JW subtitle extractor

歡迎大家收睇今個月嘅JW電視
我哋大家都想自己做嘅決定係明智嘅
可以好有信心噉面對將來
要噉做我哋就需要好嘅指引
呢個月會講吓
喺邊度搵到好嘅指引
同埋點樣服從指示
我哋會認識喬姆巴一家
佢哋因為服從指示
而得到耶和華賜福
我哋亦都會挖掘哈巴谷書入面嘅寶藏
睇吓即使情況或者工作難以應付
我哋都可以點樣保持內心安寧
另外喺今集嘅《我的一天》
我哋會認識一位年輕弟兄
佢搬咗去需要更加多傳道員嘅
多米尼加共和國服務
今個月嘅節目有好多精彩內容
你哋一定會鍾意㗎
你知唔知行邊條路呀？
呢個係我哋今日演講嘅主題
嚟自約書亞記3:4
經文嘅背景係以色列人
等咗大約40年之後
準備進入上帝承諾賜予嘅土地
不過跟住落嚟佢哋嘅路唔易行㗎
佢哋需要付出好多努力
表現信心同勇氣
先至可以生活喺應許之地
噉佢哋應該點做呢？
我哋一齊睇吓約書亞記3:2-4
睇吓耶和華喺呢個重要嘅時刻
點樣指引佢嘅子民
「過咗三日長官去勻晒成個營吩咐人民
『你哋一睇見利未部族嘅祭司
抬起耶和華你哋上帝嘅約櫃
就要出發跟喺後面
不過要同約櫃保持
大約2000肘尺嘅距離
唔好行得太近
噉雖然你哋從來冇去過嗰度
但係都會識得行邊條路』」
喺經文我哋睇到佢哋只要跟住約櫃
就知道應該行邊條路嘞
其實噉樣做一啲都唔難㗎
但係啲以色列人成日都唔跟住指引
佢哋好多時淨係睇帶頭嘅人嘅缺點
又好驕傲
有時唔係好想聽人講想自己話事
點解我哋要講呢個記載呢？
因為今日我哋生活喺
人類歷史上嘅一個重要時刻
好多證據表明
而家就係最後日子嘅最後階段
好快就係大患難
跟住就係哈米吉多頓大戰
所以聽從指引好重要
噉點先知道上帝嘅指引
識得行啱嘅路呢？
就係好似約書亞嗰陣噉
要睇出耶和華點樣帶領佢嘅子民
跟住落嚟有3個問題我哋會講吓㗎
第一我哋點知道應該行邊條路？
第二點樣可以繼續行？
第三點先唔會放棄？
首先講吓第一個問題吖
我哋點先知道行邊條路呢？
摩西同亞倫喺曠野帶領以色列人嗰陣
以色列人可以好清楚睇到耶和華嘅指引
例如喺日頭嘅時候佢哋會見到雲柱
夜晚就見到火柱
但係後嚟耶和華改變咗
帶領以色列人嘅方法
以色列人要有信心
先至可以睇得出
約書亞就係耶和華任用嘅人
約書亞吩咐啲人跟住約櫃行
就係想幫助佢哋知道
帶領佢哋嘅仍然係耶和華
噉今日上帝任用邊個呢？
耶穌就講咗答案嘞
一齊睇吓馬太福音24:45
「到底邊個係忠信睿智嘅奴隸
受主人委派管理佢嘅僕役
喺適當嘅時候供應食物俾佢哋呢？」
「忠信睿智嘅奴隸」
佢哋係邊個？
就係今日耶和華見證人嘅中央長老團
佢哋為全球嘅耶和華見證人
提供滋養信心嘅食物、指引
同實際嘅幫助
我哋都知道㗎
我哋都讀過呢節經文好多次
不過我哋有冇認真諗吓
點解我哋相信呢？
《美好生命》書嘅第54課
題目係「『忠信睿智嘅奴隸』有乜嘢職責？」
課文入面有啲問題問聖經學生
你相唔相信耶穌帶領緊中央長老團？
點解呢？
你相唔相信中央長老團
就係「忠信睿智嘅奴隸」呢？
呢啲問題都係好重要㗎？
你又會點樣答呢？
你可以試吓喺嚟緊嘅家庭崇拜
或者個人研讀嘅時候睇吓呢一課
包括「深入挖掘」嘅部分
點解噉做咁重要？
請諗吓
以色列人要跟住抬約櫃嘅祭司
行落一條氾濫緊嘅河入面
佢哋一定要有信心
相信係耶和華帶領緊佢哋
先至會夠膽行落去
同樣道理
如果我哋要跟從中央長老團嘅指引
渡過前頭艱難嘅日子
就一定要完全相信
係耶和華通過佢嘅仔耶穌基督帶領緊佢哋
第一個問題嘅答案係乜嘢呢？
我哋點知應該行邊條路？
就好似忠心嘅以色列人噉
跟住耶和華任用嚟帶領我哋嘅人
而家嚟到第二個問題
點先可以繼續行？
如果指引同我哋嘅諗法一樣
通常都好容易跟嘅
但係如果個指引同我哋嘅諗法好唔同
甚至覺得唔合理
噉點算呢？
喺呢一方面
使徒保羅係一個好好嘅榜樣
使徒行傳21章講到使徒保羅返到耶路撒冷
向雅各同其他長老匯報佢嘅傳道旅程
啲長老聽到佢嘅經歷都覺得好開心
但係就有一個問題
就係猶太裔嘅基督徒對保羅有啲意見
請睇吓使徒行傳21:21
當時啲長老話
「不過佢哋聽到謠言
話你教導所有住喺列國當中嘅猶太人
背棄摩西法典
叫佢哋唔好為自己嘅仔施行割禮
唔使遵守慣例」
使徒保羅根本冇噉做過
但係就有呢啲謠言出現
長老有咩指示呢？
睇吓經文23,24節吖
「噉啦你按照我哋講嘅去做
我哋呢度有四個曾經許下誓願嘅人
你帶佢哋去同佢哋一齊舉行儀式
令自己潔淨幫佢哋交錢
等佢哋可以剃頭
噉大家就會知道
之前關於你嘅謠言都係冇根據嘅
知道你一直循規蹈矩遵守法典」
噉保羅點做呢？
佢冇爭論或者反抗
經文26節話
「第二日保羅帶嗰幾個人去
一齊舉行潔淨嘅儀式」
即係話為咗平息一個冇根據嘅謠言
保羅自己出錢
要做一啲根本唔需要做嘅事
點解呢？
因為佢服從耶和華任用嚟帶頭嘅人
我哋學到乜嘢呢？
如果我哋收到啲指引
睇嚟係冇必要
或者同我哋嘅諗法完全唔同
我哋會唔會信賴耶和華跟住去做呢？
如果我哋收到一啲新嘅指引
而呢啲指引冇違背聖經原則
就跟住去做啦
好可能耶和華部署緊一啲嘢我哋唔知㗎
就算唔係佢都會因為你服從而獎賞你
有啲指引係生死攸關㗎
例如《將你嘅前途交托俾耶和華》呢齣劇
係真人真事改編嘅
講到非洲嘅弟兄姊妹點樣走難
今日世界各地有啲弟兄姊妹
仍然要面對類似嘅處境
我哋好關心佢哋嘅情況
呢齣劇令我哋反思一吓
如果有一日我哋收到一啲新嘅指引
要我哋做一啲好大嘅調整
你覺得好唔合理嘅
你會有咩反應呢？
不如喺家庭崇拜嘅時候睇返呢齣劇吖
然後諗吓換轉係你你會點做呢？
噉樣做係好重要㗎
請你諗吓
喺大患難期間會唔會收到啲新嘅指引
教我哋點樣做或者唔好做啲乜嘢事呢？
會唔會好難接受？
我哋會點樣收到指引嘅呢？
如果我哋完全信賴耶和華同耶穌
就會好樂意跟從帶頭弟兄嘅指引
頭先已經講咗我哋點知應該行邊條路
同點先可以繼續行
而家講吓第三個嘞
點先至唔放棄呢？
我哋要小心唔好因為灰心失望
迫害或者各種問題
而令自己鬆懈落嚟甚至停低
唔再跟從帶頭弟兄嘅指示
通常嚟講我哋收到中央長老團嘅指示
都會好快跟住去做
但係如果個指引嚟自會眾嘅長老
或者分區監督呢？
我哋好熟悉佢
亦都知道佢有咩缺點
噉會唔會令我哋唔係咁想跟？
我哋仲睇唔睇得出指引係嚟自耶和華嘅呢？
我哋一定要跟貼耶和華嘅組織
點解咁重要呢？
你有冇試過揸車嗰陣跟住一架車
但係突然之間架車唔見咗
原來佢已經去到好遠
跟住佢就喺高速公路嘅路口出咗去
你就跟甩咗嘞
點解會噉嘅？
因為離得太遠呀
同樣我哋都要跟貼上帝嘅組織
點先做到呢？
上帝嘅組織成日都提醒我哋要有好嘅習慣
包括經常參加聚會
每一日都要抽時間睇聖經
做個人研讀同埋禱告
仲要經常傳道
呢啲都可以幫我哋緊貼耶和華嘅組織
有時有啲人可能對組織嘅某啲決定
或者做事方式好唔滿意有好多意見
結果佢哋就放慢腳步
唔再傳道同埋聚會
甚至同會眾斷絕來往
好可惜佢哋唔明白
同古代以色列嘅日子一樣
今日耶和華任用嘅人都係唔完美
冇可能咩都咁理想㗎
講真呢個世界點會有完美嘅組織吖？
雖然帶頭嘅弟兄係唔完美
但係佢哋會盡力跟隨
完美嘅領袖耶穌基督
服從佢嘅指引
有一位弟兄
佢做分區監督好多年
佢曾經噉樣講
「我哋嘅組織喺唔完美嘅世界裡面係最好嘅」
講得好啱呀
呢個令我哋諗起約翰福音6章嘅記載
嗰陣時有啲人聽到耶穌話
要食佢嘅肉飲佢嘅血
就覺得好難接受
經文話「由於耶穌嘅說話
好多門徒就返去做自己原本做嘅嘢
唔再跟隨耶穌」
噉耶穌就問佢啲門徒
「你哋係咪都想走呀？」
佢哋點答呢？
喺約翰福音6:68
彼得好有信心噉樣答耶穌
佢話「主啊我哋仲可以跟隨邊個呀？
你講嘅說話能夠帶俾人永生喎！」
彼得話「仲可以跟邊個呀？」
同走咗嗰啲人一樣
彼得佢哋可能都唔係好明白
耶穌嘅說話係咩意思㗎
但係佢哋好有信心
相信跟隨耶穌係啱㗎
今日都一樣
千祈唔好唔記得你擁有嘅嘢
例如嚟自耶和華嘅指引、安慰
同埋滋養信心嘅食物
呢啲除咗喺上帝嘅組織
你仲可以喺邊度搵到吖？
唔好因為有啲嘢唔係好明
就放棄晒你已經擁有嘅福分
我哋今日學到啲咩呢？
好多證據都表明
我哋而家生活喺最後日子嘅最後階段
好快我哋就會去到新世界
就好似以色列人企喺約旦河邊
我哋跟唔跟住上帝嘅指引去做
真係生死攸關㗎
所以我哋要完全相信
耶和華係通過中央長老團
帶領緊佢嘅子民
唔好因為其他人嘅缺點而失望
結果放慢腳步
要經常提醒自己
我哋好有榮幸屬於呢一個
雖然唔完美
但係好團結嘅國際大家庭
噉就算前面嘅日子幾咁黑暗
幾咁艱難都好
只要我哋跟貼上帝嘅組織
服從帶頭弟兄嘅指引
就一定知道應該行邊條路
嚟自剛果嘅兩姊弟約哈麗同埋洛伊克
從自己嘅經歷學到
服從指示可以保全生命
一齊聽吓佢哋嘅故事吖
睇《把你的前途交託給耶和華》
呢套影劇嘅時候
令我諗返起我和屋企人經歷過嘅嘢
我哋一家原本住喺剛果民主共和國
喺1995年之前生活都可以嘅
但後來爆發戰爭
我們就要走難
嗰時我哋幾個仲好細
當時分部俾咗啲好清晰嘅指引我哋
一啲都唔難做嘅
好可惜有啲人就冇服從
結果他們同家人都死咗
嗰時爸爸唔夠錢
所以我哋唔可以成家人一齊
走難去安全嘅地方
我哋唯有分批走
呀媽帶住其中五個細路包括我
去到坦桑尼亞
我哋走之前爸爸吩咐我們
要去邊度等佢
仲有點樣同佢匯合
我們跟住爸爸講嘅嘢去做
結果我哋一家真係可以團聚喇
嗰齣影劇其中一幕講到
嗰對兄妹終於見返爸爸媽媽喇
佢哋攬埋一齊
我們一家重聚嗰陣就係咁喇
真係好開心
係呀
但係住喺難民營
嗰度嘅生活一啲都唔安全
例如有時啲士兵會衝入嚟
令到我哋好驚
仲有喺嗰度
要崇拜上帝亦都好唔容易
所以我哋又要走喇
離開坦桑尼亞去莫桑比克
到今日我仲好記得嗰時
我哋一家人坐咗架火車去莫桑比克
而嗰條路呢真係好爛啊
扽得好緊要好辛苦啊
後嚟架車終於停低喇
我就諗「唉！
終於可以休息啦」
嗰陣時已經係凌晨三點
點知呀爸話
「呀仔呀女落車吖！
我哋而家要一齊討論每日經文」
我哋好唔想㗎
嗰時我哋係小朋友嚟咋喎
梗係想訓覺啦
當時嘅情境令我印象好深刻
我永遠都唔會忘記
我睇出無論情況點樣
爸爸都一定喺會將耶和華擺係第一位
我爸爸做咩事都好
佢都一定會倚賴耶和華
佢好重視禱告
無論佢要做啲咩事
大事定係小事佢都會禱告
然後等耶和華回應
我哋住喺莫桑比克嗰陣呀媽病咗
所以我哋一家就搬去南非開普敦嗰度
等呀媽可以接受治療
好可惜最後都係醫唔好
喺2003年我呀媽就過咗身
之後爸爸一個人要照顧晒我哋咁多個
雖然媽咪死咗佢好傷心
但係佢仍然信賴耶和華
將崇拜佢擺係第一位
爸爸一直都好努力教我哋真理
佢成日都話
好想我哋可以喺新世界見返媽咪
爸爸有句說話成日都同我哋幾個講㗎
佢話「呢個世界已經冇得救㗎喇
要努力入新世界呀」
即係話我哋要盡力為耶和華服務
呢個世界嘅嘢冇咩值得追求㗎
咁做只會嘥晒啲時間
就係因為咁
爸爸成日都同我哋啲仔女講
「你哋要訂立目標
參與全時服務」
所以畢業之後我就決定做先驅喇
後嚟我亦都有機會加入LDC
做建築工程
而家我有機會喺南非分部服務
我好開心每一日我都可以獻出自己
全心全意為耶和華工作
而家我就喺伯特利幫手
參與一啲建築工程
見到自己啲仔女個個都崇拜上帝
我好開心
咁多年嚟就算情況好艱難
耶和華都一直用佢嘅手扶持我哋
走難嗰陣我哋唔知之後會點
亦都唔知可以去邊
仲要湊住咁多個小朋友
但係耶和華都一直喺我哋身邊
所以我會繼續信賴耶和華
永遠都唔會離開佢
睇完呢齣影劇之後我明白
耶和華唔單止睇到發生咩事
佢仲好明白我哋經歷緊啲乜嘢
服從真係可以救我哋一命㗎
就算唔明白點解要咁做
都要跟指引去做
因為耶和華知道乜嘢係對我哋最好嘅
你記唔記得
兩姊弟嘅爸爸講咗啲乜嘢呢？
佢話「我會繼續信賴耶和華
永遠都唔會離開佢」
喬姆巴弟兄全心信賴耶和華
結果佢哋一家都可以保全生命
佢哋亦都提到
《將你嘅前途交託俾耶和華》呢齣影劇
令佢哋諗返起自己嘅經歷
我哋鼓勵大家
再睇一次呢齣咁精彩嘅影劇
噉做會提醒我哋
即使情況幾艱難都好
都要繼續服從指引
不過我哋焦慮不安嘅時候
可能就好難繼續噉做喇
一齊睇吓哈巴谷喺呢種情況之下
點樣保持冷靜
對上帝有信心繼續服從佢吖
今日家庭崇拜睇哈巴谷書真係好喇
係呀唔使用搜尋工具
只係用聖經
已經可以搵到好多經文寶石喇
不如我哋一齊睇吓個內容大綱先
好吖呢度話先知向上帝求救
「耶和華啊……你要到幾時先聽呢？」
呢句說話成日都聽
但係其實點解先知會咁問呢？
不如睇吓個時間軸
搵吓有冇一啲嘢係我哋已經知㗎
好主意！
哦哈巴谷原來生活喺約西亞統治後期
一路到約雅敬王作王嗰陣
我記得約西亞王統治嗰陣
啲人都好尊重耶和華嘅先知
噉嗰陣時哈巴谷
應該都生活得幾開心幾平靜
但係一支箭就改變晒所有嘢
約西亞王俾人射死咗
之後統治嘅王都係好邪惡嘅
結果啲人拜返假神
仲做好多壞事
係呀佢哋從來都冇真心悔改
約雅敬王仲成日迫害耶和華嘅先知
甚至殺咗烏利雅
你諗吓
當時如果哈巴谷要面對咁嘅情況
佢會有咩感覺呢？
本來今日都好地地
第二日就俾人追殺
要周圍搵地方匿
真係好慘
睇嚟佢真係走投無路啊
唔怪得佢要求救啦
講得啱呀
噉耶和華點樣回應佢呢？
嗯…
一路睇落去
有冇發現耶和華怪責哈巴谷？
又或者問佢你憑咩質疑我呀？
完全冇啊
係囉噉我哋從呢件事學到啲咩呢？
耶和華好肯聽哈巴谷訴苦
佢冇忽視哈巴谷嘅感受
亦都好清楚點解佢會咁諗
唔單止噉啊
耶和華仲叫哈巴谷
將佢嘅真實感受記喺聖經裡面
哈巴谷一定覺得好安慰呀
耶和華真係好好啊
佢好珍視我哋發自內心嘅禱告
嗯佢真係好平易近人呀
耶和華就好似同我哋講
「我噉樣對哈巴谷
都一樣會噉樣對你㗎
我會好用心聽你發自內心嘅禱告
亦都好明白你」
我好鍾意哈巴谷書2:4 經文話
「正義嘅人會因為信實可靠而生活落去」
呢一點好重要呀
我以前喺呢節經文做咗個筆記
呢句說話係聖經嘅一個重要真理呀
耶和華同哈巴谷保證
佢一定唔會忘記嗰啲對佢顯出信心嘅人
一定會拯救佢哋
耶和華真係言出必行
耶路撒冷被毀滅嗰陣
佢拯救咗耶利米、巴錄、以伯米勒
同埋利甲人
不如睇埋啲參考經文吖
應該可以學到好多嘢㗎
你睇吓保羅喺佢嘅書信入面
引用咗呢句說話3次
嚟幫助1世紀嘅基督徒
等佢哋有力量應付考驗
耶和華喺聖經入面
記載咗呢句說話咁多次
佢就好似同我哋講
「你要記得我同哈巴谷講嘅嘢呀」
哈巴谷聽完耶和華噉講有咩反應呢？
3章18節話
哈巴谷因為耶和華而歡躍快樂
我記得有一個演講
解釋「歡躍」呢個詞語
意思係開心到一路跳一路轉圈
其實哈巴谷嘅處境根本就冇改變
但係佢信賴耶和華
同佢傾吐心事之後
佢嘅心情同埋睇法就完全唔同晒喇
係呀
哈巴谷見到耶和華平易近人
又值得信賴
所以佢得到安慰
耶和華真係好啊
噉喺哈巴谷書我哋學到乜嘢呢？
你最鍾意邊點呀？
我好鍾意耶和華平易近人
呢個令我更加放心、坦誠噉向佢禱告
我唔使驚講錯嘢
佢知道我真正嘅諗法
所以我唔需要就住就住
或者驚詞不達意
耶和華好想聽我心入面嘅感受
就算內心唔敢同其他人講嘅事
佢都會好重視
呢點好好啊
我都想效法耶和華平易近人嘅特質
唔單止留意自己講啲乜嘢
亦都要留意自己嘅態度
同面部表情帶俾人咩感覺
我好想令你同其他人都覺得
咩事都可以搵我傾
就算有啲人好直率咁表達自己
我都想理解佢哋嘅感受
明白佢哋說話背後嘅意思
啱呀耶和華值得信賴呢一點
對我嚟講都好重要
我相信耶和華承諾嘅事
喺未來一定實現
正義嘅人會永遠生活落去
呢個係聖經入面好重要嘅真理
所以無論遇到咩事
我都可以好似哈巴谷噉保持喜樂
哈巴谷喺第3章
諗返起耶和華以往做嘅事
我跟住咁做都令我好安心
所以終結幾時嚟唔係最重要
重要嘅係就算情況變差
我都繼續對上帝有信心
服從佢嘅指示
講得啱呀
耶和華平易近人又值得信賴
我哋真係好需要佢嘅幫助
善用《新世界譯本》入面有嘅資料
再將我哋知道嘅嘢串連埋一齊
真係學到好多嘢呀
究竟耶和華喺俾人質疑嘅時候
點樣表現耐心呢？
哈巴谷點解以為耶和華責備自己？
呢本書真係好多嘢學呀
好啊我哋仲有啲時間
不如一齊睇吓
我諗哈巴谷有咁嘅感覺…
「正義嘅人會因為信實可靠而生活落去」
哈巴谷就係噉喇
我哋都得㗎
信心同服從有咩關係呢？
一齊聽吓威廉·特納弟兄
喺早晨崇拜發表嘅演講吖
一講到要信賴邊個
我哋都好想確保自己
全心全意信賴耶和華上帝
不過如果我哋喺組織嘅出版物嗰度
搜尋一吓嘅話
就會發現我哋都要喺
其他方面表現信心
包括要信賴耶和華嘅名
聖經、佢嘅組織
仲有耶穌嘅領導
既然我哋主要信賴嘅對象
係耶和華上帝
咁點解我哋仲要喺其他方面
表現信心呢？
不如講吓全心信賴耶和華
係咩意思先吖
我哋一齊打開聖經睇吓
箴言3：5、6
大家都好熟呢兩節經文㗎嘞
第5、6節「你要全心信賴耶和華
唔可以依靠自己嘅聰明
無論做乜嘢你都要留意佢嘅睇法
佢會修直你嘅路」
《聖經經文選析》就詳細解釋咗
呢兩節經文嘅意思
我哋可以喺JW Library裏面
搵到呢個欄目
相信大家都好鍾意呢個部分㗎
我哋一齊睇吓吖
喺「首頁」撳入去「多媒體圖書館」
然後撳「出版物」之後撳「系列文章」
咁就搵到《聖經經文選析》㗎啦
喺「聖經經卷」碌落去箴言嗰部分
再撳落去箴言3：5、6
喺「你要全心信賴耶和華」
呢個細標題嗰度睇吓佢點講吖
段落中間嗰度話
「所以全心信賴上帝
唔單止係一種感覺
而係經過理性思考之後
作出嘅一種選擇
呢個選擇係基於我哋完全確信
上帝好清楚乜嘢係對我哋最好」
我哋全心信賴上帝唔係靠感覺嘅
而係思考過
因為我哋認識耶和華
所以就算我哋唔完全明白
或者唔了解所有細節
我哋仍然會選擇全心信賴佢
喺聖經有一個記載
可以幫我哋明白呢一點
請睇下列王紀下第9章
呢一章講到耶戶受任命
做以色列國嘅國王
喺呢一章嘅第1至3節我哋可以睇到
以利沙叫其中一個先知
去任命耶戶做國王
佢俾咗呢位先知好清晰、詳細嘅指引
等佢可以順利完成任務
先知就照住指引去做
任命咗耶戶做國王
請留意之後軍隊啲將領
同耶戶嘅對話吖
喺列王紀下9：11、12
「耶戶返番去佢主人臣僕嗰度
佢哋問『冇咩事吖嘛？
嗰個癲嘅人點解嚟搵你？』
佢回答『你哋都知佢係癲㗎啦
佢亂噏嘅啫』
佢哋話『呢個唔係實情！
請話俾我哋聽佢講咗啲乜嘢吖？』
耶戶就話俾佢哋知嗰個人講咗乜嘢
耶戶又話『佢仲話我知「耶和華話
『我任命你做國王統治以色列國』」
喺頭先嘅經文裏面
有兩點值得我哋留意
第一呢啲將領完全唔明白
呢個先知嘅舉動係乜嘢意思
覺得佢做嘅嘢好怪好似癲癲哋咁
不過雖然係咁
之後佢哋睇出先知同耶戶所講嘅嘢
其實係嚟自上帝嘅
呢啲將領從耶戶嘅神情睇得出
有大事發生咗
所以當耶戶話俾佢哋知
耶和華通過佢嘅先知
講咗啲乜嘢嗰陣
佢哋有咩反應呢？
第13節話「佢哋即刻將自己嘅衣服
鋪喺耶戶腳下嘅台階上面
吹響號角而且宣佈話
『耶戶成為國王啦！』」
雖然佢哋唔完全明白發生咩事
或者唔知道所有細節
但係佢哋諗下佢哋知道嘅嘢
當佢哋一知道先知講嘅嘢
係嚟自耶和華
就即刻採取行動支持耶戶
不過我哋掉轉頭諗下
如果啲將領有啲懷疑
又或者純粹憑自己嘅感覺去做決定
佢哋嘅行動會唔會影響到耶戶呢？
喺第11節耶戶同啲將領講
先知講嘅嘢都冇咩特別嘅
聖經冇解釋
點解耶戶冇一開始同佢哋講
自己已經受任命做君王
但係由於呢啲將領態度非常堅定
好支持耶戶
相信呢個信息係嚟自耶和華嘅
佢哋嘅反應對耶戶有正面嘅影響
喺第14節我哋睇到佢受到激勵
即刻有行動
執行上帝交俾佢嘅任務
我哋從呢個記載學到咩呢？
由於世界嘅情況不斷改變
過去幾年
無論喺伯特利定係地區
我哋都收到好多新嘅指示
其實耶和華好明白
佢知道我哋可能會覺得憂慮
特別係當有啲改變我哋唔完全明白
或者唔知道某啲細節就更加擔心
如果我哋好似啲將領咁
相信啲指示係嚟自耶和華嘅
亦都用行動去支持嘅話
你認為耶和華會有咩感覺呢？
請大家一齊諗下吖
如果我哋經過仔細嘅思考
而作出明智嘅決定
耶和華佢會有幾開心呢？
佢一定會好錫我哋
因為我哋咁做表明我哋好愛佢
仲有完全信賴佢
而我哋嘅榜樣
仲可以鼓勵到其他人添
咁樣做真係好有益處㗎
頭先講嘅所有嘢
都同信賴上帝有密切關係
咁我哋點樣信賴佢個名、聖經
同埋佢嘅組織呢？
無論喺咩情況之下都好
我哋嘅行動比起説話更重要
耶和華都係咁樣睇
佢好鍾意聽到我哋喺禱告入面
表達對佢嘅愛同埋信任
但係說話係要有行動支持嘅
咁樣我哋就真係信賴上帝嘞
我哋同佢嘅關係亦都會更加好
咁我哋要有咩行動呢？
就係要服從同埋信任上帝嘅指引
信任耶穌嘅領導
佢帶領會眾嘅方式
仲有要相信耶和華通過忠信睿智嘅奴隸
帶領緊佢嘅組織
而且要信任會衆嘅長老
同佢哋發出嘅指示
雖然長老都係唔完美嘅
但係我哋要記住
耶和華信任佢哋
如果我哋都信任佢哋
就可以為其他人樹立好榜樣
我哋知道將來會有好多
振奮人心嘅事發生
不過喺而家我哋生活喺
難以應付嘅非常時期
真係好需要繼續忍耐
所以我哋一定要記住
以賽亞書30章15節講嘅說話
我哋而家比以前更加需要
好似經文講嘅咁
「保持冷靜全心信賴我（即係耶和華）
就會有力量」
信心唔係盲目嘅
我哋選擇服從耶和華相信佢
係因為我哋知道佢幾時都為我哋著想
當我哋信賴耶和華同佢嘅組織
我哋就可以保持團結
而今個月嘅原創歌曲就強調
就算呢個世界越嚟越差都好
我哋保持團結就會有力量面對
弟兄請聽
我此刻心聲
身心都感到沮喪、壓抑、沉重
儘管天父
憑著愛賜救贖
內心始終感覺不配得享這份愛
請來聽我傾訴
為我懇切禱告
無論路近或遠與我一起去
沿路弟兄並肩愛永不減退
同行愉快路裡振奮心底裡
耶和華也伴我一起走同面對
一起同面對
弟兄請放心
你縱使多心酸
請你緊記不會孤身面對
耶和華也在
隨時讓你親近
他必會緊握你手時刻幫助你
來吧來一一傾訴
讓我為你禱告
無論路近或遠與你一起去
沿路弟兄並肩愛永不減退
同行愉快路裡振奮心底裡
耶和華也伴你 (Yeah)
(無論路近或遠)
(與你一起去)
[一起進退不怕累]
(愛永不減退)
[這真愛滿心裡]
無論路近或遠
與你一起去
(一起進退不怕累)
人人風雨共渡真愛不減退
(這真愛滿心坎裡)
同行愉快路裡振奮心底裡
(一起進退不怕累)
耶和華也伴你一起走同面對
陪你走 (Yeah)
一起同面對
陪你走 (Yeah)
當我哋遇到天災
真係特別需要弟兄姊妹嘅鼓勵同安慰
而我哋信賴耶和華嘅組織
亦都可以加強我哋嘅信心
年青人
你身邊會唔會有好多人都覺得
信咩教都冇所謂呢？
唔同人可能有唔同睇法
噉邊個先係啱？
而家一齊睇吓兩個年青人
係點樣搵到答案吖？
點解有時好難相信
得一個啱嘅宗教呢？
喺學校
個個都話應該要接受所有嘅宗教
同埋唔同嘅生活方式
有一次傳道有個男人好激動噉話
「我哋嘅教會起咗好多醫院
又搞好多慈善活動
你哋又做咗啲乜呀？」
我就諗佢哋真係幫咗好多人喎
點解我哋冇好似佢哋噉嘅
如果其他宗教都會做善事
噉唔通佢哋都係啱嘅宗教
我開始懷疑自己嘅信仰
我讀護士嗰陣
其中有一部分係需要學到
喺照顧唔同宗教嘅病人嗰陣
要留意啲乜嘢
有一日我哋討論到
唔同嘅性取向同埋跨性別
呢方面嘅話題
老師就喺班上面
逐個逐個噉樣問我哋
對呢啲事嘅睇法
我當時真係好緊張
好想搵個窿跳落去呀！
我真係唔知點答佢呢個問題
點樣加強信心？
相信學到嘅係真理呢？
馬太福音7:13,14
講到有兩條路
呢兩條路得一條係啱嘅啫
我知道我需要加強自己嘅信心
肯定自己揀嘅就係窄路
係啱嗰條
我個人研讀嗰陣
諗返起傳道遇到嗰個男人講嘅嘢
就將佢問嘅問題寫低
然後逐個問題去查吓有關嘅資料
後嚟我喺聖經睇到
馬太福音7:22,23
耶穌警告當時嘅人話
唔係所有奉佢嘅名施行奇跡嘅人
都係佢鍾意嘅
我諗返見證人做緊嘅嘢
我哋喺政治上保持中立
愛各種各樣嘅人
亦都會努力同人分享好消息
呢啲咪就係耶穌吩咐我哋做嘅嘢囉
當時我即刻禱告
耶和華真係有聽呀！
佢俾力量我
令我有勇氣去話俾佢哋知
我選擇按照上帝嘅標準生活
約翰福音18:38提到
彼拉多曾經質問耶穌話
「乜嘢係真理呀？」
因為佢覺得呢個世界
根本就冇絕對嘅啱同錯
其實好多人都好似佢噉諗
覺得呢個世界所有標準都可以接受嘅
箴言22:3話
精明嘅人見到危險就會避開
所以我喺上堂之前
會睇定嗰日學啲乜嘢
我知道如果我冇準備好
就冇辦法將自己相信嘅嘢解釋俾人聽
JW網站嘅文章真係好有用呀！
入面有好多啱用嘅資料
可以幫我簡單噉解釋自己嘅信仰
我知道我唔可以俾嗰次嘅經歷影響我
我要繼續出去傳道
幾個星期之後
我又有機會解釋自己嘅信仰嘞
雖然有時我哋打開咗聖經同人講
對方都未必一定會接受
不過喺呢個過程
我哋就可以加強自己嘅信心嘞
噉做對你有啲咩益處呢？
我好怕醜
好容易俾其他人講嘅嘢影響
懷疑自己嘅信仰
但係我哋一定要按照
耶和華鍾意嘅方式崇拜佢
哥林多前書1:10話
我哋嘅思想意念都要一致
真理係唔會同時有幾個版本嘅
我真係好多謝耶和華
送咗呢份咁寶貴嘅禮物俾我
我可以認識到佢
亦都搵到唯一嘅正確宗教
所以我都好想盡力
幫助其他人認識耶和華
噉樣其他人都可以得到呢一份
咁好嘅禮物
我睇出只有一個正確嘅宗教
所以我遇到難題嗰陣
好快就知道應該點樣做
我會去聖經嗰度搵答案
而唔係好似其他人噉要周圍摸索
聖經嘅原則可以幫我分析問題
同埋做啱嘅決定
噉就可以撞少好多板嘞
雖然我哋嘅組織冇起醫院
但係我哋嘅工作都可以拯救生命
幫到人同耶和華建立真正嘅友誼
你嘅老師或者同學
係咪都問過你類似嘅問題呢？
你都可以好似呢兩個年輕人噉
立下目標強化信心
我哋可以向你保證
只要你付出努力
耶和華一定會解答你嘅疑問
幫助你邁向成熟
如果你願意離開熟悉嘅環境
去需要更加多傳道員嘅地區服務
耶和華一定會獎賞你
一位弟兄就有噉嘅經歷喇
我哋一齊睇吓
我係羅伯特·麥吉
我而家喺多米尼加共和國服務
喺呢度傳道真係好開心㗎
多米尼加有好靚嘅海灘
同埋其他自然景色
不過最特別嘅都係呢度嘅人
由細到大我都好想做特派傳道員
去其他地方傳道
而家我都有機會喺外地服務喇
去其他地方服務係會有啲挑戰嘅
可能你會有啲掛住屋企
不過呢度嘅弟兄姊妹都當我係屋企人咁
佢哋真係好熱情㗎
我有啲乜嘢需要佢哋都會幫我
我啱啱嚟到嗰陣
佢哋就幫我搵屋
仲好多時會帶啲嘢食俾我
關心吓我
雖然有時係會掛住屋企嘅
但係佢哋真係好好
令我好享受喺度服務
就算有少少犧牲
我覺得嚟呢度都係值得嘅
等我話俾你知
我一日係點樣過吖
我每朝7點3起身
8點半出門口
呢度好多人都冇車
所以通常都係揸電單車
因為咁樣比較經濟啲
我嚟之前都仲未識揸㗎
亦都冇諗過傳道要用佢嚟代步
多得呢度嘅弟兄姊妹教我
我而家可以安全咁
揸住電單車周圍去喇
揸車去聚會所大概需要15分鐘
我喺多米尼加嘅美國手語會眾服務
傳道前聚會之後我哋就出發嘞
喺呢度傳道好容易㗎咋
呢度嘅人好友善好肯同人傾偈
傳道嗰陣
啲街坊好多時
會主動帶我哋去搵啲聾人
但係有時要行好耐先搵到佢哋
所以初初我都有啲擔心㗎
不過我啲拍檔都好冷靜
我就放鬆啲嘞
我發現啲街坊知道我哋想幫啲聾人
就好開心
所以會帶我哋去搵佢哋
呢度嘅人大部分都尊重聖經
所以都好好傾㗎
晏晝嘅時候天氣好熱
所以我哋都會返屋企休息
而呢樣嘢啊就係我最中意㗎喇
返到屋企之後我就食飯喇
我好中意食呢個飯㗎
佢係呢度嘅特色美食
入面有飯有豆仲有肉添
食完飯我會歎返杯咖啡
唞吓或者研讀一陣
晏少少我哋就會集合
去探聖經學生
直至到黃昏
我好鍾意喺多米尼加傳道
因為你想有幾多個聖經學生都得㗎
作一個決定你可能會考慮吓代價
即係要犧牲啲乜嘢
但係我哋都應該諗吓會得到乜嘢
喺呢度我可以做自己中意做嘅嘢
真係冇嘢開心得過
幫人認識耶和華
同埋見到自己嘅學生受浸
如果我冇嚟呢度
我就唔會識到呢度嘅弟兄姊妹
都唔會有咁好嘅經歷同埋回憶
耶和華俾咗好多兄弟、姊妹
爸爸、媽媽我
所以我一啲都唔孤單
我哋成日話
我哋係一個國際嘅大家庭
你體驗過之後
就真係知道咩意思嘞
詩篇34:8話
「試吓品嚐吓主恩
就知道耶和華係良善嘅」
如果你願意踏出一步
你就會好似食自助餐咁
品嚐到好多福分
有機會幫助人認識耶和華
真係一件好開心嘅事嚟㗎
就算你而家唔可以搬去其他地區
都可以搵方法擴大服務㗎
喺今個月嘅節目
我哋學到
繼續服從耶和華嘅組織俾我哋嘅指引
就可以保全性命
另外我哋要好似哈巴谷噉
向耶和華傾心吐意
噉就可以保持內心嘅安寧
一直崇拜佢
我哋都認識咗喬姆巴一家
佢哋喺好艱難嘅情況
都選擇繼續信賴耶和華服從指引
如果我哋要服從耶和華
通過忠信睿智奴隸發出嘅指引
噉我哋就一定要搞清楚
點解自己信嘅係啱嘅
最後我哋一齊去塞爾維亞睇吓
塞爾維亞係一個內陸國家
北部有肥沃嘅平原
東部有石灰岩地貌
西部就有好多小山丘
而南部就有高聳嘅山脈
塞爾維亞土地肥沃出產豐富
佢係全球最大嘅紅桑子出口國之一
嗰度廣闊嘅油菜花田
為牲畜提供大量食物
當地有一種好有代表性嘅菜式
就係將香料加入碎肉入面
整成巴爾幹肉腸
佢哋會將一啲用牛奶製成
口感順滑味道酸酸哋嘅醬
搽落啲烤餅度
然後夾埋啲腸一齊食
塞爾維亞人鍾意喺星期日下晝
同屋企人仲有朋友聚埋一齊
食餐飯傾吓偈
塞爾維亞以前屬於前南斯拉夫
好多人將聖經真理帶到嗰度
其中一個就係尼卡·特拉利阿
佢屬於奧匈帝國嘅軍隊
後嚟喺1918年
佢俾蘇聯嘅軍隊俘虜
送咗去幾千公里以外嘅西伯利亞
喺嗰度佢認識真理
獲釋之後佢返番家鄉
開始舉行基督徒嘅聚會
另一位係個年輕嘅理髮師
叫做弗朗茲·布蘭德
之前每月節目
介紹黑山嗰陣都提過佢㗎
當時好多人都知道佢鍾意同人講聖經
佢嘅一個顧客魯道夫·卡勒
後來成為咗佢嘅傳道拍檔
之後佢哋負責督導當地嘅分部
喺30年代
20個有豐富經驗嘅先驅
包括馬丁·普辛格弟兄被派到嗰度
佢哋唔識講塞爾維亞－克羅地亞語
所以就用見證卡傳道
馬丁·普辛格弟兄
會孭住一大袋出版物
行去鄉郊地區
同願意聽嘅人分享好消息
今日嗰度嘅弟兄姊妹都好努力
傳講好消息
喺伏伊伏丁那省收割季節嗰陣
嗰度嘅農夫非常之忙
所以弟兄姊妹會長途跋涉
踩單車去到農田嗰度傳道
塞爾維亞有好多講唔同語言嘅人
有講俄語嘅
講中文嘅
講烏爾都語嘅
講波斯語嘅
仲有羅姆語嘅
為咗向羅姆人傳道
弟兄姊妹會去到佢哋嘅社區
嗰度嘅屋通常都好細好密集
而唔少羅姆人嘅反應都好好
貝爾格萊德羅姆語會眾嘅弟兄姊妹
就主持緊46個聖經課程
亦都有好多對聖經有興趣嘅人
嚟參加聚會
呢個會眾嘅弟兄姊妹好愛大家
亦都想問候你哋
我哋都係呀！
呢度係耶和華見證人世界總部嘅JW電視

JW電視：2026年7月