JW subtitle extractor

Мен машҳур қўшиқчилар ва
актёрлар оиласида туғилганман.
Кўпроқ дадам машҳур бўлган.
Унинг исми Херман Валдес бўлиб,
Тин Тан деб танилган.
Мусиқа жону дилим эди.
Болалигимда туйғуларимни
ифода этиш учун
қўлимга гитарани олиб
ўзимча чалардим.
Мен ҳеч қачон ўзимни мусиқа оламида
тасаввур қилмаганман,
буни истамаганман.
Лекин дадам ҳаётдан кўз юмгани
ва иқтисодий муаммолар туфайли
оиламга ёрдам бериш учун
иш топишга мажбур эдим.
Хуллас, мен бир
мусиқа гуруҳига қўшилдим.
Бу менга машҳур қўшиқчи ва
актриса бўлишимга замин яратди.
Аммо кейинчалик атрофимдаги
одамлар ахлоқсиз ва
иккиюзламачи эканини
кўра бошладим.
Шунга уларга ишонмай қўйдим.
Ҳақиқатни билганимда эса
мени чин дилдан яхши кўрадиган
самимий инсонларни учратдим.
Ўзим ҳам анча ўзгаришлар қилиб,
янада бахтлироқ бўлдим.
Бутун ҳаётим мазмунга тўлди.
Мексикага қайтгач,
ота-она сифатида фарзандларимиз
шоу-бизнесга шўнғишидан
жудаям қўрқардик.
Шу сабабли, бундай бўлмаслиги учун
қўлимиздан келганини қилардик.
Мексикадаги машҳур телекомпаниянинг
учрашувига боришни айтганимда,
қизим Жианна 17 ёшда эди.
Ўша ерда истеъдодларни изловчи
бир киши бор эди.
У қизимни кўриб қолиб,
унга шундай савол берди:
«Сен ҳам куйлайсанми?»
У ҳа, деди сўнг, унга куйлаб берди.
Қизимнинг овози унга
ёқиб қолди ва у дарров
уни ўз офисига таклиф қилди.
Мен уларнинг гапларини
эшитиб қолдим.
У қизимга: «Бу телекомпанияда
карьера қуришингни кафолатлайман.
Мана, шартнома. Душанба куни
келсанг, унга имзо қўямиз».
Жианна офисдан чиққанда,
мени қўрқув босди.
«Сен рози бўлдингми?» — деб сўрадим.
У: «Йўқ, ойи. Ахир мен
Яҳовани яхши кўраман-ку!»
Кашшофлик хизматимни
жуда ёқтираман»,— деб жавоб берди.
Сўнг бир ҳафтадан кейин
унга Байтилдан
мусиқа лойиҳаларида
иштирок этиш таклифи келди.
У овозидан фойдаланиб,
Яҳовага хизмат қилишдан
жудаям хурсанд.
Мана йиллар мобайнида
биз Байтил мусиқа лойиҳаларида
биргаликда иштирок этишдан
жудаям бахтиёрмиз.
Баъзида Шайтон менга тўсқинлик
қилаётганини кўрардим.
Менга дадамнинг касби билан боғлиқ
ва кўп вақтимни оладиган
ишларни таклиф қилишарди.
Кашшофлигимга бу салбий
таъсир қилишини билардим.
Шунга уларни рад этдим.
Яҳова менга йиллар мобайнида
барака берган.
Менга таклиф қилинган
шартномаларни
ҳар сафар рад этганимда,
бунинг эвазига Яҳова
турли мактабларда
ёрдам бериш имконини берарди.
Барча қийинчиликларда
Яҳовага таянишни ўргандим.
Ҳаворий Павлус айтганидек,
Мен 90 дан ошган ойим
билан бирга
ваъзгўйликнинг
ҳар хил турларида
иштирок этишдан
жудаям хурсандман.
Шу йиллар мобайнида
баъзи оила аъзоларим
Муқаддас Китоб тадқиқини бошлади.
Айримлари Яҳованинг Шоҳиди бўлди.
Ойим, қизим ва мен
гитара чалиб, қўшиқ айтишни
жуда яхши кўрамиз.
Шу йўсин, ҳамма билан
маза қилиб вақт ўтказамиз.
Янги дунёда дадамни
яна кўришни интиқиб кутяпман.
Мен уни денгиз бўйида
қаттиқ қучоқлаб олиб,
фарзандларим билан таништираман,
ойим билан бирга бўлишини истайман.
Кейин, олдин ҳам қилганимиздек,
бирга қўшиқ айтишни хоҳлайман.
Менинг мақсадим — Яҳовага
абадий содиқ қолиш.

Улар ҳозир қаерда? Росалия Филлипс. Мен уни кўраман, деб ёзилган