JW subtitle extractor

Mișto avilean co JW Broadcasting.
Sar si amaro gulo dad?
Va dichasa ande cadai emisiunea hai va avela te hachiaras sostar sam ferime cana sam andi familia le Iehovaschi.
Va avela te prinjianas iecha pheia cai așilea pașa o Iehova chiar cana nachlea prin bare pharimata.
Hai de cadai data va avela te rodas sumnacai ando lil Naum.
Mai but, sam bucurime te phenas tumenghe că va avena amen dui neve serii andal materialea video.
Andi iechto, dichas sar o Iehova sicavel amen pherdo iubirea cana cheras mai but andi buchi le Iehovaschi.
Hai andi duito, va dichasa iech ghies andi viața le phralenghi cana cheren diferime buchia anda o Iehova.
Bucurin tumen ande cadai emisiunea!
Ca so gândin tumen cana așunen i duma „dade”?
Ca iech murș iubitorii cai lel sama pesca familiatar sau ca iech murș șudro cai hal-pe lasa?
Fiesavo mașcar amende jianas sar phiradea-pe amența amaro dad.
Sostar si importanto anda amende i duma „dad”?
Anda codoia că i Biblia phenel că o Iehova silo sar iech dad.
Si ciaces, le Iehovas siles but titluri, tha o Isus folosisardea i duma „dad”
caște sicavel amenghe sar camel o Iehova te dichas-les.
Vi le Isusos siles mai but titluri sar avelas Meștero lașio, Cuvânto sau Arhanghelo.
Tha mai anglal, silo prinjiando, o Șiav le Devlesco.
Hai prin o merimos le Isusosco dichel vi amen, chiar cana sam imperfecți, că sam lesche șiave.
O Iehova camel te sicavel tuche iubirea, cadea sar iech dad sicavel iubirea pesche șiavesche.
I duma „dad” sicavel so si ando ilo le Iehovasco.
Vo iubil but i familia.
Te dichas so phenel-pe anda leste ando Isaia 64:8.
„Tha acana, o, Iehova, tu san amaro Dad!
Amen sam i cic hai tu san amaro Olarii. Savore sam cărde che vastendar.”
So șucar! „Iehova, tu san amaro Dad!”
Orisar avelas amaro dad cai bariardea amen, o Iehova si o mai lașio Dad.
I Biblia sicavel amenghe sar silo vo.
Jianglean că ande le evanghelii o Isus folosisardea i duma „Dad” mai but sar 160-var?
So sichioas? Anda o Iehova sam sar iech familia.
Cana prinjianas sea mai mișto amare dades hai dichas chichi de but iubil amen,
arăsas ca vi amen te iubisaras-les sea mai but.
Mai dur va avela te dichas sostar daisaras te avas pașă le Iehovastar.
Te dichas andi Geneza 1:26 i partea a.
Cade o Iehova del duma le Isusosa sar te cherel pesche șiaven pa i phuv.
Cade phenel-pe: „Te cheras manuș pala amaro chipo cai te ameal amența.”
Sam cărde pala o chipo le Devlesco hai si normalo, vi le șiave amean penghe dadesa hai deiasa.
Tha, sar ameas amen le Iehovasa? Na ande iech modo fizico,
o Iehova si iech spirito.
Ando 1 Ioan 4:8 dichas sar.
„Con ci iubil ci arăslea te prinjianel le Devles, anda codoia că o Del silo iubirea.”
Sam cărde pala o chipo le Devlesco, anda codoia vi amen daisaras te sicavas iubirea.
O Iehova si iech Dad gulo hai lașio, cai iubil pesca familia.
Sar lesche șiave, cai sam cărde pala leste, daisaras te iubisaras-les tha vi te simțosaras leschi iubirea.
Ciaces, i iubirea cherel amen te avas ando ilo le Iehovasco.
Te dichas trin buchia prin save o Iehova sicavel că iubil pesche șiaven.
I iechto: sar iech Dad iubitorii, les duchal-les amendar.
Ando 1 Petru 5:7 phenel-pe: „Hai șiuden sea tumare phare gânduri pe leste, anda codoia că les duchal-les tumendar.”
Cana duchal tut varecastar des-les sea so trebul lesche caște trail.
Tha, o Iehova lel sama numai catar amaro sastimos fizico? Nici.
Te dichas so phenel-pe ando 2 Corinteni 1:3, 4.
„Așardo te avel o Del hai o Dad amare Raiesco Isus Cristos,
o Dad cai sicavel iech bari mila hai o Del cai zuriarel amen, cai machel amaro ilo ande sea amare pharimata.”
O Iehova si „o Dad cai sicavel iech bari mila hai o Del cai zuriarel amen.”
Si ciaces, o Iehova del amen sea so trebul amenghe tha Vo cherel but mai but.
Vo șiol ilo cana lel sama amendar, zuriarel amen.
O Iehova del amen sea so trebul amenghe caște traisaras,
te avas fericime hai te slujisaras lesche.
Gândisar tut, peres nasfalo hai trebul te jias co medico.
Vo phenel tuche că va dela tut iech tratamento hai că ci trebul te daras, că va avesa mișto.
Tha dacă o medico, na-i numai iech medico lașio, si vi chio dad?
Acana o tratamento va avela o mai importanto anda leste.
Vo ci va dela tut numai o tratamento, vo va lela sama tutar ande fiesavo ghies.
Chiar amaro dad va lela sama amendar, vo iubil amen.
Cadea si o Iehova.
Vo si iech medico lașio hai alosardea o ghies cana va chosela sea i duch.
Tha Vo ci cherel numai cadichi. Vo si „o Dad la milaco cai zuriarel amen.”
Les duchal-les amendar hai lel sama pe amende ande fiesavo ghies, acana hai vi ando paradiso.
Dichlean vi tu sar o Iehova lel sama tutar pherdo iubirea?
Sar lel sama pe tute, prin le phrala hai le pheia andai congregația cai sicaven leschi iubirea?
Sau daștil-pe că zuriardea tut prin iech relatarea andai Biblia.
Sau daștil-pe că sichilean vareso nevo anda so Vo promitil tuche.
O Iehova lel sama amendar anda codoia că iubil amen. Hai cadai iubirea va cherela-les te lel sama amendar sea o timpo.
Te dichas i duito buchi cai sicavel că si amen iech Dad iubitorii.
Vo mechel amen te phenas lesche so si amen po ilo.
But familii sile fericime cana phenen penghe so silen po ilo, hai cheren cadaia cana han ande iech than.
Cadea sar dichleam ando 1 Petru, o Iehova phenel amenghe „te șiudas sea amare phare gânduri pe leste.”
Tha dacă vo silo ando cerii, sar daisaras te das duma lesa?
Prin o manglimos.
Cana mangas amen daisaras te phenas lesche so si importanto anda amende so duchavel amen, so bucuril amen,
so camas te cheras hai te mulțumisaras lesche anda sea so cherel.
O Iehova așunel amaro manglimos, cadea sar iech dad iubitorii așunel pesche șiaven.
Tha Vo cherel but mai but, del amen vi răspunso ca amaro manglimos.
O Iehova mechlea scriime pesche gânduri andi Biblia anda amende.
Cana citisaras i Biblia hai amare publicații catar o sclavo fidelo hai prevăzătorii,
o Iehova folosil pesco spirito sfânto hai cherel amen te așunas so si amen nevoia, caște arăsas te gândisaras sar Vo.
Vo daștil te del amenghe răspunso prin pesche manușa sau chiar prin aver.
Camas te dichas sar o Iehova del amen o răspunso.
Si mișto te scriisaras-les hai poiechdata te citisaras-les.
Cu sea cadala, poiechdata o Iehova del amen răspunso mai târzio.
Însemnol că amaro manglimos na-i importanto anda leste hai că bâstărdea amen? Nici!
Daștil-pe că trebul te ajucăras mai but sau o Iehova deja dea amen o răspunso tha na sar amen camleam.
Te gândisaras amen ca iech familia cai jial andi vacanța.
O dad hai i dei jianen că o drom si deș ceasurea, tha le șiave sea o timpo pușen-pe: „Mai si amen but?”
Si normalo că camen te arăsăn mai sigo.
Chiar dacă pușen butivar „cana arăsas” sea deș ceasurea cheren po drom.
Trebul te aven-len răbdarea hai te roden te cheren vareso.
Vi amen mangas amen te avel o sfârșito. Te phenas ciaces, camas te avel chiar aghies.
Si sar cana pușias le Iehovas „Mai si amen but?”. Hai si mișto te mangas amen te avel o sfârșito.
Tha cadea sar le șiavorre anda amaro exemplo, trebul te avel amen răbdarea.
Mai but, cadal șiavorre ci sile corcore pe cado drom, lengo dad hai dei sile pașa lende.
Sa cadea si vi amența. Te na bâstras, amaro Dad o Iehova, silo amența.
O Iehova alosardea cana te avel o sfârșito, hai cana cheras mai but ande leschi buchi, o timpo nachel mai sigo.
Poiechdata, das amari seama că o Iehova phenel „nici” ca so mangas lestar.
Iech dad hai iech dei cai iubin penghe șiaven, poiechdata va phenena lenghe „nici”.
Anen tumenghe amintea le Pavelostar? Les sas-les iech „canro ando mas.”
Gândin tumen: O Iehova dea-les o zuralimos te cherel miracolea anda aver.
Cu sea cadala, o Pavel manglea le Iehovas trin-var
te duriarel-les lestar, tha Vo phendea lesche „nici”.
O Iehova phendea lesche „mânro lașimos nemeritime arăsăl tuche.”
Vo ci duriardea o canro, tha dea-les o zuralimos te cherel mai dur peschi buchi chiar cana sas lesche pharo.
O Iehova va ajutila vi amen te nachas părdal le pharimata, hai cana ci mechas amen sicavas că iubisaras amare Dades.
Chiar cana ajucăras mai but pala o răspunso ca amaro manglimos sau vo silo „nici”
te na pachias că o Iehova ci iubil amen.
Mangas tumen șucar te dichas ande iech than so phenel-pe ando Ioan 14:21.
Cade o Isus phenel: „Cas siles mânre porunci hai încărel-len, codo iubil man.”
Dichen acana: „Hai codo cai iubil man,
vi mânro Dad va iubila-les.”
O Iehova phenel că iubil amen cana las amen pala o Isus.
Hai cana o Iehova phenel că iubil amen, Vo ci hohavel.
Si iech bari pachiv te phenas so si amen po ilo amare gule Dadesche.
Te dichas încă iech buchi prin savi o Iehova sicavel amenghe că si iech Dad iubitorii: Vo cherel phares buchi anda peschi familia.
Le dada hai le deia phenen că si șucar te bariares șiave, tha si vi pharo, chiar cana le șiave așunen.
Chichiva mașcar amende cana samas șiave cărdeam vi dilimata.
Iech dad hai iech dei cheren but buchia anda penghe șiave.
Len sama te avel-len haben, hureaimos, cai te beșen, jian lența co medico, îngăren-len ca i școala hai ortosarel-len.
So? Ortosarel-len?
Cana sam ortosarde pachias că sam pedepsime hai chiar si iech panglimos mașcar lende.
Tha jianglean că andi Biblia phenel-pe că te aves ortosardo însemnol vi te aves sicado?
Hai cadaia na-i iech buchi nasul.
Cadaia ajutil amen te sichioas hai te avas mai lașe.
O Iehova camel te traisaras sea o timpo.
Anda codoia, poiechdata ortosarel amen, phenel amenghe so ci cheras mișto hai sicavel amen.
Cadala ajutin amen te avas zurale ando pachiamos.
Vo ortosarel amen prin i Biblia, prin o sclavo fidelo hai prevăzătorii,
hai prin zurale phrala cai ajutin amen te slujisaras lesche anda sea o ilo.
Te aves iech lașio dad trebul te cheres phares buchi.
Hai but mașcar tumende cheren cadaia.
O Iehova dichel cuci tumari buchi. Vi Vo cherel phares buchi anda amende.
Sar iech Dad iubitorii, Vo cherel phares buchi anda amende de mii bărșa.
Tumen so bucuril tumen?
O cham cai mechel-pe tele, iech ghili, iech lulughi, iech lași tocana,
te beșen la familiasa sau sea le buchia spiritualo cai iubin-len?
Sea cadal cadouri aven amare dadestar, le Iehovastar.
Vo cherel phares buchi anda peschi familia
anda codoia că iubil-la.
Co începuto șiuteam iech pușimos. Ca so gândin tumen cana așunen „dade”?
Daștin te den o răspunso pala sar phiradea-pe tumaro dad tumența.
Tha, dacă tut na-i tut iech dad?
Mangav tut te diches le gule dumes le Iehovasche cai sile ando Psalmo 68:5.
„O dad codolengo bi dadesco hai codo cai feril le phivlean si o Del ande lesco sfânto than.”
Anda lesco than sfânto o Iehova dichel tut, jianel prin so naches hai phenel anda tute că san importanto anda leste.
I Biblia phenel: „O dad codolengo bi dadesco hai codo cai feril le phivlean si o Del.”
Si sar cana, o Iehova phenel tuche:
„Me som chio dad, jianav că na-i tut iech dad caște lel sama tutar, tha me som cade. Som pașa tute.”
Tha dacă chi familia așel tuche contra anda codoia că slujis le Iehovasche?
Dich iech șucar promisiunea anda tute ando Marcu 10:29, 30.
O Isus phendea: „Ciaces phenav tumenghe că na-i chonic cai mechlea chăr, phrala, pheia, dei sau dad,
șiave sau phuvea anda mande hai anda i vestea lași hai te na primil 100 var mai but acana, ande cado timpo – chăra,
phrala hai pheia, deia, șiave hai phuvea ande iech than persecuțiența – hai ando sistemo cai avel, viața veșnico.”
Dacă chi familia duriardea-pe tutar anda codoia că slujis le Iehovasche,
na bâstăr, tu cheres partea anda i familia le Iehovaschi.
Pe sea i phuv, milioanea phrala hai pheia iubin tut.
Gândisar tut că va avela o ghies cana vi che neamuri va slujina le Iehovasche hai va iubina-les.
Chiar cana si amen situații diferime, sam le Iehovasche, hai cheras partea anda leschi șucar familia.
O Iehova iubil pesche șiaven hai Vo sea o timpo va iubila-len.
Na pa but timpo, o Iehova va chosela cadai lumea hai o păcato hai le pharimata ci va mai avena.
Ji atunci, vo lel sama amendar. Așunel amare manglimata hai del răspunso lende ande iech felo sau aver,
cherel phares buchi anda amende, caște pregătil amen anda i viața veșnico.
O Iehova cherel sea cadala hai but mai but, anda codoia că iubil pesca familia!
Mulțumisaras le Iehovasche hai phenas vi amen sar o Isaia:
„O, Iehova, tu san amaro Dad!”
I phei Bethel Rodish camlea te cherel buchi co Betelo, tha ca 22 bărșa arachle lache tumoarea co șăro.
Dichas mai but anda late andai revista Ușten! 22 aprilia 1990.
Atunci, i phei Rodish arăslea te pachial ciaces că o Iehova si laco dad.
Anav manghe amintea că ande iech teharin sunisardea man iech phral catar o Betelo anda o Brooklyn.
Somas achardi code te beșav trin șiona,
tha ci daisardem te dav duma but co telefono
anda codoia că trebuisardea te arăsav co doctorii.
O doctorii cărdea manghe iech filmo hai pala codoia achardea man andre
hai phendea manghe că si man iech bari tumoarea co șăro.
Trebulas te phenel cadai buchi vi mânre dadesche hai mânra deiache.
Mânro doctorii sas zurales lașio hai trebulas te cherel manghe dui operații.
Pala i duito operația, o doctorii sas bucurime te phenel manghe că daisardea te lel avri sea i tumoarea.
Sastiardem man cam ande iech bărș.
Ando bărș 1990, muchisardem man co Brooklyn, code prinjiandem man le Bobesa.
Avilea te manghel man, șiuteam i cererea anda o Betelo hai samas zurales bucurime cana samas acharde.
Pala cam dui bărșa so căsătorisardeam amen, așilem phari.
Pala chichiva bărșa, sas amen dui șiavorre, iech șeiorri hai iech șiavorro hai așilem pale phari.
Tha cana sas man cam trin șiona, hasardem.
Chichi timpo samas co spitalo, lea sama mânri dei le șiavorrendar
hai voi phendea lenghe de mai anglal că ci va avela te anas lenghe chăre iech bebelușo.
Cana arăsleam chăre, amare șiavorre nașle caring amende, tha somas cadea de duchadi că ci daisardem te dav duma lența.
O Bobi lea amen ande angali hai phendea le șiavorrenghe că o bebelușo mulea.
Anda codoia că prinjiandeam mișto amare șiavorren,
gândisardeam amen că na-i mișto te garavas lendar cadai buchi.
Trebulas te sichion vi von că si buchia nasul prin save oricon daștil te nachel.
Tha si importanto te avas ande iech than sar familia hai te zuriaras amen.
Cana gălem andi camera le țânorreschi hai dichlem lesche hureaimata pușlem man: „So va avela te cherav lența?”
Pala panji șiona so hasardem, gălem ca i Sala le Regatoschi.
Cana gălem andre ci daisardem te încărav man parpale hai astardem te rovav,
cadea că înclistem avri hai gălem ca i mașina.
Dui gule pheia dichle so sas manța, avile mande ca i mașina hai beșle manța.
Încărde man vastestar hai mechle man te dav duma anda mânre șiavorre hai anda sea so sas man po ilo.
Chiar cărde man te asav hai pala țâra timpo găleam pale andi sala.
O Iehova sas-lo sea o timpo pașa amende. Vo dea amen lașe amala andi congregația.
Chiar cana sas-len but buchia te cheren, von avenas amende andi fiesavi paraștui pi riat te has ande iech than,
asaiam ande iech than hai zuriardeam amen iech averes.
Cadaia ajutisardea man te na mai gândiv man numai ca mânri duch cai pusavelas mânro ilo.
I iubirea cai sicadea-la manghe o Iehova prin le phrala
ajutisardea man te hachiarav chichi de importanto si te sicavav vi me iubirea averenghe.
Dav sea mânri zor te bișalav lenghe iech mesajo, te scriiv lenghe iech lilorro
sau phenav lenghe că iubiv-len, că duchal man lendar hai că som pașa lende.
Simțosardem butivar sar o Iehova ajutisardea man ande mânri viața, chiar ande mai but felurea.
Pachiav că fiesavesche mașcar amende sas pharo poiechdata te jial andi predicarea sau ca le întruniri.
Amen simțosardeam că o Iehova dea amen zuralimos.
Ajutisardea amen te gândisaras mișto hai te încăras liniștime amaro ilo.
Simțosardeam pe amari morci o verseto anda o Deuteronomo 33:27.
„O Del si iech garaimos andal timpuri zurales purane, lesche vasta veșnico încăren tut.”
Le pharimata prin save nachlem ajutisarde man te hachirav că le Iehovasa daștiv te nachav părdal oriso.
Cana pachias amen sea mai but ando Iehova va avela te nachas mai ușoro prin le pharimata,
cadea sar nachlea vi i phen Rodish.
Iech aver buchi cai cherel amen te bariaras calități si cana cheras mai but andi buchi le Iehovaschi.
Cadaia ajutil amen te avas mai zurale hai te las amen pala o Iehova.
Sam bucurime te phenas tumenghe că si amen iech nevi seria:
Cana cheras mai but andi buchi le Iehovaschi sicavas șucar calități.
Cadal materialea sicaven sar i buchi cai cărde-la anda o Iehova
ajutisardea amare phralen te sicaven o rodo le spiritosco ande lenghi viața.
Te dichas o iechto cotor anda „Cana cheras mai but andi buchi le Iehovaschi sicavas șucar calități – I iubirea”.
Barilem ande iech țâno foro, ande savo le mai but manușa gândinas hai cherenas le buchia cadea sar me.
Cana astardem te cherav buchi andi echipa de construcții, anda mande sas iech baro paruimos.
Anda iech țâno foro arăslem te cherav buchi phralența hai pheianța
anda aver thana, diferime culturi hai denas duma aver șiba.
Von gândinas hai cherenas le buchia diferime.
Dem mânri sama că trebulas te cherav paruimata ande mânri viața.
Iubisardem mai but le phralen anda mânri cultura, tha ci iubisardem sa cadea le coavere phralen.
Cherav buchi andi echipa de construcții, si zurales șucar cade
anda codoia că cheras buchi ande iech than, beșas ande iech than hai poiechdata rovas ande iech than.
Sam iech ciaci familia.
Tha caște avav cade, trebuisardea te mechav le buchia cai ciaionas man
i congregația hai mânre amalen anda o than cai beșlem.
Ando than cai slujiv acana simțosardem că ci si manghe sicadi iubirea cadea sar sicavelas-pe manghe ando than catar avilem.
Anda 1 Corinteni 13:4 hachiardem că ande iech felo sicadem iubirea, tha mai trebulas te cherav vareso.
Sichilem te sicavav mai but iubirea le phralenghe anda aver thema casa cherav buchi.
Sar exemplo, iech phral arăsălas ca le întruniri pala so astarenas,
hai ando timpo so încărdemas i cuvântarea, vo sovelas.
Ci phenav că încărav le mai lașe teme tha arăsălas ando mașcar la temaco hai sovelas. Holiarelas man cadaia.
Tha jianglem că cadea ci sicavav lesche iubirea.
Tha trebulas te anav manghe amintea că vo cherelas buchi 12-16 ceasurea hai șiov ghiesa po curco.
Anda codoia că mânri familia ci sili co ciacimos, dichav le phralen sar mânri familia.
Le phrala hai le pheia den sea penghi zor caște așen zurale ando pachiamos.
Camav te pașiovav lendar chichi mai sigo, tha butivar si pharo anda mande.
Poiechdata som duchadi, anda codoia că ci hachiarav sostar ci camen te pașion mandar.
Atunci o Mike phendea manghe: „Vi tu san sa cadea. Si tuche pharo te des duma”.
Pala codoia phendem: „Da, cadea si”.
Trebulas te sichiovav te avel man răbdarea le pheianța, te avav mai lași lența hai te hachiarav-len ciaces.
O Iehova ajutil savoren te cheren paruimata. Tha, de cana som andi echipa de construcții, cărdem le paruimata vi mai sigo.
Acana dichav le phralen sar sile de andral, na sar sile de avreal sau catar aven.
Cana avilem andi echipa de construcții, sas sar cana o Iehova phendea manghe:
„Cebo, pachias că jianes sar te sicaves chi iubirea? Hachiares savi si i ciaci iubirea?
Mech man te sicavav tuche vi mai but savi si i ciaci iubirea.”
Cadaia ajutisardea amen te cheras amenghe neve amala hai familii ande orisavo than.
Si amen but miștimata că deam amaro timpo le Iehovasche.
Sichileam te sicavas vi mai but amari iubirea hai te avas vi mai lașe le phralența.
De cana cherav mai but andi buchi le Iehovaschi, iubisarav vi mai but le phralen.
Cana dav mânri zor te hachiarav le phralen hai le pheian
iubiv-len vi mai but hai cadaia ajutil man vi andi familia.
Acana așunav vi mai mișto le pheian hai vi mânre rromes.
Dichlean so miștimata si amen cana sicavas iubirea?
Sam mai pașă amare phralendar, simțosaras lenghi duch, hachiaras-len hai sicavas răbdarea.
Pachias că cadal neve materialea video va ajutina tumen
te gândin tumen dacă daștin te cheren vi mai but andi buchi le Iehovaschi.
Andi iechto cuvântarea, dichleam că o Iehova sar iech dad iubitorii, ortosarel amen.
Cherel cadaia vi prin le buchia cai mai phendea-len amenghe.
Mai dur, o phral Troy Snyder va ajutila amen te dichas ande iech modo lașio le buchia cai o Iehova mai phendea-len amenghe.
Ca so gândis tut cana așunes:
„te na bâstres”,
„an tuche amintea”,
„mai phenav tuche iech data”?
Phenes „ci mai camav te așunav”,
„me jianav cadaia”.
Sau holiares tut că anel-pe tuche amintea so ci cărdean.
Sau daștil-pe că doșares tut anda codoia că ci cărdean so ajucărde aver tutar.
Le buchia cai o Iehova anel-len amintea sile diferime, hai trebul te dichas-len sar Vo.
Te pâtras co Psalmo 119 hai te dichas so zuralimos silen opral amende le buchia cai anel-len amenghe amintea.
Le versetea 2 hai 3.
„Voime si codola cai încăren le buchia cai o Iehova anel-len amintea, codola cai roden-les anda sea o ilo.
Von ci cheren niciech neortomos; von phiren pe lesche droma.”
Da, sam fericime cana așunas le buchiandar cai anel-len amenghe amintea.
Von ajutin amen te hachiaras hai te dichas mișto sea le buchia.
Zuriaren amen te așias po drom le Iehovasco hai cadea sar phenel-pe ando verseto 3 ajutin amen te cheras
so si orta vi cana si amenghe pharo.
Le buchia cai anel-len amintea o Iehova sile sar le indicatoarea.
Vo sicaven amenghe caring te las-la hai savo si o lașio drom.
Tha cana hasaras amen von ajutin amen te risaras amen parpale po lașio drom.
O Iehova anel amenghe amintea
so si scriime ando texto de aghies.
Te pâtras co 1 Petru 2, le versetea 13 hai 14 hai te dichas so anel amenghe amintea o Iehova cade.
„Anda o drago le Raiesco, așunen catar orsavi autoritatea
le manușenghi...
hai vi catar le guvernatori cai sile bișalde lestar caște ortosaren le manușen nasul, tha te așaren codolen cai cheren so si mișto.”
O Iehova andea amintea le anglune creștinenghe te na șion-pe andi politica,
tha te așunen catar le autorități cai mechlea-len o Iehova.
Ci sas iech nevo hachiarimos, numai andea-pe lenghe amintea.
Von jianenas că trebunas te așen pașa o Regato le Devlesco,
te den „le Cezarosche so si le Cezarosco” hai „le Devlesche so si le Devlesco”,
tha vi că trebunas te „așunen mai but le Devlestar sar stăpânitorii sar le manușendar.”
Sostar trebulas te anel-pe lenghe amintea?
Cadaia avelas te ajutil-len anda codoia că andi lumea sas nehachiarimata politico.
Le manușa încărenas varecasa anda i politica hai camenas
ca vi le creștini te cheren sa cadea.
Anda codoia trebulas te anel-pe lenghe amintea te na șion-pe andi politica.
Dichlean sar ajutisardea-len o verseto 13, cai phenel: „Anda o drago le Raiesco”?
Pâtărdea lenghi goghi. Andea-pe lenghe amintea că te așunen catar le autorități ci însemnol că șion-pe andi politica,
tha însemnol te den pachiv le Iehovasche tha vi ca le autorități hai te ajucăren le Iehovas te paruvel le buchia.
Mai but, von ci trebunas te dichen tele le autorități tha
te gândin-pe co Regato hai te phenen mai dur i vestea lași.
Le creștinenghe andea-pe amintea but buchia.
Chichiva bărșa mai anglal, le creștini anda i Roma primisarde iech lil
ande savo sicavelas-pe so cherenas le autorități hai sar von trebunas te phiraven-pe lența.
Sa ande cado timpo, primisarde vi o lil caring o Tit cai andea-pe lenghe amintea te așunen catar le autorități.
Sea cadal buchia ajutisardea-len te na șion-pe andi politica hai te așen pașa o Iehova.
Mai ajutisardea-len vi anda codoia că, na pa but timpo,
le creștini avenas persecutime.
Dacă lenas-pe pala so sas lenghe phendo, o Iehova avelas te ajutil-len.
Hai dichen sar sicavel-pe cadaia ando verseto 15.
Ando 1 Petru 2:13, 14 dichleam că trebul te așunas catar
le autorități.
Hai dichen o verseto 15: „Că cadea camel o Del, cana cheren so si mișto,
phandaven o mui codolengo cai phenen dumes bi goghiaco.”
Dacă von așunenas catar so phenelas lenghe o Iehova,
Vo avelas te ajutil-len ande codol phare ghiesa caște slujin lesche mai dur,
hai jianas că chiar cadea sas ando iechto secolo.
Sa cadea si vi ande amare ghiesa. Sar exemplo, amare phralenghe anda iech them,
andea-pe lenghe amintea te na șion-pe andi politica. Ca țâra timpo pala codoia, astardea iech războio.
Le phrala cărde so phendea-pe lenghe, ci șiute-pe andi politica hai așunde catar le autorități.
Cana nachlea o războio, caște avel pacea mașcar le manușa,
le autorități dine mai but legi.
Iech legea phenelas că cana trebulas te cheres i căsătoria legalo
trebulas te les partea vi ca iech ceremonia cai sas folosime o steago.
Dacă le creștini cherenas cadaia șionas-pe andi politica.
Le phrala găle angla le autorități hai phende lenghe că ci line partea co războio hai ci șiute-pe andi politica.
Le autorități jiangle hai dine amen pachiv.
Iech mașcar lende phendea: „Ci camas te avel tumenghe pharo.”
Ca țâra timpo pala codoia, parude i legea hai cadea le phrala ci șiute-pe andi politica.
Sea cadala întâmplosarde-pe, anda codoia că amare phrala așunde le Iehovastar.
Sar slujitori le Iehovasche, o Iehova sea o timpo phenel amenghe so te cheras.
Te gândisaras amen ca le rapoartea catar o Corpo de Guvernare.
Na de but timpo, phendea-pe amenghe te predichisaras oricai arachas manușa anda codoia că iubisaras-len.
Mai phendea-pe amenghe vi sar o Iehova dichel codolen cai păcătuisarde hai duriarde-pe lestar,
tha vi sar te ajutisaras-len te risaren-pe parpale.
Cadal buchia ajutin amen te hachiaras sar gândil o Iehova.
Iech aver buchi sas, te las sama sar lașiaras amen.
Chiar cana i moda parudea-pe, prin sar lașiaras amen trebul te anas pachiv le Iehovasche.
Mai phendea-pe amenghe vi te mangas amen anda codola cai sile phandade anda lengo pachiamos,
hai dacă amen sam codola phandade hai persecutime trebul te phenas mai dur i vestea lași.
Na de but timpo, phendea-pe amenghe te na șioas amen andi politica, nici le creștini anda o iechto secolo ci cărde cadaia.
Aghies traisaras ande iech lumea cai le buchia ci jian mișto,
hai cana si duma anda i politica le manușa alosaren de caschi rig te așen.
Ando raporto phenelas-pe: „O Corpo de Guvernare camel te anel tumenghe amintea cadal buchia
anda codoia că o Satan camel te șioas amen andi politica.”
Andea-pe amenghe amintea te dichas so phenel-pe ando lil Versetea anda i Viața sar Creștini, co subiecto „Guvernea”.
Le versetea cai dichas-len code va ajutina amen te jianas so te phenas „oricasche”
hai vi te așias unime sar familia le Iehovaschi.
Sar phrala cai cheras mai but anda o Iehova, anel-pe amenghe amintea but buchia.
Cana mașcar amende sau ande amaro departamento si amen nehachiarimata trebul te iertisaras amen hai te rodas i pacea.
Sam bucurime cana cheras cadaia.
Butivar phenel-pe amenghe te citisaras i Biblia. Sostar?
Că si amen but buchia te cheras, anda codoia trebul te anel-pe amenghe amintea.
Sar supraveghetori, anel-pe amenghe amintea că si importanto te las sama le phralendar.
Sostar phenel-pe amenghe cadaia? Anda codoia că poiechdata si amen but buchi hai bâstras amare phralendar.
Cana savore simțosaras că ci sam lașe chancesche, te na mechas amen.
O Iehova iubil amen, dichel so si lașio ande amende hai si lesche mila amendar.
Vo silo pașa amende cana amare ile sile duchade.
Da, camas te așunas le Iehovastar!
Te cheras so Vo anel amenghe amintea.
Dichen so phenel-pe ando Psalmo 119:111.
„Le buchia cai anes-len amintea si mânro barvalimos veșnico, anda codoia că si i bucuria mânre ileschi.”
Sam fericime cana cheras so Vo phenel amenghe.
So o Iehova anel amenghe amintea încărel amen chidine hai ajutil amen te așias pașă lestar.
So șucar buchia sichileam anda le buchia cai mai phendea-len amenghe o Iehova.
Cana așunas le Iehovastar sam vi mai pașă lestar hai camas te slujisaras vi mai but amare phralenghe.
Gândisardean tumen sar si te cheren buchi anda o Iehova?
Tha dacă deja cheren buchi anda o Iehova? Sar avelas te cheren vi aver buchi anda leste?
Sam bucurime te phenas tumenghe că si amen iech nevi seria cai va zuriarela amen but.
Voi bușiol „So cherel ande iech ghies”.
Ande fiesavo cotor daisaras te dichas sar ande fiesavo ghies amare phrala pe sea i lumea
den sea penghi zor caște cheren buchia diferime anda o Iehova.
Ando iechto cotor va avela te dichas so cherel ande iech ghies iech traducătoro.
Me som i Han Na Kim. Cherav buchi ca traducerea anda i șib le semnengo coreeano.
Sea le materialea sile andi șib englezo hai traducisaras-len ande aver șiba.
Das amari zor te traducisaras sa codol idei andi șib le cașuchenghi caște hachiarel-pe hai te arăsăl ca lengo ilo.
Andi șib le semnengo cheras video anda o texto cai si scriime.
Folosisaras amare vasta hai amare iacha caște aven dichle le idei.
Acana citiv o materialo cai trebul te traducisaras.
Gândiv man save si le idei principalo hai so semnea te folosisaras andi șib le semnengo caște hachiarel-pe.
Te aves iech traducătorii lașio trebul te prinjianes mișto i șib.
Pachiaiem că jianav mișto i șib le semnengo cadea că ci sas manghe dar te cherav cadai buchi.
Tha dem mânri sama că trebulas te sichioav mai but.
Cana pregătiv man, som atento te dichav so semnea folosin le cașuche hai so semnea si folosime ande amare publicații.
Cadaia ajutisardea man te traduciv cadea sar den duma le cașuche.
Ande fiesavi echipa trebul te aven trin jene.
Von traducin o video ande iech than, dichen dacă silo mișto hai dacă silo cadea sar den duma le cașuche.
Anda codoia că i șib le semnengo nai-li scriime, cheras i traducerea video.
Acana traducisaras iech video anda le balene.
Fiesavo mașcar amende folosisaras po iech semno, pala codoia, alosaras savo semno hachiarel-pe mai mișto.
Cana traducisaras si pharo te arachas o mai lașio semno, cadea că das duma sar echipa,
fiesavo phenel peschi idea hai pala codoia alosaras iech corcoro semno caște avel folosime.
Dichas ciaces sar ajutil amen o Iehova.
Ande amari echipa si phrala hai pheia anda mai but thana.
Cheras buchi ande iech than, jias ca le întruniri ande iech than hai predichisaras ande iech than. Sam sar iech familia.
Iech, dui, astar!
De țâra timpo, sichileam te traducisaras mai simplo.
Acana, codola cai traducin, vi înregistrin hai vi editin.
Sas iech țâra pharo anda mande, phendem că ci jianav te cherav cadaia, tha le phrala sicade amen hai încă sichioav.
So șucar! Lași buchi cărdean!
Me hai i Hyun Ji, cheras buchi ande sa codo departamento, sam ande iech congregația hai beșas ande iech camera.
Placial man că das duma anda oriso.
Cana traduciv iech video, ci gândiv man so sichiovav me anda leste,
tha dav sea mânri zor te traduciv cadea sar den duma le cașuche.
Pala so jial po site-o, dichav-les, pușiav man so camel te phenel manghe o Iehova hai so sichioav.
Chiar cana citisarav le publicații cai cărdem buchi lende, cana sichioav anda lende corcori arachav buchia neve.
Dem mânri sama că trebul te cherav manghe timpo te sichioav corcori caște avav zurali ando pachiamos.
Mânro dad hai dei sile cașuche, cadea că sichilem i șib le semnengo de țâniorri.
De cana som ca traducerea mânro ilo bariol cana dichav so but phrala cheren buchi anda țâra manușa cașuche.
Si numai o vast le Iehovasco.
Dav mânri zor te cherav iech lași traducerea ca le cașuche te hachiaren mișto le materialea hai te arăsen ande lengo ilo.
Cana cherav buchi anda le phrala hai le pheia cașuche, si man iech bari bucuria ando ilo.
Hai cana jianav că prin cadai buchi ajutiv vi mânre dades hai deia som vi mai bucurime.
Som cadea de fericime te cherav buchi ca traducerea hai vi te dichav so bare buchia cherel o Iehova.
Placialas man te cheren cadai buchi sea mai but phrala caște dichen so șucar si.
I phei Kim phendea vareso zurales importanto.
Chiar cana lachi buchi si te traducil publicații, phendea că cherel pesche timpo vi te studiin-len caște zuriarel pesco pachiamos.
So phendea i phei ajutil amen savoren chiar cana cheras buchia diferime anda o Iehova.
Gule tărne, camas ca le neve materialea video te ajutin tumen te cheren vi mai but anda o Iehova.
I ghili anda cado șion sicavel chichi de șucar si amari familia spiritualo.
Chiar cana phenas i vestea lași varecasche de pașa amende sau zuriaras varecas andai congregația
camas te phenas iech duma lași co momento lașio.
Te sastiaras sau te duchavas,
daisaras da, vi prin so phenas.
I șib iech iag si; lasa tachiaras
sau thabaras, amen alosaras.
Că amari duma lași
machel o ilo sar i mai șucar ghili.
Si sastimos vi andal cocala.
Sea o timpo si sar i mierea guli.
Phendi cana trebul sar iech angali si;
cadea de lași hai de tati.
Hai ci las amen pala manușa.
Tha ando ilo șioas so phenel o Iehova.
Cadea anda mui si te jial avri
iech duma sumnacuni, lași.
Că amari duma lași
machel o ilo sar i mai șucar ghili.
Si sastimos vi andal cocala.
Sea o timpo si sar i mierea guli.
Phendi cana trebul sar iech angali si;
cadea de lași hai de tati.
Amari duma lași
machel o ilo sar i mai șucar ghili.
Si sastimos vi andal cocala.
Sea o timpo si sar i mierea guli.
Phendi cana trebul sar iech angali si;
cadea de lași hai de tati.
Acana te rodas sumnacai!
O lil biblico Naum si o efta-to anda le țâne lila cai den duma anda le 12 profeți.
Gândin tumen so camen te cheren hai so camen te prinjianen vi mai but?
Placial man but cana rodas mai but ando lil Naum, ande leste arachas sicaimata importanto.
Da, sicavel o zuralimos le Iehovasco hai sar te avel ujiardo lesco anav.
Hai te astaras!
Iech buchi cai phenel-la amenghe o sclavo fidelo si te na citisaras sigo andai Biblia hai te prinjianas mai but.
Ciaces, cana citisaras sigo hasaras but buchia.
Da. Te citisaras o iechto verseto: „I judecata contra o Ninive...”
– Beș iech țâra. Ninive? Silo prinjiando, na-i cadea?
– Îhî.
O Iehova bișaldea code le Ionas. Hai jianas so cărdea vo.
Le asirieni sas-le nasul, anda codoia vo nașlea.
Da. Gândiv man so sas andi goghi hai ando ilo le profetosco Naum cana o Iehova phendea lesche cado mesajo.
Pachiav că daralas hai si normalo cana prinjianas mai but anda Ninive.
Rodem ando Indexo „Ninive” hai arachlem o subtitlo „i cetatea cai șiorel rat.”
Șucar! Te folosisaras o Indexo caște prinjianas mai but.
Dichlem ande iech referința că „le șiave hai le șeia sas-le thabarde de jiuvinde…
Le manușa sas-le pusade hai lenas tele i morci pa lende, sas încalade lenghe iacha,
șinde lenghe vasta hai lenghe pânre sau lenghe cana hai lengo nac”.
So nasul! Pachiav că na numai o Naum daralas.
Cana dichas le bărșa de mai anglal fal-pe că cadai profeția
sas-li phendi cana o Iosia railas sar rege.
Vo dea peschi zor ca le manușa te na slujin le devlenghe hohamne.
Pachiav că o Iosia hai le israeliți sas-le darade cana camle te anen pale închinarea le Iehovasche.
Da, anda codoia că i Asiria sas-li zurali ande codo timpo hai cherelas so camelas.
Pachiav că le israeliți daranas ca le asirieni te na holiaren-pe pe lende anda le paruimata cai cărde-len.
Dacă traisardeamas ande lenghe ghiesa, gândisar tut so darade avileamas anda amare șiave!
Tha dich so phenel o Iehova ando verseto 3.
Vo sicavel sar folosil pesco zuralimos. Phenel lenghe că „ci holiarel-pe sigo” hai silo „baro ando zuralimos.”
Cade si o corcoro than andai Biblia cai arachas cadal dui calități iech pașa aver:
„ci holiarel-pe sigo” hai silo „baro ando zuralimos”.
Hmm… O Iehova camlea te pachian-pe ande lesco zuralimos na te daran catar le asirieni.
So șucar!
Hai mai dur o Iehova phenel lenghe ando verseto 15: „Iuda încăr che sărbători, încăr so phenes,
anda codoia că codo nasul ci va mai nachela niciechdata prin tute. Va avela choslo cu sea.”
Si sar cana o Iehova phenel lenghe: ‘Încă ci choslem i Asiria, slujin manghe mai dur.’
Da. ‘Daștin te pachian tumen ande mande’.
Cadea si. O Iehova sicadea pesco zuralimos cana choslea cu sea o Ninive.
Chichiva phende că cado foro ci sas-lo niciechdata.
Pachiav că lea-pe iech pharimos tele pa o Iosia, o Naum hai le manușa le Iehovasche.
Von daștinas te slujin le Iehovasche bucurime hai andi pacea. Cana gândinas-pe co raimos le Iehovasco ci mai daranas.
So șucar sumnacai. Aș te scriiv manghe. O raimos le Iehovasco ajutil amen te pachias amen ande leste.
Cado sumnacai pașiarel amen vi mai but le Iehovastar.
Dichas sar silo o Iehova cana sicavel pesco zuralimos.
Sea gândiv man ca le dumes „o Iehova ci holiarel-pe sigo” hai silo „baro ando zuralimos.”
Le manușa nai-le cadea, dacă o Iehova ci holiarel-pe sigo pe pesche dușmani chiar vi po manușa nasul sar sas andi Asiria,
pachiav că ci va holiarela-pe nici pe mande.
Poiechdata cana cherav vareso nasul, pachiav că o Iehova duriarel-pe mandar,
tha cana gândiv man ca cadai relatarea hachiarav că o Iehova silo pherdo iubirea hai răbdătorii.
Ci holiarel-pe sigo pe mande cadaia sicavel că iubil man hai sicavel manghe că silo mânro amal.
Cadea si. Butivar ajucăras prea but amendar.
Pachias buchia nasul anda amende tha o Iehova ci cherel cadaia.
Cadea că pușiav man, ‘Dacă o Iehova ci holiarel-pe sigo pe mande, me sostar te holiarav man?’
Butivar trebul te dav sea mânri zor caște dichav man cadea sar o Iehova.
Dacă varecas siles iech autoritatea andi familia sau andi congregația sar daștil te lel-pe pala cadaia?
Pușiav man: „Holiarav man sigo? Sar dichel man o Iehova? Castar anav lesche amintea cana holiarav man?”
Si iech șucar buchi. Gândisardem man vi co zuralimos le Iehovasco.
Le israeliți ci trebunas te daran. Anda codoia că le asirieni ci sas-le mai bare sar o Iehova.
Cadea că, nici amen ci trebulas te daras chiar cana sam ande cadai lumea nasul le Satanoschi.
Pesche zuralimasa o Iehova ajutil amen hai cana nachav prin bare pharimata camav te gândiv man co raimos le Iehovasco,
te na darav că Vo va dela man zuralimos.
Pachiav. Hai camav te citiv ande fiesavo ghies le experiențea pa amaro site-o.
Cana dichav că le phrala hai le pheia ci mechen-pe cana sile persecutime,
pachiav vi mai but că o Iehova va avela vi manța cana cherav sea so daștiv cana nachav prin pharimata.
Lengo exemplo sicavel că o Iehova vi aghies folosil pesco zuralimos.
Vo chiar „ci holiarel-pe sigo hai silo baro ando zuralimos”.
Mișto, scriisardem manghe so camav te încărav andi goghi.
Na citisar sigo hai prinjiar mai but, folosisar o Indexo hai dich sar silo o Iehova cana sicavel pesco zuralimos.
Daisaras te sichioas vi mai but.
Sar exemplo, i profeția cai phendea-la o Naum că o Ninive va avela choslo, pherdea-pe.
Sar zuriarel cadaia amaro pachiamos?
Cames te rodas mai but? Mai arachlem…
Ande cadai emisiunea dichleam încă iech data că si amen o mai iubitorii dad, o Iehova.
Meritil te das sea amari zor caște cheras partea anda leschi familia.
Cana sicavas sea mai but iubirea sam sea mai chidine amare gule phralendar.
Cana zuriaras amaro pachiamos ando Iehova
daisaras te cheras buchia cai cheren te jial sea mai mișto i organizația le Iehovaschi.
Hai cana nachas bi te ajucăras amen prin bare pharimata
pachias anda sea o ilo că o Iehova si amaro dad hai amari Stânca.
Acana va avela te dichas o them Gabon, vo silo ando vesto la Africaco.
Mai phenel-pe lesche vi o Edeno andai Africa, cade arachas bare hai șucar veșa tha vi i Cascada Kongou.
Ando Parco Loango daisaras te dichas sar phiren le elefanți.
Cadal elefanți le veșesche ci prea arachen-pe, tha code ando Gabon arachen-pe le mai but.
Code arachas gorile, maimuțe colorime hai maimuțe mai țâne.
Vi le paia sile pherde viața, ande lende arachas mai but sar 20 specii balene hai delfini.
Con camel te dichen-len de pașă cado si iech than zurales lașio.
Tha te na pașion prea but catar i vipera Gaboon.
La sila le mai bare danda anda sea le sapa veninoși.
Tha si mișto că si liniștime hai na prea dandarel le manușen.
I capitala Libreville sas cărdi ande 1849 catar le sclavi.
Cade si bare clădiri, parcuri hai șucar plaje.
Caște dichas le șucarimata la phuveache sar si i cascada Poubara, trebul te nachas prin o foro Franceville.
Ande 1957, dui phrala anda Congo avile ando Gabon caște roden penghe buchi.
Code von predichisarde ieche manușesche po anav Antoine Moubanga.
Vo boldea-pe anda sa codo bărș hai sas o iechto martoro anda Gabon.
Ande sa codo timpo, chichiva phrala anda Congo, cai cherenas buchi andel construcții muchisarde-pe ando Gabon.
Von hai o phral Moubanga astarde te predichin hai te încăren întruniri ande iech baraca închirime.
Cana sas le întruniri, le phrala încalavenas avri le scamina hai le manușa arăsle te phenen lenghe i religia le Scaminenghi.
Ande 1964 daisardeam pale te predichisaras. Ando them avile chichiva misionari.
Caște arăsăn ca sea mai but manușa von șiute cuvântări co radio ande fiesavo curco.
Ande 1970 o guverno așadea amari predicarea, dea avri le misionaren anda o them hai phandadea le întruniri.
Ande codo timpo, o ilo le phralengo thabolas anda o Iehova,
cadea că, garades pi riat încărănas le întruniri hai le congresea.
Pala chichiva bărșa i situația sas mai lași.
Cadea că le phrala vazdine pale Săli le Regatosche, încărde congresea hai cărde iech aver emisiunea co radio.
Cadai emisiunea arăslea te avel prinjiandi hai sas scriime anda late ande iech ziaro anda 2004.
Chichiva manușa arăsle te prinjianen i vocea le phraleschi cai delas duma co radio hai astarde te sichion andai Biblia.
Aghies, code si mai but sar 4 600 phrala cai predichin i vestea lași.
Le phralen silen mai but sar 8 000 studii biblico ande mai but șiba: andi franceza, fang, myene, punu, nzebi hai teke.
Na de but timpo, 28 phrala tărne cărde i iechto Școala andal Evanghelizatori andi Sala le Regatoschi anda Okala, Libreville.
Le 116 phrala zurale andai congregația Okala astarde mai but sar 140 studii hai vi ca i Comemorarea sas 287 manușa.
Amare gule phrala andai congregația Okala phenen amenghe că meren anda amende.
Dichlean o JW Broadcasting catar o Sedio Mondialo le Martorengo le Iehovasche.

JW Broadcasting – mai 2026
- 

JW Broadcasting – mai 2026

Mișto avilean co JW Broadcasting.
Sar si amaro gulo dad?
Va dichasa ande cadai emisiunea hai va avela te hachiaras sostar sam ferime cana sam andi familia le Iehovaschi.
Va avela te prinjianas iecha pheia cai așilea pașa o Iehova chiar cana nachlea prin bare pharimata. 
Hai de cadai data va avela te rodas sumnacai ando lil Naum.
Mai but, sam bucurime te phenas tumenghe că va avena amen dui neve serii andal materialea video.
Andi iechto, dichas sar o Iehova sicavel amen pherdo iubirea cana cheras mai but andi buchi le Iehovaschi.
Hai andi duito, va dichasa iech ghies andi viața le phralenghi cana cheren diferime buchia anda o Iehova.
Bucurin tumen ande cadai emisiunea!
Ca so gândin tumen cana așunen i duma „dade”?
Ca iech murș iubitorii cai lel sama pesca familiatar sau ca iech murș șudro cai hal-pe lasa?
Fiesavo mașcar amende jianas sar phiradea-pe amența amaro dad.
Sostar si importanto anda amende i duma „dad”?
Anda codoia că i Biblia phenel că o Iehova silo sar iech dad.
Si ciaces, le Iehovas siles but titluri, tha o Isus folosisardea i duma „dad”
caște sicavel amenghe sar camel o Iehova te dichas-les.
Vi le Isusos siles mai but titluri sar avelas Meștero lașio, Cuvânto sau Arhanghelo.
Tha mai anglal, silo prinjiando, o Șiav le Devlesco.
Hai prin o merimos le Isusosco dichel vi amen, chiar cana sam imperfecți, că sam lesche șiave.
O Iehova camel te sicavel tuche iubirea, cadea sar iech dad sicavel iubirea pesche șiavesche.
I duma „dad” sicavel so si ando ilo le Iehovasco.
Vo iubil but i familia.
Te dichas so phenel-pe anda leste ando Isaia 64:8. 
„Tha acana, o, Iehova, tu san amaro Dad!
Amen sam i cic hai tu san amaro Olarii. Savore sam cărde che vastendar.”
So șucar! „Iehova, tu san amaro Dad!”
Orisar avelas amaro dad cai bariardea amen, o Iehova si o mai lașio Dad.
I Biblia sicavel amenghe sar silo vo.
Jianglean că ande le evanghelii o Isus folosisardea i duma „Dad” mai but sar 160-var? 
So sichioas? Anda o Iehova sam sar iech familia. 
Cana prinjianas sea mai mișto amare dades hai dichas chichi de but iubil amen,
arăsas ca vi amen te iubisaras-les sea mai but.
Mai dur va avela te dichas sostar daisaras te avas pașă le Iehovastar.
Te dichas andi Geneza 1:26 i partea a.
Cade o Iehova del duma le Isusosa sar te cherel pesche șiaven pa i phuv. 
Cade phenel-pe: „Te cheras manuș pala amaro chipo cai te ameal amența.”
Sam cărde pala o chipo le Devlesco hai si normalo, vi le șiave amean penghe dadesa hai deiasa.
Tha, sar ameas amen le Iehovasa? Na ande iech modo fizico, 
o Iehova si iech spirito.
Ando 1 Ioan 4:8 dichas sar.
„Con ci iubil ci arăslea te prinjianel le Devles, anda codoia că o Del silo iubirea.”
Sam cărde pala o chipo le Devlesco, anda codoia vi amen daisaras te sicavas iubirea.
O Iehova si iech Dad gulo hai lașio, cai iubil pesca familia.
Sar lesche șiave, cai sam cărde pala leste, daisaras te iubisaras-les tha vi te simțosaras leschi iubirea.
Ciaces, i iubirea cherel amen te avas ando ilo le Iehovasco. 
Te dichas trin buchia prin save o Iehova sicavel că iubil pesche șiaven.
I iechto: sar iech Dad iubitorii, les duchal-les amendar.
Ando 1 Petru 5:7 phenel-pe: „Hai șiuden sea tumare phare gânduri pe leste, anda codoia că les duchal-les tumendar.”
Cana duchal tut varecastar des-les sea so trebul lesche caște trail.
Tha, o Iehova lel sama numai catar amaro sastimos fizico? Nici.
Te dichas so phenel-pe ando 2 Corinteni 1:3, 4.
„Așardo te avel o Del hai o Dad amare Raiesco Isus Cristos,
o Dad cai sicavel iech bari mila hai o Del cai zuriarel amen, cai machel amaro ilo ande sea amare pharimata.”
O Iehova si „o Dad cai sicavel iech bari mila hai o Del cai zuriarel amen.”
Si ciaces, o Iehova del amen sea so trebul amenghe tha Vo cherel but mai but.
Vo șiol ilo cana lel sama amendar, zuriarel amen.
O Iehova del amen sea so trebul amenghe caște traisaras, 
te avas fericime hai te slujisaras lesche.
Gândisar tut, peres nasfalo hai trebul te jias co medico.
Vo phenel tuche că va dela tut iech tratamento hai că ci trebul te daras, că va avesa mișto.
Tha dacă o medico, na-i numai iech medico lașio, si vi chio dad?
Acana o tratamento va avela o mai importanto anda leste.
Vo ci va dela tut numai o tratamento, vo va lela sama tutar ande fiesavo ghies.
Chiar amaro dad va lela sama amendar, vo iubil amen.
Cadea si o Iehova. 
Vo si iech medico lașio hai alosardea o ghies cana va chosela sea i duch.
Tha Vo ci cherel numai cadichi. Vo si „o Dad la milaco cai zuriarel amen.”
Les duchal-les amendar hai lel sama pe amende ande fiesavo ghies, acana hai vi ando paradiso.
Dichlean vi tu sar o Iehova lel sama tutar pherdo iubirea?
Sar lel sama pe tute, prin le phrala hai le pheia andai congregația cai sicaven leschi iubirea?
Sau daștil-pe că zuriardea tut prin iech relatarea andai Biblia.
Sau daștil-pe că sichilean vareso nevo anda so Vo promitil tuche.
O Iehova lel sama amendar anda codoia că iubil amen. Hai cadai iubirea va cherela-les te lel sama amendar sea o timpo.
Te dichas i duito buchi cai sicavel că si amen iech Dad iubitorii.
Vo mechel amen te phenas lesche so si amen po ilo.
But familii sile fericime cana phenen penghe so silen po ilo, hai cheren cadaia cana han ande iech than.
Cadea sar dichleam ando 1 Petru, o Iehova phenel amenghe „te șiudas sea amare phare gânduri pe leste.”
Tha dacă vo silo ando cerii, sar daisaras te das duma lesa?
Prin o manglimos.
Cana mangas amen daisaras te phenas lesche so si importanto anda amende so duchavel amen, so bucuril amen,
so camas te cheras hai te mulțumisaras lesche anda sea so cherel.
O Iehova așunel amaro manglimos, cadea sar iech dad iubitorii așunel pesche șiaven.
Tha Vo cherel but mai but, del amen vi răspunso ca amaro manglimos.
O Iehova mechlea scriime pesche gânduri andi Biblia anda amende.
Cana citisaras i Biblia hai amare publicații catar o sclavo fidelo hai prevăzătorii,
o Iehova folosil pesco spirito sfânto hai cherel amen te așunas so si amen nevoia, caște arăsas te gândisaras sar Vo.
Vo daștil te del amenghe răspunso prin pesche manușa sau chiar prin aver.
Camas te dichas sar o Iehova del amen o răspunso. 
Si mișto te scriisaras-les hai poiechdata te citisaras-les.
Cu sea cadala, poiechdata o Iehova del amen răspunso mai târzio.
Însemnol că amaro manglimos na-i importanto anda leste hai că bâstărdea amen? Nici!
Daștil-pe că trebul te ajucăras mai but sau o Iehova deja dea amen o răspunso tha na sar amen camleam.
Te gândisaras amen ca iech familia cai jial andi vacanța.
O dad hai i dei jianen că o drom si deș ceasurea, tha le șiave sea o timpo pușen-pe: „Mai si amen but?” 
Si normalo că camen te arăsăn mai sigo.
Chiar dacă pușen butivar „cana arăsas” sea deș ceasurea cheren po drom.
Trebul te aven-len răbdarea hai te roden te cheren vareso.
Vi amen mangas amen te avel o sfârșito. Te phenas ciaces, camas te avel chiar aghies.
Si sar cana pușias le Iehovas „Mai si amen but?”. Hai si mișto te mangas amen te avel o sfârșito.
Tha cadea sar le șiavorre anda amaro exemplo, trebul te avel amen răbdarea.
Mai but, cadal șiavorre ci sile corcore pe cado drom, lengo dad hai dei sile pașa lende.
Sa cadea si vi amența. Te na bâstras, amaro Dad o Iehova, silo amența.
O Iehova alosardea cana te avel o sfârșito, hai cana cheras mai but ande leschi buchi, o timpo nachel mai sigo.
Poiechdata, das amari seama că o Iehova phenel „nici” ca so mangas lestar.
Iech dad hai iech dei cai iubin penghe șiaven, poiechdata va phenena lenghe „nici”.
Anen tumenghe amintea le Pavelostar? Les sas-les iech „canro ando mas.”
Gândin tumen: O Iehova dea-les o zuralimos te cherel miracolea anda aver.
Cu sea cadala, o Pavel manglea le Iehovas trin-var
te duriarel-les lestar, tha Vo phendea lesche „nici”.
O Iehova phendea lesche „mânro lașimos nemeritime arăsăl tuche.”
Vo ci duriardea o canro, tha dea-les o zuralimos te cherel mai dur peschi buchi chiar cana sas lesche pharo.
O Iehova va ajutila vi amen te nachas părdal le pharimata, hai cana ci mechas amen sicavas că iubisaras amare Dades.
Chiar cana ajucăras mai but pala o răspunso ca amaro manglimos sau vo silo „nici”
te na pachias că o Iehova ci iubil amen.
Mangas tumen șucar te dichas ande iech than so phenel-pe ando Ioan 14:21.
Cade o Isus phenel: „Cas siles mânre porunci hai încărel-len, codo iubil man.”
Dichen acana: „Hai codo cai iubil man, 
vi mânro Dad va iubila-les.”
O Iehova phenel că iubil amen cana las amen pala o Isus.
Hai cana o Iehova phenel că iubil amen, Vo ci hohavel.
Si iech bari pachiv te phenas so si amen po ilo amare gule Dadesche. 
Te dichas încă iech buchi prin savi o Iehova sicavel amenghe că si iech Dad iubitorii: Vo cherel phares buchi anda peschi familia.
Le dada hai le deia phenen că si șucar te bariares șiave, tha si vi pharo, chiar cana le șiave așunen.
Chichiva mașcar amende cana samas șiave cărdeam vi dilimata.
Iech dad hai iech dei cheren but buchia anda penghe șiave.
Len sama te avel-len haben, hureaimos, cai te beșen, jian lența co medico, îngăren-len ca i școala hai ortosarel-len.
So? Ortosarel-len?
Cana sam ortosarde pachias că sam pedepsime hai chiar si iech panglimos mașcar lende.
Tha jianglean că andi Biblia phenel-pe că te aves ortosardo însemnol vi te aves sicado?
Hai cadaia na-i iech buchi nasul.
Cadaia ajutil amen te sichioas hai te avas mai lașe.
O Iehova camel te traisaras sea o timpo.
Anda codoia, poiechdata ortosarel amen, phenel amenghe so ci cheras mișto hai sicavel amen.
Cadala ajutin amen te avas zurale ando pachiamos.
Vo ortosarel amen prin i Biblia, prin o sclavo fidelo hai prevăzătorii,
hai prin zurale phrala cai ajutin amen te slujisaras lesche anda sea o ilo.
Te aves iech lașio dad trebul te cheres phares buchi.
Hai but mașcar tumende cheren cadaia.
O Iehova dichel cuci tumari buchi. Vi Vo cherel phares buchi anda amende.
Sar iech Dad iubitorii, Vo cherel phares buchi anda amende de mii bărșa.
Tumen so bucuril tumen? 
O cham cai mechel-pe tele, iech ghili, iech lulughi, iech lași tocana,
te beșen la familiasa sau sea le buchia spiritualo cai iubin-len?
Sea cadal cadouri aven amare dadestar, le Iehovastar.
Vo cherel phares buchi anda peschi familia 
anda codoia că iubil-la. 
Co începuto șiuteam iech pușimos. Ca so gândin tumen cana așunen „dade”?
Daștin te den o răspunso pala sar phiradea-pe tumaro dad tumența.
Tha, dacă tut na-i tut iech dad?
Mangav tut te diches le gule dumes le Iehovasche cai sile ando Psalmo 68:5.
„O dad codolengo bi dadesco hai codo cai feril le phivlean si o Del ande lesco sfânto than.”
Anda lesco than sfânto o Iehova dichel tut, jianel prin so naches hai phenel anda tute că san importanto anda leste.
I Biblia phenel: „O dad codolengo bi dadesco hai codo cai feril le phivlean si o Del.”
Si sar cana, o Iehova phenel tuche:
„Me som chio dad, jianav că na-i tut iech dad caște lel sama tutar, tha me som cade. Som pașa tute.”
Tha dacă chi familia așel tuche contra anda codoia că slujis le Iehovasche?
Dich iech șucar promisiunea anda tute ando Marcu 10:29, 30.
O Isus phendea: „Ciaces phenav tumenghe că na-i chonic cai mechlea chăr, phrala, pheia, dei sau dad,
șiave sau phuvea anda mande hai anda i vestea lași hai te na primil 100 var mai but acana, ande cado timpo – chăra,
phrala hai pheia, deia, șiave hai phuvea ande iech than persecuțiența – hai ando sistemo cai avel, viața veșnico.”
Dacă chi familia duriardea-pe tutar anda codoia că slujis le Iehovasche,
na bâstăr, tu cheres partea anda i familia le Iehovaschi.
Pe sea i phuv, milioanea phrala hai pheia iubin tut.
Gândisar tut că va avela o ghies cana vi che neamuri va slujina le Iehovasche hai va iubina-les. 
Chiar cana si amen situații diferime, sam le Iehovasche, hai cheras partea anda leschi șucar familia.
O Iehova iubil pesche șiaven hai Vo sea o timpo va iubila-len.
Na pa but timpo, o Iehova va chosela cadai lumea hai o păcato hai le pharimata ci va mai avena. 
Ji atunci, vo lel sama amendar. Așunel amare manglimata hai del răspunso lende ande iech felo sau aver,
cherel phares buchi anda amende, caște pregătil amen anda i viața veșnico.
O Iehova cherel sea cadala hai but mai but, anda codoia că iubil pesca familia!
Mulțumisaras le Iehovasche hai phenas vi amen sar o Isaia: 
„O, Iehova, tu san amaro Dad!”
I phei Bethel Rodish camlea te cherel buchi co Betelo, tha ca 22 bărșa arachle lache tumoarea co șăro.
Dichas mai but anda late andai revista Ușten! 22 aprilia 1990.
Atunci, i phei Rodish arăslea te pachial ciaces că o Iehova si laco dad.
Anav manghe amintea că ande iech teharin sunisardea man iech phral catar o Betelo anda o Brooklyn.
Somas achardi code te beșav trin șiona,
tha ci daisardem te dav duma but co telefono
anda codoia că trebuisardea te arăsav co doctorii.
O doctorii cărdea manghe iech filmo hai pala codoia achardea man andre
hai phendea manghe că si man iech bari tumoarea co șăro.
Trebulas te phenel cadai buchi vi mânre dadesche hai mânra deiache.
Mânro doctorii sas zurales lașio hai trebulas te cherel manghe dui operații.
Pala i duito operația, o doctorii sas bucurime te phenel manghe că daisardea te lel avri sea i tumoarea. 
Sastiardem man cam ande iech bărș.
Ando bărș 1990, muchisardem man co Brooklyn, code prinjiandem man le Bobesa.
Avilea te manghel man, șiuteam i cererea anda o Betelo hai samas zurales bucurime cana samas acharde.
Pala cam dui bărșa so căsătorisardeam amen, așilem phari.
Pala chichiva bărșa, sas amen dui șiavorre, iech șeiorri hai iech șiavorro hai așilem pale phari.
Tha cana sas man cam trin șiona, hasardem.
Chichi timpo samas co spitalo, lea sama mânri dei le șiavorrendar
hai voi phendea lenghe de mai anglal că ci va avela te anas lenghe chăre iech bebelușo.
Cana arăsleam chăre, amare șiavorre nașle caring amende, tha somas cadea de duchadi că ci daisardem te dav duma lența.
O Bobi lea amen ande angali hai phendea le șiavorrenghe că o bebelușo mulea.
Anda codoia că prinjiandeam mișto amare șiavorren,
gândisardeam amen că na-i mișto te garavas lendar cadai buchi.
Trebulas te sichion vi von că si buchia nasul prin save oricon daștil te nachel.
Tha si importanto te avas ande iech than sar familia hai te zuriaras amen.
Cana gălem andi camera le țânorreschi hai dichlem lesche hureaimata pușlem man: „So va avela te cherav lența?”
Pala panji șiona so hasardem, gălem ca i Sala le Regatoschi.
Cana gălem andre ci daisardem te încărav man parpale hai astardem te rovav,
cadea că înclistem avri hai gălem ca i mașina.
Dui gule pheia dichle so sas manța, avile mande ca i mașina hai beșle manța.
Încărde man vastestar hai mechle man te dav duma anda mânre șiavorre hai anda sea so sas man po ilo.
Chiar cărde man te asav hai pala țâra timpo găleam pale andi sala.
O Iehova sas-lo sea o timpo pașa amende. Vo dea amen lașe amala andi congregația.
Chiar cana sas-len but buchia te cheren, von avenas amende andi fiesavi paraștui pi riat te has ande iech than,
asaiam ande iech than hai zuriardeam amen iech averes.
Cadaia ajutisardea man te na mai gândiv man numai ca mânri duch cai pusavelas mânro ilo.
I iubirea cai sicadea-la manghe o Iehova prin le phrala
ajutisardea man te hachiarav chichi de importanto si te sicavav vi me iubirea averenghe.
Dav sea mânri zor te bișalav lenghe iech mesajo, te scriiv lenghe iech lilorro
sau phenav lenghe că iubiv-len, că duchal man lendar hai că som pașa lende.
Simțosardem butivar sar o Iehova ajutisardea man ande mânri viața, chiar ande mai but felurea.
Pachiav că fiesavesche mașcar amende sas pharo poiechdata te jial andi predicarea sau ca le întruniri.
Amen simțosardeam că o Iehova dea amen zuralimos.
Ajutisardea amen te gândisaras mișto hai te încăras liniștime amaro ilo.
Simțosardeam pe amari morci o verseto anda o Deuteronomo 33:27.
„O Del si iech garaimos andal timpuri zurales purane, lesche vasta veșnico încăren tut.”
Le pharimata prin save nachlem ajutisarde man te hachirav că le Iehovasa daștiv te nachav părdal oriso.
Cana pachias amen sea mai but ando Iehova va avela te nachas mai ușoro prin le pharimata,
cadea sar nachlea vi i phen Rodish.
Iech aver buchi cai cherel amen te bariaras calități si cana cheras mai but andi buchi le Iehovaschi.
Cadaia ajutil amen te avas mai zurale hai te las amen pala o Iehova.
Sam bucurime te phenas tumenghe că si amen iech nevi seria:
Cana cheras mai but andi buchi le Iehovaschi sicavas șucar calități.
Cadal materialea sicaven sar i buchi cai cărde-la anda o Iehova
ajutisardea amare phralen te sicaven o rodo le spiritosco ande lenghi viața.
Te dichas o iechto cotor anda „Cana cheras mai but andi buchi le Iehovaschi sicavas șucar calități – I iubirea”.
Barilem ande iech țâno foro, ande savo le mai but manușa gândinas hai cherenas le buchia cadea sar me.
Cana astardem te cherav buchi andi echipa de construcții, anda mande sas iech baro paruimos.
Anda iech țâno foro arăslem te cherav buchi phralența hai pheianța
anda aver thana, diferime culturi hai denas duma aver șiba.
Von gândinas hai cherenas le buchia diferime.
Dem mânri sama că trebulas te cherav paruimata ande mânri viața.
Iubisardem mai but le phralen anda mânri cultura, tha ci iubisardem sa cadea le coavere phralen.
Cherav buchi andi echipa de construcții, si zurales șucar cade
anda codoia că cheras buchi ande iech than, beșas ande iech than hai poiechdata rovas ande iech than.
Sam iech ciaci familia.
Tha caște avav cade, trebuisardea te mechav le buchia cai ciaionas man
i congregația hai mânre amalen anda o than cai beșlem.
Ando than cai slujiv acana simțosardem că ci si manghe sicadi iubirea cadea sar sicavelas-pe manghe ando than catar avilem. 
Anda 1 Corinteni 13:4 hachiardem că ande iech felo sicadem iubirea, tha mai trebulas te cherav vareso.
Sichilem te sicavav mai but iubirea le phralenghe anda aver thema casa cherav buchi.
Sar exemplo, iech phral arăsălas ca le întruniri pala so astarenas,
hai ando timpo so încărdemas i cuvântarea, vo sovelas.
Ci phenav că încărav le mai lașe teme tha arăsălas ando mașcar la temaco hai sovelas. Holiarelas man cadaia.
Tha jianglem că cadea ci sicavav lesche iubirea.
Tha trebulas te anav manghe amintea că vo cherelas buchi 12-16 ceasurea hai șiov ghiesa po curco.
Anda codoia că mânri familia ci sili co ciacimos, dichav le phralen sar mânri familia.
Le phrala hai le pheia den sea penghi zor caște așen zurale ando pachiamos.
Camav te pașiovav lendar chichi mai sigo, tha butivar si pharo anda mande.
Poiechdata som duchadi, anda codoia că ci hachiarav sostar ci camen te pașion mandar.
Atunci o Mike phendea manghe: „Vi tu san sa cadea. Si tuche pharo te des duma”.
Pala codoia phendem: „Da, cadea si”.
Trebulas te sichiovav te avel man răbdarea le pheianța, te avav mai lași lența hai te hachiarav-len ciaces.
O Iehova ajutil savoren te cheren paruimata. Tha, de cana som andi echipa de construcții, cărdem le paruimata vi mai sigo.
Acana dichav le phralen sar sile de andral, na sar sile de avreal sau catar aven.
Cana avilem andi echipa de construcții, sas sar cana o Iehova phendea manghe:
„Cebo, pachias că jianes sar te sicaves chi iubirea? Hachiares savi si i ciaci iubirea?
Mech man te sicavav tuche vi mai but savi si i ciaci iubirea.”
Cadaia ajutisardea amen te cheras amenghe neve amala hai familii ande orisavo than.
Si amen but miștimata că deam amaro timpo le Iehovasche.
Sichileam te sicavas vi mai but amari iubirea hai te avas vi mai lașe le phralența.
De cana cherav mai but andi buchi le Iehovaschi, iubisarav vi mai but le phralen.
Cana dav mânri zor te hachiarav le phralen hai le pheian
iubiv-len vi mai but hai cadaia ajutil man vi andi familia.
Acana așunav vi mai mișto le pheian hai vi mânre rromes.
Dichlean so miștimata si amen cana sicavas iubirea? 
Sam mai pașă amare phralendar, simțosaras lenghi duch, hachiaras-len hai sicavas răbdarea.
Pachias că cadal neve materialea video va ajutina tumen
te gândin tumen dacă daștin te cheren vi mai but andi buchi le Iehovaschi.
Andi iechto cuvântarea, dichleam că o Iehova sar iech dad iubitorii, ortosarel amen.
Cherel cadaia vi prin le buchia cai mai phendea-len amenghe. 
Mai dur, o phral Troy Snyder va ajutila amen te dichas ande iech modo lașio le buchia cai o Iehova mai phendea-len amenghe.
Ca so gândis tut cana așunes:
„te na bâstres”,
„an tuche amintea”,
„mai phenav tuche iech data”?
Phenes „ci mai camav te așunav”,
„me jianav cadaia”.
Sau holiares tut că anel-pe tuche amintea so ci cărdean.
Sau daștil-pe că doșares tut anda codoia că ci cărdean so ajucărde aver tutar.
Le buchia cai o Iehova anel-len amintea sile diferime, hai trebul te dichas-len sar Vo.
Te pâtras co Psalmo 119 hai te dichas so zuralimos silen opral amende le buchia cai anel-len amenghe amintea.
Le versetea 2 hai 3.
„Voime si codola cai încăren le buchia cai o Iehova anel-len amintea, codola cai roden-les anda sea o ilo.
Von ci cheren niciech neortomos; von phiren pe lesche droma.”
Da, sam fericime cana așunas le buchiandar cai anel-len amenghe amintea.
Von ajutin amen te hachiaras hai te dichas mișto sea le buchia.
Zuriaren amen te așias po drom le Iehovasco hai cadea sar phenel-pe ando verseto 3 ajutin amen te cheras
so si orta vi cana si amenghe pharo.
Le buchia cai anel-len amintea o Iehova sile sar le indicatoarea.
Vo sicaven amenghe caring te las-la hai savo si o lașio drom.
Tha cana hasaras amen von ajutin amen te risaras amen parpale po lașio drom.
O Iehova anel amenghe amintea 
so si scriime ando texto de aghies. 
Te pâtras co 1 Petru 2, le versetea 13 hai 14 hai te dichas so anel amenghe amintea o Iehova cade.
„Anda o drago le Raiesco, așunen catar orsavi autoritatea 
le manușenghi...
hai vi catar le guvernatori cai sile bișalde lestar caște ortosaren le manușen nasul, tha te așaren codolen cai cheren so si mișto.”
O Iehova andea amintea le anglune creștinenghe te na șion-pe andi politica,
tha te așunen catar le autorități cai mechlea-len o Iehova.
Ci sas iech nevo hachiarimos, numai andea-pe lenghe amintea.
Von jianenas că trebunas te așen pașa o Regato le Devlesco,
te den „le Cezarosche so si le Cezarosco” hai „le Devlesche so si le Devlesco”,
tha vi că trebunas te „așunen mai but le Devlestar sar stăpânitorii sar le manușendar.”
Sostar trebulas te anel-pe lenghe amintea?
Cadaia avelas te ajutil-len anda codoia că andi lumea sas nehachiarimata politico.
Le manușa încărenas varecasa anda i politica hai camenas 
ca vi le creștini te cheren sa cadea.
Anda codoia trebulas te anel-pe lenghe amintea te na șion-pe andi politica.
Dichlean sar ajutisardea-len o verseto 13, cai phenel: „Anda o drago le Raiesco”?
Pâtărdea lenghi goghi. Andea-pe lenghe amintea că te așunen catar le autorități ci însemnol că șion-pe andi politica,
tha însemnol te den pachiv le Iehovasche tha vi ca le autorități hai te ajucăren le Iehovas te paruvel le buchia.
Mai but, von ci trebunas te dichen tele le autorități tha 
te gândin-pe co Regato hai te phenen mai dur i vestea lași.
Le creștinenghe andea-pe amintea but buchia.
Chichiva bărșa mai anglal, le creștini anda i Roma primisarde iech lil
ande savo sicavelas-pe so cherenas le autorități hai sar von trebunas te phiraven-pe lența.
Sa ande cado timpo, primisarde vi o lil caring o Tit cai andea-pe lenghe amintea te așunen catar le autorități.
Sea cadal buchia ajutisardea-len te na șion-pe andi politica hai te așen pașa o Iehova.
Mai ajutisardea-len vi anda codoia că, na pa but timpo,
le creștini avenas persecutime. 
Dacă lenas-pe pala so sas lenghe phendo, o Iehova avelas te ajutil-len.
Hai dichen sar sicavel-pe cadaia ando verseto 15.
Ando 1 Petru 2:13, 14 dichleam că trebul te așunas catar
le autorități.
Hai dichen o verseto 15: „Că cadea camel o Del, cana cheren so si mișto,
phandaven o mui codolengo cai phenen dumes bi goghiaco.”
Dacă von așunenas catar so phenelas lenghe o Iehova,
Vo avelas te ajutil-len ande codol phare ghiesa caște slujin lesche mai dur,
hai jianas că chiar cadea sas ando iechto secolo.
Sa cadea si vi ande amare ghiesa. Sar exemplo, amare phralenghe anda iech them,
andea-pe lenghe amintea te na șion-pe andi politica. Ca țâra timpo pala codoia, astardea iech războio.
Le phrala cărde so phendea-pe lenghe, ci șiute-pe andi politica hai așunde catar le autorități.
Cana nachlea o războio, caște avel pacea mașcar le manușa, 
le autorități dine mai but legi.
Iech legea phenelas că cana trebulas te cheres i căsătoria legalo
trebulas te les partea vi ca iech ceremonia cai sas folosime o steago.
Dacă le creștini cherenas cadaia șionas-pe andi politica.
Le phrala găle angla le autorități hai phende lenghe că ci line partea co războio hai ci șiute-pe andi politica.
Le autorități jiangle hai dine amen pachiv.
Iech mașcar lende phendea: „Ci camas te avel tumenghe pharo.”
Ca țâra timpo pala codoia, parude i legea hai cadea le phrala ci șiute-pe andi politica.
Sea cadala întâmplosarde-pe, anda codoia că amare phrala așunde le Iehovastar.
Sar slujitori le Iehovasche, o Iehova sea o timpo phenel amenghe so te cheras.
Te gândisaras amen ca le rapoartea catar o Corpo de Guvernare.
Na de but timpo, phendea-pe amenghe te predichisaras oricai arachas manușa anda codoia că iubisaras-len.
Mai phendea-pe amenghe vi sar o Iehova dichel codolen cai păcătuisarde hai duriarde-pe lestar,
tha vi sar te ajutisaras-len te risaren-pe parpale.
Cadal buchia ajutin amen te hachiaras sar gândil o Iehova. 
Iech aver buchi sas, te las sama sar lașiaras amen.
Chiar cana i moda parudea-pe, prin sar lașiaras amen trebul te anas pachiv le Iehovasche.
Mai phendea-pe amenghe vi te mangas amen anda codola cai sile phandade anda lengo pachiamos,
hai dacă amen sam codola phandade hai persecutime trebul te phenas mai dur i vestea lași. 
Na de but timpo, phendea-pe amenghe te na șioas amen andi politica, nici le creștini anda o iechto secolo ci cărde cadaia.
Aghies traisaras ande iech lumea cai le buchia ci jian mișto,
hai cana si duma anda i politica le manușa alosaren de caschi rig te așen. 
Ando raporto phenelas-pe: „O Corpo de Guvernare camel te anel tumenghe amintea cadal buchia
anda codoia că o Satan camel te șioas amen andi politica.”
Andea-pe amenghe amintea te dichas so phenel-pe ando lil Versetea anda i Viața sar Creștini, co subiecto „Guvernea”.
Le versetea cai dichas-len code va ajutina amen te jianas so te phenas „oricasche”
hai vi te așias unime sar familia le Iehovaschi. 
Sar phrala cai cheras mai but anda o Iehova, anel-pe amenghe amintea but buchia.
Cana mașcar amende sau ande amaro departamento si amen nehachiarimata trebul te iertisaras amen hai te rodas i pacea.
Sam bucurime cana cheras cadaia.
Butivar phenel-pe amenghe te citisaras i Biblia. Sostar?
Că si amen but buchia te cheras, anda codoia trebul te anel-pe amenghe amintea.  
Sar supraveghetori, anel-pe amenghe amintea că si importanto te las sama le phralendar.
Sostar phenel-pe amenghe cadaia? Anda codoia că poiechdata si amen but buchi hai bâstras amare phralendar.
Cana savore simțosaras că ci sam lașe chancesche, te na mechas amen.
O Iehova iubil amen, dichel so si lașio ande amende hai si lesche mila amendar.
Vo silo pașa amende cana amare ile sile duchade.
Da, camas te așunas le Iehovastar!
Te cheras so Vo anel amenghe amintea.
Dichen so phenel-pe ando Psalmo 119:111.
„Le buchia cai anes-len amintea si mânro barvalimos veșnico, anda codoia că si i bucuria mânre ileschi.”
Sam fericime cana cheras so Vo phenel amenghe.
So o Iehova anel amenghe amintea încărel amen chidine hai ajutil amen te așias pașă lestar. 
So șucar buchia sichileam anda le buchia cai mai phendea-len amenghe o Iehova.
Cana așunas le Iehovastar sam vi mai pașă lestar hai camas te slujisaras vi mai but amare phralenghe.
Gândisardean tumen sar si te cheren buchi anda o Iehova? 
Tha dacă deja cheren buchi anda o Iehova? Sar avelas te cheren vi aver buchi anda leste?
Sam bucurime te phenas tumenghe că si amen iech nevi seria cai va zuriarela amen but.
Voi bușiol „So cherel ande iech ghies”.
Ande fiesavo cotor daisaras te dichas sar ande fiesavo ghies amare phrala pe sea i lumea 
den sea penghi zor caște cheren buchia diferime anda o Iehova.
Ando iechto cotor va avela te dichas so cherel ande iech ghies iech traducătoro.
Me som i Han Na Kim. Cherav buchi ca traducerea anda i șib le semnengo coreeano.
Sea le materialea sile andi șib englezo hai traducisaras-len ande aver șiba.
Das amari zor te traducisaras sa codol idei andi șib le cașuchenghi caște hachiarel-pe hai te arăsăl ca lengo ilo.
Andi șib le semnengo cheras video anda o texto cai si scriime.
Folosisaras amare vasta hai amare iacha caște aven dichle le idei.
Acana citiv o materialo cai trebul te traducisaras.
Gândiv man save si le idei principalo hai so semnea te folosisaras andi șib le semnengo caște hachiarel-pe.
Te aves iech traducătorii lașio trebul te prinjianes mișto i șib.
Pachiaiem că jianav mișto i șib le semnengo cadea că ci sas manghe dar te cherav cadai buchi.
Tha dem mânri sama că trebulas te sichioav mai but.
Cana pregătiv man, som atento te dichav so semnea folosin le cașuche hai so semnea si folosime ande amare publicații. 
Cadaia ajutisardea man te traduciv cadea sar den duma le cașuche.
Ande fiesavi echipa trebul te aven trin jene.
Von traducin o video ande iech than, dichen dacă silo mișto hai dacă silo cadea sar den duma le cașuche.
Anda codoia că i șib le semnengo nai-li scriime, cheras i traducerea video.
Acana traducisaras iech video anda le balene.
Fiesavo mașcar amende folosisaras po iech semno, pala codoia, alosaras savo semno hachiarel-pe mai mișto.
Cana traducisaras si pharo te arachas o mai lașio semno, cadea că das duma sar echipa,
fiesavo phenel peschi idea hai pala codoia alosaras iech corcoro semno caște avel folosime.
Dichas ciaces sar ajutil amen o Iehova.
Ande amari echipa si phrala hai pheia anda mai but thana.
Cheras buchi ande iech than, jias ca le întruniri ande iech than hai predichisaras ande iech than. Sam sar iech familia.
Iech, dui, astar!
De țâra timpo, sichileam te traducisaras mai simplo.
Acana, codola cai traducin, vi înregistrin hai vi editin.
Sas iech țâra pharo anda mande, phendem că ci jianav te cherav cadaia, tha le phrala sicade amen hai încă sichioav.
So șucar! Lași buchi cărdean!
Me hai i Hyun Ji, cheras buchi ande sa codo departamento, sam ande iech congregația hai beșas ande iech camera. 
Placial man că das duma anda oriso.
Cana traduciv iech video, ci gândiv man so sichiovav me anda leste,
tha dav sea mânri zor te traduciv cadea sar den duma le cașuche.
Pala so jial po site-o, dichav-les, pușiav man so camel te phenel manghe o Iehova hai so sichioav.
Chiar cana citisarav le publicații cai cărdem buchi lende, cana sichioav anda lende corcori arachav buchia neve.
Dem mânri sama că trebul te cherav manghe timpo te sichioav corcori caște avav zurali ando pachiamos.
Mânro dad hai dei sile cașuche, cadea că sichilem i șib le semnengo de țâniorri.
De cana som ca traducerea mânro ilo bariol cana dichav so but phrala cheren buchi anda țâra manușa cașuche.
Si numai o vast le Iehovasco.
Dav mânri zor te cherav iech lași traducerea ca le cașuche te hachiaren mișto le materialea hai te arăsen ande lengo ilo.
Cana cherav buchi anda le phrala hai le pheia cașuche, si man iech bari bucuria ando ilo.
Hai cana jianav că prin cadai buchi ajutiv vi mânre dades hai deia som vi mai bucurime.
Som cadea de fericime te cherav buchi ca traducerea hai vi te dichav so bare buchia cherel o Iehova. 
Placialas man te cheren cadai buchi sea mai but phrala caște dichen so șucar si.
I phei Kim phendea vareso zurales importanto.
Chiar cana lachi buchi si te traducil publicații, phendea că cherel pesche timpo vi te studiin-len caște zuriarel pesco pachiamos.
So phendea i phei ajutil amen savoren chiar cana cheras buchia diferime anda o Iehova.
Gule tărne, camas ca le neve materialea video te ajutin tumen te cheren vi mai but anda o Iehova.
I ghili anda cado șion sicavel chichi de șucar si amari familia spiritualo.
Chiar cana phenas i vestea lași varecasche de pașa amende sau zuriaras varecas andai congregația
camas te phenas iech duma lași co momento lașio.
Te sastiaras sau te duchavas,
daisaras da, vi prin so phenas.
I șib iech iag si; lasa tachiaras
sau thabaras, amen alosaras.
Că amari duma lași
machel o ilo sar i mai șucar ghili.
Si sastimos vi andal cocala.
Sea o timpo si sar i mierea guli.
Phendi cana trebul sar iech angali si;
cadea de lași hai de tati.
Hai ci las amen pala manușa.
Tha ando ilo șioas so phenel o Iehova.
Cadea anda mui si te jial avri
iech duma sumnacuni, lași.
Că amari duma lași
machel o ilo sar i mai șucar ghili.
Si sastimos vi andal cocala.
Sea o timpo si sar i mierea guli.
Phendi cana trebul sar iech angali si;
cadea de lași hai de tati.
Amari duma lași
machel o ilo sar i mai șucar ghili.
Si sastimos vi andal cocala.
Sea o timpo si sar i mierea guli.
Phendi cana trebul sar iech angali si;
cadea de lași hai de tati.
Acana te rodas sumnacai!
O lil biblico Naum si o efta-to anda le țâne lila cai den duma anda le 12 profeți.
Gândin tumen so camen te cheren hai so camen te prinjianen vi mai but?
Placial man but cana rodas mai but ando lil Naum, ande leste arachas sicaimata importanto.
Da, sicavel o zuralimos le Iehovasco hai sar te avel ujiardo lesco anav.
Hai te astaras!
Iech buchi cai phenel-la amenghe o sclavo fidelo si te na citisaras sigo andai Biblia hai te prinjianas mai but.
Ciaces, cana citisaras sigo hasaras but buchia.
Da. Te citisaras o iechto verseto: „I judecata contra o Ninive...”
– Beș iech țâra. Ninive? Silo prinjiando, na-i cadea?
– Îhî.
O Iehova bișaldea code le Ionas. Hai jianas so cărdea vo.
Le asirieni sas-le nasul, anda codoia vo nașlea.
Da. Gândiv man so sas andi goghi hai ando ilo le profetosco Naum cana o Iehova phendea lesche cado mesajo.
Pachiav că daralas hai si normalo cana prinjianas mai but anda Ninive.
Rodem ando<i> </i>Indexo<i> </i>„Ninive” hai arachlem o subtitlo „i cetatea cai șiorel rat.”
Șucar! Te folosisaras o Indexo caște prinjianas mai but.
Dichlem ande iech referința că „le șiave hai le șeia sas-le thabarde de jiuvinde… 
Le manușa sas-le pusade hai lenas tele i morci pa lende, sas încalade lenghe iacha,
șinde lenghe vasta hai lenghe pânre sau lenghe cana hai lengo nac”.
So nasul! Pachiav că na numai o Naum daralas.
Cana dichas le bărșa de mai anglal fal-pe că cadai profeția 
sas-li phendi cana o Iosia railas sar rege. 
Vo dea peschi zor ca le manușa te na slujin le devlenghe hohamne.
Pachiav că o Iosia hai le israeliți sas-le darade cana camle te anen pale închinarea le Iehovasche.
Da, anda codoia că i Asiria sas-li zurali ande codo timpo hai cherelas so camelas.
Pachiav că le israeliți daranas ca le asirieni te na holiaren-pe pe lende anda le paruimata cai cărde-len.
Dacă traisardeamas ande lenghe ghiesa, gândisar tut so darade avileamas anda amare șiave!
Tha dich so phenel o Iehova ando verseto 3.
Vo sicavel sar folosil pesco zuralimos. Phenel lenghe că „ci holiarel-pe sigo” hai silo „baro ando zuralimos.”
Cade si o corcoro than andai Biblia cai arachas cadal dui calități iech pașa aver:
„ci holiarel-pe sigo” hai silo „baro ando zuralimos”.
Hmm… O Iehova camlea te pachian-pe ande lesco zuralimos na te daran catar le asirieni.
So șucar!
Hai mai dur o Iehova phenel lenghe ando verseto 15: „Iuda încăr che sărbători, încăr so phenes,
anda codoia că codo nasul ci va mai nachela niciechdata prin tute. Va avela choslo cu sea.”
Si sar cana o Iehova phenel lenghe: ‘Încă ci choslem i Asiria, slujin manghe mai dur.’
Da. ‘Daștin te pachian tumen ande mande’.
Cadea si. O Iehova sicadea pesco zuralimos cana choslea cu sea o Ninive.
Chichiva phende că cado foro ci sas-lo niciechdata.
Pachiav că lea-pe iech pharimos tele pa o Iosia, o Naum hai le manușa le Iehovasche.
Von daștinas te slujin le Iehovasche bucurime hai andi pacea. Cana gândinas-pe co raimos le Iehovasco ci mai daranas.
So șucar sumnacai. Aș te scriiv manghe. O raimos le Iehovasco ajutil amen te pachias amen ande leste.
Cado sumnacai pașiarel amen vi mai but le Iehovastar.
Dichas sar silo o Iehova cana sicavel pesco zuralimos.
Sea gândiv man ca le dumes „o Iehova ci holiarel-pe sigo” hai silo „baro ando zuralimos.”
Le manușa nai-le cadea, dacă o Iehova ci holiarel-pe sigo pe pesche dușmani chiar vi po manușa nasul sar sas andi Asiria,
pachiav că ci va holiarela-pe nici pe mande.
Poiechdata cana cherav vareso nasul, pachiav că o Iehova duriarel-pe mandar,
tha cana gândiv man ca cadai relatarea hachiarav că o Iehova silo pherdo iubirea hai răbdătorii.
Ci holiarel-pe sigo pe mande cadaia sicavel că iubil man hai sicavel manghe că silo mânro amal.
Cadea si. Butivar ajucăras prea but amendar.
Pachias buchia nasul anda amende tha o Iehova ci cherel cadaia.
Cadea că pușiav man, ‘Dacă o Iehova ci holiarel-pe sigo pe mande, me sostar te holiarav man?’
Butivar trebul te dav sea mânri zor caște dichav man cadea sar o Iehova.
Dacă varecas siles iech autoritatea andi familia sau andi congregația sar daștil te lel-pe pala cadaia?
Pușiav man: „Holiarav man sigo? Sar dichel man o Iehova? Castar anav lesche amintea cana holiarav man?”
Si iech șucar buchi. Gândisardem man vi co zuralimos le Iehovasco.
Le israeliți ci trebunas te daran. Anda codoia că le asirieni ci sas-le mai bare sar o Iehova.
Cadea că, nici amen ci trebulas te daras chiar cana sam ande cadai lumea nasul le Satanoschi.
Pesche zuralimasa o Iehova ajutil amen hai cana nachav prin bare pharimata camav te gândiv man co raimos le Iehovasco,
te na darav că Vo va dela man zuralimos.
Pachiav. Hai camav te citiv ande fiesavo ghies le experiențea pa amaro site-o.
Cana dichav că le phrala hai le pheia ci mechen-pe cana sile persecutime,
pachiav vi mai but că o Iehova va avela vi manța cana cherav sea so daștiv cana nachav prin pharimata.
Lengo exemplo sicavel că o Iehova vi aghies folosil pesco zuralimos.
Vo chiar „ci holiarel-pe sigo hai silo baro ando zuralimos”.
Mișto, scriisardem manghe so camav te încărav andi goghi.
Na citisar sigo hai prinjiar mai but, folosisar o Indexo hai dich sar silo o Iehova cana sicavel pesco zuralimos.
Daisaras te sichioas vi mai but.
Sar exemplo, i profeția cai phendea-la o Naum că o Ninive va avela choslo, pherdea-pe.
Sar zuriarel cadaia amaro pachiamos?
Cames te rodas mai but? Mai arachlem…
Ande cadai emisiunea dichleam încă iech data că si amen o mai iubitorii dad, o Iehova.
Meritil te das sea amari zor caște cheras partea anda leschi familia.
Cana sicavas sea mai but iubirea sam sea mai chidine amare gule phralendar.
Cana zuriaras amaro pachiamos ando Iehova
daisaras te cheras buchia cai cheren te jial sea mai mișto i organizația le Iehovaschi.
Hai cana nachas bi te ajucăras amen prin bare pharimata
pachias anda sea o ilo că o Iehova si amaro dad hai amari Stânca.
Acana va avela te dichas o them Gabon, vo silo ando vesto la Africaco.
Mai phenel-pe lesche vi o Edeno andai Africa, cade arachas bare hai șucar veșa tha vi i Cascada Kongou.
Ando Parco Loango daisaras te dichas sar phiren le elefanți.
Cadal elefanți le veșesche ci prea arachen-pe, tha code ando Gabon arachen-pe le mai but.
Code arachas gorile, maimuțe colorime hai maimuțe mai țâne.
Vi le paia sile pherde viața, ande lende arachas mai but sar 20 specii balene hai delfini. 
Con camel te dichen-len de pașă cado si iech than zurales lașio.
Tha te na pașion prea but catar i vipera Gaboon.
La sila le mai bare danda anda sea le sapa veninoși.
Tha si mișto că si liniștime hai na prea dandarel le manușen.
I capitala Libreville sas cărdi ande 1849 catar le sclavi.
Cade si bare clădiri, parcuri hai șucar plaje.
Caște dichas le șucarimata la phuveache sar si i cascada Poubara, trebul te nachas prin o foro Franceville.
Ande 1957, dui phrala anda Congo avile ando Gabon caște roden penghe buchi.
Code von predichisarde ieche manușesche po anav Antoine Moubanga.
Vo boldea-pe anda sa codo bărș hai sas o iechto martoro anda Gabon.
Ande sa codo timpo, chichiva phrala anda Congo, cai cherenas buchi andel construcții muchisarde-pe ando Gabon.
Von hai o phral Moubanga astarde te predichin hai te încăren întruniri ande iech baraca închirime.
Cana sas le întruniri, le phrala încalavenas avri le scamina hai le manușa arăsle te phenen lenghe i religia le Scaminenghi.
Ande 1964 daisardeam pale te predichisaras. Ando them avile chichiva misionari.
Caște arăsăn ca sea mai but manușa von șiute cuvântări co radio ande fiesavo curco. 
Ande 1970 o guverno așadea amari predicarea, dea avri le misionaren anda o them hai phandadea le întruniri.
Ande codo timpo, o ilo le phralengo thabolas anda o Iehova,
cadea că, garades pi riat încărănas le întruniri hai le congresea.
Pala chichiva bărșa i situația sas mai lași.
Cadea că le phrala vazdine pale Săli le Regatosche, încărde congresea hai cărde iech aver emisiunea co radio.
Cadai emisiunea arăslea te avel prinjiandi hai sas scriime anda late ande iech ziaro anda 2004. 
Chichiva manușa arăsle te prinjianen i vocea le phraleschi cai delas duma co radio hai astarde te sichion andai Biblia.
Aghies, code si mai but sar 4 600 phrala cai predichin i vestea lași.
Le phralen silen mai but sar 8 000 studii biblico ande mai but șiba: andi franceza, fang, myene, punu, nzebi hai teke.
Na de but timpo, 28 phrala tărne cărde i iechto Școala andal Evanghelizatori andi Sala le Regatoschi anda Okala, Libreville.
Le 116 phrala zurale andai congregația Okala astarde mai but sar 140 studii hai vi ca i Comemorarea sas 287 manușa.
Amare gule phrala andai congregația Okala phenen amenghe că meren anda amende.
Dichlean o JW Broadcasting catar o Sedio Mondialo le Martorengo le Iehovasche.


-