JW subtitle extractor

Ойлик кўрсатувимизга
хуш келибсиз!
Бу дастурда
қай йўсин ўзимизга
Яҳова каби муносабатда
бўлиш кераклигини билиб оламиз.
Михо китобидан ростгўйлик
ва камтарлик борасидаги
қимматли сабоқларга диққат қаратамиз.
Шунингдек, бошқаларга
қилган яхшиликларимиз
уларга ижобий таъсир
қилишини кўриб чиқамиз.
Бу апрель ойи кўрсатуви.
Азиз дўстлар,
ўзингизни мана бу
синглимиздек
ҳис қилганмисиз:
«Яҳовани қаттиқ севишимга
ва Унга хизмат қилишимга қарамай,
доим етарлича қила олмаяпман
деб ўйлайман».
Афсуски, номукаммал қалбимиз
бундай сўзларни айтиб, Яҳовани
мамнун қила олмаслигимизга
ишонтирмоқчи бўлади.
Яҳовани раҳмдил Худо
деб билсангиз ҳам,
ўтмишдаги хатолар учун
ўзингизни айблаётгандирсиз.
Ҳа, хатолару гуноҳларни
эсимизга келтириб,
улар ҳақда кўп
ўйлашимиз мумкин
ва бундан руҳимиз
тушиши ҳеч гап эмас.
Баъзан бундай
туйғуларни ҳис қилиш
кўпчилигимизга таниш.
Нега ундай деяпмиз?
Келинг, бунинг учун
ҳаворий Юҳаннонинг 1-мактуби
3:19, 20 ни кўриб чиқамиз.
Бу оятларга
мавзуимиз асосланган
ва унинг номи:
«Худо қалбимиздан улуғ».
Келинг, бу оятларни
тўлиқ ўқиймиз:
Нега ҳаворий Юҳанно бу ерда
кўпликда гапирган?
«Қалбларимиз бизни айбласа ҳам,
қалбларимизни Унинг
севгисига ишонтирамиз».
Юҳанно бу ерда
ўзи ҳақида ҳам айтган.
У ҳам салбий туйғуларни ҳис қилган.
Лекин шу билан бирга у
Яҳова ижобий томонларимизга
эътибор беришини айтган.
Унинг сўзларига кўра
«ҳақиқат тарафида эканимизни
билиб оламиз».
Қандай қилиб биз
Худонинг хизматчиси бўлдик?
Биз ҳақиқатни Каломидан эшитдик.
Масиҳни ва у ўргатган
ҳақиқатларни қабул қилдик.
Дунёнинг ёлғонларини рад этдик.
Исо Масиҳга ўхшаб
яхшилик қиламиз
ва имондошларимизни севамиз.
Шу тариқа ҳақиқат тарафидамиз.
Ҳақиқат ҳаётимизни ўзгартирган.
Шунга аминмизки, Яҳова
биздан мамнун бўлиб,
Ўз оиласига бизни таклиф қилган.
Аммо баъзан
қалбларимиз бизни айблайди.
Бу нега ва қачон юз беради?
Виждонимиз ишлаган пайтда.
Муқаддас Китобда
қалбларимиз сўзи
рамзий маънода
қўлланилган бўлиб,
бошқаларга кўринмайдиган
ички дунёимизга ишора қилади.
1997 йилги «Қўриқчи минораси»да
шундай дейилган:
«Каломга кўра, виждонимиз
туйғуларимизнинг манбаи бўлмиш
қалбимиз билан
чамбарчас боғлиқ».
Римликларга мактубида
ҳаворий Павлус
Таврот қонуни остида
бўлмаган инсонларга
виждон қандай
таъсир қилишини тушунтирган.
Римликларга 2:15:
Демак, виждонимиз бизни
ё оқлаши, ё қоралаши мумкин.
У бизни нотўғри иш
қилишдан огоҳлантиради.
Ёмон ишга қўл урганимизда,
у бизни қийнаши мумкин.
Шоул Довудни таъқиб қилганида,
бир сафар Довуд Шоулнинг
камзули этагидан кесиб олади
ва 1 Шоҳлар 24:5 кўра,
унинг виждони қийнай бошлайди.
Агар оятнинг изоҳига қарасак,
«юраги» дейилган.
Довуднинг виждони унга
тайинланган шоҳга ҳурматсизлик
кўрсатгани ҳақида айтган.
Бундан ташқари, виждон
ўзимизни текширишга
ёрдам беради.
Айбдорлик ҳисси тавба қилишга
ва хатоларни тўғрилашга ундайди.
Агар айбдорлик ҳисси
жудаям кучли бўлса,
бунинг дастидан
тушкунликка тушиш ва Яҳова
хатойимизни ҳеч қачон
кечирмайди деб ўйлаш хавфи бор.
Ёки у Худога маъқул келиш учун
мукаммал бўлиш керак
деган фикрга олиб боради.
Павлус тушунтирганидек,
виждонимиз бизни ҳукм қилиб,
ё оқлаши, ё қоралаши мумкин.
Тасаввур қилинг,
бизни судда ҳукм қилишяпти.
Виждонимизни судья билан
ўй-фикрларимизни эса
гувоҳлар билан
солиштиришимиз мумкин.
Судья гувоҳларни тинглайди.
Яхши судья
тўғри қарор чиқариш учун
иккала тарафни ҳам
диққат билан тинглайди.
Аммо судья фақат
бизни айблайдиган
гувоҳларни тингласа
нима бўлади?
Ўша гувоҳлар бизни
қаттиқ жазолаш керак деб айтади.
Масалан, улар шундай дейишса:
«Қилган хатосини
унутмаслиги керак.
Хатосини тушуниши
лозим эди.
У жуда ёмон инсон.
Узоқ муддатга
қамоққа ташланиши лозим».
Агар судья фақат сизни
айблаётган гувоҳларни тингласа,
айблаётган гувоҳларни тингласа,
у шундай қарор чиқаради:
«Айбдор деб топилди.
Қамоққа ташланиш жазосига
маҳкум этилсин».
Виждонимизни тарбияламасак,
у бизни қамоққа ташлайдиган
адолатсиз судьяга ўхшаб қолади.
Бу қамоқ айбдорлик ҳисси бўлиб,
бизни тушкунликка туширади
ва бўлиб ўтган нарсаларни
унутишга йўл қўймайди.
Хўш, сизнинг
виждонингиз қандай?
Эсингизда бўлсин,
яхши тарбияланган виждон
салбий фикрларга
берилмасликка
ёрдам бериши мумкин.
Виждонимиз бизни
тўғри ҳукм қилиши учун
нафақат Яҳованинг қонунларини,
балки қонун чиқарувчи
олий Ҳакамни
яхши билиши керак.
1976 йилги
«Қўриқчи минораси»нинг
«Тарбияланган виждон
кўп фойда келтиради»
номли мақолада шундай дейилган:
Бу муҳим фикр.
Яҳова адолатни яхши кўрса-да,
У мулоҳазакорлик ила
йўл тутади.
Яҳова севгига бой Худо.
Шунга доим меҳр-садоқат
намоён этади.
Яҳованинг фазилатларини
яхши билсак,
виждон бизни тўғри ҳукм
қилишига ўргата оламиз.
Бу туфайли
хатоларимизни оқлаб,
ҳаддан ташқари ўзимизга раҳмдил
ёки қаттиққўл бўлмаймиз.
Мисолни давом
эттирадиган бўлсак,
яхши судья
ҳимоя қиладиган
гувоҳларни ҳам тинглайди.
Улар гўё шундай дейишяпти:
«Тўхтанг, уни ўтмишдаги
хатоси учун ҳукм қилманг.
Унинг хатосини
ўчириб ташлаш керак.
У айби учун кўп вақт қийналди.
Ҳозир у тавба қилди.
У ўтмишини ўзгартира олмайди.
Аммо ҳозир у бошқача инсон».
Агар Яҳовани яқиндан билсак,
ҳатто қалбларимиз бизни
айбласа ҳам,
У бизни кечиришига
амин бўламиз.
«Зеро Худо қалбимиздан улуғ
ва Унга ҳар нарса аён».
Бу далда бахш этади.
Яҳова қалбимизни,
ички дунёимизни билади.
Хатоларимизни кўрса-да,
ниятларимизни,
ҳис-туйғуларимизни ва
нималар қила олишимизни
яхши билади.
У барчасидан хабардор бўлиб,
мерос бўлиб ўтган
номукаммаллик
бизга таъсир қилишини билади.
«Муқаддас Китобни англамоқ»
энциклопедиясида
«раҳм-шафқат» остида
шундай сўзлар ёзилган:
«Одаматодан мерос бўлиб ўтган
гуноҳ одамзоднинг энг
катта заифлиги.
Шундай экан, барча одамлар
ёрдамга муҳтож.
Яҳова раҳм-шафқат кўрсатиб,
гуноҳ ва ўлимдан бутунлай
озод бўлиш учун имкон яратди.
Яҳова имкониятларимиз
чегараланганини кўриб,
бизга раҳм-шафқат намоён этади.
Яҳова қалбимиздан
улуғ эканини кўрсатувчи
мисолни кўриб чиқайлик.
Бу ҳаворий Бутрус.
Исонинг ўлимидан олдин
Бутрус 3 марта:
«Исони танимайман» деб
ундай тонган.
Ўша тунда уларнинг нигоҳлари
бир зумга тўқнашди.
Нима деб ўйлайсиз,
Бутрус ўша воқеани унутганми?
Ҳар сафар
хўроз қичқирганида Бутрус хатосини
эслаган бўлиши мумкин.
Эҳтимол, унинг хаёлида
такрор-такрор:
«Мен уни танимайман»,
деган сўзлар айланавергандир.
Буни аниқ билмаймиз.
Аммо Исо унга
айбдорлик ҳиссини енгишга
ёрдам берганини аниқ биламиз.
Ўша куни Исо тирилиб,
Бутрусга зоҳир бўлади
ва гуноҳидан тавба қилишига
имкон яратади.
Ўшанда Исо унга
нима деганини билмаймиз.
Лекин Бутрус ўша суҳбатни
унутмагани турган гап.
Кейинчалик
Юҳанно 21-бобга кўра,
Исо Бутрус унга шогирдлари олдида
3 марта севгисини
изҳор қилишига имкон яратади.
Сўнг бошқа шогирдлар олдида
Исо Бутрусга
муҳим бир вазифа топширади.
Шундай қилиб,
Бутруснинг хаёлида
«Мен уни танимайман»,
деган сўзлар
бошқа айланавермайди.
Энди онгида
янги хотиралар пайдо бўлади.
Шу йўсин, Яҳова
Исо Масиҳ орқали Бутрусга
қалбидан улуғ эканини кўрсатган.
Бу нутқдан хулоса шуки,
яхши тарбияланган виждон
хатоларга кўз юммайди.
Шу билан бирга,
ҳаддан ташқари танқид қилмайди.
Ўзимизга Яҳова каби
қарашимиз керак, чунки У
раҳм-шафқатга бой Худо
ва ҳаракатларимизни қадрлайди.
Зеро У қалбимиздан улуғ.
Келинг, ўзимизни
Яҳованинг севгисига ишонтириб,
иродасини қувонч билан
бажарайлик.
Келинг, айримлар ўзига паст
нуқтаи назарда қарамасликка
қандай ўрганганини кўрайлик.
Салом. Бу
«Темир темирни чархлайди» туркуми.
Мавзуимиз меҳрибонлик ҳақида.
Бу фазилат
гуноҳкорларни,
касалларни
ва болаларни Исога
жалб қилган.
Исо ҳам яхши, ҳам ёмон инсонга
меҳрибон бўлган.
Исо меҳрибонликни
нафақат уни ёқтирган
ва унга меҳрибон
бўлганларга кўрсатган,
балки уни доим намоён этган.
Чунки бу одамларга
қандай таъсир қилишини
ва Яҳовани улуғлашини билган.
Бизга келсак-чи?
Кимга ва қачон
меҳрибонликни намоён этамиз?
Ҳой, қизлар бўлди,
вақтингиз тугади!
Минг бор узр.
Менимча, яна
5 дақиқамиз бор.
Ҳеч қиси йўқ.
Тори, биз кетишимиз керак,
яна келамиз.
Ҳали вақти бўлса ҳам,
синглимиз шериклари билан
чиқиб кетиб оқилона йўл тутди.
Лекин яна бирор нарса
қила олармиди?
Меҳрибонликнинг
биринчи қирраси бу
«Бу инсонни нима
ташвишлантиряпти ва
у нимага муҳтож?» — деб
ўзингиздан сўранг.
Кейин диққат билан тинглаб,
ҳамдардлик кўрсатинг.
Сизлар бораверинглар
мен етиб оламан.
Яхшимисиз?
Яхши.
Дугонамга қараётганингиз учун
раҳмат айтмоқчи эдим.
Арзимайди.
Қўпол гапирган бўлсам узр. Ишимиз
кўплигидан роса чарчаймиз-да.
Оддийгина раҳмат билан
инсоннинг кўнгли кўтарилади.
Ҳамшира бунга муҳтож эди.
Инсон туйғулари билан бўлишганда,
Бу иккинчи қирра.
Инсонга
раҳм қилаётганимиз
гапириш тарзимиздан
кўринади.
Шунга сўзлару оҳангимизга
диққатли бўлиб,
одамни ранжитадиган
гаплардан қочамиз.
Ишимиз кўплигидан роса
чарчаймиз-да.
Ҳаммаси жойида.
Ҳамширалик яхши касб
бўлса ҳам,
иши роса қийин.
Ҳа, нимасини айтасиз.
Шундай пайтда чой яхши-да.
Ҳа, фақат тугади.
Яна олиб келишим керак,
улгурмаяпман.
Ҳа, ростанам кунингиз
оғир ўтяпти.
Исмим Мэнди.
Меники Мэри.
Танишганимдан хурсандман.
Майли, кўришгунча.
Ажойиб! Синглимиз ҳамширанинг
кўнглини кўтарди.
У ҳамшира учун
яна нима қила оларди?
Энди учинчи қиррага келдик.
Меҳрибонликка
нафақат сўзлар, балки
ҳаракатлар ҳам киради.
Одамларга ёрдам бериш
йўлларини излашни истаймиз.
Бу учун вақт, куч ва
маблағ сарфлаймизми?
Бироқ бу, бунга арзийди.
Салом.
Бу сизга!
Вой, бекор овора бўлибсиз-да.
Сизни хурсанд қилгим келди.
Катта раҳмат!
Битта савол берсам
майлими? Ҳа.
У қиз сизга ким бўлади?
Олдига жуда кўп одам келяпти.
У яқин дугонамиз.
Опа-сингилдекмиз.
Яҳованинг Шоҳидларимиз.
Ҳа, роса меҳрибонсиз.
Раҳмат.
Тори менинг яқин дугонам.
Бизни меҳрибонлик кўрсатишга
доим одамларга бўлган
севги ундаши керак.
Одамлар меҳримизни кўрганда,
ҳақиқатни тинглашга
мойилроқ бўлади.
Энди хулоса.
Меҳрибонликнинг 3 та қирраси:
Биринчиси,
ҳамдардлик кўрсатиш.
Одамлар нимага
муҳтож эканлигини аниқланг.
Туйғулар билан бўлишганда
шунчаки тингланг.
Иккинчиси, хушмуомалалик
ва ҳурмат ила гапиринг.
Раҳм қилаётганимиз
оҳангимизда
ва гапларимизда кўринади.
Учинчиси, ёрдам беришга
тайёр бўлинг.
Бунинг йўлларини изланг.
Бу орқали сиз
шоҳидлик бера оласиз.
Энг муҳими,
Исога тақлид қилиб,
одамларни севишдир.
Чунки Каломда
бундай айтилган:
«Севги... меҳрибондир».
Каломни ўрганиб
амалда қўлласак,
чин юракдан бошқаларга
ғамхўрлик қиламиз.
Бу сафар Михо китобидаги
хазиналарни излаб,
оятлар устида қандай қилиб
мулоҳаза юритишни
билиб оламиз.
Михо китоби ҳақида
фикринг қандай?
Михо 6:8 ойимизнинг севимли ояти.
Аммо у асосий мавзу билан
қандай боғлиқлигини билмас эканман.
Қўшиламан.
Хўш, тадқиққа қандай ёндашдинг?
Бошида мен
Михо пайғамбар даврида
нималар бўлганини билиб олдим.
Ҳа, китобнинг матн таркибини
билиш жуда муҳим.
Уни қандай топдинг?
Қўшимча оятларда
2 Солномалар 27–29 боблар чиқди.
Қаранг, мана бу
Михо пайғамбарнинг даври.
У хизмат қилган пайтда
3 та шоҳ бўлган.
Йўтом, Охоз ва Ҳизқиё.
Ҳа, Охоз шоҳ бўлганида
қийин пайт эди.
Ҳа, қийин ҳам гапми?
У ваҳший эди,
ўғилларини оловда куйдирган.
Яҳудо халқи ҳам
ундан фарқ қилмасди.
Каломга кўра, ҳатто
садоқатли шоҳ Йўтом даврида
Ҳа ва Михо уларни
тўғри йўлга солиши керак эди.
Унинг башоратига кўра,
Самария ва Қуддус харобага айланади.
Лекин Яҳова доим умид беради.
Албатта!
Яҳова жудаям сабрли.
Лекин унинг чегараси ҳам бор.
Мҳм.
У адолатли бўлгани ва
айбсизларни ҳимоялаш учун
исроилликларга
жиддий танбеҳ берган.
Ҳатто ўшанда ҳам уларни ташлаб кетмаган.
Михо башоратидан
Яҳова барча нарсани тиклашни
хоҳлашини кўрса бўлади.
Тўппа-тўғри!
Демак, Михо пайғамбар
Яҳованинг хабарини эълон қилган
ва унинг хабари
Ишаё пайғамбарникига ўхшаш.
Масалан, Михо 4:1–3 оятлар
Ишаё 2:2–4 оятлар билан
жудаям ўхшаш.
Ажойиб-а?!
Ҳа, қизиқ!
Баракалла,
сен уларни солиштириб,
фарқли томонини топдинг.
Бу борада менга ўрнаксан.
Раҳмат.
Бу хабарни Ишаё пайғамбар
биринчи айтган.
Гарчи 2 киши ҳам ўша-ўша
хабарни айтган бўлса-да,
иккови ҳам Яҳованинг йўл-йўриғига
аниқ амал қилган.
Одамлар ҳам: «Биз бу гапларни
Ишаёдан эшитганмиз»,—
дейишган бўлса керак-а?
Ҳа, Михо: «Яҳова
бу одамларни севгани учун
хабарини тушунишларини
хоҳлайди»,— деб ўйлагандир.
Бизнинг хабаримиз ҳам
бир хилдек туюлса-да,
Миходан ўрнак олиб, уни
ваъз қилишда давом этмоқчиман.
Сизга-чи, нима ёқди?
Битта оятга эътибор бердим.
А-а, яхшиси ўқиб бераман.
Михо 3:5:
Қизиқ, нимаси ёқди?
Ҳайрон қолдингми? Ҳа.
Аслида, бундай мураккаб
оятлар менга жуда ёқади.
Чунки улар мени кўпроқ
мулоҳаза юритишга ундайди.
Бу борада етарлича
маълумот топмасам,
ўзимдан: «Бу оятнинг ҳар бир ибораси
нимани англатади?» — деб сўрайман.
О, зўр экан, ёзиб оламан:
оятдаги ҳар бир ибора
ҳақида ўйлаш.
Демак, 1-ибора Яҳова «тишлаб туриб:
“Тинчлик!” — дея жар солаётган
сохта пайғамбарларни ҳукм қиляпти».
Бошида бундай ҳаракатлари учун
уларни иккиюзламачи
деб ҳисоблагандим.
Кейин изоҳга қарасам бу ибора:
Сиз ҳам яхши ёндашибсиз.
Одамлар пайғамбарларга
озиқ-овқат беришганида,
улар тинчлик хабарини айтишганми?
Ҳа. Одамлар уларга бирон-бир
яхши нарса беришганида,
улар хушхабар айтишган.
Бундай қилишмаганида эса
пайғамбарлар уруш хабарини
эълон қилишган.
Ҳа, сохта пайғамбарлар
худбин бўлишган.
Бугун ҳам кўпчилик худбин.
Бу оят ниятимни
ва одамларга бўлган муносабатимни
текширишга ундади.
Яҳовага ҳаммаси аён.
Ўзимдан шундай сўрайман:
«Бошқаларга чин юракдан,
беғараз ғамхўрлик қиламанми?
Хизмат ҳақида гапирсак,
янги тилни ўрганиш учун куч ҳамда
вақтимни жон деб сарфлайманми
ёки одамларга қулай вақтда
ваъз қиламанми?»
Сохта пайғамбарлар
бундай қилмаган.
Улар Яҳовага хизмат қилиш
шарафини қадрлашмаган.
Шунга Яҳова уларни ҳукм қилди.
Бу ишларим борасида
ўйлашга чорлади.
Ҳа, Яҳова одамларни севади
ва Унинг ҳукмлари адолатли.
Ҳа, ойимиз Михо 6:8 ни
бекорга яхши кўрмас экан:
Оятга гап йўқ.
Яҳова бизга
оддий йўл-йўриқлар берган.
Улар ҳаётимизни мазмунли қилади.
Ҳа, менгаям ёқди.
Бу бояги фикрлар билан
чамбарчас боғлиқ.
Халқ адолатсизларча
йўл тутгани учун
Яҳова уларни порахўрлик
ва худбинликда айблаган.
Михо эса Яҳовага садоқатли қолган.
У обрў орттирмай, камтарин бўлиб
Худога ҳамроҳ бўлган.
Қойил!
Чуқур изланиш орқали
Михо китобидан
шунча сабоқ олдик-а?
Ҳа, тўғри!
Бу учун
Қизиқарли фикрларни билиб олдик!
Опа, изланишга яна бироз
вақтингиз борми?
Албатта!
Кел, унда ўқишда давом этамиз.
Фикр юритиб,
қизиқарли нарсалар топамиз.
Михо китобидан яна
хазиналарни топа оласизми?
Навбатдаги видеодан
Яҳованинг севгиси
устида фикр юритиш
фойда келтиришини
билиб оламиз.
Қутлуғ Кечлик маросими
Тангримиз Яҳова
ҳамда Исо бизни
қанчалик яхши кўришини эслатади.
Чиндан ҳам улар бизга
ажойиб севгини намоён этишган.
Яҳова тўловни тақдим этгани учун
биз ҳам жавобан чин юракдан
миннатдорлигимизни кўрсатмоқчимиз.
2 Коринфликларга 5:14, 15
буни чуқурроқ очиб беради.
Келинг, уларни биргаликда ўқиймиз.
«Бизга туртки берган куч — Масиҳнинг севгиси.
Шу сабабдан биз ушбу
хулосага келдик:
агар бир киши ҳаммани деб
ўлган бўлса, демак ҳамма ўлган.
Чиндан ҳам, у ҳаммани деб ўлди,
токи тирик бўлганлар
энди ўзлари учун эмас,
балки уларни деб ўлиб қайта
тирилган киши учун яшасинлар».
14-оятнинг биринчи қисмига
эътибор бердингизми?
«Туртки берган куч — Масиҳнинг севгиси»
бизни у учун яшашга ундаяпти.
Ҳа, Худойимиз Яҳованинг
иродасини бажаришга
ва ўзимиз учун яшамасликка
бизни ҳеч ким мажбурламаяпти.
Аксинча, буни ўз
ихтиёримиз билан қиляпмиз.
Қизиқ, бир луғатга кўра
«туртки бериш» ибораси инсонда
кучли хоҳиш ҳамда истакни
уйғотишни ўз ичига олади.
Ҳа, Исонинг тўлов қурбонлиги
айнан шундай қилади.
У қилган иши учун
миннатдорликни ҳис қиляпмиз.
Бунга бўлган муносабатимиз туфайли
энди бутун ҳаётимизни
Яҳованинг иродасини
бажаришга қаратмоқчимиз.
Бу бизнинг мақсадимиз.
Ҳаворий Павлус Исо Масиҳнинг
тўлов қурбонлигига нисбатан
нималарни ҳис қилганини ва
бу унга қандай таъсир
қилганини ифодалаб берган.
Келинг, унинг сўзларини
Галатияликларга
2:20 ни очиб ўқийлик.
Бу ерда ҳаворий Павлус Исо шахсан
у учун нима қилганини айтиб беряпти.
«Мен Масиҳ билан устунга михландим.
Энди мен эмас,
аммо Масиҳ менда яшаяпти.
Чиндан ҳам, умр кечираётганимга келсак,
мени севган ва мен учун
ўзини фидо қилган
Худонинг Ўғлига бўлган
имон билан яшаяпман.
Чиройли сўзлар!
Ҳаворий Павлус Исонинг қурбонлигини
шахсан ўзига қўллаган.
Биз ҳам шундай қилсак бўлади.
Исо ҳар биримиз учун ҳаётини фидо қилган.
Энди ўлим қуллигидан озодмиз.
Ёдимизда сақлашимиз керак
бўлган яна бир муҳим нарса шуки,
Исонинг қурбонлиги, Яҳованинг
сахийлигидан далолат беряпти.
Ҳа, Исога бўлган имон билан яшаяпмиз.
Тангримиз Яҳова эса оламдаги
энг сахий Шахс.
Барча яхши ҳадяларни
биз Ундан олганмиз.
2 Коринфликларга 9:15 бу
қизиқарли сўзлар билан таърифланган.
«Сўз билан таърифлаб бўлмайдиган
ҳадяси учун Аллоҳга шукрлар бўлсин!»
Қаранг, «сўз билан
таърифлаб бўлмайдиган ҳадя».
Демак, тўлов қурбонлиги туфайли
амалга ошган барча нарсани
батафсил таърифлаш учун
афсуски, тилимиз ожизлик қилади.
Тўлов қурбонлиги ҳақида
«Қўриқчи минораси»да
ажойиб таъриф топдим.
Мен уни сизлар билан бўлишмоқчиман.
У ерда жудаям чиройли
сўзлар ёзилган.
«Бу юқоридан тушган
ҳадялардан энг аълоси.
Сабаби, бу тўлов орқали
энг олий севги намоён бўлган.
Яҳова берган бу катта совғани бизга
ҳеч ким ва ҳеч қачон бермаган.
Бизни гуноҳ ва ўлим қуллигидан
озод қиладиган
ушбу ажойиб ҳадяга муҳтож эдик.
Ҳа, сўз билан таърифлаб
бўлмайдиган тўловга
ҳеч қандай совға тенг кела олмайди».
Меҳрга бой сўзлар шундай эмасми?
Исо Масиҳнинг тўлов қурбонлиги
нафақат бизга нажот келтиради,
балки яна кўп баракаларга
эшик очади.
Масалан, барча касалликлар
йўқ бўлади.
Бутун ер юзи жаннатга айланади.
Бундан ташқари, ўлган
яқинларимиз яна ҳаётга қайтади.
Дарҳақиқат, Яҳова берган
тўлов қурбонлиги
«сўз билан таърифлаб
бўлмайдиган ҳадя».
Келинг, энди ҳаворий Бутруснинг
сўзларини кўриб чиқайлик.
У ҳадяга бўлган муносабатимиз
қандай бўлиши кераклиги
ҳақида батафсил айтган.
1 Бутрус 1:8, 9.
Бутрус буни қандай тушунтириб
бергани менга жуда ёқади.
«Масиҳни ҳеч қачон
кўрмаган бўлсангиз-да,
[ҳа, тўғри биз кўрмаганмиз]
уни севасизлар.
Ҳозир ҳам кўрмаётганингизга
қарамай, унга ишониб,
сўз билан ифодалаб бўлмайдиган
даражада қувоняпсизлар.
Сабаби, имонингизнинг
мақсадига — нажотга эришасизлар».
Чиндан ҳам Яҳова биз учун
қилган, келажакда қиладиган ва ҳозир
қилаётган нарсалар ҳақида мулоҳаза
юритсак, қалбимиз қувончга тўлади.
Мисол учун, У бизга
Унга хизмат қилишимиз
ва Уни шарафлашимиз учун
ҳатто ҳозирги ҳаётдан
завқланиб яшашимиз учун
муқаддас руҳ беряпти.
Бу нақадар ажойиб!
Биз учун бундай кучли туйғуларни,
яъни хотиржамликни ҳис қилиш
ғайритабиий эмас.
Сабаби, Яҳова қилган ва қиладиган
ишлари ҳақида тез-тез ўйлаймиз.
Яҳованинг руҳи бизни «сўз билан
ифодалаб бўлмайдиган
қувонч», миннатдорлик ва
Тангримизга бўлган ишончга тўлдиряпти.
Бу ҳақда
Римликларга 15:13 да айтилган:
«Муқаддас руҳнинг кучи билан
умидга бой бўлишингиз учун,
умид манбаи бўлмиш Тангри
Унга ишонганингиз туфайли
сизларга қувонч ва тинчликни
мўл-кўл ато этсин».
Яна бир барака!
Яҳова ва Исо бизга
қилган ишларига жавобан
биз ҳам Яҳованинг исмини шарафлаб,
иродасига мувофиқ тарзда
ҳаёт кечирмоқчимиз.
Биз нималарни ҳис қилаётганимиз
Забур китобида ёзилган.
Келинг, биргаликда
Забур 116:12, 14 ни ўқиймиз.
Бу ерда шундай сўзлар ёзилган:
«Яҳованинг менга қилган
яхшиликларини қандай қайтараман?»
14-оят қилишимиз керак
бўлган нарсага ишора қиляпти.
«Яҳовага ичган қасамларимни
[бу ерда бағишланув назарда тутилган]
бутун халқи олдида бажараман».
Яҳова ва Исо Масиҳ
бизга қилган яхшиликлари учун
жавоб қайтармоқчи бўлсак,
Худонинг иродасини ҳаётимизда
энг муҳим ўринга қўйишимиз керак.
Бу билан Яҳовага ва
Масиҳга эҳтиром кўрсатамиз.
Яҳовага нима бера оламан?
Саважолар жуфтлиги
бу саволни
ўзларига қайта-қайта беришган.
Бу саволга жавоблари
қандай баракалар
келтирганини кўрайлик.
Болалигимда ота-онам
ваъзгўйлик хизматини яхши
кўришимга кўмаклашган.
Дадам мени ҳафтада бир
ёки икки марта
бирга ваъз қилишга олиб чиқарди.
Ойимнинг исми Рита,
мен ундан ҳақиқатни билиб олганман.
Уйимизда кўп китоблар бўлгани учун
мен уларни ўқишни бошладим.
Шунда ўзимга: «Мана бу ҳаёт!
Мен ҳам шундай яшамоқчиман»,— дедим.
Турмуш қурганимиздан сўнг,
Яҳовага кўпроқ
хизмат қилишни танладик,
чунки қўшимча вазифаларимиз йўқ эди.
Шунинг учун Гилад
мактабида таълим олиш
мақсадида ариза тўлдирдик,
кейин бизни Марказий
Африкага тайинлашди
ва биз янги тилни
ўрганишни бошладик.
У ерда Муқаддас Китобни
ўрганмоқчи бўлган одамлар кўп эди.
Кейин мен касал бўлиб қолдим,
шифокор менга ёрдам
бера олмаслигини айтди,
хуллас уйга қайтишимизга тўғри келди.
Хизматни қолдириш
бизга жуда қийин бўлди.
Йўналишимиз ўзгарди.
Нима қилишни билмай қолдик.
Уйга қайтганимиздан сўнг
туман анжуманига бордик.
У ерда бу анжуманга таклиф
қилинган туман нозири бор эди.
У мени болалигимдан танирди.
Тушкун аҳволда эканимни кўриб,
олдимга келди
ва шундай деди:
«Сиз таълим олгансиз,
уни қўллашда давом этинг
ортга қараманг,
сиз уни қайтара олмайсиз.
Энди олдинга қараб ҳаракат қилинг».
Бу сўзлар менга қаттиқ таъсир қилди.
Аста-секин соғлигим тикланди ва биз
яна кашшофликни бошладик.
Ишим сабабли
Қўшма Штатларга кўчишимизга тўғри келди.
Биз қайси жамоатга боришни
танлашимиз керак эди:
инглиз, француз ёки испан.
Испан жамоати ташкил қилинганига
бир неча ой бўлган экан.
Шунда ўзаро маслаҳатлашиб,
таълимга мувофиқ
янги жамоатга
ёрдам беришни танладик.
Сандра янги тилларни ўрганишга уста.
Менга келсак,
мен учун осон эмас, кўп ҳаракат
қилишимга тўғри келади.
Мана 25 йилдирки,
биз испан жамоатидамиз.
Биз хурсандмиз,
чунки испан тилида гаплашяпмиз.
Ҳаракатда баракат деганларидай.
Ёшингиз улуғ бўлганда,
кўп хавотирланасиз.
Бу ёшда янги қийинчиликлар
пайдо бўлади.
Лекин Яҳова бизга доим ёрдам берган.
У биздан қўлимиздан келмаган
нарсани кутмайди.
Яҳова янги вазифани берганда,
биз жон деб қабул қилдик.
Ёшимиз 50 дан ошган ва биз
қурилишда ишлаётгандик,
кейин Уорвик пайдо бўлди.
Кўп имондошларимиз у ерда
ихтиёрий хизматчи сифатида
хурсанд бўлиб хизмат қилишарди.
Аммо у ердаги иш оғир бўлгани учун
ўзимга: «Кучлироқ бўлишим керак»,— дедим.
Биласизми у нима қилган?
У ётоқхонага нарвон ўрнатган.
Хуллас, Уорвикда ишлаш учун
у тепага пастга, тепага пастга
15 дақиқа мобайнида чиқиб тушаверган.
Унинг бу ҳаракатини кузатиш
роса кулгули эди.
Ҳа, хотиним роса ҳаракат қилган-да!
Иккаламиз Яҳовага юз йилдан
кўпроқ хизмат қилганмиз.
Биз МЛҚ да хизмат қилишга,
қамоқхонада ва портларда
шоҳидлик беришга муваффақ бўлдик.
Шуни тушундикки, Яҳовага
қанча беришингиздан қатъи назар
У сизга доим кўпроғини беради.
Ҳа, У билан бахтли ҳаёт кечирасиз!
Биз ғайрат ва иштиёққа тўламиз,
ёшларимиз ҳам Яҳовага
ғайрат билан хизмат қилишини
жудаям хоҳлаймиз.
Мақсадимиз — Яҳовага хизмат қилиш,
чунки бу энг зўр ҳаёт тарзи.
Ҳаракат қилишдан тўхтаманг.
Доим олға босинг!
Саважолар жуфтлиги
Яҳовага беришда
давом этяпти.
Бу ойги мусиқали видео ҳам
Яҳованинг сахийлигига бўлган
миннатдорчилигимизни кўрсатади.
Ҳа, сахийлик
кўрсатаётган Яҳовага
ўзимизни яқин ҳис қиламиз.
У бизга бебаҳо маслаҳатларга тўла
Муқаддас Китобни берган.
Яна У бизга бошқаларга
меҳр-шафқат кўрсатиб,
ёрдам бериш имкониятини
тақдим этяпти.
Бундан ташқари,
қадрли эканимизни эслатяпти.
2026 йилги ҳудудий анжуман
«Абадий бахт» деб номланади.
Бу анжуманда бизни
нималар кутаётганини
томоша қилайлик.
Бахт
кўплар учун бу турли қувончли
ҳодисаларни англатади.
Лекин ҳаётда кутилмаган
нарсалар юз берса-чи?
Шунга қарамай, бахтли бўлиб
қолишнинг имкони борми?
Тахминан 2 000 йил олдин
Исо пайғамбар
Яратувчимиз билан яқин муносабатлар
чинакам бахт келтиришини айтган.
Бугун ҳам ушбу сўзлар
ўз кучини йўқотмаган.
2026 йилги «Абадий бахт» номли
ҳудудий анжуманга келиб,
бу ҳақида батафсил билиб олинг.
Нутқлар, видеолар ва интервьюларда
Исонинг сўзларига амал қилиш
бахтга етаклаши ёритилади.
Дунё бўйлаб ўтадиган
бу анжуманларга кириш бепул.
jw.org сайтимизда сизга
яқин жойни топсангиз бўлади.
Сизни кўришдан хурсанд бўламиз!
Ушбу видеони
қариндошларингизу
қўшниларингизга
кўрсатишингиз мумкин.
Шунингдек, «Аллоҳга дўст
бўлганлар бахтлидир» номли
анжуман қўшиғи чиққанидан
ҳам бағоят хурсандмиз.
Бу қўшиқ ва
матнини JW Library
ва jw.org сайтидан
юклаб олишингиз мумкин.
Бу қўшиқни анжуманда
яхшироқ куйлаш учун
уни уйда машқ қилишга
ундаб қоламиз.
Бундан ташқари,
агар қўшиқнинг матни
сизнинг тилингизда ҳам
чиқса, бу қўшиқ
20 апрель ҳафта ўртасидаги
учрашувнинг охирида куйланади.
Бу ой Кариб ороллари ичида
энг кўп туристлар
борадиган мамлакат
Доминикана Республикасига
саёҳат қиламиз.
У ерда Кариб оролларидаги
энг баланд тоғ жойлашган бўлиб,
кўк каҳрабо тошини
топишингиз мумкин.
Тоғлар бўйлаб ва
шаршара атрофида юрсангиз,
ажойиб ҳайвонларни учратасиз.
Мисол учун, буларга
каркидон игуана,
агути
ва жудаям кўп шовқин
соладиган дулюс қуши.
Доминиканаликлар
ўзининг меҳмондўстлиги
ва дўстона муносабати
билан танилган.
Каттароқ ўтиришларда
улар ўзларининг
миллий таоми бўлган
санкочо шўрвасини пиширишади.
Шунингдек, бу ерда
меренге номли қўшиқ ва
рақс тури пайдо бўлган.
Ҳозиргача кундалик ҳаётда
кўп учрайди.
Фақат Доминикана
Республикасининг байроғида
Муқаддас Китобнинг
расми тасвирланган.
У ерда Юҳанно 8:32 даги:
«Ҳақиқат сизларни озод этади»,
деган сўзлар ёзилган.
Исонинг ушбу сўзлари
минглаб инсонларга Муқаддас
Китоб ҳақиқатларини ўрганиб,
миллатчилик ва сохта диндан
озод бўлишга ёрдам берди.
Бу ерда ваъзгўйлик иши
1945 йил апрелда
махсус ваъзгўйлар Ленарт ва Виржиния
Жонсонлар келганда бошланган.
Улар келган куниёқ Муқаддас Китоб
тадқиқларини бошлашган.
Кейинчалик кўпроқ
махсус ваъзгўйлар келди
ва кўпчилик уларнинг уйига
жамоат учрашувларига келарди.
3 йилдан кейин эса
тахминан 110 та ваъзгўй
хушхабарни ваъз қилаётганди.
Бу ўсиш эътибордан
четда қолмади.
Рафаэль Трухильонинг
бошқаруви остида
биродарларимиз ашаддий
қувғунларга дуч келди.
Ватикан Трухильони қўллаб-қувватлаган.
Оролдаги барча черковлар
«Худо осмонда, Трухильо эса ерда»
номли ёзувни илиб қўйиши шарт эди.
Лекин имондошларимиз
Яҳовага содиқ қолди.
Шунга фаолиятимиз 1950
ва яна 1957 йилда тақиқ остида эди.
Ўша пайтда имондошларимиз
Яҳовага топинишда давом этишган.
Улар эҳтиёткорлик ила
ваъз қилиб, адабиётларимизни
саҳналаштирилган видеода
кўрсатилганидек чоп этишган.
Қаршиликларга қарамай,
у ердаги кўп одамлар
Яҳовага топина бошлади.
1960 йилда тақиқ олиб ташланди.
Бугунги кунда
38 000 дан зиёд ваъзгўй
ҳар ой 45 000 дан ошиқ
Муқаддас Китоб тадқиқини ўтказади.
Испан тилидан ташқари
учрашувлар
гаити креол,
Америка имо-ишора, инглиз,
хитой путунхуа
ва рус тилларида ўтказилади.
Тоғ ён бағриларида жойлашган
пойтахтдан 150 километр нарида
Констанса шаҳарчаси бор.
Бу ерда Лос Лаурелес жамоати бор.
Унда 134 та ваъзгўй бор бўлиб,
36 таси доимий кашшоф
бўлиб хизмат қилади.
Биродару опа-сингилларимиз
ҳар ой ўртача
170 дан зиёд Муқаддас Китоб
тадқиқини ўтказади.
Бу шаҳарчада
нафақат чиройли тоғлар,
балки ҳақиқатга чанқоқ
инсонлар бор бўлгани учун
хизмат қилиш қизиқарли.
Лос Лаурелес Констанса жамоатидаги
биродару опа-сингиллар
сизларга севги
саломларини йўллашяпти.
Бу Яҳова Шоҳидларининг
бош идорасидаги
«JW Broadcasting».

JW Broadcasting (2026, апрель)
- 

JW Broadcasting (2026, апрель)

Ойлик кўрсатувимизга
хуш келибсиз!
Бу дастурда
қай йўсин ўзимизга
Яҳова каби муносабатда
бўлиш кераклигини билиб оламиз.
Михо китобидан ростгўйлик
ва камтарлик борасидаги
қимматли сабоқларга диққат қаратамиз.
Шунингдек, бошқаларга
қилган яхшиликларимиз
уларга ижобий таъсир
қилишини кўриб чиқамиз.
Бу апрель ойи кўрсатуви.
Азиз дўстлар,
ўзингизни мана бу
синглимиздек
ҳис қилганмисиз:
«Яҳовани қаттиқ севишимга
ва Унга хизмат қилишимга қарамай,
доим етарлича қила олмаяпман
деб ўйлайман».
Афсуски, номукаммал қалбимиз
бундай сўзларни айтиб, Яҳовани
мамнун қила олмаслигимизга
ишонтирмоқчи бўлади.
Яҳовани раҳмдил Худо
деб билсангиз ҳам,
ўтмишдаги хатолар учун
ўзингизни айблаётгандирсиз.
Ҳа, хатолару гуноҳларни
эсимизга келтириб,
улар ҳақда кўп
ўйлашимиз мумкин
ва бундан руҳимиз
тушиши ҳеч гап эмас.
Баъзан бундай
туйғуларни ҳис қилиш
кўпчилигимизга таниш.
Нега ундай деяпмиз?
Келинг, бунинг учун
ҳаворий Юҳаннонинг 1-мактуби
3:19, 20 ни кўриб чиқамиз.
Бу оятларга
мавзуимиз асосланган
ва унинг номи:
«Худо қалбимиздан улуғ».
Келинг, бу оятларни
тўлиқ ўқиймиз:
Нега ҳаворий Юҳанно бу ерда
кўпликда гапирган?
«Қалбларимиз бизни айбласа ҳам,
қалбларимизни Унинг
севгисига ишонтирамиз».
Юҳанно бу ерда
ўзи ҳақида ҳам айтган.
У ҳам салбий туйғуларни ҳис қилган.
Лекин шу билан бирга у
Яҳова ижобий томонларимизга
эътибор беришини айтган.
Унинг сўзларига кўра
«ҳақиқат тарафида эканимизни
билиб оламиз».
Қандай қилиб биз
Худонинг хизматчиси бўлдик?
Биз ҳақиқатни Каломидан эшитдик.
Масиҳни ва у ўргатган
ҳақиқатларни қабул қилдик.
Дунёнинг ёлғонларини рад этдик.
Исо Масиҳга ўхшаб
яхшилик қиламиз
ва имондошларимизни севамиз.
Шу тариқа ҳақиқат тарафидамиз.
Ҳақиқат ҳаётимизни ўзгартирган.
Шунга аминмизки, Яҳова
биздан мамнун бўлиб,
Ўз оиласига бизни таклиф қилган.
Аммо баъзан
қалбларимиз бизни айблайди.
Бу нега ва қачон юз беради?
Виждонимиз ишлаган пайтда.
Муқаддас Китобда
қалбларимиз сўзи
рамзий маънода
қўлланилган бўлиб,
бошқаларга кўринмайдиган
ички дунёимизга ишора қилади.
1997 йилги «Қўриқчи минораси»да
шундай дейилган:
«Каломга кўра, виждонимиз
туйғуларимизнинг манбаи бўлмиш
қалбимиз билан
чамбарчас боғлиқ».
Римликларга мактубида
ҳаворий Павлус
Таврот қонуни остида
бўлмаган инсонларга
виждон қандай
таъсир қилишини тушунтирган.
Римликларга 2:15:
Демак, виждонимиз бизни
ё оқлаши, ё қоралаши мумкин.
У бизни нотўғри иш
қилишдан огоҳлантиради.
Ёмон ишга қўл урганимизда,
у бизни қийнаши мумкин.
Шоул Довудни таъқиб қилганида,
бир сафар Довуд Шоулнинг
камзули этагидан кесиб олади
ва 1 Шоҳлар 24:5 кўра,
унинг виждони қийнай бошлайди.
Агар оятнинг изоҳига қарасак,
«юраги» дейилган.
Довуднинг виждони унга
тайинланган шоҳга ҳурматсизлик
кўрсатгани ҳақида айтган.
Бундан ташқари, виждон
ўзимизни текширишга
ёрдам беради.
Айбдорлик ҳисси тавба қилишга
ва хатоларни тўғрилашга ундайди.
Агар айбдорлик ҳисси
жудаям кучли бўлса,
бунинг дастидан
тушкунликка тушиш ва Яҳова
хатойимизни ҳеч қачон
кечирмайди деб ўйлаш хавфи бор.
Ёки у Худога маъқул келиш учун
мукаммал бўлиш керак
деган фикрга олиб боради.
Павлус тушунтирганидек,
виждонимиз бизни ҳукм қилиб,
ё оқлаши, ё қоралаши мумкин.
Тасаввур қилинг,
бизни судда ҳукм қилишяпти.
Виждонимизни судья билан
ўй-фикрларимизни эса
гувоҳлар билан
солиштиришимиз мумкин.
Судья гувоҳларни тинглайди.
Яхши судья
тўғри қарор чиқариш учун
иккала тарафни ҳам
диққат билан тинглайди.
Аммо судья фақат
бизни айблайдиган
гувоҳларни тингласа
нима бўлади?
Ўша гувоҳлар бизни
қаттиқ жазолаш керак деб айтади.
Масалан, улар шундай дейишса:
«Қилган хатосини
унутмаслиги керак.
Хатосини тушуниши
лозим эди.
У жуда ёмон инсон.
Узоқ муддатга
қамоққа ташланиши лозим».
Агар судья фақат сизни
айблаётган гувоҳларни тингласа,
айблаётган гувоҳларни тингласа,
у шундай қарор чиқаради:
«Айбдор деб топилди.
Қамоққа ташланиш жазосига
маҳкум этилсин».
Виждонимизни тарбияламасак,
у бизни қамоққа ташлайдиган
адолатсиз судьяга ўхшаб қолади.
Бу қамоқ айбдорлик ҳисси бўлиб,
бизни тушкунликка туширади
ва бўлиб ўтган нарсаларни
унутишга йўл қўймайди.
Хўш, сизнинг
виждонингиз қандай?
Эсингизда бўлсин,
яхши тарбияланган виждон
салбий фикрларга
берилмасликка
ёрдам бериши мумкин.
Виждонимиз бизни
тўғри ҳукм қилиши учун
нафақат Яҳованинг қонунларини,
балки қонун чиқарувчи
олий Ҳакамни
яхши билиши керак.
1976 йилги
«Қўриқчи минораси»нинг
«Тарбияланган виждон
кўп фойда келтиради»
номли мақолада шундай дейилган:
Бу муҳим фикр.
Яҳова адолатни яхши кўрса-да,
У мулоҳазакорлик ила
йўл тутади.
Яҳова севгига бой Худо.
Шунга доим меҳр-садоқат
намоён этади.
Яҳованинг фазилатларини
яхши билсак,
виждон бизни тўғри ҳукм
қилишига ўргата оламиз.
Бу туфайли
хатоларимизни оқлаб,
ҳаддан ташқари ўзимизга раҳмдил
ёки қаттиққўл бўлмаймиз.
Мисолни давом
эттирадиган бўлсак,
яхши судья
ҳимоя қиладиган
гувоҳларни ҳам тинглайди.
Улар гўё шундай дейишяпти:
«Тўхтанг, уни ўтмишдаги
хатоси учун ҳукм қилманг.
Унинг хатосини
ўчириб ташлаш керак.
У айби учун кўп вақт қийналди.
Ҳозир у тавба қилди.
У ўтмишини ўзгартира олмайди.
Аммо ҳозир у бошқача инсон».
Агар Яҳовани яқиндан билсак,
ҳатто қалбларимиз бизни
айбласа ҳам,
У бизни кечиришига
амин бўламиз.
«Зеро Худо қалбимиздан улуғ
ва Унга ҳар нарса аён».
Бу далда бахш этади.
Яҳова қалбимизни,
ички дунёимизни билади.
Хатоларимизни кўрса-да,
ниятларимизни,
ҳис-туйғуларимизни ва
нималар қила олишимизни
яхши билади.
У барчасидан хабардор бўлиб,
мерос бўлиб ўтган
номукаммаллик
бизга таъсир қилишини билади.
«Муқаддас Китобни англамоқ»
энциклопедиясида
«раҳм-шафқат» остида
шундай сўзлар ёзилган:
«Одаматодан мерос бўлиб ўтган
гуноҳ одамзоднинг энг
катта заифлиги.
Шундай экан, барча одамлар
ёрдамга муҳтож.
Яҳова раҳм-шафқат кўрсатиб,
гуноҳ ва ўлимдан бутунлай
озод бўлиш учун имкон яратди.
Яҳова имкониятларимиз
чегараланганини кўриб,
бизга раҳм-шафқат намоён этади.
Яҳова қалбимиздан
улуғ эканини кўрсатувчи
мисолни кўриб чиқайлик.
Бу ҳаворий Бутрус.
Исонинг ўлимидан олдин
Бутрус 3 марта:
«Исони танимайман» деб
ундай тонган.
Ўша тунда уларнинг нигоҳлари
бир зумга тўқнашди.
Нима деб ўйлайсиз,
Бутрус ўша воқеани унутганми?
Ҳар сафар
хўроз қичқирганида Бутрус хатосини
эслаган бўлиши мумкин.
Эҳтимол, унинг хаёлида
такрор-такрор:
«Мен уни танимайман»,
деган сўзлар айланавергандир.
Буни аниқ билмаймиз.
Аммо Исо унга
айбдорлик ҳиссини енгишга
ёрдам берганини аниқ биламиз.
Ўша куни Исо тирилиб,
Бутрусга зоҳир бўлади
ва гуноҳидан тавба қилишига
имкон яратади.
Ўшанда Исо унга
нима деганини билмаймиз.
Лекин Бутрус ўша суҳбатни
унутмагани турган гап.
Кейинчалик
Юҳанно 21-бобга кўра,
Исо Бутрус унга шогирдлари олдида
3 марта севгисини
изҳор қилишига имкон яратади.
Сўнг бошқа шогирдлар олдида
Исо Бутрусга
муҳим бир вазифа топширади.
Шундай қилиб,
Бутруснинг хаёлида
«Мен уни танимайман»,
деган сўзлар
бошқа айланавермайди.
Энди онгида
янги хотиралар пайдо бўлади.
Шу йўсин, Яҳова
Исо Масиҳ орқали Бутрусга
қалбидан улуғ эканини кўрсатган.
Бу нутқдан хулоса шуки,
яхши тарбияланган виждон
хатоларга кўз юммайди.
Шу билан бирга,
ҳаддан ташқари танқид қилмайди.
Ўзимизга Яҳова каби
қарашимиз керак, чунки У
раҳм-шафқатга бой Худо
ва ҳаракатларимизни қадрлайди.
Зеро У қалбимиздан улуғ.
Келинг, ўзимизни
Яҳованинг севгисига ишонтириб,
иродасини қувонч билан
бажарайлик.
Келинг, айримлар ўзига паст
нуқтаи назарда қарамасликка
қандай ўрганганини кўрайлик.
Салом. Бу
«Темир темирни чархлайди» туркуми.
Мавзуимиз меҳрибонлик ҳақида.
Бу фазилат
гуноҳкорларни, 
касалларни
ва болаларни Исога
жалб қилган.
Исо ҳам яхши, ҳам ёмон инсонга
меҳрибон бўлган.
Исо меҳрибонликни
нафақат уни ёқтирган
ва унга меҳрибон
бўлганларга кўрсатган,
балки уни доим намоён этган.
Чунки бу одамларга
қандай таъсир қилишини
ва Яҳовани улуғлашини билган.
Бизга келсак-чи?
Кимга ва қачон
меҳрибонликни намоён этамиз?
Ҳой, қизлар бўлди,
вақтингиз тугади!
Минг бор узр.
Менимча, яна
5 дақиқамиз бор.
Ҳеч қиси йўқ.
Тори, биз кетишимиз керак,
яна келамиз.
Ҳали вақти бўлса ҳам,
синглимиз шериклари билан
чиқиб кетиб оқилона йўл тутди.
Лекин яна бирор нарса
қила олармиди?
Меҳрибонликнинг
биринчи қирраси бу
«Бу инсонни нима
ташвишлантиряпти ва
у нимага муҳтож?» — деб
ўзингиздан сўранг.
Кейин диққат билан тинглаб,
ҳамдардлик кўрсатинг.
Сизлар бораверинглар
мен етиб оламан.
Яхшимисиз?
Яхши.
Дугонамга қараётганингиз учун
раҳмат айтмоқчи эдим.
Арзимайди.
Қўпол гапирган бўлсам узр. Ишимиз
кўплигидан роса чарчаймиз-да.
Оддийгина раҳмат билан
инсоннинг кўнгли кўтарилади.
Ҳамшира бунга муҳтож эди.
Инсон туйғулари билан бўлишганда,
Бу иккинчи қирра.
Инсонга
раҳм қилаётганимиз
гапириш тарзимиздан
кўринади.
Шунга сўзлару оҳангимизга
диққатли бўлиб,
одамни ранжитадиган
гаплардан қочамиз.
Ишимиз кўплигидан роса
чарчаймиз-да.
Ҳаммаси жойида.
Ҳамширалик яхши касб
бўлса ҳам,
иши роса қийин.
Ҳа, нимасини айтасиз.
Шундай пайтда чой яхши-да.
Ҳа, фақат тугади.
Яна олиб келишим керак,
улгурмаяпман.
Ҳа, ростанам кунингиз
оғир ўтяпти.
Исмим Мэнди.
Меники Мэри.
Танишганимдан хурсандман.
Майли, кўришгунча.
Ажойиб! Синглимиз ҳамширанинг
кўнглини кўтарди.
У ҳамшира учун
яна нима қила оларди?
Энди учинчи қиррага келдик.
Меҳрибонликка
нафақат сўзлар, балки
ҳаракатлар ҳам киради.
Одамларга ёрдам бериш
йўлларини излашни истаймиз.
Бу учун вақт, куч ва
маблағ сарфлаймизми?
Бироқ бу, бунга арзийди.
Салом.
Бу сизга!
Вой, бекор овора бўлибсиз-да.
Сизни хурсанд қилгим келди.
Катта раҳмат!
Битта савол берсам
майлими? Ҳа.
У қиз сизга ким бўлади?
Олдига жуда кўп одам келяпти.
У яқин дугонамиз.
Опа-сингилдекмиз.
Яҳованинг Шоҳидларимиз.
Ҳа, роса меҳрибонсиз.
Раҳмат.
Тори менинг яқин дугонам.
Бизни меҳрибонлик кўрсатишга
доим одамларга бўлган
севги ундаши керак.
Одамлар меҳримизни кўрганда,
ҳақиқатни тинглашга
мойилроқ бўлади.
Энди хулоса.
Меҳрибонликнинг 3 та қирраси:
Биринчиси,
ҳамдардлик кўрсатиш.
Одамлар нимага
муҳтож эканлигини аниқланг.
Туйғулар билан бўлишганда
шунчаки тингланг.
Иккинчиси, хушмуомалалик
ва ҳурмат ила гапиринг.
Раҳм қилаётганимиз
оҳангимизда
ва гапларимизда кўринади.
Учинчиси, ёрдам беришга
тайёр бўлинг.
Бунинг йўлларини изланг.
Бу орқали сиз
шоҳидлик бера оласиз.
Энг муҳими,
Исога тақлид қилиб,
одамларни севишдир.
Чунки Каломда
бундай айтилган:
«Севги... меҳрибондир».
Каломни ўрганиб
амалда қўлласак,
чин юракдан бошқаларга
ғамхўрлик қиламиз.
Бу сафар Михо китобидаги
хазиналарни излаб,
оятлар устида қандай қилиб
мулоҳаза юритишни
билиб оламиз.
Михо китоби ҳақида
фикринг қандай?
Михо 6:8 ойимизнинг севимли ояти.
Аммо у асосий мавзу билан
қандай боғлиқлигини билмас эканман.
Қўшиламан.
Хўш, тадқиққа қандай ёндашдинг?
Бошида мен
Михо пайғамбар даврида
нималар бўлганини билиб олдим.
Ҳа, китобнинг матн таркибини
билиш жуда муҳим.
Уни қандай топдинг?
Қўшимча оятларда
2 Солномалар 27–29 боблар чиқди.
Қаранг, мана бу
Михо пайғамбарнинг даври.
У хизмат қилган пайтда
3 та шоҳ бўлган.
Йўтом, Охоз ва Ҳизқиё.
Ҳа, Охоз шоҳ бўлганида
қийин пайт эди.
Ҳа, қийин ҳам гапми?
У ваҳший эди,
ўғилларини оловда куйдирган.
Яҳудо халқи ҳам
ундан фарқ қилмасди.
Каломга кўра, ҳатто
садоқатли шоҳ Йўтом даврида
Ҳа ва Михо уларни
тўғри йўлга солиши керак эди.
Унинг башоратига кўра,
Самария ва Қуддус харобага айланади.
Лекин Яҳова доим умид беради.
Албатта!
Яҳова жудаям сабрли.
Лекин унинг чегараси ҳам бор.
Мҳм.
У адолатли бўлгани ва
айбсизларни ҳимоялаш учун
исроилликларга
жиддий танбеҳ берган.
Ҳатто ўшанда ҳам уларни ташлаб кетмаган.
Михо башоратидан
Яҳова барча нарсани тиклашни
хоҳлашини кўрса бўлади.
Тўппа-тўғри!
Демак, Михо пайғамбар
Яҳованинг хабарини эълон қилган
ва унинг хабари
Ишаё пайғамбарникига ўхшаш.
Масалан, Михо 4:1–3 оятлар
Ишаё 2:2–4 оятлар билан
жудаям ўхшаш.
Ажойиб-а?!
Ҳа, қизиқ!
Баракалла,
сен уларни солиштириб,
фарқли томонини топдинг.
Бу борада менга ўрнаксан.
Раҳмат.
Бу хабарни Ишаё пайғамбар
биринчи айтган.
Гарчи 2 киши ҳам ўша-ўша
хабарни айтган бўлса-да,
иккови ҳам Яҳованинг йўл-йўриғига
аниқ амал қилган.
Одамлар ҳам: «Биз бу гапларни
Ишаёдан эшитганмиз»,—
дейишган бўлса керак-а?
Ҳа, Михо: «Яҳова
бу одамларни севгани учун
хабарини тушунишларини
хоҳлайди»,— деб ўйлагандир.
Бизнинг хабаримиз ҳам
бир хилдек туюлса-да,
Миходан ўрнак олиб, уни
ваъз қилишда давом этмоқчиман.
Сизга-чи, нима ёқди?
Битта оятга эътибор бердим.
А-а, яхшиси ўқиб бераман.
Михо 3:5:
Қизиқ, нимаси ёқди?
Ҳайрон қолдингми? Ҳа.
Аслида, бундай мураккаб
оятлар менга жуда ёқади.
Чунки улар мени кўпроқ
мулоҳаза юритишга ундайди.
Бу борада етарлича
маълумот топмасам,
ўзимдан: «Бу оятнинг ҳар бир ибораси
нимани англатади?» — деб сўрайман.
О, зўр экан, ёзиб оламан:
оятдаги ҳар бир ибора
ҳақида ўйлаш.
Демак, 1-ибора Яҳова «тишлаб туриб:
 “Тинчлик!” — дея жар солаётган
сохта пайғамбарларни ҳукм қиляпти».
Бошида бундай ҳаракатлари учун
уларни иккиюзламачи
деб ҳисоблагандим.
Кейин изоҳга қарасам бу ибора:
Сиз ҳам яхши ёндашибсиз.
Одамлар пайғамбарларга
озиқ-овқат беришганида,
улар тинчлик хабарини айтишганми?
Ҳа. Одамлар уларга бирон-бир
яхши нарса беришганида,
улар хушхабар айтишган.
Бундай қилишмаганида эса
пайғамбарлар уруш хабарини
эълон қилишган.
Ҳа, сохта пайғамбарлар
худбин бўлишган.
Бугун ҳам кўпчилик худбин.
Бу оят ниятимни
ва одамларга бўлган муносабатимни
текширишга ундади.
Яҳовага ҳаммаси аён.
Ўзимдан шундай сўрайман:
«Бошқаларга чин юракдан,
беғараз ғамхўрлик қиламанми?
Хизмат ҳақида гапирсак,
янги тилни ўрганиш учун куч ҳамда
вақтимни жон деб сарфлайманми
ёки одамларга қулай вақтда
ваъз қиламанми?»
Сохта пайғамбарлар
бундай қилмаган.
Улар Яҳовага хизмат қилиш
шарафини қадрлашмаган.
Шунга Яҳова уларни ҳукм қилди.
Бу ишларим борасида
ўйлашга чорлади.
Ҳа, Яҳова одамларни севади
ва Унинг ҳукмлари адолатли.
Ҳа, ойимиз Михо 6:8 ни
бекорга яхши кўрмас экан:
Оятга гап йўқ.
Яҳова бизга
оддий йўл-йўриқлар берган.
Улар ҳаётимизни мазмунли қилади.
Ҳа, менгаям ёқди.
Бу бояги фикрлар билан
чамбарчас боғлиқ.
Халқ адолатсизларча
йўл тутгани учун
Яҳова уларни порахўрлик
ва худбинликда айблаган.
Михо эса Яҳовага садоқатли қолган.
У обрў орттирмай, камтарин бўлиб
Худога ҳамроҳ бўлган.
Қойил!
Чуқур изланиш орқали
Михо китобидан
шунча сабоқ олдик-а?
Ҳа, тўғри!
Бу учун
Қизиқарли фикрларни билиб олдик!
Опа, изланишга яна бироз
вақтингиз борми?
Албатта!
Кел, унда ўқишда давом этамиз.
Фикр юритиб,
қизиқарли нарсалар топамиз.
Михо китобидан яна
хазиналарни топа оласизми?
Навбатдаги видеодан
Яҳованинг севгиси
устида фикр юритиш
фойда келтиришини
билиб оламиз.
Қутлуғ Кечлик маросими
Тангримиз Яҳова
ҳамда Исо бизни
қанчалик яхши кўришини эслатади.
Чиндан ҳам улар бизга
ажойиб севгини намоён этишган.
Яҳова тўловни тақдим этгани учун
биз ҳам жавобан чин юракдан
миннатдорлигимизни кўрсатмоқчимиз.
2 Коринфликларга 5:14, 15
буни чуқурроқ очиб беради.
Келинг, уларни биргаликда ўқиймиз.
«Бизга туртки берган куч — Масиҳнинг севгиси.
Шу сабабдан биз ушбу
хулосага келдик:
агар бир киши ҳаммани деб
ўлган бўлса, демак ҳамма ўлган.
Чиндан ҳам, у ҳаммани деб ўлди,
токи тирик бўлганлар
энди ўзлари учун эмас,
балки уларни деб ўлиб қайта
тирилган киши учун яшасинлар».
14-оятнинг биринчи қисмига
эътибор бердингизми?
«Туртки берган куч — Масиҳнинг севгиси»
бизни у учун яшашга ундаяпти.
Ҳа, Худойимиз Яҳованинг
иродасини бажаришга
ва ўзимиз учун яшамасликка
бизни ҳеч ким мажбурламаяпти.
Аксинча, буни ўз
ихтиёримиз билан қиляпмиз.
Қизиқ, бир луғатга кўра
«туртки бериш» ибораси инсонда
кучли хоҳиш ҳамда истакни
уйғотишни ўз ичига олади.
Ҳа, Исонинг тўлов қурбонлиги
айнан шундай қилади.
У қилган иши учун
миннатдорликни ҳис қиляпмиз.
Бунга бўлган муносабатимиз туфайли
энди бутун ҳаётимизни
Яҳованинг иродасини
бажаришга қаратмоқчимиз.
Бу бизнинг мақсадимиз.
Ҳаворий Павлус Исо Масиҳнинг
тўлов қурбонлигига нисбатан
нималарни ҳис қилганини ва
бу унга қандай таъсир
қилганини ифодалаб берган.
Келинг, унинг сўзларини
Галатияликларга
2:20 ни очиб ўқийлик.
Бу ерда ҳаворий Павлус Исо шахсан
у учун нима қилганини айтиб беряпти.
«Мен Масиҳ билан устунга михландим.
Энди мен эмас,
аммо Масиҳ менда яшаяпти.
Чиндан ҳам, умр кечираётганимга келсак,
мени севган ва мен учун
ўзини фидо қилган
Худонинг Ўғлига бўлган
имон билан яшаяпман.
Чиройли сўзлар!
Ҳаворий Павлус Исонинг қурбонлигини
шахсан ўзига қўллаган.
Биз ҳам шундай қилсак бўлади.
Исо ҳар биримиз учун ҳаётини фидо қилган.
Энди ўлим қуллигидан озодмиз.
Ёдимизда сақлашимиз керак
бўлган яна бир муҳим нарса шуки,
Исонинг қурбонлиги, Яҳованинг
сахийлигидан далолат беряпти.
Ҳа, Исога бўлган имон билан яшаяпмиз.
Тангримиз Яҳова эса оламдаги
энг сахий Шахс.
Барча яхши ҳадяларни
биз Ундан олганмиз.
2 Коринфликларга 9:15 бу
қизиқарли сўзлар билан таърифланган.
«Сўз билан таърифлаб бўлмайдиган
ҳадяси учун Аллоҳга шукрлар бўлсин!»
Қаранг, «сўз билан
таърифлаб бўлмайдиган ҳадя».
Демак, тўлов қурбонлиги туфайли
амалга ошган барча нарсани
батафсил таърифлаш учун
афсуски, тилимиз ожизлик қилади.
Тўлов қурбонлиги ҳақида
«Қўриқчи минораси»да
ажойиб таъриф топдим.
Мен уни сизлар билан бўлишмоқчиман.
У ерда жудаям чиройли
сўзлар ёзилган.
«Бу юқоридан тушган
ҳадялардан энг аълоси.
Сабаби, бу тўлов орқали
энг олий севги намоён бўлган.
Яҳова берган бу катта совғани бизга
ҳеч ким ва ҳеч қачон бермаган.
Бизни гуноҳ ва ўлим қуллигидан
озод қиладиган
ушбу ажойиб ҳадяга муҳтож эдик.
Ҳа, сўз билан таърифлаб
бўлмайдиган тўловга
ҳеч қандай совға тенг кела олмайди».
Меҳрга бой сўзлар шундай эмасми?
Исо Масиҳнинг тўлов қурбонлиги
нафақат бизга нажот келтиради,
 балки яна кўп баракаларга
эшик очади.
Масалан, барча касалликлар
йўқ бўлади.
Бутун ер юзи жаннатга айланади.
Бундан ташқари, ўлган
яқинларимиз яна ҳаётга қайтади.
Дарҳақиқат, Яҳова берган
тўлов қурбонлиги
«сўз билан таърифлаб
бўлмайдиган ҳадя».
Келинг, энди ҳаворий Бутруснинг
сўзларини кўриб чиқайлик.
У ҳадяга бўлган муносабатимиз
қандай бўлиши кераклиги
ҳақида батафсил айтган.
1 Бутрус 1:8, 9.
Бутрус буни қандай тушунтириб
бергани менга жуда ёқади.
«Масиҳни ҳеч қачон
кўрмаган бўлсангиз-да,
[ҳа, тўғри биз кўрмаганмиз]
уни севасизлар.
Ҳозир ҳам кўрмаётганингизга
қарамай, унга ишониб,
сўз билан ифодалаб бўлмайдиган
даражада қувоняпсизлар.
Сабаби, имонингизнинг
мақсадига — нажотга эришасизлар».
Чиндан ҳам Яҳова биз учун
қилган, келажакда қиладиган ва ҳозир
қилаётган нарсалар ҳақида мулоҳаза
юритсак, қалбимиз қувончга тўлади.
Мисол учун, У бизга
Унга хизмат қилишимиз
ва Уни шарафлашимиз учун
ҳатто ҳозирги ҳаётдан
завқланиб яшашимиз учун
муқаддас руҳ беряпти.
Бу нақадар ажойиб!
Биз учун бундай кучли туйғуларни,
яъни хотиржамликни ҳис қилиш
ғайритабиий эмас.
Сабаби, Яҳова қилган ва қиладиган
ишлари ҳақида тез-тез ўйлаймиз.
Яҳованинг руҳи бизни «сўз билан
ифодалаб бўлмайдиган
қувонч», миннатдорлик ва
Тангримизга бўлган ишончга тўлдиряпти.
Бу ҳақда
Римликларга 15:13 да айтилган:
«Муқаддас руҳнинг кучи билан
умидга бой бўлишингиз учун,
умид манбаи бўлмиш Тангри
Унга ишонганингиз туфайли
сизларга қувонч ва тинчликни
мўл-кўл ато этсин».
Яна бир барака!
Яҳова ва Исо бизга
қилган ишларига жавобан
биз ҳам Яҳованинг исмини шарафлаб,
иродасига мувофиқ тарзда
ҳаёт кечирмоқчимиз.
Биз нималарни ҳис қилаётганимиз
Забур китобида ёзилган.
Келинг, биргаликда
Забур 116:12, 14 ни ўқиймиз.
Бу ерда шундай сўзлар ёзилган:
«Яҳованинг менга қилган
яхшиликларини қандай қайтараман?»
14-оят қилишимиз керак
бўлган нарсага ишора қиляпти.
«Яҳовага ичган қасамларимни
[бу ерда бағишланув назарда тутилган]
бутун халқи олдида бажараман».
Яҳова ва Исо Масиҳ
бизга қилган яхшиликлари учун
жавоб қайтармоқчи бўлсак,
Худонинг иродасини ҳаётимизда
энг муҳим ўринга қўйишимиз керак.
Бу билан Яҳовага ва
Масиҳга эҳтиром кўрсатамиз.
Яҳовага нима бера оламан?
Саважолар жуфтлиги
бу саволни
ўзларига қайта-қайта беришган.
Бу саволга жавоблари
қандай баракалар
келтирганини кўрайлик.
Болалигимда ота-онам
ваъзгўйлик хизматини яхши
кўришимга кўмаклашган.
Дадам мени ҳафтада бир
ёки икки марта
бирга ваъз қилишга олиб чиқарди.
Ойимнинг исми Рита,
мен ундан ҳақиқатни билиб олганман.
Уйимизда кўп китоблар бўлгани учун
мен уларни ўқишни бошладим.
Шунда ўзимга: «Мана бу ҳаёт!
Мен ҳам шундай яшамоқчиман»,— дедим.
Турмуш қурганимиздан сўнг,
Яҳовага кўпроқ
хизмат қилишни танладик,
чунки қўшимча вазифаларимиз йўқ эди.
Шунинг учун Гилад
мактабида таълим олиш
мақсадида ариза тўлдирдик,
кейин бизни Марказий
Африкага тайинлашди
ва биз янги тилни
ўрганишни бошладик.
У ерда Муқаддас Китобни
ўрганмоқчи бўлган одамлар кўп эди.
Кейин мен касал бўлиб қолдим,
шифокор менга ёрдам
бера олмаслигини айтди, 
хуллас уйга қайтишимизга тўғри келди.
Хизматни қолдириш
бизга жуда қийин бўлди.
Йўналишимиз ўзгарди.
Нима қилишни билмай қолдик.
Уйга қайтганимиздан сўнг
туман анжуманига бордик.
У ерда бу анжуманга таклиф
қилинган туман нозири бор эди.
У мени болалигимдан танирди.
Тушкун аҳволда эканимни кўриб,
олдимга келди
ва шундай деди:
«Сиз таълим олгансиз,
уни қўллашда давом этинг
ортга қараманг,
сиз уни қайтара олмайсиз.
Энди олдинга қараб ҳаракат қилинг».
Бу сўзлар менга қаттиқ таъсир қилди.
Аста-секин соғлигим тикланди ва биз
яна кашшофликни бошладик.
Ишим сабабли
Қўшма Штатларга кўчишимизга тўғри келди.
Биз қайси жамоатга боришни
танлашимиз керак эди:
инглиз, француз ёки испан.
Испан жамоати ташкил қилинганига
бир неча ой бўлган экан.
Шунда ўзаро маслаҳатлашиб,
таълимга мувофиқ
янги жамоатга
ёрдам беришни танладик.
Сандра янги тилларни ўрганишга уста.
Менга келсак,
мен учун осон эмас, кўп ҳаракат
қилишимга тўғри келади.
Мана 25 йилдирки,
биз испан жамоатидамиз.
Биз хурсандмиз,
чунки испан тилида гаплашяпмиз.
Ҳаракатда баракат деганларидай.
Ёшингиз улуғ бўлганда,
кўп хавотирланасиз.
Бу ёшда янги қийинчиликлар
пайдо бўлади.
Лекин Яҳова бизга доим ёрдам берган.
У биздан қўлимиздан келмаган
нарсани кутмайди.
Яҳова янги вазифани берганда,
биз жон деб қабул қилдик.
Ёшимиз 50 дан ошган ва биз
қурилишда ишлаётгандик,
кейин Уорвик пайдо бўлди.
Кўп имондошларимиз у ерда
ихтиёрий хизматчи сифатида
хурсанд бўлиб хизмат қилишарди.
Аммо у ердаги иш оғир бўлгани учун
ўзимга: «Кучлироқ бўлишим керак»,— дедим.
Биласизми у нима қилган?
У ётоқхонага нарвон ўрнатган.
Хуллас, Уорвикда ишлаш учун
у тепага пастга, тепага пастга 
15 дақиқа мобайнида чиқиб тушаверган.
Унинг бу ҳаракатини кузатиш
роса кулгули эди.
Ҳа, хотиним роса ҳаракат қилган-да!
Иккаламиз Яҳовага юз йилдан
кўпроқ хизмат қилганмиз.
Биз МЛҚ да хизмат қилишга,
қамоқхонада ва портларда
шоҳидлик беришга муваффақ бўлдик.
Шуни тушундикки, Яҳовага
қанча беришингиздан қатъи назар
У сизга доим кўпроғини беради.
Ҳа, У билан бахтли ҳаёт кечирасиз!
Биз ғайрат ва иштиёққа тўламиз,
ёшларимиз ҳам Яҳовага
ғайрат билан хизмат қилишини
жудаям хоҳлаймиз.
Мақсадимиз — Яҳовага хизмат қилиш,
чунки бу энг зўр ҳаёт тарзи.
Ҳаракат қилишдан тўхтаманг.
Доим олға босинг!
Саважолар жуфтлиги
Яҳовага беришда
давом этяпти.
Бу ойги мусиқали видео ҳам
Яҳованинг сахийлигига бўлган
миннатдорчилигимизни кўрсатади.
Ҳа, сахийлик
кўрсатаётган Яҳовага
ўзимизни яқин ҳис қиламиз.
У бизга бебаҳо маслаҳатларга тўла
Муқаддас Китобни берган.
Яна У бизга бошқаларга
меҳр-шафқат кўрсатиб,
ёрдам бериш имкониятини
тақдим этяпти.
Бундан ташқари,
қадрли эканимизни эслатяпти.
2026 йилги ҳудудий анжуман
«Абадий бахт» деб номланади.
Бу анжуманда бизни
нималар кутаётганини
томоша қилайлик.
Бахт
кўплар учун бу турли қувончли
ҳодисаларни англатади.
Лекин ҳаётда кутилмаган
нарсалар юз берса-чи?
Шунга қарамай, бахтли бўлиб
қолишнинг имкони борми?
Тахминан 2 000 йил олдин
Исо пайғамбар
Яратувчимиз билан яқин муносабатлар
чинакам бахт келтиришини айтган.
Бугун ҳам ушбу сўзлар
ўз кучини йўқотмаган.
2026 йилги «Абадий бахт» номли
ҳудудий анжуманга келиб,
бу ҳақида батафсил билиб олинг.
Нутқлар, видеолар ва интервьюларда
Исонинг сўзларига амал қилиш
бахтга етаклаши ёритилади.
Дунё бўйлаб ўтадиган
бу анжуманларга кириш бепул.
jw.org сайтимизда сизга
яқин жойни топсангиз бўлади.
Сизни кўришдан хурсанд бўламиз!
Ушбу видеони
қариндошларингизу
қўшниларингизга
кўрсатишингиз мумкин.
Шунингдек, «Аллоҳга дўст
бўлганлар бахтлидир» номли
анжуман қўшиғи чиққанидан
ҳам бағоят хурсандмиз.
Бу қўшиқ ва
матнини JW Library
ва jw.org сайтидан
юклаб олишингиз мумкин.
Бу қўшиқни анжуманда
яхшироқ куйлаш учун
уни уйда машқ қилишга
ундаб қоламиз.
Бундан ташқари,
агар қўшиқнинг матни
сизнинг тилингизда ҳам
чиқса, бу қўшиқ
20 апрель ҳафта ўртасидаги
учрашувнинг охирида куйланади.
Бу ой Кариб ороллари ичида
энг кўп туристлар
борадиган мамлакат
Доминикана Республикасига
саёҳат қиламиз.
У ерда Кариб оролларидаги
энг баланд тоғ жойлашган бўлиб,
кўк каҳрабо тошини
топишингиз мумкин.
Тоғлар бўйлаб ва
шаршара атрофида юрсангиз,
ажойиб ҳайвонларни учратасиз.
Мисол учун, буларга
каркидон игуана,
агути
ва жудаям кўп шовқин
соладиган дулюс қуши.
Доминиканаликлар
ўзининг меҳмондўстлиги
ва дўстона муносабати
билан танилган.
Каттароқ ўтиришларда
улар ўзларининг
миллий таоми бўлган
санкочо шўрвасини пиширишади.
Шунингдек, бу ерда
меренге номли қўшиқ ва
рақс тури пайдо бўлган.
Ҳозиргача кундалик ҳаётда
кўп учрайди.
Фақат Доминикана
Республикасининг байроғида
Муқаддас Китобнинг
расми тасвирланган.
У ерда Юҳанно 8:32 даги:
«Ҳақиқат сизларни озод этади»,
деган сўзлар ёзилган.
Исонинг ушбу сўзлари
минглаб инсонларга Муқаддас
Китоб ҳақиқатларини ўрганиб,
миллатчилик ва сохта диндан
озод бўлишга ёрдам берди.
Бу ерда ваъзгўйлик иши
1945 йил апрелда
махсус ваъзгўйлар Ленарт ва Виржиния
Жонсонлар келганда бошланган.
Улар келган куниёқ Муқаддас Китоб
тадқиқларини бошлашган.
Кейинчалик кўпроқ
махсус ваъзгўйлар келди
ва кўпчилик уларнинг уйига
жамоат учрашувларига келарди.
3 йилдан кейин эса
тахминан 110 та ваъзгўй
хушхабарни ваъз қилаётганди.
Бу ўсиш эътибордан
четда қолмади.
Рафаэль Трухильонинг
бошқаруви остида
биродарларимиз ашаддий
қувғунларга дуч келди.
Ватикан Трухильони қўллаб-қувватлаган.
Оролдаги барча черковлар
«Худо осмонда, Трухильо эса ерда»
номли ёзувни илиб қўйиши шарт эди.
Лекин имондошларимиз
Яҳовага содиқ қолди.
Шунга фаолиятимиз 1950
ва яна 1957 йилда тақиқ остида эди.
Ўша пайтда имондошларимиз
Яҳовага топинишда давом этишган.
Улар эҳтиёткорлик ила
ваъз қилиб, адабиётларимизни
саҳналаштирилган видеода
кўрсатилганидек чоп этишган.
Қаршиликларга қарамай,
у ердаги кўп одамлар
Яҳовага топина бошлади.
1960 йилда тақиқ олиб ташланди.
Бугунги кунда
38 000 дан зиёд ваъзгўй
ҳар ой 45 000 дан ошиқ
Муқаддас Китоб тадқиқини ўтказади.
Испан тилидан ташқари
учрашувлар
гаити креол,
Америка имо-ишора, инглиз,
хитой путунхуа
ва рус тилларида ўтказилади.
Тоғ ён бағриларида жойлашган
пойтахтдан 150 километр нарида
Констанса шаҳарчаси бор.
Бу ерда Лос Лаурелес жамоати бор.
Унда 134 та ваъзгўй бор бўлиб,
36 таси доимий кашшоф
бўлиб хизмат қилади.
Биродару опа-сингилларимиз
ҳар ой ўртача
170 дан зиёд Муқаддас Китоб
тадқиқини ўтказади.
Бу шаҳарчада
нафақат чиройли тоғлар,
балки ҳақиқатга чанқоқ
инсонлар бор бўлгани учун
хизмат қилиш қизиқарли.
Лос Лаурелес Констанса жамоатидаги
биродару опа-сингиллар
сизларга севги
саломларини йўллашяпти.
Бу Яҳова Шоҳидларининг
бош идорасидаги
«JW Broadcasting».


-