JW subtitle extractor

欢迎收睇JW电视
有时我哋喺生活上遇到一啲情况
唔知道点样处理
如果我哋遇到嘅问题好难应付
噉可以点样控制好自己嘅情绪呢？
我哋亦都会深入睇吓约拿书
学习耶和华嘅忠贞之爱
财富名利对好多人嚟讲都好吸引㗎
我哋会听吓一个姊妹嘅经历
睇吓佢点解选择崇拜耶和华
而唔系名利
今个月嘅音乐短片
会睇到一啲弟兄就算坐监
都可以保持坚强嘅信心
呢啲就系今个月嘅节目嘞
你哋唔好忧虑不安
耶稣喺咩情况讲呢句说话呢？
佢话俾啲使徒听
佢就快要离开佢哋嘞
睇嚟佢见到啲使徒又惊又伤心
为咗鼓励佢哋
佢就讲咗约翰福音14:1呢番说话
“你哋唔好忧虑不安
要对上帝有信心
亦都要对我有信心”
圣经好多时描述我哋面对嘅难题
好似波涛汹涌嘅海
一浪接一浪冇时停嘅
呢头解决一个问题
嗰头又有另一个出现
世界发生嘅事 加埋个人嘅难题
都令我哋精疲力竭
好多时我哋都会话“救命啊！”
“我冇晒电喇！”
耶稣同使徒讲嘅说话点样帮到我哋
唔俾负面情绪消耗我哋嘅精力呢？
等我哋分析一下耶稣呢番话嘅2个重点
耶稣首先话
“你哋唔好忧虑不安”
请留意耶稣话“唔好”
即系话使徒某程度上系有得拣㗎
佢哋可以由得自己忧虑不安
亦都可以唔俾忧虑控制自己
通常我地谂嘅嘢会影响我哋嘅情绪
有啲人同埋事
或者某个环境勾起我哋嘅回忆
咁我哋嘅情感就会受到牵动
所以耶稣话“唔好忧虑不安”
意思就系 要刻意控制自己谂啲乜嘢
简单嚟讲
如果我哋谂啲惨嘅事就会好唔开心
如果谂起要做啲危险嘅嘢
就会好紧张
我哋嘅思想就好似一间好大嘅屋
里面有好多间房
每间房就代表我哋谂紧嘅某一样嘢
我哋留喺边间房
情绪就好自然会受嗰一样嘢影响
咁啲使徒谂紧啲乜嘢呢？
“耶稣就快要离开我哋喇！”
喺呢间房 佢哋又伤心又担心
但系耶稣就强调
佢哋可以控制自己嘅情绪
可以选择继续俾呢啲负面情绪
消耗自己嘅精力
或者转移去加强
自己对耶和华同耶稣嘅信心
我哋都一样㗎
想控制情绪 就要控制自己嘅思想
有时我哋都好似啲使徒咁
入咗一间黑房 谂嘢好灰
不过要记得
你只系喺嗰度一阵嘅啫
唔会一直留低喺嗰度
“唔好忧虑不安”嘅另一个方法系
要明智咁运用我哋嘅精力
以赛亚书55:2话
“你哋何必再花钱买唔算食物嘅嘢呢？
何必为咗唔能够令人满足嘅嘢
洗晒你哋辛苦赚嚟嘅钱呢？”
就好似我哋唔会用钱买啲有问题嘅食物
我哋都唔会想浪费精力
喺嗰啲对自己冇益嘅事上面
试谂下
如果你得10蚊用嚟照顾一日三餐
但系早餐已经用咗8蚊
咁你晏昼同夜晚点算呢？
喺情感方面都一样
我哋每日负荷到嘅系有限㗎
所以要小心 唔好一次过用晒佢
咁你啲精力用咗喺边呢？
问吓自己吖
我哋会唔会用咗太多精力喺啲
唔等使嘅嘢度？
例如你揸车嗰阵
有人突然间爬你头
或者有人冤枉你
又或者有人令你失望
呢啲事可能令我哋好唔开心
消耗咗我哋好多精力
不过谂吓
系咪有必要花咁多精力喺度呢？
我系唔系用左太多心力
喺啲唔重要嘅事上面呢？
你会唔会将你塞满钱嘅银包递俾人话
“想用几多就攞啦！”
如果对方系你爱嘅人
无所谓啦
唔系嘅话 就唔会任佢攞喇
同样我哋都要将情感投放喺
一啲重要嘅人同事上面
譬如亲爱嘅弟兄姊妹同屋企人
仲有同崇拜有关嘅事
将精力投放喺呢啲地方先至系明智㗎
社交媒体、政治同社会嘅议题
仲有电影
呢个世界真系有好多嘢消耗我哋嘅精力
千祈唔好将你嘅银包递出去同人讲
“攞啦！随便攞”
如果唔系
最后你就会冇晒力量
冇嘢留低俾你爱嘅人
不过 如果我哋将精力同埋情感
投放喺真正重要嘅人同事嗰度
我哋就会生活得开心
好多人为咗得到快乐
就会使钱喺自己身上
或者做啲嘢令自己开心
只系挂住满足自己
系唔会开心㗎
耶稣话“施与比接受更加快乐”
呢一个原则教识我哋
将自己嘅情感同精力应该投放喺边度
一个人点样先会快乐？
简单嚟讲
我哋爱其他人就会感受到快乐
譬如话 你起咗堆火
跟住会得到乜嘢呢？
就系温暖同光
连火都唔去起 我哋可唔可以
得到呢2样嘢呢？
唔得㗎嘛
我哋一定要起咗个火先
然后就会感受到温暖同见到光喇
同样 如果我哋爱其他人
投放情感同精力喺佢哋度
先至会感受到快乐
耶稣话俾我哋知“你哋唔好忧虑不安”
喺呢句说话学到
我哋系可以选择
谂一啲正面嘅嘢嚟控制情绪
同埋学到要将情感投放喺
屋企人同弟兄姊妹身上
仲有就系喺崇拜耶和华嘅事上面
而家我哋睇吓
约翰福音14:1嘅下半部分呀
耶稣话“要对上帝有信心
亦都要对我有信心”
耶稣唔系好空泛咁话 要有信心
佢特别指要对边两个有信心呢？
就系要对耶稣佢自己同耶和华有信心
我哋好忧虑嗰阵
要记得耶和华同耶稣就喺我哋身边
好快佢哋会解决晒我哋嘅所有难题
佢哋就好似喺隔离房咁
我哋可以通过祷告同沉思
随时揾佢哋
深信耶和华
好快会解决晒呢个世界嘅所有难题
就可以平复到我哋嘅情绪
因为我哋唔完美
所以成日觉得咩都想自己搞掂
耶稣知㗎
所以佢喺登山宝训话“唔好再忧虑”
点解呢？
佢话“你哋需要呢啲嘢
你哋嘅天父系知道嘅”
你相唔相信耶和华会睇住你
知道你有咩需要？
有咁样嘅信心
能够帮到我哋唔再忧虑
事实上有好多嘢系耶和华先至处理到㗎
我哋争住嚟做只会带嚟更多忧虑
例如你解唔解决到贫穷？
衰老同疾病呢？
战争、暴乱同治安问题？
答案我哋好清楚
人系冇能力解决呢啲问题㗎
只有耶和华同耶稣通过王国先解决得到
尤其系当我哋听到唔好嘅消息
或者面对考验嗰阵
对耶和华同耶稣有信心
我哋就唔会过度忧虑喇
有时我听到弟兄姊妹嘅情况
例如喺俄罗斯或者厄立特里亚咁
都会好担心
相信你都会一样
情绪多少受到影响
我哋点至做到
耶稣教我哋咁样唔忧虑呢？
呢个时候我会问吓自己
“当地会众系咪已经尽力而为？
嗰度嘅分部同世界总部又点样呢？
我有冇为佢哋祷告？”
如果做得到嘅都做晒喇
就可以同耶和华讲
“我哋已经尽咗力
而家就交俾你喇”
诗篇112:7
提到正义嘅人会点样面对坏消息
经文话“佢唔会惊坏消息
佢嘅心坚定不移 信赖耶和华”
所以听到坏消息嗰阵
要相信耶和华会用神圣力量帮助我哋
当我地觉得情绪好波动
无晒力量嗰阵
要记得耶和华应承咗
会赐非凡嘅力量俾我哋
佢讲得出 就一定会做得到
当我哋将忧虑话俾耶和华知
佢会留心听 俾足够嘅能力我哋应付
虽然佢唔一定会为我哋消除障碍
但系一定会帮我哋成功咁忍耐落去
罗马书12:11话
“要靠住神圣力量满腔热诚”
神圣力量令人满腔热诚
令我谂起一种好特别嘅石头
当你用紫外光灯照佢
就会发光
表面上只系一嚿普通嘅石头
但系遇到紫外光嗰阵就会闪闪生辉喇
耶和华嘅神圣力量喺我哋身上
都有咁嘅作用
同样当我哋冇力量嗰阵
耶和华就会通过神圣力量
令我哋好似嗰嚿石头咁发光 充满力量
又好似个小朋友夜晚好惊
就跑去爸爸妈妈嗰度啦
因为佢知道爸爸妈妈一定会帮佢
我哋祷告就好似
跑去耶和华间房度揾佢帮手咁
咁佢就会通过神圣力量、圣经
同埋弟兄姊妹帮我哋
佢好似将佢嘅光射向我哋咁
令我哋得到非凡嘅力量
当你遇到一啲事令你觉得好心烦
要记得 你间屋唔只系一间房㗎
你祷告同埋读圣经嗰阵
耶和华就好似拖住你只手
带你由一间房去到另一间房
你失去亲人
就带你去复活希望嘅房
你病咗 就带你去完美健康嘅房
你好内疚 佢就带你去
得到宽恕嘅房
试想象下
使徒见到耶稣复活嗰阵有咩感觉？
转变真系好大
本来系“耶稣就快离开喇”
而家去咗另一间房 就系
“耶稣已经返嚟喇”
佢哋对耶和华同耶稣有信心
得到奖赏喇
等我哋一齐总结一下吖
今日喺约翰福音14:1
耶稣嘅说话学到乜嘢呢？
耶稣首先话“你哋唔好忧虑不安”
从呢句说话学到
我哋系可以选择谂一啲正面嘅嘢
嚟控制情绪㗎
另外 我哋仲学到要将情感投放喺
屋企人同弟兄姊妹嗰度
更加重要嘅系
投放喺崇拜耶和华嘅事上
耶稣话“要对上帝有信心
亦都要对我有信心”
如果我哋面对紧好大嘅难题
或者情绪问题
要信赖耶和华同耶稣
佢哋一定会永远解决呢啲事
不过而家
就要相信耶和华会赐非凡嘅力量俾我哋
帮助我哋应付喺呢个世界遇到嘅挑战
下一次当你觉得好攰 冇晒力量
就要沉思
耶稣喺约翰福音14:1讲嘅说话
“你哋唔好忧虑不安
要对上帝有信心 亦都要对我有信心”
约拿虽然系上帝嘅仆人
但系佢都需要学习信赖上帝
而当佢噉做嗰阵
佢就可以容易啲控制自己嘅情绪
喺呢一集挖掘宝藏我哋会睇吓
从佢身上仲可以学到啲乜嘢
《约拿显勇气学仁慈》真系好好睇呀
呢套戏可以帮我哋了解约拿书呀
但系睇圣经就可以挖深啲
读嗰阵可以问一个问题
关于耶和华 我学到乜嘢呢？
好啊！
等我写低先
你留意到啲咩呢？
我留意到耶和华好愿意宽恕人 好有耐心
系呀！
耶和华真系好有耐心帮约拿进步
喺约拿书3:1“耶和华俾多次机会佢”
约拿犯错 耶和华都保护佢
佢态度唔好
耶和华都温和噉纠正佢
耶和华冇放弃过约拿
真系好犀利呀
系呀！
呢个都系耶和华嘅一种特质
就系忠贞之爱
你仲记唔记得咩意思呢？
记得啲嘅
俾个提示你吖
揾吓呢个词嘅定义吖
有冇试过用《词语解释》呢？
喺《精读本》嘅放大镜嗰度打“忠贞之爱”
之后就会见到《词语解释》呢个选项喇
睇吓先 系㖞
你可唔可以帮我读出嚟呢？
呢度话 忠贞之爱“系一种基于承诺
道义、忠贞 而且不离不弃嘅爱”
耶和华就系噉样对约拿喇
因为爱 耶和华一直帮助佢嘅子民
但系约拿就唔知道耶和华做紧乜嘢
就算遇到风暴 三日喺条鱼嘅肚度
又见到尼尼微人悔改
佢都系谂自己嘅感觉先
之后耶和华宽恕咗尼尼微人
约拿就好嬲
觉得自己好似一个假先知噉
虽然佢经历咗好多嘢
但系佢都系宁愿尼尼微人死
好过自己俾人误会
约拿噉样谂 真系好唔啱呀
不过耶和华点做呢？
佢点都好过我
约拿嘅反应虽然唔系噉好
但系佢唔系坏人嚟㗎
所以耶和华就用葫芦藤教佢一个道理
嗱 你睇吓约拿书4:6讲啲咩嘢
呢度话 耶和华用葫芦藤遮住太阳
等约拿舒服啲
哗！
约拿做得噉差 耶和华都对佢噉好
经文话 约拿觉得好开心呀
我哋睇到由于耶和华嘅忠贞之爱
约拿嘅态度都唔同咗呀
噉而家耶和华可以教佢喇
系呀！
而家约拿要学嘢喇
耶和华叫一条虫去咬死嗰棵葫芦藤
唔系咬人㖞 咬葫芦藤咋㖞
噉约拿有咩反应呢？
佢又发脾气啦
而家耶和华就可以教佢嘢喇
就系10同11节呀
耶和华真系好劲
耶和华就问约拿
“一棵葫芦藤你都怜惜
噉尼尼微城嘅人同牲畜
唔通我唔应该怜惜咩”
写到呢度 约拿就收笔喇
佢用耶和华嘅呢一番说话
嚟做约拿书嘅结尾
佢明白喇
佢学到要好似耶和华噉怜悯人
哗 耶和华真系对约拿不离不弃
无论佢系点 都对佢表现忠贞之爱
我哋掘深啲吖
除咗约拿
仲有边啲人喺耶和华嘅爱嗰度得益？
不如我哋用吓《信心嘅榜样》
呢本书嘅建议吖
“要运用想象力 仲有唔同嘅感官
想象自己置身其中
尽力了解书入面嘅人有咩感受同睇法
佢哋嘅反应同你喺遇到
同样情况下嘅反应 有咩唔同”
谂吓嗰啲船员向假神求救
而约拿好清楚佢哋唔会得到任何帮助
佢会有咩感受呢？
后嚟约拿承认呢场灾祸因佢而起
不过啲船员都唔想抌佢落海㖞
系呀！
佢哋都谂办法保住约拿条命
耶和华想约拿睇到嗰啲唔崇拜佢嘅人
其实心地好好
同埋佢哋冇人帮都好惨
你觉得约拿会唔会都有
好似耶和华噉嘅感觉呢？
嗯
再谂吓 尼尼微城啲人系拜假神㗎㖞
点解耶和华要派约拿去呢？
可能系俾一个机会尼尼微人
睇吓佢哋会唔会改变
所以边啲人得到益处呢？
啊
我知啦
耶和华唔单止向约拿表现忠贞之爱
佢亦都好爱嗰啲船员同埋尼尼微城嘅人
冇错啦！
再谂吓
虽然约拿犯咗大错
但系耶和华仍然
用约拿嘅遭遇去讲耶稣嘅事
当约拿复活嗰阵
佢如果知道耶稣曾经提及佢嘅名
仲话自己同佢有相似嘅地方
噉约拿会有咩感觉呢？
哗！
我哋睇到耶和华点样表现爱
噉我哋呢？
我哋又可以点样效法耶和华？
我第一样嘢谂到嘅就系逐户传道
讲真吖 有时我都唔系好钟意㗎咋
有时都冇人肯听
我都觉得几唔开心㗎
不过我话俾自己知
最紧要嘅唔系我
而系耶和华
如果耶和华冇放弃人
我都唔应该放弃人
讲得好 阿仔
哗！
你识得噉谂
我真系好开心呀
我自己呢就谂到
有时我收到一啲好难嘅委派
第一下嘅反应唔系噉好
讲咗啲好后悔嘅嘢
一谂返转头 就好内疚
好责怪自己
不过约拿嘅记载安慰咗我
耶和华唔会因为我唔好嘅反应而责怪我
佢睇嘅系我哋嘅内心
仲好有耐性咁教我哋
我写低咗三点
关于耶和华 我学到乜嘢
睇吓词语嘅定义
同埋善用想象力
系呀！
仲有好多嘢可以学
我哋都可以想象如果我系约拿
一个人喺大鱼嘅肚入面
向耶和华祷告求救会系咩感觉？
约拿向尼尼微人传道
佢哋嘅反应唔系约拿谂嘅噉差
我哋又学到咩呢？
一齐继续睇吓跟住嘅经文吖
我哋真系学到好多呀
约拿嘅反应表明佢对耶和华系忠心㗎
你继续睇吓耶和华点样对待
约拿同尼尼微人就一定
会揾到更多宝藏
世界各地嘅会众
都好期待分区监督探访嘅嗰个星期
如果佢结咗婚
弟兄姊妹都会好期待见到佢太太
等我哋睇吓呢个咁鼓舞人心嘅安排
系点样嚟吖
对每群耶和华见证人嘅会众嚟讲
分区监督探访嘅嗰个礼拜系好特别㗎
大家会一齐传道、听精彩嘅演讲
仲有享受愉快嘅时光
咁分区探访嘅工作系点样开始嘅呢？
又经历咗咩改变？
一齐睇吓呢一集《回顾历史 迈向未来》吖
喺公元一世纪就有弟兄做探访工作
例如保罗、巴拿巴同提摩太
佢哋被派出去鼓励各群会众
1894年开始 耶和华嘅组织亦都有类似嘅安排
佢哋派出一啲弟兄做代表
去探访同鼓励唔同地方嘅圣经研究者
呢啲弟兄后嚟被称为“朝圣者”
佢哋要周围去探唔同嘅会衆
留喺每群会众一至两日
鼓励弟兄姊妹热心崇拜上帝
不过佢哋嘅旅程一啲都唔轻松㗎
想象你系早期嘅朝圣者爱德华·布尼森噉
要去美国西部一条偏僻嘅村庄
探嗰度嘅弟兄姊妹
首先你要搭火车
跟住要搭一晚马车 再转一架简陋嘅马车
经过山路扽好耐先至去到目的地
朝圣者都系一啲教导能力好好嘅弟兄
不过有时佢哋都要学习谦卑
就好似亚历山大·格雷姆噉
佢讲演讲好有热诚
不过有时啲演讲就…长咗啲
一讲就讲几个钟
当罗素弟兄留意到呢件事之后
就写信俾格雷姆弟兄 同佢讲
“亲爱嘅弟兄 我知道你好爱真理
不过当你好有热诚噉发表演讲嗰阵
可能会唔记得咗时间”
格雷姆弟兄好谦卑噉接受建议
弟兄姊妹更加钟意佢
佢啲演讲一样咁生动
但系就短咗好多喇
当时朝圣者嘅主要工作系发表演讲
但系由1928年开始就唔同咗嘞
探访嘅弟兄要带头逐家逐户传道
所以佢哋就改名做“区域服务指导员”
后嚟又叫做“区域仆人”
更加突显佢哋嘅角色系要为弟兄服务
后嚟又有一个更大嘅变化
1933到1935年
喺美国嘅传道工作受到猛烈嘅攻击
有啲会众决定同其他会众一齐传道
咁样嘅安排令到弟兄姊妹更加团结 抵抗反对
为咗令组织运作得更加顺畅
后嚟弟兄委任咗带务仆人
负责探访大概20群会众
每隔一段时间
所有会众都会一齐参加带务大会
即系今日嘅分区大会
喺1942年 负责探访嘅弟兄又有个新名啦
叫做“弟兄嘅仆人”
安杰洛·卡坦扎罗收到呢个委派嗰阵只系得19岁
佢形容自己系“不停四围去嘅传道员”
佢做咗探访工作超过60年
同太太走遍美国大部分地区
鼓励弟兄姊妹
亦都帮助好多好多人亲近耶和华
做探访工作嘅弟兄 后嚟又改名做“环务仆人”
而家就叫做“分区监督”
咁多年嚟
呢啲弟兄同佢哋嘅太太乐意牺牲
为弟兄姊妹服务
佢哋放弃一个舒适安稳嘅屋企
长途跋涉去探访唔同嘅地方
其中一对夫妻系温斯顿同帕梅
佢哋20几岁就开始喺南太平洋做探访工作
嗰度嘅天气好热
成日有好多蚊 有时仲唔够嘢食
不过佢哋都努力适应
亦都好钟意呢件工作
弟兄姊妹向佢哋表现嘅爱心同感恩之心
令佢哋好感动
今日有数以千计嘅弟兄做探访工作
为咗培训佢哋
喺1999年开始开办咗一个训练课程俾佢哋
而家世界各地都会举办分区监督及其妻子训练班
咁多年嚟 虽然分区监督嘅称呼调整过好多次
不过冇变嘅系 同保罗嘅日子一样
呢啲弟兄同佢哋嘅太太
为咗培训弟兄姊妹做好传道工作
鼓励年轻人同埋巩固会众
佢哋都乐意付出 甚至付出一切
下次分区监督同太太探你会众嘅时候
不如谂吓可以做啲乜嘢嚟多谢佢哋嘅付出吖
喺下一集《回顾历史 迈向未来》
我哋再睇多啲嘢耶和华子民嘅历史吖
下次再见
我哋多谢耶和华
俾我哋咁辛勤工作嘅分区监督
仲有佢哋咁乐意献出自己嘅太太
你同佢哋一齐传道见到佢哋嘅好榜样
系咪令你印象好深刻呢?
可能曾经有一位分区监督
鼓励过你为耶和华做多啲添
当然唔系每个人都可以做分区监督嘅
但系我哋可以学吓佢哋点样爱其他人
而家一齐睇吓弟兄姊妹喺主持课程嗰阵
点样显出爱心 灵活变通吖
当我哋知道呢个地区
需要更加多传道员
就睇出耶和华想我哋搬嚟呢度帮手
我哋喺玻利维亚克丘亚语会衆
服务咗4年喇
我叫费尔南多
我叫米卡埃拉
我哋住喺阿根廷一个叫做
因赫涅罗－韦尔戈嘅地方
呢度有好多玻利维亚人
因为喺佢哋既国家生活好艰难
所以佢哋就搬咗过嚟
喺呢度嘅农场嗰度做嘢
喺农场做嘢系好辛苦㗎
有时仲要做到夜晚11,12点添
佢哋好忙㗎 成日都要开工
所以同佢哋传道最好嘅时间
就系喺中午佢哋开工之前喇
不过喺嗰嗰时间传道真系好热㗎
有时热到成40度添啊
好多时候我哋都要
趁佢哋做嘢嗰阵同佢哋读圣经
佢哋一路收割或者做其他嘢
我哋就一路跟住佢哋
读段课文或者节经文俾佢哋听
你唔好以为佢哋做紧嘢就冇留心听㖞
例如佢哋从来都冇听过上帝个名
所以佢哋一听到呢个名
或者其他佢哋觉得有兴趣嘅嘢
就会停低专心听你讲
其实佢哋系对圣经有兴趣嘅
好多时佢哋仲会叫我哋
等佢哋做埋嘢先继续讲
所以我哋就帮吓佢哋手啦
等佢哋快啲做完嘢
初头佢哋见到都有啲吓亲
仲问“你认真㗎？
你件衫会整到污糟晒㗎㖞”
不过为咗帮佢哋 我哋真系唔介意
而且结果好好添
由于我哋咁样做 之后仲做埋朋友
咁就更加容易帮佢哋进步喇
佢地慢慢都感受到
我哋真系关心佢哋㗎
我好钟意传道
因为可以睇到真理点样改变
嗰啲有正确态度嘅人
我都好钟意传道
我唔觉得好辛苦或者要牺牲啲乜嘢
我叫做托尼·玛雷罗
我喺玛丽卢丝
我哋系嚟自西班牙
而家喺巴拉圭服务
喺疫情期间
我哋成日都要留喺屋企
嗰时好多嘢都要改变
要打电话俾陌生人向佢哋传道
真系…令我好紧张呀
有一次我打咗俾一个先生
我直接问佢想唔想学习圣经
而佢竟然接受㖞
真系冇谂到
我问佢可唔可以第二日
用短讯发个问题俾佢
等佢谂吓
佢就话“好啊”
初头我以为佢冇兴趣
因为佢睇咗之后冇即时覆
不过嗰日夜晚佢就覆咗我喇
后嚟我发现原来佢好忙㗎
佢好似无论喺咩时间都做紧嘢咁
知道咗之后我就调整迁就佢
有一日我问佢
你太太会唔会都想一齐讨论啊？
佢就话“都好呀”
喺跟住嗰几个月
我哋都要好有耐心
系呀 成日都要等佢电话
等到颈都长
佢实打嚟嘅 但系我哋唔知道系几点
可能系夜晚9点、10点、11点
佢会发讯息俾我话
“俾5分钟我就可以开始㗎喇”
我哋就开视像会议
佢打个招呼
之后换衫再开始讨论
开头真系唔容易
真系呀
但系后嚟
我哋就越嚟越钟意同佢哋讨论
因为每次完咗之后 我哋都觉得
-好开心 -真系呀
完咗之后我哋都会忍唔住同对方讲
-佢哋真系好好呀 -系呀
佢哋好到难以置信呀
不过系真㗎
佢哋真系好钟意学到嘅真理
好快佢哋就将学到嘅嘢用出嚟
大约一年之后 佢哋就受浸喇
我好开心呀
无论付出几多都系值得㗎
每一日我都好感激耶和华
要配合对方所选择嘅时间同地点
可能需要我哋作出牺牲
不过为咗帮助人而作出调整
耶和华一定会奖赏我哋
20几年前《警醒》杂志曾经刊登
菲利普斯姊妹嘅自述
佢决定崇拜耶和华
会点样令佢同身边嘅人得益呢？
睇吓跟住落嚟嘅影片吖
我有好多屋企人
都系出名嘅歌手同演员
最出名嘅就系我爸爸
赫尔曼·巴尔德斯
个个都叫佢做“丁丹”
音乐对我嚟讲好重要
细细个 我就会拎起支吉他
写吓歌 去表达自己嘅感受
我从来都冇谂过
大过之后要做一个歌手
不过喺我15岁嗰阵
我爸爸就死咗
后嚟为咗要照顾屋企
我就要出嚟揾嘢做喇
我加入咗一个乐队
之后仲出咗名 做咗演员同埋歌手
不过冇几耐 我就发现
做呢行嘅人 道德都好差
佢哋对人都好假
所以我就好难再信任其他人
当我学习咗圣经之后
我先发现原来呢个世界上
真系有啲咁善良 咁真心爱我嘅人
后嚟我慢慢改变
变得更加积极开心
觉得生活充满意义
我同先生结咗婚 有两个小朋友
一家人喺墨西哥嗰度住
作为父母 我哋最担心嘅系
啲仔女想加入娱乐圈
所以我同先生一路都好努力
教佢哋做明智嘅决定
我个女 詹娜喺佢17岁嗰年
有一次佢陪我去墨西哥
一个最出名嘅电视台度做嘢
嗰度有个男士 佢系星探嚟嘅
佢见到我个女就问
“你系咪都识唱歌㗎？”
阿女就话“我都识嘅”
之后佢就唱咗几句俾佢听
点知个星探好钟意阿女把声
仲即刻请咗佢去办公室倾吓
我听到个星探同阿女讲“而家呢
就有个机会俾你喺电视台度发展
我哋一定会捧红你㗎
我哋会准备好哂文件
你星期一上嚟签约啦”
当阿女佢出返嚟嗰刻
我真系好惊 我问佢
“你有冇应承到呀？”
阿女话“梗系冇啦 妈咪
我最爱嘅系耶和华
而且我又好钟意做先驱
点会应承佢呢”
估唔到一个礼拜之后
阿女就收到分部嘅电话
邀请佢帮手唱歌
佢好开心 直至而家
都可以用歌声赞美耶和华
咁多年嚟 我仲有机会
同阿女一齐为耶和华服务
帮分部手做啲同音乐有关嘅工作
撒但一直都好想令我分心
试过有几次 因爲我爸爸嘅关系
有人揾我合作做嘢
而呢啲工作都会用我好多时间
咁样我就一定做唔到正规先驱喇
所以我就拒绝咗
我睇出耶和华好锡我
一直赐福俾我
每次当有呢啲工作机会
我拒绝咗之后
耶和华都会揾方法俾返啲嘢我
例如 我有荣幸
帮组织开办嘅训练班准备食物
真系好开心
其实呢啲经历
都教识我要信赖耶和华
好似使徒保罗讲
“人冇信心 就冇可能得到上帝嘅喜悦
上帝会奖赏恳切寻求佢嘅人”
我妈妈已经超过90岁喇
同佢一齐传道 真系好开心㗎
我哋好钟意参与唔同形式嘅传道
咁多年嚟
我有好多屋企人都学习圣经
有啲仲受埋浸添
我好享受同屋企人一齐嘅时光
同妈妈仲有阿女
一齐玩吓结他 唱吓歌
又好期待喺新世界见返爸爸
同妈妈一齐迎接佢
可以揽实佢
介绍啲仔女俾佢识
见返佢嗰阵 最好喺海边啦
跟住我就好想 好似以前噉
一家人一齐唱歌
所以我决心永远忠于耶和华
真系一个好好嘅经历呀
菲利普斯姊妹依靠耶和华
结果佢同佢嘅屋企人
都得到好多嘅福分
耶和华好想我哋依靠佢
特别系喺一啲困难嘅时候
跟住嘅早晨崇拜莱特弟兄会讲吓
点样喺迫害之下依靠耶和华
我哋可以认识宇宙当中
今日我哋会一齐讲吓
点样靠住耶和华嘅神圣力量
喺迫害之下保持忍耐
今日守望台评论提到
上帝嘅子民经历过几种唔同嘅迫害
而喺撒迦利亚书4:6保证
无论遇到乜嘢迫害都好
只要有神圣力量
我哋就能够忍耐到底
其实撒但迫害我哋
系想达到啲乜嘢目的呢？
就系想我哋放弃同屈服
仲有希望我哋妥协呀
试谂下 狮子会吞噬猎物
撒但就好似狮子噉
佢想食咗我哋
当狮子吞咗猎物之后
只猎物会变成点样呢？
食咗落肚
就成为咗狮子身体嘅一部分喇
撒但就系想噉样嘞
我哋唔属于撒但嘅世界
不过佢就想我哋
属于呢个世界成为佢嘅一部分
有神圣力量嘅帮助
我哋决心唔俾呢件事发生
噉上帝嘅子民曾经面对过
同埋而家仍然面对紧
乜嘢形式嘅迫害呢？
我哋讲吓五个方面吖
哈米吉多顿嚟到之前
我哋唔知道自己或者身边嘅人
会经历边一种嘅考验
无论点都好
当我哋面对任何考验嘅时候
都决心坚守忠义
同埋会帮助其他人噉样做
第一方面系
禁制耶和华见证人嘅工作
喺好多国家都有噉样嘅情况
喺世界各地嘅唔同地方
都有唔同嘅国家或者政府
禁制我哋嘅工作
喺圣经时代都有噉样嘅事㗎
例如公元前522年
重建圣殿嘅工作就受到禁制
喺一世纪 好多地方
当权者都唔俾耶稣嘅门徒传道
如果佢哋唔听嘅话
就会“俾人带到君王同总督面前”
耶和华嘅神圣力量
可以喺噉样嘅情况之下点样帮到
古代嘅佢哋同今日嘅我哋呢？
我哋一齐睇下马太福音10章
就揾到答案嘞
一齐睇吓马太福音10章
由19节开始
10章19节耶稣话
“不过佢哋送你哋去受审嗰阵
唔使担心要讲啲乜嘢
或者点样讲”
情况咁紧张 唔使担心点解呢？
经文话“到时 你哋就会知道
应该讲啲乜嘢
因为讲说话嘅其实唔系你哋自己
而系你哋天父嘅神圣力量
通过你哋讲说话”
所以我哋讲嘅嘢
除咗系我哋喺度讲
仲有神圣力量都喺度
帮我哋讲出合适嘅説话
正如经文保证一样
依家讲吓第二方面嘅迫害吖
就系监禁
喺1世纪 耶稣预告到
真基督徒会俾人拉去坐监
喺路加福音21:12
佢话“啲人会落手
迫害你哋⋯将你哋韫入监”
情况真系噉样㗎
噉多年嚟
耶和华嘅子民经常俾人拉去坐监
我哋睇到俄罗斯
同佢嘅盟友都系噉样迫害我哋
仲有其他政权都有噉样做
我哋都经常受到鼓励为嗰啲喺
厄立特里亚、土库曼斯坦
俄罗斯同埋其他地方
坐紧监嘅弟兄姊妹祷告
我好钟意希伯来书13:3
“你哋要记住嗰啲被囚禁嘅人
就好似同佢哋一齐被囚禁”
我哋可能而家唔系坐紧监
但系将来好难讲
知道有弟兄为我哋祷告
好似喺我哋身边一样
真系令人好开心 好安慰㗎
第三个方面系
见证人啲仔女俾学校开除
撒但知道佢伤害基督徒嘅仔女
就等于伤害佢哋嘅父母
佢希望啲父母因为心痛仔女而妥协
喺上世纪40年代嘅美国
经常听到噉嘅事
其实呢几十年嚟 喺好多国家
我哋都有好多小朋友
因为信仰而俾学校开除
可能你谂起
1世纪有个后生仔就系因为
对耶稣有信心被赶出会堂
至于第四方面
我哋可以睇下启示录13:16,17
经文讲到
撒但嘅政治制度会向我哋
施加压力夹硬印个记号
喺我哋嘅手同额头上面
冇记号就唔可以做买卖
所以第四种迫害系咩呢？
就系喺经济方面俾压力我哋
想我哋嘅弟兄妥协 唔再保持中立
呢一个系撒但经常用嚟
迫害我哋嘅手段
有啲弟兄因为保持中立
就俾人炒咗冇咗份工
或者冇人肯同佢哋做生意
而喺马拉维嘅弟兄
佢哋面对嘅迫害就更加大
因为佢哋唔肯买一张
唔使2蚊港纸嘅党员证
就俾人喺经济同其他方面迫害
佢哋都知呢张证系就系好平
但系买咗 代价就好大喇
所以佢哋坚决唔噉样做
跟住我哋会讲下第五方面嘅迫害
记载喺马太福音5:11耶稣话
“你哋为咗我俾人侮辱 俾人迫害
俾人用各种邪恶嘅话中伤
噉就有福嘞”
第五系俾人中伤
我哋经常见到有媒体
中伤耶和华见证人㗎
耶稣都俾人中伤过
有人话佢俾邪灵附身
亵渎上帝、贪食、纵酒
1世纪嘅基督徒
啲人都系噉样对佢哋
喺使徒行传28:22
犹太人嘅首领噉样同保罗讲
佢哋话“我哋知道呢个教派
真系到处受人批评”
就算我哋都遇到噉样嘅情况
只要靠住神圣力量就可以忍耐到底
总结下吖
五方面嘅迫害分别系
俾人禁制、监禁
见证人嘅仔女俾学校开除
通过经济压力
迫我哋喺中立方面妥协
同俾人中伤
其实仲有好多方面㗎
无论系咩形式嘅迫害都好
只要我哋靠住
神圣力量就可以成功应付
咁我哋要点样做 先至可以得到
同一直有神圣力量呢？
三个方法我哋会简单讲下
路加福音11:13耶稣话
“何况天父 唔系更加会
将神圣力量赐俾恳求佢嘅人咩？”
第一就系祷告
第二系要顺应神圣力量生活
所以我哋会参加聚会、出传道
同埋每日睇圣经
第三 以弗所书4:30节话
“唔好⋯令神圣力量忧愁”
如果有啲嘢系会令
神圣力量唔能够发挥作用
我哋就会尽力避免去做
所以要祷告、顺应神圣力量
同埋唔好妨碍神圣力量运行
只要我哋
做足呢三样嘢就会得到呢股
最强大嘅力量
可以喺四方面帮到我哋
边四方面呢？
约翰福音14:26
耶稣就讲咗三方面
第一神圣力量系“帮助者”
第二就系佢会教导我哋
第三系帮助我哋记起学过嘅嘢
耶和华点样帮我哋记起学过嘅嘢呢？
譬如话受迫害嗰阵
我哋祷告求耶和华赐神圣力量
然后我哋记返起学过嘅经文
得到所需嘅力量忍耐落去
第四方面
耶稣喺约翰福音16:13话
神圣力量会“引导你哋明白所有真理”
我哋要记住呢四方面
神圣力量会帮我哋、教导我哋
令我哋记起经文 同引导我哋
试谂吓你喺一个好多地雷嘅地方
如果有个人能够安全噉带你离开
你一定会好感激佢呀 系咪？
同样有神圣力量帮我哋
结果系点呢？
就系无论面对咩考验都好
我哋都唔会俾撒但吞噬
噉就更加唔会变成
佢呢个世界嘅一部分嘞
噉我哋
就能够讲出撒迦利亚书4:6嘅説话
经文话“唔系依靠军队
唔系依靠能力
而系依靠［耶和华］嘅神圣力量”
就会有充足嘅力量 忍受迫害
最有能力嘅嗰位
而佢仲日日赐力量俾我哋
真系好奇妙呀
今个月嘅音乐短片
我哋会睇到神圣力量
点样帮助一个年轻弟兄
喺佢嘅人生低谷仍然怀有希望
耶和华 真公平
一向彰显正义
若是看见恶行压榨
你必不会坐视
沉重挫折偶现我心
因这艰苦际遇
惟独靠你正义判决
将苦痛制止
热切等待耶和华
在这考验时候
全赖你显公平
终必使我获胜
无论身于漆黑监牢
多少讥嘲满路
或受各国恶毒禁制
至亲反对也好
平静应对 再下决心
不会惊慌却步
而上帝会赐我安舒
我必不会跌倒
热切等待耶和华
在这考验时候
全赖你显公平
终必使我获胜
正义 伸张可靠谁？
世人虚谎定留憾
正义 要靠耶和华
愿你正义降临
除灭罪恶痛心
热切等待耶和华
在这考验时候
全赖你显公平
终必使我获胜
就算喺监仓入面
呢位年轻弟兄都冇失去希望
佢冇因为自己受到唔公平嘅对待
而觉得好嬲
相反佢会谂啲积极嘅事
想象吓做紧传道
聚紧会仲有同弟兄姊妹一齐
今个月嘅节目一定可以加强你嘅信心
应付将来嘅考验
我哋讨论过如果唔想有负面嘅睇法
保持积极嘅态度
最好嘅方法
就系去帮助其他人
我哋睇到一啲传道员
调整自己嘅时间表
主持圣经课程
结果更加开心
我哋亦都深入讨论咗约拿书嘅内容
挖掘咗好多宝藏
今个月我哋会去蒙特内哥罗
即系黑山
呢个名系嚟自意大利文嘅威尼斯方言
意思系黑色嘅山
可能系因为呢度嘅森林好茂密
虽然佢叫做黑山
但系呢度其实系个
充满色彩同活力嘅地方
佢就好似座落喺亚得里亚海
一粒闪闪发光嘅宝石
塔拉河峡谷系欧洲最深嘅峡谷
而斯库台湖就系巴尔干半岛最大嘅湖
嗰度有一个雀鸟保护区
里面差唔多有280种雀仔
好多人都钟意去科托尔古城旅游
睇吓嗰度壮丽嘅景色
行吓啲好有特色嘅街道
同埋喺嗰度出名嘅山路踩吓单车
呢度曾经俾战火摧残
喺1918年
佢俾赛尔维亚人、克罗地亚人
同斯洛文尼亚人王国吞并咗
去到1929年
就改称为南斯拉夫王国
范围包括而家嘅波斯尼亚
同黑塞哥维那
克罗地亚、科索沃、北马其顿、黑山
塞尔维亚同斯洛文尼亚
二战之后就改制成为
南斯拉夫社会主义共和国
呢个国家最后去到20世纪末解体
喺2006年
黑山脱离塞尔维亚嘅统治宣布独立
因为佢哋以往经历过嘅事
令到黑山人好重视
对人诚实、为人谦虚
舍己为人同埋尊重其他人
喺1920年代
有个塞尔维亚嘅后生仔
叫做弗朗兹·布兰德
佢喺奥地利参加见证人嘅聚会嗰阵
第一次听到好消息
虽然嗰次聚会俾反对嘅人打断咗
但系就已经令弗朗兹决定要向人传道
佢返到家乡之后
就经常同几个人一齐研究圣经
后嚟佢搬去斯洛文尼亚嘅马里博尔
佢开始做理发师
喺帮客人剃须嗰阵
佢就把握机会向佢哋传道
另外当时军队乐团嘅指挥
艾尔弗雷德·图切克
收到同事俾佢嘅圣经书刊
后嚟佢决定辞咗呢份人工好高嘅工
参与全时服务
成为咗前南斯拉夫最早嗰批先驱
喺30年代初
佢同其他弟兄去唔同地方播《创世影剧》
后嚟佢同太太弗丽达用单车同电单车
去到而家嘅克罗地亚、马其顿
黑山同埋塞尔维亚传道
今日黑山嘅弟兄姊妹继续保持热心
佢哋而家有432个传道员
比起前一年多咗百分之四
差唔多有三分一嘅传道员都系先驱
呢度由南到北嘅风景好唔同
传道嘅方式都好唔同㗎
黑山嘅首都系波德戈里察
呢个城市北部嘅会众
覆盖嘅传道地区好大
有啲传道员住喺离聚会所
大概100公里外咁远
要揸差唔多两个钟头车先去到聚会
波德戈里察嘅传道员
每个月都会安排一两次去偏远嘅村庄
同当地嘅弟兄姊妹一齐传道
尽可能同嗰度嘅人分享好消息
朝早佢哋会喺公园举行传道前聚会
做完传道佢哋会喺线上参加聚会
之后就会喺弟兄姊妹嗰度过夜
第二日先至返番屋企
呢个城市嘅南部有好靓嘅海滩
每年嘅某啲月份游客嘅人数
系本地人嘅两倍
所以啲会众喺呢啲月份
会集中做公众场所见证
其他时候就主要做逐家逐户
或者喺商业地区传道
佢哋热心传道带嚟好好嘅成果
就喺2024年
有769人参加咗耶稣牺牲纪念聚会
新海尔采格会众嘅37位传道员
向全球嘅弟兄姊妹
送上佢哋温暖嘅爱心同问候
呢度系耶和华见证人世界总部嘅JW电视

JW电视：2026年3月
- 

JW电视：2026年3月

欢迎收睇JW电视
有时我哋喺生活上遇到一啲情况
唔知道点样处理
如果我哋遇到嘅问题好难应付
噉可以点样控制好自己嘅情绪呢？
我哋亦都会深入睇吓约拿书
学习耶和华嘅忠贞之爱
财富名利对好多人嚟讲都好吸引㗎
我哋会听吓一个姊妹嘅经历
睇吓佢点解选择崇拜耶和华
而唔系名利
今个月嘅音乐短片
会睇到一啲弟兄就算坐监
都可以保持坚强嘅信心
呢啲就系今个月嘅节目嘞
你哋唔好忧虑不安
耶稣喺咩情况讲呢句说话呢？
佢话俾啲使徒听
佢就快要离开佢哋嘞
睇嚟佢见到啲使徒又惊又伤心
为咗鼓励佢哋
佢就讲咗约翰福音14:1呢番说话
“你哋唔好忧虑不安
要对上帝有信心
亦都要对我有信心”
圣经好多时描述我哋面对嘅难题
好似波涛汹涌嘅海
一浪接一浪冇时停嘅
呢头解决一个问题
嗰头又有另一个出现
世界发生嘅事  加埋个人嘅难题
都令我哋精疲力竭
好多时我哋都会话“救命啊！”
“我冇晒电喇！”
耶稣同使徒讲嘅说话点样帮到我哋
唔俾负面情绪消耗我哋嘅精力呢？
等我哋分析一下耶稣呢番话嘅2个重点
耶稣首先话
“你哋唔好忧虑不安”
请留意耶稣话“唔好”
即系话使徒某程度上系有得拣㗎
佢哋可以由得自己忧虑不安
亦都可以唔俾忧虑控制自己
通常我地谂嘅嘢会影响我哋嘅情绪
有啲人同埋事
或者某个环境勾起我哋嘅回忆
咁我哋嘅情感就会受到牵动
所以耶稣话“唔好忧虑不安”
意思就系  要刻意控制自己谂啲乜嘢
简单嚟讲
如果我哋谂啲惨嘅事就会好唔开心
如果谂起要做啲危险嘅嘢
就会好紧张
我哋嘅思想就好似一间好大嘅屋
里面有好多间房
每间房就代表我哋谂紧嘅某一样嘢
我哋留喺边间房
情绪就好自然会受嗰一样嘢影响
咁啲使徒谂紧啲乜嘢呢？
“耶稣就快要离开我哋喇！”
喺呢间房  佢哋又伤心又担心
但系耶稣就强调
佢哋可以控制自己嘅情绪
可以选择继续俾呢啲负面情绪
消耗自己嘅精力
或者转移去加强
自己对耶和华同耶稣嘅信心
我哋都一样㗎
想控制情绪  就要控制自己嘅思想
有时我哋都好似啲使徒咁
入咗一间黑房  谂嘢好灰
不过要记得
你只系喺嗰度一阵嘅啫
唔会一直留低喺嗰度
“唔好忧虑不安”嘅另一个方法系
要明智咁运用我哋嘅精力
以赛亚书55:2话
“你哋何必再花钱买唔算食物嘅嘢呢？
何必为咗唔能够令人满足嘅嘢
洗晒你哋辛苦赚嚟嘅钱呢？”
就好似我哋唔会用钱买啲有问题嘅食物
我哋都唔会想浪费精力
喺嗰啲对自己冇益嘅事上面
试谂下
如果你得10蚊用嚟照顾一日三餐
但系早餐已经用咗8蚊
咁你晏昼同夜晚点算呢？
喺情感方面都一样
我哋每日负荷到嘅系有限㗎
所以要小心  唔好一次过用晒佢
咁你啲精力用咗喺边呢？
问吓自己吖
我哋会唔会用咗太多精力喺啲
唔等使嘅嘢度？
例如你揸车嗰阵
有人突然间爬你头
或者有人冤枉你
又或者有人令你失望
呢啲事可能令我哋好唔开心
消耗咗我哋好多精力
不过谂吓
系咪有必要花咁多精力喺度呢？
我系唔系用左太多心力
喺啲唔重要嘅事上面呢？
你会唔会将你塞满钱嘅银包递俾人话
“想用几多就攞啦！”
如果对方系你爱嘅人
无所谓啦
唔系嘅话  就唔会任佢攞喇
同样我哋都要将情感投放喺
一啲重要嘅人同事上面
譬如亲爱嘅弟兄姊妹同屋企人
仲有同崇拜有关嘅事
将精力投放喺呢啲地方先至系明智㗎
社交媒体、政治同社会嘅议题
仲有电影
呢个世界真系有好多嘢消耗我哋嘅精力
千祈唔好将你嘅银包递出去同人讲
“攞啦！随便攞”
如果唔系
最后你就会冇晒力量
冇嘢留低俾你爱嘅人
不过  如果我哋将精力同埋情感
投放喺真正重要嘅人同事嗰度
我哋就会生活得开心
好多人为咗得到快乐
就会使钱喺自己身上
或者做啲嘢令自己开心
只系挂住满足自己
系唔会开心㗎
耶稣话“施与比接受更加快乐”
呢一个原则教识我哋
将自己嘅情感同精力应该投放喺边度
一个人点样先会快乐？
简单嚟讲
我哋爱其他人就会感受到快乐
譬如话  你起咗堆火
跟住会得到乜嘢呢？
就系温暖同光
连火都唔去起  我哋可唔可以
得到呢2样嘢呢？
唔得㗎嘛
我哋一定要起咗个火先
然后就会感受到温暖同见到光喇
同样  如果我哋爱其他人
投放情感同精力喺佢哋度
先至会感受到快乐
耶稣话俾我哋知“你哋唔好忧虑不安”
喺呢句说话学到
我哋系可以选择
谂一啲正面嘅嘢嚟控制情绪
同埋学到要将情感投放喺
屋企人同弟兄姊妹身上
仲有就系喺崇拜耶和华嘅事上面
而家我哋睇吓
约翰福音14:1嘅下半部分呀
耶稣话“要对上帝有信心
亦都要对我有信心”
耶稣唔系好空泛咁话  要有信心
佢特别指要对边两个有信心呢？
就系要对耶稣佢自己同耶和华有信心
我哋好忧虑嗰阵
要记得耶和华同耶稣就喺我哋身边
好快佢哋会解决晒我哋嘅所有难题
佢哋就好似喺隔离房咁
我哋可以通过祷告同沉思
随时揾佢哋
深信耶和华
好快会解决晒呢个世界嘅所有难题
就可以平复到我哋嘅情绪
因为我哋唔完美
所以成日觉得咩都想自己搞掂
耶稣知㗎
所以佢喺登山宝训话“唔好再忧虑”
点解呢？
佢话“你哋需要呢啲嘢
你哋嘅天父系知道嘅”
你相唔相信耶和华会睇住你
知道你有咩需要？
有咁样嘅信心
能够帮到我哋唔再忧虑
事实上有好多嘢系耶和华先至处理到㗎
我哋争住嚟做只会带嚟更多忧虑
例如你解唔解决到贫穷？
衰老同疾病呢？
战争、暴乱同治安问题？
答案我哋好清楚
人系冇能力解决呢啲问题㗎
只有耶和华同耶稣通过王国先解决得到
尤其系当我哋听到唔好嘅消息
或者面对考验嗰阵
对耶和华同耶稣有信心
我哋就唔会过度忧虑喇
有时我听到弟兄姊妹嘅情况
例如喺俄罗斯或者厄立特里亚咁
都会好担心
相信你都会一样
情绪多少受到影响
我哋点至做到
耶稣教我哋咁样唔忧虑呢？
呢个时候我会问吓自己
“当地会众系咪已经尽力而为？
嗰度嘅分部同世界总部又点样呢？
我有冇为佢哋祷告？”
如果做得到嘅都做晒喇
就可以同耶和华讲
“我哋已经尽咗力
而家就交俾你喇”
诗篇112:7
提到正义嘅人会点样面对坏消息
经文话“佢唔会惊坏消息
佢嘅心坚定不移  信赖耶和华”
所以听到坏消息嗰阵
要相信耶和华会用神圣力量帮助我哋
当我地觉得情绪好波动
无晒力量嗰阵
要记得耶和华应承咗
会赐非凡嘅力量俾我哋
佢讲得出  就一定会做得到
当我哋将忧虑话俾耶和华知
佢会留心听  俾足够嘅能力我哋应付
虽然佢唔一定会为我哋消除障碍
但系一定会帮我哋成功咁忍耐落去
罗马书12:11话
“要靠住神圣力量满腔热诚”
神圣力量令人满腔热诚
令我谂起一种好特别嘅石头
当你用紫外光灯照佢
就会发光
表面上只系一嚿普通嘅石头
但系遇到紫外光嗰阵就会闪闪生辉喇
耶和华嘅神圣力量喺我哋身上
都有咁嘅作用
同样当我哋冇力量嗰阵
耶和华就会通过神圣力量
令我哋好似嗰嚿石头咁发光  充满力量
又好似个小朋友夜晚好惊
就跑去爸爸妈妈嗰度啦
因为佢知道爸爸妈妈一定会帮佢
我哋祷告就好似
跑去耶和华间房度揾佢帮手咁
咁佢就会通过神圣力量、圣经
同埋弟兄姊妹帮我哋
佢好似将佢嘅光射向我哋咁
令我哋得到非凡嘅力量
当你遇到一啲事令你觉得好心烦
要记得  你间屋唔只系一间房㗎
你祷告同埋读圣经嗰阵
耶和华就好似拖住你只手
带你由一间房去到另一间房
你失去亲人
就带你去复活希望嘅房
你病咗  就带你去完美健康嘅房
你好内疚  佢就带你去
得到宽恕嘅房
试想象下
使徒见到耶稣复活嗰阵有咩感觉？
转变真系好大
本来系“耶稣就快离开喇”
而家去咗另一间房  就系
“耶稣已经返嚟喇”
佢哋对耶和华同耶稣有信心
得到奖赏喇
等我哋一齐总结一下吖
今日喺约翰福音14:1
耶稣嘅说话学到乜嘢呢？
耶稣首先话“你哋唔好忧虑不安”
从呢句说话学到
我哋系可以选择谂一啲正面嘅嘢
嚟控制情绪㗎
另外  我哋仲学到要将情感投放喺
屋企人同弟兄姊妹嗰度
更加重要嘅系
投放喺崇拜耶和华嘅事上
耶稣话“要对上帝有信心
亦都要对我有信心”
如果我哋面对紧好大嘅难题
或者情绪问题
要信赖耶和华同耶稣
佢哋一定会永远解决呢啲事
不过而家
就要相信耶和华会赐非凡嘅力量俾我哋
帮助我哋应付喺呢个世界遇到嘅挑战
下一次当你觉得好攰  冇晒力量
就要沉思
耶稣喺约翰福音14:1讲嘅说话
“你哋唔好忧虑不安
要对上帝有信心  亦都要对我有信心”
约拿虽然系上帝嘅仆人
但系佢都需要学习信赖上帝
而当佢噉做嗰阵
佢就可以容易啲控制自己嘅情绪
喺呢一集挖掘宝藏我哋会睇吓
从佢身上仲可以学到啲乜嘢
《约拿显勇气学仁慈》真系好好睇呀
呢套戏可以帮我哋了解约拿书呀
但系睇圣经就可以挖深啲
读嗰阵可以问一个问题
关于耶和华  我学到乜嘢呢？
好啊！
等我写低先
你留意到啲咩呢？
我留意到耶和华好愿意宽恕人  好有耐心
系呀！
耶和华真系好有耐心帮约拿进步
喺约拿书3:1“耶和华俾多次机会佢”
约拿犯错  耶和华都保护佢
佢态度唔好
耶和华都温和噉纠正佢
耶和华冇放弃过约拿
真系好犀利呀
系呀！
呢个都系耶和华嘅一种特质
就系忠贞之爱
你仲记唔记得咩意思呢？
记得啲嘅
俾个提示你吖
揾吓呢个词嘅定义吖
有冇试过用《词语解释》呢？
喺《精读本》嘅放大镜嗰度打“忠贞之爱”
之后就会见到《词语解释》呢个选项喇
睇吓先  系㖞
你可唔可以帮我读出嚟呢？
呢度话  忠贞之爱“系一种基于承诺
道义、忠贞  而且不离不弃嘅爱”
耶和华就系噉样对约拿喇
因为爱  耶和华一直帮助佢嘅子民
但系约拿就唔知道耶和华做紧乜嘢
就算遇到风暴  三日喺条鱼嘅肚度
又见到尼尼微人悔改
佢都系谂自己嘅感觉先
之后耶和华宽恕咗尼尼微人
约拿就好嬲
觉得自己好似一个假先知噉
虽然佢经历咗好多嘢
但系佢都系宁愿尼尼微人死
好过自己俾人误会
约拿噉样谂  真系好唔啱呀
不过耶和华点做呢？
佢点都好过我
约拿嘅反应虽然唔系噉好
但系佢唔系坏人嚟㗎
所以耶和华就用葫芦藤教佢一个道理
嗱  你睇吓约拿书4:6讲啲咩嘢
呢度话  耶和华用葫芦藤遮住太阳
等约拿舒服啲
哗！
约拿做得噉差  耶和华都对佢噉好
经文话  约拿觉得好开心呀
我哋睇到由于耶和华嘅忠贞之爱
约拿嘅态度都唔同咗呀
噉而家耶和华可以教佢喇
系呀！
而家约拿要学嘢喇
耶和华叫一条虫去咬死嗰棵葫芦藤
唔系咬人㖞   咬葫芦藤咋㖞
噉约拿有咩反应呢？
佢又发脾气啦
而家耶和华就可以教佢嘢喇
就系10同11节呀
耶和华真系好劲
耶和华就问约拿
“一棵葫芦藤你都怜惜
噉尼尼微城嘅人同牲畜
唔通我唔应该怜惜咩”
写到呢度  约拿就收笔喇
佢用耶和华嘅呢一番说话
嚟做约拿书嘅结尾
佢明白喇
佢学到要好似耶和华噉怜悯人
哗  耶和华真系对约拿不离不弃
无论佢系点  都对佢表现忠贞之爱
我哋掘深啲吖
除咗约拿
仲有边啲人喺耶和华嘅爱嗰度得益？
不如我哋用吓《信心嘅榜样》
呢本书嘅建议吖
“要运用想象力  仲有唔同嘅感官
想象自己置身其中
尽力了解书入面嘅人有咩感受同睇法
佢哋嘅反应同你喺遇到
同样情况下嘅反应  有咩唔同”
谂吓嗰啲船员向假神求救
而约拿好清楚佢哋唔会得到任何帮助
佢会有咩感受呢？
后嚟约拿承认呢场灾祸因佢而起
不过啲船员都唔想抌佢落海㖞
系呀！
佢哋都谂办法保住约拿条命
耶和华想约拿睇到嗰啲唔崇拜佢嘅人
其实心地好好
同埋佢哋冇人帮都好惨
你觉得约拿会唔会都有
好似耶和华噉嘅感觉呢？
嗯
再谂吓  尼尼微城啲人系拜假神㗎㖞
点解耶和华要派约拿去呢？
可能系俾一个机会尼尼微人
睇吓佢哋会唔会改变
所以边啲人得到益处呢？
啊
我知啦
耶和华唔单止向约拿表现忠贞之爱
佢亦都好爱嗰啲船员同埋尼尼微城嘅人 
冇错啦！
再谂吓
虽然约拿犯咗大错
但系耶和华仍然
用约拿嘅遭遇去讲耶稣嘅事
当约拿复活嗰阵
佢如果知道耶稣曾经提及佢嘅名
仲话自己同佢有相似嘅地方
噉约拿会有咩感觉呢？
哗！
我哋睇到耶和华点样表现爱
噉我哋呢？
我哋又可以点样效法耶和华？
我第一样嘢谂到嘅就系逐户传道
讲真吖  有时我都唔系好钟意㗎咋
有时都冇人肯听
我都觉得几唔开心㗎
不过我话俾自己知
最紧要嘅唔系我
而系耶和华
如果耶和华冇放弃人
我都唔应该放弃人
讲得好  阿仔
哗！
你识得噉谂
我真系好开心呀
我自己呢就谂到
有时我收到一啲好难嘅委派
第一下嘅反应唔系噉好
讲咗啲好后悔嘅嘢
一谂返转头  就好内疚
好责怪自己
不过约拿嘅记载安慰咗我
耶和华唔会因为我唔好嘅反应而责怪我
佢睇嘅系我哋嘅内心
仲好有耐性咁教我哋
我写低咗三点
关于耶和华  我学到乜嘢
睇吓词语嘅定义
同埋善用想象力
系呀！
仲有好多嘢可以学
我哋都可以想象如果我系约拿
一个人喺大鱼嘅肚入面
向耶和华祷告求救会系咩感觉？
约拿向尼尼微人传道
佢哋嘅反应唔系约拿谂嘅噉差
我哋又学到咩呢？
一齐继续睇吓跟住嘅经文吖
我哋真系学到好多呀
约拿嘅反应表明佢对耶和华系忠心㗎
你继续睇吓耶和华点样对待
约拿同尼尼微人就一定
会揾到更多宝藏
世界各地嘅会众
都好期待分区监督探访嘅嗰个星期
如果佢结咗婚
弟兄姊妹都会好期待见到佢太太
等我哋睇吓呢个咁鼓舞人心嘅安排
系点样嚟吖
对每群耶和华见证人嘅会众嚟讲
分区监督探访嘅嗰个礼拜系好特别㗎
大家会一齐传道、听精彩嘅演讲
仲有享受愉快嘅时光
咁分区探访嘅工作系点样开始嘅呢？
又经历咗咩改变？
一齐睇吓呢一集《回顾历史 迈向未来》吖
喺公元一世纪就有弟兄做探访工作
例如保罗、巴拿巴同提摩太
佢哋被派出去鼓励各群会众
1894年开始  耶和华嘅组织亦都有类似嘅安排
佢哋派出一啲弟兄做代表
去探访同鼓励唔同地方嘅圣经研究者
呢啲弟兄后嚟被称为“朝圣者”
佢哋要周围去探唔同嘅会衆
留喺每群会众一至两日
鼓励弟兄姊妹热心崇拜上帝
不过佢哋嘅旅程一啲都唔轻松㗎
想象你系早期嘅朝圣者爱德华·布尼森噉
要去美国西部一条偏僻嘅村庄
探嗰度嘅弟兄姊妹
首先你要搭火车
跟住要搭一晚马车  再转一架简陋嘅马车
经过山路扽好耐先至去到目的地
朝圣者都系一啲教导能力好好嘅弟兄
不过有时佢哋都要学习谦卑
就好似亚历山大·格雷姆噉
佢讲演讲好有热诚
不过有时啲演讲就…长咗啲
一讲就讲几个钟
当罗素弟兄留意到呢件事之后
就写信俾格雷姆弟兄  同佢讲
“亲爱嘅弟兄  我知道你好爱真理
不过当你好有热诚噉发表演讲嗰阵
可能会唔记得咗时间”
格雷姆弟兄好谦卑噉接受建议
弟兄姊妹更加钟意佢
佢啲演讲一样咁生动
但系就短咗好多喇
当时朝圣者嘅主要工作系发表演讲
但系由1928年开始就唔同咗嘞
探访嘅弟兄要带头逐家逐户传道
所以佢哋就改名做“区域服务指导员”
后嚟又叫做“区域仆人”
更加突显佢哋嘅角色系要为弟兄服务
后嚟又有一个更大嘅变化
1933到1935年
喺美国嘅传道工作受到猛烈嘅攻击
有啲会众决定同其他会众一齐传道
咁样嘅安排令到弟兄姊妹更加团结  抵抗反对
为咗令组织运作得更加顺畅
后嚟弟兄委任咗带务仆人
负责探访大概20群会众
每隔一段时间
所有会众都会一齐参加带务大会
即系今日嘅分区大会
喺1942年  负责探访嘅弟兄又有个新名啦
叫做“弟兄嘅仆人”
安杰洛·卡坦扎罗收到呢个委派嗰阵只系得19岁
佢形容自己系“不停四围去嘅传道员”
佢做咗探访工作超过60年
同太太走遍美国大部分地区
鼓励弟兄姊妹
亦都帮助好多好多人亲近耶和华
做探访工作嘅弟兄  后嚟又改名做“环务仆人”
而家就叫做“分区监督”
咁多年嚟
呢啲弟兄同佢哋嘅太太乐意牺牲
为弟兄姊妹服务
佢哋放弃一个舒适安稳嘅屋企
长途跋涉去探访唔同嘅地方
其中一对夫妻系温斯顿同帕梅
佢哋20几岁就开始喺南太平洋做探访工作
嗰度嘅天气好热
成日有好多蚊  有时仲唔够嘢食
不过佢哋都努力适应
亦都好钟意呢件工作
弟兄姊妹向佢哋表现嘅爱心同感恩之心
令佢哋好感动
今日有数以千计嘅弟兄做探访工作
为咗培训佢哋
喺1999年开始开办咗一个训练课程俾佢哋
而家世界各地都会举办分区监督及其妻子训练班
咁多年嚟  虽然分区监督嘅称呼调整过好多次
不过冇变嘅系  同保罗嘅日子一样
呢啲弟兄同佢哋嘅太太
为咗培训弟兄姊妹做好传道工作
鼓励年轻人同埋巩固会众
佢哋都乐意付出  甚至付出一切
下次分区监督同太太探你会众嘅时候
不如谂吓可以做啲乜嘢嚟多谢佢哋嘅付出吖
喺下一集《回顾历史  迈向未来》
我哋再睇多啲嘢耶和华子民嘅历史吖
下次再见
我哋多谢耶和华
俾我哋咁辛勤工作嘅分区监督
仲有佢哋咁乐意献出自己嘅太太
你同佢哋一齐传道见到佢哋嘅好榜样
系咪令你印象好深刻呢?
可能曾经有一位分区监督
鼓励过你为耶和华做多啲添
当然唔系每个人都可以做分区监督嘅
但系我哋可以学吓佢哋点样爱其他人
而家一齐睇吓弟兄姊妹喺主持课程嗰阵
点样显出爱心  灵活变通吖
当我哋知道呢个地区
需要更加多传道员
就睇出耶和华想我哋搬嚟呢度帮手
我哋喺玻利维亚克丘亚语会衆
服务咗4年喇
我叫费尔南多
我叫米卡埃拉
我哋住喺阿根廷一个叫做
因赫涅罗－韦尔戈嘅地方
呢度有好多玻利维亚人
因为喺佢哋既国家生活好艰难
所以佢哋就搬咗过嚟
喺呢度嘅农场嗰度做嘢
喺农场做嘢系好辛苦㗎
有时仲要做到夜晚11,12点添
佢哋好忙㗎  成日都要开工
所以同佢哋传道最好嘅时间
就系喺中午佢哋开工之前喇
不过喺嗰嗰时间传道真系好热㗎
有时热到成40度添啊
好多时候我哋都要
趁佢哋做嘢嗰阵同佢哋读圣经
佢哋一路收割或者做其他嘢
我哋就一路跟住佢哋
读段课文或者节经文俾佢哋听
你唔好以为佢哋做紧嘢就冇留心听㖞
例如佢哋从来都冇听过上帝个名
所以佢哋一听到呢个名
或者其他佢哋觉得有兴趣嘅嘢
就会停低专心听你讲
其实佢哋系对圣经有兴趣嘅
好多时佢哋仲会叫我哋
等佢哋做埋嘢先继续讲
所以我哋就帮吓佢哋手啦
等佢哋快啲做完嘢
初头佢哋见到都有啲吓亲
仲问“你认真㗎？
你件衫会整到污糟晒㗎㖞”
不过为咗帮佢哋  我哋真系唔介意
而且结果好好添
由于我哋咁样做  之后仲做埋朋友
咁就更加容易帮佢哋进步喇
佢地慢慢都感受到
我哋真系关心佢哋㗎
我好钟意传道
因为可以睇到真理点样改变
嗰啲有正确态度嘅人
我都好钟意传道
我唔觉得好辛苦或者要牺牲啲乜嘢
我叫做托尼·玛雷罗
我喺玛丽卢丝
我哋系嚟自西班牙
而家喺巴拉圭服务
喺疫情期间
我哋成日都要留喺屋企
嗰时好多嘢都要改变
要打电话俾陌生人向佢哋传道
真系…令我好紧张呀
有一次我打咗俾一个先生
我直接问佢想唔想学习圣经
而佢竟然接受㖞
真系冇谂到
我问佢可唔可以第二日
用短讯发个问题俾佢
等佢谂吓
佢就话“好啊”
初头我以为佢冇兴趣
因为佢睇咗之后冇即时覆
不过嗰日夜晚佢就覆咗我喇
后嚟我发现原来佢好忙㗎
佢好似无论喺咩时间都做紧嘢咁
知道咗之后我就调整迁就佢
有一日我问佢
你太太会唔会都想一齐讨论啊？
佢就话“都好呀”
喺跟住嗰几个月
我哋都要好有耐心
系呀  成日都要等佢电话
等到颈都长
佢实打嚟嘅  但系我哋唔知道系几点
可能系夜晚9点、10点、11点
佢会发讯息俾我话
“俾5分钟我就可以开始㗎喇”
我哋就开视像会议
佢打个招呼
之后换衫再开始讨论
开头真系唔容易
真系呀
但系后嚟
我哋就越嚟越钟意同佢哋讨论
因为每次完咗之后  我哋都觉得
-好开心  -真系呀
完咗之后我哋都会忍唔住同对方讲
-佢哋真系好好呀  -系呀
佢哋好到难以置信呀
不过系真㗎
佢哋真系好钟意学到嘅真理
好快佢哋就将学到嘅嘢用出嚟
大约一年之后  佢哋就受浸喇
我好开心呀
无论付出几多都系值得㗎
每一日我都好感激耶和华
要配合对方所选择嘅时间同地点
可能需要我哋作出牺牲
不过为咗帮助人而作出调整
耶和华一定会奖赏我哋
20几年前《警醒》杂志曾经刊登
菲利普斯姊妹嘅自述
佢决定崇拜耶和华
会点样令佢同身边嘅人得益呢？
睇吓跟住落嚟嘅影片吖
我有好多屋企人
都系出名嘅歌手同演员
最出名嘅就系我爸爸
赫尔曼·巴尔德斯
个个都叫佢做“丁丹”
音乐对我嚟讲好重要
细细个  我就会拎起支吉他
写吓歌  去表达自己嘅感受
我从来都冇谂过
大过之后要做一个歌手
不过喺我15岁嗰阵
我爸爸就死咗
后嚟为咗要照顾屋企
我就要出嚟揾嘢做喇
我加入咗一个乐队
之后仲出咗名  做咗演员同埋歌手
不过冇几耐  我就发现
做呢行嘅人  道德都好差
佢哋对人都好假
所以我就好难再信任其他人
当我学习咗圣经之后
我先发现原来呢个世界上
真系有啲咁善良  咁真心爱我嘅人
后嚟我慢慢改变
变得更加积极开心
觉得生活充满意义
我同先生结咗婚  有两个小朋友
一家人喺墨西哥嗰度住
作为父母  我哋最担心嘅系
啲仔女想加入娱乐圈
所以我同先生一路都好努力
教佢哋做明智嘅决定
我个女  詹娜喺佢17岁嗰年
有一次佢陪我去墨西哥
一个最出名嘅电视台度做嘢
嗰度有个男士  佢系星探嚟嘅
佢见到我个女就问
“你系咪都识唱歌㗎？”
阿女就话“我都识嘅”
之后佢就唱咗几句俾佢听
点知个星探好钟意阿女把声
仲即刻请咗佢去办公室倾吓
我听到个星探同阿女讲“而家呢  
就有个机会俾你喺电视台度发展
我哋一定会捧红你㗎
我哋会准备好哂文件
你星期一上嚟签约啦”
当阿女佢出返嚟嗰刻
我真系好惊  我问佢
“你有冇应承到呀？”
阿女话“梗系冇啦  妈咪
我最爱嘅系耶和华
而且我又好钟意做先驱
点会应承佢呢”
估唔到一个礼拜之后
阿女就收到分部嘅电话
邀请佢帮手唱歌
佢好开心  直至而家
都可以用歌声赞美耶和华
咁多年嚟  我仲有机会
同阿女一齐为耶和华服务
帮分部手做啲同音乐有关嘅工作
撒但一直都好想令我分心
试过有几次  因爲我爸爸嘅关系
有人揾我合作做嘢
而呢啲工作都会用我好多时间
咁样我就一定做唔到正规先驱喇
所以我就拒绝咗
我睇出耶和华好锡我
一直赐福俾我
每次当有呢啲工作机会
我拒绝咗之后
耶和华都会揾方法俾返啲嘢我
例如  我有荣幸
帮组织开办嘅训练班准备食物
真系好开心
其实呢啲经历
都教识我要信赖耶和华
好似使徒保罗讲
“人冇信心  就冇可能得到上帝嘅喜悦
上帝会奖赏恳切寻求佢嘅人”
我妈妈已经超过90岁喇
同佢一齐传道  真系好开心㗎
我哋好钟意参与唔同形式嘅传道
咁多年嚟
我有好多屋企人都学习圣经
有啲仲受埋浸添
我好享受同屋企人一齐嘅时光
同妈妈仲有阿女
一齐玩吓结他  唱吓歌
又好期待喺新世界见返爸爸
同妈妈一齐迎接佢
可以揽实佢
介绍啲仔女俾佢识
见返佢嗰阵  最好喺海边啦
跟住我就好想  好似以前噉
一家人一齐唱歌
所以我决心永远忠于耶和华
真系一个好好嘅经历呀
菲利普斯姊妹依靠耶和华
结果佢同佢嘅屋企人
都得到好多嘅福分
耶和华好想我哋依靠佢
特别系喺一啲困难嘅时候
跟住嘅早晨崇拜莱特弟兄会讲吓
点样喺迫害之下依靠耶和华
我哋可以认识宇宙当中
今日我哋会一齐讲吓
点样靠住耶和华嘅神圣力量
喺迫害之下保持忍耐
今日守望台评论提到
上帝嘅子民经历过几种唔同嘅迫害
而喺撒迦利亚书4:6保证
无论遇到乜嘢迫害都好
只要有神圣力量
我哋就能够忍耐到底
其实撒但迫害我哋
系想达到啲乜嘢目的呢？
就系想我哋放弃同屈服
仲有希望我哋妥协呀
试谂下  狮子会吞噬猎物
撒但就好似狮子噉
佢想食咗我哋
当狮子吞咗猎物之后
只猎物会变成点样呢？
食咗落肚
就成为咗狮子身体嘅一部分喇
撒但就系想噉样嘞
我哋唔属于撒但嘅世界
不过佢就想我哋
属于呢个世界成为佢嘅一部分
有神圣力量嘅帮助
我哋决心唔俾呢件事发生
噉上帝嘅子民曾经面对过
同埋而家仍然面对紧
乜嘢形式嘅迫害呢？
我哋讲吓五个方面吖
哈米吉多顿嚟到之前
我哋唔知道自己或者身边嘅人
会经历边一种嘅考验
无论点都好
当我哋面对任何考验嘅时候
都决心坚守忠义
同埋会帮助其他人噉样做
第一方面系
禁制耶和华见证人嘅工作
喺好多国家都有噉样嘅情况
喺世界各地嘅唔同地方
都有唔同嘅国家或者政府
禁制我哋嘅工作
喺圣经时代都有噉样嘅事㗎
例如公元前522年
重建圣殿嘅工作就受到禁制
喺一世纪  好多地方
当权者都唔俾耶稣嘅门徒传道
如果佢哋唔听嘅话
就会“俾人带到君王同总督面前”
耶和华嘅神圣力量
可以喺噉样嘅情况之下点样帮到
古代嘅佢哋同今日嘅我哋呢？
我哋一齐睇下马太福音10章
就揾到答案嘞
一齐睇吓马太福音10章
由19节开始
10章19节耶稣话
“不过佢哋送你哋去受审嗰阵
唔使担心要讲啲乜嘢
或者点样讲”
情况咁紧张  唔使担心点解呢？
经文话“到时  你哋就会知道
应该讲啲乜嘢
因为讲说话嘅其实唔系你哋自己
而系你哋天父嘅神圣力量
通过你哋讲说话”
所以我哋讲嘅嘢
除咗系我哋喺度讲
仲有神圣力量都喺度
帮我哋讲出合适嘅説话
正如经文保证一样
依家讲吓第二方面嘅迫害吖
就系监禁
喺1世纪  耶稣预告到
真基督徒会俾人拉去坐监
喺路加福音21:12
佢话“啲人会落手
迫害你哋⋯将你哋韫入监”
情况真系噉样㗎
噉多年嚟
耶和华嘅子民经常俾人拉去坐监
我哋睇到俄罗斯
同佢嘅盟友都系噉样迫害我哋
仲有其他政权都有噉样做
我哋都经常受到鼓励为嗰啲喺
厄立特里亚、土库曼斯坦
俄罗斯同埋其他地方
坐紧监嘅弟兄姊妹祷告
我好钟意希伯来书13:3
“你哋要记住嗰啲被囚禁嘅人
就好似同佢哋一齐被囚禁”
我哋可能而家唔系坐紧监
但系将来好难讲
知道有弟兄为我哋祷告
好似喺我哋身边一样
真系令人好开心  好安慰㗎
第三个方面系
见证人啲仔女俾学校开除
撒但知道佢伤害基督徒嘅仔女
就等于伤害佢哋嘅父母
佢希望啲父母因为心痛仔女而妥协
喺上世纪40年代嘅美国
经常听到噉嘅事
其实呢几十年嚟  喺好多国家
我哋都有好多小朋友
因为信仰而俾学校开除
可能你谂起
1世纪有个后生仔就系因为
对耶稣有信心被赶出会堂
至于第四方面
我哋可以睇下启示录13:16,17
经文讲到
撒但嘅政治制度会向我哋
施加压力夹硬印个记号
喺我哋嘅手同额头上面
冇记号就唔可以做买卖
所以第四种迫害系咩呢？
就系喺经济方面俾压力我哋
想我哋嘅弟兄妥协  唔再保持中立
呢一个系撒但经常用嚟
迫害我哋嘅手段
有啲弟兄因为保持中立
就俾人炒咗冇咗份工
或者冇人肯同佢哋做生意
而喺马拉维嘅弟兄
佢哋面对嘅迫害就更加大
因为佢哋唔肯买一张
唔使2蚊港纸嘅党员证
就俾人喺经济同其他方面迫害
佢哋都知呢张证系就系好平
但系买咗  代价就好大喇
所以佢哋坚决唔噉样做
跟住我哋会讲下第五方面嘅迫害
记载喺马太福音5:11耶稣话
“你哋为咗我俾人侮辱  俾人迫害
俾人用各种邪恶嘅话中伤
噉就有福嘞”
第五系俾人中伤
我哋经常见到有媒体
中伤耶和华见证人㗎
耶稣都俾人中伤过
有人话佢俾邪灵附身
亵渎上帝、贪食、纵酒
1世纪嘅基督徒
啲人都系噉样对佢哋
喺使徒行传28:22
犹太人嘅首领噉样同保罗讲
佢哋话“我哋知道呢个教派
真系到处受人批评”
就算我哋都遇到噉样嘅情况
只要靠住神圣力量就可以忍耐到底
总结下吖
五方面嘅迫害分别系
俾人禁制、监禁
见证人嘅仔女俾学校开除
通过经济压力
迫我哋喺中立方面妥协
同俾人中伤
其实仲有好多方面㗎
无论系咩形式嘅迫害都好
只要我哋靠住
神圣力量就可以成功应付
咁我哋要点样做  先至可以得到
同一直有神圣力量呢？
三个方法我哋会简单讲下
路加福音11:13耶稣话
“何况天父  唔系更加会
将神圣力量赐俾恳求佢嘅人咩？”
第一就系祷告
第二系要顺应神圣力量生活
所以我哋会参加聚会、出传道
同埋每日睇圣经
第三  以弗所书4:30节话
“唔好⋯令神圣力量忧愁”
如果有啲嘢系会令
神圣力量唔能够发挥作用
我哋就会尽力避免去做
所以要祷告、顺应神圣力量
同埋唔好妨碍神圣力量运行
只要我哋
做足呢三样嘢就会得到呢股
最强大嘅力量
可以喺四方面帮到我哋
边四方面呢？
约翰福音14:26
耶稣就讲咗三方面
第一神圣力量系“帮助者”
第二就系佢会教导我哋
第三系帮助我哋记起学过嘅嘢
耶和华点样帮我哋记起学过嘅嘢呢？
譬如话受迫害嗰阵
我哋祷告求耶和华赐神圣力量
然后我哋记返起学过嘅经文
得到所需嘅力量忍耐落去
第四方面
耶稣喺约翰福音16:13话
神圣力量会“引导你哋明白所有真理”
我哋要记住呢四方面
神圣力量会帮我哋、教导我哋
令我哋记起经文  同引导我哋
试谂吓你喺一个好多地雷嘅地方
如果有个人能够安全噉带你离开
你一定会好感激佢呀  系咪？
同样有神圣力量帮我哋
结果系点呢？
就系无论面对咩考验都好
我哋都唔会俾撒但吞噬
噉就更加唔会变成
佢呢个世界嘅一部分嘞
噉我哋
就能够讲出撒迦利亚书4:6嘅説话
经文话“唔系依靠军队
唔系依靠能力
而系依靠［耶和华］嘅神圣力量”
就会有充足嘅力量  忍受迫害
最有能力嘅嗰位
而佢仲日日赐力量俾我哋
真系好奇妙呀
今个月嘅音乐短片
我哋会睇到神圣力量
点样帮助一个年轻弟兄
喺佢嘅人生低谷仍然怀有希望
耶和华  真公平
一向彰显正义
若是看见恶行压榨
你必不会坐视
沉重挫折偶现我心
因这艰苦际遇
惟独靠你正义判决
将苦痛制止
热切等待耶和华
在这考验时候
全赖你显公平
终必使我获胜
无论身于漆黑监牢
多少讥嘲满路
或受各国恶毒禁制
至亲反对也好
平静应对  再下决心
不会惊慌却步
而上帝会赐我安舒
我必不会跌倒
热切等待耶和华
在这考验时候
全赖你显公平
终必使我获胜
正义  伸张可靠谁？
世人虚谎定留憾
正义  要靠耶和华
愿你正义降临
除灭罪恶痛心
热切等待耶和华
在这考验时候
全赖你显公平
终必使我获胜
就算喺监仓入面
呢位年轻弟兄都冇失去希望
佢冇因为自己受到唔公平嘅对待
而觉得好嬲
相反佢会谂啲积极嘅事
想象吓做紧传道
聚紧会仲有同弟兄姊妹一齐
今个月嘅节目一定可以加强你嘅信心
应付将来嘅考验
我哋讨论过如果唔想有负面嘅睇法
保持积极嘅态度
最好嘅方法
就系去帮助其他人
我哋睇到一啲传道员
调整自己嘅时间表
主持圣经课程
结果更加开心
我哋亦都深入讨论咗约拿书嘅内容
挖掘咗好多宝藏
今个月我哋会去蒙特内哥罗
即系黑山
呢个名系嚟自意大利文嘅威尼斯方言
意思系黑色嘅山
可能系因为呢度嘅森林好茂密
虽然佢叫做黑山
但系呢度其实系个
充满色彩同活力嘅地方
佢就好似座落喺亚得里亚海
一粒闪闪发光嘅宝石
塔拉河峡谷系欧洲最深嘅峡谷
而斯库台湖就系巴尔干半岛最大嘅湖
嗰度有一个雀鸟保护区
里面差唔多有280种雀仔
好多人都钟意去科托尔古城旅游
睇吓嗰度壮丽嘅景色
行吓啲好有特色嘅街道
同埋喺嗰度出名嘅山路踩吓单车
呢度曾经俾战火摧残
喺1918年
佢俾赛尔维亚人、克罗地亚人
同斯洛文尼亚人王国吞并咗
去到1929年
就改称为南斯拉夫王国
范围包括而家嘅波斯尼亚
同黑塞哥维那
克罗地亚、科索沃、北马其顿、黑山
塞尔维亚同斯洛文尼亚
二战之后就改制成为
南斯拉夫社会主义共和国
呢个国家最后去到20世纪末解体
喺2006年
黑山脱离塞尔维亚嘅统治宣布独立
因为佢哋以往经历过嘅事
令到黑山人好重视
对人诚实、为人谦虚
舍己为人同埋尊重其他人
喺1920年代
有个塞尔维亚嘅后生仔
叫做弗朗兹·布兰德
佢喺奥地利参加见证人嘅聚会嗰阵
第一次听到好消息
虽然嗰次聚会俾反对嘅人打断咗
但系就已经令弗朗兹决定要向人传道
佢返到家乡之后
就经常同几个人一齐研究圣经
后嚟佢搬去斯洛文尼亚嘅马里博尔
佢开始做理发师
喺帮客人剃须嗰阵
佢就把握机会向佢哋传道
另外当时军队乐团嘅指挥
艾尔弗雷德·图切克
收到同事俾佢嘅圣经书刊
后嚟佢决定辞咗呢份人工好高嘅工
参与全时服务
成为咗前南斯拉夫最早嗰批先驱
喺30年代初
佢同其他弟兄去唔同地方播《创世影剧》
后嚟佢同太太弗丽达用单车同电单车
去到而家嘅克罗地亚、马其顿
黑山同埋塞尔维亚传道
今日黑山嘅弟兄姊妹继续保持热心
佢哋而家有432个传道员
比起前一年多咗百分之四
差唔多有三分一嘅传道员都系先驱
呢度由南到北嘅风景好唔同
传道嘅方式都好唔同㗎
黑山嘅首都系波德戈里察
呢个城市北部嘅会众
覆盖嘅传道地区好大
有啲传道员住喺离聚会所
大概100公里外咁远
要揸差唔多两个钟头车先去到聚会
波德戈里察嘅传道员
每个月都会安排一两次去偏远嘅村庄
同当地嘅弟兄姊妹一齐传道
尽可能同嗰度嘅人分享好消息
朝早佢哋会喺公园举行传道前聚会
做完传道佢哋会喺线上参加聚会
之后就会喺弟兄姊妹嗰度过夜
第二日先至返番屋企
呢个城市嘅南部有好靓嘅海滩
每年嘅某啲月份游客嘅人数
系本地人嘅两倍
所以啲会众喺呢啲月份
会集中做公众场所见证
其他时候就主要做逐家逐户
或者喺商业地区传道
佢哋热心传道带嚟好好嘅成果
就喺2024年
有769人参加咗耶稣牺牲纪念聚会
新海尔采格会众嘅37位传道员
向全球嘅弟兄姊妹
送上佢哋温暖嘅爱心同问候
呢度系耶和华见证人世界总部嘅JW电视


-