JW subtitle extractor

Oi, nha nómi é Jonathan i kel-li é “FÉRU TA MOLA FÉRU.”
Kel kualidadi ki nu sta ben pâpia di el oji
é un di kes ki ta atraiba pekadoris,
algen duenti i mininus pa Jizus.
É bondadi.
Sima Jeová, Jizus mostra bondadi pa algen mau i bon.
Jizus ka ta mostraba bondadi sô pa kes
ki ta mostraba el bondadi ô kes ki gostaba di el.
Envês di kel-li, Jizus sénpri mostra bondadi
pamodi Jizus sabia modi ki el ta afetaba pesoas
i el ta daba glória pa Jeová.
I nos?
Pa kenha i na ki situason ki nu pode mostra bondadi?
Lisénsa, óra di vizita dja kaba.
Nhos tudu ten ki sai.
Diskulpa-nu.
N pensa ma nu tinha más ténpu.
Inda sta falta sinku minutu.
Ka ten prubléma.
Odja, nu ten ki ta bai, má nu ta volta dipôs.
Kel irman mostra ma el éra maduru
kantu el i kes otus irman sai di manera kalmu,
sikrê es tinha más alguns minutu.
Má el pode fazeba más di ki kel-la?
Nton, primeru pasu pa nu mostra bondadi é
poi na lugar di otus.
Pensa na kel pergunta li:
‘Kuzê ki kel algen ki N sta ta pâpia ku el sta ta pasa pa el ô meste?’
Dipôs, mostra ma bu ta preokupa ku el.
Obi-l ku atenson.
Mininas, nhos pode bai. N krê sô faze un kuza li.
Oi.
É modi?
N krê sô agradese-u pamodi bu sta kuida di nha amiga.
Kel-li ka nada.
Diskulpa-m pa manera ki N pâpia ku nhos.
É pamodi nos é poku i ten txeu trabadju pa faze.
Bu konsigi odja modi ki sô un obrigadu
pode poi un algen ta xinti dretu?
Kel infermera mesteba di kel-li.
Óras ki un algen ta abri se korason pa nos,
nu krê pâpia ku el ku amor i ruspetu.
Kel-li é sugundu kuza.
Óras ki nu ta preokupa ku otus di verdadi,
kel-li ta fika klaru na nos manera di pâpia.
Nu meste pensa dretu na kuzê ki nu ta fla
i na nos ton di vós i toma kuidadu pa nu ka ofende kel algen.
É pamodi nos é poku i ten txeu trabadju pa faze.
Ka meste pidi diskulpa.
N ten serteza ma ser infermera é un kuza sábi,
má ten dias difísil.
Oji é un di kes dia.
Bon, peloménus bu tene un kópu di xá.
N tinha.
Má dja kaba i N ka tevi ténpu di ba kunpra otu.
Bon, ta parse ma bu tevi un dia xeiu mê.
Nha nómi é Marli.
Ami é Maria.
Foi bon konxe-u.
N ka krê toma-u más ténpu.
El é un bon izénplu.
El poi un algen ta xinti midjór.
Gósi ki dja el konxe kel infermera, el pode djuda-l?
Kel-li é kel tirseru kuza.
Mostra bondadi é más di ki poi na lugar di otus i pâpia ku bondadi.
Nu meste faze un kuza bon.
Nton nu krê djobe oportunidadis pa djuda pesoas.
Kel-li ta iziji nos ténpu, forsa i sakrifisiu.
Má bale péna faze kel-li.
Ali. Bu merese kel-li.
Oh, bu ka meste trazeba mi xá.
N sabe, má N krê fazeba kel-li.
Obrigada di korason.
N pode faze-u un pergunta?
Bu pode sin.
Kenha ki é kel mudjer ki nhos ben vizita?
N ta odja txeu algen ta ben vizita-l.
Nos é txeu amiga.
Na verdadi, nos é un família.
Nos é Tistimunhas di Jeová.
Ah, sénpri nhos ta mostra bondadi.
Obrigadu.
N ta xinti ma el é un amiga txeu spesial pa mi.
É amor ki nu ta xinti pa pesoas
ki debe motiva-nu pa nu mostra bondadi,
nton alvês nu pode mostra bondadi sen pâpia sobri Bíblia.
Pur isu, é más fásil pesoas obi nos mensajen
óras ki es ta xinti ma nu ta preokupa ku es.
Nton, nu ben lenbra di kes três kuza ki ta djuda-nu mostra bondadi:
(1) Poi na lugar di kel algen.
Pensa na kuzê ki el meste i na kuzê ki pode sta ta preokupa-l.
Si el abri se korason, obi-l.
(2) Pâpia ku amor i ku ruspetu.
Pesoas ta xinti si nu ta preokupa ku es
através di nos ton di vós i nos palavra.
(3) Djuda kel algen.
Djobe oportunidadis pa djuda kel algen.
Kel-li pode abri pórta pa da un tistimunhu.
Má lenbra, más di ki kalker otu kuza, sima Jizus,
mostra amor, pamodi Bíblia ta fla: “Amor é . . . bon.”

‘Féru ta mola féru’ — Bondadi