JW subtitle extractor

非常歡迎逐家
收看JW電視
咱攏希望會當做明智的決定
會當有信心來面對未來
毋過咱需要指引
才做會到
這个月咱會討論
對佗位會當揣著指引
閣有按怎服從指引
咱會來熟似喬姆巴一家伙仔
怹聽從指引
就得著耶和華的賜福
咱的工課抑是情況可能真歹應付
這期的《搜揣寶石》
咱會討論哈巴谷書
學習按怎揣著內心的安寧
咱嘛會來熟似一个少年的兄弟
伊搬去需要閣較濟傳道員的
多明尼加共和國服務
這期的節目
閣有足濟精彩的內容
請逐家好好仔享受
你敢知影欲按怎行
今仔日這个演講
主要是根據約書亞記3:4
彼个時陣
以色列人已經流浪40冬矣
怹真緊
就欲進入上帝
應允欲賜互怹的土地矣
毋過
續落來的路
並無好行
以色列人需要有信心及勇氣
嘛愛付出努力
才會當得著耶和華賜的福份
按呢怹應該按怎做咧
咱來讀約書亞記3:2-4
看覓仔
佇這个重要的時刻
耶和華
按怎𤆬領伊的子民
「過三工
長官行遍全營
吩咐人民講
恁一看著
利未部族的祭司
扛耶和華恁的上帝的約櫃
就愛出發
綴佇後壁
只是
愛及約櫃
保持大約2000肘的距離
毋通行傷倚
按呢
就算恁毋捌去過遐
嘛會知影
欲按怎行」
以色列人綴佇上帝的約櫃後壁
就知影欲按怎行矣
照理講這是真簡單的代誌
毋過以色列人
對服從指示
有一寡障礙
怹總是咧注意
𤆬頭的人有啥物缺點
怹嘛真驕傲
定定攏是照家己的想法咧做代誌
這及咱有啥物關係咧
咱嘛生活佇
人類歷史上關鍵的時期
真濟證據攏顯示
這馬就是最後的日子的最後的時刻
閣無偌久
大患難及哈米吉多頓就會來矣
所以
行佇咧正確的路
真正足重要
按呢咱欲按怎做咧
及約書亞的時代仝款
咱愛看出耶和華今仔日
按怎𤆬領伊的子民
嘛愛服從伊的指示
續落來
咱會來討論三个問題
第一
欲按怎揣著應該行的路
第二
欲按怎留佇這條路
第三
欲按怎綴互牢
咱先來討論第一个
咱欲按怎揣著應該行的路咧
以色列人佇曠野流浪的時
𤆬領怹的是摩西及亞倫
毋過怹嘛會當清楚看出
實際上是耶和華咧給怹𤆬領
因為日時有雲柱
暗時有火柱
但後來
耶和華𤆬領怹的方式改變矣
這馬以色列人需要有信心才會當看出
耶和華
是通過約書亞
來𤆬領怹
所以約書亞
互上帝的約櫃
行佇人民頭前
來幫助以色列人看出
實際上猶是耶和華咧給怹𤆬領
今仔日
耶和華
閣是通過啥人來𤆬領咧
佇馬太福音24:45
耶穌有講
「到底啥人是忠信閣有智慧的奴隸
受主人委派管理厝內的奴僕
佇適當的時陣分配食物互怹咧」
忠信閣有智慧的奴隸
是啥人咧
今仔日
這个奴隸指的就是
耶和華見證人的中央長老團
怹會為全球的兄弟姊妹
提供滋養信心的食物
提供指示
嘛會提供實際的幫助
這咱攏知影
咱嘛討論過這節經文足濟改矣
毋過咱敢有認真想過
為啥物咱相信這點咧
《永遠享受美好的性命》第54課
題目是
忠信閣有智慧的奴隸有啥物職責
討論這課的時咱會問學生
你敢相信
耶穌這馬當咧𤆬領中央長老團
為啥物
你敢相信
中央長老團就是忠信閣有智慧的奴隸
這攏是足嚴肅的問題
你會按怎回答咧
無的確後擺你家庭崇拜抑是個人研讀的時
會當閣複習這課
嘛包括閣較濟精彩的內容內底的資料
為啥物按呢做真重要咧
請想看覓
約書亞怹欲過約旦河的時
河水漲甲足懸
以色列人需要相信
是耶和華咧𤆬領扛約櫃的人
按呢
怹才有勇氣
綴扛約櫃的人
行入去約旦河內底
仝款
未來的日子
會愈來愈艱難
咱嘛愛相信
耶和華當咧通過伊的愛子耶穌
𤆬領伊的組織
按呢
咱才會樂意服從
中央長老團的指示
敢會記得咱的第一个問題
咱欲按怎知影應該行佗一條路咧
及忠心的以色列人仝款
就是
愛跟綴耶和華任命的人
閣來看第二个問題
欲按怎留佇這條路
若是咱得著的指示及家己的想法差不多
可能就較好服從
毋過若是這个指示
及咱家己的想法真無仝
欲服從就較困難矣
這時按怎做才好咧
使徒保羅
佇這方面
是咱真好的模範
使徒行傳21章記載
保羅轉去耶路撒冷
向雅各及其他的兄弟
報告伊傳道的經歷
兄弟怹聽了
攏非常的歡喜
毋過有一个問題
怹給保羅講
有一寡猶太裔的基督徒
對伊有意見
佇使徒行傳21:21
怹對保羅講
「怹聽著謠言
講你教導所有蹛佇列國的猶太人
棄捒摩西法典
叫怹莫為囡仔施行割禮
毋免遵守慣例」
保羅
根本都無按呢做
這攏是謠言
毋過
兄弟怹叫保羅做啥咧
咱來讀使徒行傳21:24
經文講
「你𤆬怹去
及怹做伙舉行儀式
互家己清氣
替怹交錢
互怹剃頭
按呢
逐家就會知影
進前怹所聽著
關係你的謠言攏無根據
嘛知影你一直攏有照起工
咧遵守法典」
保羅有啥物反應咧
伊無及遮个兄弟理論
第26節講
「第二工
保羅就𤆬彼幾个人去
做伙舉行
互家己清氣的儀式」
為著欲證明
遮的話攏是謠言
保羅家己出錢
去做一寡
其實無必要做的代誌
為啥物
伊願意按呢做咧
因為伊忠貞的服從
耶和華委任的𤆬頭的人
咱學著啥物
咱收著新的指示的時
若是感覺按呢做無必要
抑是無啥合理
咱敢會信賴耶和華
願意服從
若是新的指示
及聖經原則無啥物衝突
咱就愛樂意服從
因為這个指示
真有可能是來自耶和華的
就算毋是
上帝嘛會因為你表現忠貞
賜福互你
有時服從指示
關係著咱的性命
比如講
佇咧
《給你的前途交託互耶和華》這塊影片
咱就看著
非洲的一寡兄弟姊妹
逃難的經歷
今仔日
佇世界上真濟所在
兄弟姊妹猶是有類似的經歷
咱真正攏足關心怹
這齣戲劇
互咱有機會會當來思考一个問題
就是
組織的指示若是互咱感覺
敢有遮嚴重
抑是敢有必要
咱敢閣會服從
你家庭崇拜的時
會當給這齣戲劇
閣給看一遍
而且好好仔思考這个問題
為什麼這真重要咧
想看覓
佇大患難的期間
咱敢會收著足明確的指示
給咱講應該按怎做
無應該按怎做
組織會用啥物款的方式
互咱指示咧
這个指示敢會互咱感覺足奇怪
咱若全心信賴
耶和華及耶穌
就會樂意服從𤆬頭的兄弟的指示
咱拄才已經討論著
欲按怎揣著應該行的路
閣有欲按怎留佇這條路
這陣咱來看第三个問題
欲按怎綴互牢
意思是
咱拄著難題及迫害
抑是感覺灰心失志的時
咱敢會繼續
服從𤆬頭的兄弟互咱的指示
另外
來自中央長老團的指示
通常咱攏會馬上照咧做
毋過
若是指示來自會眾的長老抑是分區監督
咱敢閣會按呢做
咱可能及怹足熟的
嘛知影怹有啥物缺點
按呢咱敢閣會樂意聽從怹的指示
敢閣會給遮的指示
看做是
來自耶和華的
給耶和華的組織綴互牢
是非常重要的
為啥物咧
你敢捌有按呢的經歷
就是你駛車
綴佇你朋友後壁
毋過突然間
伊的車就無看見矣
原來伊已經對拄才的出口落去矣
你無綴著
哪會按呢咧
因為你離伊傷遠矣
所以
咱嘛愛給耶和華的組織綴互牢
欲按怎綴咧
咱定定受著提醒
愛保持崇拜方面的習慣
這包括
愛定定參加聚會
愛有讀聖經的習慣
愛祈禱
愛做個人的研讀
愛定定傳道
遮的代誌
會當幫助咱
給耶和華的組織
綴互牢
毋過有的人
因為對組織的決定
抑是對組織
處理一寡代誌的方式
感覺不滿
怹的跤步
就按呢慢落來
無閣參加聚會
無閣及會眾的兄弟姊妹來往
怹按呢做
其實就及古代的以色列人仝款
怹袂記得
耶和華任用的人
攏無完美
所以做代誌的方式
嘛袂十全十美
怹根本無可能
揣著一个完美的兄弟
因為
只有耶穌基督是完美的
毋過遮的兄弟
雖然攏無完美
但是怹攏盡力
效法耶穌基督
完美的
好模樣
一个做分區監督
真濟年的兄弟
捌按呢講
伊講
這个組織
雖然無完美
卻是上好的組織
講了真好
這嘛互咱想著
約翰福音第6章的記載
當時耶穌講
人愛食伊的肉
啉伊的血
結果真濟人
攏跋倒矣
經文講
「真濟門徒就離開
轉去過原本的生活
無閣跟綴伊」
然後耶穌就問使徒講
「敢講恁嘛想欲離開」
使徒怹按怎回答咧
使徒彼得的回答
真有信心
咱來看約翰福音6:68
伊按怎講
伊講
「主啊
阮閣會當去綴啥人咧
你有永生的話語啊」
「阮閣會當去綴啥人咧」
彼得及其他的使徒
可能及其他的門徒仝款
毋知影耶穌的話是啥物意思
毋過怹確信
跟綴耶穌是上好的選擇
今仔日嘛仝款
毋通袂記得
你已經有的福份
耶和華通過伊的組織
來安慰咱
引𤆬咱
嘛互咱滋養信心的食物
咱閣會當佇佗位得著這一切咧
千萬毋通因為有一寡代誌你無理解
就袂記得
你這馬有的福份
咱來做一个結論
真濟證據攏顯示
這馬就是最後的日子的最後的時刻
咱就欲進入上帝承諾的新世界矣
及徛佇約旦河邊的以色列人仝款
咱必須愛服從耶和華的指示
才會當
保全性命
所以這陣咱需要確信
耶和華當咧通過中央長老團
𤆬領伊的組織
毋通因為別人的無完美
就按呢互家己的跤步慢落來
愛定定思考家己有啥物福份
這个組織
雖然無完美
毋過卻是一个
團結和睦的
國際大家庭
愛確信
毋管你以後
拄著啥物考驗抑是難題
只要你給耶和華的組織綴互牢
聽從指示
你就攏會知影
欲按怎行
來自剛果的姊弟仔
約哈麗及洛伊克
對家己的經歷看出
忠貞的服從組織的指引
會當保全性命
咱來聽怹的故事
《給你的前途交託互耶和華》這齣戲劇
互我心內有足深的感受
因為阮兜嘛有類似的經歷
1995年以前
阮的生活猶袂䆀
後來戰爭爆發矣
阮一家伙仔必須愛離開剛果
金沙薩
彼陣
阮幾个囡仔攏猶細漢
其實
分部互阮的指示
真簡單
嘛真清楚
毋過有的人猶是無照咧做
結果
怹及怹的親人攏失去性命矣
爸爸的錢
無夠互阮規家伙仔
做伙逃去安全的所在
所以阮需要分兩批離開
媽媽
𤆬我
及另外四个囡仔
逃去坦桑尼亞
離開進前
爸爸嘛給阮講
以後
以後
阮規家伙仔
欲佇佗位見面
阮照爸爸講的去做
最後阮全家
總算閣團圓矣
《給你的前途交託互耶和華》內底有一幕
是囡仔及爸爸媽媽閣一擺見面的畫面
阮一家伙仔閣再見面的情形
就是按呢
其實
佇難民營
嘛毋是蓋安全
嗯
因為士兵
有時會雄雄走入來
佇這種環境
欲崇拜耶和華
真正無簡單
後來
阮只好閣對坦桑尼亞
去莫桑比克
我這馬猶會記得
嗯
有一擺
阮坐佇卡車的車斗
彼路足䆀的
一路上
車khi-khi-kho̍k-kho̍k
幌來幌去
後來
車停矣
我叫是阮總算會當睏一下矣
彼陣
差不多是半暝仔3點
想袂到
爸爸對阮講
來
逐家攏落車
咱來討論今仔日的每日經文
你想
遮細漢的囡仔
一定足毋情願的
因為阮足愛睏的
這件代誌
我永遠攏袂放袂記得
因為我看出
無論拄著啥物狀況
爸爸攏給
崇拜耶和華
排佇上頭前
我看出
爸爸毋管大細項代誌
攏倚靠耶和華
祈禱對伊來講非常重要
無論啥物代誌
伊攏會祈禱
然後
等待耶和華回應
阮蹛佇莫桑比克的時
媽媽破病矣
所以阮需要搬去南非的開普敦
按呢媽媽
就會當佇遐接受治療
毋過
伊攏無好起來
佇2003年
媽媽伊
去世矣
所以
爸爸需要家己一个
照顧阮遮的囡仔
雖然媽媽去世
伊足艱苦
毋過爸爸
猶是信賴耶和華
給注意力囥佇耶和華身上
嘛努力教導阮真理
伊定定講
希望阮會當佇樂園
閣及媽媽見面
爸爸定定會給阮遮的囡仔講一句話
這个世界無啥物希望
愛給希望寄託佇新世界
爸爸的意思是
愛盡全力為耶和華服務
因為追求這个世界的代誌
真正無啥物意義
所以
爸爸
定定鼓勵阮講
愛全心崇拜耶和華
參與全時的服務
我畢業了後
就決定開始做先鋒
佇我做先鋒的時
嘛參與一寡LDC的
建築工程
我這馬佇伯特利服務
會當給
家己的每一工
攏獻互耶和華
全力為伊服務
真正是足大的榮幸
後來我受著邀請
去伯特利
參與建築工程
看著囡仔攏佇真理當中
我實在真歡喜
我定定體會著
耶和華咧給阮幫助
佇上困難的時
伊嘛伸手給我鬥相共
真濟時陣
阮攏毋知影以後
會發生啥物代誌
毋知影欲對佗位去
嘛毋知影欲按怎照顧囡仔
毋過
耶和華一直佇阮的身軀邊
我從來毋捌想過欲離開耶和華
我會永遠信賴伊
倚靠伊
這齣戲劇幫助我看出
耶和華清楚知影咱咧經歷啥物
伊嘛了解咱的感受
服從會當拯救咱的性命
就算有的指引咱無了解
嘛愛願意服從
因為耶和華知影
按怎做對咱上好
利昂·喬姆巴兄弟解說
為啥物怹一家伙仔會當保全性命
嘛保持堅定的信心
伊講
我從來毋捌想過欲離開耶和華
我會永遠信賴伊
倚靠伊
怹一家伙仔講
《給你的前途交託互耶和華》這齣戲劇
互怹想起家己的經歷
阮想欲鼓勵逐家
閣一改看這齣戲劇
而且深思
為啥物佇咧無簡單的情況下
嘛愛服從指示
咱感覺操煩
不安的時
欲服從指示
可能真無簡單
先知哈巴谷立下真好的模樣
互咱知影欲按怎保持冷靜
繼續服從耶和華
這改佇家庭崇拜討論哈巴谷書
一定足趣味的
嘿啊
而且就算無用搜揣的工具
咱猶是會當揣著寶石
咱會當先來看哈巴谷書的內容大綱
好啊
遮講
先知向上帝求叫
耶和華啊
你到啥物時陣才欲聽咧
真有名的一句話
伊為啥物會按呢問咧
咱來看附錄的時間表
看當時發生啥物代誌
好啊來看
看起來哈巴谷
是生活佇約西亞統治的尾期
及約雅敬作王的時期
我會記得約西亞做王的時
人攏真尊重先知
彼段時間
哈巴谷的生活一定過了誠歡喜誠安穩
毋過後來約西亞互人用箭射死
一切就改變矣
續落來的國王攏足邪惡
猶大國的人嘛閣開始做歹拜假神矣
著啊
怹無真正做出改變
彼當陣
約雅敬王猛烈的迫害耶和華的先知
伊甚至給先知烏利雅刣死
想看覓
若是哈巴谷嘛受著迫害
伊的生活會變按怎咧
可能今仔日的生活猶算是平靜
明仔載就去互人追殺
愛趕緊逃命矣
莫怪哈巴谷求上帝幫助的時
聽起來像咧質疑上帝
著啊
按呢耶和華對哈巴谷的話有啥物反應咧
你讀哈巴谷書的時陣
敢有看著耶和華給哈巴谷責備
抑是對伊講
你憑啥物質疑我
無看著呢
著啊我嘛無
這點嘛互咱閣較認捌耶和華
耶和華足認真聽哈巴谷講話
伊足重視哈巴谷的感受
伊了解哈巴谷為啥物會問遮的問題
伊閣互哈巴谷給家己的感受寫落來
來幫助其他的人
哈巴谷一定受著足大的安慰
耶和華就是按呢的上帝啊
伊足愛聽咱的心內話
著啊
耶和華真正足好親近的
伊就親像咧對咱講
我按呢對待哈巴谷
嘛會按呢對待你
我真重視你心內的想法
我嘛真理解你的處境
另外
我嘛注意著佇2:4耶和華講
「毋過正義的人會因為怹信實可靠活落去」
這真重要
著啊
我遮有寫一个筆記講
這句話是一个重要的聖經真理
耶和華保證
伊絕對袂給遐的對伊有信心的人放袂記得
怹一定會活落去
著
耶和華講會到做會到
耶路撒冷被毀滅的時
耶利米
巴錄
以伯米勒及利甲人攏活落來矣
這句話的參考經文嘛真有意思哦
你看遮
使徒保羅捌三改引用這段經文
來幫助第1世紀的基督徒面對考驗
耶和華互這句話佇聖經出現幾若改
這就親像咧對咱講
愛會記得我對哈巴谷講過的話
你看3:18
哈巴谷聽著上帝的話了後有啥物反應
伊講
伊欲因爲耶和華來歡喜
我會記得
有一个演講講著歡喜這个詞原文的意思是
歡喜甲跳起來
所以哈巴谷的想法完全改變矣
雖然伊的處境並無較好
但是伊向耶和華講出心內話
這幫助伊會當保持喜樂
繼續等待耶和華
哈巴谷因為耶和華好親近
閣值得信賴
伊就受著鼓勵
無閣艱苦矣
著啊
耶和華真正足好的
是啊
按呢
咱對這件代誌學著啥物咧
我學著
既然耶和華遮呢仔好親近
我祈禱的時啥物攏會當講
伊本底就知影我的感受
所以我無需要給代誌藏佇心內
毋敢給伊講
話講袂清楚嘛無要緊
耶和華希望我給心內話攏給伊講
伊會足認真聽
嘛會足珍惜我的祈禱
講了真好
我嘛想欲效法耶和華
做一个好鬥陣的人
我學著
及別人做伙的時
毋但愛留意家己講的話
嘛愛留意家己的態度及表情
希望我會當互你及逐家攏感覺
啥物代誌攏會當來揣我
就算有人講話像哈巴谷遐爾直接
我嘛想欲去了解怹為啥物會按呢講
盡力去理解怹的感受
我嘛欲按呢做
另外
知影耶和華值得信賴
嘛互我足大的鼓勵
耶和華保證正義的人會活落去
我相信這个承諾一定會實現
所以不管情況按怎
以後會發生啥物代誌
我攏會當像哈巴谷仝款保持喜樂
像第3章哈巴谷按呢沉思耶和華的作為
嘛幫助我確信
無論以後的情況偌困難
我攏會當信賴耶和華
服從伊的指示
無論終結啥物時陣來
咱攏愛繼續對耶和華忠貞
我同意
耶和華好親近閣值得信賴
咱會當完全倚靠伊
咱干焦用聖經內底的參考資料
閣及咱學過的做連結
就閣會當學著遮爾濟矣呢
咱閣會當想看覓
耶和華受著質疑的時
按怎表現耐心
閣有為啥物哈巴谷感覺家己會受上帝責備
咱會當學的猶閣有足濟呢
按呢咱閣有時間
就繼續來讀吧
我咧想哈巴谷伊
「正義的人會因為怹信實可靠活落去」
哈巴谷先知就是按呢
咱嘛會使
信心及服從有啥物關係咧
續落來
請聽威廉·特納兄弟
佇早起時崇拜發表的演講
講著信賴
咱攏希望
家己是全心信賴耶和華的人
毋過
咱若是去查考組織
及信賴有關的資料
就會發現咱嘛愛佇其他的方面表現信心
比如
咱愛信賴耶和華的聖名
信賴伊的話語
伊的組織
嘛愛信賴耶穌的引𤆬
咱攏知影
全心信賴耶和華
是上重要的
按呢
為啥物咱閣愛佇遮的方面
表現信心咧
欲了解這點
咱就愛先知影
全心信賴耶和華的意思
請拍開聖經到箴言的第3章
咱會看第5,6節
這是咱攏足熟的兩節經文
經文講
「你愛全心信賴耶和華
毋通倚靠家己的聰明
無論做啥物
你攏愛留意伊的看法
伊會修直你的路
為啥物咱會讀這節經文咧
佇JW Library®內底
國語有一个出版物叫做
《聖經經文選析》
相信大家攏足佮意內底的文章
你會當先點多媒體圖書館
然後點出版物
閣點系列的文章
然後閣點聖經經文選析
內底你就會當揣著
箴言3:5,6
毋通倚靠家己的聰明
這篇文章
這篇文章有一个段落
標題是
你愛全心信賴耶和華
段落的中央遮
有一句話按呢講
因此
全心信賴上帝
毋是一種感覺爾
是經過理性思考了後
所做的一種選擇
因為咱完全確信
上帝知影啥物對咱上好
所以
咱毋是憑感覺
來決定欲信賴上帝
咱應該是
照咱對耶和華的了解
經過思考了後
決定欲信賴伊
所以就算有一寡指示
咱毋知影為啥物欲按呢做
咱猶是會信賴上帝
咱用一个聖經記載來說明這點
請拍開聖經到列王紀下第9章
列王紀下第9章是咧講
耶戶受任命做國王的過程
佇咧第1-3節講著
以利沙對一群先知當中
派一个人
去執行這个任務
以利沙互伊足詳細的指示
給伊講應該愛按怎任命耶戶做國王
彼个先知照以利沙的指示
完成任務了後
耶戶及軍隊的將領之間
有一段對話
咱來看列王紀下9:11,12
「耶戶轉去伊主人的手下遐
怹問講
敢有發生啥物代誌
彼个痟的為啥物來揣你
伊回答講
恁嘛知影伊是一个痟的
伊干焦會曉黑白講
怹講
這毋是事實
請給阮講
伊講啥物
耶戶就給怹講
彼个人講啥物
耶戶閣講
伊閣給我講
耶和華講
我任命你做國王
統治以色列國」
咱先讀到遮
咱對經文會當看出
一開始
遮的軍隊的將領
怹並無了解先知的舉動
是啥物意思
怹感覺先知真奇怪
親像一个痟的
毋過雖然按呢
遮的將領猶是看出
先知的舉動
並毋是
伊家己的意思
怹對耶戶的表情及態度
嘛看出
拄才
一定有發生啥物重要的代誌
然後
怹聽著上帝通過先知講的話了後
閣有啥物反應咧
請看13節
「怹趕緊給家己的衫
鋪佇咧耶戶下面的坎仔頂
歕哨角宣告講
耶戶做王矣」
雖然遮的將領
並無完全清楚代誌所有的細節
毋過怹思考
家己知影的代誌
怹一下看出這个吩咐是對啥人來的
就馬上採取行動支持耶戶
這馬
請逐家想看覓
假使遮的將領
對發生的代誌感覺懷疑
抑是怹干焦憑感覺來做決定
會按怎咧
怹的反應敢會對耶戶有無好的影響
咱對11節
會當看出
耶戶一開始
並無想欲互人知影先知講啥物
聖經嘛無講
為啥物耶戶無想欲互人知影
伊已經受任命做國王矣
毋過
遮的將領的行動
互耶戶真大的鼓勵
怹一點仔都無懷疑
馬上就相信
先知的話是來自耶和華的
而且嘛隨採取行動
支持耶戶做王
第14節講
耶戶就受著激勵
馬上採取行動
去執行耶和華
交託互伊的任務
咱對這个記載
會當學著啥物咧
佇過去這幾冬
世界的情況一直咧改變
無論是佇伯特利抑是會眾
咱攏收著誠濟新的指示
耶和華知影
咱可能會因為按呢
感覺煩惱
抑是緊張
特別是咱對遮的代誌無完全了解
無清楚細節的時
就可能會閣較不安
毋過
咱若是像遐的將領按呢
信賴耶和華的組織
相信耶和華當咧通過伊的組織
來傳達伊的指示
按呢上帝
會有啥物感覺咧
咱選擇信賴耶和華的組織
而且照指示落去做
耶和華
一定會非常的歡喜
嘛會非常的愛咱
因為
咱按呢做毋但證明咱真愛伊
完全信賴伊
閣會當為四周圍的人
帶來真大的鼓勵
咱家己嘛會因為按呢
得著真濟的福份
閣轉來一開始的問題
為啥物咱信賴耶和華
嘛包括愛佇其他的方面
比如對伊的聖名
話語
組織
表現信心咧
因為真正的信賴
毋是喙講講的就好
閣愛用行動來證明
咱向耶和華祈禱
講家己真愛伊
真信賴伊
耶和華聽著
當然是非常的歡喜
毋過
咱嘛愛用行動
來證明咱祈禱講的是真的
按呢咱及耶和華的關係
才會穩固
這就牽涉著
咱愛信賴
及服從
耶和華的安排
愛信賴
會眾的頭
耶穌基督的𤆬領
愛信賴上帝組織地上的部分
以及忠信閣有智慧的奴隸
咱嘛愛信賴
佇會眾內底𤆬頭的長老
雖然遮的兄弟攏無完美
毋過
咱愛會記得
耶和華
真信任怹
若是咱及耶和華仝款信賴怹
就會當對身邊的人
有積極的影響
咱知影
咱有一个非常美好的未來
毋過咱看世界的情況就知影
咱猶是生活佇難以應付的時期
所以
咱
愛給以賽亞書30:15的經文記佇心內
而且照經文講的去做
經文講
「只要保持冷靜
全心信賴我
就會有力量」
願咱攏繼續全心信賴耶和華
信心毋是一種感覺爾
咱選擇信賴耶和華
因為咱知影
耶和華做的攏是對咱上好的
咱信賴耶和華
信賴伊的組織
就會當保持團結
這个世界的情況一直咧惡化
咱保持團結
就有力量去應付
這嘛是這個月原創歌曲的主題
拄著天災的時
咱會當對基督徒大家庭得著安慰
咱信賴耶和華的組織
嘛會當互身邊的人得著鼓勵
今仔日
真濟人攏認為
宗教只要做好就好
少年人
你的看法是啥物咧
咱來聽兩个少年人
按怎消除心中的疑問
為啥物相信只有一个正確的宗教
並無簡單咧
佇學校
足濟人攏會講
愛接受所有的宗教
所有的生活方式
這互我壓力足大的
有一改
我佇傳道的時拄著一个人
伊講話真無客氣
伊講
阮的教會起病院
閣做慈善
阿恁咧
恁有做啥
怹確實做真濟善事
所以我就咧想
為啥物咱沒做遮的代誌咧
既然其他的宗教做遮爾濟善事
按呢
敢真正只有咱才是正確的宗教
我開始有這个疑問
我是讀護理的
阮嘛會上道德倫理的課
探討宗教信仰
會按怎影響阮對待病人
有一改
阮上課的時討論著
同性戀
變性人
按呢的話題
老師就開始一个一个問逐家
對遮的人的看法
彼陣我坐佇遐
真正足希望會當挖一個空軁入去
我真正超級緊張的
你按怎加強信心確定家己學著的是真理咧
馬太福音7:13,14講
有兩條路
一條是正確的
一條是錯誤的
我知影家己需要加強信心
才會當確信
家己行佇彼條細條的路
也就是正確的路頂面
我佇我個人研讀的時
閣一改思考
彼个先生提出的問題
我給問題攏寫落來
然後做深入的研究
我讀著
馬太福音7:22,23的經文
耶穌講
毋是所有奉伊的名
施行過奇跡的人
攏是伊認可的
我就去想咱當咧做啥物代誌
咱佇政治上保持中立
對各種各樣的人表現愛心
佇全世界宣揚好消息
這攏是耶穌吩咐咱愛做的
我馬上向上帝祈禱
耶和華真正互我力量
伊互我有勇氣解說
我是照上帝的標準咧生活的
佇約翰福音18:38
彼拉多用剾洗的口氣問耶穌講
真理是啥物
伊按呢問
是因為伊感覺
真理根本就無存在
真濟人嘛攏感覺世界上無絕對的真理
每一个人攏會當照家己佮意的方式生活
箴言22:3講
「會變竅的人看著危險就閃避」
所以上課進前
我攏會先看彼工欲上啥物
因為我知影
若是我無先做好準備
就無法度為家己的信仰辯護
我嘛會上jw.org®網站
揣相關的文章
這會當幫助我用簡單的方式
解說我的信仰
我決心莫互彼改的經歷
影響著我的情緒
愛繼續出去傳道
過無幾禮拜
我閣有機會為家己的信仰辯護矣
就算咱盡力用聖經及人推理
對方嘛無一定接受
毋過
這會當互咱確信
家己學著的就是真理
確信這點對你有啥物益處咧
我的個性較閉思
所以有時陣別人講啥
我就會受著怹影響
毋過咱
應該愛照耶和華認可的方式崇拜伊
哥林多前書1:10講
咱愛佇思想保持一致
真理無可能有幾若个
只會當有一个
我真正毋知影欲按怎表達
我對耶和華的感謝
我真正足感謝耶和華
伊互我有機會會當認捌伊
嘛有機會會當認捌正確的宗教
所以我想欲盡全力向別人傳道
幫助怹嘛有機會來認捌耶和華
我確信
只有一个宗教是上帝認可的
這幫助我會當應付生活的挑戰
做明智的決定
因為我已經確定
上帝的話語聖經是真理
所以
無論我拄著啥物考驗
聖經攏會當為我提供指引
咱的組織確實無起病院
毋過傳道工課會當拯救人的性命
嘛會當幫助人
及耶和華建立真正的友誼
你的老師及同學
敢有問過你類似的問題
你嘛會當像這兩个少年人仝款
定目標加強家己的信心
阮給你保證
你若按呢做
耶和華一定會解答你的疑問
而且幫助你
愈來愈成熟
你若願意離開慣習的環境
加為耶和華服務
伊一定會賜福互你
一位兄弟對這點就真有體會
Hi
我叫羅伯特·麥吉
我這馬佇多米尼加共和國服務
多米尼加足需要傳道員
遮是傳道的樂園
遮的風景足媠的
毋過上媠的風景是遮的人
我細漢就想欲像特派傳道員按呢
去無仝的所在傳道
這馬我的願望實現矣
佇需要傳道員的地區傳道
加減會拄著一寡挑戰
比如會足想厝
毋過當地的兄弟姊妹
就像我厝裡的人仝款
怹足願意鬥相共
我定定就是彼个需要幫助的人
我今仔來的時
怹幫我揣著厝
怹嘛定定來看我
閣送食的互我
雖然有時我猶是會想厝
毋過遮的大家庭互我袂感覺孤單
會當佇遮傳道
我的努力攏是有價值的
來
綴我來看　我佇多米尼加的一工
我逐工透早7點15起床
8點半出門
遮真濟人攏無車
出門攏騎oo-tóo-bái
這種交通方式較省
較早我完全袂曉騎oo-tóo-bái
嘛無想過會騎oo-tóo-bái去傳道
毋過當地的朋友
教我按怎安全的騎oo-tóo-bái
這馬我去佗位攏靠這隻
騎oo-tóo-bái去聚會所大約愛15分
我佇美國手語會眾服務
傳道前聚會了後
阮就會出去傳道
佇遮傳道一點仔都無困難
遮的人攏誠親切
嘛願意開講
有的住戶知影阮咧揣聽袂著的人
就真願意鬥相共
有時為著欲揣聽袂著的人
阮愛行足遠的路
今仔開始
我會愈行愈緊張
毋過看著我的同伴攏誠冷靜
我就較袂遐緊張矣
後來我發現
原來是
遮的人看著阮真想欲幫助聽袂著的人
就足欣賞阮
嘛真願意鬥相共
佇遮
大部份的人攏尊重聖經
所以欲開始交談較簡單
下早仔的傳道結束
就是一工上熱的時陣
逐家攏會隨人轉去歇睏
這个安排實在是太好的
到厝就準備食中晝矣
這是我佇當地上愛食的其中一項料理
內底有飯
有豆仔
及一寡肉
食飽
我會啉一杯仔咖啡
歇睏一下
抑是做個人研讀
過晝
阮會閣集合
去主持聖經課程
一直到下暗
佇多米尼加
上讚的就是
聖經學生
你想欲偌濟就有偌濟
若是你坐落來計算代價
通常攏會先想著家己愛犧牲啥物
毋過你嘛應該想看家己會得著啥物
我會當做家己佮意的代誌
就是教別人聖經
而且看著我的一寡聖經學生受浸
無啥物比這閣較歡喜的矣
若是我留佇故鄉
就無法度體驗著這一切
嘛無遮爾好的經驗矣
耶和華互我足濟兄弟
姊妹
爸爸及媽媽
所以我一點仔都袂感覺孤單
咱定定咧講全世界的兄弟團體
毋過你若親身去體驗
感受會完全無仝
詩篇34:8講
「恁來試看覓仔主的恩典
就會知影耶和華是良善的」
你信賴耶和華
就會體驗著種種的福份
互你心滿意足
幫助人認捌耶和華
所帶來的喜樂
是無地比的
就算你這馬無法度搬去外地
你嘛會當揣看覓仔
敢有其他擴大服務的方法
佇這個月的節目
咱討論著
服從耶和華組織的指示
會當保全咱的性命
咱愛像哈巴谷先知仝款
向耶和華祈禱
這會當幫助咱閣較信賴伊
嘛會當幫助咱保持內心的安寧
喬姆巴一家伙仔
佇咧無簡單的情況下
嘛全心信賴耶和華
而且服從指示
今仔日
耶和華當咧通過「忠信閣有智慧的奴隸」
來給咱指引
欲服從怹的指示
咱就愛對真理有十足的信心
節目的最後
咱來去塞爾維亞看覓咧
塞爾維亞是一个內陸國家
北部的平洋土地誠肥
東部有石灰岩的地形
西部有真濟山崙
南部有真濟懸山
塞爾維亞的土地有豐富的出產
伊是世界上
覆盆莓的出口量上大的國家之一
遮嘛有種足大片的油菜
用來飼動物
當地的人
足愛食的一種料理
叫做ćevapi
切瓦皮
就是給肉剁互碎
然後加香料
做成肉條
閣和一種用牛奶做的足芳的醬
𩛩佇咧麭內底
你想欲食看覓無
塞爾維亞的人
足愛佇禮拜下晡
及親情朋友鬥陣
做伙食好食的物件
分享最近發生啥物代誌
聯絡感情
塞爾維亞以早屬於南斯拉夫
彼陣
真濟人就已經給聖經的真理帶來到這
其中一个是尼卡·特拉利阿
1918年
伊是奧匈帝國的軍人
後來
伊去互蘇聯的軍隊掠起來
然後被流放到
幾若千公里外的西伯利亞
伊就佇遐學習著真理
後來伊被釋放
轉去故鄉塞爾維亞
就開始佇當地舉行聚會
另外一个人是弗朗茲·布蘭德
你可能閣有印象
進前介紹蒙特內哥羅的時嘛有講著伊
人攏講伊是「相信聖經的剃頭師傅」
伊的人客魯道夫·卡勒
後來嘛成做伊傳道的同伴
怹兩个人
後來嘛負責督導當地的分部
1930年代
20个經驗豐富的先鋒
互人派來遮傳道
其中嘛包括馬丁·普辛格兄弟
怹袂曉講塞爾維亞–克羅地亞語
所以會用見證卡分享好消息
馬丁·普辛格兄弟
會揹一大包的出版物
用行的行去偏遠的庄頭
向願意聽的人傳道
今仔日
當地的傳道員骨力傳好消息
有真好的成果
佇伏伊伏丁那省
收成的季節
農民攏特別無閒
所以兄弟姊妹會騎跤踏車騎足遠
去怹的田裡向怹傳道
塞爾維亞有真濟講無仝語言的人
有講俄羅斯語的人
講中文的人
講烏爾都語的人
講波斯語的人
講羅姆語的人
羅姆人的社區
通常厝攏足細間
而且攏起甲足倚的
佇遮的社區
宣揚好消息的工課
有真好的成果
貝爾格萊德羅姆語會眾的兄弟姊妹
平均主持46个聖經課程
逐改聚會的時
聚會所攏坐甲滿滿滿
貝爾格萊德羅姆語會眾的兄弟姊妹
想欲向逐家傳達怹的愛心及問好
阮嘛想欲向逐家問好
遮是
耶和華見證人世界總部的JW電視

JW電視：2026年7月