JW subtitle extractor

歡迎收睇JW電視
今個月我哋睇吓耶和華幾愛我哋
我哋又點樣用佢嘅觀點睇自己
我哋亦會挖掘彌迦書嘅寶藏
學識點樣對人誠實同保持謙虛
亦都會睇吓只要對人好
就算係好小嘅事
都會有深遠嘅影響
你係咪好期待今個月嘅節目呢？
你有冇試過有呢個姊妹嘅感覺呢？
佢喺信度咁樣講
「無論我幾咁愛耶和華上帝
又或者幾咁努力為佢服務都好
我都硬係覺得自己做得唔夠好」
由於唔完美
有時我哋個心會話俾我哋聽
無論我哋幾咁努力
都唔會得到耶和華嘅認可
又或者你明知道
耶和華係樂於寬恕人嘅
但係都係會為以前做錯嘅事
覺得好內疚
我哋講錯嘅嘢
或者做錯嘅事 即使係好耐以前
都會喺我哋嘅腦海裏面不時出現
令我哋覺得好灰心沮喪
老實講
我哋所有人有時都會遇到噉嘅情況嘅
點解咁樣講呢？
不如等我哋詳細分析一下
使徒約翰喺約翰一書3:19,20所寫嘅説話
我哋嘅演講就係根據呢啲經文講嘅
演講嘅題目係「上帝比我哋嘅心大」
約翰一書3:19,20話
「憑住呢一點
我哋就知道自己擁有真理
可以喺上帝面前放心
無論我哋嘅心係乜嘢事上
定我哋有罪 我哋都可以放心
因為上帝比我哋嘅心大 知道一切」
喺經文裏面使徒約翰話
「我哋嘅心」
「我哋可以喺上帝面前放心」
仲有我哋嘅心「定我哋有罪」
佢用「我哋」所以都包括約翰自己在內
佢都會灰心同埋自責
但係約翰都令我哋有理由相信
耶和華上帝係好珍視我哋㗎
約翰話「我哋知道自己擁有真理」㗎
你係點樣成為基督徒嘅呢？
我哋聽到聖經嘅真理 然後就接受喇
我哋對耶穌有信心 聽從佢嘅教導
亦都拒絕呢個世界嘅錯誤思想
仲有盡力效法基督
愛弟兄姊妹 同埋避免蓄意犯錯
所以我哋話「我哋擁有真理」㗎
真理徹底噉改變咗我同你
單係呢一點
就已經令我哋確信耶和華認可我哋
成為佢家庭嘅一份子
雖然係咁
我哋嘅心有陣時都會定自己有罪
點解會有噉嘅情況嘅呢？
就係同我哋嘅良心有關
好多時聖經講到「我哋嘅心」嗰陣
都係用嚟比喻我哋嘅內心
亦即係我哋真正嘅為人
1997年8月1號刊嘅《守望台》咁樣講
「聖經將良心同比喻嘅心相提並論
比喻嘅心包括我哋嘅感覺同情緒」
文章引錄咗羅馬書2:15
即使係嗰啲冇受摩西法典約束嘅人
良心都喺佢哋身上發揮作用
一齊睇吓羅馬書2:15 經文話
「佢哋嘅情況充分表明
法律嘅本質寫喺佢哋心裡面
佢哋嘅良心同佢哋一齊作證
於是 佢哋嘅思想指控自己有罪
或者裁定自己無罪」
上帝俾我哋嘅良心
可以裁定我哋有罪抑或冇罪
佢可以發出警告 提醒我哋唔好做錯事
如果我哋做錯咗 良心就會
發揮作用譴責我哋
當大衛喺山洞逃避掃羅追殺嘅時候
佢割咗掃羅外袍嘅一塊布
撒母耳記上24:5話
「之後 大衛心裡面一直自責」
又好似經文腳注噉講
「良心一直不安」
大衛嘅良心指責佢
唔尊重掃羅呢位上帝委任嘅君王
良心會令我哋審視自己
然後作出判決
人受良心譴責就可能會悔改
唔再做以前嘅錯事
另一方面
如果我哋嘅良心太過嚴格
就可能會被內疚感壓倒
以為自己無論點樣改過都冇用
上帝都唔會寬恕我哋
又或者我哋對自己太過嚴格
以為自己要做到完美
先可以令上帝高興
正如保羅喺羅馬書2:15講
良心可以裁定我哋有罪或者無罪
為咗幫我哋更好噉理解呢一點
試想像我哋喺法庭受審
我哋嘅良心就係法官喇
噉控辯雙方嘅證人又係邊個呢？
就係我哋嘅一啲諗法
有好嘅亦都有唔好嘅
一個好嘅法官一定會聽晒雙方嘅證詞
噉先可以作出一個公平嘅判決
但係如果個法官淨係聽嗰啲
指控我哋嘅人講嘅嘢 噉會點樣呢？
我哋嗰啲唔好嘅諗法
就好似不斷指控我哋嘅證人
話我哋應該受罰
「佢做過啲咩佢自己知喇
佢成日都係咁㗎
佢咁渣 諗埋啲唔好嘅嘢
呢啲人應該判佢坐一世監先啱」
而呢個法官就淨係聽頭先呢啲證詞
完全唔聽嗰啲為你辯護嘅人
噉判決當然就係
「罪名成立 判處監禁」
如果我哋嘅良心冇好好受到鍛鍊嘅話
都會好似嗰個唔公平嘅法官噉
判我哋入去「罪疚感」嘅監獄
令自己好灰心 好自責
呢啲感覺重複又重複
噉我哋就好難進步
你嘅良心係一位點樣嘅法官呢？
如果我哋鍛鍊好我哋嘅良心
噉就算自己有好負面嘅諗法
良心都唔會太過責怪自己
所以為咗令良心作出更加公平嘅裁決
淨係知道法律係唔夠㗎
我哋仲要認識耶和華
因為佢制定法律 係最大嘅法官
喺1976年9月1日刊嘅《守望台》英語版
有一篇文章題目係
「訓練自己嘅良心發揮更大功效」
其中一段噉樣講
「當我哋訓練自己嘅良心嗰陣
一定要記得上帝最大嘅特質 就係愛
呢個從聖經同佢對待忠僕嘅方式
可以清楚睇得出」
呢個就係關鍵喇
聖經話俾我哋知耶和華係公正嘅上帝
但係對待忠僕嗰陣佢就會通情達理
佢有忠貞之愛 充滿憐憫
做嘅每一件事都係出於愛心
我哋認識耶和華嘅特質多一啲嘅話
良心就能夠更加平衡噉判斷自己
做錯嘢嗰陣
我哋唔會為自己去搵藉口
但係同時
亦都唔會太過嚴苛咁樣責怪自己
講返頭先嘅比喻吖
一個認識耶和華嘅好法官
都會聽吓為我哋辯護嘅人點講
呢啲證人可能會話
「等等先 法官
唔可以淨係用佢以前嘅錯嚟審判佢㗎
佢已經付出咗代價
亦都因為以前嘅錯內疚咗好耐
過去咗嘅事係改變唔到嘅
但係佢而家已經完全改變晒
用行動證明佢悔改咗
係時候將以前嘅事抹走喇」
認識耶和華同埋知道佢好熟悉我哋
會令我哋覺得好放心
因為無論我哋嘅心喺乜嘢事上面
定我哋有罪
上帝都比我哋嘅心大 知道一切
佢好願意寬恕我哋
呢個係咪令你好安心呢？
耶和華好清楚我哋內心深處嘅為人
佢係睇到我哋嘅過錯
但都睇到我哋嘅動機
我哋嘅感覺想做啱嘅事嘅願望
同埋我哋嘅潛質
佢亦都睇到所有影響我哋行動嘅因素
包括一啲我哋控制唔到嘅嘢
例如因為遺傳嘅罪而唔完美
關於耶和華嘅憐憫之心
《洞悉聖經》喺「慈悲」嘅條目度咁樣講
「人類最根本
最嚴重嘅先天缺陷
就係從始祖亞當嗰度遺傳咗罪
因為噉 人類嘅處境非常可憐
亦都好無助 耶和華好有憐憫嘅心
所以佢採取行動
俾人有機會擺脫罪帶嚟嘅缺陷」
亦即係話耶和華將我哋睇成
有某種程度嘅缺陷
呢個推動佢對我哋表現憐憫
我哋嚟睇吓一個例子
就會睇出耶和華上帝
真係比佢僕人嘅心大
我哋睇吓使徒彼得嘅經歷吖
喺嗰個最令佢後悔嘅夜晚
佢唔單止一次 而係三次
假扮自己唔認識耶穌
嗰一刻耶穌擰轉身望住彼得
彼得亦都望返佢
彼得肯定永遠都唔會忘記嗰一晚
會唔會之後每一次
當彼得聽到雞叫嗰陣
就會諗返起嗰晚嘅情景呢？
佢又會唔會不停咁諗返起
嗰晚自己做咗乜嘢？
聽到自己話
「我唔識佢㗎 我都唔知你講乜」
可能係 我哋都唔肯定
但我哋肯定嘅係
耶穌幫助彼得克服咗過度內疚嘅感覺
就喺耶穌復活嘅嗰一日
佢私下去見彼得
亦都肯定有俾機會彼得
講吓自己心入面嘅感覺
聖經冇記載佢哋傾咗乜嘢
但係彼得肯定唔會忘記呢一次嘅對話
而約翰福音21章記載
耶穌俾機會彼得喺一班門徒面前
表達對耶穌嘅愛
而彼得亦都三次咁樣講
之後耶穌就喺其他使徒面前
將一個重要嘅任務交俾彼得
彼得終於唔使再成日諗住話
「我唔識佢㗎 我都唔知你講乜」
而家佢有一段美好嘅回憶
可以經常喺腦入面循環播放
耶和華就係通過耶穌基督
令彼得可以相信
上帝比佢唔完美嘅心大
總結一下 今日學到乜嘢吖
好嘅良心唔會由得自己做咩都得
但亦都唔會對自己太過嚴格
我哋一定要學識
用耶和華嘅觀點睇自己
亦都要相信佢會好欣賞我哋
為佢付出嘅點點滴滴
佢唔會好嚴格咁審判我哋
真係㗎 聖經講得一啲都冇錯
「上帝比我哋嘅心大」
耶和華好愛我哋
用咗好多方法幫助我哋
喜樂又自信噉崇拜佢
就等我哋接受呢份愛喇
有時我哋都會覺得自己冇咩價值㗎
一齊睇吓弟兄姊妹點樣克服呢種感覺
我知道自己係有啲唔妥㗎喇
不過只係一種感覺
其他人唔知嘅
但係又解決唔到
本來我哋嘅生活好幸福
我哋有兩個女 我老公係長老
我就做先驅
不過有一日 好突然
真係好突然 佢死咗
嗰一刻 我做咗寡婦
我好唔鍾意呢個身份
聽起嚟好可憐
我覺得自己好冇價值
好迷惘 唔知點噉
細個嗰陣
本身應該好好照顧我嘅人
無履行佢嘅責任
佢成日都令我覺得自己好冇用
咩都做得唔好
喺噉嘅環境長大
令我到而家都有呢啲感覺
周不時都要應付一啲消極嘅情緒
喺22歲嗰陣
我被確診患有強迫症
呢個病會令我對所有嘢都產生懷疑
個腦由朝到晚不斷噉喺度諗
我係咪做錯咗啲乜嘢呢
有時甚至想報警話自己犯咗法
一日到黑不斷噉懷疑自己
噉樣嘅生活 真係好痛苦
每日我都要逼自己
唔好諗啲消極嘅嘢
我經常都要努力同個病搏鬥
我好想話俾人知我冇事呀
我幾好呀 不過事實唔係
如果冇咗耶和華同弟兄姊妹
噉我就真係乜嘢都做唔到喇
我有個朋友同我一樣有呢個病
我發現佢有同我一樣嘅經歷
一樣嘅感覺
終於有人明白我喇
我覺得好好多
我相信係耶和華賜呢個朋友俾我㗎
我會發訊息話俾朋友知我好唔開心
其實我都唔知我想點
佢哋就話
「唔緊要 我喺度 慢慢講吖」
有時會眾將啲工作交俾我嗰陣
我會覺得其他人更加有資格
做得更加好
我？唔得㗎
不過我知道耶和華睇到我付出嘅努力
我好認同啟示錄4:11話
「耶和華配受榮耀 尊崇 力量」
我知道佢好珍視我為佢做嘅所有嘢
而佢亦都係配得㗎
就算我哋覺得自己無乜價值
只要盡咗力 耶和華都會好開心
去聚會所同弟兄姊妹一齊
崇拜耶和華好重要
就算你知道聚緊會
或者唱詩嗰陣一定會喊
噉咪喊出嚟囉 冇問題
有情緒係好正常㗎嘛
其實噉樣反而能夠拉近同弟兄姊妹
仲有同耶和華嘅關係
每一日都要用耶和華嘅觀點去睇自己
經常禱告 同埋知道耶和華明白我
幫到我好多呀
有時我覺得好焦慮 好緊張嗰陣
會禱告求耶和華幫我冷靜落嚟
另外 睇到耶和華回應咗我嘅禱告
俾我好大嘅力量
嘩！
每次諗起我都覺得好感動
當我好需要一啲嘢
我冇同其他人講過
只係禱告求耶和華幫我
然後嗰樣嘢就出現
噉就證明耶和華任何時候都喺我身邊
喺約翰福音17章
記載咗耶穌被處決之前
佢向天父耶和華禱告
喺嗰度我睇到佢哋嘅關係非常之親密
我都好想 而且好需要
同耶和華有咁親密嘅關係呀
我睇晒聖經入面關於一啲寡婦嘅記載
呢個令我開始明白
耶和華對寡婦嘅睇法
同呢個世界嘅人真係好唔同
耶和華制定咗一啲法律
要以色列人善待啲寡婦
呢啲都話緊俾我聽
耶和華好關心我
我對呢個身份嘅睇法
同以前唔同咗喇
我知道耶和華好愛 同埋好照顧我
你可能覺得自己無乜價值
但係耶和華就覺得你好寶貴
佢可以幫你更加積極噉睇自己
佢嘅愛可以消除任何負面嘅情緒
耶和華嘅思想比我哋高明好多
我哋覺得開心 唔開心
憂慮 痛苦
無論有咩感覺 佢都知道
要記得耶和華好愛你
我哋通過禱告 同埋身邊嘅朋友
就會感受到耶和華嘅愛
好似喺影片入面
伍德姊妹都感受到
耶和華嘅愛同保護
呢位姊妹訪問嘅完整版
會喺呢個月較後時間上載到JW網站
一定會學到更加多嘢㗎
當有人對我哋好
我哋自然都想對其他人好㗎
喺呢一集嘅《鐵磨鐵，磨得鋒利》
會學吓點樣效法耶和華嘅仁慈
大家好 歡迎收睇《鐵磨鐵 磨得鋒利》
今日我哋會講吓一個特質
呢個特質令到有罪嘅人、有病嘅人
小朋友都想親近耶穌
就係仁慈
同天父一樣
耶穌仁慈咁對待好人同埋壞人
耶穌對人仁慈
唔係因為對方首先對佢好
或者鍾意佢
相反
耶穌總係對人仁慈
係因為佢知道呢種特質能夠造益人
同埋為天父帶嚟讚美
咁我哋呢
幾時要對人仁慈同對邊個呢
「唔好意思 探訪時間完嘞
你哋個個都要走」
「哦 對唔住」
「咁快夠鐘喇咩？仲有5分鐘喎」
「唔緊要啦
阿麗 我哋要走喇
我哋會再返嚟睇你」
我哋啲姊妹做得真係好呀
雖然佢哋仲有啲時間
但係佢哋都好願意合作
仲有啲乜嘢佢哋係可以做嘅呢？
呢個就帶出對人仁慈嘅第一步
將心比心
問吓自己
對方係咪經歷緊啲乜嘢事
佢哋嘅需要係乜嘢呢？
跟住 用心聆聽 真誠咁關心佢
「你哋走先啦
我想同佢傾吓」
「嗨」
「嗨」
「真係好多謝你呀
將我嘅朋友照顧得咁好」
「都冇咩嘢啫
對唔住 啱啱語氣重咗
只係我哋近排人手唔夠 壓力好大」
姊妹一句簡單嘅多謝
帶嚟好嘅結果
護士嘅態度軟化落嚟
如果有人向我哋講出佢自己嘅感受
我哋講嘢就要體貼 尊重對方
呢個就係第二步
我哋可以從人哋講嘅嘢知道
佢係咪真係關心我哋
所以要留意自己嘅語氣同用詞
唔好令對方感到唔舒服
「只係我哋近排人手唔夠 壓力好大」
「唔使講對唔住㗎
我諗做護士係一份好有意義嘅工作
不過就好辛苦」
「係呀 今日就特別辛苦」
「不如唞吓飲杯茶先啦」
「唉 頭先倒瀉咗
都未有時間去買返杯啊」
「哇 咁你真係忙到飛起喎
「係啊」
我叫敏儀啊」
「你好啊 我叫紫欣」
「唔阻你咁耐喇」
佢係咪做得好好呢？
姊妹令到其他人開心啲
佢了解咗個護士之後
可以點樣幫佢呢？
咁就嚟到第三步
對人仁慈除咗牽涉到態度同説話
仲牽涉到行動
所以我哋好想搵一啲機會
去幫身邊嘅人
當然咁係要付出時間、精力
同作出犧牲
不過 咁做係好值得㗎
「嗱 送俾你啊」
「哦 做咩咁客氣呀？」
「唔緊要 好小事啫」
「多謝你呀」
「可唔可以問你一樣嘢呀？」
「好呀」
「你哋探嗰個係邊個嚟㗎？
我見有好多人都嚟探佢喎」
「佢係我哋嘅好朋友
嗯 好似屋企人咁
我哋都係耶和華見證人嚟嘅」
「啊 你哋都係啲好好嘅人」
「多謝你啊」
「阿麗佢個人好好㗎」
我哋對其他人仁慈
一定要發自內心
雖然我哋咁樣做
未必次次都可以同人作見證
但係當對方感受到
我哋真係關心佢哋
就會更加願意聽吓
而家一齊翻溫吓
邊三樣係我哋要做嘅呢？
第一 要將心比心
諗吓佢哋有啲咩需要
關心啲乜嘢
如果佢哋講自己嘅睇法
留心聽啊
第二 講嘢要體貼 尊重對方
我哋講説話嘅語氣同用詞
反映出我哋係咪真係關心佢
第三 要樂於助人
搵機會去幫助其他人
咁做或者有可能同對方作見證
不過要記得
對我哋嚟講最重要嘅係
效法耶穌愛所有人
就好似經文話
「愛係仁慈嘅」
研讀同實踐上帝嘅話語
令我哋發自內心真誠噉關心人
今個月嘅挖掘寶藏
我哋會睇吓彌迦書
學識點樣留意同沉思經文嘅細節
講到彌迦書 你諗到咩呢？
我淨係知6:8係媽咪最鍾意嘅經文
但係我就唔知同聖經嘅主題
有咩關係嘞
咦 我都係喎
咁點樣研讀呢本書好呢？
通常第一步
我會先了解下嗰本書嘅寫作背景
好喎 了解彌迦書嘅寫作背景先
咁喺邊度可以搵到㗎？
可以先睇下彌迦書嘅參考經文
就會睇到歷代志下嘅27至29章
呢段經文講到
彌迦做先知嗰陣發生咗咩事
佢係喺約坦、亞哈斯、希西家
在位期間做先知嘅
亞哈斯唔係一個好嘅猶大王
唔單止係咁啊
佢仲用火燒自己嘅仔
將佢獻俾假神
其實當時嘅人民都好衰㗎
聖經話就算有啲好君王
好似約坦咁
但係人民仍然做啲敗壞嘅事
係啊
而彌迦嘅任務就係要指出佢哋嘅錯誤
佢亦都要宣告撒馬利亞
同耶路撒冷要被毀滅
但係耶和華仍然俾希望佢哋喎
冇錯啊 耶和華真係好有耐心
不過都係有限度㗎喎
嗯 因為耶和華係公正㗎
好想保護無辜嘅人
所以佢需要管教佢嘅子民
雖然係以色列人唔啱
但耶和華冇放棄佢哋
好想佢哋返去佢身邊
所以就叫彌迦寫低咗復興嘅預言
耶和華真係好啊！
彌迦佢好忠心咁
宣告耶和華嘅審判訊息
而佢講嘅同以賽亞講嘅有啲類似
例如 我留意到彌迦書4:1-3
基本上
同以賽亞書2:2-4講嘅預言差唔多
我今次睇先留意到咋
我好鍾意呢點啊
可以對比唔同嘅經文記載
我睇聖經其他部分嗰陣都想咁樣做啊
以賽亞早過彌迦做先知
就算彌迦講嘅訊息同佢講嘅好相似
彌迦都同以賽亞一樣
忠心咁照住耶和華嘅指示去做
啊 你話啲人會唔會話
彌迦 呢啲嘢以賽亞咪講過囉
可能㗎
不過彌迦或者會諗
耶和華好愛佢嘅子民
好想佢哋明白呢個預言
我喺彌迦身上學到
就算我哋傳道咗好多年
講嘅嘢睇落去一樣
但都唔好放棄
你呢？你又學到啲咩啊？
彌迦書有節經文 我覺得好深刻嘅
我打開俾你睇下吖
彌迦書3:5
「先知只要有嘢食
就宣告話平安嘞
邊個唔將食物送入佢哋嘅口入面
佢哋就向邊個宣戰」
嗯 點解你揀呢節經文嘅？
咁樣講好奇怪啊可？
係啦
有時睇到啲難明嘅經文都幾好㗎
因為咁樣可以幫我慢落嚟
慢慢諗下佢嘅意思
當一啲經文冇乜參考資料
或者我睇完都唔係好明
我就會分析每句嘅意思
諗下呢度其實講緊乜嘢呢？
咦好好喎
等我記低佢先
放慢速度 分析每句嘅意思
咁我哋一齊睇下第一句吖
耶和華話啲假先知
有嘢食先向人宣告平安
我見到「有嘢食」嘅腳註
意思係「牙齒有嘢可以咀嚼」
你覺得呢句説話係咩意思呢？
係咪啲人俾嘢假先知食
佢哋先會宣告平安啊？
啊 咁樣逐句睇又幾好喎
係啊 啲人如果俾著數佢哋
例如係送食物
啲假先知就會講好消息
冇著數嘅話
佢哋就會宣告災禍
佢哋呢啲咁自私嘅態度
真係同今日嘅人好似啊
呢節經文令我諗到
耶和華好重視我嘅動機
亦都好清楚 我點對其他人
我都要問下自己
我對人好係因為真係關心佢哋吖？
定係想人對返我好呢？
傳道嗰陣
我會先諗下自己鍾意點樣
定係願意付出多啲
例如學新嘅語言
或者喺人哋方便嘅時間去探佢哋
但係啲假先知就淨係諗自己
佢哋一啲都唔珍惜
為耶和華服務嘅機會
所以耶和華就審判佢哋
睇到耶和華咁關心佢嘅子民、咁公正
真係令人安慰
我亦都要反省下自己啊
所以點解媽咪咁鍾意彌迦書6:8
經文話
「世人啊
上帝已經話你知乜嘢係善
耶和華對你有乜嘢要求呢？
佢只係要你處事公正
喜愛忠貞
謙虛咁同你嘅上帝同行」
我都好鍾意呢節經文啊
就好似耶和華同我講
想人生有意義
跟住咁樣做就得㗎啦
冇錯啊
呢節經文總結咗我哋啱啱講嘅嘢
以色列人處事唔公正
耶和華就派彌迦去指出佢哋嘅錯誤
彌迦喜愛忠貞
跟住耶和華嘅指引
認真執行佢嘅任務
謙虛咁同上帝同行
哇 花少少時間
就可以喺彌迦書嗰度學到咁多嘢啦
係啊
我哋要記住了解寫作背景
對比唔同嘅記載
放慢速度 分析每句嘅意思
我都好鍾意咁樣研讀啊
你有冇時間啊？
我哋一齊再睇多啲
梗係好啦
一齊挖掘彌迦書嘅寶藏吖
沉思幫我哋將
聖經嘅真理同生活連接起嚟
你喺彌迦書又學到乜嘢呢？
跟住嘅早晨崇拜影片馬朗方弟兄
會講吓我哋沉思耶和華嘅愛
會得到咩益處
每一年嘅耶穌犧牲紀念聚會
都令我哋記得
耶和華同耶穌幾咁愛我哋
贖價呢個安排真係令我哋好感動
我哋好感激耶和華同耶穌
為我哋所做嘅一切
所以我哋好想以愛還愛 多謝佢哋
哥林多後書5:14,15
就話俾我哋知可以點樣做
請你打開聖經
到哥林多後書5:14,15
經文係噉講㗎
「基督嘅愛好似催逼住我哋
因為我哋斷定以往人人都已經死咗
於是有一個人代替所有人死嘞
佢代替所有人死
係要活人唔再為自己活
而係為代替佢哋死咗又復活嘅主活」
經文嘅第一部分好值得留意
佢一開頭就話
「基督嘅愛好似催逼住我哋」
要我哋唔好再為自己活
經文嘅意思
係咪話我哋被迫唔再為自己活呢？
又或者只係出於責任心
而去遵行耶和華上帝嘅旨意？
唔係 意思唔係噉樣呀
經文話「好似催逼我哋」
其實係表達一個人深受耶和華
同耶穌嘅愛觸動
覺得自己一定要做啲嘢報答佢哋
耶穌基督嘅贖價
咪就係噉樣深深觸動我哋囉
我哋好感激耶穌為我哋犧牲生命
所以我哋好想運用我哋嘅一生
遵行耶和華嘅旨意
用呢種方式
嚟表達我哋對佢哋兩位嘅感激之情
呢個就係保羅對贖價嘅感覺嘞
佢好熱切噉話俾人聽佢幾重視贖價
同埋贖價對佢個人帶嚟乜嘢益處
請打開你嘅聖經加拉太書第2章
加拉太書第2章
我哋會睇第20節
保羅就喺經文裏面
講到耶穌為佢做嘅事
經文話
「我已經同基督一齊釘喺木柱上面嘞
而家活著嘅唔再係我
而係喺我裏面活著嘅基督
而家我以肉身活著
係按照對上帝個仔嘅信心而活
佢愛我 為我犧牲咗自己」
保羅講嘅真係好有意思呀
保羅話耶穌係為佢犧牲㗎
我哋又係咪噉樣諗呢？
耶穌的確係為我哋每一個人犧牲生命
等我哋唔會因為自己嘅罪而死
另一點要記住嘅就係
基督嘅贖價清楚表明
耶和華上帝對人類真係非常慷慨㗎
由於佢嘅慷慨
我哋可以按照對上帝個仔嘅信心而活
耶和華係全宇宙當中最慷慨嘅個位
佢送俾我哋嘅禮物非常寶貴
哥林多後書9:15
就噉樣描述呢份禮物
經文話「願感謝歸於上帝
佢無償賜俾人嘅恩賜真係難以言喻」
講得真係啱呀
耶和華無償俾人嘅禮物
真係難而言喻
贖價呢份禮物太好喇！
佢帶嚟嘅所有益處同會成就嘅事
好到我哋根本都唔知用咩說話
去形容佢呀
《守望台》公眾版
2017年第2期第6頁
有一段說話提到贖價
我覺得非常好呀
等我讀俾大家聽吖 嗰度話
「有邊個送禮物嘅人
比耶和華地位更高
愛心更大嘅呢？
為咗送禮物
有邊個比耶和華做出更大嘅犧牲
又有邊一份禮物
能夠幫助人擺脫罪同死亡嘅枷鎖
滿足人最大嘅需要呢？
真係㗎
冇邊份禮物能夠同贖價相比
贖價的確係世上最寶貴嘅禮物」
《守望台》文章講得真係好呀
耶穌基督獻出嘅贖價
唔單止令我哋可以得到拯救
仲帶嚟好多好多奇妙嘅福分
例如我哋會恢復身心健康
地球會再次成為一個好靚嘅樂園
呢啲都係贖價嘅益處嚟㗎
而最令人期待嘅係我哋會見返
已經去世嘅親朋好友
上帝俾我哋贖價呢份禮物
真係好到難以言喻
呢份禮物咁寶貴
而家我哋得到嘞
會有咩感覺呢？
一齊聽吓使徒彼得點樣講吖
請大家打開聖經到彼得前書
彼得前書第1章
我哋會睇吓第8,9節
彼得講嘅呢番說話真係講得好好呀
佢話「你哋從來都冇見過佢」
講得啱吖
我哋真係從來冇見過耶穌呀
「但係就愛佢
而家睇唔見佢
但係就信從佢
而且歡欣鼓舞 擁有難以言喻
充滿榮耀嘅喜樂
同時努力達到信心嘅目標
亦即係得到拯救」
我哋有難以言喻嘅喜樂
點解會係噉嘅呢？
我哋停低落嚟諗吓
耶和華為我哋做過乜嘢
承諾將來會俾我哋乜嘢福分
將來嘅生活幾咁美好
就算係而家
佢都一直賜神聖力量俾我哋
等我哋可以崇拜佢 榮耀讚美佢
亦都可以享受生活嘅樂趣
你話幾咁好呢
真係㗎
只要我哋停低落嚟細心諗吓
耶和華為我哋所做嘅一切
仲有佢對未來嘅承諾
我哋就會充滿喜樂
而且內心安寧
耶和華嘅神聖力量
會令我哋得到難以言喻嘅喜樂
使我哋充滿感激之情全心信賴耶和華
羅馬書15:13就係噉講
經文話
「願賜人希望嘅上帝
因為你哋信賴佢
就令你哋滿懷喜樂同安寧
噉樣你哋就可以因為神聖力量
發揮嘅強大作用而充滿希望」
好大嘅福分呀！
耶和華上帝同基督耶穌
為我哋所做嘅一切事
都令我哋想以愛還愛
盡力榮耀佢嘅聖名 遵行佢嘅旨意
詩篇執筆者就講出我哋嘅心聲
請你打開聖經
到詩篇116:12,14
詩篇116:12,14
經文係噉講㗎
詩篇116:12話
「耶和華賜俾我一切恩惠
我攞乜嘢報答佢呢？」
然後你睇吓第14節經文點講
呢度講嘅係我哋要做嘅嘢
「我要喺上帝嘅所有子民面前
履行我向耶和華許下嘅誓願」
呢個誓願就係獻身嘅誓願
嚟到呢度我哋會點答呢個問題
我哋點樣報答耶和華呢？
就係一生都要遵行上帝嘅旨意
使耶和華同耶穌得到榮耀
呢個係耶和華上帝對我哋嘅期望
我哋亦都好想噉樣做嚟報答佢
我攞咩報答耶和華呢？
索瓦若夫婦經常問自己呢個問題
呢種感激之心
點樣令佢哋得到好多福份呢？
一齊睇吓
我父母都好熱心
所以我自細就好鍾意參與傳道工作
我爸爸每個星期總有一兩次放工返嚟之後
就會換衫跟住帶我出去傳道
我有機會可以認識真理
都係因為我媽媽
我喺屋企見到佢擺低嘅聖經刊物
就開始擺嚟睇啦
睇完之後 我同自己講
嘩！呢種生活真係好呀 我都想呀
我哋啱啱結婚嗰陣
大家都冇咩家庭責任
所以都覺得可以為耶和華做多啲
我哋都有擴大服務嘅心願
就決定一齊報名參加基列學校
畢業之後我哋就派咗去中非共和國
要學一種新嘅語言
喺嗰度我哋有好多聖經學生
多到都應付唔嚟
但係之後我病咗
當地嘅醫生話
無乜嘢可以幫到我
所以無辦法 我哋被迫要離開呢度
我哋好鐘意呢個地區
要離開真係好難
因為我哋都唔知
之後可以為耶和華做啲咩
我哋返番去原本嘅地區無耐
就有個分區大會
喺嗰度見返一個分區監督
佢係受邀嚟參加呢個大會嘅
佢由細睇住我大 好熟悉我
我諗佢留意到我唔開心
就走過嚟鼓勵我
佢同我講 你受過咁好嘅培訓
要將你學到嘅 繼續用返出嚟呀
唔好集中喺啲你做唔到嘅事上面
諗下你而家可以做到啲乜嘢吖
佢講嘅嘢幫咗我好多
慢慢我嘅健康好返啲
有返多啲體力
我哋就決定做返先驅喇
然之後 我工作上有啲改變
我哋就搬咗嚟美國呢個地方
我哋可以自己揀去邊個會眾
西班牙文、法文、英文都得
而西班牙文會眾幾個月前先至成立
所以我同太太就坐低傾下
既然我哋都接受過培訓
不如我哋去呢個新會眾幫吓手呀
講到學語言
太太就好有天份好快就學識啦
我就真係麻麻地
要俾好多好多心機去學先得
我哋喺呢個會眾已經有25年啦
啲西班牙文都算流利嘅
算係咁啦
我哋喺度都有好多美好嘅經歷
我同太太都好鍾意喺度服務
你知喇 人到咗呢個年紀
自自然然憂慮嘅嘢就會越嚟越多
不過耶和華一路都有幫我哋
同埋佢只係想我哋獻出我哋有嘅嘢
而唔係冇嘅
之後有服務嘅大會為我哋打開咗
咁我哋就試吓啦
喺我哋50幾歲嗰陣
我哋都喺建築隊度幫手
當時沃威克工程進行緊
好多弟兄姊妹報名參加
佢哋次次做完嘢返嚟都好開心㗎
不過佢都同我哋講係需要好多體力嘅
所以睇嚟我要鍛鍊吓身體先得
有啲嘢佢無講嘅
佢擺咗條梯喺廳度
呢個係佢嘅健身室
佢擒上擒落 又上又落 又上又落
做幾耐呢？每次都做成15分鐘
睇住佢口咁做 真係覺得好搞笑呀
點都好啦 佢為咗個工程咁努力
真係好抵讚呀
我哋兩個為耶和華服務嘅時間
加埋都超過100年喇
我哋一齊做過建築隊
參與過監獄見證同埋港口見證
咁多年嚟
我哋體會到
即使我哋盡力俾耶和華嘅唔多
但係佢俾返我哋嘅就更多
為佢服務令我哋人生充滿意義
我哋都仲係好熱心㗎
而且都好想幫啲年輕人
開開心心咁為耶和華服務
真㗎！ 做耶和華嘅工作
唔洗退休㗎！
你話幾好呢
喺人生當中最美好嘅事就係
為耶和華服務 所以繼續咁做啦！
索瓦若夫婦一直都好努力報答耶和華
今個月嘅音樂短片就係講吓
點樣衷心噉多謝耶和華嘅慷慨
天際映照著赤色金光
聞浪濤漫漫在拍岸
營火躍動熱暖於心窩
與清風輕拂鼓舞我
一切都令信心加添
你的良善 願留步體驗
深思所有你偉舉施展
向世間默默贈送 每天未變
耶和華仁厚無私
常常張手添暖意
從來沒有吝嗇
教我感激不褪色
我想去效學你慷慨地對待人
獻真愛哪怕犧牲 心中添興奮
時常行善與樂施
全都衷心決意
如你張手好施
你給我傾注美福多豐足
聖經每章每篇像金玉
當中真理煥發這心窩
似小溪涓涓滋養我
你慷慨普照著永生之光
我都盼幫每位燃亮希望
把好消息放聲宣講
每家每伙 願我徹底前往
請看
耶和華仁厚無私
常常張手添暖意
從來沒有吝嗇
教我感激不褪色
我想去效學你慷慨地對待人
獻真愛哪怕犧牲 心中添興奮
時常行善與樂施
全都衷心決意
如你張手好施
成我心中意思
如你張手好施
耶和華仁厚無私
常常張手添暖意
從來沒有吝嗇
教我感激不褪色
我想去效學你慷慨地對待人
送厚愛哪怕犧牲 心中添歡欣
時常行善與樂施
全都衷心決意
（耶和華張手厚贈）
常甘心施與 ooh
如你張手好施
耶和華俾咗好多嘢我哋
令我哋更加親近佢
佢俾佢嘅話語聖經我哋
裡面有好多實用嘅智慧
佢俾機會我哋對人仁慈
同埋有憐恤嘅心
佢亦都話俾我哋知
喺佢眼中我哋好寶貴
而家有份特別嘅禮物
想送俾你哋
呢份禮物就係
2026年「永恆幸福」區域大會嘅邀請影片
好多人覺得
生活上有好多開心嘅嘢
就自然會幸福
但係 如果突然之間遇到難題又點呢？
有冇可能永遠幸福快樂？
差唔多二千年前 耶穌話
同創造萬物嗰位做朋友
就會有真正嘅幸福快樂
「意識到自己需要上帝指引嘅人係有福嘅」
「性情溫和嘅人係有福嘅」
「表現憐憫嘅人係有福嘅」
「心地純潔嘅人係有福嘅」
「促進和睦嘅人係有福嘅」
耶穌講嘅說話喺今日仍然好實用
點解呢？
歡迎你嚟參加2026「永恆幸福」
耶和華見證人大會
呢個大會有唔同嘅聖經演講
訪問同埋影片
幫我哋明白
點解將耶穌教嘅用出嚟
就會搵到真正嘅幸福
世界各地都會舉行呢個大會
而且完全免費
你可以上jw.org網站
搵到離你最近嘅大會地點
我哋好歡迎你嚟參加
等我哋都邀請鄰居同埋屋企人
參加今次嘅區域大會吖
我哋好開心話俾大家知
2026年區域大會原創歌曲已經有喇
題目係《眼睛多歡喜》
呢首歌同歌詞
可以喺JW library應用程式
同JW網站下載
我哋預先喺屋企練習好呢首歌
就可以喺大會嗰陣大聲唱出嚟嘞
另外 如果《眼睛多歡喜》呢首原創歌曲
有你嘅語言版本
就會喺4月20號嗰個星期嘅周中聚會
作為結束嘅詩歌
今個月我哋會探吓
喺加勒比海最多遊客去嘅一個地方
就係多米尼加共和國
喺呢度你會見到
加勒比海地區最高嘅山峰
亦都有貴價嘅藍琥珀
當你行經高山同瀑布
你會見到好多呢度獨有嘅動物
例如 犀牛蜥蜴
海地溝齒鼩
仲有叫聲好響亮嘅棕櫚雀
多米尼加人友善、熱情又好客
俾你一種喺屋企嘅感覺
通常佢哋聚埋一齊嗰陣
都會準備桑科喬燉菜湯
佢哋好鍾意食㗎
梅倫格係一種起源
喺多米尼加共和國嘅音樂同舞蹈
亦都係佢哋生活嘅一部分
全世界只有多米尼加共和國嘅國旗
有一本聖經
嗰本聖經打開到約翰福音8:32
「真理會令你哋自由」
呢節經文喺呢度應驗咗
好多人由於認識聖經嘅真理
就擺脫咗愛國主義同錯誤宗教嘅影響
1945年4月
兩位特派傳道員
倫納特同佢太太弗吉妮亞
開始喺呢度傳道
佢哋嚟到呢度嘅第1日
就建立咗2個聖經課程
之後有更多嘅特派傳道員派到嚟
好多人都嚟到佢哋屋企參加聚會
只係過咗3年
當地就已經有大約110位熱心嘅傳道員
不過呢個引起咗反對者嘅注意
當時呢度係由獨裁者特魯希略統治㗎
佢大力迫害我哋嘅弟兄姊妹
佢嘅政權有梵蒂岡支持
係佢強大嘅後盾
當時所有教堂都被要求掛上一個牌寫住
「天上有上帝 地上有特魯希略」
但係我哋嘅弟兄姊妹冇噉樣做
政府喺1950年同1957年
分別兩次禁制我哋嘅活動
即使係噉
弟兄姊妹仍然繼續崇拜耶和華
小心噉傳道 亦都秘密印製書刊
睇吓呢段經歷重演吖
即使受到禁制
多米尼加共和國嘅弟兄姊妹
人數仍然不斷增加
喺1960年禁制撤銷嘞
今日當地有超過38000位傳道員
主持超過45000個聖經課程
呢度有唔同語言嘅會眾
包括西班牙語、海地克里奧爾語
美國手語、英語、普通話同俄語
康斯坦察係一個山上嘅小鎮
距離首都大約150公里
喺節目嘅最後
我哋探吓喺呢度嘅洛斯勞雷萊斯會眾
呢群會眾有134位傳道員
當中36位係正規先驅
每個月呢度嘅弟兄姊妹
平均主持超過170個聖經課程
喺呢度做傳道好開心㗎
唔單止係因為呢度嘅山景好靚
仲因為呢度有好多
好想認識上帝嘅人
康斯坦察洛斯勞雷萊斯會眾嘅弟兄姊妹
送上佢哋溫暖嘅愛心同問候
呢度係耶和華見證人
世界總部嘅JW電視

JW電視：2026年4月
- 

JW電視：2026年4月

歡迎收睇JW電視
今個月我哋睇吓耶和華幾愛我哋
我哋又點樣用佢嘅觀點睇自己
我哋亦會挖掘彌迦書嘅寶藏
學識點樣對人誠實同保持謙虛
亦都會睇吓只要對人好
就算係好小嘅事
都會有深遠嘅影響
你係咪好期待今個月嘅節目呢？
你有冇試過有呢個姊妹嘅感覺呢？
佢喺信度咁樣講
「無論我幾咁愛耶和華上帝
又或者幾咁努力為佢服務都好
我都硬係覺得自己做得唔夠好」
由於唔完美
有時我哋個心會話俾我哋聽
無論我哋幾咁努力
都唔會得到耶和華嘅認可
又或者你明知道
耶和華係樂於寬恕人嘅
但係都係會為以前做錯嘅事
覺得好內疚
我哋講錯嘅嘢
或者做錯嘅事  即使係好耐以前
都會喺我哋嘅腦海裏面不時出現
令我哋覺得好灰心沮喪
老實講  
我哋所有人有時都會遇到噉嘅情況嘅
點解咁樣講呢？
不如等我哋詳細分析一下
使徒約翰喺約翰一書3:19,20所寫嘅説話
我哋嘅演講就係根據呢啲經文講嘅
演講嘅題目係「上帝比我哋嘅心大」
約翰一書3:19,20話
「憑住呢一點
我哋就知道自己擁有真理
可以喺上帝面前放心
無論我哋嘅心係乜嘢事上
定我哋有罪  我哋都可以放心
因為上帝比我哋嘅心大  知道一切」
喺經文裏面使徒約翰話
「我哋嘅心」
「我哋可以喺上帝面前放心」
仲有我哋嘅心「定我哋有罪」
佢用「我哋」所以都包括約翰自己在內
佢都會灰心同埋自責
但係約翰都令我哋有理由相信
耶和華上帝係好珍視我哋㗎
約翰話「我哋知道自己擁有真理」㗎
你係點樣成為基督徒嘅呢？
我哋聽到聖經嘅真理  然後就接受喇
我哋對耶穌有信心  聽從佢嘅教導
亦都拒絕呢個世界嘅錯誤思想
仲有盡力效法基督
愛弟兄姊妹  同埋避免蓄意犯錯
所以我哋話「我哋擁有真理」㗎
真理徹底噉改變咗我同你
單係呢一點
就已經令我哋確信耶和華認可我哋
成為佢家庭嘅一份子
雖然係咁
我哋嘅心有陣時都會定自己有罪
點解會有噉嘅情況嘅呢？
就係同我哋嘅良心有關
好多時聖經講到「我哋嘅心」嗰陣
都係用嚟比喻我哋嘅內心
亦即係我哋真正嘅為人
1997年8月1號刊嘅《守望台》咁樣講
「聖經將良心同比喻嘅心相提並論
比喻嘅心包括我哋嘅感覺同情緒」
文章引錄咗羅馬書2:15
即使係嗰啲冇受摩西法典約束嘅人
良心都喺佢哋身上發揮作用
一齊睇吓羅馬書2:15  經文話
「佢哋嘅情況充分表明
法律嘅本質寫喺佢哋心裡面
佢哋嘅良心同佢哋一齊作證
於是  佢哋嘅思想指控自己有罪
或者裁定自己無罪」
上帝俾我哋嘅良心
可以裁定我哋有罪抑或冇罪
佢可以發出警告  提醒我哋唔好做錯事
如果我哋做錯咗  良心就會
發揮作用譴責我哋
當大衛喺山洞逃避掃羅追殺嘅時候
佢割咗掃羅外袍嘅一塊布
撒母耳記上24:5話
「之後  大衛心裡面一直自責」
又好似經文腳注噉講
「良心一直不安」
大衛嘅良心指責佢
唔尊重掃羅呢位上帝委任嘅君王
良心會令我哋審視自己
然後作出判決
人受良心譴責就可能會悔改
唔再做以前嘅錯事
另一方面
如果我哋嘅良心太過嚴格
就可能會被內疚感壓倒
以為自己無論點樣改過都冇用
上帝都唔會寬恕我哋
又或者我哋對自己太過嚴格
以為自己要做到完美
先可以令上帝高興
正如保羅喺羅馬書2:15講
良心可以裁定我哋有罪或者無罪
為咗幫我哋更好噉理解呢一點
試想像我哋喺法庭受審
我哋嘅良心就係法官喇
噉控辯雙方嘅證人又係邊個呢？
就係我哋嘅一啲諗法
有好嘅亦都有唔好嘅
一個好嘅法官一定會聽晒雙方嘅證詞
噉先可以作出一個公平嘅判決
但係如果個法官淨係聽嗰啲
指控我哋嘅人講嘅嘢  噉會點樣呢？
我哋嗰啲唔好嘅諗法
就好似不斷指控我哋嘅證人
話我哋應該受罰
「佢做過啲咩佢自己知喇
佢成日都係咁㗎
佢咁渣  諗埋啲唔好嘅嘢
呢啲人應該判佢坐一世監先啱」
而呢個法官就淨係聽頭先呢啲證詞
完全唔聽嗰啲為你辯護嘅人
噉判決當然就係
「罪名成立  判處監禁」
如果我哋嘅良心冇好好受到鍛鍊嘅話
都會好似嗰個唔公平嘅法官噉
判我哋入去「罪疚感」嘅監獄
令自己好灰心  好自責
呢啲感覺重複又重複
噉我哋就好難進步
你嘅良心係一位點樣嘅法官呢？
如果我哋鍛鍊好我哋嘅良心
噉就算自己有好負面嘅諗法
良心都唔會太過責怪自己
所以為咗令良心作出更加公平嘅裁決
淨係知道法律係唔夠㗎
我哋仲要認識耶和華
因為佢制定法律  係最大嘅法官
喺1976年9月1日刊嘅《守望台》英語版
有一篇文章題目係
「訓練自己嘅良心發揮更大功效」
其中一段噉樣講
「當我哋訓練自己嘅良心嗰陣
一定要記得上帝最大嘅特質  就係愛
呢個從聖經同佢對待忠僕嘅方式
可以清楚睇得出」
呢個就係關鍵喇
聖經話俾我哋知耶和華係公正嘅上帝
但係對待忠僕嗰陣佢就會通情達理
佢有忠貞之愛  充滿憐憫
做嘅每一件事都係出於愛心
我哋認識耶和華嘅特質多一啲嘅話
良心就能夠更加平衡噉判斷自己
做錯嘢嗰陣
我哋唔會為自己去搵藉口
但係同時
亦都唔會太過嚴苛咁樣責怪自己
講返頭先嘅比喻吖
一個認識耶和華嘅好法官
都會聽吓為我哋辯護嘅人點講
呢啲證人可能會話
「等等先  法官
唔可以淨係用佢以前嘅錯嚟審判佢㗎
佢已經付出咗代價
亦都因為以前嘅錯內疚咗好耐
過去咗嘅事係改變唔到嘅
但係佢而家已經完全改變晒
用行動證明佢悔改咗
係時候將以前嘅事抹走喇」
認識耶和華同埋知道佢好熟悉我哋
會令我哋覺得好放心
因為無論我哋嘅心喺乜嘢事上面
定我哋有罪
上帝都比我哋嘅心大  知道一切
佢好願意寬恕我哋
呢個係咪令你好安心呢？
耶和華好清楚我哋內心深處嘅為人
佢係睇到我哋嘅過錯
但都睇到我哋嘅動機
我哋嘅感覺想做啱嘅事嘅願望
同埋我哋嘅潛質
佢亦都睇到所有影響我哋行動嘅因素
包括一啲我哋控制唔到嘅嘢
例如因為遺傳嘅罪而唔完美
關於耶和華嘅憐憫之心
《洞悉聖經》喺「慈悲」嘅條目度咁樣講
「人類最根本
最嚴重嘅先天缺陷
就係從始祖亞當嗰度遺傳咗罪
因為噉  人類嘅處境非常可憐
亦都好無助  耶和華好有憐憫嘅心
所以佢採取行動
俾人有機會擺脫罪帶嚟嘅缺陷」
亦即係話耶和華將我哋睇成
有某種程度嘅缺陷
呢個推動佢對我哋表現憐憫
我哋嚟睇吓一個例子
就會睇出耶和華上帝
真係比佢僕人嘅心大
我哋睇吓使徒彼得嘅經歷吖
喺嗰個最令佢後悔嘅夜晚
佢唔單止一次  而係三次
假扮自己唔認識耶穌
嗰一刻耶穌擰轉身望住彼得
彼得亦都望返佢
彼得肯定永遠都唔會忘記嗰一晚
會唔會之後每一次
當彼得聽到雞叫嗰陣
就會諗返起嗰晚嘅情景呢？
佢又會唔會不停咁諗返起
嗰晚自己做咗乜嘢？
聽到自己話
「我唔識佢㗎  我都唔知你講乜」
可能係  我哋都唔肯定
但我哋肯定嘅係
耶穌幫助彼得克服咗過度內疚嘅感覺
就喺耶穌復活嘅嗰一日
佢私下去見彼得
亦都肯定有俾機會彼得
講吓自己心入面嘅感覺
聖經冇記載佢哋傾咗乜嘢
但係彼得肯定唔會忘記呢一次嘅對話
而約翰福音21章記載
耶穌俾機會彼得喺一班門徒面前
表達對耶穌嘅愛
而彼得亦都三次咁樣講
之後耶穌就喺其他使徒面前
將一個重要嘅任務交俾彼得
彼得終於唔使再成日諗住話
「我唔識佢㗎  我都唔知你講乜」
而家佢有一段美好嘅回憶
可以經常喺腦入面循環播放
耶和華就係通過耶穌基督
令彼得可以相信
上帝比佢唔完美嘅心大
總結一下  今日學到乜嘢吖
好嘅良心唔會由得自己做咩都得
但亦都唔會對自己太過嚴格
我哋一定要學識
用耶和華嘅觀點睇自己
亦都要相信佢會好欣賞我哋
為佢付出嘅點點滴滴
佢唔會好嚴格咁審判我哋
真係㗎  聖經講得一啲都冇錯
「上帝比我哋嘅心大」
耶和華好愛我哋
用咗好多方法幫助我哋
喜樂又自信噉崇拜佢
就等我哋接受呢份愛喇
有時我哋都會覺得自己冇咩價值㗎
一齊睇吓弟兄姊妹點樣克服呢種感覺
我知道自己係有啲唔妥㗎喇
不過只係一種感覺
其他人唔知嘅
但係又解決唔到
本來我哋嘅生活好幸福
我哋有兩個女  我老公係長老
我就做先驅
不過有一日  好突然
真係好突然  佢死咗
嗰一刻  我做咗寡婦
我好唔鍾意呢個身份
聽起嚟好可憐
我覺得自己好冇價值
好迷惘  唔知點噉
細個嗰陣
本身應該好好照顧我嘅人
無履行佢嘅責任
佢成日都令我覺得自己好冇用
咩都做得唔好
喺噉嘅環境長大
令我到而家都有呢啲感覺
周不時都要應付一啲消極嘅情緒
喺22歲嗰陣
我被確診患有強迫症
呢個病會令我對所有嘢都產生懷疑
個腦由朝到晚不斷噉喺度諗
我係咪做錯咗啲乜嘢呢
有時甚至想報警話自己犯咗法
一日到黑不斷噉懷疑自己
噉樣嘅生活  真係好痛苦
每日我都要逼自己
唔好諗啲消極嘅嘢
我經常都要努力同個病搏鬥
我好想話俾人知我冇事呀
我幾好呀  不過事實唔係
如果冇咗耶和華同弟兄姊妹
噉我就真係乜嘢都做唔到喇
我有個朋友同我一樣有呢個病
我發現佢有同我一樣嘅經歷
一樣嘅感覺
終於有人明白我喇
我覺得好好多
我相信係耶和華賜呢個朋友俾我㗎
我會發訊息話俾朋友知我好唔開心
其實我都唔知我想點
佢哋就話
「唔緊要  我喺度  慢慢講吖」
有時會眾將啲工作交俾我嗰陣
我會覺得其他人更加有資格
做得更加好
我？唔得㗎
不過我知道耶和華睇到我付出嘅努力
我好認同啟示錄4:11話
「耶和華配受榮耀  尊崇  力量」
我知道佢好珍視我為佢做嘅所有嘢
而佢亦都係配得㗎
就算我哋覺得自己無乜價值
只要盡咗力  耶和華都會好開心
去聚會所同弟兄姊妹一齊
崇拜耶和華好重要
就算你知道聚緊會
或者唱詩嗰陣一定會喊
噉咪喊出嚟囉  冇問題
有情緒係好正常㗎嘛
其實噉樣反而能夠拉近同弟兄姊妹
仲有同耶和華嘅關係
每一日都要用耶和華嘅觀點去睇自己
經常禱告  同埋知道耶和華明白我
幫到我好多呀
有時我覺得好焦慮  好緊張嗰陣
會禱告求耶和華幫我冷靜落嚟
另外  睇到耶和華回應咗我嘅禱告
俾我好大嘅力量
嘩！
每次諗起我都覺得好感動
當我好需要一啲嘢
我冇同其他人講過
只係禱告求耶和華幫我
然後嗰樣嘢就出現
噉就證明耶和華任何時候都喺我身邊
喺約翰福音17章
記載咗耶穌被處決之前
佢向天父耶和華禱告
喺嗰度我睇到佢哋嘅關係非常之親密
我都好想  而且好需要
同耶和華有咁親密嘅關係呀
我睇晒聖經入面關於一啲寡婦嘅記載
呢個令我開始明白
耶和華對寡婦嘅睇法
同呢個世界嘅人真係好唔同
耶和華制定咗一啲法律
要以色列人善待啲寡婦
呢啲都話緊俾我聽
耶和華好關心我
我對呢個身份嘅睇法
同以前唔同咗喇
我知道耶和華好愛  同埋好照顧我
你可能覺得自己無乜價值
但係耶和華就覺得你好寶貴
佢可以幫你更加積極噉睇自己
佢嘅愛可以消除任何負面嘅情緒
耶和華嘅思想比我哋高明好多
我哋覺得開心  唔開心
憂慮  痛苦
無論有咩感覺  佢都知道
要記得耶和華好愛你
我哋通過禱告  同埋身邊嘅朋友
就會感受到耶和華嘅愛
好似喺影片入面
伍德姊妹都感受到
耶和華嘅愛同保護
呢位姊妹訪問嘅完整版
會喺呢個月較後時間上載到JW網站
一定會學到更加多嘢㗎
當有人對我哋好
我哋自然都想對其他人好㗎
喺呢一集嘅《鐵磨鐵，磨得鋒利》
會學吓點樣效法耶和華嘅仁慈
大家好  歡迎收睇《鐵磨鐵  磨得鋒利》
今日我哋會講吓一個特質
呢個特質令到有罪嘅人、有病嘅人
小朋友都想親近耶穌
就係仁慈
同天父一樣
耶穌仁慈咁對待好人同埋壞人
耶穌對人仁慈
唔係因為對方首先對佢好
或者鍾意佢
相反
耶穌總係對人仁慈
係因為佢知道呢種特質能夠造益人
同埋為天父帶嚟讚美
咁我哋呢
幾時要對人仁慈同對邊個呢
「唔好意思  探訪時間完嘞
你哋個個都要走」
「哦  對唔住」
「咁快夠鐘喇咩？仲有5分鐘喎」
「唔緊要啦
阿麗  我哋要走喇
我哋會再返嚟睇你」
我哋啲姊妹做得真係好呀
雖然佢哋仲有啲時間
但係佢哋都好願意合作
仲有啲乜嘢佢哋係可以做嘅呢？
呢個就帶出對人仁慈嘅第一步
將心比心
問吓自己
對方係咪經歷緊啲乜嘢事
佢哋嘅需要係乜嘢呢？
跟住  用心聆聽  真誠咁關心佢
「你哋走先啦
我想同佢傾吓」
「嗨」
「嗨」
「真係好多謝你呀
將我嘅朋友照顧得咁好」
「都冇咩嘢啫
對唔住  啱啱語氣重咗
只係我哋近排人手唔夠  壓力好大」
姊妹一句簡單嘅多謝
帶嚟好嘅結果
護士嘅態度軟化落嚟
如果有人向我哋講出佢自己嘅感受
我哋講嘢就要體貼  尊重對方
呢個就係第二步
我哋可以從人哋講嘅嘢知道
佢係咪真係關心我哋
所以要留意自己嘅語氣同用詞
唔好令對方感到唔舒服
「只係我哋近排人手唔夠  壓力好大」
「唔使講對唔住㗎
我諗做護士係一份好有意義嘅工作
不過就好辛苦」
「係呀  今日就特別辛苦」
「不如唞吓飲杯茶先啦」
「唉  頭先倒瀉咗
都未有時間去買返杯啊」
「哇  咁你真係忙到飛起喎
「係啊」
我叫敏儀啊」
「你好啊  我叫紫欣」
「唔阻你咁耐喇」
佢係咪做得好好呢？
姊妹令到其他人開心啲
佢了解咗個護士之後
可以點樣幫佢呢？
咁就嚟到第三步
對人仁慈除咗牽涉到態度同説話
仲牽涉到行動
所以我哋好想搵一啲機會
去幫身邊嘅人
當然咁係要付出時間、精力
同作出犧牲
不過  咁做係好值得㗎
「嗱  送俾你啊」
「哦  做咩咁客氣呀？」
「唔緊要  好小事啫」
「多謝你呀」
「可唔可以問你一樣嘢呀？」
「好呀」
「你哋探嗰個係邊個嚟㗎？
我見有好多人都嚟探佢喎」
「佢係我哋嘅好朋友
嗯  好似屋企人咁
我哋都係耶和華見證人嚟嘅」
「啊  你哋都係啲好好嘅人」
「多謝你啊」
「阿麗佢個人好好㗎」
我哋對其他人仁慈
一定要發自內心
雖然我哋咁樣做
未必次次都可以同人作見證
但係當對方感受到
我哋真係關心佢哋
就會更加願意聽吓
而家一齊翻溫吓
邊三樣係我哋要做嘅呢？
第一  要將心比心
諗吓佢哋有啲咩需要
關心啲乜嘢
如果佢哋講自己嘅睇法
留心聽啊
第二  講嘢要體貼  尊重對方
我哋講説話嘅語氣同用詞
反映出我哋係咪真係關心佢
第三  要樂於助人
搵機會去幫助其他人
咁做或者有可能同對方作見證
不過要記得
對我哋嚟講最重要嘅係
效法耶穌愛所有人
就好似經文話
「愛係仁慈嘅」
研讀同實踐上帝嘅話語
令我哋發自內心真誠噉關心人
今個月嘅挖掘寶藏
我哋會睇吓彌迦書
學識點樣留意同沉思經文嘅細節
講到彌迦書  你諗到咩呢？
我淨係知6:8係媽咪最鍾意嘅經文
但係我就唔知同聖經嘅主題
有咩關係嘞
咦  我都係喎
咁點樣研讀呢本書好呢？
通常第一步
我會先了解下嗰本書嘅寫作背景
好喎  了解彌迦書嘅寫作背景先
咁喺邊度可以搵到㗎？
可以先睇下彌迦書嘅參考經文
就會睇到歷代志下嘅27至29章
呢段經文講到
彌迦做先知嗰陣發生咗咩事
佢係喺約坦、亞哈斯、希西家
在位期間做先知嘅
亞哈斯唔係一個好嘅猶大王
唔單止係咁啊
佢仲用火燒自己嘅仔
將佢獻俾假神
其實當時嘅人民都好衰㗎
聖經話就算有啲好君王
好似約坦咁
但係人民仍然做啲敗壞嘅事
係啊  
而彌迦嘅任務就係要指出佢哋嘅錯誤
佢亦都要宣告撒馬利亞
同耶路撒冷要被毀滅
但係耶和華仍然俾希望佢哋喎
冇錯啊  耶和華真係好有耐心
不過都係有限度㗎喎
嗯  因為耶和華係公正㗎
好想保護無辜嘅人
所以佢需要管教佢嘅子民
雖然係以色列人唔啱
但耶和華冇放棄佢哋
好想佢哋返去佢身邊
所以就叫彌迦寫低咗復興嘅預言
耶和華真係好啊！
彌迦佢好忠心咁
宣告耶和華嘅審判訊息
而佢講嘅同以賽亞講嘅有啲類似
例如  我留意到彌迦書4:1-3
基本上
同以賽亞書2:2-4講嘅預言差唔多
我今次睇先留意到咋
我好鍾意呢點啊
可以對比唔同嘅經文記載
我睇聖經其他部分嗰陣都想咁樣做啊
以賽亞早過彌迦做先知
就算彌迦講嘅訊息同佢講嘅好相似
彌迦都同以賽亞一樣
忠心咁照住耶和華嘅指示去做
啊  你話啲人會唔會話
彌迦  呢啲嘢以賽亞咪講過囉
可能㗎
不過彌迦或者會諗
耶和華好愛佢嘅子民
好想佢哋明白呢個預言
我喺彌迦身上學到
就算我哋傳道咗好多年
講嘅嘢睇落去一樣
但都唔好放棄
你呢？你又學到啲咩啊？
彌迦書有節經文  我覺得好深刻嘅
我打開俾你睇下吖
彌迦書3:5
「先知只要有嘢食
就宣告話平安嘞
邊個唔將食物送入佢哋嘅口入面
佢哋就向邊個宣戰」
嗯  點解你揀呢節經文嘅？
咁樣講好奇怪啊可？
係啦
有時睇到啲難明嘅經文都幾好㗎
因為咁樣可以幫我慢落嚟
慢慢諗下佢嘅意思
當一啲經文冇乜參考資料
或者我睇完都唔係好明
我就會分析每句嘅意思
諗下呢度其實講緊乜嘢呢？
咦好好喎 
等我記低佢先
放慢速度  分析每句嘅意思
咁我哋一齊睇下第一句吖
耶和華話啲假先知
有嘢食先向人宣告平安
我見到「有嘢食」嘅腳註
意思係「牙齒有嘢可以咀嚼」
你覺得呢句説話係咩意思呢？
係咪啲人俾嘢假先知食
佢哋先會宣告平安啊？
啊  咁樣逐句睇又幾好喎
係啊  啲人如果俾著數佢哋
例如係送食物
啲假先知就會講好消息
冇著數嘅話
佢哋就會宣告災禍
佢哋呢啲咁自私嘅態度
真係同今日嘅人好似啊
呢節經文令我諗到
耶和華好重視我嘅動機
亦都好清楚  我點對其他人
我都要問下自己
我對人好係因為真係關心佢哋吖？
定係想人對返我好呢？
傳道嗰陣
我會先諗下自己鍾意點樣
定係願意付出多啲
例如學新嘅語言
或者喺人哋方便嘅時間去探佢哋
但係啲假先知就淨係諗自己
佢哋一啲都唔珍惜
為耶和華服務嘅機會
所以耶和華就審判佢哋
睇到耶和華咁關心佢嘅子民、咁公正
真係令人安慰
我亦都要反省下自己啊
所以點解媽咪咁鍾意彌迦書6:8
經文話
「世人啊
上帝已經話你知乜嘢係善
耶和華對你有乜嘢要求呢？
佢只係要你處事公正
喜愛忠貞
謙虛咁同你嘅上帝同行」
我都好鍾意呢節經文啊
就好似耶和華同我講
想人生有意義
跟住咁樣做就得㗎啦
冇錯啊  
呢節經文總結咗我哋啱啱講嘅嘢
以色列人處事唔公正
耶和華就派彌迦去指出佢哋嘅錯誤
彌迦喜愛忠貞
跟住耶和華嘅指引
認真執行佢嘅任務
謙虛咁同上帝同行
哇  花少少時間
就可以喺彌迦書嗰度學到咁多嘢啦
係啊  
我哋要記住了解寫作背景
對比唔同嘅記載
放慢速度  分析每句嘅意思
我都好鍾意咁樣研讀啊
你有冇時間啊？
我哋一齊再睇多啲
梗係好啦
一齊挖掘彌迦書嘅寶藏吖
沉思幫我哋將
聖經嘅真理同生活連接起嚟
你喺彌迦書又學到乜嘢呢？
跟住嘅早晨崇拜影片馬朗方弟兄
會講吓我哋沉思耶和華嘅愛
會得到咩益處
每一年嘅耶穌犧牲紀念聚會 
都令我哋記得
耶和華同耶穌幾咁愛我哋
贖價呢個安排真係令我哋好感動
我哋好感激耶和華同耶穌
為我哋所做嘅一切
所以我哋好想以愛還愛  多謝佢哋
哥林多後書5:14,15
就話俾我哋知可以點樣做
請你打開聖經
到哥林多後書5:14,15
經文係噉講㗎
「基督嘅愛好似催逼住我哋
因為我哋斷定以往人人都已經死咗
於是有一個人代替所有人死嘞
佢代替所有人死
係要活人唔再為自己活
而係為代替佢哋死咗又復活嘅主活」
經文嘅第一部分好值得留意
佢一開頭就話
「基督嘅愛好似催逼住我哋」
要我哋唔好再為自己活
經文嘅意思
係咪話我哋被迫唔再為自己活呢？
又或者只係出於責任心
而去遵行耶和華上帝嘅旨意？
唔係  意思唔係噉樣呀
經文話「好似催逼我哋」
其實係表達一個人深受耶和華
同耶穌嘅愛觸動
覺得自己一定要做啲嘢報答佢哋
耶穌基督嘅贖價
咪就係噉樣深深觸動我哋囉
我哋好感激耶穌為我哋犧牲生命
所以我哋好想運用我哋嘅一生
遵行耶和華嘅旨意
用呢種方式
嚟表達我哋對佢哋兩位嘅感激之情
呢個就係保羅對贖價嘅感覺嘞
佢好熱切噉話俾人聽佢幾重視贖價
同埋贖價對佢個人帶嚟乜嘢益處
請打開你嘅聖經加拉太書第2章
加拉太書第2章
我哋會睇第20節
保羅就喺經文裏面
講到耶穌為佢做嘅事
經文話
「我已經同基督一齊釘喺木柱上面嘞
而家活著嘅唔再係我
而係喺我裏面活著嘅基督
而家我以肉身活著
係按照對上帝個仔嘅信心而活
佢愛我  為我犧牲咗自己」
保羅講嘅真係好有意思呀
保羅話耶穌係為佢犧牲㗎
我哋又係咪噉樣諗呢？
耶穌的確係為我哋每一個人犧牲生命
等我哋唔會因為自己嘅罪而死
另一點要記住嘅就係
基督嘅贖價清楚表明
耶和華上帝對人類真係非常慷慨㗎
由於佢嘅慷慨
我哋可以按照對上帝個仔嘅信心而活
耶和華係全宇宙當中最慷慨嘅個位
佢送俾我哋嘅禮物非常寶貴
哥林多後書9:15
就噉樣描述呢份禮物
經文話「願感謝歸於上帝
佢無償賜俾人嘅恩賜真係難以言喻」
講得真係啱呀
耶和華無償俾人嘅禮物
真係難而言喻
贖價呢份禮物太好喇！
佢帶嚟嘅所有益處同會成就嘅事
好到我哋根本都唔知用咩說話
去形容佢呀
《守望台》公眾版
2017年第2期第6頁
有一段說話提到贖價
我覺得非常好呀
等我讀俾大家聽吖  嗰度話
「有邊個送禮物嘅人
 比耶和華地位更高
愛心更大嘅呢？
為咗送禮物
有邊個比耶和華做出更大嘅犧牲
又有邊一份禮物
能夠幫助人擺脫罪同死亡嘅枷鎖
滿足人最大嘅需要呢？
真係㗎
冇邊份禮物能夠同贖價相比
贖價的確係世上最寶貴嘅禮物」
《守望台》文章講得真係好呀
耶穌基督獻出嘅贖價
唔單止令我哋可以得到拯救
仲帶嚟好多好多奇妙嘅福分
例如我哋會恢復身心健康
地球會再次成為一個好靚嘅樂園
呢啲都係贖價嘅益處嚟㗎
而最令人期待嘅係我哋會見返
已經去世嘅親朋好友
上帝俾我哋贖價呢份禮物
真係好到難以言喻
呢份禮物咁寶貴
而家我哋得到嘞
會有咩感覺呢？
一齊聽吓使徒彼得點樣講吖
請大家打開聖經到彼得前書
彼得前書第1章
我哋會睇吓第8,9節
彼得講嘅呢番說話真係講得好好呀
佢話「你哋從來都冇見過佢」
講得啱吖
我哋真係從來冇見過耶穌呀
「但係就愛佢
而家睇唔見佢
但係就信從佢
而且歡欣鼓舞  擁有難以言喻
充滿榮耀嘅喜樂
同時努力達到信心嘅目標
亦即係得到拯救」
我哋有難以言喻嘅喜樂
點解會係噉嘅呢？
我哋停低落嚟諗吓
耶和華為我哋做過乜嘢
承諾將來會俾我哋乜嘢福分
將來嘅生活幾咁美好
就算係而家
佢都一直賜神聖力量俾我哋
等我哋可以崇拜佢  榮耀讚美佢
亦都可以享受生活嘅樂趣
你話幾咁好呢
真係㗎
只要我哋停低落嚟細心諗吓
耶和華為我哋所做嘅一切
仲有佢對未來嘅承諾
我哋就會充滿喜樂
而且內心安寧
耶和華嘅神聖力量
會令我哋得到難以言喻嘅喜樂
使我哋充滿感激之情全心信賴耶和華
羅馬書15:13就係噉講
經文話
「願賜人希望嘅上帝
因為你哋信賴佢
就令你哋滿懷喜樂同安寧
噉樣你哋就可以因為神聖力量
發揮嘅強大作用而充滿希望」
好大嘅福分呀！
耶和華上帝同基督耶穌
為我哋所做嘅一切事
都令我哋想以愛還愛
盡力榮耀佢嘅聖名  遵行佢嘅旨意
詩篇執筆者就講出我哋嘅心聲
請你打開聖經
到詩篇116:12,14
詩篇116:12,14
經文係噉講㗎
詩篇116:12話
「耶和華賜俾我一切恩惠
我攞乜嘢報答佢呢？」
然後你睇吓第14節經文點講
呢度講嘅係我哋要做嘅嘢
「我要喺上帝嘅所有子民面前
履行我向耶和華許下嘅誓願」
呢個誓願就係獻身嘅誓願
嚟到呢度我哋會點答呢個問題
我哋點樣報答耶和華呢？
就係一生都要遵行上帝嘅旨意
使耶和華同耶穌得到榮耀
呢個係耶和華上帝對我哋嘅期望
我哋亦都好想噉樣做嚟報答佢
我攞咩報答耶和華呢？
索瓦若夫婦經常問自己呢個問題
呢種感激之心
點樣令佢哋得到好多福份呢？
一齊睇吓
我父母都好熱心
所以我自細就好鍾意參與傳道工作
我爸爸每個星期總有一兩次放工返嚟之後
就會換衫跟住帶我出去傳道
我有機會可以認識真理
都係因為我媽媽
我喺屋企見到佢擺低嘅聖經刊物
就開始擺嚟睇啦
睇完之後  我同自己講
嘩！呢種生活真係好呀  我都想呀
我哋啱啱結婚嗰陣
大家都冇咩家庭責任
所以都覺得可以為耶和華做多啲
我哋都有擴大服務嘅心願
就決定一齊報名參加基列學校
畢業之後我哋就派咗去中非共和國
要學一種新嘅語言
喺嗰度我哋有好多聖經學生
多到都應付唔嚟
但係之後我病咗
當地嘅醫生話
無乜嘢可以幫到我
所以無辦法  我哋被迫要離開呢度
我哋好鐘意呢個地區
要離開真係好難
因為我哋都唔知
之後可以為耶和華做啲咩
我哋返番去原本嘅地區無耐
就有個分區大會
喺嗰度見返一個分區監督
佢係受邀嚟參加呢個大會嘅
佢由細睇住我大  好熟悉我
我諗佢留意到我唔開心
就走過嚟鼓勵我
佢同我講  你受過咁好嘅培訓
要將你學到嘅  繼續用返出嚟呀
唔好集中喺啲你做唔到嘅事上面
諗下你而家可以做到啲乜嘢吖
佢講嘅嘢幫咗我好多
慢慢我嘅健康好返啲
有返多啲體力
我哋就決定做返先驅喇
然之後  我工作上有啲改變
我哋就搬咗嚟美國呢個地方
我哋可以自己揀去邊個會眾
西班牙文、法文、英文都得
而西班牙文會眾幾個月前先至成立
所以我同太太就坐低傾下
既然我哋都接受過培訓
不如我哋去呢個新會眾幫吓手呀
講到學語言
太太就好有天份好快就學識啦
我就真係麻麻地  
要俾好多好多心機去學先得
我哋喺呢個會眾已經有25年啦
啲西班牙文都算流利嘅
算係咁啦
我哋喺度都有好多美好嘅經歷
我同太太都好鍾意喺度服務
你知喇  人到咗呢個年紀
自自然然憂慮嘅嘢就會越嚟越多
不過耶和華一路都有幫我哋
同埋佢只係想我哋獻出我哋有嘅嘢
而唔係冇嘅
之後有服務嘅大會為我哋打開咗
咁我哋就試吓啦
喺我哋50幾歲嗰陣
我哋都喺建築隊度幫手
當時沃威克工程進行緊
好多弟兄姊妹報名參加
佢哋次次做完嘢返嚟都好開心㗎
不過佢都同我哋講係需要好多體力嘅
所以睇嚟我要鍛鍊吓身體先得
有啲嘢佢無講嘅
佢擺咗條梯喺廳度
呢個係佢嘅健身室
佢擒上擒落  又上又落  又上又落
做幾耐呢？每次都做成15分鐘
睇住佢口咁做  真係覺得好搞笑呀
點都好啦  佢為咗個工程咁努力
真係好抵讚呀
我哋兩個為耶和華服務嘅時間
加埋都超過100年喇
我哋一齊做過建築隊
參與過監獄見證同埋港口見證
咁多年嚟
我哋體會到
即使我哋盡力俾耶和華嘅唔多
但係佢俾返我哋嘅就更多
為佢服務令我哋人生充滿意義
我哋都仲係好熱心㗎
而且都好想幫啲年輕人
開開心心咁為耶和華服務
真㗎！  做耶和華嘅工作
唔洗退休㗎！
你話幾好呢
喺人生當中最美好嘅事就係
為耶和華服務  所以繼續咁做啦！
索瓦若夫婦一直都好努力報答耶和華
今個月嘅音樂短片就係講吓
點樣衷心噉多謝耶和華嘅慷慨
天際映照著赤色金光
聞浪濤漫漫在拍岸
營火躍動熱暖於心窩
與清風輕拂鼓舞我
一切都令信心加添
你的良善  願留步體驗
深思所有你偉舉施展
向世間默默贈送  每天未變
耶和華仁厚無私
常常張手添暖意
從來沒有吝嗇
教我感激不褪色
我想去效學你慷慨地對待人
獻真愛哪怕犧牲  心中添興奮
時常行善與樂施
全都衷心決意
如你張手好施
你給我傾注美福多豐足
聖經每章每篇像金玉
當中真理煥發這心窩
似小溪涓涓滋養我
你慷慨普照著永生之光
我都盼幫每位燃亮希望
把好消息放聲宣講
每家每伙  願我徹底前往
請看
耶和華仁厚無私
常常張手添暖意
從來沒有吝嗇
教我感激不褪色
我想去效學你慷慨地對待人
獻真愛哪怕犧牲  心中添興奮
時常行善與樂施
全都衷心決意
如你張手好施
成我心中意思
如你張手好施
耶和華仁厚無私
常常張手添暖意
從來沒有吝嗇
教我感激不褪色
我想去效學你慷慨地對待人
送厚愛哪怕犧牲  心中添歡欣
時常行善與樂施
全都衷心決意
（耶和華張手厚贈）
常甘心施與  ooh
如你張手好施
耶和華俾咗好多嘢我哋
令我哋更加親近佢
佢俾佢嘅話語聖經我哋
裡面有好多實用嘅智慧
佢俾機會我哋對人仁慈
同埋有憐恤嘅心
佢亦都話俾我哋知
喺佢眼中我哋好寶貴
而家有份特別嘅禮物
想送俾你哋
呢份禮物就係
2026年「永恆幸福」區域大會嘅邀請影片
好多人覺得
生活上有好多開心嘅嘢
就自然會幸福
但係  如果突然之間遇到難題又點呢？
有冇可能永遠幸福快樂？
差唔多二千年前  耶穌話
同創造萬物嗰位做朋友
就會有真正嘅幸福快樂
「意識到自己需要上帝指引嘅人係有福嘅」
「性情溫和嘅人係有福嘅」
「表現憐憫嘅人係有福嘅」
「心地純潔嘅人係有福嘅」
「促進和睦嘅人係有福嘅」
耶穌講嘅說話喺今日仍然好實用
點解呢？
歡迎你嚟參加2026「永恆幸福」
耶和華見證人大會
呢個大會有唔同嘅聖經演講
訪問同埋影片
幫我哋明白
點解將耶穌教嘅用出嚟
就會搵到真正嘅幸福
世界各地都會舉行呢個大會
而且完全免費
你可以上jw.org網站
搵到離你最近嘅大會地點
我哋好歡迎你嚟參加
等我哋都邀請鄰居同埋屋企人
參加今次嘅區域大會吖
我哋好開心話俾大家知
2026年區域大會原創歌曲已經有喇
題目係《眼睛多歡喜》
呢首歌同歌詞
可以喺JW library應用程式
同JW網站下載
我哋預先喺屋企練習好呢首歌
就可以喺大會嗰陣大聲唱出嚟嘞
另外  如果《眼睛多歡喜》呢首原創歌曲
有你嘅語言版本
就會喺4月20號嗰個星期嘅周中聚會
作為結束嘅詩歌
今個月我哋會探吓
喺加勒比海最多遊客去嘅一個地方
就係多米尼加共和國
喺呢度你會見到
加勒比海地區最高嘅山峰
亦都有貴價嘅藍琥珀
當你行經高山同瀑布
你會見到好多呢度獨有嘅動物
例如  犀牛蜥蜴
海地溝齒鼩
仲有叫聲好響亮嘅棕櫚雀
多米尼加人友善、熱情又好客
俾你一種喺屋企嘅感覺
通常佢哋聚埋一齊嗰陣
都會準備桑科喬燉菜湯
佢哋好鍾意食㗎
梅倫格係一種起源
喺多米尼加共和國嘅音樂同舞蹈
亦都係佢哋生活嘅一部分
全世界只有多米尼加共和國嘅國旗
有一本聖經
嗰本聖經打開到約翰福音8:32
「真理會令你哋自由」
呢節經文喺呢度應驗咗
好多人由於認識聖經嘅真理
就擺脫咗愛國主義同錯誤宗教嘅影響
1945年4月
兩位特派傳道員
倫納特同佢太太弗吉妮亞
開始喺呢度傳道
佢哋嚟到呢度嘅第1日
就建立咗2個聖經課程
之後有更多嘅特派傳道員派到嚟
好多人都嚟到佢哋屋企參加聚會
只係過咗3年
當地就已經有大約110位熱心嘅傳道員
不過呢個引起咗反對者嘅注意
當時呢度係由獨裁者特魯希略統治㗎
佢大力迫害我哋嘅弟兄姊妹
佢嘅政權有梵蒂岡支持
係佢強大嘅後盾
當時所有教堂都被要求掛上一個牌寫住
「天上有上帝  地上有特魯希略」
但係我哋嘅弟兄姊妹冇噉樣做
政府喺1950年同1957年
分別兩次禁制我哋嘅活動
即使係噉
弟兄姊妹仍然繼續崇拜耶和華
小心噉傳道  亦都秘密印製書刊
睇吓呢段經歷重演吖
即使受到禁制
多米尼加共和國嘅弟兄姊妹
人數仍然不斷增加
喺1960年禁制撤銷嘞
今日當地有超過38000位傳道員
主持超過45000個聖經課程
呢度有唔同語言嘅會眾
包括西班牙語、海地克里奧爾語
美國手語、英語、普通話同俄語
康斯坦察係一個山上嘅小鎮
距離首都大約150公里
喺節目嘅最後
我哋探吓喺呢度嘅洛斯勞雷萊斯會眾
呢群會眾有134位傳道員
當中36位係正規先驅
每個月呢度嘅弟兄姊妹
平均主持超過170個聖經課程
喺呢度做傳道好開心㗎
唔單止係因為呢度嘅山景好靚
仲因為呢度有好多
好想認識上帝嘅人
康斯坦察洛斯勞雷萊斯會眾嘅弟兄姊妹
送上佢哋溫暖嘅愛心同問候
呢度係耶和華見證人
世界總部嘅JW電視


-