JW subtitle extractor

欢迎收睇JW电视
今个月我哋睇吓耶和华几爱我哋
我哋又点样用佢嘅观点睇自己
我哋亦会挖掘弥迦书嘅宝藏
学识点样对人诚实同保持谦虚
亦都会睇吓只要对人好
就算系好小嘅事
都会有深远嘅影响
你系咪好期待今个月嘅节目呢？
你有冇试过有呢个姊妹嘅感觉呢？
佢喺信度咁样讲
“无论我几咁爱耶和华上帝
又或者几咁努力为佢服务都好
我都硬系觉得自己做得唔够好”
由于唔完美
有时我哋个心会话俾我哋听
无论我哋几咁努力
都唔会得到耶和华嘅认可
又或者你明知道
耶和华系乐于宽恕人嘅
但系都系会为以前做错嘅事
觉得好内疚
我哋讲错嘅嘢
或者做错嘅事 即使系好耐以前
都会喺我哋嘅脑海裏面不时出现
令我哋觉得好灰心沮丧
老实讲
我哋所有人有时都会遇到噉嘅情况嘅
点解咁样讲呢？
不如等我哋详细分析一下
使徒约翰喺约翰一书3:19,20所写嘅説话
我哋嘅演讲就系根据呢啲经文讲嘅
演讲嘅题目系“上帝比我哋嘅心大”
约翰一书3:19,20话
“凭住呢一点
我哋就知道自己拥有真理
可以喺上帝面前放心
无论我哋嘅心系乜嘢事上
定我哋有罪 我哋都可以放心
因为上帝比我哋嘅心大 知道一切”
喺经文裏面使徒约翰话
“我哋嘅心”
“我哋可以喺上帝面前放心”
仲有我哋嘅心“定我哋有罪”
佢用“我哋”所以都包括约翰自己在内
佢都会灰心同埋自责
但系约翰都令我哋有理由相信
耶和华上帝系好珍视我哋㗎
约翰话“我哋知道自己拥有真理”㗎
你系点样成为基督徒嘅呢？
我哋听到圣经嘅真理 然后就接受喇
我哋对耶稣有信心 听从佢嘅教导
亦都拒绝呢个世界嘅错误思想
仲有尽力效法基督
爱弟兄姊妹 同埋避免蓄意犯错
所以我哋话“我哋拥有真理”㗎
真理彻底噉改变咗我同你
单系呢一点
就已经令我哋确信耶和华认可我哋
成为佢家庭嘅一份子
虽然系咁
我哋嘅心有阵时都会定自己有罪
点解会有噉嘅情况嘅呢？
就系同我哋嘅良心有关
好多时圣经讲到“我哋嘅心”嗰阵
都系用嚟比喻我哋嘅内心
亦即系我哋真正嘅为人
1997年8月1号刊嘅《守望台》咁样讲
“圣经将良心同比喻嘅心相提并论
比喻嘅心包括我哋嘅感觉同情绪”
文章引录咗罗马书2:15
即使系嗰啲冇受摩西法典约束嘅人
良心都喺佢哋身上发挥作用
一齐睇吓罗马书2:15 经文话
“佢哋嘅情况充分表明
法律嘅本质写喺佢哋心里面
佢哋嘅良心同佢哋一齐作证
于是 佢哋嘅思想指控自己有罪
或者裁定自己无罪”
上帝俾我哋嘅良心
可以裁定我哋有罪抑或冇罪
佢可以发出警告 提醒我哋唔好做错事
如果我哋做错咗 良心就会
发挥作用谴责我哋
当大卫喺山洞逃避扫罗追杀嘅时候
佢割咗扫罗外袍嘅一块布
撒母耳记上24:5话
“之后 大卫心里面一直自责”
又好似经文脚注噉讲
“良心一直不安”
大卫嘅良心指责佢
唔尊重扫罗呢位上帝委任嘅君王
良心会令我哋审视自己
然后作出判决
人受良心谴责就可能会悔改
唔再做以前嘅错事
另一方面
如果我哋嘅良心太过严格
就可能会被内疚感压倒
以为自己无论点样改过都冇用
上帝都唔会宽恕我哋
又或者我哋对自己太过严格
以为自己要做到完美
先可以令上帝高兴
正如保罗喺罗马书2:15讲
良心可以裁定我哋有罪或者无罪
为咗帮我哋更好噉理解呢一点
试想象我哋喺法庭受审
我哋嘅良心就系法官喇
噉控辩双方嘅证人又系边个呢？
就系我哋嘅一啲谂法
有好嘅亦都有唔好嘅
一个好嘅法官一定会听晒双方嘅证词
噉先可以作出一个公平嘅判决
但系如果个法官净系听嗰啲
指控我哋嘅人讲嘅嘢 噉会点样呢？
我哋嗰啲唔好嘅谂法
就好似不断指控我哋嘅证人
话我哋应该受罚
“佢做过啲咩佢自己知喇
佢成日都系咁㗎
佢咁渣 谂埋啲唔好嘅嘢
呢啲人应该判佢坐一世监先啱”
而呢个法官就净系听头先呢啲证词
完全唔听嗰啲为你辩护嘅人
噉判决当然就系
“罪名成立 判处监禁”
如果我哋嘅良心冇好好受到锻炼嘅话
都会好似嗰个唔公平嘅法官噉
判我哋入去“罪疚感”嘅监狱
令自己好灰心 好自责
呢啲感觉重复又重复
噉我哋就好难进步
你嘅良心系一位点样嘅法官呢？
如果我哋锻炼好我哋嘅良心
噉就算自己有好负面嘅谂法
良心都唔会太过责怪自己
所以为咗令良心作出更加公平嘅裁决
净系知道法律系唔够㗎
我哋仲要认识耶和华
因为佢制定法律 系最大嘅法官
喺1976年9月1日刊嘅《守望台》英语版
有一篇文章题目系
“训练自己嘅良心发挥更大功效”
其中一段噉样讲
“当我哋训练自己嘅良心嗰阵
一定要记得上帝最大嘅特质 就系爱
呢个从圣经同佢对待忠仆嘅方式
可以清楚睇得出”
呢个就系关键喇
圣经话俾我哋知耶和华系公正嘅上帝
但系对待忠仆嗰阵佢就会通情达理
佢有忠贞之爱 充满怜悯
做嘅每一件事都系出于爱心
我哋认识耶和华嘅特质多一啲嘅话
良心就能够更加平衡噉判断自己
做错嘢嗰阵
我哋唔会为自己去揾借口
但系同时
亦都唔会太过严苛咁样责怪自己
讲返头先嘅比喻吖
一个认识耶和华嘅好法官
都会听吓为我哋辩护嘅人点讲
呢啲证人可能会话
“等等先 法官
唔可以净系用佢以前嘅错嚟审判佢㗎
佢已经付出咗代价
亦都因为以前嘅错内疚咗好耐
过去咗嘅事系改变唔到嘅
但系佢而家已经完全改变晒
用行动证明佢悔改咗
系时候将以前嘅事抹走喇”
认识耶和华同埋知道佢好熟悉我哋
会令我哋觉得好放心
因为无论我哋嘅心喺乜嘢事上面
定我哋有罪
上帝都比我哋嘅心大 知道一切
佢好愿意宽恕我哋
呢个系咪令你好安心呢？
耶和华好清楚我哋内心深处嘅为人
佢系睇到我哋嘅过错
但都睇到我哋嘅动机
我哋嘅感觉想做啱嘅事嘅愿望
同埋我哋嘅潜质
佢亦都睇到所有影响我哋行动嘅因素
包括一啲我哋控制唔到嘅嘢
例如因为遗传嘅罪而唔完美
关于耶和华嘅怜悯之心
《洞悉圣经》喺“慈悲”嘅条目度咁样讲
“人类最根本
最严重嘅先天缺陷
就系从始祖亚当嗰度遗传咗罪
因为噉 人类嘅处境非常可怜
亦都好无助 耶和华好有怜悯嘅心
所以佢采取行动
俾人有机会摆脱罪带嚟嘅缺陷”
亦即系话耶和华将我哋睇成
有某种程度嘅缺陷
呢个推动佢对我哋表现怜悯
我哋嚟睇吓一个例子
就会睇出耶和华上帝
真系比佢仆人嘅心大
我哋睇吓使徒彼得嘅经历吖
喺嗰个最令佢后悔嘅夜晚
佢唔单止一次 而系三次
假扮自己唔认识耶稣
嗰一刻耶稣拧转身望住彼得
彼得亦都望返佢
彼得肯定永远都唔会忘记嗰一晚
会唔会之后每一次
当彼得听到鸡叫嗰阵
就会谂返起嗰晚嘅情景呢？
佢又会唔会不停咁谂返起
嗰晚自己做咗乜嘢？
听到自己话
“我唔识佢㗎 我都唔知你讲乜”
可能系 我哋都唔肯定
但我哋肯定嘅系
耶稣帮助彼得克服咗过度内疚嘅感觉
就喺耶稣复活嘅嗰一日
佢私下去见彼得
亦都肯定有俾机会彼得
讲吓自己心入面嘅感觉
圣经冇记载佢哋倾咗乜嘢
但系彼得肯定唔会忘记呢一次嘅对话
而约翰福音21章记载
耶稣俾机会彼得喺一班门徒面前
表达对耶稣嘅爱
而彼得亦都三次咁样讲
之后耶稣就喺其他使徒面前
将一个重要嘅任务交俾彼得
彼得终于唔使再成日谂住话
“我唔识佢㗎 我都唔知你讲乜”
而家佢有一段美好嘅回忆
可以经常喺脑入面循环播放
耶和华就系通过耶稣基督
令彼得可以相信
上帝比佢唔完美嘅心大
总结一下 今日学到乜嘢吖
好嘅良心唔会由得自己做咩都得
但亦都唔会对自己太过严格
我哋一定要学识
用耶和华嘅观点睇自己
亦都要相信佢会好欣赏我哋
为佢付出嘅点点滴滴
佢唔会好严格咁审判我哋
真系㗎 圣经讲得一啲都冇错
“上帝比我哋嘅心大”
耶和华好爱我哋
用咗好多方法帮助我哋
喜乐又自信噉崇拜佢
就等我哋接受呢份爱喇
有时我哋都会觉得自己冇咩价值㗎
一齐睇吓弟兄姊妹点样克服呢种感觉
我知道自己系有啲唔妥㗎喇
不过只系一种感觉
其他人唔知嘅
但系又解决唔到
本来我哋嘅生活好幸福
我哋有两个女 我老公系长老
我就做先驱
不过有一日 好突然
真系好突然 佢死咗
嗰一刻 我做咗寡妇
我好唔钟意呢个身份
听起嚟好可怜
我觉得自己好冇价值
好迷惘 唔知点噉
细个嗰阵
本身应该好好照顾我嘅人
无履行佢嘅责任
佢成日都令我觉得自己好冇用
咩都做得唔好
喺噉嘅环境长大
令我到而家都有呢啲感觉
周不时都要应付一啲消极嘅情绪
喺22岁嗰阵
我被确诊患有强迫症
呢个病会令我对所有嘢都产生怀疑
个脑由朝到晚不断噉喺度谂
我系咪做错咗啲乜嘢呢
有时甚至想报警话自己犯咗法
一日到黑不断噉怀疑自己
噉样嘅生活 真系好痛苦
每日我都要逼自己
唔好谂啲消极嘅嘢
我经常都要努力同个病搏斗
我好想话俾人知我冇事呀
我几好呀 不过事实唔系
如果冇咗耶和华同弟兄姊妹
噉我就真系乜嘢都做唔到喇
我有个朋友同我一样有呢个病
我发现佢有同我一样嘅经历
一样嘅感觉
终于有人明白我喇
我觉得好好多
我相信系耶和华赐呢个朋友俾我㗎
我会发讯息话俾朋友知我好唔开心
其实我都唔知我想点
佢哋就话
“唔紧要 我喺度 慢慢讲吖”
有时会众将啲工作交俾我嗰阵
我会觉得其他人更加有资格
做得更加好
我？唔得㗎
不过我知道耶和华睇到我付出嘅努力
我好认同启示录4:11话
“耶和华配受荣耀 尊崇 力量”
我知道佢好珍视我为佢做嘅所有嘢
而佢亦都系配得㗎
就算我哋觉得自己无乜价值
只要尽咗力 耶和华都会好开心
去聚会所同弟兄姊妹一齐
崇拜耶和华好重要
就算你知道聚紧会
或者唱诗嗰阵一定会喊
噉咪喊出嚟啰 冇问题
有情绪系好正常㗎嘛
其实噉样反而能够拉近同弟兄姊妹
仲有同耶和华嘅关系
每一日都要用耶和华嘅观点去睇自己
经常祷告 同埋知道耶和华明白我
帮到我好多呀
有时我觉得好焦虑 好紧张嗰阵
会祷告求耶和华帮我冷静落嚟
另外 睇到耶和华回应咗我嘅祷告
俾我好大嘅力量
哗！
每次谂起我都觉得好感动
当我好需要一啲嘢
我冇同其他人讲过
只系祷告求耶和华帮我
然后嗰样嘢就出现
噉就证明耶和华任何时候都喺我身边
喺约翰福音17章
记载咗耶稣被处决之前
佢向天父耶和华祷告
喺嗰度我睇到佢哋嘅关系非常之亲密
我都好想 而且好需要
同耶和华有咁亲密嘅关系呀
我睇晒圣经入面关于一啲寡妇嘅记载
呢个令我开始明白
耶和华对寡妇嘅睇法
同呢个世界嘅人真系好唔同
耶和华制定咗一啲法律
要以色列人善待啲寡妇
呢啲都话紧俾我听
耶和华好关心我
我对呢个身份嘅睇法
同以前唔同咗喇
我知道耶和华好爱 同埋好照顾我
你可能觉得自己无乜价值
但系耶和华就觉得你好宝贵
佢可以帮你更加积极噉睇自己
佢嘅爱可以消除任何负面嘅情绪
耶和华嘅思想比我哋高明好多
我哋觉得开心 唔开心
忧虑 痛苦
无论有咩感觉 佢都知道
要记得耶和华好爱你
我哋通过祷告 同埋身边嘅朋友
就会感受到耶和华嘅爱
好似喺影片入面
伍德姊妹都感受到
耶和华嘅爱同保护
呢位姊妹访问嘅完整版
会喺呢个月较后时间上载到JW网站
一定会学到更加多嘢㗎
当有人对我哋好
我哋自然都想对其他人好㗎
喺呢一集嘅《铁磨铁，磨得锋利》
会学吓点样效法耶和华嘅仁慈
大家好 欢迎收睇《铁磨铁 磨得锋利》
今日我哋会讲吓一个特质
呢个特质令到有罪嘅人、有病嘅人
小朋友都想亲近耶稣
就系仁慈
同天父一样
耶稣仁慈咁对待好人同埋坏人
耶稣对人仁慈
唔系因为对方首先对佢好
或者钟意佢
相反
耶稣总系对人仁慈
系因为佢知道呢种特质能够造益人
同埋为天父带嚟赞美
咁我哋呢
几时要对人仁慈同对边个呢
“唔好意思 探访时间完嘞
你哋个个都要走”
“哦 对唔住”
“咁快够钟喇咩？仲有5分钟㖞”
“唔紧要啦
阿丽 我哋要走喇
我哋会再返嚟睇你”
我哋啲姊妹做得真系好呀
虽然佢哋仲有啲时间
但系佢哋都好愿意合作
仲有啲乜嘢佢哋系可以做嘅呢？
呢个就带出对人仁慈嘅第一步
将心比心
问吓自己
对方系咪经历紧啲乜嘢事
佢哋嘅需要系乜嘢呢？
跟住 用心聆听 真诚咁关心佢
“你哋走先啦
我想同佢倾吓”
“嗨”
“嗨”
“真系好多谢你呀
将我嘅朋友照顾得咁好”
“都冇咩嘢啫
对唔住 啱啱语气重咗
只系我哋近排人手唔够 压力好大”
姊妹一句简单嘅多谢
带嚟好嘅结果
护士嘅态度软化落嚟
如果有人向我哋讲出佢自己嘅感受
我哋讲嘢就要体贴 尊重对方
呢个就系第二步
我哋可以从人哋讲嘅嘢知道
佢系咪真系关心我哋
所以要留意自己嘅语气同用词
唔好令对方感到唔舒服
“只系我哋近排人手唔够 压力好大”
“唔使讲对唔住㗎
我谂做护士系一份好有意义嘅工作
不过就好辛苦”
“系呀 今日就特别辛苦”
“不如唞吓饮杯茶先啦”
“唉 头先倒泻咗
都未有时间去买返杯啊”
“哇 咁你真系忙到飞起㖞
“系啊”
我叫敏仪啊”
“你好啊 我叫紫欣”
“唔阻你咁耐喇”
佢系咪做得好好呢？
姊妹令到其他人开心啲
佢了解咗个护士之后
可以点样帮佢呢？
咁就嚟到第三步
对人仁慈除咗牵涉到态度同説话
仲牵涉到行动
所以我哋好想揾一啲机会
去帮身边嘅人
当然咁系要付出时间、精力
同作出牺牲
不过 咁做系好值得㗎
“嗱 送俾你啊”
“哦 做咩咁客气呀？”
“唔紧要 好小事啫”
“多谢你呀”
“可唔可以问你一样嘢呀？”
“好呀”
“你哋探嗰个系边个嚟㗎？
我见有好多人都嚟探佢㖞”
“佢系我哋嘅好朋友
嗯 好似屋企人咁
我哋都系耶和华见证人嚟嘅”
“啊 你哋都系啲好好嘅人”
“多谢你啊”
“阿丽佢个人好好㗎”
我哋对其他人仁慈
一定要发自内心
虽然我哋咁样做
未必次次都可以同人作见证
但系当对方感受到
我哋真系关心佢哋
就会更加愿意听吓
而家一齐翻温吓
边三样系我哋要做嘅呢？
第一 要将心比心
谂吓佢哋有啲咩需要
关心啲乜嘢
如果佢哋讲自己嘅睇法
留心听啊
第二 讲嘢要体贴 尊重对方
我哋讲説话嘅语气同用词
反映出我哋系咪真系关心佢
第三 要乐于助人
揾机会去帮助其他人
咁做或者有可能同对方作见证
不过要记得
对我哋嚟讲最重要嘅系
效法耶稣爱所有人
就好似经文话
“爱系仁慈嘅”
研读同实践上帝嘅话语
令我哋发自内心真诚噉关心人
今个月嘅挖掘宝藏
我哋会睇吓弥迦书
学识点样留意同沉思经文嘅细节
讲到弥迦书 你谂到咩呢？
我净系知6:8系妈咪最钟意嘅经文
但系我就唔知同圣经嘅主题
有咩关系嘞
咦 我都系㖞
咁点样研读呢本书好呢？
通常第一步
我会先了解下嗰本书嘅写作背景
好㖞 了解弥迦书嘅写作背景先
咁喺边度可以揾到㗎？
可以先睇下弥迦书嘅参考经文
就会睇到历代志下嘅27至29章
呢段经文讲到
弥迦做先知嗰阵发生咗咩事
佢系喺约坦、亚哈斯、希西家
在位期间做先知嘅
亚哈斯唔系一个好嘅犹大王
唔单止系咁啊
佢仲用火烧自己嘅仔
将佢献俾假神
其实当时嘅人民都好衰㗎
圣经话就算有啲好君王
好似约坦咁
但系人民仍然做啲败坏嘅事
系啊
而弥迦嘅任务就系要指出佢哋嘅错误
佢亦都要宣告撒马利亚
同耶路撒冷要被毁灭
但系耶和华仍然俾希望佢哋㖞
冇错啊 耶和华真系好有耐心
不过都系有限度㗎㖞
嗯 因为耶和华系公正㗎
好想保护无辜嘅人
所以佢需要管教佢嘅子民
虽然系以色列人唔啱
但耶和华冇放弃佢哋
好想佢哋返去佢身边
所以就叫弥迦写低咗复兴嘅预言
耶和华真系好啊！
弥迦佢好忠心咁
宣告耶和华嘅审判讯息
而佢讲嘅同以赛亚讲嘅有啲类似
例如 我留意到弥迦书4:1-3
基本上
同以赛亚书2:2-4讲嘅预言差唔多
我今次睇先留意到咋
我好钟意呢点啊
可以对比唔同嘅经文记载
我睇圣经其他部分嗰阵都想咁样做啊
以赛亚早过弥迦做先知
就算弥迦讲嘅讯息同佢讲嘅好相似
弥迦都同以赛亚一样
忠心咁照住耶和华嘅指示去做
啊 你话啲人会唔会话
弥迦 呢啲嘢以赛亚咪讲过啰
可能㗎
不过弥迦或者会谂
耶和华好爱佢嘅子民
好想佢哋明白呢个预言
我喺弥迦身上学到
就算我哋传道咗好多年
讲嘅嘢睇落去一样
但都唔好放弃
你呢？你又学到啲咩啊？
弥迦书有节经文 我觉得好深刻嘅
我打开俾你睇下吖
弥迦书3:5
“先知只要有嘢食
就宣告话平安嘞
边个唔将食物送入佢哋嘅口入面
佢哋就向边个宣战”
嗯 点解你拣呢节经文嘅？
咁样讲好奇怪啊可？
系啦
有时睇到啲难明嘅经文都几好㗎
因为咁样可以帮我慢落嚟
慢慢谂下佢嘅意思
当一啲经文冇乜参考资料
或者我睇完都唔系好明
我就会分析每句嘅意思
谂下呢度其实讲紧乜嘢呢？
咦好好㖞
等我记低佢先
放慢速度 分析每句嘅意思
咁我哋一齐睇下第一句吖
耶和华话啲假先知
有嘢食先向人宣告平安
我见到“有嘢食”嘅脚注
意思系“牙齿有嘢可以咀嚼”
你觉得呢句説话系咩意思呢？
系咪啲人俾嘢假先知食
佢哋先会宣告平安啊？
啊 咁样逐句睇又几好㖞
系啊 啲人如果俾着数佢哋
例如系送食物
啲假先知就会讲好消息
冇着数嘅话
佢哋就会宣告灾祸
佢哋呢啲咁自私嘅态度
真系同今日嘅人好似啊
呢节经文令我谂到
耶和华好重视我嘅动机
亦都好清楚 我点对其他人
我都要问下自己
我对人好系因为真系关心佢哋吖？
定系想人对返我好呢？
传道嗰阵
我会先谂下自己钟意点样
定系愿意付出多啲
例如学新嘅语言
或者喺人哋方便嘅时间去探佢哋
但系啲假先知就净系谂自己
佢哋一啲都唔珍惜
为耶和华服务嘅机会
所以耶和华就审判佢哋
睇到耶和华咁关心佢嘅子民、咁公正
真系令人安慰
我亦都要反省下自己啊
所以点解妈咪咁钟意弥迦书6:8
经文话
“世人啊
上帝已经话你知乜嘢系善
耶和华对你有乜嘢要求呢？
佢只系要你处事公正
喜爱忠贞
谦虚咁同你嘅上帝同行”
我都好钟意呢节经文啊
就好似耶和华同我讲
想人生有意义
跟住咁样做就得㗎啦
冇错啊
呢节经文总结咗我哋啱啱讲嘅嘢
以色列人处事唔公正
耶和华就派弥迦去指出佢哋嘅错误
弥迦喜爱忠贞
跟住耶和华嘅指引
认真执行佢嘅任务
谦虚咁同上帝同行
哇 花少少时间
就可以喺弥迦书嗰度学到咁多嘢啦
系啊
我哋要记住了解写作背景
对比唔同嘅记载
放慢速度 分析每句嘅意思
我都好钟意咁样研读啊
你有冇时间啊？
我哋一齐再睇多啲
梗系好啦
一齐挖掘弥迦书嘅宝藏吖
沉思帮我哋将
圣经嘅真理同生活连接起嚟
你喺弥迦书又学到乜嘢呢？
跟住嘅早晨崇拜影片马朗方弟兄
会讲吓我哋沉思耶和华嘅爱
会得到咩益处
每一年嘅耶稣牺牲纪念聚会
都令我哋记得
耶和华同耶稣几咁爱我哋
赎价呢个安排真系令我哋好感动
我哋好感激耶和华同耶稣
为我哋所做嘅一切
所以我哋好想以爱还爱 多谢佢哋
哥林多后书5:14,15
就话俾我哋知可以点样做
请你打开圣经
到哥林多后书5:14,15
经文系噉讲㗎
“基督嘅爱好似催逼住我哋
因为我哋断定以往人人都已经死咗
于是有一个人代替所有人死嘞
佢代替所有人死
系要活人唔再为自己活
而系为代替佢哋死咗又复活嘅主活”
经文嘅第一部分好值得留意
佢一开头就话
“基督嘅爱好似催逼住我哋”
要我哋唔好再为自己活
经文嘅意思
系咪话我哋被迫唔再为自己活呢？
又或者只系出于责任心
而去遵行耶和华上帝嘅旨意？
唔系 意思唔系噉样呀
经文话“好似催逼我哋”
其实系表达一个人深受耶和华
同耶稣嘅爱触动
觉得自己一定要做啲嘢报答佢哋
耶稣基督嘅赎价
咪就系噉样深深触动我哋啰
我哋好感激耶稣为我哋牺牲生命
所以我哋好想运用我哋嘅一生
遵行耶和华嘅旨意
用呢种方式
嚟表达我哋对佢哋两位嘅感激之情
呢个就系保罗对赎价嘅感觉嘞
佢好热切噉话俾人听佢几重视赎价
同埋赎价对佢个人带嚟乜嘢益处
请打开你嘅圣经加拉太书第2章
加拉太书第2章
我哋会睇第20节
保罗就喺经文裏面
讲到耶稣为佢做嘅事
经文话
“我已经同基督一齐钉喺木柱上面嘞
而家活着嘅唔再系我
而系喺我裏面活着嘅基督
而家我以肉身活着
系按照对上帝个仔嘅信心而活
佢爱我 为我牺牲咗自己”
保罗讲嘅真系好有意思呀
保罗话耶稣系为佢牺牲㗎
我哋又系咪噉样谂呢？
耶稣的确系为我哋每一个人牺牲生命
等我哋唔会因为自己嘅罪而死
另一点要记住嘅就系
基督嘅赎价清楚表明
耶和华上帝对人类真系非常慷慨㗎
由于佢嘅慷慨
我哋可以按照对上帝个仔嘅信心而活
耶和华系全宇宙当中最慷慨嘅个位
佢送俾我哋嘅礼物非常宝贵
哥林多后书9:15
就噉样描述呢份礼物
经文话“愿感谢归于上帝
佢无偿赐俾人嘅恩赐真系难以言喻”
讲得真系啱呀
耶和华无偿俾人嘅礼物
真系难而言喻
赎价呢份礼物太好喇！
佢带嚟嘅所有益处同会成就嘅事
好到我哋根本都唔知用咩说话
去形容佢呀
《守望台》公众版
2017年第2期第6页
有一段说话提到赎价
我觉得非常好呀
等我读俾大家听吖 嗰度话
“有边个送礼物嘅人
比耶和华地位更高
爱心更大嘅呢？
为咗送礼物
有边个比耶和华做出更大嘅牺牲
又有边一份礼物
能够帮助人摆脱罪同死亡嘅枷锁
满足人最大嘅需要呢？
真系㗎
冇边份礼物能够同赎价相比
赎价的确系世上最宝贵嘅礼物”
《守望台》文章讲得真系好呀
耶稣基督献出嘅赎价
唔单止令我哋可以得到拯救
仲带嚟好多好多奇妙嘅福分
例如我哋会恢复身心健康
地球会再次成为一个好靓嘅乐园
呢啲都系赎价嘅益处嚟㗎
而最令人期待嘅系我哋会见返
已经去世嘅亲朋好友
上帝俾我哋赎价呢份礼物
真系好到难以言喻
呢份礼物咁宝贵
而家我哋得到嘞
会有咩感觉呢？
一齐听吓使徒彼得点样讲吖
请大家打开圣经到彼得前书
彼得前书第1章
我哋会睇吓第8,9节
彼得讲嘅呢番说话真系讲得好好呀
佢话“你哋从来都冇见过佢”
讲得啱吖
我哋真系从来冇见过耶稣呀
“但系就爱佢
而家睇唔见佢
但系就信从佢
而且欢欣鼓舞 拥有难以言喻
充满荣耀嘅喜乐
同时努力达到信心嘅目标
亦即系得到拯救”
我哋有难以言喻嘅喜乐
点解会系噉嘅呢？
我哋停低落嚟谂吓
耶和华为我哋做过乜嘢
承诺将来会俾我哋乜嘢福分
将来嘅生活几咁美好
就算系而家
佢都一直赐神圣力量俾我哋
等我哋可以崇拜佢 荣耀赞美佢
亦都可以享受生活嘅乐趣
你话几咁好呢
真系㗎
只要我哋停低落嚟细心谂吓
耶和华为我哋所做嘅一切
仲有佢对未来嘅承诺
我哋就会充满喜乐
而且内心安宁
耶和华嘅神圣力量
会令我哋得到难以言喻嘅喜乐
使我哋充满感激之情全心信赖耶和华
罗马书15:13就系噉讲
经文话
“愿赐人希望嘅上帝
因为你哋信赖佢
就令你哋满怀喜乐同安宁
噉样你哋就可以因为神圣力量
发挥嘅强大作用而充满希望”
好大嘅福分呀！
耶和华上帝同基督耶稣
为我哋所做嘅一切事
都令我哋想以爱还爱
尽力荣耀佢嘅圣名 遵行佢嘅旨意
诗篇执笔者就讲出我哋嘅心声
请你打开圣经
到诗篇116:12,14
诗篇116:12,14
经文系噉讲㗎
诗篇116:12话
“耶和华赐俾我一切恩惠
我攞乜嘢报答佢呢？”
然后你睇吓第14节经文点讲
呢度讲嘅系我哋要做嘅嘢
“我要喺上帝嘅所有子民面前
履行我向耶和华许下嘅誓愿”
呢个誓愿就系献身嘅誓愿
嚟到呢度我哋会点答呢个问题
我哋点样报答耶和华呢？
就系一生都要遵行上帝嘅旨意
使耶和华同耶稣得到荣耀
呢个系耶和华上帝对我哋嘅期望
我哋亦都好想噉样做嚟报答佢
我攞咩报答耶和华呢？
索瓦若夫妇经常问自己呢个问题
呢种感激之心
点样令佢哋得到好多福份呢？
一齐睇吓
我父母都好热心
所以我自细就好钟意参与传道工作
我爸爸每个星期总有一两次放工返嚟之后
就会换衫跟住带我出去传道
我有机会可以认识真理
都系因为我妈妈
我喺屋企见到佢摆低嘅圣经刊物
就开始摆嚟睇啦
睇完之后 我同自己讲
哗！呢种生活真系好呀 我都想呀
我哋啱啱结婚嗰阵
大家都冇咩家庭责任
所以都觉得可以为耶和华做多啲
我哋都有扩大服务嘅心愿
就决定一齐报名参加基列学校
毕业之后我哋就派咗去中非共和国
要学一种新嘅语言
喺嗰度我哋有好多圣经学生
多到都应付唔嚟
但系之后我病咗
当地嘅医生话
无乜嘢可以帮到我
所以无办法 我哋被迫要离开呢度
我哋好钟意呢个地区
要离开真系好难
因为我哋都唔知
之后可以为耶和华做啲咩
我哋返番去原本嘅地区无耐
就有个分区大会
喺嗰度见返一个分区监督
佢系受邀嚟参加呢个大会嘅
佢由细睇住我大 好熟悉我
我谂佢留意到我唔开心
就走过嚟鼓励我
佢同我讲 你受过咁好嘅培训
要将你学到嘅 继续用返出嚟呀
唔好集中喺啲你做唔到嘅事上面
谂下你而家可以做到啲乜嘢吖
佢讲嘅嘢帮咗我好多
慢慢我嘅健康好返啲
有返多啲体力
我哋就决定做返先驱喇
然之后 我工作上有啲改变
我哋就搬咗嚟美国呢个地方
我哋可以自己拣去边个会众
西班牙文、法文、英文都得
而西班牙文会众几个月前先至成立
所以我同太太就坐低倾下
既然我哋都接受过培训
不如我哋去呢个新会众帮吓手呀
讲到学语言
太太就好有天份好快就学识啦
我就真系麻麻地
要俾好多好多心机去学先得
我哋喺呢个会众已经有25年啦
啲西班牙文都算流利嘅
算系咁啦
我哋喺度都有好多美好嘅经历
我同太太都好钟意喺度服务
你知喇 人到咗呢个年纪
自自然然忧虑嘅嘢就会越嚟越多
不过耶和华一路都有帮我哋
同埋佢只系想我哋献出我哋有嘅嘢
而唔系冇嘅
之后有服务嘅大会为我哋打开咗
咁我哋就试吓啦
喺我哋50几岁嗰阵
我哋都喺建筑队度帮手
当时沃威克工程进行紧
好多弟兄姊妹报名参加
佢哋次次做完嘢返嚟都好开心㗎
不过佢都同我哋讲系需要好多体力嘅
所以睇嚟我要锻炼吓身体先得
有啲嘢佢无讲嘅
佢摆咗条梯喺厅度
呢个系佢嘅健身室
佢擒上擒落 又上又落 又上又落
做几耐呢？每次都做成15分钟
睇住佢口咁做 真系觉得好搞笑呀
点都好啦 佢为咗个工程咁努力
真系好抵赞呀
我哋两个为耶和华服务嘅时间
加埋都超过100年喇
我哋一齐做过建筑队
参与过监狱见证同埋港口见证
咁多年嚟
我哋体会到
即使我哋尽力俾耶和华嘅唔多
但系佢俾返我哋嘅就更多
为佢服务令我哋人生充满意义
我哋都仲系好热心㗎
而且都好想帮啲年轻人
开开心心咁为耶和华服务
真㗎！ 做耶和华嘅工作
唔洗退休㗎！
你话几好呢
喺人生当中最美好嘅事就系
为耶和华服务 所以继续咁做啦！
索瓦若夫妇一直都好努力报答耶和华
今个月嘅音乐短片就系讲吓
点样衷心噉多谢耶和华嘅慷慨
天际映照着赤色金光
闻浪涛漫漫在拍岸
营火跃动热暖于心窝
与清风轻拂鼓舞我
一切都令信心加添
你的良善 愿留步体验
深思所有你伟举施展
向世间默默赠送 每天未变
耶和华仁厚无私
常常张手添暖意
从来没有吝啬
教我感激不褪色
我想去效学你慷慨地对待人
献真爱哪怕牺牲 心中添兴奋
时常行善与乐施
全都衷心决意
如你张手好施
你给我倾注美福多丰足
圣经每章每篇像金玉
当中真理焕发这心窝
似小溪涓涓滋养我
你慷慨普照着永生之光
我都盼帮每位燃亮希望
把好消息放声宣讲
每家每伙 愿我彻底前往
请看
耶和华仁厚无私
常常张手添暖意
从来没有吝啬
教我感激不褪色
我想去效学你慷慨地对待人
献真爱哪怕牺牲 心中添兴奋
时常行善与乐施
全都衷心决意
如你张手好施
成我心中意思
如你张手好施
耶和华仁厚无私
常常张手添暖意
从来没有吝啬
教我感激不褪色
我想去效学你慷慨地对待人
送厚爱哪怕牺牲 心中添欢欣
时常行善与乐施
全都衷心决意
（耶和华张手厚赠）
常甘心施与 ooh
如你张手好施
耶和华俾咗好多嘢我哋
令我哋更加亲近佢
佢俾佢嘅话语圣经我哋
里面有好多实用嘅智慧
佢俾机会我哋对人仁慈
同埋有怜恤嘅心
佢亦都话俾我哋知
喺佢眼中我哋好宝贵
而家有份特别嘅礼物
想送俾你哋
呢份礼物就系
2026年“永恒幸福”区域大会嘅邀请影片
好多人觉得
生活上有好多开心嘅嘢
就自然会幸福
但系 如果突然之间遇到难题又点呢？
有冇可能永远幸福快乐？
差唔多二千年前 耶稣话
同创造万物嗰位做朋友
就会有真正嘅幸福快乐
“意识到自己需要上帝指引嘅人系有福嘅”
“性情温和嘅人系有福嘅”
“表现怜悯嘅人系有福嘅”
“心地纯洁嘅人系有福嘅”
“促进和睦嘅人系有福嘅”
耶稣讲嘅说话喺今日仍然好实用
点解呢？
欢迎你嚟参加2026“永恒幸福”
耶和华见证人大会
呢个大会有唔同嘅圣经演讲
访问同埋影片
帮我哋明白
点解将耶稣教嘅用出嚟
就会揾到真正嘅幸福
世界各地都会举行呢个大会
而且完全免费
你可以上jw.org网站
揾到离你最近嘅大会地点
我哋好欢迎你嚟参加
等我哋都邀请邻居同埋屋企人
参加今次嘅区域大会吖
我哋好开心话俾大家知
2026年区域大会原创歌曲已经有喇
题目系《眼睛多欢喜》
呢首歌同歌词
可以喺JW library应用程式
同JW网站下载
我哋预先喺屋企练习好呢首歌
就可以喺大会嗰阵大声唱出嚟嘞
另外 如果《眼睛多欢喜》呢首原创歌曲
有你嘅语言版本
就会喺4月20号嗰个星期嘅周中聚会
作为结束嘅诗歌
今个月我哋会探吓
喺加勒比海最多游客去嘅一个地方
就系多米尼加共和国
喺呢度你会见到
加勒比海地区最高嘅山峰
亦都有贵价嘅蓝琥珀
当你行经高山同瀑布
你会见到好多呢度独有嘅动物
例如 犀牛蜥蜴
海地沟齿鼩
仲有叫声好响亮嘅棕榈雀
多米尼加人友善、热情又好客
俾你一种喺屋企嘅感觉
通常佢哋聚埋一齐嗰阵
都会准备桑科乔炖菜汤
佢哋好钟意食㗎
梅伦格系一种起源
喺多米尼加共和国嘅音乐同舞蹈
亦都系佢哋生活嘅一部分
全世界只有多米尼加共和国嘅国旗
有一本圣经
嗰本圣经打开到约翰福音8:32
“真理会令你哋自由”
呢节经文喺呢度应验咗
好多人由于认识圣经嘅真理
就摆脱咗爱国主义同错误宗教嘅影响
1945年4月
两位特派传道员
伦纳特同佢太太弗吉妮亚
开始喺呢度传道
佢哋嚟到呢度嘅第1日
就建立咗2个圣经课程
之后有更多嘅特派传道员派到嚟
好多人都嚟到佢哋屋企参加聚会
只系过咗3年
当地就已经有大约110位热心嘅传道员
不过呢个引起咗反对者嘅注意
当时呢度系由独裁者特鲁希略统治㗎
佢大力迫害我哋嘅弟兄姊妹
佢嘅政权有梵蒂冈支持
系佢强大嘅后盾
当时所有教堂都被要求挂上一个牌写住
“天上有上帝 地上有特鲁希略”
但系我哋嘅弟兄姊妹冇噉样做
政府喺1950年同1957年
分别两次禁制我哋嘅活动
即使系噉
弟兄姊妹仍然继续崇拜耶和华
小心噉传道 亦都秘密印制书刊
睇吓呢段经历重演吖
即使受到禁制
多米尼加共和国嘅弟兄姊妹
人数仍然不断增加
喺1960年禁制撤销嘞
今日当地有超过38000位传道员
主持超过45000个圣经课程
呢度有唔同语言嘅会众
包括西班牙语、海地克里奥尔语
美国手语、英语、普通话同俄语
康斯坦察系一个山上嘅小镇
距离首都大约150公里
喺节目嘅最后
我哋探吓喺呢度嘅洛斯劳雷莱斯会众
呢群会众有134位传道员
当中36位系正规先驱
每个月呢度嘅弟兄姊妹
平均主持超过170个圣经课程
喺呢度做传道好开心㗎
唔单止系因为呢度嘅山景好靓
仲因为呢度有好多
好想认识上帝嘅人
康斯坦察洛斯劳雷莱斯会众嘅弟兄姊妹
送上佢哋温暖嘅爱心同问候
呢度系耶和华见证人
世界总部嘅JW电视

JW电视：2026年4月
- 

JW电视：2026年4月

欢迎收睇JW电视
今个月我哋睇吓耶和华几爱我哋
我哋又点样用佢嘅观点睇自己
我哋亦会挖掘弥迦书嘅宝藏
学识点样对人诚实同保持谦虚
亦都会睇吓只要对人好
就算系好小嘅事
都会有深远嘅影响
你系咪好期待今个月嘅节目呢？
你有冇试过有呢个姊妹嘅感觉呢？
佢喺信度咁样讲
“无论我几咁爱耶和华上帝
又或者几咁努力为佢服务都好
我都硬系觉得自己做得唔够好”
由于唔完美
有时我哋个心会话俾我哋听
无论我哋几咁努力
都唔会得到耶和华嘅认可
又或者你明知道
耶和华系乐于宽恕人嘅
但系都系会为以前做错嘅事
觉得好内疚
我哋讲错嘅嘢
或者做错嘅事  即使系好耐以前
都会喺我哋嘅脑海裏面不时出现
令我哋觉得好灰心沮丧
老实讲  
我哋所有人有时都会遇到噉嘅情况嘅
点解咁样讲呢？
不如等我哋详细分析一下
使徒约翰喺约翰一书3:19,20所写嘅説话
我哋嘅演讲就系根据呢啲经文讲嘅
演讲嘅题目系“上帝比我哋嘅心大”
约翰一书3:19,20话
“凭住呢一点
我哋就知道自己拥有真理
可以喺上帝面前放心
无论我哋嘅心系乜嘢事上
定我哋有罪  我哋都可以放心
因为上帝比我哋嘅心大  知道一切”
喺经文裏面使徒约翰话
“我哋嘅心”
“我哋可以喺上帝面前放心”
仲有我哋嘅心“定我哋有罪”
佢用“我哋”所以都包括约翰自己在内
佢都会灰心同埋自责
但系约翰都令我哋有理由相信
耶和华上帝系好珍视我哋㗎
约翰话“我哋知道自己拥有真理”㗎
你系点样成为基督徒嘅呢？
我哋听到圣经嘅真理  然后就接受喇
我哋对耶稣有信心  听从佢嘅教导
亦都拒绝呢个世界嘅错误思想
仲有尽力效法基督
爱弟兄姊妹  同埋避免蓄意犯错
所以我哋话“我哋拥有真理”㗎
真理彻底噉改变咗我同你
单系呢一点
就已经令我哋确信耶和华认可我哋
成为佢家庭嘅一份子
虽然系咁
我哋嘅心有阵时都会定自己有罪
点解会有噉嘅情况嘅呢？
就系同我哋嘅良心有关
好多时圣经讲到“我哋嘅心”嗰阵
都系用嚟比喻我哋嘅内心
亦即系我哋真正嘅为人
1997年8月1号刊嘅《守望台》咁样讲
“圣经将良心同比喻嘅心相提并论
比喻嘅心包括我哋嘅感觉同情绪”
文章引录咗罗马书2:15
即使系嗰啲冇受摩西法典约束嘅人
良心都喺佢哋身上发挥作用
一齐睇吓罗马书2:15  经文话
“佢哋嘅情况充分表明
法律嘅本质写喺佢哋心里面
佢哋嘅良心同佢哋一齐作证
于是  佢哋嘅思想指控自己有罪
或者裁定自己无罪”
上帝俾我哋嘅良心
可以裁定我哋有罪抑或冇罪
佢可以发出警告  提醒我哋唔好做错事
如果我哋做错咗  良心就会
发挥作用谴责我哋
当大卫喺山洞逃避扫罗追杀嘅时候
佢割咗扫罗外袍嘅一块布
撒母耳记上24:5话
“之后  大卫心里面一直自责”
又好似经文脚注噉讲
“良心一直不安”
大卫嘅良心指责佢
唔尊重扫罗呢位上帝委任嘅君王
良心会令我哋审视自己
然后作出判决
人受良心谴责就可能会悔改
唔再做以前嘅错事
另一方面
如果我哋嘅良心太过严格
就可能会被内疚感压倒
以为自己无论点样改过都冇用
上帝都唔会宽恕我哋
又或者我哋对自己太过严格
以为自己要做到完美
先可以令上帝高兴
正如保罗喺罗马书2:15讲
良心可以裁定我哋有罪或者无罪
为咗帮我哋更好噉理解呢一点
试想象我哋喺法庭受审
我哋嘅良心就系法官喇
噉控辩双方嘅证人又系边个呢？
就系我哋嘅一啲谂法
有好嘅亦都有唔好嘅
一个好嘅法官一定会听晒双方嘅证词
噉先可以作出一个公平嘅判决
但系如果个法官净系听嗰啲
指控我哋嘅人讲嘅嘢  噉会点样呢？
我哋嗰啲唔好嘅谂法
就好似不断指控我哋嘅证人
话我哋应该受罚
“佢做过啲咩佢自己知喇
佢成日都系咁㗎
佢咁渣  谂埋啲唔好嘅嘢
呢啲人应该判佢坐一世监先啱”
而呢个法官就净系听头先呢啲证词
完全唔听嗰啲为你辩护嘅人
噉判决当然就系
“罪名成立  判处监禁”
如果我哋嘅良心冇好好受到锻炼嘅话
都会好似嗰个唔公平嘅法官噉
判我哋入去“罪疚感”嘅监狱
令自己好灰心  好自责
呢啲感觉重复又重复
噉我哋就好难进步
你嘅良心系一位点样嘅法官呢？
如果我哋锻炼好我哋嘅良心
噉就算自己有好负面嘅谂法
良心都唔会太过责怪自己
所以为咗令良心作出更加公平嘅裁决
净系知道法律系唔够㗎
我哋仲要认识耶和华
因为佢制定法律  系最大嘅法官
喺1976年9月1日刊嘅《守望台》英语版
有一篇文章题目系
“训练自己嘅良心发挥更大功效”
其中一段噉样讲
“当我哋训练自己嘅良心嗰阵
一定要记得上帝最大嘅特质  就系爱
呢个从圣经同佢对待忠仆嘅方式
可以清楚睇得出”
呢个就系关键喇
圣经话俾我哋知耶和华系公正嘅上帝
但系对待忠仆嗰阵佢就会通情达理
佢有忠贞之爱  充满怜悯
做嘅每一件事都系出于爱心
我哋认识耶和华嘅特质多一啲嘅话
良心就能够更加平衡噉判断自己
做错嘢嗰阵
我哋唔会为自己去揾借口
但系同时
亦都唔会太过严苛咁样责怪自己
讲返头先嘅比喻吖
一个认识耶和华嘅好法官
都会听吓为我哋辩护嘅人点讲
呢啲证人可能会话
“等等先  法官
唔可以净系用佢以前嘅错嚟审判佢㗎
佢已经付出咗代价
亦都因为以前嘅错内疚咗好耐
过去咗嘅事系改变唔到嘅
但系佢而家已经完全改变晒
用行动证明佢悔改咗
系时候将以前嘅事抹走喇”
认识耶和华同埋知道佢好熟悉我哋
会令我哋觉得好放心
因为无论我哋嘅心喺乜嘢事上面
定我哋有罪
上帝都比我哋嘅心大  知道一切
佢好愿意宽恕我哋
呢个系咪令你好安心呢？
耶和华好清楚我哋内心深处嘅为人
佢系睇到我哋嘅过错
但都睇到我哋嘅动机
我哋嘅感觉想做啱嘅事嘅愿望
同埋我哋嘅潜质
佢亦都睇到所有影响我哋行动嘅因素
包括一啲我哋控制唔到嘅嘢
例如因为遗传嘅罪而唔完美
关于耶和华嘅怜悯之心
《洞悉圣经》喺“慈悲”嘅条目度咁样讲
“人类最根本
最严重嘅先天缺陷
就系从始祖亚当嗰度遗传咗罪
因为噉  人类嘅处境非常可怜
亦都好无助  耶和华好有怜悯嘅心
所以佢采取行动
俾人有机会摆脱罪带嚟嘅缺陷”
亦即系话耶和华将我哋睇成
有某种程度嘅缺陷
呢个推动佢对我哋表现怜悯
我哋嚟睇吓一个例子
就会睇出耶和华上帝
真系比佢仆人嘅心大
我哋睇吓使徒彼得嘅经历吖
喺嗰个最令佢后悔嘅夜晚
佢唔单止一次  而系三次
假扮自己唔认识耶稣
嗰一刻耶稣拧转身望住彼得
彼得亦都望返佢
彼得肯定永远都唔会忘记嗰一晚
会唔会之后每一次
当彼得听到鸡叫嗰阵
就会谂返起嗰晚嘅情景呢？
佢又会唔会不停咁谂返起
嗰晚自己做咗乜嘢？
听到自己话
“我唔识佢㗎  我都唔知你讲乜”
可能系  我哋都唔肯定
但我哋肯定嘅系
耶稣帮助彼得克服咗过度内疚嘅感觉
就喺耶稣复活嘅嗰一日
佢私下去见彼得
亦都肯定有俾机会彼得
讲吓自己心入面嘅感觉
圣经冇记载佢哋倾咗乜嘢
但系彼得肯定唔会忘记呢一次嘅对话
而约翰福音21章记载
耶稣俾机会彼得喺一班门徒面前
表达对耶稣嘅爱
而彼得亦都三次咁样讲
之后耶稣就喺其他使徒面前
将一个重要嘅任务交俾彼得
彼得终于唔使再成日谂住话
“我唔识佢㗎  我都唔知你讲乜”
而家佢有一段美好嘅回忆
可以经常喺脑入面循环播放
耶和华就系通过耶稣基督
令彼得可以相信
上帝比佢唔完美嘅心大
总结一下  今日学到乜嘢吖
好嘅良心唔会由得自己做咩都得
但亦都唔会对自己太过严格
我哋一定要学识
用耶和华嘅观点睇自己
亦都要相信佢会好欣赏我哋
为佢付出嘅点点滴滴
佢唔会好严格咁审判我哋
真系㗎  圣经讲得一啲都冇错
“上帝比我哋嘅心大”
耶和华好爱我哋
用咗好多方法帮助我哋
喜乐又自信噉崇拜佢
就等我哋接受呢份爱喇
有时我哋都会觉得自己冇咩价值㗎
一齐睇吓弟兄姊妹点样克服呢种感觉
我知道自己系有啲唔妥㗎喇
不过只系一种感觉
其他人唔知嘅
但系又解决唔到
本来我哋嘅生活好幸福
我哋有两个女  我老公系长老
我就做先驱
不过有一日  好突然
真系好突然  佢死咗
嗰一刻  我做咗寡妇
我好唔钟意呢个身份
听起嚟好可怜
我觉得自己好冇价值
好迷惘  唔知点噉
细个嗰阵
本身应该好好照顾我嘅人
无履行佢嘅责任
佢成日都令我觉得自己好冇用
咩都做得唔好
喺噉嘅环境长大
令我到而家都有呢啲感觉
周不时都要应付一啲消极嘅情绪
喺22岁嗰阵
我被确诊患有强迫症
呢个病会令我对所有嘢都产生怀疑
个脑由朝到晚不断噉喺度谂
我系咪做错咗啲乜嘢呢
有时甚至想报警话自己犯咗法
一日到黑不断噉怀疑自己
噉样嘅生活  真系好痛苦
每日我都要逼自己
唔好谂啲消极嘅嘢
我经常都要努力同个病搏斗
我好想话俾人知我冇事呀
我几好呀  不过事实唔系
如果冇咗耶和华同弟兄姊妹
噉我就真系乜嘢都做唔到喇
我有个朋友同我一样有呢个病
我发现佢有同我一样嘅经历
一样嘅感觉
终于有人明白我喇
我觉得好好多
我相信系耶和华赐呢个朋友俾我㗎
我会发讯息话俾朋友知我好唔开心
其实我都唔知我想点
佢哋就话
“唔紧要  我喺度  慢慢讲吖”
有时会众将啲工作交俾我嗰阵
我会觉得其他人更加有资格
做得更加好
我？唔得㗎
不过我知道耶和华睇到我付出嘅努力
我好认同启示录4:11话
“耶和华配受荣耀  尊崇  力量”
我知道佢好珍视我为佢做嘅所有嘢
而佢亦都系配得㗎
就算我哋觉得自己无乜价值
只要尽咗力  耶和华都会好开心
去聚会所同弟兄姊妹一齐
崇拜耶和华好重要
就算你知道聚紧会
或者唱诗嗰阵一定会喊
噉咪喊出嚟啰  冇问题
有情绪系好正常㗎嘛
其实噉样反而能够拉近同弟兄姊妹
仲有同耶和华嘅关系
每一日都要用耶和华嘅观点去睇自己
经常祷告  同埋知道耶和华明白我
帮到我好多呀
有时我觉得好焦虑  好紧张嗰阵
会祷告求耶和华帮我冷静落嚟
另外  睇到耶和华回应咗我嘅祷告
俾我好大嘅力量
哗！
每次谂起我都觉得好感动
当我好需要一啲嘢
我冇同其他人讲过
只系祷告求耶和华帮我
然后嗰样嘢就出现
噉就证明耶和华任何时候都喺我身边
喺约翰福音17章
记载咗耶稣被处决之前
佢向天父耶和华祷告
喺嗰度我睇到佢哋嘅关系非常之亲密
我都好想  而且好需要
同耶和华有咁亲密嘅关系呀
我睇晒圣经入面关于一啲寡妇嘅记载
呢个令我开始明白
耶和华对寡妇嘅睇法
同呢个世界嘅人真系好唔同
耶和华制定咗一啲法律
要以色列人善待啲寡妇
呢啲都话紧俾我听
耶和华好关心我
我对呢个身份嘅睇法
同以前唔同咗喇
我知道耶和华好爱  同埋好照顾我
你可能觉得自己无乜价值
但系耶和华就觉得你好宝贵
佢可以帮你更加积极噉睇自己
佢嘅爱可以消除任何负面嘅情绪
耶和华嘅思想比我哋高明好多
我哋觉得开心  唔开心
忧虑  痛苦
无论有咩感觉  佢都知道
要记得耶和华好爱你
我哋通过祷告  同埋身边嘅朋友
就会感受到耶和华嘅爱
好似喺影片入面
伍德姊妹都感受到
耶和华嘅爱同保护
呢位姊妹访问嘅完整版
会喺呢个月较后时间上载到JW网站
一定会学到更加多嘢㗎
当有人对我哋好
我哋自然都想对其他人好㗎
喺呢一集嘅《铁磨铁，磨得锋利》
会学吓点样效法耶和华嘅仁慈
大家好  欢迎收睇《铁磨铁  磨得锋利》
今日我哋会讲吓一个特质
呢个特质令到有罪嘅人、有病嘅人
小朋友都想亲近耶稣
就系仁慈
同天父一样
耶稣仁慈咁对待好人同埋坏人
耶稣对人仁慈
唔系因为对方首先对佢好
或者钟意佢
相反
耶稣总系对人仁慈
系因为佢知道呢种特质能够造益人
同埋为天父带嚟赞美
咁我哋呢
几时要对人仁慈同对边个呢
“唔好意思  探访时间完嘞
你哋个个都要走”
“哦  对唔住”
“咁快够钟喇咩？仲有5分钟㖞”
“唔紧要啦
阿丽  我哋要走喇
我哋会再返嚟睇你”
我哋啲姊妹做得真系好呀
虽然佢哋仲有啲时间
但系佢哋都好愿意合作
仲有啲乜嘢佢哋系可以做嘅呢？
呢个就带出对人仁慈嘅第一步
将心比心
问吓自己
对方系咪经历紧啲乜嘢事
佢哋嘅需要系乜嘢呢？
跟住  用心聆听  真诚咁关心佢
“你哋走先啦
我想同佢倾吓”
“嗨”
“嗨”
“真系好多谢你呀
将我嘅朋友照顾得咁好”
“都冇咩嘢啫
对唔住  啱啱语气重咗
只系我哋近排人手唔够  压力好大”
姊妹一句简单嘅多谢
带嚟好嘅结果
护士嘅态度软化落嚟
如果有人向我哋讲出佢自己嘅感受
我哋讲嘢就要体贴  尊重对方
呢个就系第二步
我哋可以从人哋讲嘅嘢知道
佢系咪真系关心我哋
所以要留意自己嘅语气同用词
唔好令对方感到唔舒服
“只系我哋近排人手唔够  压力好大”
“唔使讲对唔住㗎
我谂做护士系一份好有意义嘅工作
不过就好辛苦”
“系呀  今日就特别辛苦”
“不如唞吓饮杯茶先啦”
“唉  头先倒泻咗
都未有时间去买返杯啊”
“哇  咁你真系忙到飞起㖞
“系啊”
我叫敏仪啊”
“你好啊  我叫紫欣”
“唔阻你咁耐喇”
佢系咪做得好好呢？
姊妹令到其他人开心啲
佢了解咗个护士之后
可以点样帮佢呢？
咁就嚟到第三步
对人仁慈除咗牵涉到态度同説话
仲牵涉到行动
所以我哋好想揾一啲机会
去帮身边嘅人
当然咁系要付出时间、精力
同作出牺牲
不过  咁做系好值得㗎
“嗱  送俾你啊”
“哦  做咩咁客气呀？”
“唔紧要  好小事啫”
“多谢你呀”
“可唔可以问你一样嘢呀？”
“好呀”
“你哋探嗰个系边个嚟㗎？
我见有好多人都嚟探佢㖞”
“佢系我哋嘅好朋友
嗯  好似屋企人咁
我哋都系耶和华见证人嚟嘅”
“啊  你哋都系啲好好嘅人”
“多谢你啊”
“阿丽佢个人好好㗎”
我哋对其他人仁慈
一定要发自内心
虽然我哋咁样做
未必次次都可以同人作见证
但系当对方感受到
我哋真系关心佢哋
就会更加愿意听吓
而家一齐翻温吓
边三样系我哋要做嘅呢？
第一  要将心比心
谂吓佢哋有啲咩需要
关心啲乜嘢
如果佢哋讲自己嘅睇法
留心听啊
第二  讲嘢要体贴  尊重对方
我哋讲説话嘅语气同用词
反映出我哋系咪真系关心佢
第三  要乐于助人
揾机会去帮助其他人
咁做或者有可能同对方作见证
不过要记得
对我哋嚟讲最重要嘅系
效法耶稣爱所有人
就好似经文话
“爱系仁慈嘅”
研读同实践上帝嘅话语
令我哋发自内心真诚噉关心人
今个月嘅挖掘宝藏
我哋会睇吓弥迦书
学识点样留意同沉思经文嘅细节
讲到弥迦书  你谂到咩呢？
我净系知6:8系妈咪最钟意嘅经文
但系我就唔知同圣经嘅主题
有咩关系嘞
咦  我都系㖞
咁点样研读呢本书好呢？
通常第一步
我会先了解下嗰本书嘅写作背景
好㖞  了解弥迦书嘅写作背景先
咁喺边度可以揾到㗎？
可以先睇下弥迦书嘅参考经文
就会睇到历代志下嘅27至29章
呢段经文讲到
弥迦做先知嗰阵发生咗咩事
佢系喺约坦、亚哈斯、希西家
在位期间做先知嘅
亚哈斯唔系一个好嘅犹大王
唔单止系咁啊
佢仲用火烧自己嘅仔
将佢献俾假神
其实当时嘅人民都好衰㗎
圣经话就算有啲好君王
好似约坦咁
但系人民仍然做啲败坏嘅事
系啊  
而弥迦嘅任务就系要指出佢哋嘅错误
佢亦都要宣告撒马利亚
同耶路撒冷要被毁灭
但系耶和华仍然俾希望佢哋㖞
冇错啊  耶和华真系好有耐心
不过都系有限度㗎㖞
嗯  因为耶和华系公正㗎
好想保护无辜嘅人
所以佢需要管教佢嘅子民
虽然系以色列人唔啱
但耶和华冇放弃佢哋
好想佢哋返去佢身边
所以就叫弥迦写低咗复兴嘅预言
耶和华真系好啊！
弥迦佢好忠心咁
宣告耶和华嘅审判讯息
而佢讲嘅同以赛亚讲嘅有啲类似
例如  我留意到弥迦书4:1-3
基本上
同以赛亚书2:2-4讲嘅预言差唔多
我今次睇先留意到咋
我好钟意呢点啊
可以对比唔同嘅经文记载
我睇圣经其他部分嗰阵都想咁样做啊
以赛亚早过弥迦做先知
就算弥迦讲嘅讯息同佢讲嘅好相似
弥迦都同以赛亚一样
忠心咁照住耶和华嘅指示去做
啊  你话啲人会唔会话
弥迦  呢啲嘢以赛亚咪讲过啰
可能㗎
不过弥迦或者会谂
耶和华好爱佢嘅子民
好想佢哋明白呢个预言
我喺弥迦身上学到
就算我哋传道咗好多年
讲嘅嘢睇落去一样
但都唔好放弃
你呢？你又学到啲咩啊？
弥迦书有节经文  我觉得好深刻嘅
我打开俾你睇下吖
弥迦书3:5
“先知只要有嘢食
就宣告话平安嘞
边个唔将食物送入佢哋嘅口入面
佢哋就向边个宣战”
嗯  点解你拣呢节经文嘅？
咁样讲好奇怪啊可？
系啦
有时睇到啲难明嘅经文都几好㗎
因为咁样可以帮我慢落嚟
慢慢谂下佢嘅意思
当一啲经文冇乜参考资料
或者我睇完都唔系好明
我就会分析每句嘅意思
谂下呢度其实讲紧乜嘢呢？
咦好好㖞 
等我记低佢先
放慢速度  分析每句嘅意思
咁我哋一齐睇下第一句吖
耶和华话啲假先知
有嘢食先向人宣告平安
我见到“有嘢食”嘅脚注
意思系“牙齿有嘢可以咀嚼”
你觉得呢句説话系咩意思呢？
系咪啲人俾嘢假先知食
佢哋先会宣告平安啊？
啊  咁样逐句睇又几好㖞
系啊  啲人如果俾着数佢哋
例如系送食物
啲假先知就会讲好消息
冇着数嘅话
佢哋就会宣告灾祸
佢哋呢啲咁自私嘅态度
真系同今日嘅人好似啊
呢节经文令我谂到
耶和华好重视我嘅动机
亦都好清楚  我点对其他人
我都要问下自己
我对人好系因为真系关心佢哋吖？
定系想人对返我好呢？
传道嗰阵
我会先谂下自己钟意点样
定系愿意付出多啲
例如学新嘅语言
或者喺人哋方便嘅时间去探佢哋
但系啲假先知就净系谂自己
佢哋一啲都唔珍惜
为耶和华服务嘅机会
所以耶和华就审判佢哋
睇到耶和华咁关心佢嘅子民、咁公正
真系令人安慰
我亦都要反省下自己啊
所以点解妈咪咁钟意弥迦书6:8
经文话
“世人啊
上帝已经话你知乜嘢系善
耶和华对你有乜嘢要求呢？
佢只系要你处事公正
喜爱忠贞
谦虚咁同你嘅上帝同行”
我都好钟意呢节经文啊
就好似耶和华同我讲
想人生有意义
跟住咁样做就得㗎啦
冇错啊  
呢节经文总结咗我哋啱啱讲嘅嘢
以色列人处事唔公正
耶和华就派弥迦去指出佢哋嘅错误
弥迦喜爱忠贞
跟住耶和华嘅指引
认真执行佢嘅任务
谦虚咁同上帝同行
哇  花少少时间
就可以喺弥迦书嗰度学到咁多嘢啦
系啊  
我哋要记住了解写作背景
对比唔同嘅记载
放慢速度  分析每句嘅意思
我都好钟意咁样研读啊
你有冇时间啊？
我哋一齐再睇多啲
梗系好啦
一齐挖掘弥迦书嘅宝藏吖
沉思帮我哋将
圣经嘅真理同生活连接起嚟
你喺弥迦书又学到乜嘢呢？
跟住嘅早晨崇拜影片马朗方弟兄
会讲吓我哋沉思耶和华嘅爱
会得到咩益处
每一年嘅耶稣牺牲纪念聚会 
都令我哋记得
耶和华同耶稣几咁爱我哋
赎价呢个安排真系令我哋好感动
我哋好感激耶和华同耶稣
为我哋所做嘅一切
所以我哋好想以爱还爱  多谢佢哋
哥林多后书5:14,15
就话俾我哋知可以点样做
请你打开圣经
到哥林多后书5:14,15
经文系噉讲㗎
“基督嘅爱好似催逼住我哋
因为我哋断定以往人人都已经死咗
于是有一个人代替所有人死嘞
佢代替所有人死
系要活人唔再为自己活
而系为代替佢哋死咗又复活嘅主活”
经文嘅第一部分好值得留意
佢一开头就话
“基督嘅爱好似催逼住我哋”
要我哋唔好再为自己活
经文嘅意思
系咪话我哋被迫唔再为自己活呢？
又或者只系出于责任心
而去遵行耶和华上帝嘅旨意？
唔系  意思唔系噉样呀
经文话“好似催逼我哋”
其实系表达一个人深受耶和华
同耶稣嘅爱触动
觉得自己一定要做啲嘢报答佢哋
耶稣基督嘅赎价
咪就系噉样深深触动我哋啰
我哋好感激耶稣为我哋牺牲生命
所以我哋好想运用我哋嘅一生
遵行耶和华嘅旨意
用呢种方式
嚟表达我哋对佢哋两位嘅感激之情
呢个就系保罗对赎价嘅感觉嘞
佢好热切噉话俾人听佢几重视赎价
同埋赎价对佢个人带嚟乜嘢益处
请打开你嘅圣经加拉太书第2章
加拉太书第2章
我哋会睇第20节
保罗就喺经文裏面
讲到耶稣为佢做嘅事
经文话
“我已经同基督一齐钉喺木柱上面嘞
而家活着嘅唔再系我
而系喺我裏面活着嘅基督
而家我以肉身活着
系按照对上帝个仔嘅信心而活
佢爱我  为我牺牲咗自己”
保罗讲嘅真系好有意思呀
保罗话耶稣系为佢牺牲㗎
我哋又系咪噉样谂呢？
耶稣的确系为我哋每一个人牺牲生命
等我哋唔会因为自己嘅罪而死
另一点要记住嘅就系
基督嘅赎价清楚表明
耶和华上帝对人类真系非常慷慨㗎
由于佢嘅慷慨
我哋可以按照对上帝个仔嘅信心而活
耶和华系全宇宙当中最慷慨嘅个位
佢送俾我哋嘅礼物非常宝贵
哥林多后书9:15
就噉样描述呢份礼物
经文话“愿感谢归于上帝
佢无偿赐俾人嘅恩赐真系难以言喻”
讲得真系啱呀
耶和华无偿俾人嘅礼物
真系难而言喻
赎价呢份礼物太好喇！
佢带嚟嘅所有益处同会成就嘅事
好到我哋根本都唔知用咩说话
去形容佢呀
《守望台》公众版
2017年第2期第6页
有一段说话提到赎价
我觉得非常好呀
等我读俾大家听吖  嗰度话
“有边个送礼物嘅人
 比耶和华地位更高
爱心更大嘅呢？
为咗送礼物
有边个比耶和华做出更大嘅牺牲
又有边一份礼物
能够帮助人摆脱罪同死亡嘅枷锁
满足人最大嘅需要呢？
真系㗎
冇边份礼物能够同赎价相比
赎价的确系世上最宝贵嘅礼物”
《守望台》文章讲得真系好呀
耶稣基督献出嘅赎价
唔单止令我哋可以得到拯救
仲带嚟好多好多奇妙嘅福分
例如我哋会恢复身心健康
地球会再次成为一个好靓嘅乐园
呢啲都系赎价嘅益处嚟㗎
而最令人期待嘅系我哋会见返
已经去世嘅亲朋好友
上帝俾我哋赎价呢份礼物
真系好到难以言喻
呢份礼物咁宝贵
而家我哋得到嘞
会有咩感觉呢？
一齐听吓使徒彼得点样讲吖
请大家打开圣经到彼得前书
彼得前书第1章
我哋会睇吓第8,9节
彼得讲嘅呢番说话真系讲得好好呀
佢话“你哋从来都冇见过佢”
讲得啱吖
我哋真系从来冇见过耶稣呀
“但系就爱佢
而家睇唔见佢
但系就信从佢
而且欢欣鼓舞  拥有难以言喻
充满荣耀嘅喜乐
同时努力达到信心嘅目标
亦即系得到拯救”
我哋有难以言喻嘅喜乐
点解会系噉嘅呢？
我哋停低落嚟谂吓
耶和华为我哋做过乜嘢
承诺将来会俾我哋乜嘢福分
将来嘅生活几咁美好
就算系而家
佢都一直赐神圣力量俾我哋
等我哋可以崇拜佢  荣耀赞美佢
亦都可以享受生活嘅乐趣
你话几咁好呢
真系㗎
只要我哋停低落嚟细心谂吓
耶和华为我哋所做嘅一切
仲有佢对未来嘅承诺
我哋就会充满喜乐
而且内心安宁
耶和华嘅神圣力量
会令我哋得到难以言喻嘅喜乐
使我哋充满感激之情全心信赖耶和华
罗马书15:13就系噉讲
经文话
“愿赐人希望嘅上帝
因为你哋信赖佢
就令你哋满怀喜乐同安宁
噉样你哋就可以因为神圣力量
发挥嘅强大作用而充满希望”
好大嘅福分呀！
耶和华上帝同基督耶稣
为我哋所做嘅一切事
都令我哋想以爱还爱
尽力荣耀佢嘅圣名  遵行佢嘅旨意
诗篇执笔者就讲出我哋嘅心声
请你打开圣经
到诗篇116:12,14
诗篇116:12,14
经文系噉讲㗎
诗篇116:12话
“耶和华赐俾我一切恩惠
我攞乜嘢报答佢呢？”
然后你睇吓第14节经文点讲
呢度讲嘅系我哋要做嘅嘢
“我要喺上帝嘅所有子民面前
履行我向耶和华许下嘅誓愿”
呢个誓愿就系献身嘅誓愿
嚟到呢度我哋会点答呢个问题
我哋点样报答耶和华呢？
就系一生都要遵行上帝嘅旨意
使耶和华同耶稣得到荣耀
呢个系耶和华上帝对我哋嘅期望
我哋亦都好想噉样做嚟报答佢
我攞咩报答耶和华呢？
索瓦若夫妇经常问自己呢个问题
呢种感激之心
点样令佢哋得到好多福份呢？
一齐睇吓
我父母都好热心
所以我自细就好钟意参与传道工作
我爸爸每个星期总有一两次放工返嚟之后
就会换衫跟住带我出去传道
我有机会可以认识真理
都系因为我妈妈
我喺屋企见到佢摆低嘅圣经刊物
就开始摆嚟睇啦
睇完之后  我同自己讲
哗！呢种生活真系好呀  我都想呀
我哋啱啱结婚嗰阵
大家都冇咩家庭责任
所以都觉得可以为耶和华做多啲
我哋都有扩大服务嘅心愿
就决定一齐报名参加基列学校
毕业之后我哋就派咗去中非共和国
要学一种新嘅语言
喺嗰度我哋有好多圣经学生
多到都应付唔嚟
但系之后我病咗
当地嘅医生话
无乜嘢可以帮到我
所以无办法  我哋被迫要离开呢度
我哋好钟意呢个地区
要离开真系好难
因为我哋都唔知
之后可以为耶和华做啲咩
我哋返番去原本嘅地区无耐
就有个分区大会
喺嗰度见返一个分区监督
佢系受邀嚟参加呢个大会嘅
佢由细睇住我大  好熟悉我
我谂佢留意到我唔开心
就走过嚟鼓励我
佢同我讲  你受过咁好嘅培训
要将你学到嘅  继续用返出嚟呀
唔好集中喺啲你做唔到嘅事上面
谂下你而家可以做到啲乜嘢吖
佢讲嘅嘢帮咗我好多
慢慢我嘅健康好返啲
有返多啲体力
我哋就决定做返先驱喇
然之后  我工作上有啲改变
我哋就搬咗嚟美国呢个地方
我哋可以自己拣去边个会众
西班牙文、法文、英文都得
而西班牙文会众几个月前先至成立
所以我同太太就坐低倾下
既然我哋都接受过培训
不如我哋去呢个新会众帮吓手呀
讲到学语言
太太就好有天份好快就学识啦
我就真系麻麻地  
要俾好多好多心机去学先得
我哋喺呢个会众已经有25年啦
啲西班牙文都算流利嘅
算系咁啦
我哋喺度都有好多美好嘅经历
我同太太都好钟意喺度服务
你知喇  人到咗呢个年纪
自自然然忧虑嘅嘢就会越嚟越多
不过耶和华一路都有帮我哋
同埋佢只系想我哋献出我哋有嘅嘢
而唔系冇嘅
之后有服务嘅大会为我哋打开咗
咁我哋就试吓啦
喺我哋50几岁嗰阵
我哋都喺建筑队度帮手
当时沃威克工程进行紧
好多弟兄姊妹报名参加
佢哋次次做完嘢返嚟都好开心㗎
不过佢都同我哋讲系需要好多体力嘅
所以睇嚟我要锻炼吓身体先得
有啲嘢佢无讲嘅
佢摆咗条梯喺厅度
呢个系佢嘅健身室
佢擒上擒落  又上又落  又上又落
做几耐呢？每次都做成15分钟
睇住佢口咁做  真系觉得好搞笑呀
点都好啦  佢为咗个工程咁努力
真系好抵赞呀
我哋两个为耶和华服务嘅时间
加埋都超过100年喇
我哋一齐做过建筑队
参与过监狱见证同埋港口见证
咁多年嚟
我哋体会到
即使我哋尽力俾耶和华嘅唔多
但系佢俾返我哋嘅就更多
为佢服务令我哋人生充满意义
我哋都仲系好热心㗎
而且都好想帮啲年轻人
开开心心咁为耶和华服务
真㗎！  做耶和华嘅工作
唔洗退休㗎！
你话几好呢
喺人生当中最美好嘅事就系
为耶和华服务  所以继续咁做啦！
索瓦若夫妇一直都好努力报答耶和华
今个月嘅音乐短片就系讲吓
点样衷心噉多谢耶和华嘅慷慨
天际映照着赤色金光
闻浪涛漫漫在拍岸
营火跃动热暖于心窝
与清风轻拂鼓舞我
一切都令信心加添
你的良善  愿留步体验
深思所有你伟举施展
向世间默默赠送  每天未变
耶和华仁厚无私
常常张手添暖意
从来没有吝啬
教我感激不褪色
我想去效学你慷慨地对待人
献真爱哪怕牺牲  心中添兴奋
时常行善与乐施
全都衷心决意
如你张手好施
你给我倾注美福多丰足
圣经每章每篇像金玉
当中真理焕发这心窝
似小溪涓涓滋养我
你慷慨普照着永生之光
我都盼帮每位燃亮希望
把好消息放声宣讲
每家每伙  愿我彻底前往
请看
耶和华仁厚无私
常常张手添暖意
从来没有吝啬
教我感激不褪色
我想去效学你慷慨地对待人
献真爱哪怕牺牲  心中添兴奋
时常行善与乐施
全都衷心决意
如你张手好施
成我心中意思
如你张手好施
耶和华仁厚无私
常常张手添暖意
从来没有吝啬
教我感激不褪色
我想去效学你慷慨地对待人
送厚爱哪怕牺牲  心中添欢欣
时常行善与乐施
全都衷心决意
（耶和华张手厚赠）
常甘心施与  ooh
如你张手好施
耶和华俾咗好多嘢我哋
令我哋更加亲近佢
佢俾佢嘅话语圣经我哋
里面有好多实用嘅智慧
佢俾机会我哋对人仁慈
同埋有怜恤嘅心
佢亦都话俾我哋知
喺佢眼中我哋好宝贵
而家有份特别嘅礼物
想送俾你哋
呢份礼物就系
2026年“永恒幸福”区域大会嘅邀请影片
好多人觉得
生活上有好多开心嘅嘢
就自然会幸福
但系  如果突然之间遇到难题又点呢？
有冇可能永远幸福快乐？
差唔多二千年前  耶稣话
同创造万物嗰位做朋友
就会有真正嘅幸福快乐
“意识到自己需要上帝指引嘅人系有福嘅”
“性情温和嘅人系有福嘅”
“表现怜悯嘅人系有福嘅”
“心地纯洁嘅人系有福嘅”
“促进和睦嘅人系有福嘅”
耶稣讲嘅说话喺今日仍然好实用
点解呢？
欢迎你嚟参加2026“永恒幸福”
耶和华见证人大会
呢个大会有唔同嘅圣经演讲
访问同埋影片
帮我哋明白
点解将耶稣教嘅用出嚟
就会揾到真正嘅幸福
世界各地都会举行呢个大会
而且完全免费
你可以上jw.org网站
揾到离你最近嘅大会地点
我哋好欢迎你嚟参加
等我哋都邀请邻居同埋屋企人
参加今次嘅区域大会吖
我哋好开心话俾大家知
2026年区域大会原创歌曲已经有喇
题目系《眼睛多欢喜》
呢首歌同歌词
可以喺JW library应用程式
同JW网站下载
我哋预先喺屋企练习好呢首歌
就可以喺大会嗰阵大声唱出嚟嘞
另外  如果《眼睛多欢喜》呢首原创歌曲
有你嘅语言版本
就会喺4月20号嗰个星期嘅周中聚会
作为结束嘅诗歌
今个月我哋会探吓
喺加勒比海最多游客去嘅一个地方
就系多米尼加共和国
喺呢度你会见到
加勒比海地区最高嘅山峰
亦都有贵价嘅蓝琥珀
当你行经高山同瀑布
你会见到好多呢度独有嘅动物
例如  犀牛蜥蜴
海地沟齿鼩
仲有叫声好响亮嘅棕榈雀
多米尼加人友善、热情又好客
俾你一种喺屋企嘅感觉
通常佢哋聚埋一齐嗰阵
都会准备桑科乔炖菜汤
佢哋好钟意食㗎
梅伦格系一种起源
喺多米尼加共和国嘅音乐同舞蹈
亦都系佢哋生活嘅一部分
全世界只有多米尼加共和国嘅国旗
有一本圣经
嗰本圣经打开到约翰福音8:32
“真理会令你哋自由”
呢节经文喺呢度应验咗
好多人由于认识圣经嘅真理
就摆脱咗爱国主义同错误宗教嘅影响
1945年4月
两位特派传道员
伦纳特同佢太太弗吉妮亚
开始喺呢度传道
佢哋嚟到呢度嘅第1日
就建立咗2个圣经课程
之后有更多嘅特派传道员派到嚟
好多人都嚟到佢哋屋企参加聚会
只系过咗3年
当地就已经有大约110位热心嘅传道员
不过呢个引起咗反对者嘅注意
当时呢度系由独裁者特鲁希略统治㗎
佢大力迫害我哋嘅弟兄姊妹
佢嘅政权有梵蒂冈支持
系佢强大嘅后盾
当时所有教堂都被要求挂上一个牌写住
“天上有上帝  地上有特鲁希略”
但系我哋嘅弟兄姊妹冇噉样做
政府喺1950年同1957年
分别两次禁制我哋嘅活动
即使系噉
弟兄姊妹仍然继续崇拜耶和华
小心噉传道  亦都秘密印制书刊
睇吓呢段经历重演吖
即使受到禁制
多米尼加共和国嘅弟兄姊妹
人数仍然不断增加
喺1960年禁制撤销嘞
今日当地有超过38000位传道员
主持超过45000个圣经课程
呢度有唔同语言嘅会众
包括西班牙语、海地克里奥尔语
美国手语、英语、普通话同俄语
康斯坦察系一个山上嘅小镇
距离首都大约150公里
喺节目嘅最后
我哋探吓喺呢度嘅洛斯劳雷莱斯会众
呢群会众有134位传道员
当中36位系正规先驱
每个月呢度嘅弟兄姊妹
平均主持超过170个圣经课程
喺呢度做传道好开心㗎
唔单止系因为呢度嘅山景好靓
仲因为呢度有好多
好想认识上帝嘅人
康斯坦察洛斯劳雷莱斯会众嘅弟兄姊妹
送上佢哋温暖嘅爱心同问候
呢度系耶和华见证人
世界总部嘅JW电视


-