JW subtitle extractor

Mișto avilean co JW Broadcasting!
Ande cado șion, va avela te sichioas te dichas amen sar dichel amen o Iehova ande iech modo iubitorii.
Va avela te rodas sumnacai ando lil Mica cai va sicavela amen sar te avas orta hai umili.
Hai va dichasa sar le mai țâne buchia cai cheras-len anda aver daștin te arăsăn ca lengo ilo.
Bucurin tumen catar i emisiunea!
Gule phralale, simțosardean tumen sar cadai phei
cai scriisardea:
„Chiar cana iubiv but le Iehovas hai dav sea mânri zor te slujiv lesche, butivar simțosarav că ci arăsăl so cherav.”?
Fal amen nasul te phenas, tha poiechdata amaro ilo doșarel amen
hai phenel amenghe că chiar dacă das sea amari zor ci sam lașe ande-l Iehovasche iacha.
Sau chiar dacă jianas că o Iehova si iech Del cai iertil,
daștil-pe te simțosaras amen încă doșale anda so cărdeam.
Le greșeli hai le păcatea cai cărdeam-len acana but timpo
daștin te aven pale ande amari goghi hai te cheren amen
te avas perade hai duchade.
Daștil-pe că but mașcar amende simțosardeam amen cadea.
Tha so daștil te ajutil amen?
Te dichas so phendea o Iehova co apostolo Ioan te scriil
ando 1 Ioan 3:19, 20.
Cadai cuvântarea sili cărdi pala cadal versetea hai bușiol
„O Del silo mai baro sar amaro ilo”.
Te citisaras 1 Ioan 3:19, 20.
„Prin cadaia va avela te jianas că avas anda o ciacimos
hai că va cherasa ca amaro ilo te pachial-pe angla o Del chiar cana o ilo daștilas te doșarel amen,
anda codoia că o Del silo mai baro sar amaro ilo
hai prinjianel sea.”
Cade, o Ioan phenel că „va cherasa ca amaro ilo te pachial-pe angla o Del” hai că „o ilo daștilas te doșarel amen”.
Daștil-pe, că vi o apostolo Ioan simțosardea-pe nasul
hai lesco ilo doșardea-les.
Tha, sea vo zuriarel amen că o Iehova dichel
so si lașio anda amende.
Te na bâstras că o Ioan phendea: „Jianas că avas
anda o ciacimos.”
Te gândisaras amen sar arăsleam te slujisaras le Iehovasche.
Așundeam hai pachiaiam o ciacimos andai Biblia.
Pachiaiam ando Isus hai anda so vo sicadea amen.
Mechleam i lumea palal hai lache hohaimata.
Deam amari zor te las amen pala o Isus, iubisardeam amare phralen hai duriardeam amen le păcatostar.
Cadea că, „avas anda o ciacimos”.
O ciacimos parudea amen.
Cadaia cherel amen te pachias că o Iehova iubil amen
hai că cheras partea anda leschi familia.
Cu sea cadala, poiechdata amaro ilo doșarel amen.
Tha sostar?
Anda codoia că amari conștiința cherel buchi.
Butivar cana i Biblia del duma anda amaro ilo, camel te sicavel că si o manuș cai sam de andral.
Anda o Turno de veghe anda 1 august 1997, phenel-pe:
„I Biblia phenel că i conștiința cherel buchi
ande iech than le manușesa cai sam de andral,
adică le buchianța cai simțosaras-len ando ilo.”
Mai dur, del-pe duma anda Romani 2:15.
Cade o Pavel phenel sar cherel buchi i conștiința le manușenghi cai ci sile tela i Legea Mozaico.
Te citisaras ande iech than cado verseto.
„Von sicaven că sea so phenel i legea si scriime ande lengo ilo
hai vi lenghi conștiința del duma anda cadaia,
hai lenghe gânduri doșarel-len sau nici.”
Amari conștiința, cai si iech daro le Devlestar, daștil te doșarel amen sau nici.
Voi phenel amenghe de anglal te na cheras vareso nasul
hai dacă arăsleam te cheras iech buchi nasul,
pala codoia doșarel amen.
Cana nașelas catar o rege Saul, o David arachlea-les ande iech peștera hai șindea iech cothor anda lesco hureaimos.
Ando 1 Samuel 24:5 phenel-pe:
„Pala codoia, o ilo le Davidosco astardea te doșarel-les.”
Cade, co „ilo” mai daștil te phenel-pe vi „conștiința”.
I conștiința le Davidoschi doșardea-les anda codoia că
ci sicadea pachiv le regesche Saul.
Amari conștiința ajutil amen te jianas dacă cărdeam vareso mișto sau nasul.
Iech conștiința doșali ajutil amen te fal amenghe nasul
hai te paruvas amaro phiraimos.
Tha, dacă amari conștiința doșarel amen prea but,
daștil-pe ca i bari doș te peravel amen
hai te arăsas te pachias că o Iehova niciechdata ci va iertila amen chiar cana fal amen nasul.
Sau daștil-pe te arăsas te gândisaras că trebul te avas perfecți caște bucurisaras le Iehovas.
Cadea sar phendea o Pavel, amari conștiința si sar iech judecătorii cai alosarel dacă sam sau nici doșale.
Te las iech exemplo, te gândisaras amen că sam
ande iech sala de judecată.
O judecătorii si amari conștiința hai le martori si amare gânduri.
O judecătorii va dichela sea le dovezi cai anen-len le martori.
Iech judecătoro lașio va așunela le dui părți caște cherel
iech judecata ciaci.
Tha, sar avelas dacă o judecătorii așunelas numai le martoren cai doșaren amen?
Cadal martori, cai si amare gânduri, manghen te avas pedepsime.
Si sar cana phenenas: „Niciechdata ci trebulas te bâstrel
so cărdea.
Silo doșalo, silo covlo hai silo nasul.
Meritil te așel but timpo co phandaimos.”
Pala so o judecătorii așundea numai le martoren cai doșaren amen hai nicieche martores cai silo de amari partea,
vo phenel: „San doșalo hai trebul te jias co phandaimos”.
Sa cadea, dacă ci sicavas mișto amari conștiința,
voi daștil te avel sar cado judecătorii neorta,
cai phenel amenghe te jias co phandaimos.
Cado phandaimos daștil te avel amaro ilo cai doșarel amen hai ci mechel amen te bâstras so cărdeam.
Chi conștiința so felo judecătorii si?
Te anas amenghe amintea, că iech conștiința mișto sicadi daștil te iertil amen cana doșaras amen prea but.
Cadea că, ca amari conștiința te cherel amenghe iech judecata ciaci trebul te avel sicadi pala i legea le Iehovaschi,
tha vi te prinjianel codoles cai dea le legi,
le mai bare Judecătores.
Dichen so phenel-pe ando Turno de veghe anda 1 septembria 1976, ande șib englezo.
„Cana sicavas amari conștiința, trebul te anas amenghe amintea că o Iehova silo iubirea
hai cadai iubirea sicavel-la amenghe andi Biblia hai anda o modo sar phiravel-pe pesche manușența.”
So șucar! I Biblia sicavel amen că o Iehova iubil o ortomos tha mechel pestar cana judechil amen.
Silo pherdo mila hai iubirea loialo. Sea so cherel si anda iubirea.
Cana prinjianas mișto le Iehovas, amari conștiința va cherela iech judecata ciaci.
Ci va mechela amen te cheras so camas
cana le buchia sile greșime.
Tha nici ci va avela te doșarel amen prea but.
Te dichas mai dur, iech judecătorii lașio cai prinjianel le Iehovas va așunela vi le martoren cai si de amari partea.
Cadala daștinas te aven amare gânduri hai von te phenen: „Raia, cado manuș ci cherel numai buchia nasul.
Acana si o timpo te iertis-les. Pochindea anda so cărdea, but timpo doșardea-pe hai fal lesche nasul anda so cărdea.
Si ciaces că ci daisaras te paruvas so cărdea mai anglal,
tha acana si iech aver manuș.”
Cana prinjianas mișto le Iehovas hai jianas că
vi vo prinjianel amen,
pachias anda sea o ilo că vo iertil amen „chiar cana amaro ilo daștilas te doșarel amen.
Anda codoia că, o Del silo mai baro sar amaro ilo hai
prinjianel sea.”
So lașio Del si amen! O Iehova prinjianel amaro ilo
hai jianel con sam amen ciaces.
Da, vo dichel amare greșeli tha jianel vi sostar cheras-len.
Vo jianel că amen camas te cheras so si orta hai dichel chichi daisaras te cheras.
O Iehova jianel sea so spidel amen te cheras iech buchi.
Vo dichel ji andre ande amende hai jianel că sam imperfecți.
Te dichas so phenel o lil Perspicacitate andai mila le Iehovaschi.
„O ciacimos si, că o mai baro pharimos cai phiraven-les
le manușa si o păcato,
cai primisarde-les le Adamostar, o iechto manuș.
Cadea că, sea le manușa sas-le ande iech situația
cadea de phari că trebulas te sicavel-pe lenghe mila.
O Iehova sicadea cadai mila hai dea pesche șiaves
caște lel o păcato pa amende.”
O Iehova jianel că si amen iech pharimos, o păcato, anda codoia Vo sicavel amenghe mila.
Te dichas iech exemplo ande savo o Iehova sicadea că silo mai baro sar o ilo pesche slujitoresco.
Cado si o Petru.
Andi mai phari riat anda leschi viața, o Petru, na iech data,
tha trin-var, phendea că ci prinjianel le Isusos.
Ande codoi riat, cana o Isus risardea-pe caring o Petru,
le dui dichle-pe iech pe aver.
Pachian că o Petru avelas te bâstrel cado momento?
Duchadea le Petros lesco ilo de fiesavi data cana așunelas că ghilabel iech bașno?
Anelas pesche amintea chichi de duchado sas-lo cana phendea:
„Ci prinjianav-les! Ci prinjianav-les!”?
Daștil-pe. Ci jianas.
Tha jianas că o Isus ajutisardea-les te na mai doșarel-pe.
Chiar ando ghies cana sas-lo jiuvindo,
o Isus sicadea-pe le Petrosche
hai o Petru daisardea te phenel lesche
că fal lesche nasul anda so cărdea.
Ci jianas so phendea lesche o Isus, tha pachias ciaces
că o Petru ci bâstărdea so dea duma le Isusosa.
Mai târzio, cadea sar dichas ando Ioan o capitolo 21,
o Isus mechlea le Petros te phenel trin-var că iubil-les
angla le coaver apostoli.
Hai sea atunci o Isus dea le Petros iech bari buchi te cherel.
Cadea că, o Petru ci mai gândilas-pe sea o timpo ca le dumes
„Ci prinjianav-les”; „Ci prinjianav-les”, vo acana gândilas-pe
ca le șucar dumes le Isusosche.
Prin o Isus, o Iehova sicadea le Petrosche că silo mai baro sar lesco ilo cai doșarelas-les.
So sichileam ande cadai cuvântarea?
Iech lași conștiința ci mechel amen te cheras so si greșime,
tha nici ci doșarel amen prea but.
Trebul te sichioas te dichas amen sar dichel amen o Iehova.
Vo dichel cuci sea so cheras caște slujisaras lesche
hai ci judechil amen bi milaco.
Ciaces, o Del si mai baro sar amaro ilo.
Te mechas ca i iubirea le Iehovaschi te pherel amaro ilo
hai te ajutil amen te slujisaras lesche bucuriasa.
Va avela te dichas sar amare phrala hai pheia sichile
te na mai gândin anda pende că nai-len lașe chancesche.
Na-i ușoro cana naches prin iech pharimos cai ci dichiol-pe,
tha simțos-les hai tu ci daștis te cheres chanci.
Si prea pharo.
Man hai mânre rromes sas amen iech șucar viața.
Sas amen dui șiave,
mânro rrom sas phuro de congregație hai me pioniera.
Tha, ande iech ghies mânro rrom mulea bi te ajucărav man.
Hai de iech data, somas pivli. Duchavelas man cadai duma.
Cherelas man te simțov man corcori.
Ci mai jianglem con som.
Simțosardem man hasardi hai că ci som lași chanceschi.
Cana somas șiavorro, codo cai trebulas te avel mânro dad ci lea sama mandar.
Ci cărdea cadaia.
Anda codoia, ando timpo so barilem
butivar așundem ande mânro șăro că varecon phenelas manghe că ci som lașio chancesco.
Vi acana mai așunav cadaia hai poiechdata chiar simțov
că ci som lașio chancesco.
Cana sas man 22 bărșa hachiardem că siman iech baro nasfalimos co șăro.
Si iech nasfalimos cai cherel tut te na pachias ande chanceste.
Gândis tut sea o timpo că cărdean vareso nasul.
Cherel tut chiar te jias ca i poliția hai te phenes că cărdean vareso nasul.
Si manghe zurales pharo. Mânre gânduri cheren man te pachiav că sea o timpo som doșalo.
Țârdav mandar te na mai gândiv man buchiande nasul.
Cado pharimos mechel man bi zuralimasco.
Camlem te phenav savorenghe so sas man po ilo,
tha ci daisardem.
Cadal buchia daștinas te șion man ca phuv,
dacă ci avenas o Iehova hai lesche manușa.
Si man iech amal cai siles sa cado nasfalimos sar man.
Cana așundem că siles sa codo nasfalimos,
că si amen sa codol gânduri hai daraimata
simțosardem că varecon hachiarel man.
Pachiav că o Iehova bișaldea-les.
Cana ci simțov man mișto scriiv iecha pheiache.
Voi phenel manghe: „Sar te ajutiv tut?”, „Ci jianav, camav numai te phenav so si man po ilo.” Hai voi așunel man.
Poiechdata, cana si manghe dini te cherav iech buchi,
simțosarav că ci som me o mai lașio te cherav-la,
hai chiar ci som lașio.
Tha, jianav că o Iehova dichel că dav sea mânro zuralimos.
Gândiv man ca Revelația 4:11 cai phenel că o Iehova meritil
te avel lesche dini „i pachiv, o așarimos, hai o zuralimos”.
Vo meritil te dav-les sea so daștiv.
Vo dichel cuci sea so cherav.
Hai bucuril-pe vi anda codola cai den-les sea so si-len mai lașio chiar cana simțon că ci sile lașe chancesche.
Jianav că si importanto te jiav ca i Sala le Regatoschi,
caște anav închinarea ande iech than le phralența, chiar cana va avela te rovav ando timpo le programosco hai le ghileango.
Tha, poiechdata si mișto te roves.
Cana phenes so si tut po ilo simțos tut mai pașă le Iehovastar hai la congregațiatar.
Ande fiesavo ghies dav mânri zor te dichav man cadea sar dichel man o Iehova.
O manglimos ajutil man but. Tha vi o gândo că o Iehova jianel că si man iech baro nasfalimos.
Poiechdata lel man i dar, tha mangav man le Iehovasche caște ajutil man te avav liniștime.
Aver buchi cai ajutil man si te dichav o răspunso le Iehovasco ca mânre manglimata.
Phuu!
Cadaia machel mânro ilo.
Cana si tut mai but nevoia... ajutorostar,
hai phenes le Iehovasche bi te jianel chonic,
tha primis vi răspunso...
jianes că si Lestar.
Sea o timpo sas-lo pașa mande.
Camav te dichav le Iehovas sar ieche dades, cadea sar cărdea o Isus.
Cadea sar dichas ando Ioan, vo manglea-pe le Iehovasche angla te avel mudardo.
Anda o capitolo 17, hachiarav so amalimos chidino sas mașcar lende.
Vi me camav te avav sa cadea.
Ajutisardea man but vi că citisardem andi biblia anda le pivlea.
Pala codoia, hachiardem că o Iehova...
ci dichel le pivlean cadea sar i lumea.
Vo dea le israelițen legi anda sar te phiraven-pe lența.
Cadaia ajutil man te hachiarav că o Iehova silo pașa mande.
Acana ci som duchadi cana așunav i duma „pivli”.
Hachiardem că si man iech than specialo,
som ande angali le Iehovaschi.
O Iehova dichel tut mai cuci sar diches tut tu.
Vo ajutil amen te dichas amen lașe iachența.
Anda codoia că vo iubil amen, daisaras te șiudas le buchia nasul anda amaro ilo.
Lesche gânduri sile but mai lașe sar amare.
Vo prinjianel amari bucuria, amari duch hai sea so si ande amaro ilo.
Daisaras te pachias ciaces că o Iehova iubil amen but.
O Iehova sicavel că silo pașa amende prin o manglimos
hai le lașe amala cai iubin amen.
I phei Wood phendea: „San ando mai lașio than,
andi angali le Iehovaschi.”
Va avela te sichioas vi mai but buchia anda so voi phendea ande laco intervio cai va avela șiuto ande cado șion.
Cana sicavel-pe amenghe lașimos, vi amen camas te sicavas lașimos averenghe.
Ando video cai avel „O sastr ascuțil o sastr” va dichasa
sar te las amen pala o lașimos le Iehovasco.
Mișto avilean co „Sastr ascuțil o sastr”! Me som o Jonathan.
Aghies va avela te das duma anda o lașimos.
Le păcătoși, le nasfale hai le șiavorre avile co Isus anda codoia că vo sicadea lașimos.
Cadea sar o Iehova, vi o Isus sicadea lașimos savorenghe.
Vo ci sicadea lașimos numai codolenghe cai sas-le lașe lesa sau cai placiaia-len lestar.
Mai but, vo sicadea lașimos anda codoia
că jianglea so însemnol cadaia anda le manușa.
Hai cadea, vo așardea le Iehovas.
Tha, sar daisaras vi amen te sicavas lașimos savorenghe?
Gata, nachlea tumaro timpo. Trebul te tiliaren acana.
− Iertisar amen.
− Ci nachlea o timpo.
Mai si amen panji minute.
Nai chanci Emily. Tori, mai mișto jias amenghe, mai avas tute.
Goghiaver amari phei.
Voi așilea liniștime hai tiliarde savore chiar cana mai daisarde te beșen chichiva minutea.
Tha, daisardea te cherel vi mai but?
O iechto paso cai ajutil amen te avas mai lașe si te șioas amen ando than le manușesco.
Puș tut:
„O manuș savesa des duma trebul lesche vareso? Prin so nachel?”.
Pala codoia, așun-les atento hai de chi zor te hachiares-les.
Jian angle. Me mai așiav iech țâra.
− Te trais!
− Te trais!
Camlem te mulțumiv tuche că les sama cadea de mișto mânra amaleatar.
Nai anda so.
Iertisar că dem duma tumența mai anglal cadea. Si amen but buchi te cheras hai sam prea țâra jene.
Cana mulțumis varecasche, cheres-les te simțol-pe mai mișto.
I asistenta bucurisardea-pe.
Cana varecon phenel amenghe so siles ando ilo,
camas te sicavas pachiv hai te das duma lașimasa.
Cado si o duito paso.
Cana duchal amen ciaces varecastar va dichiola-pe cadaia ando modo sar das duma.
Trebul te alosaras mișto so phenas hai sar phenas caște na duchavas varecas.
Ci si ușoro, si amen but buchi hai sam prea țâra jene.
Ci trebul te manghes tuche iertarea.
Pachiav că placial tut but te aves iech asistenta, tha sigur si vi ghiesa phare.
Da, sas manghe pharo aghies.
Tha, si mișto că pies iech ceaio lașio.
Da... peradem-les hai ci sas man timpo te lav manghe aver.
Ioi, chiar sas tut iech ghies pharo, nai cadea?
− Me som i Mandy.
− Me som i Mary. Bucuriv man te prinjianav tut.
Mechav tut te cheres chi buchi.
So șucar exemplo. Cărdea varecas te simțol-pe mai mișto.
Acana voi prinjianel la asistenta. Tha so daștil te mai cherel?
Cado si o trinto paso cai daisaras te cheras-les.
Te avas lașe ci însemnol numai te sicavas pachiv hai te das duma lașimasa. Trebul vi te cheras vareso.
Camas te rodas sar te ajutisaras le manușen.
Trebul te das anda amaro timpo, amari zor, amare love?
Daștilas-pe, tha cana cheras cadaia nai de ivea.
Dich. Cado si anda tute.
− Vai, da ci trebuisardea.
− Jianav, tha camlem te lav tuche.
Mulțumiv tuche anda ilo.
− Daștiv te pușiav tut vareso?
− Mhm..
Con si i rromni cai avilean late? Dichav că aven sea o timpo but manușa late.
Voi si amari amali.
Sam sar iech familia. Amen sam Martori le Iehovasche.
Aaa... tumen sea o timpo san lașe averența.
Mulțumiv tuche. I Tori si iech lași amali anda mande...
Camas te avas sea o timpo lașe le manușența
anda codoia că iubisaras-len
hai daștilas-pe că poiechdata ci arăsas te das duma lența
andai Biblia.
Orisar, le manușa va camena te așunen amen cana va dichena că duchal amen ciaces lendar.
Cadea că, dichleam le trin pași cai sicaven amenghe sar te avas lașe.
1. Te șioas amen ando than le manușesco. Gândisar tut
so trebulas lesche hai prin so nachel.
Dacă phenel tuche sar simțol-pe, așun-les.
2. Sicav pachiv hai de duma lașimasa.
Le manușa simțon cana duchal amen lendar prin so hai sar phenas vareso.
3. Ajutisar.
Rode te diches so daștis te cheres anda varecaste, daștil-pe că cadea va camela te așunel o ciacimos.
Tha na bâstăr!
I mai importanto buchi si, cadea sar o Isus, te iubis le manușen.
Cadea sar phenel i Biblia: „I iubirea... si lași”.
Cana mechas ca o Cuvânto le Devlesco te cherel buchi
ande amaro ilo sicavas iech ciacio lașimos.
Te dichas sar daisaras te arachas sumnacai ando lil Mica
cana das amari zor te hachiaras iech verseto
hai gândisaras amen ca sea le buchia anda leste.
Hai so jianglean anda o lil Mica?
So placialas amara deia, o Mica 6:8, tha ci hachiardem o phanglimos mașcar o lil hai o mesajo la Bibliaco.
Nici me.
Hai sar astardean te rodes mai but?
Caște hachiarav sea le buchia, mai anglal dichlem sar sas
ande codol ghiesa.
Hmm, so șucar.
Ajutil amen but cana cheras cadea.
Sar arachlean le buchia?
Astardem te citiv le referințe. Hai arachlem o 2 Cronici le capitolea 27-29.
Cade dichas sar sas andel ghiesa cana o Mica slujisardea sar profeto.
Cana rainas le trin regi: o Iotam, o Ahaz hai o Ezechia.
Hai o Ahaz ci sas iech lașio rege.
Cadea si.
Sas-lo nasul! Hai chiar mudardea pesche șiaven.
Hai le israeliți sas-le sar vo.
I Biblia phenel că vi tela o raimos le lașe regesco o Iotam,
„o poporo cărdea mai dur so sas nasul.”
Cadea si.
Hai o Mica trebulas te phenel so buchia nasul cherenas hai că i Samaria hai o Ierusalimo va avena distrugime.
Tha o Iehova, del sea o timpo vi iech speranța.
Da, o Iehova silo răbdătorii, tha ci mechel prea but cadal buchia nasul.
Mm-hmm.
O Iehova silo orta hai camel te lel sama codolendar bi doșaco.
Vo trebuisardea te ortosarel le israelițen, tha nici atunci ci mechlea-len.
I profeția anda o Mica sicavel că o Iehova camel te lașiarel le buchia mașcar peste hai lesche manușa.
Ciaces!
Dichas că le dumes anda i judecata cai phenel-len o Mica
amean codolența cai phendea-len o Isaia.
Sar exemplo,
dichlem că so phenel-pe ando Mica 4:1-3
si cam so phenel-pe ando Isaia 2:2-4.
So șucar, na?
Da! Placial man că dichleal so ameal hai so si diferime.
Camav te cherav cadea vi avere lilența.
O Isaia sas o angluno cai phendea cadai profeția.
Cadea că, le dui profeți așunde le Iehovastar,
vi cana falas-pe că phenen sa codol buchia.
Pachias că le manușa daștinas te gândin-pe:
„Vi o Isaia phendea amenghe cadal dumes”?
Da. Hai daștil-pe că o Mica gândisardea-pe:
„O Iehova chiar iubil cadale manușen hai camel te hachiaren so camel te phenen lenghe”.
Vi me camav te avav sar o Mica hai te dav duma le manușența chiar cana fal-pe că phenav lenghe sa codol buchia.
Hai tu, so dichlean?
Iech verseto cai placial man si... hai mai mișto te citisaras-les.
Mica 3:5 cai phenel:
„Le profeți ... cai den duma andai pacea cana dandaren le dandența,
tha cai phenen codolesche cai ci del-len chanci te han că va nachela prin phare ghiesa”.
Hmm ... mișto.
- Cadea că si interesanto?
- Da!
Cana citiv andai Biblia placial man cana arachav phare versetea.
Cadea așavav man hai gândiv man mai but.
Cana ci hachiarav-len hai nai-len but referințea, dav mânri zor te dichav fiesavi duma hai te pușiav man:
„So camel te phenel?”­
So șucar!
Aș te scriiv manghe:
„Na sighiar hai hachiar fiesavi duma”.
Mișto, i iech to buchi:
O Iehova judechisardea le profețen hohamne „cai den duma andai pacea cana dandaren le dandența.”
Mai anglal, fal-pe că si-len dui fețe.
Phenen că va avela pacea hai pala codoia dandaren.
Tha i referința sicavel că „dandarel” însemnol „te hal vareso”.
Placial man sar dichlean cado verseto.
Cana le israeliți denas le profețen te han von denas duma
anda i pacea.
Da!
Cana denas-len vareso lașio sar avelas o haben, le profeți phenenas că va avena lașe ghiesa.
Tha cana ci priminas haben von phenenas lenghe că va avena phare ghiesa.
Hmm ... vi le manușa de aghies sile cadea sar sas-le le profeți.
Cado verseto ajutil man te gândiv man că o Iehova dichel so si ande mânro ilo
hai vi sar phiravav man averența.
Cadaia cărdea man te pușiav man:
„Ajutiv le manușen anda codoia că duchal man lendar sau ajucărav vareso lendar?
Ando than de gândiv man numai mande, dav mânri zor te ajutisarav averen?
Sar exemplo, te sichiovav iech nevi șib?
Jiav andi predicarea cana jianav că arachav le manușen?”
Dacă cadal profeți trainas aghies ci denas penghi zor te cheren cadal buchia!
Von ci dichle cuci i buchi cai sas lenghe dini hai ci hachiarde so manghelas o Iehova pesche manușendar.
O Iehova judechisardea-len.
Cadaia sicavel că Vo silo orta hai lel sama pesche manușendar.
Da. Hai arăsas co verseto cai ciaiol mânra deia, o Mica 6:8:
„Vo phendea tuche, manușa, so si mișto. Hai so aver vareso manghel tutar o Iehova?
Numai te aves orta, te diches cuci i loialitatea hai te phires umilo che Devlesa!”.
Placial man but cado verseto!
Si sar cana o Iehova phenel manghe:
„Nai pharo so mangav tutar. Daștil te avel tut iech viața mai șucar.”
Placial man!
Phandel-pe sosa deam duma. O Iehova bișaldea le Micas caște sicavel chichi de nasul sas le manușa hai ci sas-le orta.
O Mica așilea pașa o Iehova anda codoia că dichlea cuci i loialitatea.
Vo ci camlea te țârdel i atenția caring peste hai phirdea umilo le Devlesa.
Wow! Rodeam iech țâra mai but hai sode sicaimata arachleam.
Da! Anda codoia că dichleam sar sas ande codola ghiesa,
so ameal hai so si diferime hai hachiardeam fiesavi duma.
Sas zurales șucar! Mai si tut timpo te rodas vi anda aver versetea sumnacai?
Sar te na. Hai te rodas vi aver sumnacai anda o lil Mica.
Cana gândisaras amen ca so citisaras sichioas but buchia.
So sumnacai va avela te araches tu anda o lil Mica?
Ando video cai avel, o phral Malenfant
sicavel amenghe so miștimata si amen
cana gândisaras amen ca i iubirea le Iehovaschi.
I Comemorarea anel amenghe amintea catar i bari iubirea cai si le Iehovas hai le Isusos caring amende.
Cana simțosaras lenghi iubirea camas te cheras vareso anda lende.
Lenghi iubirea cherel amen te sicavas lenghe chichi de cuci si anda amende cado daro, o merimos le Isusosco.
Cana citisaras 2 Corinteni 5:14, 15 daisaras te hachiaras mai mișto cadai buchi.
Cadea că, te citisaras ande iech than cadal dui versetea.
Dichen so phenel-pe:
„Că i iubirea le Cristososchi oblighil amen,
anda codoia că hachiardeam că iech corcoro manuș mulea anda savore, anda codoia că savore sas-le mule.
Hai vo mulea anda savore, anda codoia că, codola cai train te na mai train anda pende,
tha anda codo cai mulea anda lende hai sas-lo uștiado
andal mule.”
Nai cadea că si interesanto so phenel-pe ande cadal versetea?
„I iubirea le Isusoschi oblighil amen” te na mai traisaras anda amende.
Tha cana phenel-pe „oblighil amen” ci însemnol că sam șiute zorasa te mai traisaras anda amende.
Sau că ci daisaras te alosaras te cheras aver buchi, numai te slujisaras le Devlesche.
Na, si mai but sar cadaia.
Iech Dicționaro andi șib Engleza sicavel că te „oblighis” însemnol vi te cheres ieche manușes
te avel-les iech sentimento zuralo ando ilo,
tha vi te astarel te cherel vareso.
O merimos le Isusosco astarel iech iag ande amaro ilo.
Dichas zurales prețioso so cărdea o Isus anda amende.
Hai cadai buchi cai cărdea-la o Iehova hai o Isus anda amende cherel amen te simțosaras
că camas te traisaras anda leste hai pala sar camel vo sea amari viața.
Vi ando ilo le Pavelosco astardea-pe iech iag.
Vo ci încărdea-pe parpale te phenel so simțosardea cana jianglea că o Isus mulea anda leste
hai sar cadaia spidea-les te cherel vareso.
Te pâtras i Biblia co Galateni o capitolo 2.
Galateni o capitolo 2 hai o verseto 20.
Te dichas so phendea o Pavel caște sicavel so sas ande lesco ilo.
Vo phendea:
„Som șiuto po stâlpo le Cristososa.
Ci mai som me codo cai traiv, tha o Cristos
cai trail andi unitatea manța.
Si ciaces, i viața cai traisarav-la ande cado corpo
traisarav-la prin pachiamos ando Șiav le Devlesco,
cai iubisardea man hai dea-pe pes anda mande.”
Nai șucar so simțosardea o Pavel anda cadai buchi?
Dichlea sar cana o Isus mulea anda leste hai vi amen trebul te cheras sa cadea.
O Isus mulea anda fiesavo de mașcar amende
caște eliberil fiesaves anda o merimos.
Sa cadea o merimos le Isusosco si i mai bari dovada că
o Iehova si iech Del cai del buhle vastesa.
Cado gândo zuriarel amen.
Cadea că „traisaras prin o pachiamos ando Șiav le Devlesco.”
Hai jianas că chonic anda o universo ci daștil te del mai but sar o Iehova.
Vo dea amen o mai lașio cadouo
cai daisardeam te primisaras-les.
Hai si zurales șucar so phenel-pe anda cado cadouo
ando 2 Corinteni 9:15.
„Mulțumiri te aven andine le Devlesche anda lesco daro cai si cadea de baro că ci dașil te avel phendo dumența.”
Ce șucar phenel „lesco daro cai si cadea de baro
că ci daștil te avel phendo dumența.”
O merimos le Isusosco si iech buchi cadea de bari
că ci daisaras te phenas dumența
sea so cherel-pe prin lesco merimos hai chichi de but miștimata si amen.
Dichen so phenel-pe,
anda o merimos le Isusosco,
ando Turno de Veghe, Nr. 2 ediția anda o publico anda 2017, pagina 6.
„Niciechdata nas dino iech cadouo varecastar
cadea de baro sau
anda iech iubirea cadea de bari sar cado daro,
o merimos le Isusosco.
Chonic ci dea mai but anda amende cadea sar cărdea o Iehova.
Niciech cadouo ci ajutil amen mai but sar o merimos le Isusosco cai eliberil amen anda o păcato hai merimos.
Da, chanci nai mai valoroso sar cadai buchi
cai cărdea-la o Isus anda amende.”
So șucar phenel-pe ande cado Turno!
O merimos le Isusosco ci anel amenghe numai salvarea,
tha anel amenghe vi aver but binecuvântări sar avelas
că sea le nasfale va avena sastiarde,
că i phuv va avela pale cărdi iech paradiso, hai, vi i șucar speranța cai si amen
că le mule va uștena parpale viațate.
Da, nai sar te „phenas dumența” ce bari buchi cărdea o Isus anda amende.
Te dichas so phendea o Petru că trebulas te cheras cana iubisaras hai pachias ande cado daro, o merimos le Isusosco.
1 Petru 1 le versetea 8 hai 9.
So șucar phendea o Petru cade:
„Chiar cana ci dichlean-les niciechdata, iubin-les.
Chiar cana acana ci dichen-les,
sicaven pachiamos ande leste hai bucurin tumen but, simțosaren iech bucuria pherdi pachiv
cai ci daștil te avel phendi prin dumes, anda codoia că arăsăn ca o miștimos cai anel-les tumaro pachiamos, tumari salvarea.”
Simțosaras iech bari bucuria ande amare ile
cana așias, beșas iech țâra hai gândisaras amen ca le șucar buchia cai o Iehova phendea că va cherela-len ando viitorii.
Sa cadea, daisaras te gândisaras amen le buchiande cai o Iehova del-len amenghe acana,
sar avelas o spirito sfânto cai ajutil amen te slujisaras lesche,
te așiaras-les hai te bucurisaras amen viațatar.
Si vareso normalo, gule phralale, te simțosaras iech bari bucuria ande amare ile
hai pacea cana gândisaras amen le șucar buchiande
cai o Iehova cherel-len hai va cherela-len anda amende.
O spirito sfânto pherel amen bucuriatar
hai ajutil amen te avel amen iech pachiamos zuralo
ande amaro Dad, o Iehova.
Chiar cadai buchi phenel-pe ando Romani 15:13.
„O Del cai del speranța te pherel tumare ile
bucuriatar hai paceatar
anda codoia că pachian tumen ande leste hai, cadea, te avel tumen but speranța prin o zuralimos le spiritosco sfânto.”
Ce bari binecuvântarea!
Le șucar buchia cai o Iehova hai o Isus cărde-len anda amende
zuriaren amen te cheras sea so daisaras caște anas pachiv le Iehovasche hai te șioas po iechto than andi viața Leschi voința.
Daștil-pe că simțosaras so phenel-pe ando Psalmo 116
le versetea 12 hai 14.
Te citisaras ande iech than.
Cade phenel-pe: „Sar daștiv te pochinav parpale le Iehovas
anda sea o miștimos cai cărdea-les manghe?”
Hai dacă das iech țâra mai tele, ando verseto 14 dichas so trebul te cheras.
„Va avela te încărav mânre solaharimata cai cărdem-len
le Iehovasche angla le iacha sea lesche poporosche.”
Cadea că, so phenen?
Sar daisaras te pochinas parpale le Iehovas?
I mai lași buchi cai daisaras te cheras-la
si te anas pachiv le Iehovasche hai le Isusosche.
Nai chanci mai lașio sar te traisaras amari viața
anda i voința le Devleschi.
„Sar daștiv te pochinav parpale le Iehovas?”
O Claude hai i Sandra Sauvageau sea o timpo pușle-pe cadaia.
Cado pușimos ajutisardea-len te avel-len iech viața
pherdi binecuvântări.
Mânro dad hai dei sicade man te jiav bucuriasa andi predicarea.
Iech-var sau dui-var po curco mânro dad avelas catar i buchi, paruvelas-pe hai lelas man pesa andi predicarea.
Jianav o ciacimos mânra deiatar.
Sea o timpo mechelas lila ando chăr
hai me astardem te citiv-len.
Phendem manghe:
„Wow! Ce șucar viața. Vi me camav te traiv cadea.”
Somas de țâra timpo căsătorime,
hai me mânre rromesa camleam te cheras mai but anda o Iehova.
Chanci ci așadea amen te cheras cadaia.
Cadea daisardeam te șioas i cererea anda i Școala Galaad.
Samas bișalde andi Republica Central Africano
hai trebuisardea te sichioas iech nevi șib.
But manușa camenas te sichion amența andai Biblia,
cadea că trebunas te ajucăren ji cana avelas amen timpo anda lende.
Bi te ajucărav man, pelem nasfali
hai le doctori phende că ci mai daștin te ajutin man.
Cadea că trebuisardea te risaras amen chăre.
Sas amenghe zurales phares te tiliaras anda i repartiția.
Samas perade, anda codoia că placialas amen code hai ci jiangleam so te cheras.
Pala so risardeam amen, găleam co congreso ieche ghiesesco
hai o phral cai vizitil le congregații sas-lo achardo te încărel iech tema.
Vo prinjianelas man de țânorri.
Dichlea că som peradi, avilea mande hai phendea manghe:
„Primisardean iech sicaimos specialo.
Folosisar-les mai dur.
Na dich ca so ci mai daștis te cheres.
Dich ca so daștis te cheres acana.”
So phendea manghe vo, parudea mânri viața.
Cana somas mai mișto, cărdem pale mai but anda o Iehova hai astardem o pionierato.
Pala codoia,
vareso parudea-pe ca mânri buchi.
Cadea că, muchisardeam amen cade ande America.
Beșleam ande iech than cai daisardeam te slujisaras andi congregația de engleză, de franceză sau spaniolă.
I congregația de șib spaniolă sas i mai nevi.
Cadea că me hai mânri rromni gândisardeam amen
te slujisaras code.
I Sandra sichilea i șib numai ande chichiva șiona.
Manghe lea mai but timpo te sichiovav i șib.
Sam ande cadai congregația de 25 bărșa hai placial amen cade.
Das amari zor te das duma mai mișto cadai șib hai si amen but șucar experiențe.
Cana phuriovas aven aver pharimata.
Cadaia daștil te peravel amen.
Tha o Iehova sas-lo sea o timpo pașa amende,
hai jianas că vo camel te das-les so daisaras, na so ci daisaras.
Cu sea cadala, o Iehova pâtărdea amenghe aver udara.
Sas amen mai but sar 50 bărșa hai cărdeam buchi co Comiteto Regionalo andal Construcții, cana ajutisardeam co proiecto anda o Warwick.
Prinjiandeam phrala cai cherenas buchi code hai sas-le zurales bucurime.
Tha phende amenghe că si vi but buchi.
Cadea că, trebulas te cherav vareso te avel man zor.
Tha ci phendea vareso.
Șiutea iech scara ando mașcar le chăresco.
Cadaia cherelas caște avel-la mai but zor, jialas opre, tele, opre, tele.
Cherelas cadaia cam 15 minutea.
Asaiem but cana dichlem-la so cherel.
Tha cadaia ajutisardea-la but.
Amare bărșa ande iech than si mai but de sar 100 bărșa de cana slujisaras le Iehovasche.
Cărdeam buchi ca le construcții, predichisardeam andel phandaimata hai andel thana cai si vapoarea.
Anda sea cadal buchia sichileam că cana das amaro timpo le Iehovasche, Vo pochinel amen parpale but mai but.
Ci va fal amenghe niciechdata nasul că das-les so si amen mai lașio.
Vi acana si amen sea codoi bucuria.
Camas te ajutisaras vi la tărnen te aven sa cadea.
Sar slujitori le Iehovasche ci jias niciechdata andi pensia.
Si amen i mai șucar viața,
cadea că,
ci mechas amen.
I familia Sauvageau sea o timpo camlea te mulțumil
le Iehovasche prin so cheren.
Vi i ghili anda cado șion sicavel amen te mulțumisaras
le Iehovasche anda lesco lașimos.
Si amenghe ușoro te pașioas ieche Devlestar cai del amen cadea de but buchia.
Vo del amen pesco Cuvânto, i Biblia, cai si pherdi sumnacai.
Șiol ande amaro ilo te ajutisaras averen hai te sicavas lenghe lașimos.
Hai butivar anel amenghe amintea că iubil amen.
Acana camas te sicavas tumenghe vareso specialo.
I invitația catar o Baro Congreso anda 2026
„Fericirea cai așel anda sea o timpo”!
I fericirea!
But pachian că si ciaces fericime cana jial lenghe mișto
andi viața.
Tha daisaras te avas fericime vi cana nachas prin iech pharimos?
Daisaras te avas fericime sea o timpo?
Acana 2 000 bărșa,
o Isus phendea amenghe că sam ciaces fericime cana așias pașă amare Devlestar cai cărdea amen.
„Fericime sile codola cai jianen că silen nevoia ...
te prinjianen le Devles
Codola umili ...
Codola cai sicaven mila ...
Codola le ilesa ujo ...
Codola cai roden i pacea.”
So phendea o Isus daștil te ajutil vi amen aghies.
Caște jianes sar acharas tut te aves co Baro Congreso le Martorengo le Iehovasche anda 2026,
„Fericirea cai așel anda sea o timpo”.
Anda-l cuvântări, interviuri hai materialea video
va avela te diches că so sicadea amen o Isus ajutil amen vi aghies te arachas i ciaci fericirea.
Le congresea încăren-pe ande sea i lumea hai ci trebul te pochines caște jias andre.
Jia po jw.org caște araches iech congreso mai pașă tutar.
Ajucăras tut anda sea o ilo!
Mangas tumen te acharen tumara familia hai codolen de pașa tumende ca o șucar congreso.
Sam bucurime te phenas tumenghe că si amen iech nevi ghili anda o congreso anda 2026, „Voime si mânre iacha”.
I ghili hai le versuri daștin te aven descărchime pa o JW Library hai pa o jw.org.
Zuriaras tumen te ghilaban chăre cadai ghili caște ghilaban-la anda sea ilo co congreso.
Dacă le versuri sile vi ande tumari șib,
va avela te ghilabas i ghili ando curco cai astarel
co 20 aprilia 2026 cana phandavel-pe i întrunirea.
Ande cado șion va avela te dichas iech șucar them andai Caraibe, si i Republica Dominicano.
But aven te dichen cado them.
Cade arachas o mai ucio plain anda Caraibe
hai vi o șucar barr chihlinbaro.
Dacă phires pașa le plaina hai le cascade daștil-pe te diches animalea cai ci mai dichlean-len.
Sar avelas: i iguana rinocer,
o solenodono Hispaniolano,
hai i palmchat, iech ciricli cai ghilabel zurales.
Le manușa de catar sile voime, phiraven-pe șucar hai cheren tut te simțos tut mișto.
Cana chiden-pe mai but jene ande iech than, placial-len te han iech tocana cai bușiol sancocho.
Andi Republica Dominicano, cărdilea o merengue, si ghilea hai dansuri cai le manușen de cothar placial-len but.
I Republica Dominicano si o corcoro them cai siles iech steago pe savo si i Biblia.
Voi sili pâtărdi co Ioan 8:32 hai cade phenel-pe:
„O ciacimos va eliberila tumen”.
Cadea sar phendea o Isus, mii manușa de catar
sichile o ciacimos hai sas-le eliberime catar o naționalismo
hai le hohaimata religioso.
I predicarea astardea andi Aprilia 1945 cana cade avile
le misionari Lennart hai Virginia Johnson,
Chiar ando ghies cana arăsle, astarde te sichion le manușența andai Biblia.
Pala iech timpo, avile vi mai but misionari hai le manușa astarde te jian ca le întruniri ando chăr le phralengo misionari.
Pala trin bărșa, cam 110 phrala predichinas i vestea lași.
O Rafael Trujillo dichlea că ando them sile sea mai but martori.
Cadaia ci placeaia-les hai astardea de persecutil-len.
O Vaticano ajutisardea-les ca leschi conducerea te avel vi mai zurali.
Pe sea le changărea trebulas te scriil-pe: „O Del ando cerii,
o Trujillo pi phuv.”
Tha amare phrala așile pașa o Iehova.
O guverno phandadea amari buchi anda 1950 hai
pale ande 1957.
Ande codo timpo, amare phrala ci mechle-pe.
Von predichisarde mai dur hai cărde publicații garades, cadea sar va avela te dichas ando materialo cai avel.
Chiar cana amari buchi sas așadi, ande cado them sas sea mai but Martori le Iehovasche.
Ande 1960 o guverno mechlea amen liberi.
Aghies si mai but sar 38 000 phrala cai încăren mai but
sar 45 000 studii biblico ande fiesavo șion.
Le phrala încăren întruniri andi spaniola, creola haitiano,
o limbajo le vastengo, engleza, chineza mandarină hai rusa.
Ca 150 kilometri catar i capitala, mașcar le plaina arachas iech țâno foro cai bușiol Constanza.
Acana, va avela te dichas amare phralen
anda i congregația Los Laureles.
Von sile 134 phrala hai 36 mașcar lende sile pionieri.
Le phrala hai le pheia de cothar încăren mai but sar 170 studii biblico ande fiesavo șion.
Daștis te araches iech bari bucuria cana predichis
mașcar le șucar plaina le manușenghe
cai thabol lengo ilo te prinjianel le Devles.
Le gule phrala andai congregația Constanza, Los Laureles camen te jianen că iubin tumen zurales but.
Dichlean o JW Broadcasting catar o Sedio Mondialo
le Martorengo le Iehovasche.

JW Broadcasting – aprilia 2026
- 

JW Broadcasting – aprilia 2026

Mișto avilean co JW Broadcasting!
Ande cado șion, va avela te sichioas te dichas amen sar dichel amen o Iehova ande iech modo iubitorii.
Va avela te rodas sumnacai ando lil Mica cai va sicavela amen sar te avas orta hai umili.
Hai va dichasa sar le mai țâne buchia cai cheras-len anda aver daștin te arăsăn ca lengo ilo.
Bucurin tumen catar i emisiunea! 
Gule phralale, simțosardean tumen sar cadai phei
cai scriisardea:
„Chiar cana iubiv but le Iehovas hai dav sea mânri zor te slujiv lesche, butivar simțosarav că ci arăsăl so cherav.”?
Fal amen nasul te phenas, tha poiechdata amaro ilo doșarel amen
hai phenel amenghe că chiar dacă das sea amari zor ci sam lașe ande-l Iehovasche iacha. 
Sau chiar dacă jianas că o Iehova si iech Del cai iertil,
daștil-pe te simțosaras amen încă doșale anda so cărdeam.
Le greșeli hai le păcatea cai cărdeam-len acana but timpo
daștin te aven pale ande amari goghi hai te cheren amen
te avas perade hai duchade. 
Daștil-pe că but mașcar amende simțosardeam amen cadea.
Tha so daștil te ajutil amen?
Te dichas so phendea o Iehova co apostolo Ioan te scriil
ando 1 Ioan 3:19, 20.
Cadai cuvântarea sili cărdi pala cadal versetea hai bușiol 
„O Del silo mai baro sar amaro ilo”. 
Te citisaras 1 Ioan 3:19, 20.
„Prin cadaia va avela te jianas că avas anda o ciacimos
hai că va cherasa ca amaro ilo te pachial-pe angla o Del chiar cana o ilo daștilas te doșarel amen,
anda codoia că o Del silo mai baro sar amaro ilo
hai prinjianel sea.”
Cade, o Ioan phenel că „va cherasa ca amaro ilo te pachial-pe angla o Del” hai că „o ilo daștilas te doșarel amen”.
Daștil-pe, că vi o apostolo Ioan simțosardea-pe nasul
hai lesco ilo doșardea-les.
Tha, sea vo zuriarel amen că o Iehova dichel
so si lașio anda amende. 
Te na bâstras că o Ioan phendea: „Jianas că avas
anda o ciacimos.”
Te gândisaras amen sar arăsleam te slujisaras le Iehovasche.
Așundeam hai pachiaiam o ciacimos andai Biblia.
Pachiaiam ando Isus hai anda so vo sicadea amen.
Mechleam i lumea palal hai lache hohaimata.
Deam amari zor te las amen pala o Isus, iubisardeam amare phralen hai duriardeam amen le păcatostar.
Cadea că, „avas anda o ciacimos”.
O ciacimos parudea amen.
Cadaia cherel amen te pachias că o Iehova iubil amen 
hai că cheras partea anda leschi familia. 
Cu sea cadala, poiechdata amaro ilo doșarel amen.
Tha sostar?
Anda codoia că amari conștiința cherel buchi.
Butivar cana i Biblia del duma anda amaro ilo, camel te sicavel că si o manuș cai sam de andral.
Anda o Turno de veghe anda 1 august 1997, phenel-pe:
„I Biblia phenel că i conștiința cherel buchi
ande iech than le manușesa cai sam de andral,
adică le buchianța cai simțosaras-len ando ilo.”
Mai dur, del-pe duma anda Romani 2:15.
Cade o Pavel phenel sar cherel buchi i conștiința le manușenghi cai ci sile tela i Legea Mozaico.
Te citisaras ande iech than cado verseto.
„Von sicaven că sea so phenel i legea si scriime ande lengo ilo
hai vi lenghi conștiința del duma anda cadaia,
hai lenghe gânduri doșarel-len sau nici.”
Amari conștiința, cai si iech daro le Devlestar, daștil te doșarel amen sau nici.
Voi phenel amenghe de anglal te na cheras vareso nasul
hai dacă arăsleam te cheras iech buchi nasul,
pala codoia doșarel amen.
Cana nașelas catar o rege Saul, o David arachlea-les ande iech peștera hai șindea iech cothor anda lesco hureaimos.
Ando 1 Samuel 24:5 phenel-pe:
„Pala codoia, o ilo le Davidosco astardea te doșarel-les.”
Cade, co „ilo” mai daștil te phenel-pe vi „conștiința”.
I conștiința le Davidoschi doșardea-les anda codoia că
ci sicadea pachiv le regesche Saul.  
Amari conștiința ajutil amen te jianas dacă cărdeam vareso mișto sau nasul.
Iech conștiința doșali ajutil amen te fal amenghe nasul
hai te paruvas amaro phiraimos.
Tha, dacă amari conștiința doșarel amen prea but,
daștil-pe ca i bari doș te peravel amen
hai te arăsas te pachias că o Iehova niciechdata ci va iertila amen chiar cana fal amen nasul.
Sau daștil-pe te arăsas te gândisaras că trebul te avas perfecți caște bucurisaras le Iehovas. 
Cadea sar phendea o Pavel, amari conștiința si sar iech judecătorii cai alosarel dacă sam sau nici doșale.
Te las iech exemplo, te gândisaras amen că sam
ande iech sala de judecată.
O judecătorii si amari conștiința hai le martori si amare gânduri.
O judecătorii va dichela sea le dovezi cai anen-len le martori.
Iech judecătoro lașio va așunela le dui părți caște cherel
iech judecata ciaci. 
Tha, sar avelas dacă o judecătorii așunelas numai le martoren cai doșaren amen?
Cadal martori, cai si amare gânduri, manghen te avas pedepsime.
Si sar cana phenenas: „Niciechdata ci trebulas te bâstrel
so cărdea.
Silo doșalo, silo covlo hai silo nasul.
Meritil te așel but timpo co phandaimos.”
Pala so o judecătorii așundea numai le martoren cai doșaren amen hai nicieche martores cai silo de amari partea,
vo phenel: „San doșalo hai trebul te jias co phandaimos”. 
Sa cadea, dacă ci sicavas mișto amari conștiința,
voi daștil te avel sar cado judecătorii neorta,
cai phenel amenghe te jias co phandaimos.
Cado phandaimos daștil te avel amaro ilo cai doșarel amen hai ci mechel amen te bâstras so cărdeam.
Chi conștiința so felo judecătorii si?
Te anas amenghe amintea, că iech conștiința mișto sicadi daștil te iertil amen cana doșaras amen prea but.
Cadea că, ca amari conștiința te cherel amenghe iech judecata ciaci trebul te avel sicadi pala i legea le Iehovaschi,
tha vi te prinjianel codoles cai dea le legi,
le mai bare Judecătores. 
Dichen so phenel-pe ando Turno de veghe anda 1 septembria 1976, ande șib englezo.
„Cana sicavas amari conștiința, trebul te anas amenghe amintea că o Iehova silo iubirea
hai cadai iubirea sicavel-la amenghe andi Biblia hai anda o modo sar phiravel-pe pesche manușența.”
So șucar! I Biblia sicavel amen că o Iehova iubil o ortomos tha mechel pestar cana judechil amen.
Silo pherdo mila hai iubirea loialo. Sea so cherel si anda iubirea.
Cana prinjianas mișto le Iehovas, amari conștiința va cherela iech judecata ciaci.
Ci va mechela amen te cheras so camas 
cana le buchia sile greșime.
Tha nici ci va avela te doșarel amen prea but. 
Te dichas mai dur, iech judecătorii lașio cai prinjianel le Iehovas va așunela vi le martoren cai si de amari partea.
Cadala daștinas te aven amare gânduri hai von te phenen: „Raia, cado manuș ci cherel numai buchia nasul.
Acana si o timpo te iertis-les. Pochindea anda so cărdea, but timpo doșardea-pe hai fal lesche nasul anda so cărdea.
Si ciaces că ci daisaras te paruvas so cărdea mai anglal,
 tha acana si iech aver manuș.”
Cana prinjianas mișto le Iehovas hai jianas că
vi vo prinjianel amen,
pachias anda sea o ilo că vo iertil amen „chiar cana amaro ilo daștilas te doșarel amen.
Anda codoia că, o Del silo mai baro sar amaro ilo hai 
prinjianel sea.”
So lașio Del si amen! O Iehova prinjianel amaro ilo
hai jianel con sam amen ciaces.
Da, vo dichel amare greșeli tha jianel vi sostar cheras-len.
Vo jianel că amen camas te cheras so si orta hai dichel chichi daisaras te cheras.
O Iehova jianel sea so spidel amen te cheras iech buchi.
Vo dichel ji andre ande amende hai jianel că sam imperfecți. 
Te dichas so phenel o lil Perspicacitate andai mila le Iehovaschi.
„O ciacimos si, că o mai baro pharimos cai phiraven-les
le manușa si o păcato,
cai primisarde-les le Adamostar, o iechto manuș.
Cadea că, sea le manușa sas-le ande iech situația
cadea de phari că trebulas te sicavel-pe lenghe mila.
O Iehova sicadea cadai mila hai dea pesche șiaves
caște lel o păcato pa amende.”
O Iehova jianel că si amen iech pharimos, o păcato, anda codoia Vo sicavel amenghe mila.
Te dichas iech exemplo ande savo o Iehova sicadea că silo mai baro sar o ilo pesche slujitoresco.
Cado si o Petru.
Andi mai phari riat anda leschi viața, o Petru, na iech data,
tha trin-var, phendea că ci prinjianel le Isusos.
Ande codoi riat, cana o Isus risardea-pe caring o Petru, 
le dui dichle-pe iech pe aver.
Pachian că o Petru avelas te bâstrel cado momento? 
Duchadea le Petros lesco ilo de fiesavi data cana așunelas că ghilabel iech bașno?
Anelas pesche amintea chichi de duchado sas-lo cana phendea: 
„Ci prinjianav-les! Ci prinjianav-les!”?
Daștil-pe. Ci jianas.
Tha jianas că o Isus ajutisardea-les te na mai doșarel-pe.  
Chiar ando ghies cana sas-lo jiuvindo,
o Isus sicadea-pe le Petrosche
hai o Petru daisardea te phenel lesche
că fal lesche nasul anda so cărdea.
Ci jianas so phendea lesche o Isus, tha pachias ciaces
că o Petru ci bâstărdea so dea duma le Isusosa.
Mai târzio, cadea sar dichas ando Ioan o capitolo 21,
o Isus mechlea le Petros te phenel trin-var că iubil-les
angla le coaver apostoli.
Hai sea atunci o Isus dea le Petros iech bari buchi te cherel. 
Cadea că, o Petru ci mai gândilas-pe sea o timpo ca le dumes
„Ci prinjianav-les”; „Ci prinjianav-les”, vo acana gândilas-pe 
ca le șucar dumes le Isusosche.
Prin o Isus, o Iehova sicadea le Petrosche că silo mai baro sar lesco ilo cai doșarelas-les. 
So sichileam ande cadai cuvântarea?
Iech lași conștiința ci mechel amen te cheras so si greșime,
tha nici ci doșarel amen prea but.
Trebul te sichioas te dichas amen sar dichel amen o Iehova.
Vo dichel cuci sea so cheras caște slujisaras lesche 
hai ci judechil amen bi milaco.
Ciaces, o Del si mai baro sar amaro ilo.
Te mechas ca i iubirea le Iehovaschi te pherel amaro ilo 
hai te ajutil amen te slujisaras lesche bucuriasa. 
Va avela te dichas sar amare phrala hai pheia sichile
te na mai gândin anda pende că nai-len lașe chancesche. 
Na-i ușoro cana naches prin iech pharimos cai ci dichiol-pe, 
tha simțos-les hai tu ci daștis te cheres chanci.
Si prea pharo. 
Man hai mânre rromes sas amen iech șucar viața. 
Sas amen dui șiave,
mânro rrom sas phuro de congregație hai me pioniera.
Tha, ande iech ghies mânro rrom mulea bi te ajucărav man.
Hai de iech data, somas pivli. Duchavelas man cadai duma.
Cherelas man te simțov man corcori.
Ci mai jianglem con som. 
Simțosardem man hasardi hai că ci som lași chanceschi.
Cana somas șiavorro, codo cai trebulas te avel mânro dad ci lea sama mandar.
Ci cărdea cadaia.
Anda codoia, ando timpo so barilem
butivar așundem ande mânro șăro că varecon phenelas manghe că ci som lașio chancesco.
Vi acana mai așunav cadaia hai poiechdata chiar simțov
că ci som lașio chancesco. 
Cana sas man 22 bărșa hachiardem că siman iech baro nasfalimos co șăro.
Si iech nasfalimos cai cherel tut te na pachias ande chanceste.
Gândis tut sea o timpo că cărdean vareso nasul.
Cherel tut chiar te jias ca i poliția hai te phenes că cărdean vareso nasul.
Si manghe zurales pharo. Mânre gânduri cheren man te pachiav că sea o timpo som doșalo. 
Țârdav mandar te na mai gândiv man buchiande nasul. 
Cado pharimos mechel man bi zuralimasco. 
Camlem te phenav savorenghe so sas man po ilo,
tha ci daisardem. 
Cadal buchia daștinas te șion man ca phuv,
dacă ci avenas o Iehova hai lesche manușa. 
Si man iech amal cai siles sa cado nasfalimos sar man.
Cana așundem că siles sa codo nasfalimos, 
că si amen sa codol gânduri hai daraimata
simțosardem că varecon hachiarel man.
Pachiav că o Iehova bișaldea-les. 
Cana ci simțov man mișto scriiv iecha pheiache.
Voi phenel manghe: „Sar te ajutiv tut?”, „Ci jianav, camav numai te phenav so si man po ilo.” Hai voi așunel man. 
Poiechdata, cana si manghe dini te cherav iech buchi,
simțosarav că ci som me o mai lașio te cherav-la,
hai chiar ci som lașio.
Tha, jianav că o Iehova dichel că dav sea mânro zuralimos.
Gândiv man ca Revelația 4:11 cai phenel că o Iehova meritil
te avel lesche dini „i pachiv, o așarimos, hai o zuralimos”.
Vo meritil te dav-les sea so daștiv.
Vo dichel cuci sea so cherav.
Hai bucuril-pe vi anda codola cai den-les sea so si-len mai lașio chiar cana simțon că ci sile lașe chancesche. 
Jianav că si importanto te jiav ca i Sala le Regatoschi,
caște anav închinarea ande iech than le phralența, chiar cana va avela te rovav ando timpo le programosco hai le ghileango.
Tha, poiechdata si mișto te roves.
Cana phenes so si tut po ilo simțos tut mai pașă le Iehovastar hai la congregațiatar. 
Ande fiesavo ghies dav mânri zor te dichav man cadea sar dichel man o Iehova.
O manglimos ajutil man but. Tha vi o gândo că o Iehova jianel că si man iech baro nasfalimos. 
Poiechdata lel man i dar, tha mangav man le Iehovasche caște ajutil man te avav liniștime. 
Aver buchi cai ajutil man si te dichav o răspunso le Iehovasco ca mânre manglimata.
Phuu!
Cadaia machel mânro ilo.
Cana si tut mai but nevoia... ajutorostar,
hai phenes le Iehovasche bi te jianel chonic,
tha primis vi răspunso...
jianes că si Lestar.
Sea o timpo sas-lo pașa mande. 
Camav te dichav le Iehovas sar ieche dades, cadea sar cărdea o Isus.
Cadea sar dichas ando Ioan, vo manglea-pe le Iehovasche angla te avel mudardo. 
Anda o capitolo 17, hachiarav so amalimos chidino sas mașcar lende.
Vi me camav te avav sa cadea. 
Ajutisardea man but vi că citisardem andi biblia anda le pivlea.
Pala codoia, hachiardem că o Iehova...
ci dichel le pivlean cadea sar i lumea.
Vo dea le israelițen legi anda sar te phiraven-pe lența.
Cadaia ajutil man te hachiarav că o Iehova silo pașa mande.
Acana ci som duchadi cana așunav i duma „pivli”.
Hachiardem că si man iech than specialo,
som ande angali le Iehovaschi. 
O Iehova dichel tut mai cuci sar diches tut tu.
Vo ajutil amen te dichas amen lașe iachența.
Anda codoia că vo iubil amen, daisaras te șiudas le buchia nasul anda amaro ilo.
Lesche gânduri sile but mai lașe sar amare.
Vo prinjianel amari bucuria, amari duch hai sea so si ande amaro ilo. 
Daisaras te pachias ciaces că o Iehova iubil amen but. 
O Iehova sicavel că silo pașa amende prin o manglimos
hai le lașe amala cai iubin amen.
I phei Wood phendea: „San ando mai lașio than,
andi angali le Iehovaschi.”
Va avela te sichioas vi mai but buchia anda so voi phendea ande laco intervio cai va avela șiuto ande cado șion. 
Cana sicavel-pe amenghe lașimos, vi amen camas te sicavas lașimos averenghe.
Ando video cai avel „O sastr ascuțil o sastr” va dichasa
sar te las amen pala o lașimos le Iehovasco. 
Mișto avilean co „Sastr ascuțil o sastr”! Me som o Jonathan. 
Aghies va avela te das duma anda o lașimos.
Le păcătoși, le nasfale hai le șiavorre avile co Isus anda codoia că vo sicadea lașimos.
Cadea sar o Iehova, vi o Isus sicadea lașimos savorenghe. 
Vo ci sicadea lașimos numai codolenghe cai sas-le lașe lesa sau cai placiaia-len lestar.
Mai but, vo sicadea lașimos anda codoia
că jianglea so însemnol cadaia anda le manușa.
Hai cadea, vo așardea le Iehovas. 
Tha, sar daisaras vi amen te sicavas lașimos savorenghe? 
Gata, nachlea tumaro timpo. Trebul te tiliaren acana. 
− Iertisar amen.
− Ci nachlea o timpo.
Mai si amen panji minute. 
Nai chanci Emily. Tori, mai mișto jias amenghe, mai avas tute. 
Goghiaver amari phei.
Voi așilea liniștime hai tiliarde savore chiar cana mai daisarde te beșen chichiva minutea.
Tha, daisardea te cherel vi mai but? 
O iechto paso cai ajutil amen te avas mai lașe si te șioas amen ando than le manușesco.
Puș tut:
„O manuș savesa des duma trebul lesche vareso? Prin so nachel?”.
Pala codoia, așun-les atento hai de chi zor te hachiares-les. 
Jian angle. Me mai așiav iech țâra. 
− Te trais! 
− Te trais! 
Camlem te mulțumiv tuche că les sama cadea de mișto mânra amaleatar.
Nai anda so.
Iertisar că dem duma tumența mai anglal cadea. Si amen but buchi te cheras hai sam prea țâra jene. 
Cana mulțumis varecasche, cheres-les te simțol-pe mai mișto.
I asistenta bucurisardea-pe. 
Cana varecon phenel amenghe so siles ando ilo,
camas te sicavas pachiv hai te das duma lașimasa.
Cado si o duito paso.
Cana duchal amen ciaces varecastar va dichiola-pe cadaia ando modo sar das duma.
Trebul te alosaras mișto so phenas hai sar phenas caște na duchavas varecas. 
Ci si ușoro, si amen but buchi hai sam prea țâra jene. 
Ci trebul te manghes tuche iertarea.
Pachiav că placial tut but te aves iech asistenta, tha sigur si vi ghiesa phare. 
Da, sas manghe pharo aghies. 
Tha, si mișto că pies iech ceaio lașio. 
Da... peradem-les hai ci sas man timpo te lav manghe aver. 
Ioi, chiar sas tut iech ghies pharo, nai cadea?
− Me som i Mandy. 
− Me som i Mary. Bucuriv man te prinjianav tut.
Mechav tut te cheres chi buchi. 
So șucar exemplo. Cărdea varecas te simțol-pe mai mișto.
Acana voi prinjianel la asistenta. Tha so daștil te mai cherel?
Cado si o trinto paso cai daisaras te cheras-les.
Te avas lașe ci însemnol numai te sicavas pachiv hai te das duma lașimasa. Trebul vi te cheras vareso.
Camas te rodas sar te ajutisaras le manușen.
Trebul te das anda amaro timpo, amari zor, amare love?
Daștilas-pe, tha cana cheras cadaia nai de ivea. 
Dich. Cado si anda tute. 
− Vai, da ci trebuisardea. 
− Jianav, tha camlem te lav tuche.
Mulțumiv tuche anda ilo.
− Daștiv te pușiav tut vareso? 
− Mhm..
Con si i rromni cai avilean late? Dichav că aven sea o timpo but manușa late. 
Voi si amari amali.
Sam sar iech familia. Amen sam Martori le Iehovasche. 
Aaa... tumen sea o timpo san lașe averența. 
Mulțumiv tuche. I Tori si iech lași amali anda mande... 
Camas te avas sea o timpo lașe le manușența
anda codoia că iubisaras-len
hai daștilas-pe că poiechdata ci arăsas te das duma lența
andai Biblia.
Orisar, le manușa va camena te așunen amen cana va dichena că duchal amen ciaces lendar. 
Cadea că, dichleam le trin pași cai sicaven amenghe sar te avas lașe.
1. Te șioas amen ando than le manușesco. Gândisar tut
so trebulas lesche hai prin so nachel.
Dacă phenel tuche sar simțol-pe, așun-les. 
2. Sicav pachiv hai de duma lașimasa.
Le manușa simțon cana duchal amen lendar prin so hai sar phenas vareso. 
3. Ajutisar.
Rode te diches so daștis te cheres anda varecaste, daștil-pe că cadea va camela te așunel o ciacimos.
Tha na bâstăr!
I mai importanto buchi si, cadea sar o Isus, te iubis le manușen.
Cadea sar phenel i Biblia: „I iubirea... si lași”.
Cana mechas ca o Cuvânto le Devlesco te cherel buchi
ande amaro ilo sicavas iech ciacio lașimos.
Te dichas sar daisaras te arachas sumnacai ando lil Mica
cana das amari zor te hachiaras iech verseto
hai gândisaras amen ca sea le buchia anda leste. 
Hai so jianglean anda o lil Mica? 
So placialas amara deia, o Mica 6:8, tha ci hachiardem o phanglimos mașcar o lil hai o mesajo la Bibliaco. 
Nici me.
Hai sar astardean te rodes mai but?
Caște hachiarav sea le buchia, mai anglal dichlem sar sas
 ande codol ghiesa. 
Hmm, so șucar.
Ajutil amen but cana cheras cadea.
Sar arachlean le buchia?
Astardem te citiv le referințe. Hai arachlem o 2 Cronici le capitolea 27-29.
Cade dichas sar sas andel ghiesa cana o Mica slujisardea sar profeto.
Cana rainas le trin regi: o Iotam, o Ahaz hai o Ezechia.  
Hai o Ahaz ci sas iech lașio rege.
Cadea si.
Sas-lo nasul! Hai chiar mudardea pesche șiaven. 
Hai le israeliți sas-le sar vo.
I Biblia phenel că vi tela o raimos le lașe regesco o Iotam,
„o poporo cărdea mai dur so sas nasul.”
Cadea si.
Hai o Mica trebulas te phenel so buchia nasul cherenas hai că i Samaria hai o Ierusalimo va avena distrugime. 
Tha o Iehova, del sea o timpo vi iech speranța. 
Da, o Iehova silo răbdătorii, tha ci mechel prea but cadal buchia nasul. 
Mm-hmm.
O Iehova silo orta hai camel te lel sama codolendar bi doșaco.
Vo trebuisardea te ortosarel le israelițen, tha nici atunci ci mechlea-len.
I profeția anda o Mica sicavel că o Iehova camel te lașiarel le buchia mașcar peste hai lesche manușa. 
Ciaces! 
Dichas că le dumes anda i judecata cai phenel-len o Mica
amean codolența cai phendea-len o Isaia.
Sar exemplo,
dichlem că so phenel-pe ando Mica 4:1-3
si cam so phenel-pe ando Isaia 2:2-4.
So șucar, na? 
Da! Placial man că dichleal so ameal hai so si diferime.
Camav te cherav cadea vi avere lilența. 
O Isaia sas o angluno cai phendea cadai profeția.
Cadea că, le dui profeți așunde le Iehovastar,
vi cana falas-pe că phenen sa codol buchia. 
Pachias că le manușa daștinas te gândin-pe:
„Vi o Isaia phendea amenghe cadal dumes”?
Da. Hai daștil-pe că o Mica gândisardea-pe:
„O Iehova chiar iubil cadale manușen hai camel te hachiaren so camel te phenen lenghe”.
Vi me camav te avav sar o Mica hai te dav duma le manușența chiar cana fal-pe că phenav lenghe sa codol buchia.
Hai tu, so dichlean? 
Iech verseto cai placial man si... hai mai mișto te citisaras-les.
Mica 3:5 cai phenel:
„Le profeți ... cai den duma andai pacea cana dandaren le dandența,
tha cai phenen codolesche cai ci del-len chanci te han că va nachela prin phare ghiesa”.
Hmm ... mișto.
- Cadea că si interesanto?
- Da!
Cana citiv andai Biblia placial man cana arachav phare versetea.
Cadea așavav man hai gândiv man mai but.
Cana ci hachiarav-len hai nai-len but referințea, dav mânri zor te dichav fiesavi duma hai te pușiav man:
„So camel te phenel?”­
So șucar!
Aș te scriiv manghe:
„Na sighiar hai hachiar fiesavi duma”.
Mișto, i iech to buchi:
O Iehova judechisardea le profețen hohamne „cai den duma andai pacea cana dandaren le dandența.”
Mai anglal, fal-pe că si-len dui fețe.
Phenen că va avela pacea hai pala codoia dandaren.
Tha i referința sicavel că „dandarel” însemnol „te hal vareso”. 
Placial man sar dichlean cado verseto.
Cana le israeliți denas le profețen te han von denas duma
anda i pacea.
Da!
Cana denas-len vareso lașio sar avelas o haben, le profeți phenenas că va avena lașe ghiesa.
Tha cana ci priminas haben von phenenas lenghe că va avena phare ghiesa.
Hmm ... vi le manușa de aghies sile cadea sar sas-le le profeți. 
Cado verseto ajutil man te gândiv man că o Iehova dichel so si ande mânro ilo
hai vi sar phiravav man averența.
Cadaia cărdea man te pușiav man:
„Ajutiv le manușen anda codoia că duchal man lendar sau ajucărav vareso lendar?
Ando than de gândiv man numai mande, dav mânri zor te ajutisarav averen?
Sar exemplo, te sichiovav iech nevi șib?
Jiav andi predicarea cana jianav că arachav le manușen?”
Dacă cadal profeți trainas aghies ci denas penghi zor te cheren cadal buchia!
Von ci dichle cuci i buchi cai sas lenghe dini hai ci hachiarde so manghelas o Iehova pesche manușendar.
O Iehova judechisardea-len.
Cadaia sicavel că Vo silo orta hai lel sama pesche manușendar. 
Da. Hai arăsas co verseto cai ciaiol mânra deia, o Mica 6:8:
„Vo phendea tuche, manușa, so si mișto. Hai so aver vareso manghel tutar o Iehova?
Numai te aves orta, te diches cuci i loialitatea hai te phires umilo che Devlesa!”.
Placial man but cado verseto!
Si sar cana o Iehova phenel manghe:
„Nai pharo so mangav tutar. Daștil te avel tut iech viața mai șucar.” 
Placial man!
Phandel-pe sosa deam duma. O Iehova bișaldea le Micas caște sicavel chichi de nasul sas le manușa hai ci sas-le orta.
O Mica așilea pașa o Iehova anda codoia că dichlea cuci i loialitatea.
Vo ci camlea te țârdel i atenția caring peste hai phirdea umilo le Devlesa. 
Wow! Rodeam iech țâra mai but hai sode sicaimata arachleam. 
Da! Anda codoia că dichleam sar sas ande codola ghiesa,
so ameal hai so si diferime hai hachiardeam fiesavi duma.  
Sas zurales șucar! Mai si tut timpo te rodas vi anda aver versetea sumnacai? 
Sar te na. Hai te rodas vi aver sumnacai anda o lil Mica. 
Cana gândisaras amen ca so citisaras sichioas but buchia.
So sumnacai va avela te araches tu anda o lil Mica? 
Ando video cai avel, o phral Malenfant
sicavel amenghe so miștimata si amen
cana gândisaras amen ca i iubirea le Iehovaschi. 
I Comemorarea anel amenghe amintea catar i bari iubirea cai si le Iehovas hai le Isusos caring amende.
Cana simțosaras lenghi iubirea camas te cheras vareso anda lende.
Lenghi iubirea cherel amen te sicavas lenghe chichi de cuci si anda amende cado daro, o merimos le Isusosco.
Cana citisaras 2 Corinteni 5:14, 15 daisaras te hachiaras mai mișto cadai buchi.
Cadea că, te citisaras ande iech than cadal dui versetea.
Dichen so phenel-pe:
„Că i iubirea le Cristososchi oblighil amen,
anda codoia că hachiardeam că iech corcoro manuș mulea anda savore, anda codoia că savore sas-le mule.
Hai vo mulea anda savore, anda codoia că, codola cai train te na mai train anda pende,
tha anda codo cai mulea anda lende hai sas-lo uștiado
andal mule.”
Nai cadea că si interesanto so phenel-pe ande cadal versetea?
„I iubirea le Isusoschi oblighil amen” te na mai traisaras anda amende.
Tha cana phenel-pe „oblighil amen” ci însemnol că sam șiute zorasa te mai traisaras anda amende.
Sau că ci daisaras te alosaras te cheras aver buchi, numai te slujisaras le Devlesche.
Na, si mai but sar cadaia.
Iech Dicționaro andi șib Engleza sicavel că te „oblighis” însemnol vi te cheres ieche manușes
te avel-les iech sentimento zuralo ando ilo,
tha vi te astarel te cherel vareso. 
O merimos le Isusosco astarel iech iag ande amaro ilo.
Dichas zurales prețioso so cărdea o Isus anda amende.
Hai cadai buchi cai cărdea-la o Iehova hai o Isus anda amende cherel amen te simțosaras
că camas te traisaras anda leste hai pala sar camel vo sea amari viața. 
Vi ando ilo le Pavelosco astardea-pe iech iag.
Vo ci încărdea-pe parpale te phenel so simțosardea cana jianglea că o Isus mulea anda leste
hai sar cadaia spidea-les te cherel vareso.
Te pâtras i Biblia co Galateni o capitolo 2.
Galateni o capitolo 2 hai o verseto 20.
Te dichas so phendea o Pavel caște sicavel so sas ande lesco ilo.
Vo phendea:
„Som șiuto po stâlpo le Cristososa.
Ci mai som me codo cai traiv, tha o Cristos
cai trail andi unitatea manța.
Si ciaces, i viața cai traisarav-la ande cado corpo
traisarav-la prin pachiamos ando Șiav le Devlesco,
cai iubisardea man hai dea-pe pes anda mande.”
Nai șucar so simțosardea o Pavel anda cadai buchi?
Dichlea sar cana o Isus mulea anda leste hai vi amen trebul te cheras sa cadea.
O Isus mulea anda fiesavo de mașcar amende
caște eliberil fiesaves anda o merimos. 
Sa cadea o merimos le Isusosco si i mai bari dovada că
o Iehova si iech Del cai del buhle vastesa.
Cado gândo zuriarel amen.
Cadea că „traisaras prin o pachiamos ando Șiav le Devlesco.”
Hai jianas că chonic anda o universo ci daștil te del mai but sar o Iehova.
Vo dea amen o mai lașio cadouo
cai daisardeam te primisaras-les.
Hai si zurales șucar so phenel-pe anda cado cadouo
ando 2 Corinteni 9:15.
„Mulțumiri te aven andine le Devlesche anda lesco daro cai si cadea de baro că ci dașil te avel phendo dumența.” 
Ce șucar phenel „lesco daro cai si cadea de baro
că ci daștil te avel phendo dumența.”
O merimos le Isusosco si iech buchi cadea de bari
că ci daisaras te phenas dumența
sea so cherel-pe prin lesco merimos hai chichi de but miștimata si amen.
Dichen so phenel-pe,
anda o merimos le Isusosco,
ando Turno de Veghe, Nr. 2 ediția anda o publico anda 2017, pagina 6.
„Niciechdata nas dino iech cadouo varecastar
 cadea de baro sau
anda iech iubirea cadea de bari sar cado daro,
 o merimos le Isusosco.
Chonic ci dea mai but anda amende cadea sar cărdea o Iehova.
Niciech cadouo ci ajutil amen mai but sar o merimos le Isusosco cai eliberil amen anda o păcato hai merimos.
Da, chanci nai mai valoroso sar cadai buchi
cai cărdea-la o Isus anda amende.”
So șucar phenel-pe ande cado Turno!
O merimos le Isusosco ci anel amenghe numai salvarea,
tha anel amenghe vi aver but binecuvântări sar avelas
că sea le nasfale va avena sastiarde,
că i phuv va avela pale cărdi iech paradiso, hai, vi i șucar speranța cai si amen
că le mule va uștena parpale viațate.
Da, nai sar te „phenas dumența” ce bari buchi cărdea o Isus anda amende.
Te dichas so phendea o Petru că trebulas te cheras cana iubisaras hai pachias ande cado daro, o merimos le Isusosco.
1 Petru 1 le versetea 8 hai 9.
So șucar phendea o Petru cade:
„Chiar cana ci dichlean-les niciechdata, iubin-les.
Chiar cana acana ci dichen-les,
sicaven pachiamos ande leste hai bucurin tumen but, simțosaren iech bucuria pherdi pachiv
cai ci daștil te avel phendi prin dumes, anda codoia că arăsăn ca o miștimos cai anel-les tumaro pachiamos, tumari salvarea.” 
Simțosaras iech bari bucuria ande amare ile
cana așias, beșas iech țâra hai gândisaras amen ca le șucar buchia cai o Iehova phendea că va cherela-len ando viitorii.
Sa cadea, daisaras te gândisaras amen le buchiande cai o Iehova del-len amenghe acana,
sar avelas o spirito sfânto cai ajutil amen te slujisaras lesche,
te așiaras-les hai te bucurisaras amen viațatar.
Si vareso normalo, gule phralale, te simțosaras iech bari bucuria ande amare ile
hai pacea cana gândisaras amen le șucar buchiande
cai o Iehova cherel-len hai va cherela-len anda amende.
O spirito sfânto pherel amen bucuriatar
hai ajutil amen te avel amen iech pachiamos zuralo
ande amaro Dad, o Iehova.
Chiar cadai buchi phenel-pe ando Romani 15:13.
„O Del cai del speranța te pherel tumare ile
bucuriatar hai paceatar
anda codoia că pachian tumen ande leste hai, cadea, te avel tumen but speranța prin o zuralimos le spiritosco sfânto.”
Ce bari binecuvântarea!
Le șucar buchia cai o Iehova hai o Isus cărde-len anda amende
zuriaren amen te cheras sea so daisaras caște anas pachiv le Iehovasche hai te șioas po iechto than andi viața Leschi voința.
Daștil-pe că simțosaras so phenel-pe ando Psalmo 116
le versetea 12 hai 14.
Te citisaras ande iech than.
Cade phenel-pe: „Sar daștiv te pochinav parpale le Iehovas
anda sea o miștimos cai cărdea-les manghe?”
Hai dacă das iech țâra mai tele, ando verseto 14 dichas so trebul te cheras.
„Va avela te încărav mânre solaharimata cai cărdem-len
 le Iehovasche angla le iacha sea lesche poporosche.”
Cadea că, so phenen?
Sar daisaras te pochinas parpale le Iehovas?
I mai lași buchi cai daisaras te cheras-la
si te anas pachiv le Iehovasche hai le Isusosche.
Nai chanci mai lașio sar te traisaras amari viața
 anda i voința le Devleschi. 
„Sar daștiv te pochinav parpale le Iehovas?”
O Claude hai i Sandra Sauvageau sea o timpo pușle-pe cadaia.
Cado pușimos ajutisardea-len te avel-len iech viața 
pherdi binecuvântări. 
Mânro dad hai dei sicade man te jiav bucuriasa andi predicarea.
Iech-var sau dui-var po curco mânro dad avelas catar i buchi, paruvelas-pe hai lelas man pesa andi predicarea.
Jianav o ciacimos mânra deiatar.
Sea o timpo mechelas lila ando chăr
hai me astardem te citiv-len.
Phendem manghe:
„Wow! Ce șucar viața. Vi me camav te traiv cadea.”
Somas de țâra timpo căsătorime,
hai me mânre rromesa camleam te cheras mai but anda o Iehova.
Chanci ci așadea amen te cheras cadaia.
Cadea daisardeam te șioas i cererea anda i Școala Galaad.
Samas bișalde andi Republica Central Africano
hai trebuisardea te sichioas iech nevi șib.
But manușa camenas te sichion amența andai Biblia,
cadea că trebunas te ajucăren ji cana avelas amen timpo anda lende.
Bi te ajucărav man, pelem nasfali
hai le doctori phende că ci mai daștin te ajutin man.
Cadea că trebuisardea te risaras amen chăre.
Sas amenghe zurales phares te tiliaras anda i repartiția.
Samas perade, anda codoia că placialas amen code hai ci jiangleam so te cheras. 
Pala so risardeam amen, găleam co congreso ieche ghiesesco
hai o phral cai vizitil le congregații sas-lo achardo te încărel iech tema.
Vo prinjianelas man de țânorri.
Dichlea că som peradi, avilea mande hai phendea manghe:
„Primisardean iech sicaimos specialo.
Folosisar-les mai dur.
Na dich ca so ci mai daștis te cheres.
Dich ca so daștis te cheres acana.”
So phendea manghe vo, parudea mânri viața.
Cana somas mai mișto, cărdem pale mai but anda o Iehova hai astardem o pionierato. 
Pala codoia,
vareso parudea-pe ca mânri buchi.
Cadea că, muchisardeam amen cade ande America.
Beșleam ande iech than cai daisardeam te slujisaras andi congregația de engleză, de franceză sau spaniolă.
I congregația de șib spaniolă sas i mai nevi.
Cadea că me hai mânri rromni gândisardeam amen
te slujisaras code. 
I Sandra sichilea i șib numai ande chichiva șiona.
Manghe lea mai but timpo te sichiovav i șib.
Sam ande cadai congregația de 25 bărșa hai placial amen cade.
Das amari zor te das duma mai mișto cadai șib hai si amen but șucar experiențe. 
Cana phuriovas aven aver pharimata.
Cadaia daștil te peravel amen.
Tha o Iehova sas-lo sea o timpo pașa amende,
hai jianas că vo camel te das-les so daisaras, na so ci daisaras.
Cu sea cadala, o Iehova pâtărdea amenghe aver udara. 
Sas amen mai but sar 50 bărșa hai cărdeam buchi co Comiteto Regionalo andal Construcții, cana ajutisardeam co proiecto anda o Warwick. 
Prinjiandeam phrala cai cherenas buchi code hai sas-le zurales bucurime.
Tha phende amenghe că si vi but buchi.
Cadea că, trebulas te cherav vareso te avel man zor. 
Tha ci phendea vareso.
Șiutea iech scara ando mașcar le chăresco.
Cadaia cherelas caște avel-la mai but zor, jialas opre, tele, opre, tele.
Cherelas cadaia cam 15 minutea.
Asaiem but cana dichlem-la so cherel.
Tha cadaia ajutisardea-la but. 
Amare bărșa ande iech than si mai but de sar 100 bărșa de cana slujisaras le Iehovasche.
Cărdeam buchi ca le construcții, predichisardeam andel phandaimata hai andel thana cai si vapoarea.
Anda sea cadal buchia sichileam că cana das amaro timpo le Iehovasche, Vo pochinel amen parpale but mai but.
Ci va fal amenghe niciechdata nasul că das-les so si amen mai lașio.   
Vi acana si amen sea codoi bucuria.
Camas te ajutisaras vi la tărnen te aven sa cadea.
Sar slujitori le Iehovasche ci jias niciechdata andi pensia.
Si amen i mai șucar viața,
cadea că,
ci mechas amen. 
I familia Sauvageau sea o timpo camlea te mulțumil
le Iehovasche prin so cheren.
Vi i ghili anda cado șion sicavel amen te mulțumisaras
le Iehovasche anda lesco lașimos. 
Si amenghe ușoro te pașioas ieche Devlestar cai del amen cadea de but buchia.
Vo del amen pesco Cuvânto, i Biblia, cai si pherdi sumnacai.
Șiol ande amaro ilo te ajutisaras averen hai te sicavas lenghe lașimos.
Hai butivar anel amenghe amintea că iubil amen. 
Acana camas te sicavas tumenghe vareso specialo.
I invitația catar o Baro Congreso anda 2026
„Fericirea cai așel anda sea o timpo”!
I fericirea!
But pachian că si ciaces fericime cana jial lenghe mișto
andi viața.
Tha daisaras te avas fericime vi cana nachas prin iech pharimos? 
Daisaras te avas fericime sea o timpo? 
 Acana 2 000 bărșa,
o Isus phendea amenghe că sam ciaces fericime cana așias pașă amare Devlestar cai cărdea amen. 
„Fericime sile codola cai jianen că silen nevoia ...
te prinjianen le Devles
Codola umili ...
Codola cai sicaven mila ...
Codola le ilesa ujo ...
Codola cai roden i pacea.”
So phendea o Isus daștil te ajutil vi amen aghies. 
Caște jianes sar acharas tut te aves co Baro Congreso le Martorengo le Iehovasche anda 2026,
„Fericirea cai așel anda sea o timpo”. 
Anda-l cuvântări, interviuri hai materialea video
va avela te diches că so sicadea amen o Isus ajutil amen vi aghies te arachas i ciaci fericirea. 
Le congresea încăren-pe ande sea i lumea hai ci trebul te pochines caște jias andre.
Jia po jw.org caște araches iech congreso mai pașă tutar. 
Ajucăras tut anda sea o ilo!
Mangas tumen te acharen tumara familia hai codolen de pașa tumende ca o șucar congreso. 
Sam bucurime te phenas tumenghe că si amen iech nevi ghili anda o congreso anda 2026, „Voime si mânre iacha”.
I ghili hai le versuri daștin te aven descărchime pa o JW Library hai pa o jw.org.
Zuriaras tumen te ghilaban chăre cadai ghili caște ghilaban-la anda sea ilo co congreso.
Dacă le versuri sile vi ande tumari șib,
va avela te ghilabas i ghili ando curco cai astarel
co 20 aprilia 2026 cana phandavel-pe i întrunirea. 
Ande cado șion va avela te dichas iech șucar them andai Caraibe, si i Republica Dominicano.
But aven te dichen cado them.
Cade arachas o mai ucio plain anda Caraibe
hai vi o șucar barr chihlinbaro. 
Dacă phires pașa le plaina hai le cascade daștil-pe te diches animalea cai ci mai dichlean-len.
Sar avelas: i iguana rinocer,
o solenodono Hispaniolano,
hai i palmchat, iech ciricli cai ghilabel zurales. 
Le manușa de catar sile voime, phiraven-pe șucar hai cheren tut te simțos tut mișto.
Cana chiden-pe mai but jene ande iech than, placial-len te han iech tocana cai bușiol <i>sancocho.</i>
Andi Republica Dominicano, cărdilea o merengue, si ghilea hai dansuri cai le manușen de cothar placial-len but.
I Republica Dominicano si o corcoro them cai siles iech steago pe savo si i Biblia.
Voi sili pâtărdi co Ioan 8:32 hai cade phenel-pe:
„O ciacimos va eliberila tumen”.
Cadea sar phendea o Isus, mii manușa de catar
sichile o ciacimos hai sas-le eliberime catar o naționalismo
hai le hohaimata religioso. 
I predicarea astardea andi Aprilia 1945 cana cade avile
le misionari Lennart hai Virginia Johnson,
Chiar ando ghies cana arăsle, astarde te sichion le manușența andai Biblia.
Pala iech timpo, avile vi mai but misionari hai le manușa astarde te jian ca le întruniri ando chăr le phralengo misionari.
Pala trin bărșa, cam 110 phrala predichinas i vestea lași.
O Rafael Trujillo dichlea că ando them sile sea mai but martori.
Cadaia ci placeaia-les hai astardea de persecutil-len.
O Vaticano ajutisardea-les ca leschi conducerea te avel vi mai zurali.
Pe sea le changărea trebulas te scriil-pe: „O Del ando cerii,
o Trujillo pi phuv.”
Tha amare phrala așile pașa o Iehova.
O guverno phandadea amari buchi anda 1950 hai
pale ande 1957.
Ande codo timpo, amare phrala ci mechle-pe.
Von predichisarde mai dur hai cărde publicații garades, cadea sar va avela te dichas ando materialo cai avel. 
Chiar cana amari buchi sas așadi, ande cado them sas sea mai but Martori le Iehovasche.
Ande 1960 o guverno mechlea amen liberi.
Aghies si mai but sar 38 000 phrala cai încăren mai but
sar 45 000 studii biblico ande fiesavo șion.
Le phrala încăren întruniri andi spaniola, creola haitiano, 
o limbajo le vastengo, engleza, chineza mandarină hai rusa. 
Ca 150 kilometri catar i capitala, mașcar le plaina arachas iech țâno foro cai bușiol Constanza.
Acana, va avela te dichas amare phralen 
anda i congregația Los Laureles.
Von sile 134 phrala hai 36 mașcar lende sile pionieri. 
Le phrala hai le pheia de cothar încăren mai but sar 170 studii biblico ande fiesavo șion. 
Daștis te araches iech bari bucuria cana predichis 
mașcar le șucar plaina le manușenghe
cai thabol lengo ilo te prinjianel le Devles.
Le gule phrala andai congregația Constanza, Los Laureles camen te jianen că iubin tumen zurales but. 
Dichlean o JW Broadcasting catar o Sedio Mondialo
le Martorengo le Iehovasche. 


-