JW subtitle extractor

Mișto avilean co JW Broadcasting!
Poiechdata jias co doctoro te cheras iech controlo co iacha, tha amaro amalimos le Iehovasa sar silo?
Dacă simțosaras că amaro amalimos le Iehovasa șudrilea, so daisaras te cheras caște lașiaras cadai buchi?
Chichiva încărde zuralo pengo amalimos le Iehovasa cana cărde buchi co Betelo cana sas nevoia. Sar cheren cadaia?
Mai dur, va avela te dichas sar traducisardea amari organizația i Biblia andel bărșa cai nachle.
Bucurin tumen catar cadai emisiunea!
Tumen dichen mișto?
Dacă phiraven lentile sau ochelari cadea sar me, însemnol că ci dichen prea mișto.
Man si man miopia hai ci dichav mișto de durial, cadaia însemnol că i imaginea cărdiol angla i retina, na pe late.
Anda codoia ci dichen-pe claro le buchia cai sile mai dur.
Mai si vi i hipermetropia, cade le imagini cheren-pe palal ca i retina, anda codoia ci dichas mișto le buchia de pașă.
Chichiva manușen silen ca iech iach miopia hai ca i coaver hipermetropia.
Le lentile ajutin amare iachen te dichen mișto le imagini.
Le iacha daștin vi te corion hai cado nasfalimos va avela sastiardo numai andi lumea nevi.
Cu sea cadala, le iacha daștin te aven vi mai nasfale sar so dichleam.
O Isus dea duma anda cadaia andi Predica pa o plain.
Te citisaras o Matei 6:22, 23: „I iach si sar iech lampa”.
Te gândisaras amen iech țâra. So camlea te phenel o Isus?
Vo cărdea iech comparația. I iach si sar iech lampa cai thabol ando tunearico cai ajutil amen te na peras.
Cana o Isus dea duma anda i iach, vo camlea te phenel sar trebul te dichas amen le buchia cai o Del manghel-len amendar.
Mai dur, o Isus dea duma anda dui buchia. Aven te dichas-len.
„Cana chi iach si sastevesti, sea chio corpo va avela pherdo lumina.
Tha cana chi iach sili coriardi bute buchiandar, sea chio corpo va avela ando tunearico”.
O Isus dea duma anda i iach sastevesti hai anda i iach coriardi.
I iechto cherel amari viața mai lași hai i coaver mai phari.
Cadea că, pe soste șioas amare iacha daștil te cherel amenghe mișto sau nasul.
I mai importanto buchi trebul te avel amaro amalimos le Iehovasa.
Aghies va dichasa că si zurales importanto te slujisaras le Devlesche.
Tha so camel o Del amendar?
Vo camel te prinjianas-les, te pașioas lestar, te așunas-les hai te iubisaras-les anda sea amaro ilo.
O Isus mechlea amenghe iech lașio exemplo.
Ando Ioan 6:38 phenel-pe că vo „avilea anda o cerii na te cherel peschi voința, tha Codoleschi cai bișaldea-les”.
I mai importanto buchi anda leste sas te slujil le Iehovasche hai dea sea pesco timpo hai zuralimos anda leste.
Ci camlea te avel dichlo averendar sar iech baro manuș hai nici na camlea te avel barvalo.
O Isus sicadea vi pesche discipolen te slujin le Devlesche.
Vo phendea lenghe că numai codola cai slujin le Devlesche va jiana ande lesco Regato.
Vi anda amende, i mai importanto buchi trebul te avel o Regato le Devlesco hai te predichisaras iagasa ando ilo.
Cana si amen iech iach sastevesti, va avela amen iech viața simplo.
Ci va avela te mechas amen țârdine le buchiandar andai lumea cai camel-len amaro ilo.
Cana cheras cadea, amari viața va avela pherdi lumina.
Tha codola cai lenghe iacha sile coriarde pala but buchia ci mai dichen so si ciaces importanto.
Von phiren numai pala le buchia cai camel-len lengo ilo.
Andel Proverbe 17:24 phenel-pe, că lenghe iacha „hasaren-pe ji co șăro la phuveaco”.
Von camen te avel-len but buchia, tha ci camen so si mai importanto.
Codola cai gândin-pe numai ca le love, lenghi viața va avela cali.
Caște hachiaras so camlea te phenel o Isus, te dichas iech imaginea.
Cado deseno sas-lo cărdo ande 1915 ieche bare manușestar.
Ande cado deseno daisaras te dichas diferime buchia.
Cade si o șăro hai le phiche iecha tărneache hai iecha phureache.
Dichen-len?
I tărni dichel ande iech rig, cade si i falca stângo, o can stângo, o nach, le gene, o taloni, hai o lanțo catar i cor.
Cade si le bala, i pălăria hai le phiche.
I phuri jiuvli dichel ande tumari stângo rig.
Cado si laco nach, i iach stângo, o mui, o taloni.
Hai cade si lache bala, i pălăria hai le phiche.
Ci daisaras te dichas le duie jiuvlean ande sa codo timpo.
Trebul te alosaras caste te dichas, numai cadea hachiaras i imaginea.
Sostar deam duma anda cadaia?
Sar diches i lumea de aghies hai i lumea nevi le Devleschi?
O Satan camel te cherel tut te diches leschi lumea șucar hai că daștil te avel tut oriso cames.
O ciacimos si că leschi lumea si sar i phuri jiuvli cai na pa but timpo, o Regato le Devlesco va chosela-la cu sea.
Daisaras te phenas că i lumea nevi si sar i tărni jiuvli cai si sastevesti hai pherdi zuralimos.
Atunci o Iehova va dela fiesaves sea so camel lesco ilo.
Trebul te avas goghiaver caște hachiaras savi si i diferența mașcar i lumea le Devleschi hai le Satanoschi.
Cheras cadaia, cana dichas prin i lentila uji, adică ando Cuvânto le Devlesco.
Na-i sar te cheras vi le dui de iech data.
Ci daisaras te das le Iehovasche sea amaro ilo hai sea ande codo timpo te mechas amen țârdine cadala lumeatar.
O Ioan dichlea i lumea prin le Iehovasche iacha. Te citisaras so phendea vo anda late ando 1 Ioan 2:15-17.
Cade del duma anda dui buchia cai ci trebul te iubisaras-len.
Te pușias amen: „Anda cadal dui buchia savi si i mai ușoro te na iubisaras-la?”
„Na iubin i lumea hai nici le buchia anda late! Dacă varecon iubil i lumea, i iubirea anda o Dad na-i ande leste,
anda codoia că sea so si andi lumea – le buchia cai camen-len o mas, le buchia cai camen-len le iacha
hai că varecon del-pe baro le buchianța cai siles – ci aven le Dadestar, tha aven anda i lumea.
Mai but, i lumea nachel hai vi lache buchia, tha con cherel i voința le Devleschi așel anda sea o timpo”.
Mașcar le dui „i lumea hai le buchia anda late”, so si mai ușoro te na iubisaras?
Na-i cadea că i lumea?
Ajucăras but ca i religia hohamni, i politica hai o comerțo te aven chosle cu sea. Abia ajucăras codo ghies!
Andi lumea le Satanoschi, si but buchia cai daștin te țârden amare iacha.
Chichiva buchia sile cadea de șucar, că meras pala lende.
O Satan camel te ciorel amare iacha hai cherel cadaia prin le but șucar buchia anda leschi lumea.
Cado si o mai baro athaimos. Gândin tumen so cărdea la Evasa cana sicadea lache numai iech fructo.
Cadea că te rodas sea o timpo ande amaro ilo, te dichas dacă silo țârdino la lumeatar.
Dacă iech manuș le Devlesco camel but iech buchi andai lumea le Satanoschi, va avela lesche pharo te cherel i voința le Devleschi, cai si i mai importanto buchi.
I mai importanto buchi anda amende si te das sea so si amen mai lașio le Iehovasche.
Cadea sar jias te cheras iech controlo ca le iacha, sa cadea trebul te dichas sar si amaro amalimos le Devlesa hai te lașiaras amende so mai trebul.
Catar jianas sar si amaro amalimos le Devlesa? Anda i Biblia.
Si diferime catar o tabelo cai folosin-les le doctori.
Si chichiva calități cai arachas-len co 2 Petru 1:5-7. Te pâtras cade.
„Anda codoia, den tumari zor te șion ca tumaro pachiamos i virtutea, ca i virtutea, o prinjianimos, co prinjianimos, i stăpânirea de sine,
ca i stăpânirea de sine, i perseverența, ca i perseverența, i devoțiunea sfânto, ca i devoțiunea sfânto, i iubirea phralicani, cai iubirea phralicani, i iubirea”.
Chichi de but folosisaras cadal calități ande amari viața? Te das duma anda fiesavi.
O pachiamos: cana si amen pachiamos daisaras te sicavas vi le coaver calități.
Cadea că, te zuriaras-les sea o timpo.
Cana amaro pachiamos silo zuralo va avela te pachias că sea so promitil amenghe o Iehova, va pherela-pe.
I virtutea: voi însemnol te cheras so si lașio andel iacha le Devlesche.
Cadai calitatea ci mechel amen te duchavas averen. Tha ajutil amen te cheras so si mișto anda aver.
O prinjianimos: ajutil amen te jianas so si mișto hai so si nasul cana nachas prin diferime situații.
Cana sichioas mai but anda o Iehova, hachiaras so camel o Del amendar hai cadea va jianasa te alosaras mișto ande amari viața.
I stăpânirea de sine: cadai duma grecisco însemnol „te încăras amen parpale”.
Cadai calitatea ajutil amen te avas cadea sar camel o Del: te încăras parpale amare gânduri, amare dumes hai amaro phiraimos.
I perseverența: cadaia însemnol te jias angle pherde tromai anda codoia că o Iehova del amen zuralimos.
Cadaia ajutil amen te na hasaras amari speranța anda codoia că o Iehova del amen zuralimos te nachas părdal le zumaimata hai le persecuții.
I devoțiunea sfânto: cadaia însemnol te das iech bari pachiv le Iehovasche hai te așias pașa lesco Regato.
Voi ajutil amen te dichas sar phiravel-pe o Iehova pesche manușența hai te traisaras amari viața cadea sar camel Vo.
I iubirea phralicani: cadai calitatea ajutil amen te las amen pala o Iehova.
Voi ajutil amen te dichas părdal le phralenghe greșeli, te sicavas lenghe iubirea hai te das amari zor te ajutisaras-len.
I iubirea: iubisaras sea le manușen, na numai amare phralen hai pheian.
Cheras cadaia cana ci cheras diferențea hai das duma anda o Regato savorența.
Ando 2 Petru 1:8, 9 dichas sar va avasa pala so sicavas cadal calități.
„Cadea că, dacă si ande tumende cadal calități hai va bariona sea mai but,
von ci va mechena tumen te așen pe thaneste bi te cheren chanci sau bi te den rodo.
Anda codoia că, cas ci siles cadal calități silo coro, phandavel pesche iacha”.
Si importanto te dichas sar si amaro amalimos le Iehovasa.
Dacă das sea amari zor te bariaras le ohto calități anda save dea duma o Petru,
va avela te das rodo andi buchi le Devleschi hai ci va avela te beșas pe thaneste bi te cheras chanci.
Tha dacă ci bariaras cadal calități va avela te duriaras amen le Iehovastar.
Daștil-pe că deam amari seama că trebul te cheras chichiva paruimata hai te încăras amare iacha pe so si ciaces importanto.
So daștil te ajutil amen? Te dichas ștar buchia.
I iechto: te sichioas andai Biblia hai te gândisaras amen late.
Dacă si amen iech iach nasfali, jias co doctorii, vo șiol amenghe picături hai șiol pe late iech pansamento ji cana va avela te sastiarel-pe.
Sa cadea, cana citisaras ande fiesavo ghies andai Biblia, voi sastiarel amen cadea sar le picături.
Hai cana gândisaras amen late hachiaras so trebul te cheras.
Cadaia ajutil amen te gândisaras amen ca i voința le Iehovaschi hai ca i speranța cai Vo dela amenghe.
O William Barclay phendea: „Anda iech creștino ciacio ci trebulas te avel pharo te citil andai Biblia.
Mai but, vo trebul te avel bucurime anda codoia că jianel că cadaia zuriarel-les”.
I duito buchi: te cheras so sichioas.
Cadea sar le exerciții ajutin i iach te dichel mai mișto, sa cadea caște avel amen iech viața mai lași trebul te cheras so sichioas.
Si importanto vi te phenas i vestea lași iagasa ando ilo hai te avas mișto pregătime ca le întruniri.
I trinto buchi: te mechas ca o spirito sfânto te cherel buchi ande amende.
Poiechdata o doctoro daștil te folosil iech lasero cana i retina ci așel mișto pi iach.
O spirito sfânto le Devlesco silo zuralo hai vo cherel buchi sar iech lasero.
Zuriaras amaro pachiamos, cana mechas ca o spirito sfânto te cherel buchi ande sea so cheras.
I ștar-to buchi: te mechas amen ajutime. Poiechdata o doctoro phenel amenghe că trebul amenghe operația.
Sa cadea, poiechdata trebun amen zurale sfaturi caște avas ortosarde hai le phure jianen sar te den-len amenghe cana folosin i Biblia cai șinel mai zurales sar o bisturio.
Cana așunas-len, pașioas sea mai but le Iehovastar.
Cadea că, so sichileam?
Cana încăras amare iacha ca le buchia importanto hachiaras savi si i voința le Devleschi hai pachias amen ande lesco Regato.
Tha dacă amare iacha sile coriarde, ci mai dichas mișto hai i lumea nevi, nai-li ciaci anda amende.
Amare iacha ci daștin te dichen ande sa codo timpo ca dui buchia.
Dacă iubisaras le buchia anda i lumea, ci daisaras te cheras vi i voința le Devleschi.
Țâra po țâra ci mai sili importanto anda amende hai bâstras so camel o Del.
Cadea că si zurales importanto te încăras amare iacha pe i voința le Devleschi,
te iubisaras-les hai te das-les sea so si amen mai lașio.
Va dichasa sar iech familia zuriardea pale pesco amalimos le Iehovasa hai sar sas-li mai fericime.
Cana sas amen cam 20 bărșa, leam love catar i banca hai chindeam amenghe iech apartamento ando mașcar la Vienaco.
– Sas iech apartamento șucar.
– Da, cadea si.
Si zurales șucar te avel tut chio chăr.
Sea so camlem sas te cherav but love.
Pachiaiem că numai cadea daisarav te cherav fericime mânra rromnia.
Arăsleam te na mai jias ca le întruniri sar mai anglal.
Ci mai cărdeam buchia ande iech than caște zuriaras amaro amalimos le Iehovasa, cadea că șudrileam iech averestar.
Le phure avile te zuriaren amen.
Iech anda lende phendea manghe că me som o șăro la familiaco,
anda codoia me trebul te ajutiv mânra rromnia te încărel pesco amalimos chidino le Iehovasa.
Cadea că…
– Na numai te des man love, na-i cadea?
– Cadea si.
– Da.
– Șiutea man po gânduri.
Camlem te avav iech șăro la familiaco lașio hai i Doris te avel fericime,
cadea că dem mânri sama că numai dacă șioas le Iehovas po iechto than ande amari viața va avela fericime.
Deam duma but hai astardeam pale te mangas amen le Iehovasche ande fiesavo ghies.
Pala iech timpo, deam amari sama că trebul te cheras vareso le apartamentosa.
Mangleam amen anda cadaia hai phendeam le Iehovasche: „Iehova, ajutisar amen te las pa amaro șăro cado pharimos”.
Hai daisardeam. Bichindeam-les, cadea că ci mai sas amen niciech camimos.
O congreso anda 2014 zuriardea amen but.
Te șioas o Regato po iechto than hai o Iehova va lela sama le coaver buchiandar.
Sas i iechto data cana cărdeam cadaia hai dichleam că o Iehova lel sama vi amendar, na numai averendar.
Pe thaneste, deam duma le Iehovasa anda cadaia. Sas i iechto data cana camlem te cherav mai but anda o Regato.
– Hai cărdeam.
– Cadea si.
O congreso sas ando milai hai pala o milai astardeam te cheras ande fiesavo șion o pionierato auxiliaro.
Andel construcții ci prea araches te cheres buchi dipaș ghies hai cana alosardem te cherav mai țâra buchi,
chiar șiutem co zumaimos le Iehovas.
Dem mânri sama, că va avela te cherav mai țâra love sar mai anglal.
Manglem man but le Iehovasche anda cadaia.
Manglem lesche te del man o tromai caște jiav ca mânro șefo hai te phenav lesche că camav te cherav buchi mai țâra
hai vi te pachiav man cu sea ande leste că va lela sama amendar.
Placialas amen but te cheras o pionierato auxiliaro, cadea că gândisardeam amen „So avelas te cheras o pionierato regularo o bărș cai avel?”. Hai cărdeam amenghe iech plano.
Phendeam amenghe: „Te astaras o pionierato!”.
– Hai samas cadea de fericime.
– Jilas amenghe sea mai mișto.
– Ciaces, cadea si.
– Da.
Pala iech timpo alosardeam te îngăras iech viața vi mai simplo. Cadea că muchisaileam ande iech apartamento mai țâno.
Si amen sea so trebul amen hai simțosaras amen mișto cade.
Camav te sicavav tumenghe iech Turno cai ajutisardea amen zurales but.
Ando articolo „Te colaborisaras le Iehovaia ande fiesavo ghies”, phenelas-pe, hai camav te citiv de catar:
„Placialas tut te primis mai but sicaimos caște cheres mai but anda o Iehova? Dacă daștis, cher i cererea anda i Școala andal Evanghelizatori”.
– Simțosardeam că o Iehova delas amenghe duma.
– Ci mai sas so te așiavel amen. Hai pala codoia…
– Samas acharde ca i Școala.
– Da, samas acharde.
– Sas șucar.
– Da.
Ci sas ușoro te lav manghe libero dui șiona anda i Școala.
O ciacimos si că ci lem manghe libero, mechlem man la buchiatar hai ci fal man nasul.
Dacă avelas te alosarav încă iech data, sa cadea avelas te cherav. Cadai Școala...
Sicadea amenghe so but iubil amen o Iehova.
Simțosardeam că pachial-pe ande amende. Si vareso zurales șucar!
Samas bișalde ande iech congregația șucar. Si man i mai șucar viața.
Placial man te cherav pionierato mânra rromniasa, i Doris.
O Iehova sea o timpo sicadea amenghe iubirea hai lea sama te avel amen sea so trebul amen.
Si ciaces, ci si amen cadea de but buchia sar mai anglal, tha acana sam mai liniștime. Ci fal amen nasul chancestar.
– Ba, avelas vareso.
– So?
Că ci cărdeam cadaia mai sigo.
Cadea si.
Cadal phrala alosarde te așunen catar o Iehova hai parude penghi viața.
Chiar dacă nai-len cadea de but buchia, von sile ciaces fericime.
So daștis te cheres dacă si tuche pharo te trais mai țâra buchianța? Na dara. O lil Zaharia daștil te ajutil tut.
Bâstărdem so but șucar buchia si ando lil Zaharia.
Vi me. Sea o curco ajucărdem te das duma anda cado lil. San gata?
Sar te na. Gândisardem man so phari sas i viața le evreienghi, sas-len but dușmani hai but manușa cai așenas lenghe contra.
Sas-le perade hai vi mai but trebunas te lașiaren o templo hai o Ierusalimo, tha trebunas te len sama vi penga familiatar.
Pachiav că sas lenghe pharo, cadea sar si vi aghies.
Da cadea si. Hai falas-pe că sile covle anda codoia că ci sas-len armata.
Von sas numai iech grupo țâno cai trebunas te cheren sea cadal bare buchia.
Anda codoia bișaldea o Iehova le Hagaios hai le Zaharias te zuriarel-len.
Cadea si. O mesajo claro cai phendea lenghe o Hagai ajutisardea-len te astaren i buchi.
Hai o Zaharia zuriardea-len te na mechen-pe hai te pachian-pe mai dur ando Iehova.
Si cadea de but buchia cai sichioas-len anda cado lil. Hai te rodas țâra po țâra.
O video anda soste del-pe duma ando lil ajutil amen te hachiaras le profeții mesianico.
Da, hai dichlem vi ca so arachel-pe ande cado lil andi Traducerea la lumeachi nevi.
Dichlem i panji-to viziunea anda o lampadaro hai le dui măslini.
Șucar. Hai so arachlean?
Cana rodem mai but arachlem iech articolo anda o Turno de veghe, anda martia 2022: „Diches vi tu so dichlea o Zaharia?”.
Ajutisardea man but so arachlem cade.
Oh, sar arachlean-les?
Folosisardem o Indexo anda le versetea hai dichlem fiesavi referința.
Mișto.
O articolo phenelas că o uleio si o spirito sfânto le Iehovasco, iech baro zuralimos cai ci terminil-pe niciechdata.
Îhî. Gândisar tut so but ajutisardea cadaia le evreien.
Sas-le chine hai perade, tha acana jianenas ciaces că o Iehova ci avelas te lel pesco vast pa lende.
O Iehova zuriardea-len vi mai but, cadea sar dichas anda le versetea 6 hai 7:
„«Cadala ci va cărdiona-pe nici prin armata, nici prin o zuralimos le manușesco, tha numai prin mânro spirito», phenel o Iehova le armatengo.
Con san tu, baro plain? Angla o Zorobabel va avela te cărdios iech than orta.”
Cadal versetea sicaven că codola cai așenas lenghe contra sas sar iech baro plain.
Tha o Zaharia phenel că cado plain va avela cărdo iech than orta.
Cadea că nici le persani hai nici aver dușmani ci avenas te așaven-len, anda codoia că o Iehova sas-lo lența.
Daștil-pe că dichle ande penghi goghi sar codo baro plain cărdiol iech than orta.
Hachiarde că prin o spirito le Iehovasco avenas te cheren penghi buchi, na prin lengo zuralimos hai goghiaverimos.
Ciacimos si tut. Cado mesajo zuriardea-len.
Chiar cana sas-len but pharimata, le evrei pachiaie-pe ando Iehova hai cărde penghi buchi.
Cam pala 4 bărșa terminisarde o templo.
Simțosarde o spirito le Iehovasco.
Chonic ci așilea lenghe contra hai le națiunenghe sas phendo te den le evreien sea so trebul-len caște vazden o templo.
Cadai buchi sas cărdi numai prin o spirito le Iehovasco.
Hai o plain ci mai sas.
So sichioas anda o Iehova?
Anda cadai viziunea sichioav că so amen ci daisaras te cheras, o Iehova daștil te cherel pesche spiritosa.
O Iehova jianel că poiechdata sam sar le evrei, chine, perade hai darade.
Cadea că vo camel te dichas chichi de bari si leschi zor hai cadai profeția ajutil amen.
Camav te citiv o lil Zaharia cadea sar cana dichav mânre iachența sea so întâmplol-pe code.
Cadea si. Sar o articolo cai arachlean-les „Diches vi tu so dichlea o Zaharia?”.
Cadea că sar daisaras te cheras so sichileam?
Si ciaces, poiechdata som zurales chini. Si amen but te cheras ande fiesavo ghies.
Pașa le buchia spiritualo trebul te las sama amara familiatar, te jias ca i buchi, te las sama catar amaro sastimos hai te așias zurale andel pharimata.
Poiechdata avel manghe te conectiv man de chăral ca le întruniri.
Vi manghe.
Tha cadai viziunea ajutil man te na mechav man. Hai anel manghe amintea că o Iehova va zuriarela mânro ilo te jiav mai dur.
Cadea si.
Cana simțosarav că ci mai daștiv mangav man le Iehovasche te del man pesco spirito sfânto caște cherav so si mișto.
Poiechdata trebul te jiav ca le întruniri sau andi predicarea chiar cana si manghe pharo.
Tha o Iehova va ajutila man te cherav cadaia.
Hai cadea sar o Iehova camav vi me te zuriarav averen, mai but cana sile perade sau darade.
Camav te sicavav lenghe că o Iehova lel sama lendar hai silo gata te del-len o zuralimos cai trebun-len.
Mișto gândisardean tut.
So sichileam aghies ajutil amen vi ando viitorii cana va avela te nachas prin persecuții.
Placial man sar phendean: că ci reușisaras anda codoia că si amen iech lași situația sau că jianas amen so te cheras,
tha anda codoia că o Iehova del amen pesco spirito.
Acana jianas so te cheras.
Te rodas țâra po țâra, te folosisaras o Indexo andal versetea hai te citisaras cadea sar cana dichas le buchia amare iachența.
Daisaras acana te rodas mai but anda le „dui toiagurea”?
Sar te na. Hai camav vi te rodav mai but anda le profeții mesianico.
Sar exemplo, sar ajutil amen le buchia cai cărdea-len o profeto Zaharia te jianas con sas o Mesia?
Hai mai si vi aver viziuni.
Si amen so te sichioas sar familia. Hai numai so astardeam te rodas mai but anda o lil Zaharia.
So șucar! Caște jian mișto le buchia ci trebul te avas zurales goghiaver sau te avas lașe ande oriso.
Dacă așunas le Iehovastar, Vo va șiorela pesco spirito pe amende.
But alosaren te jian co Betelo te ajutin cana si nevoia hai cadaia ajutisarea-len te șion le Iehovas po iechto than.
Mai dur, aven te dichas iech materialo video.
Te train! Me som i Hye-in hai jiav co Betelo andai Coreea te ajutiv cana si nevoia.
Jiav co Betelo te cherav buchi cana si nevoia, cadea că na-i man iech programo, hai jiav numai cana som achardi.
Ji co Betelo cherav cam 45 minutea sau iech ceaso.
Tha, anda mande na-i pharo anda codoia că placial man te tradav i mașina.
Ande fiesavi tehara co Betelo cherel-pe i închinarea de teharin.
Iech șucar buchi cai așilea ande mânri goghi,
sas anda o Iacov 1:2-4.
Samas sicade te dichas le pharimata sar iech ocazia anda savi daisaras te sichioas vareso.
Cana nachas prin zumaimata si mai pharo te pușias amen so sichioas anda codol situații.
Tha andi închinarea de teharin phenelas-pe că dacă sichioas corcore le Iehovasa, dacă citisaras andai Biblia,
dacă gândisaras amen ca so sichileam hai dacă mangas amen, daisaras te nachas părdal oriso pharimos avelas hai te așias bucurime.
Sea o timpo si man so te sichioav anda i închinarea de teharin.
Cherav buchi co transporto.
Cado departamento lel sama ca sea le phrala anda aver thema cai den sea pengo timpo le Iehovasche, te aven îngărde co Betelo.
Dav mânri zor te gândiv man că sea so cherel-pe co Betelo si anda i predicarea.
Cana îngărav co Betelo le phralen cai den sea pengo timpo le Iehovasche, de fiesavi data dichav so bucurime sile.
Na-i man dumes te phenav so si ande mânro ilo că daștiv te cherav cadaia anda lende.
Ji cana arăsas co Betelo cheras iech ceaso hai dipaș sau dui.
Tha ande codo timpo das duma anda but buchia.
Chiar dacă prinjiandeam amen numai acana, si sar cana sam amala de but timpo.
Das duma anda sar sas-lo o Iehova pașa amende hai sar ajutisardea amen te nachas părdal le pharimata.
Cadai buchi zuriarel man but.
Mai anglal, ci camlem cadea de but te cherav buchi co Betelo, cadea că ci cărdem i cererea.
Tha ande iech ghies, iech amal phendea manghe: „Na amen trebul te alosaras cai te slujisaras le Iehovasche”.
Gândisardem man ca so phendea hai dem mânri sama că sas-les ciacimos.
Pala codoia phendem manghe: „Trebul te mechav le buchia ande le Iehovasche vasta”.
Cadea că cărdem i cererea. Som bucurime că cherav buchi co Betelo chiar vi aghies.
Sas manghe dar te paruvav o programo catar i buchi. Pachiaiem că ci va arăsena man le love.
Tha cana astardem te cherav buchi co Betelo, ci mai gândisardem man cadalate.
Sea le buchia lașiarde-pe hai daisardem te paruvav mânro programo.
Ando timpo so gălem ca i buchi hai vi co Betelo, trebulas te lav sama vi mânra familiatar.
Caște așiav zurali ando pachiamos, alosardem iech ghies ande savo te sichioav corcori le Iehovasa.
Numai cadaia încărel man pașă lestar. Cana simțov că som chini, cadai buchi del man zuralimos.
Cadea daștiv te cherav buchi mai dur co Betelo, hai te phenav i vestea lași iagasa ando ilo.
Anda mande, sea cadal buchia cai cherav-len anda o Iehova si sar cana țârdav ande mande aero ujo.
Cadea că, oriso avelas ci mechav-len de iech rig.
„Iech ghies ando chăr le Iehovasco si mai lașio sar iech mia ande aver than!”.
Butivar angla so te jiav co Betelo avel ande mânri goghi cado verseto.
Oricai va avela te slujiv le Iehovasche, camav te slujiv lesche iagasa ando ilo hai bucuriasa.
Cana ajutis co Betelo trebul tuche but zuralimos.
So ajutil amara pheia te cherel sea le buchia bi te chinearel-pe?
Voi cherel pesche timpo te sichiol corcori anda o Iehova.
Cana sichioas andai Biblia arăsas te dichas le buchia sar o Iehova hai te na daras anda so va avela.
Andi închinarea de teharin, te dichas sar cărdea o Daniel cadaia.
O titlo cadala temaco si: „Te zuriaras amaro pachiamos andi iubirea loialo le Iehovaschi”.
Sostar trebul te cheras cadaia?
Daștil-pe că o modo sar samas bariarde, le greșeli cai cărdeam-len hai sea le buchia prin save nachleam cheren amen te pușas amen dacă o Iehova mai iubil amen.
Daștil-pe că aghies nachas prin buchia cai daraven amen, sar avenas te las sama amara familitar, te jias mai but ca i buchi,
le nasfalimata sau aver buchia cai cheren amen te jianas că si amen nevoia le Iehovastar.
Jianas că ando viitorii amaro pachiamos va avela zumado hai că va avela te pușas amen dacă va avela te așias zurale ando pachiamos.
Cadea că, prin oriso nachleam mai anglal, acana sau ando viitorii trebul te zuriaras amaro pachiamos andi iubirea loialo le Iehovaschi.
Iech buchi cai ajutil amen te cheras cadaia si ando Daniel 9:4. Cado verseto si vi ando texto de aghies.
Aven te citisaras Daniel 9:4.
„Manglem man le Iehovasche, mânro Del, pâtărdem mânro ilo hai phendem lesche: «O, Iehova, o ciacio Del,
Codo baro hai castar trebul te daras, cai încăres chio legământo hai sicaves iubirea loialo caring codola cai iubin tut hai încăren che porunci».”
Cadal dumes phendea-len o Daniel ande pesco manglimos.
Vo dea duma andai iubirea loialo le Iehovaschi, anda sar încărdea pesco legământo hai le promisiuni.
Vo cherel cadaia anda codola cai încăren lesche porunci.
Cana prinjianas mai mișto cado manglimos hai hachiaras cana sas-lo phendo, pachias vi mai but că o Iehova va sicavela vi amenghe iubirea loialo.
Sostar phendea o Daniel cado manglimos? Te dichas ando verseto 2 o capitolo 9.
„Ando iechto bărș lesche raimasco, me, o Daniel, hachiardem andal lila chichi bărșa avelas te na mai beșel chonic ando Ierusalimo,
pala o cuvânto cai o Iehova phendea-les le profetosche Ieremia, adică 70 bărșa”.
Cana phendea o Daniel cado manglimos? Ande 539 a.a.e.
Nachle 68 bărșa de cana ando Ierusalimo ci mai beșelas chonic.
Cadea că o Daniel dichlea andel „lila” sau andel „lila sfânto” sar phenel-pe andi nota de telal.
Daștil-pe că vo citisardea so scriisardea o Ieremia, o Moise, o Isaia, o Ezechiel, o Amos hai o Osea.
Daștil-pe că o Daniel citisardea vi o Ieremia 29:10.
„Dich so phenel o Iehova: «Cana va pherena-pe 70 bărșa ando Babilono, va avela te dichav caring tumende
hai cadea sar phendem tumenghe mai anglal va avela te anav tumen parpale ande cado than»”.
O Daniel dichlea că le buchia cai întâmplonas-pe ande lesche ghiesa ameanas codolența cai sas phende mai anglal.
Vo jianglea vi sar sas phendo anda le israeliți, că va avena eliberime catar o Cirus cai deja railas.
Daștil-pe că ci jianelas sea le buchia,
tha jianelas că codol buchia avenas te pheren-pe pa țâra timpo anda codoia că manglea-pe andai iubirea loialo le Iehovaschi.
Lesco manglimos astarel catar o verseto 4 ji co verseto 19.
Sea so phendea ando manglimos sicavel că le dumes le Ieremiasche sas-le ande leschi goghi hai ande lesco ilo.
Ande iech referința phenel-pe că „o manglimos le Danielosco ci sas bazome pe iech verseto sau dui, tha pe sea o lil le Ieremiasco”.
Lesco manglimos sicavelas că le poporos sas-les nevoia catar i iubirea loialo le Iehovaschi.
Mai sicavel că o Iehova sicadea lenghe but lașimos hai mila, tha von ci camle te așunen lestar.
O Daniel phendea că sea so întâmplolas-pe lenghe sas sea so phendea o Iehova de mai anglal.
Te dichas so phenel vo ando verseto 13: „Pala sar si scriime andi Legea le Moiseschi, sea cado pharimos avilea opral amende”.
O Daniel jianelas că le profeții cai sicavenas so avelas te întâmplol-pe lența dacă ci așunenas,
sicavenas vi că daștinas te risaren-pe pale ando Israelo.
Cadai promisiunea sas ando Levitico, Deuteronomo, Isaia hai Ieremia.
Dacă mechenas-pe le nasulimastar, o Iehova îngărelas-len pale ande lengo them.
Ando verseto 19 o Daniel terminil pesco manglimos cadea: „O, Iehova, așun! O, Iehova, iertisar! O, Iehova, dich hai cher vareso!
Cher sigo cadaia, anda chio drago, o, mânro Del, că chio anav sas-lo achardo opral chio foro hai opral che manușa!”.
O Daniel phendea le Iehovasche te cherel vareso anda o drago pesche anavesco.
Chiar ande pesco lil scriisardea 19-var o anav le Iehovasco.
Si șiuto 18-var ande save 14-var si ando manglimos.
Tha sostar phendea o Daniel le Iehovasche te cherel vareso anda o drago pesche anavesco?
Vo jianelas că o Iehova phendea că va eliberila le israelițen hai dacă ci pherelas so phendea, lesco anav avelas meliardo.
O Daniel dea peschi sama că caște hachiaren con si o Iehova hai so însemnol lesco anav,
trebunas te dichen le Iehovas sar ieche Devles pherdo iubirea loialo.
Prin so cherelas o Iehova ci salvilas numai pesche poporos tha vi ujiarelas pesco anav.
So sichioas anda cado manglimos hai sar zuriarel amen te pachias vi mai but că o Iehova va sicavela vi amenghe iubirea loialo?
Ando iechto than, o Iehova ci mechel pesche poporos.
Le buchia nasul prin save nachle le israeliți sas le buchia cai phendea-len o Iehova de mai anglal.
Hai daștinas te pachian că dacă falas-len nasul avenas te bucurin-pe catar sea so promitisardea lenghe o Iehova, hai cadea sas.
Cadaia zuriarel vi amen. Dacă cheras iech greșela hai fal amen nasul, o Iehova va iertila amen hai va ajutila amen.
Cadea sar sas-lo pașa o Daniel hai pașa le israeliți, Vo va avela vi pașa amende hai ci va mechela amen.
Ando duito than, cana sichioas anda le profeții zuriaras amaro pachiamos andi iubirea loialo le Iehovaschi.
Cadaia ajutisardea le Danielos te pachial că so phendea o Iehova va pherela. Atunci cadea trebul te cheras vi amen.
Ando articolo anda augusto 2023, „Te prinjianas mai mișto le profeții andai Biblia” phenel-pe:
„Cana dichas sar chichiva profeții anda o Cuvânto le Devlesco pherdile-pe deja, zuriarel-pe amaro pachiamos ando Iehova hai andi îndrumarea cai avel lestar.
Sa cadea le profeții ajutin amen te dichas pherde pachiamos caring amari șucar speranța chiar cana aghies nachas prin pharimata”.
Ando trinto than, i iubirea loialo sili phangli le anavesa le Iehovasco. Cadaia sicavel con silo Vo.
O Daniel jianelas cadaia hai vi amen jianas. I iubirea cai sicavela amenghe o Iehova cherel partea anda leste,
cadea că de o drago pesche anavesco, o Iehova va pherela sea so phendea hai daisaras te pachias cadaia ciaces.
Hai ando ștarto than, o Iehova sicavel amenghe le buchia co mai lașio timpo.
O Daniel dichlea o phanglimos mașcar le buchia cai întâmplonas-pe hai mașcar le profeții.
O Iehova phendea lesche co mai lașio timpo so trebulas te jianel. Vi ande amare ghiesa o Iehova cherel sa cadea.
Jianas că le neve hachiarimata anda le profeții hai vi codola anda o baro necazo sicaven că o Iehova îndrumil amen vi aghies.
Dacă gândisaras amen co manglimos le Danielosco va avela te pachias amen vi mai but andi iubirea loialo le Iehovaschi.
Chiar cana nachleam, nachas sau va avela te nachas prin pharimata te pachias ciaces că o Iehova va sicavela vi amenghe iubirea loialo.
So șucar!
Iech buchi cai sichileam anda cadal versetea si că dacă prinjianas mișto le Iehovasche promisiuni ci va avela te daras anda so va avela.
Ando viitorii, milioanea manușa va avena jiuvinde.
Ajucăres vi tu varecas drago tuche caște des-les iech bari angali?
Gândisar tut ca codo manuș ando timpo so așunes i ghili anda cado șion.
O Iehova jianel că thabol o ilo ande amende te dichas pale codolen drago cai mule.
Cadea sar phenel-pe andi Biblia: „Anda leste savore sile jiuvinde”.
Zuriaras amaro pachiamos andel promisiuni le Iehovasche cana citisaras i Biblia andi șib le ileschi.
So cărdeam ca i Biblia te avel cărdi pala o originalo hai te avel traducime ande mai but șiba?
Ande 1950 sas cărde le „Scripturi grecești creștino –
I Traducerea la lumeachi nevi” hai o phral Knorr phendea sostar.
„Aghies si amen iech Biblia sa cadea de ușoro hachiarimaschi
sar sas le lila cai scriisarde-len le apostoli anda le manușa cai traisarde ande lenghe ghiesa.”
Le timposa sas cărde vi aver cotora hai ande 1961,
„I Traducerea la lumeachi nevi” andi engleza sas-li cărdi cu sea.
Cadea că sas amen iech Biblia cărdi pala o originalo, ușoro hachiarimaschi hai cai așarelas o anav le Iehovasco!
Astardea-pe te traducil-pe vi ande aver 6 șiba.
Ande dui bărșa, șov phrala traducisarde le Scripturi grecești creștino ande penghe șiba.
Cu sea cadala, trebulas but timpo caște traducis iech Biblia hai ande aver șiba trebulas mai but sar 20 bărșa caște avel traducime.
Pala 30 bărșa so sas traducime „I Traducerea la lumechi nevi” andi engleza, voi sas-li cărdi numai ande 12 șiba.
Caște traducin mai sigo, ande 1989, sas cărdo iech nevo departamento co sedio mondialo:
O departamento anda o servicio andai traducerea.
Vi aghies cado departamento ajutil le phralen pa sea i phuv te traducin i Biblia hai lila cai bazon-pe pi Biblia.
Sicavel codolen cai traducin hai del răspunso ca lenghe pușimata.
Hai le traducători șion but pușimata caște cheren iech traducerea lași.
Cado departamento mai sicavel le echipen sar te traducin i Biblia.
Mai anglal sicavel-len te jianen save si le mai importanto buchia.
Sar exemplo, le dumes andai Biblia, sar hachiaren-pe chichiva versetea hai so dumes te folosin caște cherel-pe iech imaginea.
Chichiva versetea si mai phare te aven traducime, tha le imagini ajutin le traducătoren te hachiaren mișto iech verseto caște traducin-les.
I echipa trebul te alosarel dumes cai amean codolența andai șib originalo.
Dacă silen iech pușimos, le traducători daștin te bișalen-les co departamento anda o servicio andai traducerea.
Le răspunsuri sile șiute ande iech aplicația specialo. Ande late si 140 000 pușimata andai traducerea la Bibliachi.
Le pușimata cai șion-len le echipe ajutin-len te cheren sigo penghi buchi hai te cheren iech traducerea lași.
Cana o phral Schroeder sas-lo pușlo ande chichi șiba pachial că va avela traducime „I Traducerea la lumeachi nevi”, vo phendea:
„Ande sea le șiba cai si traducime «O Turno de veghe»”.
Hachiardea că iech traducerea lași ajutilas le manușen te prinjianen mai mișto o ciacimos.
Ji ando bărș 1995, le phrala hachiarde că trebunas te traducin i Biblia ande mai but șiba pala i Biblia originalo.
Ande chichiva thana le phralen ci sas-len „I Traducerea la lumeachi nevi”, cadea că folosisarde aver traduceri.
Andel congregații cai barionas sigo, sas numai iech Biblia sau dui.
Ande but traduceri sas sicaimata hohamne sau sas șiute le anava avere devlenghe ando than le Iehovasco.
Pala so samas sicade hai sas amen sea le instrumentea, ande 2004, o Corpo de Guvernare lea seama ca i Biblia te avel traducime ande sea mai but șiba.
Le echipe cai traducinas de but timpo „O Turno de veghe”, daștinas te astaren te traducin vi i Biblia.
Acana daștilas te cherel-pe so pachiaia o phral Schroeder!
Cadea că le echipe trebunas te cheren but buchi.
Chiar cana i Biblia sili gata i buchi ci așavel-pe. Le timposa, le traduceri trebun lașiarde anda codoia că le șiba paruven-pe.
Tha le dumes anda i șib originalo trebun te așen claro.
Aghies, cam 700 phrala hai pheia den sea pengo timpo caște traducin i Biblia.
Chiar cana ci lel amenghe but timpo te descărchisaras-la voi sili traducime cam ande 5 - 7 bărșa.
Le ajutorosa le Iehovasco, daisardeam te cheras ande mai but sar 325 șiba
iech traducerea pala originalo ande savi sas șiuto o anav le Iehovasco.
I Traducerea la lumeachi nevi sili vi ande aver șiba cai den duma țâra manușa.
Hai cana le phrala primin-la sile zurales bucurime.
I traducerea la Bibliachi anda le manușa anda orisavi națiunea, tribo, șib hai them
si iech buchi prin savi arăsas co ilo le manușengo.
Vi tu daștis te cheres vareso.
Cana citis andai Biblia, mech te arăsăl ande chio ilo hai te ajutil tut te phenes vi avereghe laco mesajo cai salvil vieți.
Camleanas te cheles vi tu codole phralența?
Si iech bari bucuria te avel amen „I Traducerea la lumeachi nevi” andi șib le ileschi.
So sichileam anda cadai emisiunea?
Cana las amen pala i Biblia daisaras te încăras amari iach sastevesti hai sea amaro corpo va avela pherdo lumina.
Chiar dacă na-i ușoro te cheras mai simplo amari viața te slujisaras le Iehovasche, va avasa mai fericime.
Dacă beșes pașa iech Betelo daștis te jias te cheres buchi cana si nevoia?
O lil Zaharia ajutisardea amen te dichas o zuralimos le Iehovasco hai sar daisaras te zuriaras averen.
Hai so ghili șucar! Na jianav dacă tumen, tha man placiaia man but.
Va avela zurales șucar cana codola drago amenghe va avena pale jiuvinde.
Ande cado șion va avela te dichas amare phralen anda o Luxembourg.
O Luxembourg si iech them ando mașcar la Europeaco.
Cado anav țârdel-pe anda le dumes cai însemnol „o țâno garaimos”.
Ande cado them si 70 castelea.
O Castelo Bourscheid silo pașa i len Sûre hai pașa leste si 11 turnuri.
O Castelo Vianden de pașa leste sas-lo cărdo acana 700 bărșa pe iech fundația cai sas cărdi catar le romani acana mai but sar 1 700 bărșa.
Cadea sar așile zurale but bărșa cadal castelea, vi amare phrala așile zurale andel zumaimata.
Sar exemplo, cana le rașaia camle te așiaven i predicarea, o Eugene Reuter mechlea le phralen te folosin lesco chăr caște cheren i buchi le Devleschi.
Ande 1933, o chăr le phralesco sas o iechto than anda o them cai sas încărde le lila hai catar sas-le bișialde.
Vo sicadea tromai hai pachiamos cana șiutea o anav amara organizațiaco pe pesco chăr.
I Rosalie Fonck sas-li phandadi ande 1940 anda codoia că arachle ande laco chăr lila biblico.
Le autorități phende lache te phenel le phralenghe anava hai con conducil-len.
Voi phendea lenghe: „Mânro conducătorii si o Iehova”.
Ande sa codo timpo, o Victor Bruch sas-lo phandado anda codoia că ci camlea te lel partea co războio.
Vo sas-lo bișaldo ando lagăro catar o Buchenwald.
Le phrala sas-le șiute te așen but ceasurea ande pânrende, te cheren buchi pi riat hai te phiraven sea o timpo caștune papuci.
Tha, von zuriarde-pe mai dur iech averes. O Victor așilea zuralo vi ando Auschwitz hai dea duma mai dur anda o Regato.
Vi aghies ando Luxembourg si sa codoi iubirea hai pachiamos anda o ciacimos.
Mai but sar 2 000 phrala phenen i vestea lași ande 10 șiba.
Le phralen placial-len te han ande iech than zumi anda făsâi zeleno, mas balesco hai făsâi.
Ca le întruniri, len placial-len te ghilaban anda sea o ilo.
Aven te dichas sar ghilaban le 84 phrala anda i congregația Allemand.
Le phrala anda o Luxembourg camen te phenen amenghe că meren anda amende.
Vi amen meras anda tumende!
Dichlean o JW Broadcasting catar o Sedio Mondialo le Martorengo le Iehovasche.

JW Broadcasting – octombria 2026
- 

JW Broadcasting – octombria 2026

Mișto avilean co JW Broadcasting!
Poiechdata jias co doctoro te cheras iech controlo co iacha, tha amaro amalimos le Iehovasa sar silo?   
Dacă simțosaras că amaro amalimos le Iehovasa șudrilea, so daisaras te cheras caște lașiaras cadai buchi?
Chichiva încărde zuralo pengo amalimos le Iehovasa cana cărde buchi co Betelo cana sas nevoia. Sar cheren cadaia?
Mai dur, va avela te dichas sar traducisardea amari organizația i Biblia andel bărșa cai nachle.
Bucurin tumen catar cadai emisiunea!
Tumen dichen mișto?
Dacă phiraven lentile sau ochelari cadea sar me, însemnol că ci dichen prea mișto.
Man si man miopia hai ci dichav mișto de durial, cadaia însemnol că i imaginea cărdiol angla i retina, na pe late.
Anda codoia ci dichen-pe claro le buchia cai sile mai dur.
Mai si vi i hipermetropia, cade le imagini cheren-pe palal ca i retina, anda codoia ci dichas mișto le buchia de pașă.
Chichiva manușen silen ca iech iach miopia hai ca i coaver hipermetropia.
Le lentile ajutin amare iachen te dichen mișto le imagini.
Le iacha daștin vi te corion hai cado nasfalimos va avela sastiardo numai andi lumea nevi.
Cu sea cadala, le iacha daștin te aven vi mai nasfale sar so dichleam.
O Isus dea duma anda cadaia andi Predica pa o plain.
Te citisaras o Matei 6:22, 23: „I iach si sar iech lampa”.
Te gândisaras amen iech țâra. So camlea te phenel o Isus?
Vo cărdea iech comparația. I iach si sar iech lampa cai thabol ando tunearico cai ajutil amen te na peras.
Cana o Isus dea duma anda i iach, vo camlea te phenel sar trebul te dichas amen le buchia cai o Del manghel-len amendar.
Mai dur, o Isus dea duma anda dui buchia. Aven te dichas-len.
„Cana chi iach si sastevesti, sea chio corpo va avela pherdo lumina.
Tha cana chi iach sili coriardi bute buchiandar, sea chio corpo va avela ando tunearico”.
O Isus dea duma anda i iach sastevesti hai anda i iach coriardi. 
I iechto cherel amari viața mai lași hai i coaver mai phari. 
Cadea că, pe soste șioas amare iacha daștil te cherel amenghe mișto sau nasul.
I mai importanto buchi trebul te avel amaro amalimos le Iehovasa.
Aghies va dichasa că si zurales importanto te slujisaras le Devlesche.
Tha so camel o Del amendar?
Vo camel te prinjianas-les, te pașioas lestar, te așunas-les hai te iubisaras-les anda sea amaro ilo.
O Isus mechlea amenghe iech lașio exemplo.
Ando Ioan 6:38 phenel-pe că vo „avilea anda o cerii na te cherel peschi voința, tha Codoleschi cai bișaldea-les”.
I mai importanto buchi anda leste sas te slujil le Iehovasche hai dea sea pesco timpo hai zuralimos anda leste.
Ci camlea te avel dichlo averendar sar iech baro manuș hai nici na camlea te avel barvalo.
O Isus sicadea vi pesche discipolen te slujin le Devlesche. 
Vo phendea lenghe că numai codola cai slujin le Devlesche va jiana ande lesco Regato.
Vi anda amende, i mai importanto buchi trebul te avel o Regato le Devlesco hai te predichisaras iagasa ando ilo.
Cana si amen iech iach sastevesti, va avela amen iech viața simplo.
Ci va avela te mechas amen țârdine le buchiandar andai lumea cai camel-len amaro ilo.
Cana cheras cadea, amari viața va avela pherdi lumina.
Tha codola cai lenghe iacha sile coriarde pala but buchia ci mai dichen so si ciaces importanto.
Von phiren numai pala le buchia cai camel-len lengo ilo.
Andel Proverbe 17:24 phenel-pe, că lenghe iacha „hasaren-pe ji co șăro la phuveaco”.
Von camen te avel-len but buchia, tha ci camen so si mai importanto.
Codola cai gândin-pe numai ca le love, lenghi viața va avela cali.
Caște hachiaras so camlea te phenel o Isus, te dichas iech imaginea.
Cado deseno sas-lo cărdo ande 1915 ieche bare manușestar.
Ande cado deseno daisaras te dichas diferime buchia.
Cade si o șăro hai le phiche iecha tărneache hai iecha phureache.
Dichen-len?
I tărni dichel ande iech rig, cade si i falca stângo, o can stângo, o nach, le gene, o taloni, hai o lanțo catar i cor.
Cade si le bala, i pălăria hai le phiche.
I phuri jiuvli dichel ande tumari stângo rig.
Cado si laco nach, i iach stângo, o mui, o taloni. 
Hai cade si lache bala, i pălăria hai le phiche.
Ci daisaras te dichas le duie jiuvlean ande sa codo timpo. 
Trebul te alosaras caste te dichas, numai cadea hachiaras i imaginea.
Sostar deam duma anda cadaia?
Sar diches i lumea de aghies hai i lumea nevi le Devleschi?
O Satan camel te cherel tut te diches leschi lumea șucar hai că daștil te avel tut oriso cames.
O ciacimos si că leschi lumea si sar i phuri jiuvli cai na pa but timpo, o Regato le Devlesco va chosela-la cu sea.
Daisaras te phenas că i lumea nevi si sar i tărni jiuvli cai si sastevesti hai pherdi zuralimos.
Atunci o Iehova va dela fiesaves sea so camel lesco ilo.
Trebul te avas goghiaver caște hachiaras savi si i diferența mașcar i lumea le Devleschi hai le Satanoschi.
Cheras cadaia, cana dichas prin i lentila uji, adică ando Cuvânto le Devlesco.
Na-i sar te cheras vi le dui de iech data. 
Ci daisaras te das le Iehovasche sea amaro ilo hai sea ande codo timpo te mechas amen țârdine cadala lumeatar.
O Ioan dichlea i lumea prin le Iehovasche iacha. Te citisaras so phendea vo anda late ando 1 Ioan 2:15-17.
Cade del duma anda dui buchia cai ci trebul te iubisaras-len.
Te pușias amen: „Anda cadal dui buchia savi si i mai ușoro te na iubisaras-la?” 
„Na iubin i lumea hai nici le buchia anda late! Dacă varecon iubil i lumea, i iubirea anda o Dad na-i ande leste,
anda codoia că sea so si andi lumea – le buchia cai camen-len o mas, le buchia cai camen-len le iacha
hai că varecon del-pe baro le buchianța cai siles – ci aven le Dadestar, tha aven anda i lumea.
Mai but, i lumea nachel hai vi lache buchia, tha con cherel i voința le Devleschi așel anda sea o timpo”.
Mașcar le dui „i lumea hai le buchia anda late”, so si mai ușoro te na iubisaras?
Na-i cadea că i lumea?
Ajucăras but ca i religia hohamni, i politica hai o comerțo te aven chosle cu sea. Abia ajucăras codo ghies!
Andi lumea le Satanoschi, si but buchia cai daștin te țârden amare iacha.
Chichiva buchia sile cadea de șucar, că meras pala lende.
O Satan camel te ciorel amare iacha hai cherel cadaia prin le but șucar buchia anda leschi lumea. 
Cado si o mai baro athaimos. Gândin tumen so cărdea la Evasa cana sicadea lache numai iech fructo.
Cadea că te rodas sea o timpo ande amaro ilo, te dichas dacă silo țârdino la lumeatar.
Dacă iech manuș le Devlesco camel but iech buchi andai lumea le Satanoschi, va avela lesche pharo te cherel i voința le Devleschi, cai si i mai importanto buchi.
I mai importanto buchi anda amende si te das sea so si amen mai lașio le Iehovasche.
Cadea sar jias te cheras iech controlo ca le iacha, sa cadea trebul te dichas sar si amaro amalimos le Devlesa hai te lașiaras amende so mai trebul.
Catar jianas sar si amaro amalimos le Devlesa? Anda i Biblia.
Si diferime catar o tabelo cai folosin-les le doctori.
Si chichiva calități cai arachas-len co 2 Petru 1:5-7. Te pâtras cade.
„Anda codoia, den tumari zor te șion ca tumaro pachiamos i virtutea, ca i virtutea, o prinjianimos, co prinjianimos, i stăpânirea de sine,
ca i stăpânirea de sine, i perseverența, ca i perseverența, i devoțiunea sfânto, ca i devoțiunea sfânto, i iubirea phralicani, cai iubirea phralicani, i iubirea”.
Chichi de but folosisaras cadal calități ande amari viața? Te das duma anda fiesavi.
O pachiamos: cana si amen pachiamos daisaras te sicavas vi le coaver calități.
Cadea că, te zuriaras-les sea o timpo.
Cana amaro pachiamos silo zuralo va avela te pachias că sea so promitil amenghe o Iehova, va pherela-pe.
I virtutea: voi însemnol te cheras so si lașio andel iacha le Devlesche.
Cadai calitatea ci mechel amen te duchavas averen. Tha ajutil amen te cheras so si mișto anda aver.
O prinjianimos: ajutil amen te jianas so si mișto hai so si nasul cana nachas prin diferime situații.
Cana sichioas mai but anda o Iehova, hachiaras so camel o Del amendar hai cadea va jianasa te alosaras mișto ande amari viața.
I stăpânirea de sine: cadai duma grecisco însemnol „te încăras amen parpale”.
Cadai calitatea ajutil amen te avas cadea sar camel o Del: te încăras parpale amare gânduri, amare dumes hai amaro phiraimos.
I perseverența: cadaia însemnol te jias angle pherde tromai anda codoia că o Iehova del amen zuralimos.
Cadaia ajutil amen te na hasaras amari speranța anda codoia că o Iehova del amen zuralimos te nachas părdal le zumaimata hai le persecuții.
I devoțiunea sfânto: cadaia însemnol te das iech bari pachiv le Iehovasche hai te așias pașa lesco Regato.
Voi ajutil amen te dichas sar phiravel-pe o Iehova pesche manușența hai te traisaras amari viața cadea sar camel Vo.
I iubirea phralicani: cadai calitatea ajutil amen te las amen pala o Iehova.
Voi ajutil amen te dichas părdal le phralenghe greșeli, te sicavas lenghe iubirea hai te das amari zor te ajutisaras-len.
I iubirea: iubisaras sea le manușen, na numai amare phralen hai pheian.
Cheras cadaia cana ci cheras diferențea hai das duma anda o Regato savorența.
Ando 2 Petru 1:8, 9 dichas sar va avasa pala so sicavas cadal calități.
„Cadea că, dacă si ande tumende cadal calități hai va bariona sea mai but,
von ci va mechena tumen te așen pe thaneste bi te cheren chanci sau bi te den rodo.
Anda codoia că, cas ci siles cadal calități silo coro, phandavel pesche iacha”.
Si importanto te dichas sar si amaro amalimos le Iehovasa.
Dacă das sea amari zor te bariaras le ohto calități anda save dea duma o Petru,
va avela te das rodo andi buchi le Devleschi hai ci va avela te beșas pe thaneste bi te cheras chanci.
Tha dacă ci bariaras cadal calități va avela te duriaras amen le Iehovastar.
Daștil-pe că deam amari seama că trebul te cheras chichiva paruimata hai te încăras amare iacha pe so si ciaces importanto.
So daștil te ajutil amen? Te dichas ștar buchia.
I iechto: te sichioas andai Biblia hai te gândisaras amen late.
Dacă si amen iech iach nasfali, jias co doctorii, vo șiol amenghe picături hai șiol pe late iech pansamento ji cana va avela te sastiarel-pe.
Sa cadea, cana citisaras ande fiesavo ghies andai Biblia, voi sastiarel amen cadea sar le picături.
Hai cana gândisaras amen late hachiaras so trebul te cheras.
Cadaia ajutil amen te gândisaras amen ca i voința le Iehovaschi hai ca i speranța cai Vo dela amenghe.
O William Barclay phendea: „Anda iech creștino ciacio ci trebulas te avel pharo te citil andai Biblia.
Mai but, vo trebul te avel bucurime anda codoia că jianel că cadaia zuriarel-les”.
I duito buchi: te cheras so sichioas.
Cadea sar le exerciții ajutin i iach te dichel mai mișto, sa cadea caște avel amen iech viața mai lași trebul te cheras so sichioas.
Si importanto vi te phenas i vestea lași iagasa ando ilo hai te avas mișto pregătime ca le întruniri.
I trinto buchi: te mechas ca o spirito sfânto te cherel buchi ande amende.
Poiechdata o doctoro daștil te folosil iech lasero cana i retina ci așel mișto pi iach.
O spirito sfânto le Devlesco silo zuralo hai vo cherel buchi sar iech lasero.
Zuriaras amaro pachiamos, cana mechas ca o spirito sfânto te cherel buchi ande sea so cheras.
I ștar-to buchi: te mechas amen ajutime. Poiechdata o doctoro phenel amenghe că trebul amenghe operația.
Sa cadea, poiechdata trebun amen zurale sfaturi caște avas ortosarde hai le phure jianen sar te den-len amenghe cana folosin i Biblia cai șinel mai zurales sar o bisturio.
Cana așunas-len, pașioas sea mai but le Iehovastar.  
Cadea că, so sichileam?
Cana încăras amare iacha ca le buchia importanto hachiaras savi si i voința le Devleschi hai pachias amen ande lesco Regato.
Tha dacă amare iacha sile coriarde, ci mai dichas mișto hai i lumea nevi, nai-li ciaci anda amende.
Amare iacha ci daștin te dichen ande sa codo timpo ca dui buchia.
Dacă iubisaras le buchia anda i lumea, ci daisaras te cheras vi i voința le Devleschi.
Țâra po țâra ci mai sili importanto anda amende hai bâstras so camel o Del.
Cadea că si zurales importanto te încăras amare iacha pe i voința le Devleschi,
te iubisaras-les hai te das-les sea so si amen mai lașio.
Va dichasa sar iech familia zuriardea pale pesco amalimos le Iehovasa hai sar sas-li mai fericime.
Cana sas amen cam 20 bărșa, leam love catar i banca hai chindeam amenghe iech apartamento ando mașcar la Vienaco. 
– Sas iech apartamento șucar.
– Da, cadea si.
Si zurales șucar te avel tut chio chăr.
Sea so camlem sas te cherav but love.
Pachiaiem că numai cadea daisarav te cherav fericime mânra rromnia.
Arăsleam te na mai jias ca le întruniri sar mai anglal.
Ci mai cărdeam buchia ande iech than caște zuriaras amaro amalimos le Iehovasa, cadea că șudrileam iech averestar. 
Le phure avile te zuriaren amen.
Iech anda lende phendea manghe că me som o șăro la familiaco,
anda codoia me trebul te ajutiv mânra rromnia te încărel pesco amalimos chidino le Iehovasa. 
Cadea că…  
– Na numai te des man love, na-i cadea?
– Cadea si. 
– Da. 
– Șiutea man po gânduri.
Camlem te avav iech șăro la familiaco lașio hai i Doris te avel fericime,
cadea că dem mânri sama că numai dacă șioas le Iehovas po iechto than ande amari viața va avela fericime.
Deam duma but hai astardeam pale te mangas amen le Iehovasche ande fiesavo ghies.
Pala iech timpo, deam amari sama că trebul te cheras vareso le apartamentosa.
Mangleam amen anda cadaia hai phendeam le Iehovasche: „Iehova, ajutisar amen te las pa amaro șăro cado pharimos”.
Hai daisardeam. Bichindeam-les, cadea că ci mai sas amen niciech camimos.
O congreso anda 2014 zuriardea amen but. 
Te șioas o Regato po iechto than hai o Iehova va lela sama le coaver buchiandar.
Sas i iechto data cana cărdeam cadaia hai dichleam că o Iehova lel sama vi amendar, na numai averendar.
Pe thaneste, deam duma le Iehovasa anda cadaia. Sas i iechto data cana camlem te cherav mai but anda o Regato.
– Hai cărdeam.
– Cadea si.
O congreso sas ando milai hai pala o milai astardeam te cheras ande fiesavo șion o pionierato auxiliaro.
Andel construcții ci prea araches te cheres buchi dipaș ghies hai cana alosardem te cherav mai țâra buchi,
chiar șiutem co zumaimos le Iehovas.
Dem mânri sama, că va avela te cherav mai țâra love sar mai anglal.
Manglem man but le Iehovasche anda cadaia.
Manglem lesche te del man o tromai caște jiav ca mânro șefo hai te phenav lesche că camav te cherav buchi mai țâra
hai vi te pachiav man cu sea ande leste că va lela sama amendar.  
Placialas amen but te cheras o pionierato auxiliaro, cadea că gândisardeam amen „So avelas te cheras o pionierato regularo o bărș cai avel?”. Hai cărdeam amenghe iech plano.
Phendeam amenghe: „Te astaras o pionierato!”.
– Hai samas cadea de fericime.
–  Jilas amenghe sea mai mișto. 
– Ciaces, cadea si. 
– Da. 
Pala iech timpo alosardeam te îngăras iech viața vi mai simplo. Cadea că muchisaileam ande iech apartamento mai țâno.
Si amen sea so trebul amen hai simțosaras amen mișto cade. 
Camav te sicavav tumenghe iech Turno cai ajutisardea amen zurales but.
Ando articolo „Te colaborisaras le Iehovaia ande fiesavo ghies”, phenelas-pe, hai camav te citiv de catar: 
„Placialas tut te primis mai but sicaimos caște cheres mai but anda o Iehova? Dacă daștis, cher i cererea anda i Școala andal Evanghelizatori”.
–  Simțosardeam că o Iehova delas amenghe duma.
–  Ci mai sas so te așiavel amen. Hai pala codoia…
– Samas acharde ca i Școala.
– Da, samas acharde.
– Sas șucar.
– Da.
Ci sas ușoro te lav manghe libero dui șiona anda i Școala.
O ciacimos si că ci lem manghe libero, mechlem man la buchiatar hai ci fal man nasul.
Dacă avelas te alosarav încă iech data, sa cadea avelas te cherav. Cadai Școala...  
Sicadea amenghe so but iubil amen o Iehova.
Simțosardeam că pachial-pe ande amende. Si vareso zurales șucar!
Samas bișalde ande iech congregația șucar. Si man i mai șucar viața.
Placial man te cherav pionierato mânra rromniasa, i Doris.
O Iehova sea o timpo sicadea amenghe iubirea hai lea sama te avel amen sea so trebul amen.
Si ciaces, ci si amen cadea de but buchia sar mai anglal, tha acana sam mai liniștime. Ci fal amen nasul chancestar.
– Ba, avelas vareso.
– So?
Că ci cărdeam cadaia mai sigo.
Cadea si.
Cadal phrala alosarde te așunen catar o Iehova hai parude penghi viața.
Chiar dacă nai-len cadea de but buchia, von sile ciaces fericime.
So daștis te cheres dacă si tuche pharo te trais mai țâra buchianța? Na dara. O lil Zaharia daștil te ajutil tut. 
Bâstărdem so but șucar buchia si ando lil Zaharia.
Vi me. Sea o curco ajucărdem te das duma anda cado lil. San gata? 
Sar te na. Gândisardem man so phari sas i viața le evreienghi, sas-len but dușmani hai but manușa cai așenas lenghe contra.
Sas-le perade hai vi mai but trebunas te lașiaren o templo hai o Ierusalimo, tha trebunas te len sama vi penga familiatar.
Pachiav că sas lenghe pharo, cadea sar si vi aghies.
Da cadea si. Hai falas-pe că sile covle anda codoia că ci sas-len armata.
Von sas numai iech grupo țâno cai trebunas te cheren sea cadal bare buchia.
Anda codoia bișaldea o Iehova le Hagaios hai le Zaharias te zuriarel-len.
Cadea si. O mesajo claro cai phendea lenghe o Hagai ajutisardea-len te astaren i buchi.
Hai o Zaharia zuriardea-len te na mechen-pe hai te pachian-pe mai dur ando Iehova.
Si cadea de but buchia cai sichioas-len anda cado lil. Hai te rodas țâra po țâra.
O video anda soste del-pe duma ando lil ajutil amen te hachiaras le profeții mesianico.
Da, hai dichlem vi ca so arachel-pe ande cado lil andi Traducerea la lumeachi nevi.
Dichlem i panji-to viziunea anda o lampadaro hai le dui măslini.
Șucar. Hai so arachlean?
Cana rodem mai but arachlem iech articolo anda o Turno de veghe, anda martia 2022: „Diches vi tu so dichlea o Zaharia?”. 
Ajutisardea man but so arachlem cade. 
Oh, sar arachlean-les?
Folosisardem o Indexo anda le versetea hai dichlem fiesavi referința.
Mișto.
O articolo phenelas că o uleio si o spirito sfânto le Iehovasco, iech baro zuralimos cai ci terminil-pe niciechdata.
Îhî. Gândisar tut so but ajutisardea cadaia le evreien.
Sas-le chine hai perade, tha acana jianenas ciaces că o Iehova ci avelas te lel pesco vast pa lende.
O Iehova zuriardea-len vi mai but, cadea sar dichas anda le versetea 6 hai 7:
„«Cadala ci va cărdiona-pe nici prin armata, nici prin o zuralimos le manușesco, tha numai prin mânro spirito», phenel o Iehova le armatengo.
Con san tu, baro plain? Angla o Zorobabel va avela te cărdios iech than orta.”
Cadal versetea sicaven că codola cai așenas lenghe contra sas sar iech baro plain.
Tha o Zaharia phenel că cado plain va avela cărdo iech than orta.
Cadea că nici le persani hai nici aver dușmani ci avenas te așaven-len, anda codoia că o Iehova sas-lo lența.
Daștil-pe că dichle ande penghi goghi sar codo baro plain cărdiol iech than orta.
Hachiarde că prin o spirito le Iehovasco avenas te cheren penghi buchi, na prin lengo zuralimos hai goghiaverimos.
Ciacimos si tut. Cado mesajo zuriardea-len.
Chiar cana sas-len but pharimata, le evrei pachiaie-pe ando Iehova hai cărde penghi buchi.
Cam pala 4 bărșa terminisarde o templo.
Simțosarde o spirito le Iehovasco.
Chonic ci așilea lenghe contra hai le națiunenghe sas phendo te den le evreien sea so trebul-len caște vazden o templo.
Cadai buchi sas cărdi numai prin o spirito le Iehovasco.
Hai o plain ci mai sas. 
So sichioas anda o Iehova? 
Anda cadai viziunea sichioav că so amen ci daisaras te cheras, o Iehova daștil te cherel pesche spiritosa.  
O Iehova jianel că poiechdata sam sar le evrei, chine, perade hai darade. 
Cadea că vo camel te dichas chichi de bari si leschi zor hai cadai profeția ajutil amen.  
Camav te citiv o lil Zaharia cadea sar cana dichav mânre iachența sea so întâmplol-pe code.
Cadea si. Sar o articolo cai arachlean-les „Diches vi tu so dichlea o Zaharia?”.
Cadea că sar daisaras te cheras so sichileam?
Si ciaces, poiechdata som zurales chini. Si amen but te cheras ande fiesavo ghies.
Pașa le buchia spiritualo trebul te las sama amara familiatar, te jias ca i buchi, te las sama catar amaro sastimos hai te așias zurale andel pharimata.
Poiechdata avel manghe te conectiv man de chăral ca le întruniri.
Vi manghe.
Tha cadai viziunea ajutil man te na mechav man. Hai anel manghe amintea că o Iehova va zuriarela mânro ilo te jiav mai dur.
Cadea si.
Cana simțosarav că ci mai daștiv mangav man le Iehovasche te del man pesco spirito sfânto caște cherav so si mișto.
Poiechdata trebul te jiav ca le întruniri sau andi predicarea chiar cana si manghe pharo.
Tha o Iehova va ajutila man te cherav cadaia.
Hai cadea sar o Iehova camav vi me te zuriarav averen, mai but cana sile perade sau darade.
Camav te sicavav lenghe că o Iehova lel sama lendar hai silo gata te del-len o zuralimos cai trebun-len.
Mișto gândisardean tut. 
So sichileam aghies ajutil amen vi ando viitorii cana va avela te nachas prin persecuții.
Placial man sar phendean: că ci reușisaras anda codoia că si amen iech lași situația sau că jianas amen so te cheras,
tha anda codoia că o Iehova del amen pesco spirito. 
Acana jianas so te cheras.
Te rodas țâra po țâra, te folosisaras o Indexo andal versetea hai te citisaras cadea sar cana dichas le buchia amare iachența.  
Daisaras acana te rodas mai but anda le „dui toiagurea”? 
Sar te na. Hai camav vi te rodav mai but anda le profeții mesianico.
Sar exemplo, sar ajutil amen le buchia cai cărdea-len o profeto Zaharia te jianas con sas o Mesia?   
Hai mai si vi aver viziuni. 
Si amen so te sichioas sar familia. Hai numai so astardeam te rodas mai but anda o lil Zaharia. 
So șucar! Caște jian mișto le buchia ci trebul te avas zurales goghiaver sau te avas lașe ande oriso.
Dacă așunas le Iehovastar, Vo va șiorela pesco spirito pe amende.
But alosaren te jian co Betelo te ajutin cana si nevoia hai cadaia ajutisarea-len te șion le Iehovas po iechto than.
Mai dur, aven te dichas iech materialo video.
Te train! Me som i Hye-in hai jiav co Betelo andai Coreea te ajutiv cana si nevoia. 
Jiav co Betelo te cherav buchi cana si nevoia, cadea că na-i man iech programo, hai jiav numai cana som achardi.
Ji co Betelo cherav cam 45 minutea sau iech ceaso.
Tha, anda mande na-i pharo anda codoia că placial man te tradav i mașina. 
Ande fiesavi tehara co Betelo cherel-pe i închinarea de teharin.
Iech șucar buchi cai așilea ande mânri goghi, 
sas anda o Iacov 1:2-4.
Samas sicade te dichas le pharimata sar iech ocazia anda savi daisaras te sichioas vareso.
Cana nachas prin zumaimata si mai pharo te pușias amen so sichioas anda codol situații.
Tha andi închinarea de teharin phenelas-pe că dacă sichioas corcore le Iehovasa, dacă citisaras andai Biblia,
dacă gândisaras amen ca so sichileam hai dacă mangas amen, daisaras te nachas părdal oriso pharimos avelas hai te așias bucurime.
Sea o timpo si man so te sichioav anda i închinarea de teharin.
Cherav buchi co transporto.
Cado departamento lel sama ca sea le phrala anda aver thema cai den sea pengo timpo le Iehovasche, te aven îngărde co Betelo.  
Dav mânri zor te gândiv man că sea so cherel-pe co Betelo si anda i predicarea.
Cana îngărav co Betelo le phralen cai den sea pengo timpo le Iehovasche, de fiesavi data dichav so bucurime sile.
Na-i man dumes te phenav so si ande mânro ilo că daștiv te cherav cadaia anda lende. 
Ji cana arăsas co Betelo cheras iech ceaso hai dipaș sau dui.
Tha ande codo timpo das duma anda but buchia.
Chiar dacă prinjiandeam amen numai acana, si sar cana sam amala de but timpo.
Das duma anda sar sas-lo o Iehova pașa amende hai sar ajutisardea amen te nachas părdal le pharimata. 
Cadai buchi zuriarel man but. 
Mai anglal, ci camlem cadea de but te cherav buchi co Betelo, cadea că ci cărdem i cererea.
Tha ande iech ghies, iech amal phendea manghe: „Na amen trebul te alosaras cai te slujisaras le Iehovasche”.
Gândisardem man ca so phendea hai dem mânri sama că sas-les ciacimos.
Pala codoia phendem manghe: „Trebul te mechav le buchia ande le Iehovasche vasta”.
Cadea că cărdem i cererea. Som bucurime că cherav buchi co Betelo chiar vi aghies.  
Sas manghe dar te paruvav o programo catar i buchi. Pachiaiem că ci va arăsena man le love. 
Tha cana astardem te cherav buchi co Betelo, ci mai gândisardem man cadalate.
Sea le buchia lașiarde-pe hai daisardem te paruvav mânro programo. 
Ando timpo so gălem ca i buchi hai vi co Betelo, trebulas te lav sama vi mânra familiatar.
Caște așiav zurali ando pachiamos, alosardem iech ghies ande savo te sichioav corcori le Iehovasa.
Numai cadaia încărel man pașă lestar. Cana simțov că som chini, cadai buchi del man zuralimos.
Cadea daștiv te cherav buchi mai dur co Betelo, hai te phenav i vestea lași iagasa ando ilo.
Anda mande, sea cadal buchia cai cherav-len anda o Iehova si sar cana țârdav ande mande aero ujo.
Cadea că, oriso avelas ci mechav-len de iech rig. 
„Iech ghies ando chăr le Iehovasco si mai lașio sar iech mia ande aver than!”. 
Butivar angla so te jiav co Betelo avel ande mânri goghi cado verseto.
Oricai va avela te slujiv le Iehovasche, camav te slujiv lesche iagasa ando ilo hai bucuriasa. 
Cana ajutis co Betelo trebul tuche but zuralimos.
So ajutil amara pheia te cherel sea le buchia bi te chinearel-pe?
Voi cherel pesche timpo te sichiol corcori anda o Iehova.
Cana sichioas andai Biblia arăsas te dichas le buchia sar o Iehova hai te na daras anda so va avela.
Andi închinarea de teharin, te dichas sar cărdea o Daniel cadaia.
O titlo cadala temaco si: „Te zuriaras amaro pachiamos andi iubirea loialo le Iehovaschi”.
Sostar trebul te cheras cadaia?
Daștil-pe că o modo sar samas bariarde, le greșeli cai cărdeam-len hai sea le buchia prin save nachleam cheren amen te pușas amen dacă o Iehova mai iubil amen.
Daștil-pe că aghies nachas prin buchia cai daraven amen, sar avenas te las sama amara familitar, te jias mai but ca i buchi,
le nasfalimata sau aver buchia cai cheren amen te jianas că si amen nevoia le Iehovastar.
Jianas că ando viitorii amaro pachiamos va avela zumado hai că va avela te pușas amen dacă va avela te așias zurale ando pachiamos.
Cadea că, prin oriso nachleam mai anglal, acana sau ando viitorii trebul te zuriaras amaro pachiamos andi iubirea loialo le Iehovaschi. 
Iech buchi cai ajutil amen te cheras cadaia si ando Daniel 9:4. Cado verseto si vi ando texto de aghies.
Aven te citisaras Daniel 9:4.
„Manglem man le Iehovasche, mânro Del, pâtărdem mânro ilo hai phendem lesche: «O, Iehova, o ciacio Del,
Codo baro hai castar trebul te daras, cai încăres chio legământo hai sicaves iubirea loialo caring codola cai iubin tut hai încăren che porunci».”
Cadal dumes phendea-len o Daniel ande pesco manglimos.
Vo dea duma andai iubirea loialo le Iehovaschi, anda sar încărdea pesco legământo hai le promisiuni.
Vo cherel cadaia anda codola cai încăren lesche porunci.
Cana prinjianas mai mișto cado manglimos hai hachiaras cana sas-lo phendo, pachias vi mai but că o Iehova va sicavela vi amenghe iubirea loialo. 
Sostar phendea o Daniel cado manglimos? Te dichas ando verseto 2 o capitolo 9.
„Ando iechto bărș lesche raimasco, me, o Daniel, hachiardem andal lila chichi bărșa avelas te na mai beșel chonic ando Ierusalimo,
pala o cuvânto cai o Iehova phendea-les le profetosche Ieremia, adică 70 bărșa”.
Cana phendea o Daniel cado manglimos? Ande 539 a.a.e.
Nachle 68 bărșa de cana ando Ierusalimo ci mai beșelas chonic.
Cadea că o Daniel dichlea andel „lila” sau andel „lila sfânto” sar phenel-pe andi nota de telal.
Daștil-pe că vo citisardea so scriisardea o Ieremia, o Moise, o Isaia, o Ezechiel, o Amos hai o Osea. 
Daștil-pe că o Daniel citisardea vi o Ieremia 29:10.
„Dich so phenel o Iehova: «Cana va pherena-pe 70 bărșa ando Babilono, va avela te dichav caring tumende
hai cadea sar phendem tumenghe mai anglal va avela te anav tumen parpale ande cado than»”.
O Daniel dichlea că le buchia cai întâmplonas-pe ande lesche ghiesa ameanas codolența cai sas phende mai anglal.
Vo jianglea vi sar sas phendo anda le israeliți, că va avena eliberime catar o Cirus cai deja railas.
Daștil-pe că ci jianelas sea le buchia,
tha jianelas că codol buchia avenas te pheren-pe pa țâra timpo anda codoia că manglea-pe andai iubirea loialo le Iehovaschi.
Lesco manglimos astarel catar o verseto 4 ji co verseto 19.
Sea so phendea ando manglimos sicavel că le dumes le Ieremiasche sas-le ande leschi goghi hai ande lesco ilo.
Ande iech referința phenel-pe că „o manglimos le Danielosco ci sas bazome pe iech verseto sau dui, tha pe sea o lil le Ieremiasco”.
Lesco manglimos sicavelas că le poporos sas-les nevoia catar i iubirea loialo le Iehovaschi.
Mai sicavel că o Iehova sicadea lenghe but lașimos hai mila, tha von ci camle te așunen lestar.
O Daniel phendea că sea so întâmplolas-pe lenghe sas sea so phendea o Iehova de mai anglal.
Te dichas so phenel vo ando verseto 13: „Pala sar si scriime andi Legea le Moiseschi, sea cado pharimos avilea opral amende”.
O Daniel jianelas că le profeții cai sicavenas so avelas te întâmplol-pe lența dacă ci așunenas,
sicavenas vi că daștinas te risaren-pe pale ando Israelo.
Cadai promisiunea sas ando Levitico, Deuteronomo, Isaia hai Ieremia.
Dacă mechenas-pe le nasulimastar, o Iehova îngărelas-len pale ande lengo them.
Ando verseto 19 o Daniel terminil pesco manglimos cadea: „O, Iehova, așun! O, Iehova, iertisar! O, Iehova, dich hai cher vareso!
Cher sigo cadaia, anda chio drago, o, mânro Del, că chio anav sas-lo achardo opral chio foro hai opral che manușa!”.
O Daniel phendea le Iehovasche te cherel vareso anda o drago pesche anavesco.
Chiar ande pesco lil scriisardea 19-var o anav le Iehovasco.
Si șiuto 18-var ande save 14-var si ando manglimos.
Tha sostar phendea o Daniel le Iehovasche te cherel vareso anda o drago pesche anavesco?
Vo jianelas că o Iehova phendea că va eliberila le israelițen hai dacă ci pherelas so phendea, lesco anav avelas meliardo.
O Daniel dea peschi sama că caște hachiaren con si o Iehova hai so însemnol lesco anav,
trebunas te dichen le Iehovas sar ieche Devles pherdo iubirea loialo.
Prin so cherelas o Iehova ci salvilas numai pesche poporos tha vi ujiarelas pesco anav.
So sichioas anda cado manglimos hai sar zuriarel amen te pachias vi mai but că o Iehova va sicavela vi amenghe iubirea loialo?
Ando iechto than, o Iehova ci mechel pesche poporos.
Le buchia nasul prin save nachle le israeliți sas le buchia cai phendea-len o Iehova de mai anglal.
Hai daștinas te pachian că dacă falas-len nasul avenas te bucurin-pe catar sea so promitisardea lenghe o Iehova, hai cadea sas.
Cadaia zuriarel vi amen. Dacă cheras iech greșela hai fal amen nasul, o Iehova va iertila amen hai va ajutila amen.
Cadea sar sas-lo pașa o Daniel hai pașa le israeliți, Vo va avela vi pașa amende hai ci va mechela amen.
Ando duito than, cana sichioas anda le profeții zuriaras amaro pachiamos andi iubirea loialo le Iehovaschi.
Cadaia ajutisardea le Danielos te pachial că so phendea o Iehova va pherela. Atunci cadea trebul te cheras vi amen.
Ando articolo anda augusto 2023, „Te prinjianas mai mișto le profeții andai Biblia” phenel-pe:
„Cana dichas sar chichiva profeții anda o Cuvânto le Devlesco pherdile-pe deja, zuriarel-pe amaro pachiamos ando Iehova hai andi îndrumarea cai avel lestar.
Sa cadea le profeții ajutin amen te dichas pherde pachiamos caring amari șucar speranța chiar cana aghies nachas prin pharimata”.
Ando trinto than, i iubirea loialo sili phangli le anavesa le Iehovasco. Cadaia sicavel con silo Vo.
O Daniel jianelas cadaia hai vi amen jianas. I iubirea cai sicavela amenghe o Iehova cherel partea anda leste,
cadea că de o drago pesche anavesco, o Iehova va pherela sea so phendea hai daisaras te pachias cadaia ciaces.
Hai ando ștarto than, o Iehova sicavel amenghe le buchia co mai lașio timpo.
O Daniel dichlea o phanglimos mașcar le buchia cai întâmplonas-pe hai mașcar le profeții.
O Iehova phendea lesche co mai lașio timpo so trebulas te jianel. Vi ande amare ghiesa o Iehova cherel sa cadea.
Jianas că le neve hachiarimata anda le profeții hai vi codola anda o baro necazo sicaven că o Iehova îndrumil amen vi aghies.
Dacă gândisaras amen co manglimos le Danielosco va avela te pachias amen vi mai but andi iubirea loialo le Iehovaschi.
Chiar cana nachleam, nachas sau va avela te nachas prin pharimata te pachias ciaces că o Iehova va sicavela vi amenghe iubirea loialo.
So șucar!
Iech buchi cai sichileam anda cadal versetea si că dacă prinjianas mișto le Iehovasche promisiuni ci va avela te daras anda so va avela.
Ando viitorii, milioanea manușa va avena jiuvinde. 
Ajucăres vi tu varecas drago tuche caște des-les iech bari angali? 
Gândisar tut ca codo manuș ando timpo so așunes i ghili anda cado șion.
O Iehova jianel că thabol o ilo ande amende te dichas pale codolen drago cai mule.
Cadea sar phenel-pe andi Biblia: „Anda leste savore sile jiuvinde”. 
Zuriaras amaro pachiamos andel promisiuni le Iehovasche cana citisaras i Biblia andi șib le ileschi.
So cărdeam ca i Biblia te avel cărdi pala o originalo hai te avel traducime ande mai but șiba?
Ande 1950 sas cărde le „Scripturi grecești creștino – 
I Traducerea la lumeachi nevi” hai o phral Knorr phendea sostar.
„Aghies si amen iech Biblia sa cadea de ușoro hachiarimaschi
sar sas le lila cai scriisarde-len le apostoli anda le manușa cai traisarde ande lenghe ghiesa.”
Le timposa sas cărde vi aver cotora hai ande 1961, 
„I Traducerea la lumeachi nevi” andi engleza sas-li cărdi cu sea.
Cadea că sas amen iech Biblia cărdi pala o originalo, ușoro hachiarimaschi hai cai așarelas o anav le Iehovasco!
Astardea-pe te traducil-pe vi ande aver 6 șiba.
Ande dui bărșa, șov phrala traducisarde le Scripturi grecești creștino ande penghe șiba.   
Cu sea cadala, trebulas but timpo caște traducis iech Biblia hai ande aver șiba trebulas mai but sar 20 bărșa caște avel traducime.
Pala 30 bărșa so sas traducime „I Traducerea la lumechi nevi” andi engleza, voi sas-li cărdi numai ande 12 șiba.
Caște traducin mai sigo, ande 1989, sas cărdo iech nevo departamento co sedio mondialo:
O departamento anda o servicio andai traducerea.    
Vi aghies cado departamento ajutil le phralen pa sea i phuv te traducin i Biblia hai lila cai bazon-pe pi Biblia.
Sicavel codolen cai traducin hai del răspunso ca lenghe pușimata.
Hai le traducători șion but pușimata caște cheren iech traducerea lași.   
Cado departamento mai sicavel le echipen sar te traducin i Biblia.
Mai anglal sicavel-len te jianen save si le mai importanto buchia.
Sar exemplo, le dumes andai Biblia, sar hachiaren-pe chichiva versetea hai so dumes te folosin caște cherel-pe iech imaginea.   
Chichiva versetea si mai phare te aven traducime, tha le imagini ajutin le traducătoren te hachiaren mișto iech verseto caște traducin-les.
I echipa trebul te alosarel dumes cai amean codolența andai șib originalo.  
Dacă silen iech pușimos, le traducători daștin te bișalen-les co departamento anda o servicio andai traducerea.
Le răspunsuri sile șiute ande iech aplicația specialo. Ande late si 140 000 pușimata andai traducerea la Bibliachi.
Le pușimata cai șion-len le echipe ajutin-len te cheren sigo penghi buchi hai te cheren iech traducerea lași. 
Cana o phral Schroeder sas-lo pușlo ande chichi șiba pachial că va avela traducime „I Traducerea la lumeachi nevi”, vo phendea:
„Ande sea le șiba cai si traducime «O Turno de veghe»”.
Hachiardea că iech traducerea lași ajutilas le manușen te prinjianen mai mișto o ciacimos.    
Ji ando bărș 1995, le phrala hachiarde că trebunas te traducin i Biblia ande mai but șiba pala i Biblia originalo. 
Ande chichiva thana le phralen ci sas-len „I Traducerea la lumeachi nevi”, cadea că folosisarde aver traduceri. 
Andel congregații cai barionas sigo, sas numai iech Biblia sau dui.
Ande but traduceri sas sicaimata hohamne sau sas șiute le anava avere devlenghe ando than le Iehovasco. 
Pala so samas sicade hai sas amen sea le instrumentea, ande 2004, o Corpo de Guvernare lea seama ca i Biblia te avel traducime ande sea mai but șiba.
Le echipe cai traducinas de but timpo „O Turno de veghe”, daștinas te astaren te traducin vi i Biblia.
Acana daștilas te cherel-pe so pachiaia o phral Schroeder!
Cadea că le echipe trebunas te cheren but buchi.   
Chiar cana i Biblia sili gata i buchi ci așavel-pe. Le timposa, le traduceri trebun lașiarde anda codoia că le șiba paruven-pe. 
Tha le dumes anda i șib originalo trebun te așen claro.  
Aghies, cam 700 phrala hai pheia den sea pengo timpo caște traducin i Biblia.
Chiar cana ci lel amenghe but timpo te descărchisaras-la voi sili traducime cam ande 5 - 7 bărșa.
Le ajutorosa le Iehovasco, daisardeam te cheras ande mai but sar 325 șiba
iech traducerea pala originalo ande savi sas șiuto o anav le Iehovasco.  
I Traducerea la lumeachi nevi sili vi ande aver șiba cai den duma țâra manușa.
Hai cana le phrala primin-la sile zurales bucurime.
I traducerea la Bibliachi anda le manușa anda orisavi națiunea, tribo, șib hai them
si iech buchi prin savi arăsas co ilo le manușengo.   
Vi tu daștis te cheres vareso.
Cana citis andai Biblia, mech te arăsăl ande chio ilo hai te ajutil tut te phenes vi avereghe laco mesajo cai salvil vieți. 
Camleanas te cheles vi tu codole phralența?
Si iech bari bucuria te avel amen „I Traducerea la lumeachi nevi” andi șib le ileschi.
So sichileam anda cadai emisiunea?
Cana las amen pala i Biblia daisaras te încăras amari iach sastevesti hai sea amaro corpo va avela pherdo lumina.
Chiar dacă na-i ușoro te cheras mai simplo amari viața te slujisaras le Iehovasche, va avasa mai fericime.
Dacă beșes pașa iech Betelo daștis te jias te cheres buchi cana si nevoia?
O lil Zaharia ajutisardea amen te dichas o zuralimos le Iehovasco hai sar daisaras te zuriaras averen.
Hai so ghili șucar! Na jianav dacă tumen, tha man placiaia man but.
Va avela zurales șucar cana codola drago amenghe va avena pale jiuvinde.
Ande cado șion va avela te dichas amare phralen anda o Luxembourg.
O Luxembourg si iech them ando mașcar la Europeaco.
Cado anav țârdel-pe anda le dumes cai însemnol „o țâno garaimos”.
Ande cado them si 70 castelea.
O Castelo Bourscheid silo pașa i len Sûre hai pașa leste si 11 turnuri.
O Castelo Vianden de pașa leste sas-lo cărdo acana 700 bărșa pe iech fundația cai sas cărdi catar le romani acana mai but sar 1 700 bărșa.
Cadea sar așile zurale but bărșa cadal castelea, vi amare phrala așile zurale andel zumaimata.
Sar exemplo, cana le rașaia camle te așiaven i predicarea, o Eugene Reuter mechlea le phralen te folosin lesco chăr caște cheren i buchi le Devleschi.
Ande 1933, o chăr le phralesco sas o iechto than anda o them cai sas încărde le lila hai catar sas-le bișialde.
Vo sicadea tromai hai pachiamos cana șiutea o anav amara organizațiaco pe pesco chăr.
I Rosalie Fonck sas-li phandadi ande 1940 anda codoia că arachle ande laco chăr lila biblico. 
Le autorități phende lache te phenel le phralenghe anava hai con conducil-len.
Voi phendea lenghe: „Mânro conducătorii si o Iehova”.
Ande sa codo timpo, o Victor Bruch sas-lo phandado anda codoia că ci camlea te lel partea co războio.
Vo sas-lo bișaldo ando lagăro catar o Buchenwald.
Le phrala sas-le șiute te așen but ceasurea ande pânrende, te cheren buchi pi riat hai te phiraven sea o timpo caștune papuci.
Tha, von zuriarde-pe mai dur iech averes. O Victor așilea zuralo vi ando Auschwitz hai dea duma mai dur anda o Regato.
Vi aghies ando Luxembourg si sa codoi iubirea hai pachiamos anda o ciacimos.
Mai but sar 2 000 phrala phenen i vestea lași ande 10 șiba. 
Le phralen placial-len te han ande iech than zumi anda făsâi zeleno, mas balesco hai făsâi.
Ca le întruniri, len placial-len te ghilaban anda sea o ilo.
Aven te dichas sar ghilaban le 84 phrala anda i congregația Allemand.
Le phrala anda o Luxembourg camen te phenen amenghe că meren anda amende. 
Vi amen meras anda tumende!
Dichlean o JW Broadcasting catar o Sedio Mondialo le Martorengo le Iehovasche.


-