佢哋話「我哋知道呢個教派
真係到處受人批評」
就算我哋都遇到噉樣嘅情況
只要靠住神聖力量就可以忍耐到底
總結下吖
五方面嘅迫害分別係
俾人禁制、監禁
見證人嘅仔女俾學校開除
通過經濟壓力
迫我哋喺中立方面妥協
同俾人中傷
其實仲有好多方面㗎
無論係咩形式嘅迫害都好
只要我哋靠住
神聖力量就可以成功應付
咁我哋要點樣做  先至可以得到
同一直有神聖力量呢？
三個方法我哋會簡單講下
路加福音11:13耶穌話
「何況天父  唔係更加會
將神聖力量賜俾懇求佢嘅人咩？」
第一就係禱告
第二係要順應神聖力量生活
所以我哋會參加聚會、出傳道
同埋每日睇聖經
第三  以弗所書4:30節話
「唔好⋯令神聖力量憂愁」
如果有啲嘢係會令
神聖力量唔能够發揮作用
我哋就會盡力避免去做
所以要禱告、順應神聖力量
同埋唔好妨礙神聖力量運行
只要我哋
做足呢三樣嘢就會得到呢股
最強大嘅力量
可以喺四方面幫到我哋
邊四方面呢？
約翰福音14:26
耶穌就講咗三方面
第一神聖力量係「幫助者」
第二就係佢會教導我哋
第三係幫助我哋記起學過嘅嘢
耶和華點樣幫我哋記起學過嘅嘢呢？
譬如話受迫害嗰陣
我哋禱告求耶和華賜神聖力量
然後我哋記返起學過嘅經文
得到所需嘅力量忍耐落去
第四方面
耶穌喺約翰福音16:13話
神聖力量會「引導你哋明白所有真理」
我哋要記住呢四方面
神聖力量會幫我哋、教導我哋
令我哋記起經文  同引導我哋
試諗吓你喺一個好多地雷嘅地方
如果有個人能够安全噉帶你離開
你一定會好感激佢呀  係咪？
同樣有神聖力量幫我哋
結果係點呢？
就係無論面對咩考驗都好
我哋都唔會俾撒但吞噬
噉就更加唔會變成
佢呢個世界嘅一部分嘞
噉我哋
就能夠講出撒迦利亞書4:6嘅説話
經文話「唔係依靠軍隊
唔係依靠能力
而係依靠［耶和華］嘅神聖力量」
就會有充足嘅力量  忍受迫害
最有能力嘅嗰位
而佢仲日日賜力量俾我哋
真係好奇妙呀
今個月嘅音樂短片
我哋會睇到神聖力量
點樣幫助一個年輕弟兄
喺佢嘅人生低谷仍然懷有希望
耶和華  真公平
一向彰顯正義
若是看見惡行壓搾
你必不會坐視
沉重挫折偶現我心
因這艱苦際遇
惟獨靠你正義判決
將苦痛制止
熱切等待耶和華
在這考驗時候
全賴你顯公平
終必使我獲勝
無論身於漆黑監牢
多少譏嘲滿路
或受各國惡毒禁制
至親反對也好
平靜應對  再下決心
不會驚慌卻步
而上帝會賜我安舒
我必不會跌倒
熱切等待耶和華
在這考驗時候
全賴你顯公平
終必使我獲勝
正義  伸張可靠誰？
世人虛謊定留憾
正義  要靠耶和華
願你正義降臨
除滅罪惡痛心
熱切等待耶和華
在這考驗時候
全賴你顯公平
終必使我獲勝
就算喺監倉入面
呢位年輕弟兄都冇失去希望
佢冇因為自己受到唔公平嘅對待
而覺得好嬲
相反佢會諗啲積極嘅事
想像吓做緊傳道
聚緊會仲有同弟兄姊妹一齊
今個月嘅節目一定可以加強你嘅信心
應付將來嘅考驗
我哋討論過如果唔想有負面嘅睇法
保持積極嘅態度
最好嘅方法
就係去幫助其他人
我哋睇到一啲傳道員
調整自己嘅時間表
主持聖經課程
結果更加開心
我哋亦都深入討論咗約拿書嘅內容
挖掘咗好多寶藏
今個月我哋會去蒙特內哥羅
即係黑山
呢個名係嚟自意大利文嘅威尼斯方言
意思係黑色嘅山
可能係因為呢度嘅森林好茂密
雖然佢叫做黑山
但係呢度其實係個
充滿色彩同活力嘅地方
佢就好似座落喺亞得里亞海
一粒閃閃發光嘅寶石
塔拉河峽谷係歐洲最深嘅峽谷
而斯庫台湖就係巴爾幹半島最大嘅湖
嗰度有一個雀鳥保護區
裡面差唔多有280種雀仔
好多人都鍾意去科托爾古城旅遊
睇吓嗰度壯麗嘅景色
行吓啲好有特色嘅街道
同埋喺嗰度出名嘅山路踩吓單車
呢度曾經俾戰火摧殘
喺1918年
佢俾賽爾維亞人、克羅地亞人
同斯洛文尼亞人王國吞併咗
去到1929年
就改稱為南斯拉夫王國
範圍包括而家嘅波斯尼亞
同黑塞哥維那
克羅地亞、科索沃、北馬其頓、黑山
塞爾維亞同斯洛文尼亞
二戰之後就改制成為
南斯拉夫社會主義共和國
呢個國家最後去到20世紀末解體
喺2006年
黑山脫離塞爾維亞嘅統治宣布獨立
因為佢哋以往經歷過嘅事
令到黑山人好重視
對人誠實、為人謙虛
捨己為人同埋尊重其他人
喺1920年代
有個塞爾維亞嘅後生仔
叫做弗朗茲·布蘭德
佢喺奧地利參加見證人嘅聚會嗰陣
第一次聽到好消息
雖然嗰次聚會俾反對嘅人打斷咗
但係就已經令弗朗茲決定要向人傳道
佢返到家鄉之後
就經常同幾個人一齊研究聖經
後嚟佢搬去斯洛文尼亞嘅馬里博爾
佢開始做理髮師
喺幫客人剃鬚嗰陣
佢就把握機會向佢哋傳道
另外當時軍隊樂團嘅指揮
艾爾弗雷德·圖切克
收到同事俾佢嘅聖經書刊
後嚟佢決定辭咗呢份人工好高嘅工
參與全時服務
成為咗前南斯拉夫最早嗰批先驅
喺30年代初
佢同其他弟兄去唔同地方播《創世影劇》
後嚟佢同太太弗麗達用單車同電單車
去到而家嘅克羅地亞、馬其頓
黑山同埋塞爾維亞傳道
今日黑山嘅弟兄姊妹繼續保持熱心
佢哋而家有432個傳道員
比起前一年多咗百分之四
差唔多有三分一嘅傳道員都係先驅
呢度由南到北嘅風景好唔同
傳道嘅方式都好唔同㗎
黑山嘅首都係波德戈里察
呢個城市北部嘅會眾
覆蓋嘅傳道地區好大
有啲傳道員住喺離聚會所
大概100公里外咁遠
要揸差唔多兩個鐘頭車先去到聚會
波德戈里察嘅傳道員
每個月都會安排一兩次去偏遠嘅村莊
同當地嘅弟兄姊妹一齊傳道
盡可能同嗰度嘅人分享好消息
朝早佢哋會喺公園舉行傳道前聚會
做完傳道佢哋會喺線上參加聚會
之後就會喺弟兄姊妹嗰度過夜
第二日先至返番屋企
呢個城市嘅南部有好靚嘅海灘
每年嘅某啲月份遊客嘅人數
係本地人嘅兩倍
所以啲會眾喺呢啲月份
會集中做公眾場所見證
其他時候就主要做逐家逐戶
或者喺商業地區傳道
佢哋熱心傳道帶嚟好好嘅成果
就喺2024年
有769人參加咗耶穌犧牲紀念聚會
新海爾采格會眾嘅37位傳道員
向全球嘅弟兄姊妹
送上佢哋溫暖嘅愛心同問候
呢度係耶和華見證人世界總部嘅JW電視


-